Chalut mes gins ! J’espèr’te qu’t’as paché un bion ouiquend ? T’as bin eu raison d’in profiter, car in ch’éloign’te à grind pas d’eul canicule. Ouais, ch’est com’ cha. Com’ alle simbe ête terminée, in a l’drot à nouvieau d’eul dir’te et n’pon appeler cha grosses caleurs. Ch’est incroyape com’ cha fait l’différinche pach’que rin qu’eud n’pon l’dir’te, in a sauvé des vies. A moins qu’in ait oublié d’nous in parler ! Ch’est vrai qu’in a eu deux dossiers importints qui ontent voilé un peu l’ress’. A’ch’t’heure, ch’foot i est fini. Te peux faire, chi te veux, eune ola olé pour ches Espagnols. Bah, ouais, à ti tout seu, cha fait con. Pinse à eune crème dessert, cha arvient à ch’même ! Bin intindu, in a auchi ch’feulleton mettint in vedette mémé Liliane et toute eune pléiade d’guess stars, dont chertains, à n’in pon douter, aurotent préféré n’jamais figurer à ch’générique…

In attindint, j’ai bin cru qu’in allot mette ch’point final dès diminche. Bah, ouais, ch’est com’ cha ! Not’ saga à friqués d’l’été alle aurot pris fin in même timps qu’ches grosses caleurs. Auchi bizarr’te qu’cha puiche paraîte, ch’t’Inspec’chion Générale d’ches Fininches alle a sacrifié sin ouiquend pour pouvoir armette sin rapport chu ches implicachions d’Eric Woerth. Quind in a querre à sin métier, in n’compte pon. I faut savoir travaller pus vit’ pour gagner pus d’timps, alors qu’à ch’même momint eune étute alle t’apprind qu’in est moins efficache quind i fait très caud et qu’eul productivité alle ch’in arsint. Bah, ouais, j’cros bin qu’t’as raison, is ontent l’clim, ch’est évidint, et is ontent dû la mette à fond ! Résultat d’ches courses : Blinc com’ neiche ! Te vos, pour li, ch’est parel qu’à ch’timps. Finies ches grosses caleurs, ch’timpérature intérieure alle arvient à ch’normale. A moins qu’i ait attindu dins ches mêmes bureaux et qu’cha li ait donné un cop d’frod. Infin, cha va li permette d’finir ch’préparachion pour présinter sin projet d’réforme à ches régimes d’artraites, pach’que min Nicolas i comminche à trépigner dur’te !

Quo qu’te dis ? Aveuc min Nicolas qui parl’te à ch’télé lundi soir, ch’te réforme mardi, cha ch’goupile vaqu’mint bin tout cha… In aurot voulu l’faire exprès qu’in n’aurot pon miux fait ! In même timps, mes gins, j’vais mette auchi min grain d’sel in disint qu’ch’est eune saga et qu’i faut qu’cha ch’goupile bin, chinon in richque d’perde ch’fil. Ch’est qu’i y a d’eul concurrinche ! Histoire même d’imbrouiller ches téléspectateurs, v’là qu’in arsort Ingrid. Bah, ouais, eune Bétancourt alle pourrot bin mucher eune Bettencourt, même chi aveuc ches chinq millions d’euros qu’alle réclam’te à ch’t’Etat colombien, à tite d’compinsachion pour ches effets traumatiques et eune perte d’arvenus liée à ch’captivité, Ingrid alle parôt bin tiote joueusse par rapport à mémé Liliane. D’autint que ch’t’Etat colombien i n’y est pon pour grind cosse, puich’qu’alle ch’est fait inlever par ches FARC. Ch’est un peu com’ chi in t’mettot Dallas et Côte Ouest in même timps. Ch’est toudis un Ewing qui est l’vedette. Bion, d’accord aveuc ti, ch’Colombie alle est vraimint, vraimint à l’ouest, mais alle l’est quind même ! Et chi in voulot faire qu’ches téléspectateurs is soy’tent à l’ouest, in n’ch’y prindrot pon miux ! Toudis i est qu’i y a gramint qui doutent d’eul vérachité d’euch rapport. Pach’que, effectivemint, ch’est bin ch’début d’un nouviel épisote !

