Chalut mes gins ! I règne com’ eune odeur d’craie. Infin, cha fait belle lurette qu’cha n’est pus vraimint d’eul craie. Pour chertains privilégiés, cha arsimbe pus à ch’mur multimédia qu’in vot dins ches séries américaines. Ch’étot juss’ eune pointe (bic) de nostalgie à ch’momint de ch’te pré-rintrée pour ches inseignints. J’ai hésité chu ch’t’orthographe pour n’pon écrir’te in saignint car chi j’in cros ch’qui ch’dit cha et lal, cha va ête un vrai bazar ! Infin… J’ai eune pinsée toute particulière pour tous ches arpes qui ontent sacrifié leur vie pour finir in feulles tatouées d’tiots carreaux ou seyes. Tout cha pour qu’nos quères tiêtes blontes alles finiss’tent à sciences Po qui, i faut bin l’arconnaîte, est ch’bion moyen d’ouvrir ches portes de l’Eldorado. Hé ouais, mes gins ! In même timps, i faut bin qu’in pinse à ch’t’arlève, pach’que cha n’est pon aveuc eune équipe d’bras cassés qu’in va ch’in sortir ! Alors, com’ j’supposse que te n’auras pon eu l’timps d’raviser quo qui ch’est paché dins ch’pays, trop absorbé par l’découverte d’tous ches nouvieaux accessoires scolaires, in va vir cha insimpe !

Dis Titine, pourquo te tousses ?

Ch’est vrai qu’après quéques jours pachés chous ch’solel d’La Rochelle, chi alle est arv’nue chu Lille pour préparer sin bric-à-brac pour faire ch’braderie, alle a pu ch’inrhumer graf’. I n’y fait pon bin caud. Mais ch’est pour eune aute raison qu’alle a eune toux choudaine. Cha arsimpe pus à un étringlemint, d’ailleurs, pach’qu’i y a eune pilule qui n’pass’te pon ! Cha s’rot fachile à dir’te qu’i s’agit d’eune tiote pilule rosse. Ch’est pourtint bin l’bionne couleur puich’qu’alle porte ch’nom d’Benoît Hamon. Ch’ti-chi i aurot déchidé d’faire cimpagne aveuc Olivier Besancenot, pour définde l’artraite à 60 ins et i est même question qu’is ch’artreuv’tent chu ch’même estrade, pour un meeting à Montreuil, au lind’main d’eul grinte manifestachion prévue. In li avot d’jà arproché d’ête trop à gauche. I y a eune line rouche qu’i n’faut pon frinchir, i a déclaré Pierre Moscovici, qui rappell’te auchi qu’min Benoît i est ch’porte-parole d’euch parti. Et d’ajuter qu’i n’faut pon laicher croir’te qu’ches alliés de d’main is s’rotent à l’extrême gauche, in l’occurrinche à ch’t’NPA, qui arfuse toute réforme. Bref, pour résumer, i dit qu’euch NPA i n’est pon dins ch’périmète des allianches.

Ch’est d’eul géométrie appliquée. Bah ouais ! Cha n’est pon évidint d’ête à gauche vers ch’mitan et à gauche vers à gauche toute ! Cha va obliger Benoît à faire ch’grind écart et ch’i déchind trop vit’, com’ ch’est un garchon, in n’a pon à in douter, i pourrot ch’faire du mau. Chi te vos quo que j’veux dir’te… Alors, après, quind i ouvrirot ch’bouque, in n’saurot jamais chi in intind ch’vox à la Titine ou chi in intind cheule d’euch facteur. Facteur, d’ailleurs, qui ch’fait eune joie d’arprinte eune arvinche, in quéque sorte, car i est contint de n’pus ête infréquintape par ches sochialistes. Infin, pour un au moins ! Gérard Collomb i dit à peu près parel que Pierre Moscovici in ajutint qu’i dot chosir, mais pon garder eune doube casquette. Pour cha, i in appell’te à Titine qui doit clarifier. Bah, attinds un peu ! Alle a ch’gorche enrouée et alle n’a pon prévu d’l’ieau caude aveuc du miel et du citron. Ch’est ch’braderie, alle comptot plutôt chu eune bionne bière aveuc ches moules-frites ! Alle va clarifier, com’ te l’veux et dir’te chi alle est dins eune line réformiste com’ à’ch’t’heure ou révoluchionnaire, qui f’rot baicher l’crédibilité d’euch parti à ches zis d’ches Français. Ch’est vraimint pon simpe, ch’politique. Min Benoît i va gâcher ch’braderie à Titine ! Quind j’pinse que Ségolène alle avot dit ch’ouiquen qu’i n’y avot pon d’courint à ch’PS et que l’ieau alle étot calme, v’là eune vague et j’espèr’te qu’alle n’annonche pon un tsunami…

