Chalut mes gins ! Chi, com’ mi, t’as épluqué ches infos à tin réveil, t’as dû te d’minder ch’i n’y avot pon eune grèf’ d’ches journalistes in pus d’euch ress’ ! J’sais bin qu’in a comminché ches vacinches pour eune partie d’eul France, mais ch’est anormal’mint calme. Ch’est qui qui a piqué ches infos ? Infin, alles sontent p’t-ête coinchées dins un train annulé ou alles sontent parties aveuc ches cloches et pon cor’ arvenues. Ch’est pon tout à fait vrai, pach’qu’i y a un sujet qui à l’air d’pachionner ches foules et qui prind eune impleur dine d’un film. In parl’te même d’complot à’ch’t’heure, ch’est dir’te ! Alors, j’ai ravisé cha d’pus près. In n’va pon in faire eune produc’chion hollywoodienne, d’autint qu’cha ch’pache à Paris, mais ch’est parti…

Ah, ouais, ch’est vrai. Quind in comminche un film, i faut prévoir eune présintachion d’ches acteurs et eune musique et ou chanson qui met tertous dins ch’t’imbianche. Parfos, in n’a même pon b’soin d’mette ch’nom d’ches acteurs, alors…

In me dit qu’in fait incore l’objet d’gros tites.

La rumeur est partout, in a l’drot au chapite.

In me dit intre nous, i parôt qu’cha sint l’gasse.

Que ch’est du récauffé et que ch’t’amour est nasse.

Pourtint quéqu’un m’a dit que te m’aimos incore.

Ch’est quéqu’un qui m’a dit que te m’aimos incore.

Peut-ête qu’i ch’est gouré…

In me dit qu’ch’est Rachi qui a fait tout ch’bazard.

Chi j’la treuve, ch’est sûr’te, alle finit dins ch’puisard.

Pach’qu’alle n’a pon aimé qu’in li pique cha bagnole

Alle a incore cha guiffe pour qu’j’li foute eune torgniole

Pourtint quéqu’un m’a dit que te m’aimos incore.

Ch’est quéqu’un qui m’a dit que te m’aimos incore.

Peut-ête qu’i ch’est gouré…

A’ch’t’heure, ch’est ch’t’avocat qui nous parl’te de complot

I crie à manigance, partout, même in radio

Pour déstabiliser min couple et Nicolas

In n’hésite pon à dir’te qu’i ch’pach’rot d’mi Carla

Ou est-che que j’l’ai rêvé…

Que te m’aimos incore, me l’a-t-on vraimint dit

Que te m’aimos incore ou est-che qu’in ch’est gouré

In me dit que nos vies, in in fait toute eune prose

J’espèr’te que cha n’est pon incore venu d’ches roses

In me dit que che timps, i va tout effacher

La justice ch’in mêle et n’laich’ra pon pacher

Ou est-che que j’l’ai rêvé…

Te l’auras d’viné chins problème, te l’auras même canté dins t’tiête, cha prind eune impleur folle d’pis quéques jours, i y aurot d’l’ieau dins ch’gasse intre Carla et Nicolas. Hé ouais, fini ch’timps Perrier intre eux ! Quo ? Ch’est bin l’inverche d’euch gasse dins l’ieau. Bion, cha n’est pon nouvieau, puich’qu’in in parlot d’jà avint qu’is ch’in aillent in ouiquend chez ches Obama. In avot même dit qu’eul photo d’euch baiser chu l’bouque, dins un resto, alle avot été mise in schène pour faire taire ch’rumeur dins l’œuf. Chertain’mint un œuf d’Pâques et ch’chocolat i a fondu, pach’qu’alle est toudis lal et cor’ pus grinte qu’avint. In mélinche même ches ginres, puich’qu’in dit à’ch’t’heure qu’cha s’rot Rachida qui a comminché à colporter ches bruits. Cha s’rot même pour cha qu’in li a confisqué ch’carette. In représailles ! Bin intindu, Rachida  alle fait l’Alizé invers l’Elysée. Bah, ouais ! Elle clame à qui veut l’intinde : « Ch’est pon ma faute ! »

