Chalut mes gins ! Nous v’là cor’ arrivés à ch’meilleu momint d’eul s’maine ! J’espèr’te qu’t’es in pleine forme et qu’te n’as pon attrapé ches vilains microbes d’eul grippe. In attindint, fais gaffe à ti ! Même chi te t’es fait vacciner, j’in connos qui l’ontent quind même. A m’mote, is ontent dû ch’gourer d’cocktail à l’intérieur, cha n’a pon l’air d’ête très efficache ! Ah, la, la, com’ alle nous minque l’inchienne infirmière in chef, Roselyne ! Aveuc alle, in aurot d’jà tout éradiqué jusqu’à Moscou ! In attindint, même ch’i fait gramint pus frod d’un cop et qu’in peut espérer qu’ches microbes et ches crobes intiers is détallent vers des contrées pus clémintes pour eux, in a b’soin ch’récauffer. Alors, com’ in me d’minde chouvint pourquo j’eun mets pus d’arcette, alors qu’in continue quind même à minger tous ches jours, vu ch’t’actualité extrêmemint plate, j’ai déchidé qu’in allot casser eune tiote graine insimpe. Cha va nous canger des crêpaches d’chignions et des joutes verbales. J’te propose d’quo attraper des calories pour ténir ch’frod qui nous quét d’chus ! Bin intindu, je n’vais pon t’eul faire à la Maïté ou à la Coffe, mais à m’manière ! Com’ cha, chi cha t’fait rigoler in pus, cha s’ra d’jà un précauffache com’ un diesel ! Ouais, bion, j’in connos eune paire qui n’sontent pon au gasoil…

Tiens, d’ailleurs, in peut commincher par un tiot cocktail d’eul région, tint qu’à faire, fachile à faire et qui donn’te d’bionnes couleurs. J’te treuve un peu pâlot ti’z’aute ! Pis, cha tue ches microbes, ch’est un médicamint naturel. Asteur, n’oublie pon d’inviter Modérachion, chinon j’eun réponds d’rin ! Te prinds eune flûte à champagne. Ch’est ch’bionne dosse intre ch’dé à coude d’ù qu’te sintiros pon ch’goût et ch’tonneau qui s’rot carrémint moins rond qu’ti à l’fin. Te mets inviron 2 cintilites d’crème d’cassis et 2 cintilites de g’nièfe. Ch’ti qu’te veux, Wambrechies, Loos ou Houlle. Te complètes aveuc du champagne chi te viens d’toucher t’quinzaine ou eune méthote champenoise, ch’est très bin auchi. Préchision pour ch’ti qui n’a pon d’doseur à cocktail, 2 cintilites ch’est inviron eune ceuillère à soupe et pon ch’louche pour la servir ! Un nom ? Bah, à vrai dir’te, ch’est un peu dins l’esprit Chuche-Mourette, mis à part ch’champagne, donc un Chuche-Mourette amélioré ! Un CGC, chi te veux vraimint, com’ ches ingrédients d’dins qui n’est pon chins rappeler l’anchienne Compagnie Générale d’Cauffe, car chi t’in abuses… Asteur, te peux l’appeler com’ te veux, mais i n’viendra pon à ti ! Te vas d’voir juer d’ches coudes pour l’approcher d’eut bouque !

Asteur qu’in a eu un bion précauffache, in va pacher au consistint aveuc ches Carbonnates flamintes fachon MT. Infin, chi ch’est ti qui les fait, cha s’ra toudis à ma fachon, sauf chi t’y apportes eune variante. D’abord, com’ te dos faire ches courses, v’là quo qu’t’as b’soin pour inviron 4 perchonnes normal’mint constituées. Ch’est à dir’te intre ch’t’ado in pleine croissinche qui dévor’te tout quo qu’i treuve et ch’t’appétit d’ojieau qui pluque !

– 1kg 200 inviron d’bœuf. Ch’est carrémint pochipe d’rimplacher par d’eul vaque ! Ch’morcieau idéal, com’ ch’est un plat mijoté, i est d’prinde du bourguignon, mais com’ mi j’n’ai pon querre à ches biouts d’pieau gélatineusse, j’prinds plutôt un morcieau à steak. Infin, te fais à t’mode. D’toute fachon, cha va mijoter gramint alors même eune s’melle alle arriverot à in ête tinde.