Lette d’min moulin

Cha nin ! Cha n’est pon ch’clachique d’eul littérature qui fait parler d’li. D’ailleurs, i y in avot plusieurs, d’lettes ! Ichi, i s’agit d’un nouvieau arbondiss’mint dins not’ saga à friqués. Bah, ouais, ch’est tous ches jours, ch’est cha eune bionne saga ! Chi je f’sos référinche à un moulin, ch’est pach’que cha tourne toudis in fonc’chion d’ches vints. Cha n’est pon pach’que Eric Woerth i est un moulin à paroles. Bin à ch’contraire, i s’rot plutôt eune tombe au sujet de ch’t’affaire. Chelon l’Express, i y aurot effectiv’mint eune lette venint d’l’assochiation d’soutien à l’ac’chion d’min Nicolas, d’ù qu’Eric Woerth i vinte ches mérites à Patrice de Maîstre, mimbre d’euch Premier Cercle, rassimblint ches pus gros donateurs à min Nicolas. Lette signée par Eric li-même et datée d’mars 2007, avint l’intrée in cimpagne pour ches présidintielles. Alors in sait tertous qu’i nie d’pis ch’début ête à l’origine de ch’te d’minde. Sauf que ch’te lette alle a été effectiv’mint treuvée lors d’une perquisichion mi-août ! Soit quinse jours après qu’i a fait ch’carpe aveuc ches inquêteurs ! Hé ouais ! In dit toudis qu’ches paroles ch’invol’tent mais qu’ches écrits is restent, bin v’là ! I aurot dû in parler à l’orelle d’min Nicolas au lieu d’in faire un roman…

Cha n’impêque pon que, ch’mardi, Eric affirmot toudis qu’i n’étot pon à l’origine de ch’te d’minde et qu’i n’avot pon minti. Alors ? Chi ch’moulin i n’tourn’te pus, ches vints is sontent pour nou’z’autes, car i nous prind vraimint pour des girouettes ! Alle existe ou alle n’existe pon, ch’te lette ? A in croir’te l’avocat d’Patrice de Maîstre alle existe bielle et bin, puich’qu’i in a eu connaissinche ch’25 août. A moins qu’i ait confondu aveuc ch’programme télé ! Cha m’étonnerot quind même. Ch’étot pindint qu’in interrogeot sin client et même chi cha a duré chix heures, i n’aurot pon commis eune telle erreur ! Forchémint, te dos bin t’douter que l’Express i a alors arposé ch’question à Eric. Vint contraire ? Nin, pon vraimint. I n’a pon chouhaité rintrer dins ches détals et a simplemint répété que ch’t’armise d’décorachion alle n’avot donné lieu à aucune contrepartie. Bah, ouais, cha n’est pus tout à fait un nin catégorique ! A’ch’t’heure, j’sus sûr’te qu’i pourrot toudis dir’te qu’i signe des lettes à longueur d’timps et qu’i n’lit pon toudis ches contenues. Ch’est pour cha qu’i a des ch’crétaires ! Chi in a voulu li faire eune bionne blaque, ch’est réuchi, pach’que chi in avot voulu faire croir’te qu’euch Légion d’Honneur alle a été armise à Patrice de Maîstre pour bions et loyaux serviches, in ne ch’y s’rot pon pris autremint !

