Chalut mes gins ! Vingt dius ! Cha fait gramint d’bin d’arv’nir ichi pour t’écrir’te un peu pus qu’el dernière fos. J’ai bin essayé d’ête partout in même timps, mais je n’y sus pon arrivée…Merchi à tous ceusses qui m’on’tent accueilli com’ eune vedette, ch’ouiquen. L’liste alle est longue, ch’est pour cha que je n’vais mette aucun nom. Is ch’arconnaîtront tertous. Ch’te s’maine alle va cor’ ête caude, mais in va essayer d’arprinde ch’cours normal. I m’rechte cor’ eune heure ou deusse l’nuit, alors tout i va bin…

J’avoue que j’n’ai pon vraimint suivi quo qui ch’est paché, mais j’vais essayer d’faire un rapite tour d’horizon. Pis, chi te n’as pon été lal, cha d’vrot l’faire pour ti-auchi. J’ai intindu parler qu’ches Suisses is voulotent interdir’te l’construc’chion d’ches minarets. J’vais t’dir’te qué cosse, mes gins, je n’savos même pon qu’in pouvot construir’te des minarets in Suisse ! Qu’est-che que te veux, in n’peut pon tout savoir. Bah, nin ! Toudis i est que chinquinte-chept pour chint d’ches Suisses is on’tent voté conte. Quind in pinse qu’ch’est un pays dont l’princhipale religion ch’est l’argint, i faut bin comprinde qu’in n’vot pon, à ch’premier cop d’oeul, ch’qu’is pourrotent faire aveuc. In effet, j’vos mal un binquier crier dins ches haut-parleurs qu’ch’est l’heure d’aller faire un tour dins ches coffres ou, même, qu’i y a des billets d’telle coupure qui arriv’tent. D’autint qu’is richqu’tent, à ch’momint-lal, d’arpartir pus vit’ qu’prévu !

Infin, mes gins, ch’est l’ginre d’débat qui richqu’te d’poser d’autes problèmes. Ch’est un pays com’ ichi, d’ù qu’i y a ch’lipe drot d’culte. Alors, in toute logique, chi in interdit ches minarets, est-che qu’i n’faudrot pon raser ches clochers d’ches églisses ? Bah, ouais, mes gins ! In n’est quind même su l’même ginre d’construc’chions. Ch’est vrai qu’à’ch’t’heure, aveuc ches GPS, in n’a moins b’soin d’raviser ch’clocher pour treuver l’mitan d’un villache. Mais qu’est-che qu’in va faire d’toutes ches cloches ? Pis, chi j’armets cha in Suisse. Ch’est auchi ch’pays du chocolat. Qu’est-che que te veux qu’is fassent d’ches clochers ? Des imminches fontaines à chocolat ?

Ch’est sûr’te. Te vas m’dir’te, ch’est in Suisse. Ouais, mais rin n’dit qu’in n’va pon importer cha in France. Churtout qu’in a querre à ches bêtisses ! Heureuss’mint, in a un aute sujet d’préoccupachion. Pis, ch’ti-lal, i est incontournape ! Quoque, chi j’in cros ches dernières nouvielles, in n’va pon tarder à d’voir contourner chertains indrots. Bin intindu, te l’auras d’viné, j’veux parler d’toutes ches rues d’ù qu’i y a un dispinchaire ! A forche d’faire peur à tertous, et même chi cha continue à ête chinquinte-chinquinte chez ches méd’cins. Pis, te peux app’ler un ami, i te l’dira auchi. Ch’est l’ruée vers ch’vaccin ! Roselyne alle a gramint bin fait sin traval. Tertous i trimbe. Infin, tertous, ch’est à vir, pach’que pus j’in parl’te autour d’mi, rin qu’pour faire mes propes statistiques, moins j’treuve quéqu’un qui connôt quéqu’un qui a l’grippe A !

Toudis i est qu’cha s’rot tell’mint l’grind défilé dins ches dispinchaires, qu’i est quechtion qu’in va faire appel à ches méd’cins, fraîqu’mint artraités, tell’mint ch’est l’brin ! Pis, com’ i simbe qu’cha ne s’ra pon cor’ assez, in va faire appel à ches méd’cins militaires ! Aïe ! Attinchion chi t’es douillet, pach’que cha richqu’te d’piquer dur’te ! Ches méd’cins militaires is n’on’tent pon l’réputachion d’faire dins ch’dintelle ! Su ch’même princhipe, j’ai posé des quechtions à drote et à gauche. D’autint qu’j’in vos du monte. Ch’est parel, j’in connos gramint qui refus’tent toudis d’intinde parler d’el vaccinachion. Alors, j’avoue qu’cha m’rind perplexe. Est-che que Roselyne alle n’in fait pon trop pour écouler sin stock ? Ch’est eune quechtion qui arvient d’pis ch’début mais qui rechte chins réponche. Est-che qu’in va finir par obliger ches gins à ch’faire piquer ? Pach’que, pindint qu’in y est, i n’y a pus qu’à réquisichionner ches tireurs d’élite, ches vétérinaires, pouquoi pon ches chasseurs qui aurontent d’jà été vaccinés. In leu donn’te à tertous des fusils hypodermiques et hop ! Quind te paches dins l’rue, vlan ! In t’invoie eune dosse à distinche !

Te vos, j’n’étos pon lal d’euch ouiquen, mais j’cros bin qu’j’ai réuchi à comprinde ch’qui ch’est paché. Pis, j’auros tindinche à faire un raccourchi. Te m’connos ! I faudrot qu’Roselyne alle réfléchisse bin à sin stock et ch’est lal d’ù que ch’t’histoire d’ches minarets alle peut servir in France. Pach’que, tout compte fait, cha pourrot bin servir d’point haut pour ches visées d’fléchettes à vaccin. Te vas vir qu’ches tireurs d’élite is von’tent ch’régaler ! Pis, chi te vos quéqu’un pacher aveuc eune plume dins ch’cul, avint d’el prinde pour un original ou un artardataire d’euch carnaval, pinse qu’i aura été vacciné, li, pindint qu’te fais l’queue com’ un malate qu’te n’es pon !


