Chalut mes gins ! V’là qu’in ch’artreuve pour ch’ouiquend, ch’meilleu momint d’eul s’maine d’ù qu’in a un peu pus d’timps pour ch’occuper d’so. Alors, com’ in va avoir l’drot à un timps d’brin et qu’i s’ra bion cocooner bin au caud, j’ai déchidé, eune fos i n’est pon coutume, de n’pon t’parler d’bêtisses d’un politique quéconque, de n’pon parler des frasques d’un pipole, ni même d’euch séparachion intre ch’grind dadet d’basketteu et d’euch célèpe femme. Tout cha à ch’vestiaire jusqu’à ch’prochaine fos ! Com’ in dit dins l’jargon, j’ai du dossier et j’vais t’raconter m’rinconte d’eul journée. I y a longtimps qu’cha n’m’étot pon arrivé, alors in va parler musique et canchons. Ouais, ouais, j’sais bin quo qu’te vas m’dir’te, j’parle chouvint d’canchons, même dins ches chroniques politiques, pour faire des parodies. Mais ichi, ch’est différint et in va parler pus particulièremint d’un cédé. Du bionheur pour tes orelles pindint qu’te s’ras in train d’rêvasser allongé chu eune pieau d’biête d’vint t’queminée ou ailleurs. Cha marche auchi chi t’es affalé dins un fauteul ! Ch’tout i est d’ête berché par ches canchons…

Vinderdi 19 novimpe, in avot l’visite à Armintières, dins ches studios d’Mona FM et inchuite France 3, Wéo, VDN, etc. pour finir à ch’Furet de ch’Nord à Lille aveuc France Bleu, d’eune grinde Dame mondialemint connue dont l’France alle peut ête très fière et nou’z’autes gins de ch’Nord in particulier. Line Renaud alle v’not présinter sin nouviel album Rue Washington, sorti eune dizaine d’jours avint. In n’présinte pus Line qui est à alle toute seu la mamie, la maman, l’amie qu’in aurot tertous querre à avoir. Eune montagne d’gintillesse pour cheule qui est née un 2 juillet 1928 à Pont-de-Nieppe, près d’Armintières, qui a quée dins l’musique quind alle étot tiote, grâche à sin père qui juot d’eul trompette ches ouiquends dins l’finfare locale. La tiote Line, Jacqueline Enté cor’ à l’époque, a emporté sin premier concours d’cant à l’âche d’7 ins. Blonde com’ ches blés, zis d’un bleu intinche, in n’voyot qu’alle. Eune sorte d’contraste aveuc ch’grisaille de ch’Nord qui reflétot d’jà, chins l’savoir, qu’eune destinée hors d’euch commun l’attindot.

Ch’est après ch’guerre, in 1945, qu’alle déchide d’euch haut d’ches 17 ins d’déchinde à Paris pour tinter cha canche dins ch’music hall. Alle va faire l’rinconte qui va boul’vercher ch’vie, cheule d’Loulou Gasté d’vingt ins sin aîné. I quét chous l’charme d’eul tiote ch’tie et va li treuver sin nom d’scène. Ch’est in 1950 qu’alle rimporte ch’Grind Prix d’euch Disque aveuc un tite que tertous i connôt, toutes générachions confondues, M’cabane au Canada. Ch’te canchon alle intame ch’début d’eune longue liste aveuc, intre autres, Etoiles des neiches, Ma tiote folie, Mad’moiselle from Armintières et Ch’quien dins ch’te vitrine. Ch’est in 1954 après ête pachée au Moulin Rouge qu’alle part pour ches Etats Unis d’ù qu’alle cante dins ches Palaches à New York, Los Angeles et qu’alle fait un duo aveuc Dean Martin Relaxez-vous. In 1959, d’artour à Paris, alle d’vient meneusse d’arvue à ch’Casino d’Paris, ch’qui li vaut d’ête ingagée à ch’Dunes, un casino d’Las Vegas intre 1963 et 1965. Hé ouais ! Line alle étot spéchialiste in déchinte d’escalier et in gambettes à Las vegas, avint qu’Grissom i l’sot pour y résoude des meurtres…

