Chalut mes gins ! J’espèr’te qu’tin ouiquend i ch’est bin paché ? Ch’qui est sûr’te, ch’est qu’in n’a pon vraimint risqué ch’cop d’solel, ch’est ch’moins qu’in puiche dir’te ! Avint même d’raviser par l’feniêtre d’eum champe, ch’matin, j’eum sus réveillée aveuc l’canchon j’veux du solel d’euch groupe Au P’tit Bonheur. J’espèr’te qu’ch’est un bion présache pour un tiot bionheur d’tous ches jours, toudis i est qu’i étot à ch’rindez-vous. Du moins, ch’matin. Chi j’avos su, j’l’auros canté bin pus vit’ ! Com’ deux précauchions alles val’tent miux qu’eune, j’ai inchaîné par ches Négresses Vertes et leu Voilà l’été, eune fachon com’ eune aute d’rapp’ler qu’in est in août. Pis, com’ in dit jamais deux chins tros, j’ai terminé min réchital privé par Soleil, soleil d’Dadida.

Infin, min prénom ch’est Marie, pon Joséphine. I n’suffit pon d’claquer des dogts pour faire un miraque ! Ch’est dommache d’ailleurs, car i y a gramint d’cosses à canger et cha n’est pon ch’boulot qui m’minquerot, ch’est mi qui t’eul dit ! D’jà, j’claqueros des dogts pour qu’in arrête infin ches bêtisses, ch’monte i ch’in porterot gramint miux. Bah, ouais, te pourros dir’te que j’sus un amour et cha qué bin puich’que ch’est just’mint à’ch’t’heure ! Bionne fiête tertous ! Alors, com’ ch’est eune fiête particulière, in va éviter ches sujets qui fâch’tent. Eune pausse doucheur dins un monte d’brutes, cha ne s’ra pon un luxe pour eune fos. D’autint qu’chi ch’timps i n’étot pon à ch’bieau fixe dins ch’ciel, i n’l’étot pon nin pus chez ches politiques. In peut même dir’te qu’i y a eu d’l’orache dins l’air, toudis chuite à ches déclarachions d’min Nicolas. Bah ouais ! Arnaud Montebourg i in a armis eune couche in disint qu’min Nicolas i est à ringer à ch’rayon d’ches incapapes. A ch’fond d’euch magasin France. Nin, nin, cha ch’est mi qui l’ai rajuté. Te n’peux pon l’louper, ch’est ch’pus grind rayon d’toute fachon. Jean-Paul Dubois, président d’eul ligue d’ches drots d’l’Homme, quint à li, déclar’te qu’in a un gouvern’mint d’beaufs aveuc un lingache d’beaufs. Même ches Inglais et ches Américains, dins leux journaux, is ontent mis deux chous dins ch’bastringue à cop d’haine rachiale et d’xénophobie. Bah, min Nicolas, t’côte d’popularité alle n’est pon prête d’armonter…

Attinds, j’ai mis m’panoplie d’Joséphine, infin, j’eum sus mise à g’noux quo. Claque ! Pourvu qu’je n’fasse pon apparaîte eune boîte d’Décolor Stop géinte qui viendrot absorber tout ch’bleu dins ch’ciel. Quo ? Bah, chi, in peut bin faire cha pour min Nicolas ! Is sontent tertous in train d’li gâcher ches vacinches et i va nous arvenir cor’ pus existé et pus énervé ! Ch’est cha qu’te veux ? Attinds, re-claque, pach’que j’cros qu’cha n’a pon marché… Vingt dius, j’eum sus gourée ! V’là qu’j’ai inlevé ch’valve d’euch bouée canard à min Nicolas ! Mi qui voulos li armonter ch’côte d’popularité pour li faire plaiji, v’là qu’i coul’te à pic. Bah nin, j’n’ai pon dit ch’est l’homme qui qué à pic, cha ch’saurot d’pis long ! « Un homme à l’mer ! » Oops ! J’cros bin qu’i avot ch’dernière bouée disponipe. Infin, com’ i n’minque pon d’air, i n’aura qu’à souffler d’dins ! Tiens, ch’est bizarr’te, in dirot qu’perchonne i n’a intindu min appel. Te n’diras pon qu’ch’est mi, hein ? J’sus cor’ in rodache aveuc ches miraques, i n’faut pon m’in vouloir. Pis, ch’est vrai auchi qu’j’sus un peu contrariée pach’que j’n’in fait pon partie, alors l’aute, Joséphine chi ! Alle rafle même ch’trosième plache ! J’savos bin qu’i y avot qué cosse à faire dins ches miraques ! Pourtint, Marie, ch’étot d’jà prédestiné. Quo ? Vierche ? Euh, te ne s’ros pon indiscret ti des fos ? J’ai quéques heures d’vol, v’là ch’est dit ! Nin, j’parlos plutôt qu’in vot apparaîte lal d’ù qu’in ch’y attind ch’moins…

