Chalut mes gins ! Bah ouais, me v’là d’artour ! Merchi pour ches émiles que te as envoyés, tout i va bin, à part m’mise in plis qui n’arsimbe pus à rin. Eune vraie désolachion, in dirot qu’in m’a rinverché un plat d’spaghetti chu l’tiête. Ch’est qu’i in est qué d’l’ieau ch’quatorse juillet, ch’est rin d’eul dir’te ! Mais je n’avos pon disparu et cha n’servot à rin d’déclincher ch’plan ORSEC. Sec tout court, cha aurot été utile pach’que ch’fiête alle a été gâchée dins gramint d’indrots, chins compter ches dégâts, et qu’i y a auchi gramint d’feux d’artifiche qui n’ontent pon été tirés. In aurot pu ch’y attinde puich’qu’eul s’maine alle avot comminché par un pétard mouillé aveuc ch’t’intervinchion d’min Nicolas à ch’télé. Bah quo ? Un documintaire chasse et pêque i nous aurot appris gramint pus d’cosses !

Ch’est lal qu’in ch’rind compte qu’cha n’est pon fachile d’communiquer et que, même min Nicolas qui a sin diplôme d’grind conteux, quind in l’acoute religieuss’mint, in a l’impréchion qu’i parl’te pour n’rin dir’te. Infin, j’n’irai pon jusqu’à écrir’te qu’i fait du Jean-Claude Van Damme, mais qu’i ch’continte d’ardire ch’que tertous i sait d’jà. Quo ? Ch’est ch’miot religieuss’mint qui t’posse un problème ? J’te rassur’te, je n’étos pon prostrée d’vint min écran. A ch’t’heure-lal, ch’étot plutôt aud’sus d’min achiette, mais j’sus com’ tin four, multifonc’chions ! J’arriv’te à minger et acouter in même timps. Quo que j’mingeos ? Vingt dius, t’es bin curieux ! Un steak et des frites, v’là ! Nin, pon aveuc d’eul salate. Cha n’étot pon l’peine, j’l’avos d’jà à ch’télé, ch’salate ! Bref, in apprind à’ch’t’heure dins Libération qu’eul Serviche d’Informachion d’euch Gouvernemint – SIG – i va avoir arcours à eune véritape aginche d’pub spéchialisée dins che storytelling. Quo qu’ch’est qu’cha cor’ ? Chi te n’étos pon resté près d’euch radiateur et que t’avos acouté ches cours d’inglais, te sauros qu’cha veux dir’te raconteux d’histoires. Bah, com’ te dis, tout un programme !

Justemint, ch’est un programme intre l’Etat et l’aginche Aegis qui va quind même coûter ch’bagatelle d’120 millions d’euros par in. Bah ouais, ch’est quer, alors qu’in t’dit tous ches jours qu’in donn’te un tour d’vis chu ches dépinches d’euch gouvernemint ! Te vos à quel point ch’communicachion alle est importinte, pach’qu’in avot compris que seulemint ches grintes écoles et ch’t’arquerche alles ne s’rotent pon concernées par ch’plan d’rigueur. Chi, chi, j’ai l’drot d’l’écrir’te d’pis qu’François Fillon i l’a dit. Alors qu’i y a plein d’excepchions com’ ch’t’Airbus. A’ch’t’heure, in s’ra au courint d’tout grâche à ch’te dépinche pour not’ bin. Quo qu’te veux, in est un peu babache par momints et in n’arriv’te pon toudis à décoder quo qu’in nous cante. Pach’que ch’est bin ch’princhipe d’euch storytelling, partir d’faits réels et d’les mette in miots, in imaches, pour qu’cha présinte miux. Qu’cha sot moins barbant à acouter et que ch’messache i pache ! Te sais, com’ j’fais aveuc ti. J’te parl’te chouvint d’eune actu pon vraimint drôl’te, mais j’arrif’ à t’faire rigoler aveuc. Com’ chertain’mint d’pis ch’début de ch’t’artique alors qu’cha va coûter 120 millions d’euros ! Mi, cha n’eum fait pon rir’te pach’que min Nicolas i n’va même pon m’donner un euro !

