Chalut mes gins ! Com’ à chaque fos qu’i ch’pache qué cosse d’important su ch’site, j’vais commincher par armerchier tous ceusses qui vienn’tent ichi. Hier, ch’club d’ches lecteurs i a grimpé in flèque. In a fait péter ches compteurs ! T’es d’pus in pus nombreux à v’nir ichi et vraimint j’in sus flattée et heureusse. Te n’sais pon à quel point ! Merchi tertous ! Merchi auchi à tous ceusses qui n’sont pon d’euch Nord et qui ontent querre à m’lir’te in français. Pus in est nombreux, pus in rit. Alors, i n’y a pon d’raison pour qu’in ch’arrête in chi bion quemin. Pour tin pus grind plaiji, j’vais cor’ mouiller ma quemisse…

Ah bin ouais, mais i m’simbe que je n’vais pon ête la seu ! In continue dins l’série des couleurs et d’min artique préchédint. Te vos, j’avos raison d’dir’te qu’après ch’rosse et ch’t’oranche, in n’allot pon tarder à ajouter des couleurs su ch’palette politique. A’ch’t’heure, in va mette d’euch rouche. Mais alors, d’euch rouche écarlate, puich’qu’in vient d’avoir des nouvielles d’Olivier Besancenot. Just’mint, i vient d’déclarer qu’i a déchidé d’mouiller cha quemisse auchi ! J’espèr’te qu’cha n’a rin à vir aveuc ch’fait qu’i arvient d’ches Dom Tom d’ù qu’i est allé faire intinde ch’voix. Bah, ouais, quo ! Quind te vas faire d’euch rinte d’dins dins un pays d’ù qu’i fait caud, te n’as aucun mau à mouiller t’quemisse. In même timps, pour eune fos qu’i aurot eune auréole… Ouais, j’sais. J’sus qu’eune moqueux d’gins, mais ch’est rin !

Pis, j’dis cha, je n’dis rin, mais com’ min Nicolas qui va souhaiter ches vœux in perchonne, in chosit eune dechtinachion à ch’solel ! A Saint-Pierre et Miquelon, i ne ch’pache rin. Pon l’moinde conflit sochial. Te parl’tes ti, par moins vingt, is sont tertous cong’lés, alors cha n’râle nin ! T’intinds juss’ un sourd claqu’mint d’dints qui ch’échapp’te d’chous ches cache-nez. Bref. Trimble vilain capitaliste, cha va barder pour tin matricule ! Ch’Nouvieau Parti Anticapitaliste i ch’linche tiête baichée dins ches Régionales. In fait, bin qu’i ch’in définde, ch’facteur d’Neuilly i a constaté que ch’cimpagne alle prind l’ieau. Alors ch’chef d’file d’euch NPA i est armonté, car i a dû vir ches mêmes sondaches qu’mi. Is li accord’tent l’plache d’fin bion dernier. In s’rot à ch’tour d’France, in dirot d’li qu’i est ch’linterne rouche, d’autint qu’i in a d’jà ch’bionne couleur.

Ch’est com’ cha qu’i comminche par eune erreur. Bah, ouais. In fait, au lieu d’mouiller cha quemisse, i aurot dû déclarer qu’i armontot ches manques. Cha f’rot d’jà pus crédibe pour quéqu’un qui va aller au carbon et cha f’rot moins club Med aveuc concours d’T-shirt mouillé, même chi ch’est eune quemisse ! Toudis i est qu’i a voulu faire cavalier seu et i ch’fait doubler par ceusses qui sont un tiot peu moins rouche. In l’occurrinche, ch’Front d’gauche ; eune savinte alchimie intre ch’parti communiste et ch’parti d’Jean-Luc Mélenchon. D’autint qu’ches élec’chions locales n’li sont pon favorapes d’ordinaire. Pis, i y va d’eune deussième déclarachion : « Je s’rai tiête d’liste in Ile d’France. » Ch’est eune grinte première pour li. Ch’première fos qu’i va conduir’te eune liste pour faire intinde l’voix d’eune gauche anticapitaliste et indépindinte.