Suisse-France, si on arrêtait les conneries !

Salut mes gens ! Bon sang ! Ca fait beaucoup de bien de revenir ici pour t’écrire un peu plus que la dernière fois. J’ai bien essayé d’être partout en même temps, mais je n’y suis pas arrivée…Merci à tous ceux qui m’ont accueilli comme une vedette, ce week-end. La liste est longue, c’est pour cela que je ne vais mettre aucun nom. Ils se reconnaîtront tous. Cette semaine va encore être chaude, mais on va essayer de reprendre le cours normal. Il me reste encore une heure ou deux la nuit, alors tout va bien…

J’avoue que je n’ai pas vraiment suivi ce qui s’est passé, mais je vais essayer de faire un rapide tour d’horizon. Puis, si tu n’as pas été là, cela devrait le faire pour toi-aussi. J’ai entendu parler que les Suisses voulaient interdire la construction des minarets. Je vais te dire quelque chose, mes gens, je ne savais même pas que l’on pouvait construire des minarets en Suisse ! Qu’est-ce que tu veux, on ne peut pas tout savoir. Bah, non ! Toujours est-il que cinquante-sept pour cent des Suisses ont voté contre. Quand on pense que c’est un pays dont la principale religion c’est l’argent, il faut bien comprendre que l’on ne voit pas, au premier coup d’œil, ce qu’ils pourraient faire avec. En effet, je vois mal un banquier crier dans les haut-parleurs que c’est l’heure d’aller faire un tour dans les coffres ou, même, qu’il y a des billets de telle coupure qui arrivent. D’autant qu’ils risquent, à ce moment-là, de repartir plus vite que prévu !

Enfin, mes gens, c’est le genre de débat qui risque de poser d’autres problèmes. C’est un pays comme ici, où il y a le libre droit de culte. Alors, en toute logique, si l’on interdit les minarets, est-ce qu’il ne faudrait pas raser les clochers des églises ? Bah, oui, mes gens ! On n’est quand même sur le même genre de constructions. C’est vrai qu’aujourd’hui, avec les GPS, on n’a moins besoin de regarder le clocher pour trouver le centre d’un village. Mais qu’est-ce que l’on va faire de toutes ces cloches ? Puis, si je remets cela en Suisse. C’est aussi le pays du chocolat. Que veux-tu qu’ils fassent des clochers ? Des immenses fontaines à chocolat ?

C’est sûr. Tu vas me dire, c’est en Suisse. Oui, mais rien ne dit que l’on ne va pas importer cela en France. Surtout que l’on aime les bêtises ! Heureusement, on a un autre sujet de préoccupation. Puis, celui-là, il est incontournable ! Quoique, si j’en crois les dernières nouvelles, on ne va pas tarder à devoir contourner certains endroits. Bien entendu, tu l’auras deviné, je veux parler de toutes ces rues où il y a un dispensaire ! A force de faire peur à tout le monde, et même si cela continue à être cinquante-cinquante chez les médecins. Puis, tu peux appeler un ami, il te le dira aussi. C’est la ruée vers le vaccin ! Roselyne a très bien fait son travail. Tout le monde tremble. Enfin, tout le monde, c’est à voir, parce que plus j’en parle autour de moi, rien que pour faire mes propres statistiques, moins je trouve quelqu’un qui connaît quelqu’un qui a la grippe A !

Toujours est-il que cela serait tellement le grand défilé dans les dispensaires, qu’il est question que l’on va faire appel aux médecins, fraîchement retraités, tellement c’est le brin ! Puis, comme il semble que ce ne sera pas encore assez, on va faire appel aux médecins militaires ! Aïe ! Attention si tu es douillet, parce que cela risque de piquer dur ! Les médecins militaires n’ont pas la réputation de faire dans la dentelle ! Sur le même principe, j’ai posé des questions à droite et à gauche. D’autant que j’en vois du monde. C’est pareil, j’en connais beaucoup qui refusent toujours d’entendre parler de la vaccination. Alors, j’avoue que cela me rend perplexe. Est-ce que Roselyne n’en fait pas trop pour écouler son stock ? C’est une question qui revient depuis le début mais qui reste sans réponse. Est-ce que l’on va finir par obliger les gins à se faire piquer ? Parce que, pendant que l’on y est, il n’y a plus qu’à réquisitionner les tireurs d’élite, les vétérinaires, pourquoi pas les chasseurs qui auront déjà été vaccinés. On leur donne à tous des fusils hypodermiques et hop ! Quand tu passes dans la rue, vlan ! On t’envoie une dose à distance !

Tu vois, je n’étais pas là du week-end, mais je crois bien que j’ai réussi à comprendre ce qui s’est passé. Puis, j’aurais tendance à faire un raccourci. Tu me connais ! Il faudrait que Roselyne réfléchisse bien à son stock et c’est là où l’histoire des minarets peut servir en France. Parce que, tout compte fait, cela pourrait bien servir de point haut pour les visées de fléchettes à vaccin. Tu vas voir que les tireurs d’élite vont se régaler ! Puis, si tu vois quelqu’un passer avec une plume dans le cul, avant de le prendre pour un original ou un retardataire du carnaval, pense qu’il aura été vacciné, lui, pendant que tu fais la queue comme un malade que tu n’es pas !


Oops ! Toutes ressemblances avec des personnages existants est fortuite...