Chalut mes gins ! Haut ches cœurs ! « I fait bieau (in rêf’), i fait bion (in rêf’), ch’te vie coule eune bionne drache… » In n’va pour ch’laicher abatte par un timps pourri’te et eune timpérature dine d’un début d’printimps ! Quind te pinses qu’in t’rabat ches orelles aveuc ch’récauff’mint climatique, cha m’fait bin rir’te ! I dot ête gramint localisé mais pon ichi. Ouais, in Russie et dins un indrot gramint dingereux, in pus. Qué idée j’ai eue d’prinde mes vacinches in août ! Infin, bref. Cha a un côté pratique, te n’as pon d’mau à treuver du sape mouillé et te peux t’exercher à ches câtieaux d’sape, ainchi qu’tout ch’qui t’pache par l’tiête, d’ailleurs ! Bah, nin ! Quind même pon eune statue érigée à m’gloir’te, pour qui te m’prinds ? Ou alors, eune gloir’te vraimint éphémère, pach’qu’à l’prochaine drache, bye bye ! Ch’est lal auchi que t’arpinses à che sketch d’min Dany et qu’te n’argrettes pon d’avoir pour meilleu ami un K-way, même ch’i n’est pon forchémint rouche…

« Ch’t’été s’ra caud, ch’t’été s’ra caud aveuc polaire et pon maillot ! » Infin, j’avoue qu’i y in a un qui fait bin de n’pon m’acouter et d’mette plutôt sin maillot. Mes gins, pour eune fos qu’in peut parler d’eul France qui gagn’te, je n’pouvos pon pacher à côté d’une nouvielle star. Quo que j’dis ! D’une véritape constellachion à li tout seu ! D’autint qu’chi j’pache à côté, je n’sus pon sûr’te qu’in va m’armarquer. I fait quind même eune bionne tiête d’pus qu’mi ! Hé ouais ! D’ailleurs chi j’viens à m’promener aveuc li, cha ne s’ra pon bras d’sus, bras d’chous, mais plutôt chous sin bras ! Pis, in pourra dir’te chelon l’formule conchacrée qu’in aura tout l’air d’euch gigot qui promèn’te ch’gousse d’ail. Ch’i y in a qui rêv’tent d’aller nager aveuc ches dauphins, mi, j’cros bin qu’à partir d’à’ch’t’heure, j’rêf’ d’aller nager aveuc Camille Lacourt ! Ch’est un véritape phénomène in quéques jours. Te parl’tes ti ! J’sus sûr’te qu’eul grinte majorité d’eul France alle n’savot même pon qu’i y avot ches championnats d’Europe d’natachion à Budapest, capitale d’eul Hongrie. Cha nin ! J’donn’te ch’pays pour ch’ti qui aurot des problèmes aveuc l’géographie. Pis, chu ch’cop-lal, hongrois chu parole ! Pon l’peine d’vérifier…

Lundi perchonne i n’eul connaichot à part ch’famile et ches amis. Quind in n’étot pon préoccupé par sin bronzache, in l’étot par ches nouvieaux Bleus, qui sontent vraimint cor’ trop bleus pour faire vibrer l’corde sportive d’ches footballeux chu canapé. Pis, in étot tertous ingoichés auchi pour savoir qui allot gagner ch’tour à vélo d’euch Cap Nègre, étape chupplémintaire et incontournape rajutée à ch’Tour d’France d’pis l’année dernière. Eune épreuve gramint diffichile d’ù qu’i faut montrer ch’t’eximpe, pour dir’te à ches Français qu’is n’sontent pon les seux à pédaler dur’te, même chi in oublie qu’ch’étot chu du macadam alors qu’nou’z’autes ch’est plutôt dins ches sapes mouvints. Et auchi qu’ch’est bin l’première fos d’ù qu’in n’hésite pon à prinde des produits dopints d’vint ch’te caméra ! Coureur, pour ch’prochain tour, fini ches piquouzes aveuc des produits chimiques d’in n’sait pon d’ù qu’is sortent. Vif’ ches beignets d’courgette d’Ginette ! Garintis chis colorints ni conservateurs. Eune compétichion intre min Nicolas et ch’tiot Prince qui a passionné ch’bion peuple, grâche à l’binveillinche d’ches caméras d’TF1. In sait à’ch’t’heure qu’eul vie rêvée d’ches princes – merchi à min camarate Paul pour sin espréchion – alle n’est pon chins sueur. Ch’est vrai qu’i f’sot caud là-bas ! Infin, quo qu’in ne f’rot pon pour donner eune bionne éducachion à sin garchon, ch’tiot Prince ? D’ailleurs, j’sus sûr’te qu’i n’a pon d’mindé qu’i li déchine un mouton. Cha, nin ! I sait pertinemmint à quo is arsimbl’tent ches Français, mais plutôt qu’i li déchine un beignet d’courgette !

