Chalut mes gins ! Com’ alle disot m’grind-mère, ch’est à causse d’ches spoutniks qu’in invoie dins ch’ciel que ch’timps i est déréglé. In même timps, ch’pauf’ alle n’a pon connu des joies d’euch téléphone portabe et de ch’télé par satellite. Chins compter Internet qui a permis d’euch rincontrer, ti et mi ! Infin, in n’y peut rin, même chi in est in plein Vivaldi ! Bah, ouais, quo ! In a ches quate saisons dins eune même s’maine. Hormis ch’timpérature, i n’fait pon caud. Cha quée bin, pach’qu’in a du lourd com’ in dit. Un gros dossier à vir insimpe et in va suer des gouttes, ch’est mi qui te l’dit, car ch’est pon triss’…

Ouais, ch’est incontournape ! J’avos essayé de n’pus t’in parler d’pis quéques s’maines, mais com’ in vient d’réveiller ch’t’homme invisibe, qui somnolot chertain’mint dins un coin, i va bin falloir qu’in ch’y coll’te. In espérint qu’cha sot l’dernière fos. Ch’est vrai, j’ai oublié de t’dir’te qui étot ch’t’invisibe alors t’as du mau à l’vir... Bah, nin, ch’est pon David McCallum. A’ch’t’heure, i est bin trop occupé à découper ches macchabées dins NCIS. Ch’est François Fillon, pardi ! Ch’ti qu’in fait sortir d’vint ches caméras d’timps in timps. Pon pour dir’te qu’i vot ch’leumière ou qu’in ch’rappell’te ch’guiffe, mais churtout quind i y a un méga cafouillache. Te connos sin calme légindaire, te li donn’tes eune grosse p’lote d’fils tout imberlificotés ches uns dins ches autes. Ti, te t’arraches ches queveux, mais li, i t’in fait d’jolis bobinots sortis tout drot d’un rayon d’chez Casto !

Dins l’ginre cafouillache, i est gâté, puich’qu’i arprend ch’dossier combien épineux de ch’t’idintité nachionale, mais pour y mette un point final. Infin, in a fait rintrer d’dins tell’mint d’trucs auxquels i ne ch’attindot pon qu’cha n’va pon ête coton de l’arfermer. Te sais, com’ quind te pars in vacinches et qu’te veux mette t’garde-rope intière dins eune valise ; cha coinche ! T’as bieau t’assir d’chus, d’minder à tertous d’poucher in même timps, rin n’y fait ! Ichi, ch’est ch’même problème. Eric Besson i ne ch’attindot pon à y faire rintrer toutes ches burqas, chins compter ches minarets qu’in n’avot pon prévu nin pus et qui sortent d’partout. Bref, com’ min Nicolas i li a d’mindé d’artroucher ches manques, i est parti au carbon. Min François i y a été d’sin dichcours pour apporter des soluchions. I faut savoir, mes gins, que pindint qu’in dérivot gramint chu ch’sujet, nou’z’autes, is ontent planché chu ch’quechtion ! Qu’est-che que te croyos ? Qu’ches tiotes réunions intre eusses alles étotent juss’ pour boir’te ch’t’apéro ? Que nenni ! Cha ch’termin’te chouvint par cha, j’te l’accorde, mais is travaill’tent avint !

Un bieau dichcours, ch’est com’ eune chronique. I faut introduir’te ch’sujet. Te sais, com’ mi quind j’te parl’te d’tout et d’rin, alors qu’cha n’est pon d’cha dont in va parler. Eune misse in bouque, quo. Infin, aveuc min François, cha s’rot pus eune misse in orelle ! I faut qu’in ch’habitue à ch’vox et qu’in alleum’te sin décodeur. Je n’sais pon chi commincher par « ch’débat chu ch’t’idintité nachionale i a rencontré un succès populaire », sot eune bionne intrée in matière, mais bion. In va dir’te qu’cha a été tell’mint un succès, que tertous i l’a arpris in chœur chu tous ches tons. Inchuite qu’min Nicolas i va ch’exprimer chu ch’sujet in avril. Cha m’parôt normal, i faut l’timps d’lir’te tout ch’dossier. Pis, com’ i n’a pon gramint d’timps, i a ch’méthote, mais alle ch’fait pon toute seu ! Te voudros bin savoir, hein ? Ch’est très simpe. Carlita alle li fait un méga résumé qu’alle met in musique. Com’ cha, pindint qu’i prind sin bain et qu’i ch’gratte l’dios aveuc eune brosse, alle, alle gratte ch’guitare aveuc sin résumé d’dossier. Quind t’es in train d’te détinde, t’es gramint pus récheptif !

