Chalut mes gins ! Com’ cha m’arrif’ chouvint, j’ai eu eune canchon in tiête in ravisant par l’feniêtre d’eum champe. Ch’est cha ches vacinches, j’ravise d’abord pour savoir commint que j’vais m’harnaiquer et après seul’mint j’ravise ches actus, chinon te vas m’in vouloir de n’pon t’écrir’te. T’as d’eul canche qu’cha n’étot pon bieau fixe cor’ à’ch’t’heure, pach’que, com’ j’ai gramint d’artard bronzache, j’auros bin fait ch’lézard toute l’journée. Bref, ch’canchon ch’étot : « Est-che que te viens pour mes vachinches ? Mi, j’n’ai pon ch’te bionne couleur. Pour min côté pile et min côté fache, faudrot qu’te m’armettes eune bionne dosse… » Te vos, j’ai fait des incantachions pour que ch’solel i arvienn’te dur’te et churtout qu’i ress’ ! Cha s’rot bin, mais i parôt qu’chi ch’t’anticyclone i n’arriv’te pon à ch’installer, ch’est à causse d’ches Russes ! Infin, ch’est à causse d’eul canicule qu’is ontent, rin à vir aveuc ch’ridieau d’fer qui arviendrot, ni d’eune nouvielle guerre frode…

Ch’est marrint que j’pinse à ch’te guerre frode, pach’que ch’est exactemint ch’qui ch’pache ichi, in France, d’pis quéques jours. In dirot qu’j’auros voulu l’faire esprès pour m’trinsichion, je n’auros pon miux fait. In effet, cha pourrot ch’appliquer à un débat gramint chérieux pour eune périote d’vacinches, ch’ti chu l’chécurité, infin plutôt chu l’inchécurité. Te parl’tes, ti ! Min Nicolas i a linché un pavé dins ch’mare, juss’ avint d’partir in vacinches, et cha fait des armous. Tindis qu’li, i est in train d’faire des armous dins ch’bielle bleu aveuc ch’bouée canard. Bah, chi ! In n’plaisinte pon aveuc l’chécurité, d’autint que j’viens d’dir’te qu’i y avot gramint d’armous. Bref. In ch’artreuve aveuc des vox qui ch’élèv’tent conte ch’qu’i proposse com’ soluchion. Te peux toudis arlire min artique com’ Rambo chi t’étos in train d’faire bronzette et qu’t’es paché à côté. Et un sondache IFOP - Le Figaro qui li donn’te raison à 80% ! Ouais, com’ te dis, cha fait gramint ! Te parl’tes chi min Nicolas i dot faire ch’coq aveuc un résultat parel ! Ouais, com’ te dit, aveuc ch’bouée canard, ch’est con pour li… Infin.

In peut ch’étonner qu’i y ait 80% d’gins pour, 20% conte et qu’tertous i avot sin miot à dir’te. In effet, pon un seul chins opinion ; incroyape ! In même timps, ch’est rar’te qu’un sondeur i n’propos’te pon ch’te case. Te m’diras, com’ tous ches sondaches, ches chiffes is veul’tent dir’te ch’qu’in a invie d’y voir. Imagine par eximple qu’chu ches 1003 sondés, cha n’est d’jà pon gramint, i y in ait l’motié qui n’a pon répondu pach’qu’i n’y avot pon ch’case ! Bah, ouais, cha cange tout ! Pis, est-che qu’avint d’réponde favorape, ches gins is ontent vérifié qu’is n’étotent pon conchernés eusses-même. In d’vrot rinde ches arbes généalogiques obligatoires, cha évit’rot d’quier ch’branque chu laquelle in es tertous achis ! Bin intindu com’ ches chiffes is sontent vraimint étonnint, un des responsapes d’l’IFOP i a été interrogé chu ch’sujet. Quo qu’i dit, ch’est très simpe, i vot eune confirmachion de ch’qu’i pinsot ! Ch’est à dir’te que, même chi mémé Liliane alle a fait gramint d’bruit aveuc sin affaire, ch’est ches violinches d’ches dernières s’maines qui nous ontent marqués ! J’in sus resté baba, mes gins ! Dir’te que j’avos cru qu’in in f’sot des tonnes pour just’mint canger d’sujet et faire oublier toutes ches magoulles. Bah, nin, j’m’étos fait un film ! J’vos vraimint des complots partout !