A l’instar d’ches Galeries Lafayette d’ù qu’i ch’y pache toudis qué cosse, ichi, ch’est parel ! In ch’attindot à un point final, com’ j’l’ai dit pus haut mais, in fait, in n’a affaire qu’à des points d’suspinchion. Ch’qui nous amèn’te à eune nouvielle polémique orchestrée par min Benoît, toudis Hamon goût ch’ti-lal, qui a déclaré qu’euch rapport i n’avot aucune valeur à ches zis puich’qu’i a été réalisé par un corps d’Etat arlié direct’mint à ch’gouvernemint. In fait, chi te veux un décodache, cha veut dir’te qu’chi te ravises ti-même dins tin placard, te n’treuveras jamais ch’cadafre qui y est muché. Ch’est vrai qu’je sus d’accord, ch’est diffichile, voire impochipe, d’ête à l’fos juge et partie. D’autint qu’cha n’est pon l’seu point épineux mis à jour. Bah, nin ! J’n’ai pon mis épineux pach’que min Benoît i est rosse, puich’que cha n’vient pon d’li, mais plutôt de ch’t’avocat d’Claire, ch’comptape à mémé Liliane. I treuve bizarr’te, tiens, i a dit bizarr’te, qu’ches seux extraits d’ches procès verbaux qui ontent trinspiré dins ches journaux soy’tent ceusses qui mettent hors d’causse min Nicolas…

D’autint qu’in apprind auchi qu’ches journalistes qui ontent dévoilé ches premiers ches extraits, dins ch’Figaro, is n’sontent pon des reporters judichiaires travaillant chu ch’t’affaire. Bah, ouais, cha n’est pon toudis drôl’te d’ch’occuper d’euch rubrique d’ches quiens écrasés. Pis ch’est ches vacinches, in n’a p’t-ête dû avoir arcours à des stagiaires, l’informachion n’attind pon ! Te n’y cros qu’à mitan, ti, pach’que cha aurot été pus crédipe chi cha avot été publié par ch’Canard Enchaîné. Vingt dius ! Te vos des complots partout ! Ch’Canard i a d’jà fait tout l’ress’ d’euch traval, i est crevé et, pour eune fos, i n’a pon été assez rapite ! Cha pourrot faire eune nouvielle fabe ; après ch’lièf’ et ch’tortue, voichi ch’Figaro et ch’Canard ! Infin, mis à part qu’un journaliste d’euch Monde i a déclaré avoir archu très rapid’mint des extraits sélectionnés d’euch procès verbal. Cha y est, t’armets cha et te cries cor’ à ch’complot ! I faut raviser cha chous un aute ingue. Ches journalistes is sontent débordés. J’in sais qué cosse, quind te veux in avoir un à ch’téléphone, ch’est jamais pochipe. Is sontent overbookés et te d’viens chèvre – bouc et chèvre, ch’est un jeu d’miots pour ch’ti qui est à l’ouest – alors, in t’pache un stagiaire, just’mint, qui est lal pour ch’occuper d’euch photocopieur.

Bref ! Quo qu’in va ennuyer un journaliste aveuc des paragraphes complets, alors qu’in sait, com’ i n’a pon l’timps, qu’i va lir’te in diagonale ? In pus, in va l’imbrouiller aveuc des noms à n’in pus finir d’guess stars, alors qu’i y a un invité vedette, min Nicolas. Et quelle vedette ! Autint gagner du timps et donner que ch’t’extrait chosi. Com’ cha, in est sûr’te qu’i n’pourra pon ch’imberlificoter. Quo ? Te treuves que justemint cha fait cor’ pus cop monté ? Te vos, j’cros bin qu’t’es d’euch même avis que ch’t’avocat et ch’est ch’qui encourache gramint à pinser com’ min Benoît. I suggère qu’cha sot l’justiche qui prenn’te ch’dossier in charge. Bah, ouais, com’ te l’dis ! In n’est pon prêts d’savoir quo et qu’est-che vu ches piles qu’is ontent d’jà à traiter et in n’aurot chertain’mint rin su diminche ! In 2013 ? Pourquo ? Aveuc ch’fin d’euch monte prévue pour décimpe 2012, in n’in saura jamais rin alors ! Mi, j’ai bin eune aute idée pour gagner du timps et éviter un procès chertain’mint coûteux…