69

Ch’est l’chiffe d’euch jour. Bah, i n’faut pon rêver, mes gins, j’n’ai pon invie d’finir claché X ! Alors t’oublies tin kama-soutra ! Ch’est ch’nombe d’paches d’un rapport ou plutôt eune arcommindachion qui a été adoptée fin juillet par ches députés, pindint qu’in f’sot bronzette. Ah ouais, cha fait peur ! Quo qu’is ontent bin pu déchider derrière not’ dios ? L’fin d’eune époque ! Quo que j’dis, l’fin d’un règne ! Bah nin, pon li, te n’y es pon du tout ! Figure-te qu’cha sonn’te l’fin des frites à l’cintine ! In n’eul pinsot pon, mais ches députés ch’occup’tent auchi d’ches menus ; incroyape ! Et ch’ti qui est chu ch’perchoir, cha dot ête ch’chef cuistot ; et toque ! Chelon un article d’eul loi chu ch’modernisachion d’l’agriculture, tous ches restaurints scolaires, d’ches crèches à ches univerchités, is vontent devoir ch’mette à ches règues préconisées par l’sinté publique. Ches alimints gras is n’aurotent pus l’drot d’chité pus d’quate fos par périote d’vingt r’pas. Bin intindu, cha part d’un bion sintimint, ch’est pour éviter qu’ches gamins is d’vienn’tent gros. Infin, offichiell’mint, puich’qu’i est arcommindé d’donner du fromache, mais du vrai, du qui pu’te, huit fos pindint ch’te périote. Hé ouais, i y a ch’bion gras et ch’mauviais !

Infin, com’ ch’est eune loi, tout i est bin détaillé in artiques, alors ches restos is n’aurontent pon d’difficultés à suif’. Ch’est ainchi qu’in apprind que ch’ti qui porte ch’doux nom de 4.2.1.1.1 i précis’te qu’i n’pourra pon y avoir pus d’quate fos du saucisson chu vingt r’pas. Rin à vir aveuc eune croyinche religieusse, puich’que même ch’tiot jésus i s’ra banni. Ch’est juss’ eune croyinche in un tour d’talle « normalisé ». A’ch’t’heure, is aurotent dû ajuter un tiot a, tiot b, etc. pour savoir ch’i fallot faire eune différinche intre ch’saucisson à l’ail et d’autes, par eximpe. Te rigoles, mais dins l’cheptième compagnie, cha fait tout’eul différinche ! Artiens auchi ch’te numéro d’artique 4.2.1.1.2 qui est intièremint conchacré à cheules qui fontent l’malheu chu tierre, ches frites ! Bah ouais ! Alles n’ontent p’t-ête pus l’drot à ch’chapite, mais quind même à un artique… posthume. Ress’ à vir commint qu’is vontent faire aveuc l’artique 4.3 qui précis’te qu’ches porchions chervies alles doiv’tent ête adaptées à l’âche pour minimiser ches restes dins ches achiettes. D’pis quind, quind in a ch’même âche, in minge ch’même quintité ? Je n’savos pon qu’i y avot eune règue lad’chus ! Pis, chi te veux qu’i n’y ait pon d’restes dins ches achiettes, aveuc ches M.V.N.I. (Machins Verts Nin Idintifiés), cha n’est pon gagné !

In dit toudis qu’à chaque jour suffit ch’peine, alors in va ch’arrêter ichi pour à’ch’t’heure. Tros sujets pour ch’prix d’un, ch’est bin, nin ? Chinon, après, cha s’ra vraimint trop lourd à porter et je n’voudros pon ête responsape d’tin mau d’dios ! Te peux toudis raviser ch’te télé, j’sus sûr’te qu’is treuv’rontent d’quo t’in mette eune ou deux couches d’pus, chi te pinses que te peux l’supporter ! A bétôt !

Trois sujets pour le prix d’un !

Salut mes gens ! Il règne comme une odeur de craie. Enfin, cela fait belle lurette que ce n’est plus vraiment de la craie. Pour certains privilégiés, cela ressemble plus au mur multimédia que l’on voit dans ces séries américaines. C’était juste une pointe (bic) de nostalgie au moment de cette pré-rentrée pour les enseignants. J’ai hésité sur l’orthographe pour ne pas écrire en saignant car si j’en crois ce qui se dit ça et là, cela va être un vrai bazar ! Enfin… J’ai une pensée toute particulière pour tous ces arbres qui ont sacrifié leur vie pour finir en feuilles tatouées de petits carreaux ou seyes. Tout cela pour que nos chères têtes blondes finissent à sciences Po qui, il faut bien le reconnaître, est le bon moyen d’ouvrir les portes de l’Eldorado. Hé oui, mes gens ! En même temps, il faut bien que l’on pense à la relève, parce que ce n’est pas avec une équipe de bras cassés que l’on va s’en sortir ! Alors, comme je suppose que tu n’auras pas eu le temps de regarder ce qui s’est passé dans le pays, trop absorbé par la découverte de tous ces nouveaux accessoires scolaires, on va voir cela ensemble !

Dis Titine, pourquoi tu tousses ?