Bin intindu, ch’but premier i est d’raconter d’eune bielle manière tout ch’que ch’gouvernemint i fait pour ti et pour tin bin-ête. Quo ? Te n’as pas l’impréchion qu’i travalle pour tin bin-ête ? Te vos qu’in a vraimint b’soin d’ête storytellés ! J’te l’dis, cha va nous canger l’vie ! Après in saura à quel point ches ministres is n’arrêtent pon d’treuver des astuches pour qu’tout i aille miux et qu’te n’as vraimint pon d’raison d’faire l’guiffe com’ te l’fais. Ch’est eusses qui vontent à ch’carbon et ch’est ti qui t’plains, ingrat qu’t’es ! Tout cha, bin intindu, chous l’baguette d’un chef d’orchestre qui n’est aute qu’min Nicolas. Pach’qu’i n’faut pon ch’leurrer, cha s’ra li l’vedette princhipale et in nous cantera ches louanches chu tous ches médias. Bah, ouais, com’ à’ch’t’heure, mais in pus bieau ! Com’ chi ch’étot Superman. Nin, pon cor’ assez. Com’ chi ch’étot ch’Messie, cha ch’est bin ! In pourra raviser ches écrans d’télé, acouter ch’grind messe et arprinde in chœur ch’t’hymne. Pour ches b’soins d’eul produc’chion, je n’verros pon ch’Marseillaise. D’toute fachon, in sait tertous qu’eul plupart d’ches Français is n’connaiss’tent pon ches paroles. Pis, ch’est d’une violinche, cha risquerot d’nous faire sortir d’euch rêf’…

Quo, alors ? Te m’prinds d’court, ti’z’aute ! Attinds ! In pourrot p’t-ête canter cha : « Nico revient, Nico revient ! Nico revient in 2012… » Cha s’rot super, puich’qu’in t’prouverot grâche à ch’te storytelling qu’eul vie alle est un long fleuve trinquille. Que te n’as rin à faire sauf à t’laicher guider par ch’courant qui t’immène vers des flots cor’ pus bleus ! Et cha n’est même pon ti qui rame ! Te vos qu’in est loin d’eul galère dins laquelle te simbes t’imaginer ête. In pus, querche pon ! Ch’i faut quéqu’un pour juer d’eul guitare, in a d’jà eune vedette toute treuvée ! Ch’grinte prêtresse d’ches consonnes et d’ches voïelles. Bah, nin, pon eune gagninte d’ches chiffes et d’ches lettes ! Vingt dius ! Chi ches pétards d’euch quatorse juillet is n’ontent pon pété, in peut che d’minder quo qu’t’as fait aveuc ? Chi j’te dis quate consonnes et tros voïelles, ch’est ch’prénom de Nicolas… Cha t’rappell’te bin eune vedette d’eul canchon françaisse, nin ? Ouais, d’accord, alle disot Raphaël, mais cha a cangé d’pis. N’eum dis pon qu’cha nin pus te n’in savos rin, pach’que t’es in train d’prouver qu’in a vraimint b’soin d’euch programme d’storytelling !

In peut treuver bizarr’te qu’cha sot déchidé avint ches élec’chions présidinchielles. Ch’est dins pus d’un in, mais ch’est bin opportun à ch’moment d’ù qu’eul cote à min Nicolas alle est à ch’pus bas. Cha arsimblerot à eune campagne déguisée qu’in n’pourrot pon miux faire. Infin, j’dis cha, mais i faut vraimint ête médisint pour pinser à des trucs parels. Toutes ches mauviaisses lingues qui n’fontent que montrer ch’côté obscur alors qu’in sait tertous qu’i y a forchémint un côté éclairé dins ch’cas. Ch’est vrai qu’sin imache alle est carrémint quée à ch’fond d’eul bassine. A moins qu’cha sot ch’poids d’euch Rolex qui l’ait fait couler, ajouté à ch’poids d’ches inveloppes, qui sait. Bah, in sait tertous que ch’papie, ch’est lourd ! Mais ch’est rin, cha s’ra vit’ d’l’histoire inchienne. Bin storytellé, min Nicolas i va ch’arfaire eune virginité. J’intinds d’jà eune guitare au loin et ch’douce vox d’eul vedette qui arprind un viux tube américain d’eune chertaine Madonna. Auchi innochint que ch’t’agneau qui vient d’naîte. Et nou’z’autes, ches moutons qu’in a tondu in s’ra in admirachion d’vint eune telle merveille. Nin, pon ch’madone, ch’t’agneau ! T’as vraimint b’soin d’ête storytellé !

