Chalut mes gins ! Cha y est ! J’ai rattrapé tout ch’t’artard dins ches réponches à tes mails. Excusse-me cor’ mais com’ j’mets un point d’honneur à réponde à tertous, cha prind d’pus in pus d’timps. Mais, ch’est bin, j’vais pon m’plainde qu’in ch’intérèche à quo qu’j’écris. Chi j’voulos garder cha pour mi, j’mettros tout au fond d’un tiroir. A’ch’t’heure, te peux auchi t’exprimer in com, pour in faire profiter tertous et chu ch’pache Facebook. Pour ches d’mindes in mariache, j’te l’dis tout d’chuite, ch’est pon gagné. J’vais organiser un casting d’ichi peu, alors invoie t’photo et tin CV que j’prépar’te ches éliminatoires. A’ch’t’heure, j’vais parler d’chertains qui m’ontent ingueulé pach’que j’n’avos pon traité d’un sujet. Commint qu’t’as pu oublier cha ? In m’a écrit plusieurs fos…

Vingt dius ! J’sus bin obligée d’mette d’côté chertains trucs. Mes journées alle n’ontent qu’vingt-quate heures et j’sus obligée d’mette mes dogts et mes neurones in arpos d’timps in timps. I y a des sujets qu’je n’veux volontair’mint pon traiter, pach’que j’estime qu’je n’peux pon tourner in dérision chertaines cosses. Pis d’autes que j’mets à l’écart car i faut faire un chox, mais cha n’veux pon dir’te que j’les ai oubliés ! Puich’que te veux qu’in in parl’te, in va in parler. Je n’savos pon qu’ch’étot un sujet d’préoccupachion à ch’point-lal, mais t’as p’t-ête raison après tout, étant donné qu’ch’est un grind défilé ! Bah, nin, pour ches autes, ch’est pon pour montrer l’mote d’l’année prochaine, ch’est ch’salon d’l’agriculture dont j’vais t’parler. Un grand rassimbl’mint d’biêtes, mais pon toudis cheules qu’in crot.

Com’ tous ches ins, ches vaques, taureaux, chèvres et autes biêtes is ch’sont mises chu leu trinte et un. D’ailleurs, alle m’fait bin rir’te ch’t’esprèchion. J’vais m’in servir dins eune série qu’in va inaugurer chu Facebook et qui va ch’appeler ch’français, ch’est bizarre. Ch’est vrai chu sin trinte et un, alors qu’cha a été inauguré in février… Bref, eune fos dins l’année, ch’est l’totale pour ches amis ches biêtes. Douche massinte à jets, shampooing pieau sinsipe, coupe, brushing et manucures. I dot y avoir d’autes trucs, mais je n’sus pon spéchialiste. Voyache au frais d’el princesse pour aller à l’grinte ville, découvrir eune aute forme d’nature d’ù que ch’vert i fait plache à ch’gris béton et d’ù qu’ches tiots ojieaux is sont rimplachés par des drôl’tes d’ojieaux. En fait, ch’est cha pour gramint d’vaques. Adiu verte prairie, bonjour ches indrots étriqués et ch’ciel rimplaché par des tubes néon. L’seu intérêt ch’est que, contrair’mint à ch’TVG qui pach’te, ichi, au moins, alles ontent l’timps d’raviser ches guiffes d’ches voyageurs. Et même plutôt bin, pach’que cha piétin’te dur’te !

Com’ tous ches ins égal’mint, ch’est l’indrot d’ù qu’ches politiques is doiv’tent ch’montrer. D’autint qu’i y a ches élec’chions dins l’foulée. Bah, ouais ! I n’y a pon qu’ches biêtes qu’in bross’te dins l’sins d’euch poil. I n’faut pon oublier ch’monte agricole qui pèse un pods nin négligeape, quind i faut mette un bull’tin dins ch’t’urne. Inutile de t’dir’te qu’ches vaques alles in ontent vu, mais chertains pus d’autes. Ch’est com’ dins un feulleton, i y a ches premiers rôles et ches guess-stars. Dins ch’premier rôle, in ch’attindot à min Nicolas, mais i n’est pon v’nu. I a laiché l’inaugurachion à sin ministre d’l’agriculture. Cha n’a pon minqué de l’ver ches foudres d’Titine, qui li a arproché auchitôt d’avoir fait eune faute politique et qu’ch’étot un minque d’rechpect à ch’monte agricole. Loin d’mi l’invie d’faire naîte Paul et Mick, in n’a pon b’soin d’mi pour cha, mais i s’rot p’t-ête bion d’li rapp’ler, à Titine, que sin idole François Mitterrand i n’y a mis les pids qu’eune seu fos, quind i étot cindidat à ch’présidinche…