Bref. Com’ ch’dauphin qui sort d’l’ieau d’un biond, v’là qu’euch monte intier et in particulier ch’France intière alle découfre Camille Lacourt et n’a pus d’zis qu’pour li ! Bah, ouais, mi auchi ! Je n’sus pon autremint qu’eune aute ! Qu’un aute auchi d’ailleurs, même chi dins ch’cas, i y in a eune partie dont ch’est nin chins eune pointe d’jalousie, i faut bin l’dir’te ! Aveuc sin physique, i dot bin foute des complexes à 99% d’ches mecs ! Ch’est vrai auchi qu’cha cange d’vir un sportif français rafler des médalles à l’pelle et in est bin contint qu’i a invie d’parfaire ch’collec’chion. Eune occasion in or d’intinde ch’Marseillaise autremint qu’accompagner par des sifflets. Pis, in a gramint pus l’timps d’eul raviser pach’que dins l’ieau, i est à peine plongé d’un côté qu’te l’vos arriver d’l’aute ! Seul’mint mi, même chi in jue ch’Marseillaise, cha n’est pon cha qu’j’intinds dins m’tiête : « Des zis bin miux que Paul Newman. Sourire à faire pâlir Clooney. Voilà che portrait chins retouche de l’homme auquel j’appartiens. Quind i me prind dins ches bras, qu’i me parl’te d’ches deux mètes, je vos ch’te vie in rosse. Mi j’arsimbe à eune crevette, mais j’iros bin nager et faire des galipettes. Aller faire quéques longueurs aveuc min bieau nageur ch’est cha que j’li proposse. Ch’est li pour mi, mi pour li dins ch’te vie. I me l’a dit, l’a juré pour ch’te vie. Et dès que je l’aperchois alors je sins in mi min cœur qui bat… »

Quo ? T’auros p’t-ête préféré que j’cante du Mireille Mathieu aveuc je sus eune femme amoureusse ? Nin ? Bah, te vos, te n’as pon à t’plainde ! D’autint qu’après alle ajute et j’brûl’te d’invie. Aveuc toute ch’t’ieau, in aurot vit’ fait d’éteinde ch’t’incindie, ch’est mi qui te l’dis ! Tindis qu’lal, voilà che portrait chins retouche, cha li va bin, hein ? Com’ i dirot l’aute, i n’y a rin à jeter ! D’accord, l’homme auquel j’appartiens, ch’est pon cor’ fait, mais in a l’drot d’rêver. Cha n’est pon interdit ! Vingt-chinq ins et chertain’mint toutes ches dints. Deux mètes, ch’est grind, mais i parôt qu’eul natachion cha allonche. Ch’est m’copine Bridget qui m’in a parlé ch’te s’maine chins savoir qu’j’allos discuter d’Camille à’ch’t’heure. Pis, pon d’problème, ch’est bin pour cha qu’chez Ikea is ontent prévu des lits pus long bin avint tertous. D’ù ch’est qu’te cros qu’j’ai acaté l’mien ? Des gambes interminapes ! Deux in pus, te vos chi in est gâtés ! Un torse musclé, mais pon trop. Des zis bleus com’ l’ieau d’eul pischine et t’as invie d’plonger d’dins. Et sin sourire, mes gins, sin sourire… Mi j’te l’dis, George Clooney i a du chouci à ch’faire ! D’jà sin espresso i va moins vit’ à pacher qu’li pour faire eune longueur d’bassin. In pus, j’cros qu’i y a gramint d’monte qui s’rot prêt à prinde eune tasse aveuc Camille !