I dit auchi : « Ches taux d’adhésion élevés prouvent qu’ches attentes, voire ches inquiétutes d’ches Français face à ch’t’insécurité alles n’datent pon d’hier, même chi alles sontent montées in puichince à l’faveur d’ches faits divers qui ontent récemmint défrayé ch’chronique. » I n’euch mouill’te pon ! In l’sait bin qu’cha n’date pon d’hier. Tiens, min Nicolas i a acaté un Kärcher in 2007, ch’étot fachile à d’viner ! A’ch’t’heure, com’ ch’notiche alle est in chinois, in sait quo qu’i n’in a fait. Quo, quo ? Quo j’in sais mi ! I arrosse sin gazon, par eximpe ! A’ch’t’heure, i va ch’in servir pour faire d’eul fausse pluie pour arprinde singin’ in the rain. I n’y a pon d’raison qu’i n’y ait que Carla qui fasse du cinéma ! Pourquo ch’film et pon un aute ? Vingt dius, t’in posses des quechtions, ti ! Je n’sais pon, j’ai dû l’lir’te dins un sondache IFLOT : 80% singin’ in the rain ! Te l’auras voulu ! In arvient à ch’braf’. I continue in disint : « I y a p’t-ête du vrai dins l’thèse d’euch PS quind i accuse Nicolas Sarkozy d’euch servir d’l’inchécurité pour faire oublier Woerth. » Ah ! I ch’dit qu’eud brosser un cop à gauche cha n’fait pon d’mau. In n’sait jamais, cha pourrot servir ch’carrière in 2012. Toudis i est qu’i pinsot com’ mi et p’t-ête ti, i faudra que j’fasse un sondache IFOP - Toutoule pour savoir. Min Nicolas i est ch’ro d’ches prestidigitateurs. I t’monte d’eune main l’inchécurité et, pindint ch’timps-lal, d’l’aute, abracadabra, i fait dichparaîte eune affaire imbarrachinte.

Pour terminer, i conclut par : « In n’peut nier qu’eul d’minde d’chécurité alle est forte chez tous ches Français et pon seul’mint chez ceusses qui votent Le Pen. » I a l’sins d’eul formule, pour n’pon dir’te d’eul lapalissade ! T’in connos gramint qui ontent invie d’euch faire agrécher à tous ches coins d’rue, ti ? Nin ? Mi nin pus ! Et chi in avot tertous voté pour Jean-Marie, cha ch’saurot ! Toudis is est qu’cha n’laiche pon indifférint ches propos à min Nicolas, puich’que cha a même sorti de ch’t’artraite Michel Rocard. Pis, attinchion ches zis, i n’y va pon par ch’dios d’eul ceuillère ! In effet, i n’a pon hésité à dir’te qu’in n’avot pon vu cha d’pis ch’régime d’Vichy et ches nazis. Pour ch’ti qui étot près d’euch radiateur in cours d’histoire, j’préchise qu’euch régime d’Vichy i n’a rin à voir aveuc une méthote pour perde du pods. Infin, cha ch’discute, vu tous ches malheureux imprisonnés. Ch’étot l’France d’Pétain. Pète un cop, cha ira miux ! T’as ch’gasse qui armonte à tin cervieau et cha t’impêque d’faire marcher tes neurones !