J’te sors cha brut d’décoffrache. Cha vaut ch’que cha vaut, mais in pourrot faire appel à Paul ch’poulpe ! Bah quo ? I n’ch’est jamais gouré pindint ch’te coupe d’euch monte. Cor’ bin miux qu’un extralucide ! Même pour ch’finale, i a vu juss’ ! Alors qu’ch’étot ch’première fos qu’in li d’mindot d’chosir chins qu’eune équipe allemande alle jue. Bah, ouais, balaise ch’te bestiole ! J’ai appris qu’cha a neuf cerveaux, un poulpe. Autint dir’te pus qu’eune équipe d’footballeux ! Pis, chi j’te dis qu’ch’est d’eul famile des céphalopodes, ch’est à dire cerveau chu pattes, ch’est dir’te chi ch’est à mille lieues d’eune équipe qu’in connôt bin ! Bref. In mettrot dins sin aquarium un bocal aveuc ch’guiffe à Eric Worth marqué coupape et un aute tout parel mais marqué innochint. In f’rot ch’même cosse aveuc min Nicolas. In pus, li a qui in arproche d’avoir l’main mise chu tout in même timps, com’ eune pieuvre in somme, cha pourrot ête un sacré duo. J’ardeviens sérieusse… Chi, chi, ch’est pochipe ! Inchuite in laicherot faire Paul. Qué timps gagné et qué économie ! J’pinse qu’min poulpe fic’chion i s’rot autint crédipe qu’euch mauviais schénario qu’in vient d’nous servir !

V’là, mes gins ! Ch’est un nouviel épisote qui n’nous apprind pon grind cosse, in fin d’compte, com’ ches feulletons d’ù qu’te peux fachil’mint in louper un chins nuir’te à ch’compréhinchion de ch’t’histoire. Chinon, chi cha ch’termin’te ichi, cha finit in ieau d’boudin ! Je n’vais pon dir’te in court bouillon, je n’voudros pon risquer d’faire peur à min Paul ! Et Diu i sait qu’i a d’l’ouvrache aveuc tout ch’dallache ! D’quo ch’immêler ches pinceaux et aveuc un poulpe, inutile d’eut dir’te qu’cha prind eune aute diminchion. In n’a pus qu’à attinde d’vir commint qu’cha va tourner après qu’min Nicolas i aura causé dins ch’poste et in f’ra p’t-ête, chi te l’veux bin, un nouviel opus à m’saga à friqués !

Un juge impartial !

Salut mes gens ! J’espère que tu as passé un bon week-end ? Tu as bien eu raison d’en profiter, car on s’éloigne à grand pas de la canicule. Oui, c’est comme cela. Comme elle semble être terminée, on a le droit à nouveau de le dire et ne pas appeler cela grosses chaleurs. C’est incroyable comme cela fait la différence parce que rien que de ne pas le dire, on a sauvé des vies. A moins que l’on ait oublié de nous en parler ! C’est vrai que l’on a eu deux dossiers importants qui ont voilé un peu le reste. A présent, le foot est fini. Tu peux faire, si tu veux, une ola olé pour les Espagnols. Bah, oui, à toi tout seul, ça fait con. Pense à une crème dessert, cela revient au même ! Bien entendu, on a aussi le feuilleton mettant en vedette mémé Liliane et toute une pléiade de guess stars, dont certains, à n’en pas douter, auraient préféré ne jamais figurer au générique…

