Chalut mes gins ! Cha y est, ch’est ch’dégel ! In annonche un ouiquen prech’que printanier. Bah, chi ! Pus d’chinq degrés, par rapport à moins chinq, ch’est que du bionheur ! Infin, j’sais qu’i n’faut pon crier trop vit’, mais rin qu’à y pinser, cha récauffe ches cœurs… et tout ch’ress’ ! Caud d’vint ! Caud d’vint ! Quo ? J’in fais trop ? Bah, nin, mes gins ! Ch’est l’méthote Coué. Larg’mint arprisse par min Dany aveuc j’vais bin, tout i va bin, qu’in pourrot ichi adapter com’ suit : I fait bieau et j’ai caud ! Pon l’méthote Cauet, cha n’a rin à vir et cha récauff’rot qu’in d’chous d’el ceinture aveuc li…

Cha chous-intind qu’chertains n’vontent pon tarder à sortir d’leu hibernachion. Cha promet d’bieaux échinches que je n’minqu’rai pon d’te narrer. J’pinse in particulier à Ségolène. Ch’est pon pochipe, cha ! Alle a dû aller querre eune idée dins sin frigidaire et ch’porte alle che s’ra arfermée su alle. Infin, i y a eune aute explicachion, in peut che d’minder chi alle n’a pon été inl’vée par ches extra-terrestres. Je n’voudros pon paraîte méchinte, mais cha m’étonn’rot qui la garde longtimps. Toudis i est qu’i y a un aute sochialiste qui vient d’sortir d’un long sommel, ch’est min Vincent Peillon. Infin, in peut che d’minder ch’i n’ch’est pon l’vé d’euch pid gauche. Te m’diras, in même timps, ch’pid gauche pour un sochialiste, cha m’parôt com’ eune évidinche. Bref, à l’dernière minute, v’là qu’i décline l’invitachion d’Arlette Chabot, alors qu’i étot attindu su ch’plateau de A vous de juger. 

Forchémint, l’sujet i est toudis l’même et toudis auchi délicat d’pis qu’i a été linché. Débatte de ch’t’idintité nachionale, in a bin vu qu’cha créot des tinchions. A’ch’t’heure, je n’sus pon convaincu qu’el fuite in avint ou refuser d’in parler f’ra avincher che smilblick. D’autint qu’i vient d’euch faire eune nouvielle copine ; Arlette alle est armontée. Bah, cha, te pinses bin. Alle n’appréchie pon vraimint qu’in li fasse faux bond à l’dernière minute, mais alle appréchie cor’ moins qu’in disse qu’ch’est un pièche, un cop fourré, alors qu’i avot ch’programme et ch’déroul’mint bin avint ! Alors, imagine ch’matin, quind alle l’a intindu déclarer qu’i avot prémédité sin cop. Te t’imagines, ti, à sin âche, un cop parel ! Ch’est à li faire attraper eune crisse... Ch’serviche public chins mon Arlette à ch’serviche politique, ch’est com’ chi in t’annonchot qu’i n’y a pon un gramme d’viante dins eune fricadelle ! Ouais, bion, j’em rinds compte que l’imache alle est chertain’mint mau chosie. In même timps, com’ in n’sait pon ch’qu’i y a d’dins, ch’est bin connu, te peux m’donner ch’bénéfiche d’euch doute…

Ch’est chertain’mint sin cop prémédité qui li a permis d’réviser sin vocabulaire. Et quind in parl’te d’vocabulaire, pon des moindes. Extraits chosis : « L’direc’chion d’France 2 et Arlette Chabot is n’ontent pon treuvé miux, in ch’te rintrée 2010, qu’de conchacrer l’seu émichion politique d’début d’soirée à Eric Besson et d’le faire dialoguer aveuc Marine Le Pen, prenant ainchi in otache ch’serviche public et ches personnels qui y travaill’tent. » Vingt dius ! J’n’avos jamais réalisé à quel point Arlette alle étot un bindit d’grind quemin ! Eune renégate, digne d’ête l’cousine d’Jane in perchonne ! Bah, nin, pon Jane Birkin, te n’y es pon ! Calamity Arlette, pour t’mette ches points su ches i et ches barres à ches T ; d’autint qu’i y in a deux rin qu’dins sin prénom. Te l’auros pus vue com’ mi, com’ l’cousine d’Bécassine, ch’est cha ? Bin ouais…