Désolé, mes gins, cha n’est pon très fin, j’te l’accorde, mais i y a des sujets nauséabonds. I vaut miux détinde ch’t’atmosphère. J’vais canger d’sujet pach’qu’in va finir par croir’te que j’le fais esprès après pète un coup, atmosphère, nauséabond… Bah, ouais, j’fais min Jean-Marie, mais Bigard, ch’ti-lal. Cha pu’te auchi mais ch’est gramint pus sain qu’l’aute quind même ! Quo ? I faut que j’esplique auchi nazis ? Euh, ch’étot eune secte d’très méchints qui étot dirigée par quéqu’un qui disot qu’tertous i d’vot ête eune baraque blonte à ches zis bleus, alors qu’li i étot un tiot brun excité à ches zis bruns. I ch’appelot Adolf Hitler de rin, i a fait fureur à ch’t’époque ! Attinds, eune baraque blonte à ches zis bleus et un tiot brun excité à ches zis bruns… Ah, j’ai eu gramint peur ! A une moustache près, j’croyos qu’min Michel i avot pinsé à min Nicolas et Brice Hortefeux, voire même Jean-Marie Le Pen. Des bions ariens, com’ i aurot dit Adolf. Te comprinds, com’ in dit qu’eul vie alle est un éternel arcomminch’mint, cha m’a foutu ch’trouillomète à zéro !

In va terminer par quéqu’un d’aute. Alle vient d’craquer eune alleumette pour mette ch’fu à ches poudes ! Hé ouais, alle ! Ch’est un indiche d’talle ! Devinette : Qu’alle est ch’femme politique qui arvient à l’charche aveuc eune tiote phrasse assassine régulièremint d’peur qu’in l’oublie ? Te donn’tes t’lingue à ch’cat ? Un indiche d’pus, alle est toudis tirée à quate épingues. Te vos, cha élime chertaines dont j’vais taire ches noms ! Bah, ouais, ch’est Rachida Dati, cheule chins qui in ch’innuierot ferme, churtout pindint ch’te pausse estivale d’nos quers ministres ! Nota : Quers, te l’prinds dins l’sins qu’te veux, sachint qu’pus is t’coûtent quers moins is sontent quers à tes zis. Alle a répondu à eune interview publiée dins ch’magazine féminin Grazia. In pourrot ch’attinde à ch’qu’alle nous parl’te d’ches maillots d’bain à l’mote, même pon ! Ch’qui l’a préoccupe auchi ch’est l’inchécurité et n’hésite pon à déclarer que : « Quéque cosse i n’a pon marché dins ch’lutte conte l’délinquinche. » Bin intindu, alle in profite pour faire haro chu ch’bodet et l’chien, ch’est Brice Hortefeux qu’alle n’a vraimint pon querre, même in peinture ! Puich’que ch’ti chi i est vaqu’mint contint d’sin bilan.

Mais Rachida, très in forme, ne ch’arrête pon lal. Alle ajute qu’cha fait tros ins qu’ches atteintes à ches personnes alles augmintent et alle sontent pus violintes qu’avint. Tros ins ? Qu’avint ? Paf dins ch’pif à min Nicolas ! Vingt dius ! Ah, in l’a exilée à Bruxelles ! Chi min Nicolas i a fait des armous aveuc ch’déclarachion, alle, alle va carrémint déclincher un tsunami. Alle armet eune bionne couche in disint que, globalemint, ches électeurs d’gauche is sont d’accord aveuc ch’qu’a dit min Nicolas, alors qu’i y a des amis pon d’gauche qui sontent plutôt mau à l’aise. Tiens, v’lan prind cha, ch’est du bion ! Garinti 100% Rachida, élevée au Dior, cha madame ! T’en veux cor’ ? Eune tiote dernière ! Elle conclut : « Ch’pir’te ch’est qu’mi je n’sais pon quo pinser. Mal à l’aise, même pon, je n’acoute pon quind Frédéric Lefebvre i parl’te, mais plutôt qu’un blabla parfois bordeline, j’préfèreros des ac’chions efficaches et concrètes chu ch’terrain. » Et re-paf ! A’ch’t’heure Frédo ! Infin, côté blabla, alle n’est pon loin d’eul vérité. In tout cas, alle vient d’euch faire un nouviel ami…