In même timps, mes gins, j’ai quind même du mau à croir’te qu’alle est cor’ chi près qu’cha d’euch couple présidinchiel pour ch’aperchevoir qu’intre eusses deux, cha n’est pus chabadabada, chabadabada, mais plutôt divorche à l’italienne. In même timps, aveuc Carla, ch’est normal. Chi in m’avot dit qu’Rachida alle tenot ch’candelle, in che d’minde bin pourquo min Nicolas i l’a invoyée à Strasbourg. Ah, bah, ch’est cha ! Alle ravisot d’trop et cha li coupot ches effets : « Au clair de ta lune, je n’ai pus de feu… Ma candelle est morte… » Et in l’vant ch’tiête i vot Rachida et l’chienne cor’ bin alleumée. Ni eune ni deux, j’vais t’échanger t’candelle conte eune saucisse d’Strasbourg, et hop ! Oops ! J’viens d’eum rinde compte qu’in peut faire vit’ naître eune rumeur. Déconne pon, mes gins, ch’étot juss’ un exerciche d’style ! Te ne l’répètes à perchonne, hein ?

Com’ dins toutes ches rumeurs, in peut faire deux listes. Eune pour mette ch’qui aurot tindinche à confirmer qu’alle est vraie. Partant d’euch princhipe qu’chi cha finque, ch’fu i n’est pon très loin. D’autint qu’chi Rachida alle est pachée trop près d’ches rideaux aveuc ch’candelle… Pardon, je n’eul f’rai pus. L’aute, forchémint, ch’est l’inverche qui prouverot qu’ch’est du vint. Dins ch’dernier cas, i y a qué cosse qui n’va pon. Pourquo faire autint d’bruit in mettant ch’t’avocat, des proches, des amis pour parler d’complot, d’machinachion organisée ? I suffisot d’laisser dir’te sachant que, tôt ou tard, i y aurot bin eu quéqu’un qui che s’rot casser un ongue et qui f’rot à sin tour ches gros tites. A’ch’t’heure, cha fait même ceusses d’ches tabloïdes inglais. In même timps, cha les cange un peu d’William et Harry. I n’y a pon qu’chez eusses d’ailleurs, auchi in Allemagne et in Suisse. Tout laiche intinde que cha aurot un rapport aveuc l’future présidinche françaisse d’euch G20. Pierre Charon, conseiller d’min Nicolas, parl’te même d’mouv’mints fininchiers, mais i garde l’suspense et n’in dit pon pus…

Côté et chi ch’étot vrai. Bah, min Nicolas, cha n’est pon d’à’ch’t’heure qu’i a eune réputachion d’caud lapin. In avot même dit que Rachida, cor’ alle, alle avot eu un contrat d’intérim intre Cécilia et Carla. Cha pourrot toudis ête ch’fameux démon d’midi qui li gratte quéque part. Ou, pus simpl’mint, i a eune âme d’collectionneur. Cécilia, Rachida, Carla, cha n’est pon ches prénoms qui finiss’tent in A qui minqu’tent. Alors, i n’est chertain’mint pon prêt d’in avoir fait ch’tour. Frida, Irma, Margherita… Ouais, bion, cha n’est pon trop ches bons eximpes. Frida, cha fait oum papa et cha va li rappeler chertain’mint l’fiête d’eul bière, ches choucroutes et dont Rachida. Irma, madame solel, ch’Ro solel et l’fait qu’i n’habite pon Versailles et qu’cha li fout ch’cafard. Magherita, cha va li rappeler Carla et l’fait qu’i ait mis un four à pizza dins sin air force Un, mais qu’cha ne s’ra pus alle qui va li préparer. Infin, ress’ cor’ eune Jessica. Ah, millard ! J’avos oublié qu’sin fils i in a d’jà eune ! Bah, ch’est nin pratique dins ches arpas d’famille ch’i y in a toudis deux qui ch’artrourn’tent in même timps ! Ch’est bin l’fils d’sin père, ch’ti-lal, chosir in prénom in A auchi ! Bref. Tant pis, ch’est sin brin…

D’toute fachon, chi in dot résumer cha, in ch’in fout un peu ! A forche d’avoir étalé ch’vie privée à tous ches magazines. A forche d’avoir canter min amoureux. A forche d’avoir donné d’euch Carlita in public, i fallot bin ch’attinde à ches rumeurs ches pus folles, fondées ou pon, un jour ou l’aute ! Cha ne s’rot pon ch’premier présidint à avoir des avintures. In n’a pon oublié ches maîtrèches à Mitterrand. Cha ne s’rot pon ch’premier nin pus à fantasmer chu un bieau tiot lot venu d’ailleurs. Hein, min Valery ? Et cha n’est chertain’mint pon pour cha qu’ches gins is l’boud’tent, in n’est pon dins un pays anglo-saxon. Par conte, i n’faudrot pon qu’tout cha mette un biel écran d’fumée pour qu’in oublie d’parler d’cosses vraimint pus importantes ! In n’a comminché par un film d’amour. In est paché des chabadabada à je t’aime moi nin pus et ch’divorche à l’italienne. I n’faudrot pon qu’in ch’aperchoiv’te qu’cha va ch’terminer par l’grinte illusion…

