Chalut mes gins ! J’espèr’te qu’t’as paché un bion ouiquen. Sam’di, ch’est vrai qu’i fallot bin viser intre ches gouttes pach’qu’in peut dir’te qu’pour dracher, cha a draché dur’te ! In fait, ch’est bin fait l’nature. Pon b’soin d’aller nettoyer t’carette après ch’boue d’el neiche. Ch’est tout prope ! In arvot infin ch’couleur. Cha quée bin, pach’que cha a été un ouiquen haut in couleur. Bah, nin, ch’est pon pach’que j’ai vu un arc-en-chiel, mais in peut dir’te cha. Etant donné qu’cha armue dins ches partis politiques…

Chi in étot vers ch’mitan d’juillet, j’auros pu dir’te : Ah, ch’bielle oranche ! Ah, ch’bielle rosse ! I simbe qu’cha sot ches deux prédominintes. Mi qui m’inquiétos, eul s’maine dernière, qu’in n’avot aucune nouvielle d’Ségolène, v’là qui est réglé. Alle est toudis in vie, in est rassuré ! Ouais, mes gins ! Alle vient d’juer un tour pindabe à tertous. Ch’étot eune stratégie, sin silinche. Ch’ouiquen, tel un diabe qui sort d’euch boîte, la v’là qui apparôt ! Rayonninte. Reposée. Ravie d’avoir pris tertous d’court pour lincher ch’cimpagne pour ches régionales. Mais pus qu’tout, alle vient d’faire un pid d’nez à François Bayrou. Pour alle, ch’est carrémint eune ch’risse su sin gâtieau. Eune sorte d’arvinche, puich’qu’alle a réussi à détourner d’euch drot quemin, ch’ti d’min François, ch’MoDem local pour ch’premier tour d’ches élec’chions régionales…

Grâche à sin intraîn’mint, qu’alle avot d’jà rodé à ch’Zénith, in peut dir’te qu’alle apparôt com’ un véritabe gourou. Du moins, dins sin pat’lin ! In proposant chinq plaches éligibes, ches MoDem locaux is n’ontent pon résisté à l’appel d’el sirène Ségolène. Viens à mi, mes brebis égarées. Te verras qu’dins min coin, l’herpe alle est pus bielle. Bah, alle n’pouvot quind même pon dir’te que l’herpe alle est pus verte, i y avot un richque d’confusion. In pus, i faut bin avouer qu’i n’ontent pon trop d’chince d’avoir gramint d’plaches alors, mélinger de ch’t’oranche aveuc d’euch rosse, cha n’donn’te pon eune couleur bielle à raviser, mais cha ch’armarque à défaut ! Du cop, Ségolène alle n’a pon tari d’éloches pour ches nouvieaux admirateurs et n’a pon hésité à déclarer qu’is étotent in avinche su ches appareils politiques. Ouais, te l’auras armarqué com’ mi, alle donn’te l’imprèchion qu’alle leu fait un méga complimint mais, in fait, ch’est à alle-même qu’alle l’fait…

Seul’mint, mes gins, te dos bin t’douter qu’che sot armonté vit’ fait jusqu’à ches orelles à min François. D’autint qu’alles sont d’bionnes talles. Cha l’a foutu in pétard ! Te sais, quind i ch’met in pétard, cha ch’vot toud’chuite, i vire à ch’rosse ! Bah ouais, j’sais qu’ch’est con. D’autint qu’i vir’te à ch’rosse à causse d’eune rosse. In même timps, i vaut mieux qu’cha sot à ch’rosse. Ch’i virot à ch’t’oranche, in finirot par l’prinde pour Casimir. Misse à part que pour sin hymne, cha s’rot chertain’mint plutôt : « Voichi venu che timps d’ches pleurs, d’ches tourmints. Dins ch’monte politique, ch’est pon toudis che printimps. Ch’est pon vraimint joyeux, j’me sins malheureux. Pourtint j’sus gintil, mais ch’est pon l’paradis. » Bin, ouais, j’treuve qu’cha li irot bin. In attindint, com’ i est colère, Alexis Blanc, ch’présidint d’euch MoDem d’Charente-Maritime, i in prind ! Ch’est carrémint ch’porte, d’ailleurs qu’i va prinde ! Min François i a déchidé d’el virer à l’minute !