Pis, j’vais m’faire l’avocat d’euch diape, puich’que j’vais donner des excusses à min Nicolas. Hé, chiffle pon ! J’ai eu eune promo chu ch’site xkiouse ! I a gramint peur. Cha fait un bion biout d’timps que, chaque fos  qu’i arrif’ quéque part, i ch’in prind plein ches dints. Alors, chouvint, in barricade ches rues à des chintaines d’mètes à l’ronte. I a perdu l’habitute d’ches bains d’foule ! Pis, pinse un peu à sin poignet ! Te sais, ch’est com’ un athlète, i faut d’l’intraîn’mint avint d’aller serrer toutes ches mains. Ch’est fragile un poignet d’présidint. Dins ch’grind monte, in fait des poignées d’mains délicates. Ichi, i va avoir affaire à des gars robustes. Des gars d’el cimpagne qui s’rorent capapes d’el décoller d’euch sol rin qu’in le ch’couint trop fort. I va y aller à ch’salon, mais i avot b’soin de ch’le consolider avint ! Ch’est bin pour cha qu’i a pris un bion bain d’foule ch’te s’maine.

In fait, Titine, i a fait com’ ti. T’as bin été dins ch’Finistère visiter eune exploitachion laitière avint d’aller à ch’salon. D’ailleurs, t’as même déclaré qu’cha t’rapp’lot tous ches chouv’nirs d’infinche aveuc ches vaques. Te vos, ti-auchi, i y a tell’mint longtimps qu’te n’avos pon vu d’vaques, qu’i t’fallot t’intraîner avint. Com’ min Nicolas et sin poignet ! Infin, même aveuc des biottes in caoutchouc, in n’peut pon dir’te que t’étos à l’aise fache à Marguerite, même chi te t’impréchos d’ajouter que, quind t’allos chez tes grinds-parints à ch’pays basque, te amenos ches vaques dins ches montagnes, l’matin, et qu’te les rintros pour les traire l’soir. Ch’est un bieau chouv’nir, j’avoue. Martine à l’ferme. Pour mi auchi ch’est un bieau chouv’nir, même chi ch’étot in binde déchinée…

Un aute a été auchi armarqué, ch’est Eric Besson. Cha ! I n’faut pon déconner aveuc ch’t’idintité nachionale. In n’sait jamais. Dins toutes ches Charolaises, ches Béarnaises, ches Bazadaises, i faut ête sûr’te qu’i n’y aura pon d’clindestines. D’jà Rouge Flamante et Créole, ch’est limite ! Imagine que, dins ch’lo, eune Afrikaner, eune Wakwa ou eune Mazandarani alle che s’rot glichée. Cha n’va nin cha ! Hop, un tracteur pour la ram’ner chez alle ! Inchuite, in a gramint vu Villepin. Je n’sais pon chi ch’est pach’qu’i n’a pon tout compris in un passache, toudis i est qu’i y est rechté chix bionnes heures. Pour parodier (i y avot longtimps, ouais, j’sais) eune canchon arprise par Dalida : Domi Domi par-chi, Domi Domi par-lal, dins tout ch’salon, in ne vit pus que che mec-lal !

