Chalut mes gins ! Chalut auchi à tous ches matous, puich’que ch’est leu fiête ! Ch’est chertain’mint ch’qui m’a pouché à aborder un sujet que j’n’ai pon l’habitute d’faire. Bah, ouais, in va mette ches mains dins ch’cambouis ! Alors, te m’diras, quel rapport aveuc ch’saint Félix ? Te sais, par momints, j’vais chercher bin loin ch’déclic qui va m’conduir’te (chi ch’moteur i march’te) à ch’sujet qu’in ravise insimpe. Ichi, ch’est cor’ ch’loi d’el trinsitivité, chi quère à mes souv’nirs d’école, qui préau, pardon qui prévaut. J’étos d’jà arpartie à ch’t’école… Bref, Félix, félin, fiête d’ches cats, donc. Ches félins, cha m’a fait pinser à eune marque d’essinche et l’essinche à eune carette, donc un moteur ! Ch’est gramint long à écrir’te, mais min cerveau i n’est pon diesel et cha m’est v’nu à ch’quart d’tour…

Alors te l’auras d’viné chins problème, puich’qu’in n’arrête pon d’in parler d’pis des jours, in va ouvrir ch’dossier, infin plutôt ch’capot, chu Toyota. Toyota qui in l’rappell’te, i y a quéques années, arborot fièr’mint chu chacun d’ches modèles eune forme d’auto (cha quée bin) satisfac’chion :  My Toyota is fantastic. Mes gins, à’ch’t’heure, j’t’invite à toud’chuite machquer ch’dernier miot et l’rimplacher par in clinic… T’armarqu’ras qu’cha finit toudis par ches deux même lettes, même chi te l’mets in ch’ti ou in français. Toudis i est que ch’clinique alle va d’voir ête gramint grinte pach’que ch’est près d’huit millions d’carettes qui vontent d’voir pacher chez ches docteurs. Cha rind même jalousse Roselyne Bachelot qui a diffichil’mint réussi à invoyer un peu pus d’deux millions d’gins d’vint ches méd’chins. Infin, cha n’a rin à vir. Pon moins d’chept modèles is sont conchernés par ches rappels…

Alors, je s’ros bin tinté d’dir’te, com’ in va fiêter ch’saint valentin, ch’ouiquen, que ch’est eune marque idéale pour li faire ch’cop d’el panne. Ouais, mais v’là, te parl’tes d’eune panne ! Te n’es pon prêt d’arjuer De Funès dins ch’gindarme et ches extra-terrestres, quind i va imm’ner ch’femme à ch’resto par eune bielle nuit étoilée. Ichi, te richques d’vir des étoiles auchi, mais autour de t’tiête et cha n’s’ra pon l’amour ! In effet, i y a deux problèmes essentiels. Ch’premier, ch’est d’accélérateur. Te vos, in est loin d’el panne sèque d’ù qu’te ress’ chu plache. Ichi ches grinds ingénieurs, qui devotent ête passablemint distraits quind is ontent étudié ch’pédale, is ontent armarqué qu’un frott’mint prolongé i causot un blocache quind t’appuies d’chus. Mais attintion, i parôt qu’ch’est très rar’mint, in est vaqu’mint rassurés. In va dir’te inviron quate millions seul’mint. Ch’est pon gramint. Quate millions d’gins qui vontent ch’prinde pour Schumacher, mais chins l’vouloir ! Heureuss’mint, com’ i l’écrit Toyota chu sin chite, l’politique d’el boîte alle est d’placher ch’client toudis à ch’cintre d’ches préoccupachions. In espèr’te donc qu’te tournes in rond in attindint d’querre in raque d’essinche et qu’il n’y a pon d’mur qui n’sorte d’in n’sait qu’d’ù !