Ravise ! J’ai comminché par un survol d’eul politique d’euch ouiquend mais, in fait, cha n’est pon d’cha dont j’vais t’parler. Pourtint, j’l’ai dit, ch’étot un indiche, in va éviter ches sujets qui fâch’tent puich’qu’in est à l’saint Amour. Ch’est incontournape, com’ eune fos tous ches chix mos, ch’JDD i publie ches chinquinte perchonnalités préférées d’ches Français. Infin un peu d’amour dins ches actus, pach’qu’à part ches bions miots d’ches politiques et quéques drames, i n’y a rin d’aute ! Infin, chi, j’n’in fait pon partie, millard ! Ch’is étotent vénus faire leu sondache dins min pat’lin, j’sus sûr’te qu’j’auros eu eune tiote canche. In n’in parl’te pus… Cha n’est pon eune révélachion, ch’est toudis Yannick Noah qui est in tiête. Bah, chi in m’avot dit qu’eul fait d’habiter Central Park cha boostot t’popularité à 10.000 kilomètes d’lal, j’auros déménagé ! I va falloir que j’li d’minde d’canter Marie plutôt qu’Angela. Quo ? Ouais, j’sais bin qu’min Jojo i l’a canté mais, li, i ch’artreuve à l’vingt-huitième plache au lieu d’eul dixième. Te vos, l’fait ête arvenu in France, cha l’fait querre dins ches sondaches. Pis, te sais, i n’faut pon m’prinde pour eune babache ! J’préfèr’te miser chu ch’bourrin qui gagn’te, tint qu’à faire…

Pour ch’deuxième, qui gagn’te eune plache, ch’est min Zizou. Quo qu’te veux, Zizou i est indétrônape ! Pis, cha n’est chertain’mint pon tout quo qui ch’est paché à ch’te coupe d’euch monte qu’in va li préférer un nouvieau à ches « viux » qui ontent fait rêver ches Français. Tiens, pour preuf’, ch’bieau gosse d’Franckounet i ch’artreuve à chinquintième au lieu d’eul trinte-cheptième. Cha l’apprindra à juer à ch’foot aveuc ch’trosième gambe ! D’ailleurs, in peut noter qu’ch’est ches deux seux footballeux qui sontent dins ch’Top 50. D’lal à vir un rapport aveuc ches évènemints, i n’y a qu’un pas qu’j’ai frinchi pour ti. Infin, in treuve auchi un aute sportif, Chabal, mais ch’est chertainemint pach’qu’in a peur d’eul contrarier. Te sais, i y in a qui mélinche aveuc Chabal le coup… d’t’in prinde un dins ch’guiffe. Pis, in treuve auchi min David, douillettemint installé à quarinte-chinquième plache. Au moins, in sait d’ù qu’i est, pach’qu’in n’peut pon in dir’te autint d’sin fauteul d’député qui n’a qu’très raremint vu ches fesses d’ex judoka ! Com’ j’te l’disos pus haut, sauf chi t’as sauté ch’line, ch’est Mimi ‘Joséphine’ Matty qui grimpe à ch’trosième plache d’euch podium…

Bah, ouais, ch’est con pour alle qu’alle n’est pon chu ch’première marche, pach’qu’alle aurot eu eune canche d’raviser drot dins ches zis Yannick ou Zizou. Tindis qu’ichi, aveuc Yannick chu l’première, alle dot raviser ches callosités d’ches g’noux ! Quo ? Te treuves que, pour l’saint Amour, cha n’est pon l’amour intre nous deux… Ouais, bion, alle n’veut pon partager ches tours et à ch’castinge in m’a viré com’ eune moins qu’rin pach’que j’étos trop grinte ! In n’va pon pacher in arvue tous ceusses qui quéhu’tent ou l’inverche, mais plutôt raviser ches nouvieaux vénus. Parmi eusses, un photographe Yann Arthus-Bertrand, eune actriche Marion Cotillard. Un canteur Jacques Dutronc et deux humoristes femmes, Anne Roumanoff et… Bah, nin pon Marie Toutoule, j’te l’ai dit pus haut ! Mais Florence Foresti. Ch’est assez arprésintatif d’euch vie in France, in a b’soin d’rigoler un bion cop pour oublier toutes ches misères qu’in nous fait. D’ailleurs, dins l’insimpe, tous ches humoristes ontent gagné des plaches. A part min Dany Boon, mais i n’fait pus gramint parler d’li. Pis, un photographe, eune actriche, tout cha, ch’est du rêf’ et in in a bin b’soin !