In arvient à min François, car j’étos tell’mint in train d’em détinde rin qu’in pinsant à un bion bain, que j’l’avos prech’que oublié ch’ti-lal. I pourchuit : « Ches réunions publiques alles sont closes. » Ch’qui veut dir’te, in clair, qu’cha n’est pus l’peine d’am’ner tin grain d’sel. D’toute fachon, i n’y a pus d’plache dins ch’dossier. « Ch’est un débat vital, ches critiques alles étotent injustifiées. » Bah, ouais, i fait un peu cha Cosette, i faut bin attindrir ches foules. « Ch’débat qu’Eric Besson i a mené étot eximplaire, même ch’i y a eu quelques dérapaches. » Cha, ch’est quo ? I étot tell’mint eximplaire qu’ch’est ti qui l’arprinds. In même timps, chi te prinds ch’phrasse dins l’aute sins, cha a fait caud à sin cœur, à min Eric, ch’patron i a dit qu’t’avos bin travallé. Ah ouais, i y a eu des dérapaches, ch’est vrai, mais in même timps, quelle idée d’lincher cha in automne et in hiver ? Aveuc ch’timps pourrite qu’in a eu ! T’auros fait cha in plein juillet-août, i n’y aurot pon eu d’dérapache, pon gramint d’gins qui ch’in intérèchent nin pus, d’ailleurs !

Bion, après tout ch’blabla d’misse in bouque, in ch’attindot à un festin ! Euh, j’cros qu’in va pacher chez McDo. In va vir cha. « Eune commichion d’perchonnalités, réunichint des historiens et des intellectuels, alle va ête créée pour approfondir ch’débat et churveiller ch’misse in oeufre d’ches m’sures chu ch’sujet. » Vingt dius ! In va réunir du bieau linche pour raviser commint qu’in peut faire. Autint dir’te qu’in va payer des gins pour parler dins ch’vide. Cha comminche bin ! « Dès l’rintrée 2010, ches élèfes d’primaire is aurontent un carnet chitoyen. » J’sus curieusse d’savoir ch’qu’in va bin pouvoir mette d’pus que ch’que ches gamins is sont censés d’jà faire. Soit ! Mette noir’te chu blinc, cha peut faire un bion rappel. « Ches cours d’éducachion civique i s’ront rinforchés. » Bah, is n’aurotent jamais dû ête allégé, i n’faut pon ête ministre pour savoir cha. I parôt même qu’in va leu apprinde l’Marseillaise. Bion, ch’est bin, mais com’ à un match foot, tous ches joueurs is sont importés, te verras toudis ch’même mauviais play-back quind ch’caméra alle s’ra chu eusses…

Alors, in vrac, « in a une journée chitoyen », mais ch’est pon nouvieau. In aura auchi un bieau « drapeau tricolore chu chaque école. ». Ch’est ches deux fabricants français qui vontent ête contints. Infin, j’espère qu’in n’va pon poucher ch’bouchon jusqu’à acater du made in China ! « In va mette dins chaque classe ch’déclarachion d’ches drots d’l’Homme. » Ch’est eune idée com’ eune aute, cor’ faut-i réell’mint mette in applicachion. Tiens, te mets bin chu ches paquets d’cigarettes que finquer tue, cha n’impêquent pon ches gins d’finquer quind même. Bion, chi te veux pus solennel, j’pourros prinde un aute eximpe, ch’qui est marqué un peu partout : Liberté, Egalité, Fraternité. Ah, bin, ouais, affligeant ! Ch’est affiché, mais te peux t’aperchevoir tous ches jours qu’in n’y fait pon vraiment attinchion…