Bah, nin, pon eune tasse d’camomille aveuc Camille, cha n’est pon ch’momint d’dormir ! Prinde eune tasse, te sais, ginre au s’cours j’eum noe ! Toudis i est que, d’après sin camarate Fabien Gilot qui partache ch’champe à Budapest, i n’euch rind pon vraimint compte de ch’qu’i déclinche et d’eul vague médiatique qui ch’impare d’li. Eune vague ? Un tsunami, ouais ! I va vit’ ch’in aperchevoir quind i ira faire ches courses, malheureuss’mint pour li, et qu’i va vir eune file d’dix mètes dins sin sillache. Pour sin équipemintière d’Arena, i n’euch préoccupe pon d’sin physique. In n’a pon d’mau à l’croir’te, quind in a un corps com’ l’chien, te parl’tes qu’in a d’autes sujets d’préoccupachion ! I y a gramint d’tops models homme vaqu’mint moins bin foutus. In pus, quind in li d’mindera d’ête mannequin, pach’que cha ne saurot tarder, qué timps is vontent gagner avint d’publier ches photos, pon b’soin d’photoshoper ! Quo qu’te veux gommer ou améliorer ? Pour ch’mère, ch’est quéqu’un qui n’euch prind pon l’tiête. D’ailleurs, alle confie à un journalise qu’i est du ginre à aller faire sin gratin chez sin voisin quind sin four i est in panne. Message perchonnel à Camille : Min four i march’te très bin ! Te vas vir commint que j’vais t’gratiner cha, mi ! Pour sin père, i dit qu’i a connu Laure Manaudou quind alle étot dins ch’périote tumultueusse, qu’i a vu ch’côté obscur d’euch système et qu’i sait commint qu’ches gins is réagiss’tent aveuc ch’vedettariat…

Mes gins, qué athlète ! Qué homme ! In pus, cha chous-intind qu’i saura garder ch’tiête chu ches épaules et qu’i saura nager au mitan d’ches requins. Ch’est ch’qu’in li chouhaite ! In va terminer par ch’que ches files alles attind’tent d’pis ch’début, i parôt qu’i est chélibataire ! Hé ouais ! Ches mecs is n’vontent pus in dormir, ch’est sûr’te ! I n’y a pus qu’à espérer que Camille Lacourt i vienn’te m’la faire, la cour…

Salut mes gens ! Haut les cœurs ! « Il fait beau (en rêve), il fait bon (en rêve), la vie coule une bonne pluie… » On ne va pour se laisser abattre par un temps pourri et une température digne d’un début de printemps ! Quand tu penses que l’on te rabat les oreilles avec le réchauffement climatique, cela me fait bien rire ! Il doit être très localisé mais pas ici. Oui, en Russie et dans un endroit très dangereux, en plus. Quelle idée j’ai eue de prendre mes vacances en août ! Enfin, bref. Cela a un côté pratique, tu n’as pas de mal à trouver du sable mouillé et tu peux t’exercer aux châteaux de sable, ainsi que tout ce qui te passe par la tête, d’ailleurs ! Bah, non ! Quand même pas une statue érigée à ma gloire, pour qui tu me prends ? Ou alors, une gloire vraiment éphémère, parce qu’à la prochaine averse, bye bye ! C’est là aussi que tu repenses au sketch de mon Dany et que tu ne regrettes pas d’avoir pour meilleur ami un K-way, même s’il n’est pas forcément rouge…