Pour l’vir, in n’a vu qu’li ! Bion, ch’est vrai auchi qu’vu ch’talle et ch’quevelure, in l’vot toudis quind i est à côté d’eune vaque. Ch’est pon com’ min Nicolas. Chi te veux qu’in l’voe chu ch’même plan, quind l’caméra alle film’te, faut l’assir d’chus. Quo, rodéo ? Ah, ouais, j’n’y avos pon pinsé. Ch’est p’t-ête bin à causse d’cha qu’i armue toudis, même quind i n’est pus d’chus. Pour arv’nir à DDV, n’pon confonde aveuc DVD, même ch’i a jué un film, l’grinte bouffe. I a goûté à tout ! I a bu à tout ! J’espèr’te que ch’est pon li qui conduisot pour rintrer à ch’baraque. Quoque, chu Xkiouse, i y a p’t-ête un pack. Nin, pon d’bière, te n’y es pus ! Bref, i étot in cimpagne, tout in rechtant à l’ville, mais chertain’mint pon pour l’cimpagne qu’in pinse. I ch’prépar’te pour 2012 ! Donc, in sait d’jà qu’ches agriculteurs is peuv’tent prévoir pour l’année prochaine et l’année d’après qu’is aurontent eune bouque d’pus à nourrir et pon d’ches moindes !

Bin intindu, quo qui s’rot ch’salon chins sin visiteur l’pus attindu, Jacques Chirac ! Pour li, ch’est tout parel à un gamin que t’immènes dins un super marché d’jouets. I fait tous ches rayons et i essay’te tout ! Et vas-y que j’te carèche l’peluche vaque. Et vas-y que j’te carèche l’peluche biquette. Chins compter qu’i n’hésite pon à goûter à tout, li-auchi. J’espèr’te que Villepin i li aura laiché quéques trucs à grignoter quind même. Ah, min jacquot et ch’nostalgie. J’allos dir’te l’nostalgie quind i étot accueilli in héros, mais cha a été cor’ ch’cas, ch’matin. Acclamé par eune foule in délire à faire pâlir Johnny. Ch’t’homme qui savot parler à l’orelle d’ches vaques. Ch’t’homme qui n’avot pon b’soin d’jean-Pierre Coffe ni Maïté pour savoir ch’que c’est eune bionne bouffe et cor’ moins d’aller à ch’Fouquet’s. Ch’t’homme qui sert d’référinche, puich’qu’in a dit à propos d’Villepin qu’i f’sot du Jacques Chirac, qu’i juot ches Jacques Chirac. Bref, un Jacques ami d’ches biêtes et d’euch monte agricole qui le li rind bin !

V’là, mes gins. J’espèr’te que ceusses qui voulotent que j’in parl’te is s’rontent contints. J’ai quind même bin fait d’attinde l’fin d’el s’maine, chinon in aurot loupé ches meilleux. Quint à la v’nue d’min Nicolas, i s’ra bin timps après d’vir ch’i y a matière à faire un n’sait quo ou ch’i y en a matière à résumer par eune phrasse com’ cheule qu’i a faite, i y a deux ins. Chirac : 1 - Sarzoky : 0. In peut toudis attinde ch’ouiquen, mais cha m’étonn’rot gramint que che score i cange !

Salut mes gens ! Ca y est ! J’ai rattrapé tout le retard dans les réponses à tes mails. Excuse-moi encore mais comme je mets un point d’honneur à répondre à tous, ça prend de plus en plus de temps. Mais, c’est bien, je ne vais pas me plaindre que l’on s’intéresse à ce que j’écris. Si je voulais garder cela pour moi, je mettrais tout au fond d’un tiroir. Maintenant, tu peux aussi t’exprimer en com, pour en faire profiter tout le monde et sur la page Facebook. Pour les demandes en mariage, je te le dis tout de suite, ce n’est pas gagné. Je vais organiser un casting d’ici peu, alors envoie ta photo et ton CV que je prépare les éliminatoires. A présent, je vais parler de certains qui m’ont engueulé parce que je n’avais pas traité d’un sujet. Comment as-tu pu oublier ça ? On m’a écrit plusieurs fois…

Bon sang ! Je suis bien obligée de mettre de côté certains trucs. Mes journées n’ont que vingt-quatre heures et je suis obligée de mettre mes doigts et mes neurones en repos de temps en temps. Il y a des sujets que je ne veux volontairement pas traiter, parce que j’estime que je ne peux pas tourner en dérision certaines choses. Puis d’autres que je mets à l’écart car il faut faire un choix, mais cela ne veux pas dire que je les ai oubliés ! Puisque tu veux qu’on en parle, on va en parler. Je ne savais pas que c’était un sujet de préoccupation à ce point-là, mais tu as peut-être raison après tout, étant donné que c’est un grand défilé ! Bah, non, pour les autres, ce n’est pas pour montrer la mode de l’année prochaine, c’est le salon de l’agriculture dont je vais te parler. Un grand rassemblement de bêtes, mais pas toujours celles que l’on croit.