C’est vrai qu’après quelques jours passés sous le soleil de La Rochelle, si elle est revenue sur Lille pour préparer son bric-à-brac pour faire la braderie, elle a pu s’enrhumer grave. Il n’y fait pas bien chaud. Mais c’est pour une autre raison qu’elle a une toux soudaine. Cela ressemble plus à un étranglement, d’ailleurs, parce qu’il y a une pilule qui ne passe pas ! Cela serait facile à dire qu’il s’agit d’une petite pilule rose. C’est pourtant bien la bonne couleur puisqu’elle porte le nom de Benoît Hamon. Celui-ci aurait décidé de faire campagne avec Olivier Besancenot, pour défendre la retraite à 60 ans et il est même question qu’ils se retrouvent sur la même estrade, pour un meeting à Montreuil, au lendemain de la grande manifestation prévue. On lui avait déjà reproché d’être trop à gauche. Il y a une ligne rouge qu’il ne faut pas franchir, a déclaré Pierre Moscovici, qui rappelle aussi que mon Benoît est le porte-parole du parti. Et d’ajouter qu’il ne faut pas laisser croire que les alliés de demain seraient à l’extrême gauche, en l’occurrence au NPA, qui refuse toute réforme. Bref, pour résumer, il dit que le NPA n’est pas dans le périmètre des alliances.

C’est de la géométrie appliquée. Bah oui ! Ce n’est pas évident d’être à gauche vers le milieu et à gauche vers à gauche toute ! Cela va obliger Benoît à faire le grand écart et s’il descend trop vite, comme c’est un garçon, on n’a pas à en douter, il pourrait se faire du mal. Si tu vois ce que je veux dire… Alors, après, quand il ouvrirait la bouche, on ne saurait jamais si l’on entend la voix de la Titine ou si l’on entend celle du facteur. Facteur, d’ailleurs, qui se fait une joie de reprendre une revanche, en quelque sorte, car il est content de ne plus être infréquentable par les socialistes. Enfin, pour un au moins ! Gérard Collomb dit à peu près pareil que Pierre Moscovici en ajoutant qu’il doit choisir, mais pas garder une double casquette. Pour ce, il en appelle à Titine qui doit clarifier. Bah, attends un peu ! Elle a la gorge enrouée et elle n’a pas prévu de l’eau chaude avec du miel et du citron. C’est la braderie, elle comptait plutôt sur une bonne bière avec ses moules-frites ! Elle va clarifier, comme tu le veux et dire si elle est dans une ligne réformiste comme aujourd’hui ou révolutionnaire, qui ferait baisser la crédibilité du parti aux yeux des Français. Ce n’est vraiment pas simple, la politique. Mon Benoît va gâcher la braderie de Titine ! Quand je pense que Ségolène avait dit ce week-end qu’il n’y avait pas de courant au PS et que l’eau était calme, voilà une vague et j’espère qu’elle n’annonce pas un tsunami…

Lettre de mon moulin

Ca non ! Ce n’est pas ce classique de la littérature qui fait parler de lui. D’ailleurs, il y en avait plusieurs, de lettres ! Ici, il s’agit d’un nouveau rebondissement dans notre saga à friqués. Bah, oui, c’est tous les jours, c’est cela une bonne saga ! Si je faisais référence à un moulin, c’est parce que ça tourne toujours en fonction des vents. Ce n’est pas parce que Eric Woerth est un moulin à paroles. Bien au contraire, il serait plutôt une tombe au sujet de l’affaire. Selon l’Express, il y aurait effectivement une lettre venant de l’association de soutien à l’action de mon Nicolas, où Eric Woerth vante les mérites de Patrice de Maîstre, membre du Premier Cercle, rassemblant les plus gros donateurs de mon Nicolas. Lettre signée par Eric lui-même et datée de mars 2007, avant l’entrée en campagne pour les présidentielles. Alors on sait tous qu’il nie depuis le début être à l’origine de cette demande. Sauf que cette lettre a été effectivement trouvée lors d’une perquisition mi-août ! Soit quinze jours après qu’il a fait la carpe avec les enquêteurs ! Hé oui ! On dit toujours que les paroles s’envolent mais que les écrits restent, bien voilà ! Il aurait dû en parler à l’oreille de mon Nicolas au lieu d’en faire un roman…