Cha déchaîne ches passions ch’problème d’inchécurité ! Min Nicolas i a rud’mint bin fait d’nous donner un os à ronger pindint qu’i est in vacinches. Tertous i saute lad’chus et pindint ch’timps-lal, in n’va pus parler d’aute cosse. Mes gins, quind j’parlos d’guerre frode, te vos qu’in n’in est pon loin, ch’est versus qui te veux et ch’est marrint, mais j’eum sins cor’ pus in inchécurité ! A chuivre…

Salut mes gens ! Comme cela m’arrive souvent, j’ai eu une chanson en tête en regardant par la fenêtre de ma chambre. C’est cela les vacances, je regarde d’abord pour savoir comment je vais m’habiller et après seulement je regarde les actus, sinon tu vas m’en vouloir de ne pas t’écrire. Tu as de la chance que ce n’était pas beau fixe encore aujourd’hui, parce que, comme j’ai beaucoup de retard bronzage, j’aurais bien fait le lézard toute la journée. Bref, la chanson était : « Est-ce que tu viens pour mes vacances ? Moi, je n’ai pas la bonne couleur. Pour mon côté pile et mon côté face, faudrait qu’tu m’remettes une bonne dose… » Tu vois, j’ai fait des incantations pour que le soleil revienne dur et surtout qu’il reste ! Ce serait bien, mais il paraît que si l’anticyclone n’arrive pas à s’installer, c’est à cause des Russes ! Enfin, c’est à cause de la canicule qu’ils ont, rien à voir avec le rideau de fer qui reviendrait, ni d’une nouvelle guerre froide…

C’est marrant que je pense à cette guerre froide, parce que c’est exactement ce qui se passe ici, en France, depuis quelques jours. On dirait que j’aurais voulu le faire exprès pour ma transition, je n’aurais pas mieux fait. En effet, cela pourrait s’appliquer à un débat bien sérieux pour une période de vacances, celui sur la sécurité, enfin plutôt sur l’insécurité. Tu parles, toi ! Mon Nicolas a lancé un pavé dans la mare, juste avant de partir en vacances, et cela fait des remous. Tandis que lui, il est en train de faire des remous dans la belle bleue avec sa bouée canard. Bah, si ! On ne plaisante pas avec la sécurité, d’autant que je viens de dire qu’il y avait beaucoup de remous. Bref. On se retrouve avec des voix qui s’élèvent contre ce qu’il propose comme solution. Tu peux toujours relire mon article comme Rambo si tu étais en train de faire bronzette et que tu es passé à côté. Et un sondage IFOP - Le Figaro qui lui donne raison à 80% ! Oui, comme tu dis, cela fait beaucoup ! Tu parles si mon Nicolas doit faire le coq avec un résultat pareil ! Avec sa bouée canard, c’est con pour lui… Enfin.

On peut s’étonner qu’il y ait 80% de gens pour, 20% contre et que tout le monde avait son mot à dire. En effet, pas un seul sans opinion ; incroyable ! En même temps, c’est rare qu’un sondeur ne propose pas cette case. Tu me diras, comme tous les sondages, les chiffes veulent dire ce que l’on a envie d’y voir. Imagine par exemple que sur les 1003 sondés, ce n’est déjà pas beaucoup, il y en ait la moitié qui n’a pas répondu parce qu’il n’y avait pas la case ! Bah, oui, ça change tout ! Puis, est-ce qu’avant de répondre favorable, les gens ont vérifié qu’ils n’étaient pas concernés eux-même. On devrait rendre les arbres généalogiques obligatoires, cela éviterait de scier la branche sur laquelle on est tous assis! Bien entendu comme les chiffres sont vraiment étonnant, un des responsables de l’IFOP a été interrogé sur le sujet. Que dit-il, c’est très simple, il voit une confirmation de ce qu’il pensait ! C’est à dire que, même si mémé Liliane a fait beaucoup de bruit avec son affaire, ce sont les violences des dernières semaines qui nous ont marqués ! J’en suis resté baba, mes gens ! Dire que j’avais cru qu’on en faisait des tonnes pour justement changer de sujet et faire oublier toutes les magouilles. Bah, non, je m’étais fait un film ! Je vois vraiment des complots partout !