En attendant, j’ai bien cru que l’on allait mettre le point final dès dimanche. Bah, oui, c’est comme cela ! Notre saga à friqués de l’été aurait pris fin en même temps que les grosses chaleurs. Aussi bizarre que cela puisse paraître, l’Inspection Générale des Finances a sacrifié son week-end pour pouvoir remettre son rapport sur les implications d’Eric Woerth. Quand on aime son métier, on ne compte pas. Il faut savoir travailler plus vite pour gagner plus de temps, alors qu’au même moment une étude t’apprend que l’on est moins efficace quand il fait très chaud et que la productivité s’en ressent. Bah, oui, je crois bien que tu as raison, ils ont la clim, c’est évident, et ils ont dû la mettre à fond ! Résultat des courses : Blanc comme neige ! Tu vois, pour lui, c’est pareil au temps. Finies les grosses chaleurs, sa température intérieure revient à la normale. A moins qu’il ait attendu dans les mêmes bureaux et que cela lui ait donné un coup de froid. Enfin, cela va lui permettre de finir la préparation pour présenter son projet de réforme aux régimes de retraites, parce que mon Nicolas commence à trépigner dur !

Que dis-tu ? Avec mon Nicolas qui parle à la télé lundi soir, cette réforme mardi, cela se goupille vachement bien tout cela… On aurait voulu le faire exprès que l’on n’aurait pas mieux fait ! En même temps, mes gens, je vais mettre aussi mon grain de sel en disant que c’est une saga et qu’il faut que cela se goupille bien, sinon on risque de perdre le fil. C’est qu’il y a de la concurrence ! Histoire même d’embrouiller les téléspectateurs, voilà que l’on ressort Ingrid. Bah, oui, une Bétancourt pourrait bien cacher une Bettencourt, même si avec les cinq millions d’euros qu’elle réclame à l’Etat colombien, au titre de compensation pour les effets traumatiques et une perte de revenus liée à sa captivité, Ingrid paraît bien petite joueuse par rapport à mémé Liliane. D’autant que l’Etat colombien n’y est pas pour grand chose, puisqu’elle s’est fait enlever par les FARC. C’est un peu comme si on te mettait Dallas et Côte Ouest en même temps. C’est toujours un Ewing qui est la vedette. Bon, d’accord avec toi, la Colombie est vraiment, vraiment à l’ouest, mais elle l’est quand même ! Et si on voulait faire que les téléspectateurs soient à l’ouest, on ne s’y prendrait pas mieux ! Toujours est-il qu’il y en a beaucoup qui doutent de la véracité de ce rapport. Parce que, effectivement, c’est bien le début d’un nouvel épisode !

A l’instar des Galeries Lafayette où il s’y passe toujours quelque chose, ici, c’est pareil ! On s’attendait à un point final, comme je l’ai dit plus haut mais, en fait, on n’a affaire qu’à des points de suspension. Ce qui nous amène à une nouvelle polémique orchestrée par mon Benoît, toujours Hamon goût celui-là, qui a déclaré que ce rapport n’avait aucune valeur à ses yeux puisqu’il a été réalisé par un corps d’Etat relié directement au gouvernement. En fait, si tu veux un décodage, cela veut dire que si tu regardes toi-même dans ton placard, tu ne trouveras jamais le cadavre qui y est caché. C’est vrai que je suis d’accord, c’est difficile, voire impossible, d’être à la fois juge et partie. D’autant que ce n’est pas le seul point épineux mis à jour. Bah, non ! Je n’ai pas mis épineux parce que mon Benoît est rose, puisque cela ne vient pas de lui, mais plutôt de l’avocat de Claire, la comptable de mémé Liliane. Il trouve bizarre, tiens, il a dit bizarre, que les seuls extraits des procès verbaux qui ont transpiré dans les journaux soient ceux qui mettent hors de cause mon Nicolas…