Ches années 70 et ches années 80 alles fontent qu’Line alle est tour à tour eune présintatriche télé aveuc Line Directe, productriche aveuc Telle est Line. Ch’est auchi ch’début d’euch carrière à ch’théâte aveuc eune pièche com’ Folle Amanda. Ch’t’occasion, lors d’eune émichion pour Loulou Gasté, d’faire un duo aveuc sin amie Dalida Le soir, dont j’eum souviens cor’ d’un fou rire et d’eune complichité intre ches deux amies canteusses qui a donné un rar’te momint d’télévision. Line Renaud alle est auchi eune femme qui ch’ingage pour d’nobles causses. Inutile, j’pinse, d’rappeler qu’alle est ch’vice-présidinte d’euch Sidaction et qu’alle est auchi mimbre d’euch comité d’parrainache d’eul Coordinachion Françaisse pour l’Déchennie d’eul culture d’paix et d’nin violinche. A partir d’1989, alle inchaîne films, téléfilms et pièches d’théâte à un rythme effréné. Ch’est après quasi trinte ins d’abchince dins l’canchon qu’alle nous arvient aveuc un nouvieau cédé signé chez Warner Music Group. Un artour à ches premières amours.

Tiens, j’vais t’mette dins l’confidinche tout d’chuite, mes gins. Chi ch’t’album i ch’appel’te Rue Washington ch’est in référinche à che studio d’inregistremint, Labomatic, chitué dins ch’te rue et qui li a été arcommindé par ch’mason d’disques, parmi tous ches studios qui existent chu Paris. L’coïncidence de l’vie, qu’alle voit pus com’ un signe d’euch destin, voire d’Loulou, fait qu’ch’est auchi dins ch’te rue qu’i vivot quind alle l’a rincontré. Aute signe qu’alle explique, chu des étagères, une multitude d’guitares dins leux étuis. L’seu marquée alle est une Gibson, ch’même modèle qu’cheule d’Loulou, cha préférée. Pis, ch’première canchon auchi, un signe d’eul vie. Alle li vient d’euch Canada ! 13 canchons alles li ontent été proposé par des artistes auchi variés que Salvatore Adamo, Christophe Maé, Julien Clerc, Marc Lavoine, Michel Delpech, Grand Corps Malade, Alain Chamfort et Mylène Farmer. Com’ Les torrents de l’amour, d’ù qu’alle dit qu’in aurot querre à les intinde aux fonds d’vos vallées. Ah, l’amour i est omniprésint dins ch’t’album, com’ i l’a été dins l’vie d’Line ! D’ailleurs, in l’arsint bin dins ch’canchon Mes amis sont mes amours, par eximpe, constatachion qu’ches amis autour d’so is nous portent par leu amour. In pourrot dir’te de Happy birthday la vie que même ch’i y a des passaches douloureux dins eune vie, l’tout i est d’garder un coin d’solel dins ch’tiête et churtout d’y avoir toudis 20 ins. Chi te veux, te pourras même faire quéques pas d’dinche aveuc un swing indiablé com’ Tu m’tues Lulu. Et cha bin pus de Une minute. De Dans ma tête à La mémoire dévêtue, in passint par Je t’ai suivi, je te suivrai à J’écris eune lettre, in atterrit chu Un sourire d’ù qu’alle nous rappelle qu’cha n’coûte rin et cha fait toudis gramint plaiji à ch’ti qui l’archoit.

Line alle déclar’te auchi J’en veux encore et j’auros invie d’dir’te que nou’z’autes auchi ! Alors in pourra ch’arrêter chu deux duos magiques. Ch’premier aveuc Johnny Hallyday, sin filleul d’spectaque, aveuc l’quel alle arprend eune verchion françaisse de ch’te canchon d’Louis Armstrong, What a wonderul world, qui d’vient Ce monde est merveilleux. Un monde qu’alle connôt bin, vu ch’carrière internachionale, qui li donn’te tint, alle qui nous apporte tint. Chins compter un duo qui aurot pu simbler improbape, voire impochipe, tint tout i pousse à croir’te qu’alles sontent dins des univers différints. Sauf pour deux grintes artistes d’ù qu’mélinger deux univers i n’est pon eune gageure, mais eune évidinche. Et même chi Mylène Farmer alle a canté Sans Logique, i dev’not logique qu’euch duo aveuc Line Renaud i prenn’te tout sin sins pour nous apporter C’est pas l’heure. In tout cas, i étot l’heure d’eul faire, car ch’est eune réuchite à 100% !