Il dit aussi : « Les taux d’adhésion élevés prouvent que les attentes, voire les inquiétudes des Français face à l’insécurité ne datent pas d’hier, même si elles sont montées en puissance à la faveur des faits divers qui ont récemment défrayé la chronique. » Il ne se mouille pas ! On le sait bien que cela ne date pas d’hier. Tiens, mon Nicolas a acheté un Kärcher en 2007, c’était facile à deviner ! A présent, comme la notice est en chinois, on sait ce qu’il en a fait. Quoi, quoi ? Qu’est-ce que j’en sais moi ! Il arrose son gazon, par exemple ! Maintenant, il va s’en servir pour faire de la fausse pluie pour reprendre singin’ in the rain. Il n’y a pas de raison qu’il n’y ait que Carla qui fasse du cinéma ! Pourquoi ce film et pas un autre ? Bon sang, tu en poses des questions, toi ! Je ne sais pas j’ai dû le lire dans un sondage IFLOT : 80% singin’ in the rain ! Tu l’auras voulu ! On revient à ce brave. Il continue en disant : « Il y a peut-être du vrai dans la thèse du PS quand il accuse Nicolas Sarkozy de se servir de l’insécurité pour faire oublier Woerth. » Ah ! Il se dit que de brosser un coup à gauche cela ne fait pas de mal. On ne sait jamais, cela pourrait servir sa carrière en 2012. Toujours est-il qu’il pensait comme moi et peut-être toi, il faudra que je fasse un sondage IFOP - Toutoule pour savoir. Mon Nicolas est le roi des prestidigitateurs. Il te montre d’une main l’insécurité et, pendant ce temps-là, de l’autre, abracadabra, il fait disparaître une affaire embarrassante.

Pour terminer, il conclut par : « On ne peut nier que la demande de sécurité est forte chez tous les Français et pas seulement chez ceux qui votent Le Pen. » Il a le sens de la formule, pour ne pas dire de la lapalissade ! Tu en connais beaucoup qui ont envie de se faire agresser à tous les coins de rue, toi ? Non ? Moi non plus ! Et si l’on avait tous voté pour Jean-Marie, cela se saurait ! Toujours est-il que cela ne laisse pas indifférent les propos de mon Nicolas, puisque cela a même sorti de sa retraite Michel Rocard. Puis, attention les yeux, il n’y va pas par le dos de la cuillère ! En effet, il n’a pas hésité à dire que l’on n’avait pas vu cela depuis le régime de Vichy et les nazis. Pour celui qui était près du radiateur en cours d’histoire, je précise que le régime de Vichy n’a rien à voir avec une méthode pour perdre du poids. Enfin, ça se discute, vu tous les malheureux emprisonnés. C’était la France de Pétain. Pète un coup, ça ira mieux ! Tu as le gaz qui remonte à ton cerveau et cela t’empêche de faire marcher tes neurones !