Quo ? J’ai oublié Jacques Dutronc ? Bah nin, j’y viens ! Li, ch’est carrémint un visionnaire et in peut che d’minder pourquo i n’rinte qu’à quarintième plache. Visionnaire, ch’est un bin grind miot ? Pon tint qu’cha, te vas vir. Quind i cante qu’euch monte intier i est un cactus et qu’i est impochipe d’ch’assir ! D’accord, i gonfle un peu in ramenint cha à ch’monte, mais rin qu’in France, in nous in met tell’mint lal d’ù qu’te pinses qu’cha fait gramint mau et in n’arriv’te pus à ch’assir ! Parel, ch’est bin li qui a canté in 1984 Merde in France, cacapoum, cacapoum pour ches adorateurs d’bions miots. Et quo qu’i ch’pache à’ch’t’heure ? Chi cha n’étot pon eune vision d’euch futur cha ! Cor’ un aute eximpe : I est chinq heures Paris ch’éveill’te. Te peux mette Lille, Dunkerque, Lens ou n’importé quelle ville, ch’est kif. In ch’lèf’ tôt pach’que chi in veut gagner pus, i faut travaller pus et qu’eul soir, in finit d’jà assez tard. Quind in 1982 i cante savez-vous planquer vos sous ? In artreuve des traches d’comptes plinqués prech’que vingt ins après. Tiens, même mémé Liliane ! Et pour conclure in 1987, cheule-chi alle est incontournape et cha m’étonnerot qu’te n’sos pon d’accord aveuc mi :  Qui se soucie de nous ?

T’armarqu’ras, mes gins, chi te cliques chu ch’lien ind’chous qu’in n’vot pon d’visache d’politique dins ch’te Top 50 à deux excepchions près, i faut bin confirmer eune règue. Et cor’ David Douillet, à m’mote, ch’est plutôt pour sin parcours sportif que ch’ti d’député à ches abonnés abschints. Donc, eune excepchion pour confirmer, ch’est Jacques Chirac, ch’pépé à tous ches Français. Quint à ches autes, qué que sot ch’couleur, in n’est pon prêts d’les vir ch’pointer dins ch’Top, d’autint qu’cha n’est pon tous ches miots d’ches derniers timps qui vontent donner l’invie d’les préférer… Mes amours, à l’prochaine !

Salut mes gens ! J’espère que ton week-end s’est bien passé ? Ce qui est sûr, c’est que l’on n’a pas vraiment risqué le coup de soleil, c’est le moins que l’on puisse dire ! Avant même de regarder par la fenêtre de ma chambre, ce matin, je me suis réveillée avec la chanson j’veux du solel du groupe Au P’tit Bonheur. J’espère que c’est un bon présage pour un petit bonheur de tous les jours, toujours est-il qu’il était au rendez-vous. Du moins, ce matin. Si j’avais su, je l’aurais chanté bien plus vite ! Comme deux précautions valent mieux qu’une, j’ai enchaîné par les Négresses Vertes et leur Voilà l’été, une façon comme une autre de rappeler que l’on est en août. Puis, comme on dit jamais deux sans trois, j’ai terminé mon récital privé par Soleil, soleil de Dadida.