Deussième problème, ch’est pon l’accélérateur, ch’est ch’freinache ! Bah, ouais, mes gins ! Tint qu’à pédaler dins ch’semoule, infin plutôt dins ch’riz cantonais, aveuc ch’pédale d’accélérateur, autint pédaler d’travers auchi pour ch’frein ! L’imbrayage com’ ch’est eune option, puich’qu’in rappell’te qu’i y a auchi des boîtes automatiques, tout i va bin. Infin, pour l’instint. Cor’ eune fos, ches gins d’Toyota is insistent chu l’fait qu’i n’y a pon eu d’accidint lié à cha in Europe. D’jà, l’fait d’avoir ajouté Europe, cha chous-intind qu’ailleurs ch’est pon parel. Et commint qu’in vot qu’in a un problème d’freinache ? Bah, nin, te n’t’écrases pon conte ch’mur. Is vienn’tent d’dir’te qu’i n’y a pon eu d’accidint. Ch’est juss’ « eune impréchion d’freinache inconsistinte lors d’un freinache faible et constint chu arvêt’mint bochelé ou glichint lorch’que ch’t’ABS is ch’active. Cha nécéchite eune modificachion dins ch’programme d’gestion électronique d’el carette pour améliorer ch’timps d’réponche. »

Bion, j’t’ai livré ch’phrasse com’ Toyota i l’a écrite, mais ch’est gramint compliqué à ch’premier cop d’oeul. J’ai donc consulté mimile et ch’méthote pour savoir chi j’avos tout compris. D’jà, te peux sauter à pids joints chu ch’pédale. Te n’auras pon d’problème, puich’qu’in n’est pon dins ch’cas faible. Fais gaffe quind même ch’i y a du verglas, cha ne s’ra pon l’faute d’Toyota. In tout cas, te n’richques pon d’la casser physiqu’mint. Bah, nin, ch’est dins ch’manicraque électronique qu’i y a un bug. Cha ! A’ch’t’heure que ch’t’informatique alle fait tout ch’traval, chi t’as un n’sait quo qui n’va nin dins ch’bazar, rin i n’va. J’espèr’te que ch’logiciel i n’a pon été mis au point par des gins d’chez Windows. Cha expliqu’rot bin des cosses ! Te sais, mes gins, quind in a eune logique d’démarrer pour arrêter, in peut ch’attinde à tout ! Churtout quind i n’s’agit pus d’un PC mais d’eune carette. Commint qu’te veux que ch’logiciel i comprinne que te dos démarrer pour arrêter ! Ch’t’ABS i n’sait pus d’ù qu’i in est et timps qu’i réfléchisse, i est trop tard !

Ch’est ch’grind momint d’ches excusses. Bah, ouais, ch’big boss d’Toyota i a bin dû ch’résoude à sortir d’sin silinche, d’autint qu’ch’étot ch’grinte fonte. Pon d’ches neiches, mais ches ac’chions ! Eune bielle conférinche d’prèche à Nagoya au Japon. Ichi, in France in a Goya, mais cha n’a rin à vir. Bref. Ch’est aveuc un sourire très scintillant qu’Akio Toyoda i a essayé d’rassurer tous ches clients. Nin, nin, mes gins ! Je ne m’sus pon trompée d’eune lette, ch’est bin Toyoda, ch’patron d’Toyota ! I étot prédestiné aveuc un nom parel. Chi j’osos… Ch’est bion, j’vais l’faire : J’peux dir’te qu’Akio Toyoda i étot acquis aux Toyota ! Bah, je t’avos prév’nu avint. Ch’que j’peux, j’fais ! Oops ! Cha, ch’est min syndrome maître Yoda. Cha dot ête sin nom à ch’ti-lal qui m’a déclinché cha, pach’que je n’ai rin bu à part un soda…