– 4 oignions. Quind j’dis oignions, cha n’est pon des grelots ! In n’va pon sonner ches cloches nin pus, mais i faut qu’in les voe bin. Inviron 5 cintimètes d’diamète, te vos. Cha, ch’est bin ! Chi te l’fais aveuc des oignions surgelés, te peux mette pus d’un tiers d’un paquet, étint donné qu’is vontent arpartir in flotte !

– 2-3 carottes. Parel ! N’vas pon sortir deux carottes d’eune boîte d’tiots pos ! Halte à l’exterminachion des bébés carottes ! Chinon, te vas t’artreuver aveuc BB chu tin dios ! Des carottes dines d’euch nom ! Chi te n’vos pon bin, pinse à un accessoire très à l’mote. Vingt dius ! I faut vraimint t’mette ches points chu ches ‘I’ et in y mettint ches virgules, in l’a vu mercredi ! Alors, commint espliquer cha… In dit qu’ches carottes cha donn’te eune bielle pieau, mais cha n’est pon pour autint qu’i faut les prinde in suppositoire ! Oh my Gode ! Qu’est-che qu’i n’faut pon faire pour ête comprise !

– 1 boutelle d’bière (75cl). Mi, j’eul fais aveuc eune Jenlain ambrée, mais te peux utiliser eun aute chi te préfèr’tes. Juss’ eune qui a du caractère quind même, pon d’eul pisse d’âne, quo !

– 4 trinches d’pain d’épiches.

– 3 ceuillères à soupe d’moutarde.

– 3-4 cintilites d’vinaigue d’alcool.

– 2 grosses ceuillères d’castonate brune.

– sel, poifre et eune pinchée d’pimint d’Cayenne.

– Saindoux in idéal ou burre, voire huile, pour ch’ti qui s’rot allergique au saindoux pour raison médicale ou religieusse.

Asteur qu’t’es arvenu d’ches commichions, in va ch’mette à ches fourneaux car, chi cha n’est pon long à préparer, i faut quind même prévoir un minimum d’tros heures d’mijotache pour qu’cha sot bion. D’ailleurs, ch’est com’ pour aute cosse, pus qu’ch’est long, pus qu’ch’est bion, alors, te peux les oublier chu ch’fu, pon d’problème ! Mi, pour n’rin t’mucher, cha m’arrife même d’les préparer l’veille et les armette tout duch’mint à récauffer une bionne heure quind ches invités is sontent lal.

Première affaire, préparer ch’te viante. T’as deux écoles pochipes. Sot, te fais des cubes d’inviron quate cintimètes, car i faut pinser que, com’ cha mijote longtimps, cha va rétréchir. Chi te fais trop tiot, cha s’ra eune soupe à l’fin, mais pus des carbonnates ! Sot, deuxième école, te fais des trinches com’ des steaks et te les coupes in aiguillettes ! D’préférinche, dins ch’sins d’euch filet d’eul viante. Mi, ch’est com’ cha que j’préfèr’te. Te sors un coué in fonte, chinon, te fais aveuc t’batterie habituelle, mais ch’est gramint miux pour mijoter. Bin intindu, chu eune plaque électrique, ch’est pus fachile, à moins qu’te vifes cor’ dins ches timps préhistoriques d’ù qu’in avot eune cuisinière à carbon. Te mets ch’saindoux dins tin coué, ou un aute gras, ne l’plains pon ! Attinds un peu avint d’alleumer ind’chous, car i y a asteur eune séquinche émochion ! Hé ouais, vient ch’momint tint ardouté d’euch gros chagrin, t’as ches oignions à épluquer et à couper in morcieaux ! Par canche, te n’dos pon les faire trop tiots, pour ches mêmes raisons, ch’mijotache ! N’compte pon chu mi pour t’donner eune astuche pour n’pon braire, sauf ches surgelés, j’ai tout essayé, mi, et rin i n’y fait ! Infin, chi, un masque d’plongée, ch’est fin bénache. I faut juss’ pinser à l’artirer chi in sonn’te à t’porte et qu’te vas ouvrir !