Voilà mes gins, j’vais conclure in armerchiant Line Renaud d’ches quéques minutes pachées in ch’compagnie qui s’ront gravées à tout jamais dins ma mémoire. Merchi pour ch’gintillesse, pour ch’dédicache, pour avoir ri à mes bêtisses, mais ch’étot tell’mint bion d’échinger quéques miots in ch’ti aveuc alle ! Eune rinconte unique intre mad’moiselle from Armintières et mad’moiselle from Lille. Merchi auchi à Rudy d’Mona FM à qui j’ai cassé ches pids à ch’téléphone. I ne t’ress’ pus qu’à découvrir ch’duo aveuc Mylène Farmer, d’courir chez tin marchind d’disques pour acater che joyau et t’in mette plein ches orelles !

Retour aux premières amours

Salut mes gens ! Voilà que l’on se retrouve pour le week-end, le meilleur moment de la semaine où l’on a un peu plus de temps pour s’occuper de soi. Alors, comme on va avoir le droit à un temps de brin et qu’il sera bon cocooner bien au chaud, j’ai décidé, une fois n’est pas coutume, de ne pas te parler de bêtises d’un politique quelconque, de ne pas parler des frasques d’un people, ni même de la séparation entre ce grand dadet de basketteur et de sa célèbre femme. Tout cela au vestiaire jusqu’à la prochaine fois ! Comme on dit dans le jargon, j’ai du dossier et je vais te raconter ma rencontre de la journée. Il y a longtemps que cela ne m’était pas arrivé, on va parler musique et chansons. Oui, oui, je sais bien ce que tu vas me dire, je parle souvent de chansons, même dans les chroniques politiques, pour faire des parodies. Mais ici, c’est différent et on va parler plus particulièrement d’un cédé. Du bonheur pour tes oreilles pendant que tu seras en train de rêvasser allongé sur une peau de bête devant ta cheminée ou ailleurs. Cela marche aussi si tu es affalé dans un fauteuil ! Le tout est d’être bercé par les chansons…

Vendredi 19 novembre, on avait la visite à Armentières, dans les studios de Mona FM et ensuite France 3, Wéo, VDN, etc. pour finir au Furet du Nord à Lille avec France Bleu, d’une grande Dame mondialement connue dont la France peut être très fière et nous autres gens du Nord en particulier. Line Renaud venait présenter son nouvel album Rue Washington, sorti une dizaine de jours avant. On ne présente plus Line qui est à elle toute seule la mamie, la maman, l’amie que l’on aimerait tous avoir. Une montagne de gentillesse pour celle qui est née un 2 juillet 1928 à Pont-de-Nieppe, près d’Armentières, qui est tombée dans la musique quand elle était petite, grâce à son père qui jouait de la trompette les week-ends dans la fanfare locale. La petite Line, Jacqueline Enté encore à l’époque, a emporté son premier concours de chant à l’âge de 7 ans. Blonde comme les blés, yeux d’un bleu intense, on ne voyait qu’elle. Une sorte de contraste avec la grisaille du Nord qui reflétait déjà, sans le savoir, qu’une destinée hors du commun l’attendait.

C’est après la guerre, en 1945, qu’elle décide du haut de ses 17 ans de descendre à Paris pour tenter sa chance dans le music hall. Elle va faire la rencontre qui va bouleverser sa vie, celle de Loulou Gasté de vingt ans son aîné. Il tombe sous le charme de la petite ch’tie et va lui trouver son nom de scène. C’est en 1950 qu’elle remporte le Grand Prix du Disque avec un titre que tout le monde connaît, toutes générations confondues, Ma cabane au Canada. Cette chanson entame le début d’une longue liste avec, entre autres, Etoiles des neiges, Ma petite folie, Mademoiselle from Armentières et Le chien dans la vitrine. C’est en 1954 après être passée au Moulin Rouge qu’elle part pour les Etats Unis où elle chante dans les Palaces à New York, Los Angeles et qu’elle fait un duo avec Dean Martin Relaxez-vous. En 1959, de retour à Paris, elle devient meneuse de revue au Casino de Paris, ce qui lui vaut d’être engagée au Dunes, un casino de Las Vegas entre 1963 et 1965. Hé oui ! Line était spécialiste en descente d’escalier et en gambettes à Las vegas, avant que Grissom le soit pour y résoudre des meurtres…