A’ch’t’heure, i n’pouvot pon dir’te qu’in a pris ch’téléspectateur in otache, pour l’bionne et simple raison ch’est qu’Arlette alle n’est pon v’nue chez mi. Chez ti nin pus, j’in sus sûr’te. Pour t’piquer t’télécomminde et t’ficheler dins tin fauteul pour t’obliger à raviser. Cor’ moins d’mette des alleumettes dins tes zis pour t’obliger à n’pon les fermer. Quind bin même, t’auros eu ch’son et ch’est quind même ch’princhipal quind te suis un débat. Bah ouais, ches grimaches, in s’in fout un peu ! Du cop, in n’aurot pon minqué toute l’tirate : « Ch’est indigne et inacceptabe. Jamais eune telle dérive n’ch’étot produite. Alle atteint grav’mint  à ches valeurs d’el France et à ches princhipes qui doiv’tent comminder à ches michions d’serviche public com’ à l’responchabilité d’euch métier d’journaliste. » Lal, ch’est mémé Arlette qui dot avoir peur. Alle a ches mollets qui trimbl’tent et ches genoux qui juent d’ches castagnettes !

D’autint qu’i continue à infoncher ch’clou in ajoutant : « Qu’monsieur Besson, madame Le Pen et madame Chabot rechtent intre eux et qu’chacun mesur’te ainchi ch’qui ch’passe à’ch’t’heure dins not’ pays et l’fachon dont chertains veul’tent, à travers les médias, dévoyer ch’débat démocratique et nous intraîner su eune pinte d’haine et d’division où nous refusons d’aller. » Te m’croiras chi te veux, mais je n’in ai pon dormi d’el nuit ! Ch’est carrémint ch’chaos. In n’soupchonn’te pon à quel point alle a déclinché eune guerre, mémé Arlette. L’république alle est in dinger. A ches armes citoyens ! Form’te ches bataillons ! In va aller casser ch’guiffe à mémé Arlette. Pis, dins ch’même timps, in foutra su ch’guiffe à Marine Le Pen et à Luc Besson.

Toudis i est que ch’pauf’ Arlette alle in étot à peine armisse d’avoir été évinchée par min Nicolas, qui n’la trouvot pus dins ch’cop pour li faire l’causette quind alle l’interviewot, et v’là que ch’ti-lal i vient li armette eune couche aveuc l’apprêt et toute l’finichion auchi ! J’sais qu’ch’est pon bin d’euch moquer, mais eune bionne couche, alle in a l’habitute quind alle pache à ch’maquillache. Bah ouais, i n’faut pon oublier qu’alle a été crée aveuc l’télévision, quind alle étot cor’ in noir’te et blinc. A’ch’t’heure, in est bin obligé d’li in mette eune bionne couche, couleur chair, pour qu’in n’fasse pon l’différinche aveuc ches collègues. J’vais même ajouter qu’alle va d’voir in mette eune cor’ pus grosse, pach’qu’à’ch’t’heure, alle est in surcauffe, mes gins ! Alle est paché in rouche vif et tout cha à causse d’un rosse ! Un combe toud’même !