Insuite, te fais l’pieau à ches carottes et te les copes in rondelles. Vingt dius ! J’eum rinds compte qu’asteur j’parl’te d’rondelle. Aveuc min eximpe de ta’leur pour espliquer, in va cor’ m’prinde pour eune drôl’te ! Bref. Ress’ à faire che Johnny ! Te peux alleumer ch’fu ind’chous d’tin coué. Infin, ch’fu, fachon d’parler ! Quind cha comminche à fristouller, te jettes tes oignions et tes rondelles d’carottes d’dins. Te toulles et quind ches oignions is comminchent à dev’nir trinsluchides, te déglaches aveuc ch’vinaigue. Pis, te rajoutes ches morcieaux d’viante et te artoulles vivemint. Te mets du sel, du poifre et l’pinchée d’Cayenne. T’artoulles cor’ un peu et te mets ch’bière. Te peux y mette ch’boutelle, te n’as pon à t’inquiéter. Ah cha, bin intindu, t’y à goûter avint ! Bah, tint pis, te f’ra aveuc ch’qui ress’ ! Cha va diminuer gramint au mijotache, alors cha t’donnera eune excusse pour in ouvrir eune aute. Insuite, te mets ches deux grosses ceuillères d’castonade brune, te toulles.

I convient asteur d’ajouter ch’pain d’épiches et ch’te moutarde. Lal auchi, i y a deux écoles ! Chi te veux t’la juer grinte cuisine et t’la péter, après tout ch’est ti ch’chef, te peux tartiner tin pain d’épiches d’moutarde et mette ches tartines aud’chus d’euch ress’. Verchion radeau d’eul moutarde ! Asteur, je n’te muche pon que, rapid’mint, tes radeaux is vontent prinde l’ieau. Infin, l’bière ch’qui est cor’ pir’te, même ti, te n’as jamais pris eune biture auchi vit’ ! D’autint qu’asteur, te peux mette à fu très doux, mais qu’i faudra quind même aller touller d’timps in timps, pour éviter qu’cha n’attache au fond. Alors, tes radeaux à ch’mitan d’ches vagues qu’te vas y faire, cha s’ra un ‘souk à mie’ ! Mi, je n’eum la jue pon armada, j’mets tout in vrac et j’mélinche ! Voilà, i n’ress’ pus qu’à faire ch’pus dur’te, prinde tin mau in patienche et attinde, car cha va vit’ parfumer toute ta baraque et tin estomac i tirera l’signal d’alarme. Bin intindu, te sers cha aveuc des frites, ch’est ch’qu’i y a d’miux. Je n’te mets pon l’arcette, mais évite d’faire com’ ches Frères Taloche dins ch’clip après !

Pinse à touller d’dins d’timps in timps et rectifier ch’t’assaisonnemint chi b’soin in est. I n’eum ress’ pus qu’à souhaiter un bion appétit à tertous et aveuc cha dins ch’coco, te peux affronter ches grinds frods ! Bion ouiquend tertous et à bétôt !

Salut mes gens ! Nous voilà encore arrivés au meilleur moment de la semaine ! J’espère que tu es en pleine forme et que tu n’as pas attrapé les vilains microbes de la grippe. En attendant, fais gaffe à toi ! Même si tu t’es fait vacciner, j’en connais qui l’ont quand même. A mon avis, ils ont dû se gourer de cocktail à l’intérieur, ça n’a pas l’air d’être très efficace ! Ah, la, la, comme elle nous manque l’ancienne infirmière en chef, Roselyne ! Avec elle, on aurait déjà tout éradiqué jusqu’à Moscou ! En attendant, même s’il fait beaucoup plus froid d’un coup et que l’on peut espérer que les microbes et les crobes entiers détallent vers des contrées plus clémentes pour eux, on a besoin de se réchauffer. Alors, comme on me demande souvent pourquoi je ne mets plus de recette, alors que l’on continue quand même à manger tous les jours, vu l’actualité extrêmement plate, j’ai décidé que l’on allait casser une petite graine ensemble. Cela va nous changer des crêpages de chignions et des joutes verbales. Je te propose de quoi attraper des calories pour tenir ce froid qui nous tombe dessus ! Bien entendu, je ne vais pas te le faire à la Maïté ou à la Coffe, mais à ma manière ! Comme cela, si ça te fait rigoler en plus, ce sera déjà un préchauffage comme un diesel ! Oui, bon, j’en connais une paire qui ne sont pas au gasoil…