Ch’viche-présidinte, Marielle de Sarnez, alle auchi alle est colère. Eune règue d’or n’a pon été respectée : N’pon faire copain-copain aveuc ch’Dame d’euch Poitou ! Cheule qui est eune véritape pic-achiette, puich’qu’alle s’incruste même quind in n’l’invite pon ! Marielle alle n’mâch’te pon ches miots invers ches traîtres. Alle estim’te qu’ches adhérints is ch’sont mis eusses-même à l’écart d’leu parti. In pourrot traduir’te cha par ches brebis qui n’sont pus égarées pour l’eune alles le devienn’tent pour l’aute. Ch’est méchoui, ches brebis alles sont grillées ! Pis quind bin même. Chi te broutes chez Ségolène, tint pis pour ti ! Te s’ras privé d’déchert, te n’auras pon d’salate d’oranche ! Pour rechter vaqu’mint culturel (ch’est pour rir’te, mais j’vais t’le faire quind même), à l’quechtion qui a volé ch’t’oranche ? Te pourras réponde chins hésiter Ségolène ! Bah, ouais, Michal d’el Star’Ac à côté d’alle, ch’est rin. Li, i in avot volé eune, alle, ch’est ch’cageot d’un cop !

Te t’doutes bin qu’alle n’ch’est pon arrêtée lal. Bah, nin, i n’y a pon d’raison qu’el coupabe d’un tel vol alle n’sot pon inquiétée. Alle a bin fait savoir à Ségolène qu’alle f’sot exact’mint ch’qu’alle a arproché à min Nicolas quind i a détourné à li plusieurs sochialistes. Vlan, prind cha dins tes dints ! Ch’est carrémint du débauchache, nin du rassimbl’mint. Vlan, arprind cha auchi ! A’ch’t’heure, ch’est m’promochion d’euch jour, t’as deux vaqu’ries pour ch’prix d’eune. Et ch’est pon quer payé pour l’prix d’toutes ches brebis perdues !

Dins ch’t’échange, t’es in train de dir’te qu’i faudrot chertain’mint un arbite pour éviter tout débord’mint ou pour compter ches points, ch’cas échéant. Alors, in a d’mindé à Titine quo qu’alle in pinsot. Te m’diras, dins ch’cas d’ù qu’i faudrot compter ches points, je n’sus pon sûr’te qu’in aura un résultat fiabe. Bah, ouais, mes gins, Titine alle a gramint d’mau quind i s’agit d’compter et d’donner un résultat corrèque. Bref, in attindot eune réponche d’euch berger d’euch PS à ch’bergère qui a am’né à alle ches nouvielles brebis. D’autint qu’in ch’attindot à un pic conte ch’rivale attitrée. Mais ch’étot oublier trop vit’ l’nouvielle Titine. Cheule qui rit, qui sourit, qui met des bouques d’orelles et qui fait d’l’humour auchi. Cheule qui arrif’ même à treuver normal ches écarts à Vincent Peillon et ch’bion cop à mémé Arlette.

Toudis i est que Titine alle continue su che quemin d’el Rédempchion. Alle pardonn’te tout à tertous, sauf à min Nicolas. Faut pon déconner quind même ! D’pis qu’Ségolène alle a armissé sin costume d’sœur d’euch grind pardon à ch’placard, ch’est alle qui a pris l’arlais. Alors, quo qu’alle in dit : Rin ! Infin, pour l’circonstinche, alle n’est pus d’Lille, alle s’rot plutôt Normande : Ouais, euh, cha n’est pon dins ches directives d’euch parti, mais chacun i fait quo qu’i veut ! Te m’étonn’tes ti ! Chacun fait, fait, ch’qui li plait, plait. D’autint quind cha peut servir à n’pon donner des points à ch’t’UMP et min Nicolas. I vaut cor’ miux ch’allier aveuc un Casimir oranche ou un géant vert qu’aveuc un schtroumf bleu ! Pis, com’ alle cante Zazie :  Zen, rechtons zen, pour avoir des voix à la pelle…

V’là, mes gins ! Te n’as pon à t’inquiéter, avint l’fin d’el s’maine, te peux n’ête sûr’te qu’in va rajouter des couleurs à ch’palette. Un tiot cop d’bleu, un tiot cop d’rouche. Chertain’mint un peu d’vert et auchi d’euch bleu extrême. D’toute fachon, ch’est toudis ches mêmes qui in voï’tent d’toutes ches couleurs et j’sus sûr’te que te pinses à ti et à mi toud’chuite !