Désolé, mes gens, ce n’est pas très fin, je te l’accorde, mais il y a des sujets nauséabonds. Il vaut mieux détendre l’atmosphère. Je vais changer de sujet parce que l’on va finir par croire que je le fais exprès après pète un coup, atmosphère, nauséabond… Bah, oui, je fais mon Jean-Marie, mais Bigard, celui-là. Ca pue aussi mais c’est beaucoup plus sain que l’autre quand même ! Quoi ? Il faut que j’explique aussi nazis ? Euh, c’était une secte de très méchants qui était dirigée par quelqu’un qui disait que tout le monde devait être une baraque blonde aux yeux bleus, alors que lui était un petit brun excité aux yeux bruns. Il s’appelait Adolf Hitler de rien, il a fait fureur à l’époque ! Attends, une baraque blonde aux yeux bleus et un petit brun excité aux yeux bruns… Ah, j’ai eu très peur ! A une moustache près, je croyais que mon Michel avait pensé à mon Nicolas et Brice Hortefeux, voire même Jean-Marie Le Pen. Des bons ariens, comme aurait dit Adolf. Tu comprends, comme on dit que la vie est un éternel recommencement, cela m’a foutu le trouillomètre à zéro !

On va terminer par quelqu’un d’autre. Elle vient de craquer une allumette pour mettre le feu aux poudres ! Hé oui, elle ! C’est un indice de taille ! Devinette : Qu’elle est la femme politique qui revient à la charge avec une petite phrase assassine régulièrement de peur qu’on l’oublie ? Tu donnes ta langue au chat ? Un indice de plus, elle est toujours tirée à quatre épingles. Tu vois, ça élime certaines dont je vais taire les noms ! Bah, ouais, c’est Rachida Dati, celle sans qui on s’ennuierait ferme, surtout pendant cette pause estivale de nos chers ministres ! Nota : Chers, tu le prends dans le sens que tu veux, sachant que plus ils te coûtent chers moins ils sont chers à tes yeux. Elle a répondu à une interview publiée dans le magazine féminin Grazia. On pourrait s’attendre à ce qu’elle nous parle des maillots de bain à la mode, même pas ! Ce qui l’a préoccupe aussi c’est l’insécurité et n’hésite pas à déclarer que : « Quelque chose n’a pas marché dans la lutte contre la délinquance. » Bien entendu, elle en profite pour faire haro sur le bodet et le sien, c’est Brice Hortefeux qu’elle n’aime vraiment pas, même en peinture ! Puisque celui-ci est vachement content de son bilan.

Mais Rachida, très en forme, ne s’arrête pas là. Elle ajoute que cela fait trois ans que les atteintes aux personnes augmentent et sont plus violentes qu’avant. Trois ans ? Qu’avant ? Paf dans le pif de mon Nicolas ! Bon sang ! Ah, on l’a exilée à Bruxelles ! Si mon Nicolas a fait des remous avec sa déclaration, elle, elle va carrément déclencher un tsunami. Elle remet une bonne couche en disant que, globalement, les électeurs de gauche sont d’accord avec ce qu’a dit mon Nicolas, alors qu’il y a des amis pas de gauche qui sont plutôt mal à l’aise. Tiens, v’lan prend ça, c’est du bon ! Garanti 100% Rachida, élevée au Dior, cela madame ! Tu en veux encore ? Une petite dernière ! Elle conclut : « Le pire c’est que moi je ne sais pas quoi penser. Mal à l’aise, même pas, je n’écoute pas quand Frédéric Lefebvre parle, mais plutôt qu’un blabla parfois bordeline, je préfèrerais des actions efficaces et concrètes sur le terrain. » Et re-paf ! A présent Frédo ! Enfin, côté blabla, elle n’est pas loin de la vérité. En tout cas, elle vient de se faire un nouvel ami…

Cela déchaîne les passions ce problème d’insécurité ! Mon Nicolas a rudement bien fait de nous donner un os à ronger pendant qu’il est en vacances. Tout le monde saute là-dessus et pendant ce temps-là, on ne va plus parler d’autre cosse. Mes gens, quand je parlais de guerre froide, tu vois que l’on n’en est pas loin, c’est versus qui tu veux et c’est marrant, mais je me sens encore plus en insécurité ! A suivre…