Enfin, mon prénom c’est Marie, pas Joséphine. Il ne suffit pas de claquer des doigts pour faire un miracle ! C’est dommage d’ailleurs, car il y a beaucoup de choses à changer et cela n’est pas le boulot qui me manquerait, c’est moi qui te le dit ! Déjà, je claquerais des doigts pour que l’on arrête enfin les bêtises, ce monde s’en porterait beaucoup mieux. Bah, oui, tu pourrais dire que je suis un amour et cela tombe bien puisque c’est justement aujourd’hui ! Bonne fête tous ! Alors, comme c’est une fête particulière, on va éviter les sujets qui fâchent. Une pause douceur dans un monde de brutes, cela ne sera pas un luxe pour une fois. D’autant que si le temps n’était pas au beau fixe dans le ciel, il ne l’était pas non plus chez les politiques. On peut même dire qu’il y a eu de l’orage dans l’air, toujours suite aux déclarations de mon Nicolas. Bah oui ! Arnaud Montebourg en a remis une couche en disant que mon Nicolas est à ranger au rayon des incapables. Au fond du magasin France. Non, non, ça c’est moi qui l’ai rajouté. Tu ne peux pas le louper, c’est le plus grand rayon de toute façon. Jean-Paul Dubois, président de la ligue des droits de l’Homme, quant à lui, déclare que l’on a un gouvernement de beaufs avec un langage de beaufs. Même les Anglais et les Américains, dans leurs journaux, ont mis deux sous dans le bastringue à coup de haine raciale et de xénophobie. Bah, mon Nicolas, ta côte de popularité n’est pas prête de remonter…

Attends, j’ai mis ma panoplie de Joséphine, enfin, je me suis mise à genoux quoi. Claque ! Pourvu que je ne fasse pas apparaître une boîte de Décolor Stop géante qui viendrait absorber tout ce bleu dans le ciel. Quoi ? Bah, si, on peut bien faire cela pour mon Nicolas ! Ils sont tous en train de lui gâcher ses vacances et il va nous revenir encore plus existé et plus énervé ! C’est cela que tu veux ? Attends, re-claque, parce que je crois que cela n’a pas marché… Bon sang, je me suis gourée ! Voilà que j’ai enlevé la valve de la bouée canard de mon Nicolas ! Moi qui voulais lui remonter la côte de popularité pour lui faire plaisir, voilà qu’il coule à pic. Bah non, je n’ai pas dit c’est l’homme qui tombe à pic, cela se saurait depuis longtemps ! « Un homme à la mer ! » Oops ! Je crois bien qu’il avait la dernière bouée disponible. Enfin, comme il ne manque pas d’air, il n’aura qu’à souffler dedans ! Tiens, c’est bizarre, on dirait que personne n’a entendu mon appel. Tu ne diras pas que c’est moi, hein ? Je suis encore en rodage avec les miracles, il ne faut pas m’en vouloir. Puis, c’est vrai aussi que je suis un peu contrariée parce que je n’en fait pas partie, alors l’autre, Joséphine si ! Elle rafle même la troisième place ! Je savais bien qu’il y avait quelque chose à faire dans les miracles ! Pourtant, Marie, c’était déjà prédestiné. Quoi ? Vierge ? Euh, tu ne serais pas indiscret toi des fois ? J’ai quelques heures de vol, voilà c’est dit ! Non, je parlais plutôt que l’on voit apparaître là où l’on s’y attend le moins…

Regarde ! J’ai commencé par un survol de la politique du week-end mais, en fait, ce n’est pas de cela dont je vais te parler. Pourtant, je l’ai dit, c’était un indice, on va éviter les sujets qui fâchent puisque l’on est à la saint Amour. C’est incontournable, comme une fois tous les six mois, le JDD publie les cinquante personnalités préférées des Français. Enfin un peu d’amour dans les actus, parce qu’à part les bons mots des politiques et quelques drames, il n’y a rien d’autre ! Enfin, si, je n’en fait pas partie, bordel ! S’ils étaient venus faire leur sondage dans mon patelin, je suis sûre que j’aurais une petite chance. On n’en parle plus… Ce n’est pas une révélation, c’est toujours Yannick Noah qui est en tête. Bah, si l’on m’avait dit que le fait d’habiter Central Park ça boostait ta popularité à 10.000 kilomètres de là, j’aurais déménagé ! Il va falloir que je lui demande de chanter Marie plutôt qu’Angela. Quoi ? Oui, je sais bien que mon Jojo l’a chanté mais, lui, il se retrouve à la vingt-huitième place au lieu de la dixième. Tu vois, le fait être revenu en France, ça le fait tomber dans les sondages. Puis, tu sais, il ne faut pas me prendre pour une nunuche ! Je préfère miser sur le bourrin qui gagne, tant qu’à faire…