Pour ches gins qui veul’tent ête naturalisés, « in va rinforcher ches cours d’français et ch’niveau d’lingue i s’ra pus élevé. » Bin, i étot timps, j’ai invie d’dir’te ! Ch’est quind même vaqu’mint pus simpe quind in arrif’ à ch’comprinde. Parler aveuc ches mains, ch’est bin, mais in a du mau aveuc toutes ches subtilités, d’autint qu’in a eune lingue riche. Pis, « l’accession à l’chitoyenneté alle s’ra pus solennelle et ches étrangers naturalisés is vontent d’voir signer eune charte. » Solennelle, in l’imagin’te bin : Ch’main chu ch’cœur, in cante, chins play-back, eune Marseillaise aveuc toutes ches paroles. A’ch’t’heure, eune charte. Eune charte ? Bah, ouais, un peu com’ ch’contrat d’confianche chez Darty ! Te vas ête un bion chitoyen, chinon in fait un échange standard aveuc un aute modèle et ti, in t’invoie à ch’recyclache ou à l’casse ! Ch’est vrai qu’min eximpe i fait trop produit et qu’ch’est d’l’humain ichi. Bion, alors j’vais prinde aute cosse : Un contrat d’mariache ! Te t’marites aveuc ch’France, mais ch’est pon seul’mint pour ch’meilleu, ches avintaches sochiaux, ch’est auchi pour ch’pir’te, ches taxes et ches impôts ! Bah, cha, ch’est bin, nin ?

Te vos, mes gins, i n’y avot pon d’quo ch’inquiéter, is ontent bin travallé chu ch’sujet. Cha va gramint chinger ch’donne, mais pon chur grind cosse ! A’ch’t’heure, in t’annonche qu’in va mette in plache eune carte d’séjour à points. Ouais, com’ ch’permis ! Un point, chi te dis un miot d’travers. Deux points, chi te fais un pid d’nez à ches flics, etc.. Et quind t’in auras pus, in t’offre un aller simple dins un biel Airbus, tous frais payés. Chins serviche à bord, faut pon déconner quind même ! Dins un sins, in est rassuré, mes gins, mais i y a eune quechtion qui m’vient à l’echprit : A quind eune carte d’politichien à points ? In v’là eune idée qu’alle est bionne, nin ?

Salut mes gens ! Comme disait ma grand-mère, c’est à cause des spoutniks qu’on envoie dans le ciel que ce temps est déréglé. En même temps, la pauvre n’a pas connu les joies du téléphone portable et de la télé par satellite. Sans compter Internet qui a permis de nous rencontrer ! Enfin, on n’y peut rien, même si l’on est en plein Vivaldi ! Bah, oui, quoi ! On a les quatre saisons dans une même semaine. Hormis la température, il ne fait pas chaud. Ca tombe bien, parce que l’on a du lourd comme on dit. Un gros dossier à voir ensemble et on va suer des gouttes, c’est moi qui te le dit, car ce n’est pas triste…

Oui, c’est incontournable ! J’avais essayé de ne plus t’en parler depuis quelques semaines, mais comme on vient de réveiller l’homme invisible, qui somnolait certainement dans un coin, il va bien falloir qu’on s’y colle. En espérant que ce soit la dernière fois. C’est vrai, j’ai oublié de te dire qui était l’invisible alors tu as du mal à le voir... Bah, non, ce n’est pas David McCallum. Aujourd’hui, il est bien trop occupé à découper ces macchabées dans NCIS. C’est François Fillon, pardi ! Celui que l’on fait sortir devant les caméras de temps en temps. Pas pour dire qu’il voit la lumière ou que l’on se rappelle sa tête, mais surtout quand il y a un méga cafouillage. Tu connais son calme légendaire, tu lui donnes une grosse pelote de fils tout emberlificotés les uns dans les autres. Toi, tu t’arraches les cheveux, mais lui, il t’en fait de jolis bobinots sortis tout droit d’un rayon de chez Casto !