V’là, mes gins, quo qu’i y avot à savoir chu ch’sujet. In est rassuré, Akio Toyado i a dit qu’ch’étot pon bin méchint, in fin d’compte et qu’ches carettes alles étotent sûr’tes ! Au pays d’euch solel levant, in n’a pon d’sushis à ch’faire, ches moteurs is vontent tourner rond à nouvieau très rapid’mint. Chi te n’as pon eune Toyota, te dos t’dir’te que te t’in fous. Pauf’ d’ti ! I y a des cafouillaches partout et dins toutes ches marques. Alors, te n’es pon à l’abri ti nin pus ! Infin, com’ alle cantot Annie Cordy :  « Ta Toyota a ch’pédale qui’est pon in état. Ta Toyota quind te freines, cha fait du dégât. Ta Toyota alle avinche mais alle ch’arrête pas. Mais in ch’in fout, quind cha fait gligue-ligue-ligue et qu’i y a des pièches partout. Ouais, in ch’in fout, t’auros dû acater Ford et ch’est la Fiesta ! »

Salut mes gens ! Salut aussi à tous les matous, puisque c’est leur fête ! C’est certainement ce qui m’a poussé à aborder un sujet que je n’ai pas l’habitude de faire. Bah, oui, on va mettre les mains dans le cambouis ! Alors, tu me diras, quel rapport avec la saint Félix ? Tu sais, par moments, je vais chercher bien loin le déclic qui va me conduire (si le moteur marche) au sujet que l’on regarde ensemble. Ici, c’est encore la loi de la transitivité, si chère à mes souvenirs d’école, qui préau, pardon qui prévaut. J’étais déjà repartie à l’école… Bref, Félix, félin, fête des chats, donc. Les félins, cela m’a fait penser à une marque d’essence et l’essence à une auto, donc un moteur ! C’est très long à écrire, mais mon cerveau n’est pas diesel et cela m’est venu au quart de tour…

Alors tu l’auras deviné sans problème, puisque l’on n’arrête pas d’en parler depuis des jours, on va ouvrir le dossier, enfin plutôt le capot, sur Toyota. Toyota qui on le rappelle, il y a quelques années, arborait fièrement sur chacun de ses modèles une forme d’auto (ça tombe bien) satisfaction :  My Toyota is fantastic. Mes gens, aujourd’hui, je t’invite à tout de suite masquer le dernier mot et le remplacer par in clinic… Tu remarqueras que cela finit toujours par les deux même lettres, même si tu le mets en ch’ti ou en français. Toujours est-il que la clinique va devoir être bien grande, parce que c’est près de huit millions de voitures qui vont devoir passer chez les docteurs. Cela rend même jalouse Roselyne Bachelot qui a difficilement réussi à envoyer un peu plus de deux millions de gens devant les médecins. Enfin, cela n’a rien à voir. Pas moins de sept modèles sont concernés par ces rappels…

Alors, je serais bien tenté de dire, comme on va fêter la saint valentin, ce week-end, que c’est une marque idéale pour lui faire le coup de la panne. Oui, mais voilà, tu parles d’une panne ! Tu n’es pas prêt de rejouer De Funès dans le gendarme et les extra-terrestres, quand il va emmener sa femme au resto par une belle nuit étoilée. Ici, tu risques de voir des étoiles aussi, mais autour de ta tête et ce ne sera pas l’amour ! En effet, il y a deux problèmes essentiels. Le premier, c’est d’accélérateur. Tu vois, on est loin de la panne sèche où tu restes sur place. Ici les grands ingénieurs, qui devaient être passablement distraits quand ils ont étudié la pédale, ont remarqué qu’un frottement prolongé causait un blocage quand tu appuies dessus. Mais attention, il paraît que c’est très rarement, on est vachement rassurés. On va dire environ quatre millions seulement. Ce n’est pas beaucoup. Quatre millions de gens qui vont se prendre pour Schumacher, mais sans le vouloir ! Heureusement, comme l’écrit Toyota sur son site, la politique de la boîte est de placer le client toujours au centre des préoccupations. On espère donc que tu tournes en rond en attendant de tomber en panne d’essence et qu’il n’y a pas de mur qui ne sorte d’on ne sait où !