Cela n’empêche pas que, ce mardi, Eric affirmait toujours qu’il n’était pas à l’origine de cette demande et qu’il n’avait pas menti. Alors ? Si le moulin ne tourne plus, les vents sont pour nous, car il nous prend vraiment pour des girouettes ! Elle existe ou elle n’existe pas, cette lettre ? A en croire l’avocat de Patrice de Maîstre elle existe belle et bien, puisqu’il en a eu connaissance le 25 août. A moins qu’il ait confondu avec le programme télé ! Cela m’étonnerait quand même. C’était pendant qu’on interrogeait son client et même si cela a duré six heures, il n’aurait pas commis une telle erreur ! Forcément, tu dois bien te douter que l’Express a alors reposé la question à Eric. Vent contraire ? Non, pas vraiment. Il n’a pas souhaité rentrer dans les détails et a simplement répété que la remise de décoration n’avait donné lieu à aucune contrepartie. Bah, oui, ce n’est plus tout à fait un non catégorique ! A présent, je suis sûre qu’il pourrait toujours dire qu’il signe des lettres à longueur de temps et qu’il ne lit pas toujours les contenues. C’est pour cela qu’il a des secrétaires ! Si l’on a voulu lui faire une bonne blague, c’est réussi, parce que si l’on avait voulu faire croire que la Légion d’Honneur a été remise à Patrice de Maîstre pour bons et loyaux services, on ne s’y serait pas pris autrement !

69

C’est le chiffre du jour. Bah, il ne faut pas rêver, mes gens, je n’ai pas envie de finir classé X ! Alors tu oublies ton kama-soutra ! C’est le nombre de pages d’un rapport ou plutôt une recommandation qui a été adoptée fin juillet par les députés, pendant que l’on faisait bronzette. Ah oui, ça fait peur ! Qu’ont-ils bien pu décider derrière notre dos ? La fin d’une époque ! Que dis-je, la fin d’un règne ! Bah non, pas lui, tu n’y es pas du tout ! Figure-toi que cela sonne la fin des frites à la cantine ! On ne le pensait pas, mais les députés s’occupent aussi des menus ; incroyable ! Et celui qui est sur le perchoir, ce doit être le chef cuistot ; et toque ! Selon un article de la loi sur la modernisation de l’agriculture, tous les restaurants scolaires, des crèches aux universités, vont devoir se mettre aux règles préconisées par la santé publique. Les aliments gras n’auront plus le droit de cité plus de quatre fois par période de vingt repas. Bien entendu, cela part d’un bon sentiment, c’est pour éviter que les gamins deviennent gros. Enfin, officiellement, puisqu’il est recommandé de donner du fromage, mais du vrai, du qui pue, huit fois pendant cette période. Hé oui, il y a le bon gras et le mauvais !

Enfin, comme c’est une loi, tout est bien détaillé en articles, alors les restos n’auront pas de difficultés à suivre. C’est ainsi que l’on apprend que celui qui porte le doux nom de 4.2.1.1.1 précise qu’il ne pourra pas y avoir plus de quatre fois du saucisson sur vingt repas. Rien à voir avec une croyance religieuse, puisque même le petit jésus sera banni. C’est juste une croyance en un tour de taille « normalisé ». Maintenant, ils auraient dû ajouter un petit a, petit b, etc. pour savoir s’il fallait faire une différence entre le saucisson à l’ail et d’autres, par exemple. Tu rigoles, mais dans la septième compagnie, ça fait toute la différence ! Retiens aussi ce numéro d’article 4.2.1.1.2 qui est entièrement consacré à celles qui font le malheur sur terre, les frites ! Bah oui ! Elles n’ont peut-être plus le droit au chapitre, mais quand même à un article… posthume. Reste à voir comment ils vont faire avec l’article 4.3 qui précise que les portions servies doivent être adaptées à l’âge pour minimiser les restes dans les assiettes. Depuis quand, quand on a le même âge, on mange la même quantité ? Je ne savais pas qu’il y avait une règle là-dessus ! Puis, si tu veux qu’il n’y ait pas de restes dans les assiettes, avec ces M.V.N.I. (Machins Verts Non Identifiés), ce n’est pas gagné !

On dit toujours qu’à chaque jour suffit sa peine, alors on va s’arrêter ici pour aujourd’hui. Trois sujets pour le prix d’un, c’est bien, non ? Sinon, après, ce sera vraiment trop lourd à porter et je ne voudrais pas être responsable de ton mal de dos ! Tu peux toujours regarder la télé, je suis sûre qu’ils trouveront de quoi t’en mettre une ou deux couches de plus, si tu penses que tu peux le supporter ! A bientôt !