V’là mes gins, je t’ai storytellé ch’t’info pach’que, auchi bizarr’te qu’cha puiche paraîte, te n’vas pon in intinde gramint parler, churtout à l’télé. I faut comprinde, ch’est ches vacinches et is ontent miux à faire in montrant tous ches gins heureux d’euch dorer ch’pilule chu eune plache que d’aller t’innuyer aveuc des détals techniques, somme toute. Alors plutôt que d’storyteller eune fin à min artique, j’vais terminer par eune phrasse qui vient de ch’t’actuel patron du SIG, Thierry Saussez, qui dit : « L’maîtrise d’l’informachion fait partie de ch’t’exerciche d’euch pouvoir. » Quo ? Cha t’fait frod dins ch’dios ? Bah, ch’est bin pour cha qu’min Nicolas i va faire appel à un storytelleur ! In n’peut pon continuer à dir’te des trucs parels qui n’sontent qu’des cacoulles !

Chère la pub !

Salut mes gens ! Bah oui, me voilà de retour ! Merci pour les e-mails que tu as envoyés, tout va bien, à part ma mise en plis qui ne ressemble plus à rien. Une vraie désolation, on dirait que l’on m’a renversé un plat de spaghetti sur la tête. C’est qu’il en est tombé de l’eau ce quatorze juillet, ce n’est rien de le dire ! Mais je n’avais pas disparu et cela ne servait à rien de déclencher le plan ORSEC. Sec tout court, cela aurait été utile parce que la fête a été gâchée dans beaucoup d’endroits, sans compter les dégâts, et qu’il y a aussi beaucoup de feux d’artifice qui n’ont pas été tirés. On aurait pu s’y attendre puisque la semaine avait commencé par un pétard mouillé avec l’intervention de mon Nicolas à la télé. Bah quoi ? Un documentaire chasse et pêche nous aurait appris beaucoup plus de choses !

C’est là que l’on se rend compte que ce n’est pas facile de communiquer et que, même mon Nicolas qui a son diplôme de grand conteur, quand on l’écoute religieusement, on a l’impression qu’il parle pour ne rien dire. Enfin, je n’irai pas jusqu’à écrire qu’il fait du Jean-Claude Van Damme, mais qu’il se contente de redire ce que tout le monde sait déjà. Quoi ? C’est le mot religieusement qui te pose un problème ? Je te rassure, je n’étais pas prostrée devant mon écran. A cette heure-là, c’était plutôt au-dessus de mon assiette, mais je suis comme ton four, multifonctions ! J’arrive à manger et écouter en même temps. Je mangeais quoi ? Bon sang, tu es bien curieux ! Un steak et des frites, voilà ! Non, pas avec de la salade. Ce n’était pas la peine, je l’avais déjà à la télé, la salade ! Bref, on apprend aujourd’hui dans Libération que le Service d’Information du Gouvernement – SIG – va avoir recours à une véritable agence de pub spécialisée dans le storytelling. Qu’est-ce que c’est encore ? Si tu n’étais pas resté près du radiateur et que tu avais écouté les cours d’anglais, tu saurais que cela veux dire raconteur d’histoires. Bah, comme tu dis, tout un programme !

Justement, c’est un programme entre l’Etat et l’agence Aegis qui va quand même coûter la bagatelle de 120 millions d’euros par an. Bah oui, c’est cher, alors que l’on te dit tous les jours que l’on donne un tour de vis sur les dépenses du gouvernement ! Tu vois à quel point la communication est importante, parce que l’on avait compris que seulement les grandes écoles et la recherche ne seraient pas concernées par le plan de rigueur. Si, si, j’ai le droit de l’écrire depuis que François Fillon l’a dit. Alors qu’il y a plein d’exceptions comme l’Airbus. A présent, on sera au courant de tout grâce à cette dépense pour notre bien. Que veux-tu, on est un peu nigaud par moments et on n’arrive pas toujours à décoder ce que l’on nous chante. Parce que c’est bien le principe du storytelling, partir de faits réels et de les mettre en mots, en images, pour que cela présente mieux. Que ce soit moins barbant à écouter et que le message passe ! Tu sais, comme je fais avec toi. Je te parle souvent d’une actu pas vraiment drôle, mais j’arrive à te faire rigoler avec. Comme certainement depuis le début de cet article alors que cela va coûter 120 millions d’euros ! Moi, cela ne me fait pas rire parce que mon Nicolas ne va même pas me donner un euro !