Comme tous les ans, les vaches, taureaux, chèvres et autres bêtes se sont mises sur leur trente et un. D’ailleurs, elle me fait bien rire cette expression. Je vais m’en servir dans une série que l’on va inaugurer sur Facebook et qui va s’appeler ch’français, ch’est bizarre. C’est vrai sur son trente et un, alors que cela a été inauguré en février… Bref, une fois dans l’année, c’est la totale pour les amis les bêtes. Douche massante à jets, shampooing peau sensible, coupe, brushing et manucures. Il doit y avoir d’autres trucs, mais je ne suis pas spécialiste. Voyage au frais de la princesse pour aller à la grande ville, découvrir une autre forme de nature où le vert fait place au gris béton et où les petits oiseaux sont remplacés par des drôles d’oiseaux. En fait, c’est cela pour beaucoup de vaches. Adieu verte prairie, bonjour ces endroits étriqués et ce ciel remplacé par des tubes néon. Le seul intérêt c’est que, contrairement au TVG qui passe, ici, au moins, elles ont le temps de regarder les gueules des voyageurs. Et même plutôt bien, parce que cela piétine dur !

Comme tous les ans également, c’est l’endroit où les politiques doivent se montrer. D’autant qu’il y a les élections dans la foulée. Bah, oui ! Il n’y a pas que les bêtes que l’on brosse dans le sens du poil. Il ne faut pas oublier le monde agricole qui pèse un poids non négligeable, quand il faut mettre un bulletin dans l’urne. Inutile de te dire que les vaches en ont vu, mais certains plus d’autres. C’est comme dans un feuilleton, il y a les premiers rôles et les guess-stars. Dans le premier rôle, on s’attendait à mon Nicolas, mais il n’est pas venu. Il a laissé l’inauguration à son ministre de l’agriculture. Cela n’a pas manqué de lever les foudres de Titine, qui lui a reproché aussitôt d’avoir fait une faute politique et que c’était un manque de respect au monde agricole. Loin de moi l’envie de faire naître Paul et Mick, on n’a pas besoin de moi pour cela, mais il serait peut-être bon de lui rappeler, à Titine, que son idole François Mitterrand n’y a mis les pieds qu’une seule fois, quand il était candidat à la présidence…

Puis, je vais me faire l’avocat du diable, puisque je vais donner des excuses à mon Nicolas. Hé, siffle pas ! J’ai eu une promo sur le site xkiouse ! Il a très peur. Cela fait un bon bout de temps que, chaque fois  qu’il arrive quelque part, il s’en prend plein les dents. Alors, souvent, on barricade les rues à des centaines de mètres à la ronde. Il a perdu l’habitude des bains de foule ! Puis, pense un peu à son poignet ! Tu sais, c’est comme un athlète, il faut de l’entraînement avant d’aller serrer toutes ces mains. C’est fragile un poignet de président. Dans le grand monde, on fait des poignées de mains délicates. Ici, il va avoir affaire à des gars robustes. Des gars de la campagne qui seraient capables de le décoller du sol rien qu’en le secouant trop fort. Il va y aller au salon, mais il avait besoin de se le consolider avant ! C’est bien pour cela qu’il a pris un bon bain de foule cette semaine.