Tiens, d’ailleurs, on peut commencer par un petit cocktail de la région, tant qu’à faire, facile à faire et qui donne de bonnes couleurs. Je te trouve un peu pâlot toi ! Puis, ça tue les microbes, c’est un médicament naturel. A présent, n’oublie pas d’inviter Modération, sinon je ne réponds de rien ! Te prends une flûte à champagne. C’est la bonne dose entre le dé à coudre où tu ne sentirais pas le goût et le tonneau qui serait carrément moins rond que toi à la fin. Tu mets environ 2 centilitres de crème de cassis et 2 centilitres de genièvre. Celui que tu veux, Wambrechies, Loos ou Houlle. Tu complètes avec du champagne si tu viens de toucher ta quinzaine ou une méthode champenoise, c’est très bien aussi. Précision pour celui qui n’a pas de doseur à cocktail, 2 centilitres c’est environ une cuillère à soupe et pas la louche pour la servir ! Un nom ? Bah, à vrai dire, c’est un peu dans l’esprit Chuche-Mourette, mis à part le champagne, donc un Chuche-Mourette amélioré ! Un CGC, si tu veux vraiment, comme les ingrédients dedans qui n’est pas sans rappeler l’ancienne Compagnie Générale de Chauffe, car si tu en abuses… Maintenant, tu peux l’appeler comme tu veux, mais il ne viendra pas à toi ! Tu vas devoir jouer des coudes pour l’approcher de ta bouche !

A présent que l’on a eu un bon préchauffage, on va passer au consistant avec les Carbonnades flamandes façon MT. Enfin, si c’est toi qui les fait, ce sera toujours à ma façon, sauf si tu y apportes une variante. D’abord, comme tu dois faire les courses, voilà ce dont tu as besoin pour environ 4 personnes normalement constituées. C’est à dire entre l’ado en pleine croissance qui dévore tout ce qu’il trouve et l’appétit d’oiseau qui picore !

– 1kg 200 environ de bœuf. C’est carrément possible de remplacer par de la vache ! Le morceau idéal, comme c’est un plat mijoté, est de prendre du bourguignon, mais comme moi je n’aime pas les bouts de peau gélatineuse, je prends plutôt un morceau à steak. Enfin, tu fais à ta mode. De toute façon, cela va mijoter longtemps alors même une semelle arriverait à en être tendre.

– 4 oignions. Quand je dis oignions, ce n’est pas des grelots ! On ne va pas sonner les cloches non plus, mais il faut qu’on les voie bien. Environ 5 centimètres de diamètre, tu vois. Ca, c’est bien ! Si tu le fais avec des oignions surgelés, tu peux mettre plus d’un tiers d’un paquet, étant donné qu’ils vont repartir en flotte !

– 2-3 carottes. Pareil ! Ne vas pas sortir deux carottes d’une boîte de petits pois ! Halte à l’extermination des bébés carottes ! Sinon, tu vas te retrouver avec BB sur le dos ! Des carottes dignes de ce nom ! Si tu ne vois pas bien, pense à un accessoire très à la mode. Bon sang ! Il faut vraiment te mettre les points sur les ‘I’ et en y mettant les virgules, on l’a vu mercredi ! Alors, comment expliquer ça… On dit que les carottes ça donne une belle peau, mais ce n’est pas pour autant qu’il faut les prendre en suppositoire ! Oh my Gode ! Qu’est-ce qu’il ne faut pas faire pour être comprise !

– 1 bouteille de bière (75cl). Moi, je le fais avec une Jenlain ambrée, mais tu peux utiliser une autre si tu préfères. Juste une qui a du caractère quand même, pas de la pisse d’âne, quoi !

– 4 tranches de pain d’épices.

– 3 cuillères à soupe de moutarde.

– 3-4 centilitres de vinaigre d’alcool.

– 2 grosses cuillères de vergeoise brune.

– sel, poivre et une pincée de piment de Cayenne.

– Saindoux en idéal ou beurre, voire huile, pour celui qui serait allergique au saindoux pour raison médicale ou religieuse.

A présent que tu es revenu des commissions, on va se mettre aux fourneaux car, si ce n’est pas long à préparer, il faut quand même prévoir un minimum de trois heures de mijotage pour que ce soit bon. D’ailleurs, c’est comme pour autre chose, plus c’est long, plus c’est bon, alors, tu peux les oublier sur le feu, pas de problème ! Moi, pour ne rien te cacher, cela m’arrive même de les préparer la veille et les remettre tout doucement à réchauffer une bonne heure quand les invités sont là.