« L’été s’ra chaud, l’été s’ra chaud avec polaire et pas maillot ! » Enfin, j’avoue qu’il y en a un qui fait bien de ne pas m’écouter et de mettre plutôt son maillot. Mes gens, pour une fois que l’on peut parler de la France qui gagne, je ne pouvais pas passer à côté d’une nouvelle star. Que dis-je ! D’une véritable constellation à lui tout seul ! D’autant que si je passe à côté, je ne suis pas sûre que l’on va me remarquer. Il fait quand même une bonne tête de plus que moi ! Hé oui ! D’ailleurs si je viens à me promener avec lui, ce ne sera pas bras dessus, bras dessous, mais plutôt sous son bras ! Puis, on pourra dire selon la formule consacrée qu’on aura tout l’air du gigot qui promène sa gousse d’ail. S’il y en a qui rêvent d’aller nager avec les dauphins, moi, je crois bien qu’à partir d’aujourd’hui, je rêve d’aller nager avec Camille Lacourt ! C’est un véritable phénomène en quelques jours. Tu parles toi ! Je suis sûre que la grande majorité de la France ne savait même pas qu’il y avait les championnats d’Europe de natation à Budapest, capitale de la Hongrie. Ca non ! Je donne le pays pour celui qui aurait des problèmes avec la géographie. Puis, sur ce coup-là, hongrois sur parole ! Pas la peine de vérifier…

Lundi personne ne le connaissait à part sa famille et ses amis. Quand on n’était pas préoccupé par son bronzage, on l’était par ces nouveaux Bleus, qui sont vraiment encore trop bleus pour faire vibrer la corde sportive des footballeurs sur canapé. Puis, on était tous angoissés aussi pour savoir qui allait gagner le tour à vélo du Cap Nègre, étape supplémentaire et incontournable rajoutée au Tour de France depuis l’année dernière. Une épreuve très difficile où il faut montrer l’exemple, pour dire aux Français qu’ils ne sont pas les seuls à pédaler dur, même si l’on oublie que c’était sur du macadam alors que nous c’est plutôt dans les sables mouvants. Et aussi que c’est bien la première fois que l’on n’hésite pas à prendre des produits dopants devant la caméra ! Coureur, pour le prochain tour, fini les piquouzes avec des produits chimiques d’on ne sait pas d’où ils sortent. Vive les beignets de courgette de Ginette ! Garantis sans colorants ni conservateurs. Une compétition entre mon Nicolas et le petit Prince qui a passionné le bon peuple, grâce à la bienveillance des caméras de TF1. On sait à présent que la vie rêvée des princes – merci à mon camarade Paul pour son expression – n’est pas sans sueur. C’est vrai qu’il faisait chaud là-bas ! Enfin, que ne ferait-on pas pour donner une bonne éducation à son garçon, le petit Prince. D’ailleurs, je suis sûre qu’il n’a pas demandé qu’il lui dessine un mouton. Ca, non ! Il sait pertinemment à quoi ressemblent les Français, mais plutôt qu’il lui dessine un beignet de courgette !

Bref. Comme le dauphin qui sort de l’eau d’un bond, voilà que le monde entier et en particulier la France entière découvre Camille Lacourt et n’a plus d’yeux que pour lui ! Bah, oui, moi aussi ! Je ne suis pas autrement qu’une autre ! Qu’un autre aussi d’ailleurs, même si dans ce cas, il y en a une partie dont c’est non sans une pointe de jalousie, il faut bien le dire ! Avec son physique, il doit bien foutre des complexes à 99% des mecs ! C’est vrai aussi que ça change de voir un sportif français rafler des médailles à la pelle et on est bien content qu’il a envie de parfaire sa collection. Une occasion en or d’entendre la Marseillaise autrement qu’accompagner par des sifflets. Puis, on a beaucoup plus le temps de le regarder parce que dans l’eau, il est à peine plongé d’un côté que tu le vois arriver de l’autre ! Seulement moi, même si on joue la Marseillaise, ce n’est pas cela que j’entends dans ma tête : « Des yeux bien mieux que Paul Newman. Sourire à faire pâlir Clooney. Voilà le portrait sans retouche de l’homme auquel j’appartiens. Quand il me prend dans ses bras, qu’il me parle d’ses deux mètres, je vois la vie en rose. Moi j’ressemble à une crevette, mais j’irais bien nager et faire des galipettes. Aller faire quelques longueurs avec mon beau nageur c’est ça que j’lui propose. C’est lui pour moi, moi pour lui dans la vie. Il me l’a dit, l’a juré pour la vie. Et dès que je l’aperçois alors je sens en moi mon cœur qui bat… »