Bien entendu, le but premier est de raconter d’une belle manière tout ce que le gouvernement fait pour toi et pour ton bien-être. Quoi ? Tu n’as pas l’impression qu’il travaille pour ton bien-être ? Tu vois que l’on a vraiment besoin d’être storytellés ! Je te le dis, cela va nous changer la vie ! Après on saura à quel point les ministres n’arrêtent pas de trouver des astuces pour que tout aille mieux et que tu n’as vraiment pas de raison de faire la gueule comme tu le fais. Ce sont eux qui vont au charbon et c’est toi qui te plains, ingrat que tu es ! Tout cela, bien entendu, sous la baguette d’un chef d’orchestre qui n’est autre que mon Nicolas. Parce qu’il ne faut pas se leurrer, ce sera lui la vedette principale et on nous chantera ses louanges sur tous les médias. Bah, oui, comme maintenant, mais en plus beau ! Comme si c’était Superman. Non, pas encore assez. Comme si c’était le Messie, ça c’est bien ! On pourra regarder les écrans de télé, écouter sa grand messe et reprendre en chœur l’hymne. Pour les besoins de la production, je ne verrais pas la Marseillaise. De toute façon, on sait tous que la plupart des Français ne connaissent pas les paroles. Puis, c’est d’une violence, cela risquerait de nous faire sortir du rêve…

Quoi, alors ? Tu me prends de court, toi ! Attends ! On pourrait peut-être chanter ceci : « Nico revient, Nico revient ! Nico revient en 2012… » Ce serait super, puisque l’on te prouverait grâce à ce storytelling que la vie est un long fleuve tranquille. Que tu n’as rien à faire sauf à te laisser guider par le courant qui t’emmène vers des flots encore plus bleus ! Et ce n’est même pas toi qui rame ! Tu vois que l’on est loin de la galère dans laquelle tu sembles t’imaginer être. En plus, cherche pas ! S’il faut quelqu’un pour jouer de la guitare, on a déjà une vedette toute trouvée ! La grande prêtresse des consonnes et des voyelles. Bah, non, pas une gagnante des chiffres et des lettres ! Bon sang ! Si les pétards du quatorze juillet n’ont pas pété, on peut se demander ce que tu as fait avec ? Si je te dis quatre consonnes et trois voyelles, c’est le prénom de Nicolas… Cela te rappelle bien une vedette de la chanson française, non ? Oui, d’accord, elle disait Raphaël, mais cela a changé depuis. Ne me dis pas que cela non plus tu n’en savais rien, parce que tu es en train de prouver que l’on a vraiment besoin du programme de storytelling !

On peut trouver bizarre que ce soit décidé avant les élections présidentielles. C’est dans plus d’un an, mais c’est bien opportun au moment où la cote de mon Nicolas est au plus bas. Cela ressemblerait à une campagne déguisée que l’on ne pourrait pas mieux faire. Enfin, je dis cela, mais il faut vraiment être médisant pour penser à des trucs pareils. Toutes les mauvaises langues qui ne font que montrer le côté obscur alors que l’on sait tous qu’il y a forcément un côté éclairé dans ce cas. C’est vrai que son image est carrément tombée au fond de la bassine. A moins que ce soit le poids de sa Rolex qui l’ait fait couler, ajouté au poids des enveloppes, qui sait. Bah, on sait tous que le papier, c’est lourd ! Mais ce n’est rien, cela sera vite de l’histoire ancienne. Bien storytellé, mon Nicolas va se refaire une virginité. J’entends déjà une guitare au loin et la douce voix de la vedette qui reprend un vieux tube américain d’une certaine Madonna. Aussi innocent que l’agneau qui vient de naître. Et nous-autres, les moutons que l’on a tondus seront en admiration devant une telle merveille. Non, pas la madone, l’agneau ! Tu as vraiment besoin d’être storytellé !

Voilà mes gens, je t’ai storytellé cette info parce que, aussi bizarre que cela puisse paraître, tu ne vas pas en entendre beaucoup parler, surtout à la télé. Il faut comprendre, c’est les vacances et ils ont mieux à faire en montrant tous ces gens heureux de se dorer la pilule sur une plage que d’aller t’ennuyer avec des détails techniques, somme toute. Alors plutôt que de storyteller une fin à mon article, je vais terminer par une phrase qui vient de l’actuel patron du SIG, Thierry Saussez, qui dit : « La maîtrise de l’information fait partie de l’exercice du pouvoir. » Quoi ? Cela te fait froid dans le dos ? Bah, c’est bien pour cela que mon Nicolas va faire appel à un storytelleur ! On ne peut pas continuer à dire des trucs pareils qui ne sont que des craques !