Mais attinchion, mes gins ! Chi in acoute sin dichcours jusqu’à ch’bout, ch’est pon vraimint li qui a eu l’idée. Bah, nin. Li i n’avot pon tell’mint ch’moral d’pis un chertain timps. D’ailleurs, cha ch’étot gramint vu quind i étot v’nu à l’causette su un divan rouche aveuc Michel Drucker, in déchimbe. In avot l’impréchion qu’i étot transparint. In même timps, rouche su rouche, cha n’che vot nin ! Ch’est p’t-ête cha qui a fait qu’in l’treuvot déprimé. Toudis i est qu’ch’est ches comités départ’mintaux qui li ontent d’mindé. Com’ i n’avot rin d’miux à faire… Bah, ch’périote d’ches vœux alle arrif’ à ch’fin, i n’y aura pus autint d’courrier. I aura pus d’timps à li. Alors, min Olivier i a dit qu’i étot d’accord. In pus, l’Ile d’France, ch’est gramint pratique pour li, i pourra rintrer tous ches soirs à ch’baraque. Pour li, ch’est l’région l’pus riche d’France, mais ch’est auchi cheule d’ù qu’i y a l’pus d’inégalité. In même timps, cha peut ch’comprinde. Ch’i y a des gins qui roul’tent in Rolls et d’autes in C1, cha fait gramint pus d’différinche qu’eune région d’ù qu’t’as eune C1 in face d’eune Mercedes, même eune grosse !

Bion, ch’est chertain’mint pon ch’qu’i a voulu exprimer, mais ch’est à causse d’sin princhipal argumint qu’j’ai pris ch’t’opchion carette. In effet, il prône l’gratuité d’ches transports collectifs pour tertous. Infin, quind i dit tertous, i n’veut bin intindu parler qu’de ch’t’Ile d’France. Les autes, cha n’est pon sin problème. J’avoue qu’je n’ai pon tout compris. Mi, je n’avos pon l’impréchion qu’in mettant ch’bus gratuit, in abolichot ches inégalités. Ch’étot chi simpe, mais pourquo diabe in n’y a pon pinsé avint ! In même timps, je n’sus pon eune chpécialiste, alors i faut faire confiance à min Olivier. Ch’est li qui sait ! Et i sait tell’mint bin qu’i dit qu’des vérités vraies, puich’qu’i n’hésite pon à ajouter : « Chi j’sus élu, je sièg’rai à ch’conseil régional. » Ch’est vraimint bin, min Olivier. Mi qui suis aveuc m’copine Bridget Columbo com’ qui dirot chpécialiste d’ches énigmes, j’cros qu’in peut in déduire chins trop ch’mouiller, churtout ch’quemisse, qu’chi te n’es pas élu, te n’sièg’ras pon ! Je n’sais pon pourquo mais, tout à cop, j’y vos gramint pus clair…

Bion, ch’est pon tout, mes gins, mais in n’a pus qu’à attinde chi l’fait d’avoir dit qu’i allot mouiller cha quemisse, cha va l’faire grimper dins ches sondaches. A m’mote, i l’inlèv’rot à l’manière d’un chippendale, cha s’rot pus efficache… In tou cas, in vient d’ajouter eune nouvielle couleur à ch’palette, in attind aveuc impatienche eune aute pour l’suite d’ches avintures… 

Chemise rouge en lice

Salut mes gens ! Comme à chaque fois qu’il se passe quelque chose d’important sur ce site, je vais commencer par remercier tous ceux qui viennent ici. Hier, le club des lecteurs a grimpé en flèche. On a fait péter les compteurs ! Tu es de plus en plus nombreux à venir ici et vraiment j’en suis flattée et heureuse. Tu ne sais pas à quel point ! Merci tout le monde ! Merci aussi à tous ceux qui ne sont pas du Nord et qui aiment me lire en français. Plus on est nombreux, plus on rit. Alors, il n’y a pas de raison pour que l’on s’arrête en si bon chemin. Pour ton plus grand plaisir, je vais encore mouiller ma chemise…

Ah bien oui, mais il me semble que je ne vais pas être la seule ! On continue dans la série des couleurs et de mon article précédent. Tu vois, j’avais raison de dire qu’après le rose et l’orange, on n’allait pas tarder à ajouter des couleurs sur la palette politique. A présent, on va mettre du rouge. Mais alors, du rouge écarlate, puisque l’on vient d’avoir des nouvelles d’Olivier Besancenot. Justement, il vient de déclarer qu’il a décidé de mouiller sa chemise aussi ! J’espère que ce n’a rien à voir avec le fait qu’il revient des Dom Tom où il est allé faire entendre sa voix. Bah, oui, quoi ! Quand tu vas faire du rentre dedans dans un pays où il fait chaud, tu n’as aucun mal à mouiller ta chemise. En même temps, pour une fois qu’il aurait une auréole… Oui, je sais. Je ne suis qu’une moqueuse, mais ce n’est rien !