Deuxième problème, ce n’est pas l’accélérateur, c’est le freinage ! Bah, oui, mes gens ! Tant qu’à pédaler dans la semoule, enfin plutôt dans le riz cantonais, avec la pédale d’accélérateur, autant pédaler de travers aussi pour le frein ! L’embrayage comme c’est une option, puisque l’on rappelle qu’il y a aussi des boîtes automatiques, tout va bien. Enfin, pour l’instant. Encore une fois, les gens de Toyota insistent sur le fait qu’il n’y a pas eu d’accident lié à cela en Europe. Déjà, le fait d’avoir ajouté Europe, cela sous-entend qu’ailleurs ce n’est pas pareil. Et comment l’on voit que l’on a un problème de freinage ? Bah, non, tu ne t’écrases pas contre le mur. Ils viennent de dire qu’il n’y a pas eu d’accident. C’est juste « une impression de freinage inconsistante lors d’un freinage faible et constant sur revêtement bosselé ou glissant lorsque l’ABS s’active. Cela nécessite une modification dans le programme de gestion électronique de la voiture pour améliorer le temps de réponse. »

Bon, je t’ai livré la phrase comme Toyota l’a écrite, mais c’est bien compliqué au premier coup d’œil. J’ai donc consulté mimile et sa méthode pour savoir si j’avais tout compris. Déjà, tu peux sauter à pieds joints sur la pédale. Tu n’auras pas de problème, puisque l’on n’est pas dans le faible. Fais gaffe quand même s’il y a du verglas, ce ne sera pas la faute de Toyota. En tout cas, tu ne risques pas de la casser physiquement. Bah, non, c’est dans le bidule électronique qu’il y a un bug. Ca ! Maintenant que l’informatique fait tout le travail, si tu as un ne sait quoi qui ne va pas dans le bazar, rien ne va. J’espère que ce logiciel n’a pas été mis au point par des gens de chez Windows. Cela expliquerait bien des choses ! Tu sais, mes gens, quand on a une logique de démarrer pour arrêter, on peut s’attendre à tout ! Surtout quand il ne s’agit plus d’un PC mais d’une auto. Comment veux-tu que ce logiciel comprenne que tu dois démarrer pour arrêter ! L’ABS ne sait plus où il en est et temps qu’il réfléchisse, il est trop tard !

C’est le grand moment des excuses. Bah, oui, le big boss de Toyota a bien dû se résoudre à sortir de son silence, d’autant que c’était la grande fonte. Pas des neiges, mais les actions ! Une belle conférence de presse à Nagoya au Japon. Ici, en France on a Goya, mais cela n’a rien à voir. Bref. C’est avec un sourire très scintillant que Akio Toyoda a essayé de rassurer tous ses clients. Non, non, mes gens ! Je ne me suis pas trompée d’une lettre, c’est bien Toyoda, le patron de Toyota ! Il était prédestiné avec un nom pareil. Si j’osais… C’est bon, je vais le faire : Je peux dire que Akio Toyoda était acquis aux Toyota ! Bah, je t’avais prévenu avant. Ce que je peux, je fais ! Oops ! Ca, c’est mon syndrome maître Yoda. Cela doit être son nom à celui-là qui m’a déclenché ça, parce que je n’ai rien bu à part un soda…

Voilà, mes gens, ce qu’il y avait à savoir sur le sujet. On est rassuré, Akio Toyado a dit que ce n’était pas bien méchant, en fin de compte et que ses voitures étaient sûres ! Au pays du soleil levant, on n’a pas de sushis à se faire, les moteurs vont tourner rond à nouveau très rapidement. Si tu n’as pas une Toyota, tu dois te dire que tu t’en fous. Pauvre de toi ! Il y a des cafouillages partout et dans toutes les marques. Alors, tu n’es pas à l’abri toi non plus ! Enfin, comme chantait Annie Cordy :  « Ta Toyota a l’pédale qui’est pas en état. Ta Toyota quand tu freines, ça fait du dégât. Ta Toyota elle avance mais elle s’arrête pas. Mais on s’en fout, quand ça fait gligue-ligue-ligue et qu’il y a des pièces partout. Oui, on s’en fout, tu aurais dû ach’ter Ford et c’est la Fiesta ! »