Dans le genre cafouillage, il est gâté, puisqu’il reprend le dossier combien épineux de l’identité nationale, mais pour y mette un point final. Enfin, on a fait rentrer dedans tellement de trucs auxquels il ne s’attendait pas que cela ne va pas être coton de le refermer. Tu sais, comme quand tu pars en vacances et que tu veux mettre ta garde-robe entière dans une valise ; ça coince ! Tu as beau t’asseoir dessus, demander à tous de pousser en même temps, rien n'y fait ! Ici, c’est le même problème. Eric Besson ne s’attendait pas à y faire rentrer toutes ces burqas, sans compter les minarets que l’on n’avait pas prévu non plus et qui sortent de partout. Bref, comme mon Nicolas lui a demandé de retrousser ses manches, il est parti au charbon. Mon François y a été de son discours pour apporter des solutions. Il faut savoir, mes gens, que pendant que l’on dérivait beaucoup sur le sujet, nous-autres, ils ont planché sur la question ! Qu’est-ce que tu croyais ? Que ces petites réunions entre eux étaient juste pour boire l’apéro ? Que nenni ! Cela se termine souvent par cela, je te l’accorde, mais ils travaillent avant !

Un beau discours, c’est comme une chronique. Il faut introduire le sujet. Tu sais, comme moi quand je te parle de tout et de rien, alors que ce n’est pas de cela dont on va parler. Une mise en bouche, quoi. Enfin, avec mon François, ce serait plus une mise en oreille ! Il faut que l’on s’habitue à sa voix et que l’on allume son décodeur. Je ne sais pas si commencer par « le débat sur l’identité nationale a rencontré un succès populaire », soit une bonne entrée en matière, mais bon. On va dire que cela a été tellement un succès, que tout le monde l’a repris en chœur sur tous les tons. Ensuite que mon Nicolas va s’exprimer sur le sujet en avril. Ca me paraît normal, il faut le temps de lire tout ce dossier. Puis, comme il n’a pas beaucoup de temps, il a sa méthode, mais elle se fait pas toute seule ! Tu voudrais bien savoir, hein ? C’est très simple. Carlita lui fait un méga résumé qu’elle met en musique. Comme cela, pendant qu’il prend son bain et qu’il se gratte le dos avec une brosse, elle, elle gratte sa guitare avec son résumé de dossier. Quand tu es en train de te détendre, tu es beaucoup plus réceptif !

On revient à mon François, car j’étais tellement en train de me détendre rien qu’en pensant à un bon bain, que je l’avais presque oublié celui-là. Il poursuit : « Les réunions publiques sont closes. » Ce qui veut dire, en clair, que ce n’est plus la peine d’amener ton grain de sel. De toute façon, il n’y a plus de place dans le dossier. « C’est un débat vital, les critiques étaient injustifiées. » Bah, oui, il fait un peu sa Cosette, il faut bien attendrir les foules. « Ce débat que Eric Besson a mené était exemplaire, même s’il y a eu quelques dérapages. » Ca, c’est quoi ? Il était tellement exemplaire que c’est toi qui le reprends. En même temps, si tu prends sa phrase dans l’autre sens, cela a fait chaud à son cœur, à mon Eric, le patron a dit que tu avais bien travaillé. Ah oui, il y a eu des dérapages, c’est vrai, mais en même temps, quelle idée de lancer ça en automne et en hiver ? Avec ce temps pourri que l’on a eu ! Tu aurais fait cela en plein juillet-août, il n’y aurait pas eu de dérapage, pas beaucoup de gens qui s’en intéressent non plus, d’ailleurs !