Mes gins, in attind d’vir l’suite. D’jà, l’acte deux à Fort Chabot. Je t’ingage à n’pon trop t’éloigner de t’télécommande. Et churtout d’el touche volume moins. D’ailleurs, je t’arcommande de t’intraîner toud’chuite. Pach’que chi cha ch’met à gueuler d’un cop, dins tin poste d’télé, cha richque d’ête aute cosse qu’pour eune pache d’pub com’ chouvint. Cha s’ra sot Arlette qui pète un câbe in direct et i y aura même des perturbachions su ches autes chaînes. Sot, ch’est min Vincent Peillon, pach’qu’i est armonté conte ch’serviche public, mais quind i va apprinde que min Nicolas i va monopoliser TF1 et, churtout, Laurence Ferrari, j’ai bin peur qu’i nous invoie eune tirate auchi inchindiaire, voire pir’te. In tout cas, in n’est sûr’te que l’arlèf’ d’Ségolène alle est lal et, dins ch’cas, in peut che d’minder chi ch’est pon li qui à fermer à double tour l’porte pour qu’in n’la artreuve pon…

Règlement de compte à Fort Chabot

Salut mes gens ! Ca y est, c’est le dégel ! On annonce un week-end presque printanier. Bah, si ! Plus de cinq degrés, par rapport à moins cinq, c’est que du bonheur ! Enfin, je sais qu’il ne faut pas crier trop vite, mais rien qu’à y penser, cela réchauffe les cœurs… et tout le reste ! Chaud devant ! Chaud devant ! Quoi ? J’en fais trop ? Bah, non, mes gens ! C’est la méthode Coué. Largement reprise par mon Dany avec je vais bien, tout va bien, que l’on pourrait ici adapter comme suit : Il fait beau et j’ai chaud ! Pas la méthode Cauet, cela n’a rien à voir et cela réchaufferait qu’en dessous de la ceinture avec lui…

Cela sous-entend que certains ne vont pas tarder à sortir de leur hibernation. Cela promet de beaux échanges que je ne manquerai pas de te narrer. Je pense en particulier à Ségolène. Ce n’est pas possible, ça ! Elle a dû aller chercher une idée dans son frigidaire et la porte se sera refermée sur elle. Enfin, il y a une autre explication, on peut se demander si elle n’a pas été enlevée par les extra-terrestres. Je ne voudrais pas paraître méchante, mais cela m’étonnerait qui la garde longtemps. Toujours est-il qu’il y a un autre socialiste qui vient de sortir d’un long sommeil, c’est mon Vincent Peillon. Enfin, on peut se demander s’il ne s’est pas levé du pied gauche. Tu me diras, en même temps, le pied gauche pour un socialiste, cela me paraît comme une évidence. Bref, à la dernière minute, voilà qu’il décline l’invitation d’Arlette Chabot, alors qu’il était attendu le plateau de A vous de juger. 

Forcément, le sujet est toujours le même et toujours aussi délicat depuis qu’il a été lancé. Débattre de l’identité nationale, on a bien vu que cela créait des tensions. A présent, je ne suis pas convaincu que la fuite en avant ou refuser d’en parler fera avancer le smilblick. D’autant qu’il vient de se faire une nouvelle copine ; Arlette est remontée. Bah, ça, tu penses bien. Elle n’apprécie pas vraiment qu’on lui fasse faux bond à la dernière minute, mais elle apprécie encore moins que l’on dise que c’est un piège, un coup fourré, alors qu’il avait le programme et le déroulement bien avant ! Alors, imagine ce matin, quand elle l’a entendu déclarer qu’il avait prémédité son coup. Tu t’imagines, toi, à son âge, un coup pareil ! C’est à lui faire attraper une crise… Le service public sans mon Arlette au service politique, c’est comme si l’on t’annonçait qu’il n’y a pas un gramme de viande dans une fricadelle ! Oui, bon, je me rends compte que l’image est certainement mal choisie. En même temps, comme on ne sait pas ce qu’il y a dedans, c’est bien connu, tu peux me donner le bénéfice du doute…

C’est certainement son coup prémédité qui lui a permis de réviser son vocabulaire. Et quand on parle de vocabulaire, pas des moindres. Extraits choisis : « La direction de France 2 et Arlette Chabot n’ont pas trouvé mieux, en cette rentrée 2010, que de consacrer la seule émission politique de début de soirée à Eric Besson et de le faire dialoguer avec Marine Le Pen, prenant ainsi en otage le service public et les personnels qui y travaillent. » Bon sang ! Je n’avais jamais réalisé à quel point Arlette était un bandit de grand chemin ! Une renégate, digne d’être la cousine de Jane en personne ! Bah, non, pas Jane Birkin, tu n’y es pas ! Calamity Arlette, pour te mettre les points sur les i et les barres aux T ; d’autant qu’il y en a deux rien que dans son prénom. Tu l’aurais plus vue comme moi, comme la cousine de Bécassine, c’est cela ? Bien oui…