Pour le deuxième, qui gagne une place, c’est mon Zizou. Que veux-tu, Zizou est indétrônable ! Puis, ce n’est certainement pas tout ce qui s’est passé à cette coupe du monde que l’on va lui préférer un nouveau aux « vieux » qui ont fait rêver les Français. Tiens, pour preuve, ce beau gosse de Franckounet se retrouve à cinquantième au lieu de la trente-septième. Ca l’apprendra à jouer au foot avec sa troisième jambe ! D’ailleurs, on peut noter que ce sont les deux seuls footballeurs qui sont dans ce Top 50. De là à voir un rapport avec les évènements, il n’y a qu’un pas que j’ai franchi pour toi. Enfin, on trouve aussi un autre sportif, Chabal, mais c’est certainement parce que l’on a peur de le contrarier. Tu sais, il y en a qui mélange avec Chabal le coup… de t’en prendre un dans la gueule. Puis, on trouve aussi mon David, douillettement installé à quarante-cinquième place. Au moins, on sait où il est, parce que l’on ne peut pas en dire autant de son fauteuil de député, qui n’a que très rarement vu ses fesses d’ex judoka ! Comme je te le disais plus haut, sauf si tu as sauté la ligne, c’est Mimi ‘Joséphine’ Matty qui grimpe à la troisième place du podium…

Bah, oui, c’est con pour elle qu’elle n’est pas sur la première marche, parce qu’elle aurait eu une chance de regarder droit dans les yeux Yannick ou Zizou. Tandis qu’ici, avec Yannick sur la première, elle doit regarder ses callosités des genoux ! Quoi ? Tu trouves que, pour la saint Amour, ce n’est pas l’amour entre nous deux… Oui, bon, elle ne veut pas partager ses tours et au casting, on m’a viré comme une moins que rien parce que j’étais trop grande ! On ne va pas passer en revue tous ceux qui tombent ou l’inverse, mais plutôt regarder les nouveaux venus. Parmi eux, un photographe Yann Arthus-Bertrand, une actrice Marion Cotillard. Un chanteur Jacques Dutronc et deux humoristes femmes, Anne Roumanoff et… Bah, non pas Marie Toutoule, je te l’ai dit plus haut ! Mais Florence Foresti. C’est assez représentatif de la vie en France, on a besoin de rigoler un bon coup pour oublier toutes les misères que l’on nous fait. D’ailleurs, dans l’ensemble, tous les humoristes ont gagné des places. A part mon Dany Boon, mais il ne fait plus beaucoup parler de lui. Puis, un photographe, une actrice, tout cela, c’est du rêve et on en a bien besoin !

Quoi ? J’ai oublié Jacques Dutronc ? Bah non, j’y viens ! Lui, c’est carrément un visionnaire et on peut se demander pourquoi il ne rentre qu’à quarantième place. Visionnaire, c’est un bien grand mot ? Pas tant que cela, tu vas voir. Quand il chante que le monde entier est un cactus et qu’il est impossible de s’asseoir ! D’accord, il gonfle un peu en ramenant cela au monde, mais rien qu’en France, on nous en met tellement là où tu penses que cela fait très mal et on n’arrive plus à s’asseoir ! Pareil, c’est bien lui qui a chanté en 1984 Merde in France, cacapoum, cacapoum pour les adorateurs de bons mots. Et qu’est-ce qui se passe à l’heure actuelle ? Si ce n’était pas une vision du futur ça ! Encore un autre exemple : Il est cinq heures Paris s’éveille. Tu peux mettre Lille, Dunkerque, Lens ou n’importe quelle ville, c’est kif. On se lève tôt parce que si l’on veut gagner plus, il faut travailler plus et que le soir, on finit déjà assez tard. Quand en 1982 il chante savez-vous planquer vos sous ? On retrouve des traces de comptes planqués presque vingt ans après. Tiens, même mémé Liliane ! Et pour conclure en 1987, celle-ci est incontournable et cela m’étonnerait que tu ne sois pas d’accord avec moi :  Qui se soucie de nous ?

Tu remarqueras, mes gens, si tu cliques sur le lien en dessous que l’on ne voit pas de visage de politique dans ce Top 50 à deux exceptions près, il faut bien confirmer une règle. Et encore David Douillet, à mon avis, c’est plutôt pour son parcours sportif que celui de député aux abonnés absents. Donc, une exception pour confirmer, c’est Jacques Chirac, le pépé de tous les Français. Quant aux autres, quelle que soit la couleur, on n’est pas prêts de les voir se pointer dans le Top, d’autant que ce ne sont pas tous les mots de ces derniers temps qui vont donner l’envie de les préférer… Mes amours, à la prochaine !