Bon, après tout ce blabla de mise en bouche, on s’attendait à un festin ! Euh, je crois que l’on va passer chez McDo. On va voir cela. « Une commission de personnalités, réunissant des historiens et des intellectuels, va être créée pour approfondir ce débat et surveiller la mise en oeuvre des mesures sur le sujet. » Bon sang ! On va réunir du beau linge pour regarder comment l’on peut faire. Autant dire que l’on va payer des gens pour parler dans le vide. Cela commence bien ! « Dès la rentrée 2010, les élèves de primaire auront un carnet citoyen. » Je suis curieuse de savoir ce que l’on va bien pouvoir mettre de plus que ce que les gamins sont censés déjà faire. Soit ! Mettre noir sur blanc, cela peut faire un bon rappel. « Les cours d’éducation civique seront renforcés. » Bah, ils n’auraient jamais dû être allégé, il ne faut pas être ministre pour savoir cela. Il paraît même qu’on va leur apprendre la Marseillaise. Bon, c’est bien, mais comme à un match foot, tous les joueurs sont importés, tu verras toujours ce même mauvais play-back quand la caméra sera sur eux…

Alors, en vrac, « on a une journée citoyen », mais ce n’est pas nouveau. On aura aussi un beau « drapeau tricolore sur chaque école. » Ce sont les deux fabricants français qui vont être contents. Enfin, j’espère que l’on ne va pas pousser le bouchon jusqu’à acheter du made in China ! « On va mettre dans chaque classe la déclaration des droits de l’Homme. » C’est une idée comme une autre, encore faut-il réellement mettre en application. Tiens, tu mets bien sur les paquets de cigarettes que fumer tue, cela n’empêchent pas les gens de fumer quand même. Bon, si tu veux plus solennel, je pourrais prendre un autre exemple, ce qui est marqué un peu partout : Liberté, Egalité, Fraternité. Ah, bien, oui, affligeant ! C’est affiché, mais tu peux t’apercevoir tous les jours que l’on n’y fait pas vraiment attention…

Pour les gens qui veulent être naturalisés, « on va renforcer les cours de français et le niveau de langue sera plus élevé. » Bien, il était temps, j’ai envie de dire ! C’est quand même vachement plus simple quand on arrive à se comprendre. Parler avec les mains, c’est bien, mais on a du mal avec toutes les subtilités, d’autant que l’on a une langue riche. Puis, « l’accession à la citoyenneté sera plus solennelle et les étrangers naturalisés vont devoir signer une charte. » Solennelle, on l’imagine bien : La main sur le cœur, on chante, sans play-back, une Marseillaise avec toutes ses paroles. Maintenant, une charte. Une charte ? Bah, oui, un peu comme le contrat de confiance chez Darty ! Tu vas être un bon citoyen, sinon on fait un échange standard avec un autre modèle et toi, on t’envoie au recyclage ou à la casse ! C’est vrai que mon exemple fait trop produit et que c’est de l’humain ici. Bon, alors je vais prendre autre chose : Un contrat de mariage ! Tu te maries avec la France, mais ce n’est pas seulement pour le meilleur, les avantages sociaux, c’est aussi pour le pire, les taxes et les impôts ! Bah, ça, c’est bien, non ?

Tu vois, mes gens, il n’y avait pas de quoi s’inquiéter, ils ont bien travaillé sur le sujet. Cela va bien changer la donne, mais pas sur grand chose ! A présent, on t’annonce que l’on va mettre en place une carte de séjour à points. Oui, comme le permis ! Un point, si tu dis un mot de travers. Deux points, si tu fais un pied de nez aux flics, etc.. Et quand tu en auras plus, on t’offre un aller simple dans un bel Airbus, tous frais payés. Sans service à bord, faut pas déconner quand même ! Dans un sens, on est rassuré, mes gens, mais il y a une question qui me vient à l’esprit : A quand une carte de politicien à points ? En voilà une idée qu’elle est bonne, non ?

Allez jeter un oeil, voire les deux, sur ce site et les récupérer après...
http://www.fierdetrefrancais.fr/