Les années 70 et les années 80 font que Line est tour à tour une présentatrice télé avec Line Directe, productrice avec Telle est Line. C’est aussi le début de sa carrière au théâtre avec une pièce comme Folle Amanda. L’occasion, lors d’une émission pour Loulou Gasté, de faire un duo avec son amie Dalida Le soir, dont je me souviens encore d’un fou rire et d’une complicité entre ces deux amies chanteuses qui a donné un rare moment de télévision. Line Renaud est aussi une femme qui s’engage pour de nobles causes. Inutile, je pense, de rappeler qu’elle est la vice-présidente du Sidaction et qu’elle est aussi membre du comité de parrainage de la Coordination Française pour la Décennie de la culture de paix et de non-violence. A partir de 1989, elle enchaîne films, téléfilms et pièces de théâtre à un rythme effréné. C’est après quasi trente ans d’absence dans la chanson qu’elle nous revient avec un nouveau cédé signé chez Warner Music Group. Un retour aux premières amours.

Tiens, je vais te mettre dans la confidence tout de suite, mes gens. Si cet album s’appelle Rue Washington c’est en référence au studio d’enregistrement, Labomatic, situé dans cette rue et qui lui a été recommandé par sa maison de disques, parmi tous les studios qui existent sur Paris. La coïncidence de la vie, qu’elle voit plus comme un signe du destin, voire de Loulou, fait c’est aussi dans cette rue qu’il vivait quand elle l’a rencontré. Autre signe qu’elle explique, sur des étagères, une multitude de guitares dans leurs étuis. La seule marquée est une Gibson, le même modèle que celle de Loulou, sa préférée. Puis, la première chanson aussi, un signe de la vie. Elle lui vient du Canada ! 13 chansons lui ont été proposé par des artistes aussi variés que Salvatore Adamo, Christophe Maé, Julien Clerc, Marc Lavoine, Michel Delpech, Grand Corps Malade, Alain Chamfort et Mylène Farmer. Comme Les torrents de l’amour, où elle dit que l’on aimerait les entendre aux fonds de vos vallées. Ah, l’amour est omniprésent dans cet album, comme il l’a été dans la vie de Line ! D’ailleurs, on le ressent bien dans la chanson Mes amis sont mes amours, par exemple, constatation que les amis autour de soi nous portent par leur amour. On pourrait dire de Happy birthday la vie que même s’il y a des passages douloureux dans une vie, le tout est de garder un coin de soleil dans sa tête et surtout d’y avoir toujours 20 ans. Si tu veux, tu pourras même faire quelques pas de danse avec un swing endiablé comme Tu m’tues Lulu. Et ce bien plus de Une minute. De Dans ma tête à La mémoire dévêtue, en passant par Je t’ai suivi, je te suivrai à J’écris une lettre, on atterrit sur Un sourire où elle nous rappelle que cela ne coûte rien et cela fait toujours bien plaisir à celui qui le reçoit.

Line déclare aussi J’en veux encore et j’aurais envie de dire que nous aussi ! Alors on pourra s’arrêter sur deux duos magiques. Le premier avec Johnny Hallyday, son filleul de spectacle, avec lequel elle reprend une version française de cette chanson de Louis Armstrong, What a wonderul world, qui devient Ce monde est merveilleux. Un monde qu’elle connaît bien, vu sa carrière internationale, qui lui donne tant, elle qui nous apporte tant. Sans compter un duo qui aurait pu sembler improbable, voire impossible, tant tout pousse à croire qu’elles sont dans des univers différents. Sauf pour deux grandes artistes où mélanger deux univers n’est pas une gageure, mais une évidence. Et même si Mylène Farmer a chanté Sans Logique, il devenait logique que ce duo avec Line Renaud prenne tout son sens pour nous apporter C’est pas l’heure. En tout cas, il était l’heure de le faire, car c’est une réussite à 100% !

Voilà mes gens, je vais conclure en remerciant Line Renaud de ces quelques minutes passées en sa compagnie qui seront gravées à tout jamais dans ma mémoire. Merci pour sa gentillesse, pour sa dédicace, pour avoir ri à mes bêtises, mais c’était tellement bon d’échanger quelques mots en ch’ti avec elle ! Une rencontre unique entre mademoiselle from Armentières et mademoiselle from Lille. Merci aussi à Rudy de Mona FM à qui j’ai cassé les pieds au téléphone. Il ne te reste plus qu’à découvrir le duo avec Mylène Farmer, de courir chez ton marchand de disques pour acheter ce joyau et t’en mettre plein les oreilles !