Théorie du complot

Salut mes gens ! Si, comme moi, tu as épluché les infos à ton réveil, tu as dû te demander s’il n’y avait pas une grève des journalistes en plus du reste ! Je sais bien que l’on a commencé les vacances pour une partie de la France, mais c’est anormalement calme. Qui a piqué les infos ? Enfin, elles sont peut-être coincées dans un train annulé ou elles sont parties avec les cloches et pas encore revenues. Ce n’est pas tout à fait vrai, parce qu’il y a un sujet qui à l’air de passionner les foules et qui prend une ampleur digne d’un film. On parle même de complot à présent, c’est dire ! Alors, j’ai regardé cela de plus près. On ne va pas en faire une production hollywoodienne, d’autant que cela se passe à Paris, mais c’est parti…

Ah, oui, c’est vrai. Quand on commence un film, il faut prévoir une présentation des acteurs et une musique et ou chanson qui met tout le monde dans l’ambiance. Parfois, on n’a même pas besoin de mettre le nom des acteurs, alors…

On me dit qu’on fait encore l’objet de gros titres.

La rumeur est partout, on a l’droit au chapitre.

On me dit entre nous, il paraît qu’ça sent l’gaz.

Que c’est du réchauffé et que l’amour est naze.

Pourtant quelqu’un m’a dit que tu m’aimais encore.

C’est quelqu’un qui m’a dit que te m’aimais encore.

Peut-être s’est-il gouré…

On me dit qu’c’est Rachi qui a fait tout c’bazard.

Si j’la trouve, c’est sûr, elle finit dans l’puisard.

Parce qu’elle n’a pas aimé qu’on lui pique sa bagnole

Elle a encore sa tête pour qu’j’lui foute une torgniole

Pourtant quelqu’un m’a dit que tu m’aimais encore.

C’est quelqu’un qui m’a dit que tu m’aimais encore.

Peut-être s’est-il gouré…

Maintenant, c’est l’avocat qui nous parle de complot

Il crie à manigance, partout, même en radio

Pour déstabiliser mon couple et Nicolas

On n’hésite pas à dire qu’il s’pass’rait d’moi Carla

Ou est-ce que j’l’ai rêvé…

Que tu m’aimais encore, me l’a-t-on vraiment dit

Que tu m’aimais encore ou est-ce qu’on s’est gouré

On me dit que nos vies, on en fait toute une prose

J’espère que ce n’est pas encore venu des roses

On me dit que le temps, il va tout effacer

La justice s’en mêle et n’laiss’ra pas passer

Ou est-ce que j’l’ai rêvé…

Tu l’auras deviné sans problème, tu l’auras même chanté dans ta tête, cela prend une ampleur folle depuis quelques jours, il y aurait de l’eau dans le gaz entre Carla et Nicolas. Hé oui, fini le temps Perrier entre eux ! Quoi ? C’est bien l’inverse du gaz dans l’eau. Bon, ce n’est pas nouveau, puisque l’on en parlait déjà avant qu’ils s’en aillent en week-end chez les Obama. On avait même dit que la photo du baiser sur la bouche, dans un resto, avait été mise en scène pour faire taire la rumeur dans l’œuf. Certainement un œuf de Pâques et le chocolat a fondu, parce qu’elle est toujours là et encore plus grande qu’avant. On mélange même les genres, puisque l’on dit à présent que ce serait Rachida qui a commencé à colporter ces bruits. Ce serait même pour cela qu’on lui a confisqué sa voiture. En représailles ! Bien entendu, Rachida  fait l’Alizé envers l’Elysée. Bah, oui ! Elle clame à qui veut l’entendre : « C’est pas ma faute ! »