En fait, Titine, il a fait comme toi. Tu as bien été dans le Finistère visiter une exploitation laitière avant d’aller au salon. D’ailleurs, tu as même déclaré que cela te rappelait tous les souvenirs d’enfance avec les vaches. Tu vois, toi-aussi, il y a tellement longtemps que tu n’avais pas vu de vaches, qu’il te fallait t’entraîner avant. Comme mon Nicolas et son poignet ! Enfin, même avec des bottes en caoutchouc, on ne peut pas dire que tu étais à l’aise face à Marguerite, même si tu t’empressais d’ajouter que, quand tu allais chez tes grands-parents au pays basque, tu amenais les vaches dans les montagnes, le matin, et que tu les rentrais pour les traire le soir. C’est un beau souvenir, j’avoue. Martine à la ferme. Pour moi aussi c’est un beau souvenir, même si c’était en bande dessinée…

Un autre a été aussi remarqué, c’est Eric Besson. Ca ! Il ne faut pas déconner avec l’identité nationale. On ne sait jamais. Dans toutes ces Charolaises, ces Béarnaises, ces Bazadaises, il faut être sûr qu’il n’y aura pas de clandestines. Déjà Rouge Flamande et Créole, c’est limite ! Imagine que, dans le lot, une Afrikaner, une Wakwa ou une Mazandarani se serait glissée. Ca ne va pas ! Hop, un tracteur pour la ramener chez elle ! Ensuite, on a beaucoup vu Villepin. Je ne sais pas si c’est parce qu’il n’a pas tout compris en un passage, toujours est-il qu’il y est resté six bonnes heures. Pour parodier (il y avait longtemps, oui, je sais) une chanson reprise par Dalida : Domi Domi par-ci, Domi Domi par-là, dans tout l’salon, on ne voit plus que ce mec-là !

Pour le voir, on n’a vu que lui ! Bon, c’est vrai aussi que vu sa taille et sa chevelure, on le voit toujours quand il est à côté d’une vache. Ce n’est pas comme mon Nicolas. Si tu veux qu’on le voie sur le même plan, quand la caméra filme, faut l’asseoir dessus. Quoi, rodéo ? Ah, oui, je n’y avais pas pensé. C’est peut-être bien à cause de cela qu’il remue toujours, même quand il n’est plus dessus. Pour revenir à DDV, ne pas confondre avec DVD, même s’il a joué un film, la grande bouffe. Il a goûté à tout ! Il a bu à tout ! J’espère que ce n’est pas lui qui conduisait pour rentrer à sa maison. Quoique, sur Xylose, il y a peut-être un pack. Non, pas de bière, tu n’y es plus ! Bref, il était en campagne, tout en restant à la ville, mais certainement pas pour la campagne que l’on pense. Il se prépare pour 2012 ! Donc, on sait déjà que les agriculteurs peuvent prévoir pour l’année prochaine et l’année d’après qu’ils auront une bouche de plus à nourrir et pas des moindres !

Bien entendu, que serait ce salon sans son visiteur le plus attendu, Jacques Chirac ! Pour lui, c’est pareil à un gamin que tu emmènes dans un super marché de jouets. Il fait tous les rayons et il essaye tout ! Et vas-y que je te caresse la peluche vache. Et vas-y que je te caresse la peluche biquette. Sans compter qu’il n’hésite pas à goûter à tout, lui-aussi. J’espère que Villepin lui aura laissé quelques trucs à grignoter quand même. Ah, mon jacquot et la nostalgie. J’allais dire la nostalgie quand il était accueilli en héros, mais cela a été encore le cas, ce matin. Acclamé par une foule en délire à faire pâlir Johnny. L’homme qui savait parler à l’oreille des vaches. L’homme qui n’avait pas besoin de Jean-Pierre Coffe ni Maïté pour savoir ce que c’est une bonne bouffe et encore moins d’aller au Fouquet’s. L’homme qui sert de référence, puisque l’on a dit à propos de Villepin qu’il faisait du Jacques Chirac, qu’il jouait les Jacques Chirac. Bref, un Jacques ami des bêtes et du monde agricole qui le lui rend bien !

Voilà, mes gens. J’espère que ceux qui voulaient que j’en parle seront contents. J’ai quand même bien fait d’attendre la fin de la semaine, sinon on aurait loupé les meilleurs. Quant à la venue de mon Nicolas, il sera bien temps après de voir s’il y a matière à faire un ne sait quoi ou s’il y en a matière à résumer par une phrase comme celle qu’il a faite, il y a deux ans. Chirac : 1 - Sarzoky : 0. On peut toujours attendre ce week-end, mais cela m’étonnerait beaucoup que le score change !