Première affaire, préparer la viande. Tu as deux écoles possibles. Soit, tu fais des cubes d’environ quatre centimètres, car il faut penser que, comme ça mijote longtemps, ça va rétrécir. Si tu fais trop petit, ce sera une soupe à la fin, mais plus des carbonnades ! Soit, deuxième école, tu fais des tranches comme des steaks et tu les coupes en aiguillettes ! De préférence, dans le sens du filet de la viande. Moi, c’est comme cela que je préfère. Tu sors un faitout en fonte, sinon, tu fais avec ta batterie habituelle, mais c’est bien mieux pour mijoter. Bien entendu, sur une plaque électrique, c’est plus facile, à moins que tu vives encore dans les temps préhistoriques où l’on avait une cuisinière à charbon. Tu mets le saindoux dans ton faitout, ou un autre gras, ne le plains pas ! Attends un peu avant d’allumer en dessous, car il y a maintenant une séquence émotion ! Hé oui, vient le moment tant redouté du gros chagrin, tu as les oignions à éplucher et à couper en morceaux ! Par chance, tu ne dois pas les faire trop petits, pour les mêmes raisons, le mijotage ! Ne compte pas sur moi pour te donner une astuce pour ne pas pleurer, sauf les surgelés, j’ai tout essayé, moi, et rien n’y fait ! Enfin, si, un masque de plongée, c’est fin bien. Il faut juste penser à le retirer si l’on sonne à ta porte et que tu vas ouvrir !

Ensuite, tu fais la peau aux carottes et tu les coupes en rondelles. Bon sang ! Je me rends compte qu’à présent je parle de rondelle. Avec mon exemple de tout à l’heure pour expliquer, on va encore me prendre pour une drôle ! Bref. Reste à faire le Johnny ! Tu peux allumer le feu en dessous de ton faitout. Enfin, le feu, façon de parler ! Quand ça commence à fristouiller, tu jettes tes oignions et tes rondelles de carottes dedans. Tu touilles et quand les oignions commencent à devenir translucides, tu déglaces avec le vinaigre. Puis, tu rajoutes les morceaux de viande et tu retouilles vivement. Tu mets du sel, du poivre et la pincée de Cayenne. Tu retouilles encore un peu et tu mets la bière. Tu peux y mettre la bouteille, tu n’as pas à t’inquiéter. Ah ça, bien entendu, t’y à goûter avant ! Bah, tant pis, tu feras avec ce qui reste ! Ca va diminuer beaucoup au mijotage, alors cela te donnera une excuse pour en ouvrir une autre. Ensuite, tu mets les deux grosses cuillères de vergeoise brune, tu touilles.

Il convient maintenant d’ajouter le pain d’épices et la moutarde. Là aussi, il y a deux écoles ! Si tu veux te la jouer grande cuisine et te la péter, après tout c’est toi le chef, tu peux tartiner ton pain d’épices de moutarde et mettre les tartines au-dessus du reste. Version radeau de la moutarde ! A présent, je ne te cache pas que, rapidement, tes radeaux vont prendre l’eau. Enfin, la bière ce qui est encore pire, même toi, tu n’as jamais pris une biture aussi vite ! D’autant qu’à présent, tu peux mettre à feu très doux, mais qu’il faudra quand même aller touiller de temps en temps, pour éviter que cela n’attache au fond. Alors, tes radeaux au milieu des vagues que tu vas y faire, ce sera un ‘souk à mie’ ! Moi, je ne me la joue pas armada, je mets tout en vrac et je mélange ! Voilà, il ne reste plus qu’à faire le plus dur, prendre ton mal en patience et attendre, car cela va vite parfumer toute ta baraque et ton estomac tirera le signal d’alarme. Bien entendu, tu sers cela avec des frites, c’est ce qu’il y a de mieux. Je ne te mets pas la recette, mais évite de faire comme les Frères Taloche dans le clip après !

Pense à touiller dedans de temps en temps et rectifier l’assaisonnement si besoin en est. Il ne me reste plus qu’à souhaiter un bon appétit à tous et avec ça dans le coco, tu peux affronter les grands froids ! Bon week-end tout le monde et à bientôt !