A présent, il ne pouvait pas dire que l’on a pris le téléspectateur en otage, pour la bonne et simple raison c’est qu’Arlette n’est pas venue chez moi. Chez toi non plus, j’en suis sûre. Pour te piquer la télécommande et te ficeler dans ton fauteuil pour t’obliger à regarder. Encore moins de mettre des allumettes dans tes yeux pour t’obliger à ne pas les fermer. Quand bien même, tu aurais eu le son et c’est quand même le principal quand tu suis un débat. Bah oui, les grimaces, on s’en fout un peu ! Du coup, on n’aurait pas manqué toute la tirade : « C’est indigne et inacceptable. Jamais une telle dérive ne s’était produite. Elle atteint gravement  aux valeurs de la France et aux principes qui doivent commander aux missions de service public comme à la responsabilité du métier de journaliste. » Là, c’est mémé Arlette qui doit avoir peur. Elle a les mollets qui tremblent et les genoux qui jouent des castagnettes !

D’autant qu’il continue à enfoncer le clou en ajoutant : « Que monsieur Besson, madame Le Pen et madame Chabot restent entre eux et que chacun mesure ainsi ce qui se passe aujourd’hui dans notre pays et la façon dont certains veulent, à travers les médias, dévoyer le débat démocratique et nous entraîner sur une pente de haine et de division où nous refusons d’aller. » Tu me croiras si tu veux, mais je n’en ai pas dormi de la nuit ! C’est carrément le chaos. On ne soupçonne pas à quel point elle a déclenché une guerre, mémé Arlette. La république est en danger. Aux armes citoyens ! Forme les bataillons ! On va aller casser la gueule à mémé Arlette. Puis, dans le même temps, on foutra sur la gueule de Marine Le Pen et de Luc Besson.

Toujours est-il que la pauvre Arlette en était à peine remise d’avoir été évincée par mon Nicolas, qui ne la trouvait plus dans le coup pour lui faire la causette quand elle l’interviewait, et voilà que celui-là vient lui remettre une couche avec l’apprêt et toute la finition aussi ! Je sais que ce n’est pas bien de se moquer, mais une bonne couche, elle en a l’habitude quand elle passe au maquillage. Bah oui, il ne faut pas oublier qu’elle a été crée avec la télévision, quand elle était encore en noir et blanc. Maintenant, on est bien obligé de lui en mettre une bonne couche, couleur chair, pour que l’on ne fasse pas la différence avec ses collègues. Je vais même ajouter qu’elle va devoir en mettre une encore plus grosse, parce qu’à présent, elle est en surchauffe, mes gens ! Elle est passé en rouge vif et tout cela à cause d’un rose ! Un comble tout de même !

Mes gens, on attend de voir la suite. Déjà, l’acte deux à Fort Chabot. Je t’engage à ne pas trop t’éloigner de la télécommande. Et surtout de la touche volume moins. D’ailleurs, je te recommande de t’entraîner tout de suite. Parce que si cela se met à gueuler d’un coup, dans ton poste de télé, cela risque d’être autre chose que pour une page de pub comme souvent. Ce sera soit Arlette qui pète un câble en direct et il y aura même des perturbations sur les autres chaînes. Soit, c’est mon Vincent Peillon, parce qu’il est remonté contre le service public, mais quand il va apprendre que mon Nicolas va monopoliser TF1 et, surtout, Laurence Ferrari, j’ai bien peur qu’il nous envoie une tirade aussi incendiaire, voire pire. En tout cas, on n’est sûr que la relève de Ségolène est là et, dans ce cas, on peut se demander si ce n’est pas lui qui à fermer à double tour la porte pour qu’on ne la retrouve pas…