Qui a volé les oranges ?

Salut mes gens ! J’espère que tu as passé un bon week-end. Samedi, c’est vrai qu’il fallait bien viser entre les gouttes parce que l’on peut dire que pour pleuvoir, ça a plu dur ! En fait, c’est bien fait la nature. Pas besoin d’aller nettoyer ton auto après la boue de la neige. C’est tout propre ! On revoit enfin la couleur. Cela tombe bien, parce que cela a été un week-end haut en couleur. Bah, non, ce n’est pas parce que j’ai vu un arc-en-ciel, mais on peut dire cela. Etant donné que cela remue dans les partis politiques…

Si l’on était vers le milieu de juillet, j’aurais pu dire : Ah, la belle orange ! Ah, la belle rose ! Il semble que ce soit les deux prédominantes. Moi qui m’inquiétais, la semaine dernière, que l’on n’avait aucune nouvelle de Ségolène, voilà qui est réglé. Elle est toujours en vie, on est rassuré ! Oui, mes gens ! Elle vient de jouer un tour pendable à tous. C’était une stratégie, son silence. Ce week-end, tel un diable qui sort de sa boîte, la voilà qui apparaît ! Rayonnante. Reposée. Ravie d’avoir pris tout le monde de court pour lancer sa campagne pour les régionales. Mais plus que tout, elle vient de faire un pied de nez à François Bayrou. Pour elle, c’est carrément une cerise sur son gâteau. Une sorte de revanche, puisqu’elle a réussi à détourner du droit chemin, celui de mon François, le MoDem local pour le premier tour des élections régionales…

Grâce à son entraînement, qu’elle avait déjà rodé au Zénith, on peut dire qu’elle apparaît comme un véritable gourou. Du moins, dans son patelin ! En proposant cinq places éligibles, les MoDem locaux n’ont pas résisté à l’appel de la sirène Ségolène. Viens à moi, mes brebis égarées. Tu verras que dans mon coin, l’herbe est plus belle. Bah, elle ne pouvait quand même pas dire que l’herbe est plus verte, il y avait un risque de confusion. En plus, il faut bien avouer qu’il n’ont pas trop de chance d’avoir beaucoup de places alors, mélanger de l’orange avec du rose, ce ne donne pas une couleur belle à regarder, mais cela se remarque à défaut ! Du coup, Ségolène n’a pas tari d’éloges pour ces nouveaux admirateurs et n’a pas hésité à déclarer qu’ils étaient en avance sur les appareils politiques. Oui, tu l’auras remarqué comme moi, elle donne l’impression qu’elle leur fait un méga compliment mais, en fait, c’est à elle-même qu’elle le fait…

Seulement, mes gens, tu dois bien te douter que ce soit remonté vite fait jusqu’aux oreilles de mon François. D’autant qu’elles sont de bonnes tailles. Ca l’a foutu en pétard ! Tu sais, quand il se met en pétard, ça se voit tout de suite, il vire au rose ! Bah oui, je sais que c’est con. D’autant qu’il vire au rose à cause d’une rose. En même temps, il vaut mieux que ce soit au rose. S’il virait à l’orange, on finirait par le prendre pour Casimir. Mis à part que pour son hymne, ce serait certainement plutôt : « Voici venu le temps des pleurs, des tourments. Dans l’monde politique, c’est pas toujours le printemps. C’est pas vraiment joyeux, j’me sens malheureux. Pourtant j’suis gentil, mais c’est pas l’paradis. » Bien, oui, je trouve que cela lui irait bien. En attendant, comme il est colère, Alexis Blanc, le président du MoDem de Charente-Maritime, il en prend ! C’est carrément la porte, d’ailleurs qu’il va prendre ! Mon François a décidé de le virer à la minute !