En même temps, mes gens, j’ai quand même du mal à croire qu’elle est encore si près que cela du couple présidentiel pour s’apercevoir qu’entre eux deux, ce n’est plus chabadabada, chabadabada, mais plutôt divorce à l’italienne. En même temps, avec Carla, c’est normal. Si l’on m’avait dit que Rachida tenait la chandelle, on se demande bien pourquoi mon Nicolas l’a envoyée à Strasbourg. Ah, bah, c’est ça ! Elle regardait de trop et ça lui coupait ses effets : « Au clair de ta lune, je n’ai pus de feu… Ma chandelle est morte… » Et en levant la tête il voit Rachida et la sienne encore bien allumée. Ni une ni deux, je vais t’échanger ta chandelle contre une saucisse de Strasbourg, et hop ! Oops ! Je viens de me rendre compte que l’on peut faire vite naître une rumeur. Déconne pas, mes gins, c’était juste un exercice de style ! Tu ne le répètes à personne, hein ?

Comme dans toutes les rumeurs, on peut faire deux listes. Une pour mettre ce qui aurait tendance à confirmer qu’elle est vraie. Partant du principe que si cela fume, le feu n’est pas très loin. D’autant que si Rachida est passée trop près des rideaux avec sa chandelle… Pardon, je ne le ferai plus. L’autre, forcément, c’est l’inverse qui prouverait que c’est du vent. Dans ce dernier cas, il y a quelque chose qui ne va pas. Pourquoi faire autant de bruit en mettant l’avocat, des proches, des amis pour parler de complot, de machination organisée ? Il suffisait de laisser dire sachant que, tôt ou tard, il y aurait bien eu quelqu’un qui se serait casser un ongle et qui ferait à son tour les gros titres. A présent, cela fait même ceux des tabloïdes anglais. En même temps, ça les change un peu de William et Harry. Il n’y a pas que chez eux d’ailleurs, aussi en Allemagne et en Suisse. Tout laisse entende que cela aurait un rapport avec la future présidence française du G20. Pierre Charon, conseiller de mon Nicolas, parle même de mouvements financiers, mais il garde le suspense et n’en dit pas plus…

Côté et si c’était vrai. Bah, mon Nicolas, ce n’est pas de maintenant qu’il a une réputation de chaud lapin. On avait même dit que Rachida, encore elle, avait eu un contrat d’intérim entre Cécilia et Carla. Cela pourrait toujours être ce fameux démon de midi qui lui gratte quelque part. Ou, plus simplement, il a une âme de collectionneur. Cécilia, Rachida, Carla, ce n’est pas les prénoms qui finissent en A qui manquent. Alors, il n’est certainement pas prêt d’en avoir fait le tour. Frida, Irma, Margherita… Oui, bon, ce n’est pas trop les bons exemples. Frida, ça fait oum papa et ça va lui rappeler certainement la fête de la  bière, les choucroutes et dont Rachida. Irma, madame soleil, le Roi soleil et le fait qu’il n’habite pas Versailles et que ça lui fout le cafard. Magherita, ça va lui rappeler Carla et le fait qu’il ait mis un four à pizza dans son air force Un, mais que ce ne sera plus elle qui va lui préparer. Enfin, reste encore une Jessica. Ah, damned ! J’avais oublié que son fils en a déjà une ! Bah, ce n’est pas pratique dans les repas de famille s’il y en a toujours deux qui se retournent en même temps ! C’est bien le fils de son père, celui-là, choisir un prénom en A aussi ! Bref. Tant pis, c’est son brin…

De toute façon, si l’on doit résumer cela, on s’en fout un peu ! A force d’avoir étalé sa vie privée à tous les magazines. A force d’avoir chanter mon amoureux. A force d’avoir donné du Carlita en public, il fallait bien s’attendre aux rumeurs les plus folles, fondées ou pas, un jour ou l’autre ! Ce ne serait pas le premier président à avoir des aventures. On n’a pas oublié les maîtresses de Mitterrand. Ca ne serait pas le premier non plus à fantasmer sur un beau petit lot venu d’ailleurs. Hein, mon Valery ? Et ce n’est certainement pas pour cela que les gens le boudent, on n’est pas dans un pays anglo-saxon. Par contre, il ne faudrait pas que tout cela mette un bel écran de fumée pour que l’on oublie de parler de choses vraiment plus importantes ! On n’a commencé par un film d’amour. On est passé des chabadabada à je t’aime moi non plus et le divorce à l’italienne. Il ne faudrait pas que l’on s’aperçoive que cela va se terminer par la grande illusion…