D’autant que l’on apprend aussi que les journalistes qui ont dévoilé les premiers ces extraits, dans le Figaro, ne sont pas des reporters judiciaires travaillant sur l’affaire. Bah, oui, ce n’est pas toujours drôle de s’occuper de la rubrique des chiens écrasés. Puis c’est les vacances, on n’a peut-être dû avoir recours à des stagiaires, l’information n’attend pas ! Tu n’y crois qu’à moitié, toi, parce que cela aurait été plus crédible si cela avait été publié par le Canard Enchaîné. Bon sang ! Tu vois des complots partout ! Le Canard a déjà fait tout le reste du travail, il est crevé et, pour une fois, il n’a pas été assez rapide ! Cela pourrait faire une nouvelle fable ; après le lièvre et la tortue, voici le Figaro et le Canard ! Enfin, mis à part qu’un journaliste du Monde a déclaré avoir reçu très rapidement des extraits sélectionnés du procès verbal. Ca y est, tu remets cela et tu cries encore au complot ! Il faut regarder cela sous un autre angle. Les journalistes sont débordés. J’en sais quelque chose, quand tu veux en avoir un au téléphone, ce n’est jamais possible. Ils sont overbookés et tu deviens chèvre – bouc et chèvre, c’est un jeu de mots pour celui qui est à l’ouest – alors, on te passe un stagiaire, justement, qui est là pour s’occuper du photocopieur.

Bref ! Que va-t-on ennuyer un journaliste avec des paragraphes complets, alors que l’on sait, comme il n’a pas le temps, qu’il va lire en diagonale ? En plus, on va l’embrouiller avec des noms à n’en plus finir de guess stars, alors qu’il y a un invité vedette, mon Nicolas. Et quelle vedette ! Autant gagner du temps et donner que l’extrait choisi. Comme cela, on est sûr qu’il ne pourra pas s’emberlificoter. Quoi ? Tu trouves que justement cela fait encore plus coup monté ? Tu vois, je crois bien que tu es du même avis que l’avocat et c’est ce qui encourage beaucoup à penser comme mon Benoît. Il suggère que ce soit la justice qui prenne le dossier en charge. Bah, oui, comme tu le dis ! On n’est pas prêts de savoir quoi et qu’est-ce vu les piles qu’ils ont déjà à traiter et on n’aurait certainement rien su dimanche ! En 2013 ? Pourquoi ? Avec la fin du monde prévue pour décembre 2012, on n’en saura jamais rien alors ! Moi, j’ai bien une autre idée pour gagner du temps et éviter un procès certainement coûteux…

Je te sors cela brut de décoffrage. Ca vaut ce que ça vaut, mais on pourrait faire appel à Paul le poulpe ! Bah quoi ? Il ne s’est jamais gouré pendant cette coupe du monde. Encore bien mieux qu’un extralucide ! Même pour la finale, il a vu juste ! Alors que c’était la première fois qu’on lui demandait de choisir sans qu’une équipe allemande joue. Bah, oui, balaise la bestiole ! J’ai appris que ça a neuf cerveaux, un poulpe. Autant dire plus qu’une équipe de footballeurs ! Puis, si je te dis que c’est de la famille des céphalopodes, c’est à dire cerveau sur pattes, c’est dire si c’est à mille lieues d’une équipe que l’on connaît bien ! Bref. On mettrait dans son aquarium un bocal avec la figure de Eric Worth marqué coupable et un autre tout pareil mais marqué innocent. On ferait la même chose avec mon Nicolas. En plus, lui a qui on reproche d’avoir la main mise sur tout en même temps, comme une pieuvre en somme, cela pourrait être un sacré duo. Je redeviens sérieuse… Si, si, c’est possible ! Ensuite on laisserait faire Paul. Quel temps gagné et quelle économie ! Je pense que que mon poulpe fiction serait autant crédible que le mauvais scénario que l’on vient de nous servir !

Voilà, mes gens ! C’est un nouvel épisode qui ne nous apprend pas grand chose, en fin de compte, comme ces feuilletons où tu peux facilement en louper un sans nuire à la compréhension de l’histoire. Sinon, si cela se termine ici, cela finit en eau de boudin ! Je ne vais pas dire en court bouillon, je ne voudrais pas risquer de faire peur à mon Paul ! Et Dieu sait qu’il a de l’ouvrage avec tout ce bazar ! De quoi s’emmêler les pinceaux et avec un poulpe, inutile de te dire que cela prend une autre dimension. On n’a plus qu’à attendre de voir comment cela va tourner après que mon Nicolas aura causé dans le poste et on fera peut-être, si tu le veux bien, un nouvel opus à ma saga à friqués !