Quoi ? Tu aurais peut-être préféré que je chante du Mireille Mathieu avec je suis une femme amoureuse ? Non ? Bah, tu vois, tu n’as pas à te plaindre ! D’autant qu’après elle ajoute et je brûle d’envie. Avec toute l’eau, on aurait vite fait d’éteindre l’incendie, c’est moi qui te le dis ! Tandis que là, voilà le portrait sans retouche, cela lui va bien, non ? Comme dirait l’autre, il n’y a rien à jeter ! D’accord, l’homme auquel j’appartiens, ce n’est pas encore fait, mais on a le droit de rêver. Ce n’est pas interdit ! Vingt-cinq ans et certainement toutes ses dents. Deux mètres, c’est grand, mais il paraît que la natation ça allonge. C’est ma copine Bridget qui m’en a parlé cette semaine sans savoir que j’allais discuter de Camille aujourd’hui. Puis, pas de problème, c’est bien pour cela que chez Ikea ils ont prévu des lits plus long bien avant tous. Où crois-tu que j’ai acheté le mien ? Des jambes interminables ! Deux en plus, tu vois si l’on est gâtés ! Un torse musclé, mais pas trop. Des yeux bleus comme l’eau de la piscine et tu as envie de plonger dedans. Et son sourire, mes gens, son sourire… Moi je te le dis, George Clooney a du souci à se faire ! Déjà son expresso va moins vite à passer que lui pour faire une longueur de bassin. En plus, je crois qu’il y a beaucoup de monde qui serait prêt à prendre une tasse avec Camille !

Bah, non, pas une tasse de camomille avec Camille, ce n’est pas le moment de dormir ! Prendre une tasse, tu sais, genre au secours je me noie ! Toujours est-il que, d’après son camarade Fabien Gilot qui partage sa chambre à Budapest, il ne se rend pas vraiment compte de ce qu’il déclenche et de la vague médiatique qui s’empare de lui. Une vague ? Un tsunami, oui ! Il va vite s’en apercevoir quand il ira faire ses courses, malheureusement pour lui, et qu’il va voir une file de dix mètres dans son sillage. Pour son équipementière d’Arena, il ne se préoccupe pas de son physique. On n’a pas de mal à le croire, quand on a un corps comme le sien, tu parles qu’on a d’autres sujets de préoccupation ! Il y a beaucoup de tops models homme vachement moins bien foutus. En plus, quand on lui demandera d’être mannequin, parce que cela ne saurait tarder, quel temps ils vont gagner avant de publier les photos, pas besoin de photoshoper ! Que veux-tu gommer ou améliorer ? Pour sa mère, c’est quelqu’un qui ne se prend pas la tête. D’ailleurs, elle confie à un journalise qu’il est du genre à aller faire son gratin chez son voisin quand son four est en panne. Message personnel à Camille : Mon four marche très bien ! Tu vas voir comment je vais te gratiner ça, moi ! Pour son père, il dit qu’il a connu Laure Manaudou quand elle était dans sa période tumultueuse, qu’il a vu le côté obscur du système et qu’il sait comment les gens réagissent avec le vedettariat…

Mes gens, quel athlète ! Quel homme ! En plus, cela sous-entend qu’il saura garder la tête sur ses épaules et qu’il saura nager au milieu des requins. C’est ce qu’on lui souhaite ! On va terminer par ce que les filles attendent depuis le début, il paraît qu’il est célibataire ! Hé oui ! Les mecs ne vont plus en dormir, c’est sûr ! Il n’y a plus qu’à espérer que Camille Lacourt vienne me la faire, la cour…