La vice-présidente, Marielle de Sarnez, elle aussi est colère. Une règle d’or n’a pas été respectée : Ne pas faire copain-copain avec la Dame du Poitou ! Celle qui est une véritable pic-assiette, puisqu’elle s’incruste même quand on ne l’invite pas ! Marielle ne mâche pas ses mots envers les traîtres. Elle estime que les adhérents se sont mis eux-même à l’écart de leur parti. On pourrait traduire cela par les brebis qui ne sont plus égarées pour l’une le deviennent pour l’autre. C’est méchoui, ces brebis sont grillées ! Puis quand bien même. Si tu broutes chez Ségolène, tant pis pour toi ! Tu seras privé de dessert, tu n’auras pas de salade d’orange ! Pour rester vachement culturel (c’est pour rire, mais je vais te le faire quand même), à la question qui a volé l’orange ? Tu pourras répondre sans hésiter Ségolène ! Bah, oui, Michal de la Star’Ac à côté d’elle, ce n’est rien. Lui, il en avait volé une, elle, c’est le cageot d’un coup !

Tu te doutes bien qu’elle ne s’est pas arrêtée là. Bah, non, il n’y a pas de raison que la coupable d’un tel vol ne soit pas inquiétée. Elle a bien fait savoir à Ségolène qu’elle faisait exactement ce qu’elle a reproché à mon Nicolas quand il a détourné à lui plusieurs socialistes. Vlan, prend ça dans les dents ! C’est carrément du débauchage, non du rassemblement. Vlan, reprend ça aussi ! Aujourd’hui, c’est ma promotion du jour, tu as deux vacheries pour le prix d’une. Et ce n’est pas cher payé pour le prix de toutes ces brebis perdues !

Dans l’échange, tu es en train de dire qu’il faudrait certainement un arbitre pour éviter tout débordement ou pour compter les points, le cas échéant. Alors, on a demandé à Titine ce qu’elle en pensait. Tu me diras, dans le cas où il faudrait compter les points, je ne suis pas sûre que l’on aura un résultat fiable. Bah, oui, mes gens, Titine a beaucoup de mal quand il s’agit de compter et de donner un résultat correct. Bref, on attendait une réponse du berger du PS à la bergère qui a amené à elle ces nouvelles brebis. D’autant que l’on s’attendait à un pic contre sa rivale attitrée. Mais c’était oublier trop vite la nouvelle Titine. Celle qui rit, qui sourit, qui met des boucles d’oreilles et qui fait de l’humour aussi. Celle qui arrive même à trouver normal les écarts de Vincent Peillon et le bon coup à mémé Arlette.

Toujours est-il que Titine continue sur le chemin de la Rédemption. Elle pardonne tout à tous, sauf à mon Nicolas. Faut pas déconner quand même ! Depuis que Ségolène a remisé son costume de sœur du grand pardon au placard, c’est elle qui a pris le relais. Alors, ce qu’elle en dit : Rien ! Enfin, pour la circonstance, elle n’est plus de Lille, elle serait plutôt Normande : Oui, euh, ce n’est pas dans les directives du parti, mais chacun fait ce qu’il veut ! Tu m’étonnes toi ! Chacun fait, fait, ce qui lui plait, plait. D’autant quand cela peut servir à ne pas donner des points à l’UMP et mon Nicolas. Il vaut encore mieux s’allier avec un Casimir orange ou un géant vert qu’avec un schtroumf bleu ! Puis, comme elle chante Zazie :  Zen, restons zen, pour avoir des voix à la pelle…

Voilà, mes gens ! Tu n’as pas à t’inquiéter, avant la fin de la semaine, tu peux être sûr que l’on va rajouter des couleurs à la palette. Un petit coup de bleu, un petit coup de rouge. Certainement un peu de vert et aussi du bleu extrême. De toute façon, c’est toujours les mêmes qui en voient de toutes les couleurs et je suis sûre que tu penses à toi et à moi tout de suite !