Puis, je dis ça, je ne dis rien, mais comme mon Nicolas qui va souhaiter ses vœux en personne, on choisit une destination au soleil ! A Saint-Pierre et Miquelon, il ne se passe rien. Pas le moindre conflit social. Tu parles toi, par moins vingt, ils sont tous congelés, alors ça ne râle pas ! Tu entends juste un sourd claquement de dents qui s’échappe de sous les cache-nez. Bref. Tremble vilain capitaliste, ça va barder pour ton matricule ! Le Nouveau Parti Anticapitaliste se lance tête baissée dans les Régionales. En fait, bien qu’il s’en défende, le facteur de Neuilly a constaté que sa campagne prend l’eau. Alors le chef de file du NPA est remonté, car il a dû voir les mêmes sondages que moi. Ils lui accordent la place de fin bon dernier. On serait au tour de France, on dirait de lui qu’il est la lanterne rouge, d’autant qu’il en a déjà la bonne couleur.

C’est comme cela qu’il commence par une erreur. Bah, oui. En fait, au lieu de mouiller sa chemise, il aurait dû déclarer qu’il remontait ses manches. Cela ferait déjà plus crédible pour quelqu’un qui va aller au charbon et cela ferait moins club Med avec concours de T-shirt mouillé, même si c’est une chemise ! Toujours est-il qu’il a voulu faire cavalier seul et il se fait doubler par ceux qui sont un petit peu moins rouge. En l’occurrence, le Front de gauche ; une savante alchimie entre le parti communiste et le parti de Jean-Luc Mélenchon. D’autant que les élections locales ne lui sont pas favorables d’ordinaire. Puis, il y va d’une deuxième déclaration : « Je serai tête de liste en Ile de France. » C’est une grande première pour lui. La première fois qu’il va conduire une liste pour faire entendre la voix d’une gauche anticapitaliste et indépendante.

Mais attention, mes gens ! Si l’on écoute son discours jusqu’au bout, ce n’est pas vraiment lui qui a eu l’idée. Bah, non. Lui il n’avait pas tellement le moral depuis un certain temps. D’ailleurs, cela s’était bien vu quand il était venu à la causette sur un divan rouge avec Michel Drucker, en décembre. On avait l’impression qu’il était transparent. En même temps, rouge sur rouge, ce ne se voit pas ! C’est peut-être cela qui a fait qu’on le trouvait déprimé. Toujours est-il que ce sont les comités départementaux qui lui ont demandé. Comme il n’avait rien de mieux à faire… Bah, la période des vœux arrive à sa fin, il n’y aura plus autant de courrier. Il aura plus de temps à lui. Alors, mon Olivier a dit qu’il était d’accord. En plus, l’Ile de France, c’est très pratique pour lui, il pourra rentrer tous les soirs à sa baraque. Pour lui, c’est la région la plus riche de France, mais c’est aussi celle où il y a le plus d’inégalité. En même temps, cela peut se comprendre. S’il y a des gens qui roulent en Rolls et d’autres en C1, cela fait beaucoup plus de différence qu’une région où tu as une C1 en face d’une Mercedes, même une grosse !

Bon, ce n’est certainement pas ce qu’il a voulu exprimer, mais c’est à cause de son principal argument que j’ai pris l’option voiture. En effet, il prône la gratuité des transports collectifs pour tous. Enfin, quand il dit tous, il ne veut bien entendu parler que de l’Ile de France. Les autres, ce n’est pas son problème. J’avoue que je n’ai pas tout compris. Moi, je n’avais pas l’impression qu’en mettant le bus gratuit, on abolissait les inégalités. C’était si simple, mais pourquoi diable n’y a-t-on pas pensé avant ! En même temps, je ne suis pas une spécialiste, alors il faut faire confiance à mon Olivier. C’est lui qui sait ! Et il sait tellement bien qu’il dit que des vérités vraies, puisqu’il n’hésite pas à ajouter : « Si je suis élu, je siègerai au conseil régional. » C’est vraiment bien, mon Olivier. Moi qui suis avec ma copine Bridget Columbo comme qui dirait spécialiste des énigmes, je crois que l’on peut en déduire sans trop se mouiller, surtout la chemise, que si tu n’es pas élu, tu ne siègeras pas ! Je ne sais pas pourquoi mais, tout à coup, j’y vois beaucoup plus clair…

Bon, ce n’est pas tout, mes gens, mais on n’a plus qu’à attendre si le fait d’avoir dit qu’il allait mouiller sa chemise, ça va le faire grimper dans les sondages. A mon avis, il l’enlèverait à la manière d’un chippendale, ce serait plus efficace… En tout cas, on vient d’ajouter une nouvelle couleur à la palette, on attend avec impatience une autre pour la suite des aventures…

On va carrément l'enlever, nous !