Chalut mes gins ! Alors, te vas bin ? Est-che que t’as fait un joli bonhomme d’neiche ? Bah, ch’est qu’i y a d’quo faire ! Quind j’pinse à tous ceusses qui fon’tent des kilomètes pour aller vir l’neiche, alors qu’te n’as qu’à sortir dins ches rues. A part quind te dos prinde t’carette, i faut avouer qu’in artreuve tertous eune âme d’infint. In ch’plait à faire des boules d’neiche et à les lincher. Pis, après, com’ ch’est bion d’rintrer et d’cocooner dins un pull bin caud in sirotant un vin caud, pourquo pon, ou eune choupe au coin d’euch fu. Ch’est com’ te l’sins ! Infin, tout ch’bieau paysache d’carte pochtale, pour des milliers d’gins, cha n’a été qu’eune vue d’l’echprit…

Bah, ouais, mes gins ! Chi t’avos déchidé d’aller faire tin shopping à London, ch’est raté ! Parel, d’ailleurs pour ches Inglais qui veul’tent v’nir faire ches magasins dins not’ bieau pays.  I y a gramint d’avions qui n’décoll’tent pon à cause d’euch timps. Te peux t’rabatte su ches ferries, mais i n’va pon y avoir d’plache pour tertous, pach’que ches Eurostar is sont in raque ! Ch’est com’ cha ! Ti, t’arrif’ à t’déplacher aveuc t’carette qui n’est pus d’première jeunèche, mais ches grosses machines, rimplies d’technologie, alles n’chupportent pon ches tiots flocons. Chi te ravises un peu l’concepchion d’un Eurostar, i y a com’ qui dirot eune graf’ erreur qu’ches technichiens is aurotent pu éviter. Bah, ouais, mes gins ! In n’a pon idée d’faire un train aveuc un pif énorme…

Te n’as qu’à faire l’expérienche ti-même, même chi tin appindiche nasal i n’a rin à vir aveuc ch’ti d’Lassie ch’quien fidèle ou d’Cyrano d’Bergerac. D’autint qu’ti, te s’ros plutôt d’Berck plache. Te sors et te marches vit’. In f’sant attinchion de n’pon t’casser ch’guiffe, bin intindu. I n’minqu’rot pus qu’cha qu’te sortes d’tes rails ! Cha y est ? T’es bin cong’lé ? A’ch’t’heure, te rintes chez ti. Te vas vir qui n’faudra pon attinde long avint qu’tin nez i comminche à couler. Et ch’est exact’mint ch’qui ch’pach’te aveuc ch’train. Quind i arrif’ dins ch’tunnel, i fait moins frod. Toute l’neiche qui ch’est accumulée alle font. Ti, au pir’te, te mouilles t’qu’misse mais ch’t’Eurostar, li, i mouill’te ches circuits électroniques. Bah, ouais, mes gins ! Cha n’est pon étanche…

Pourtint, i y a d’jà eu d’ches préchédints qui f’sotent qu’in savot que ch’flotte, infin, ch’neiche fondue, ch’est tout com’, alle n’fait pon bion ménache aveuc ch’t’électrichité. Te n’as qu’à t’armémorer Claude François. Li, i étot bin au courant ! Oops, pardon, mes gins ! Je n’le f’ros pus, mais c’est quind même li qui a canté : « La neiche font dins ch’tunnel. Cha fait des courts jus dins ch’t’Eurostar. Chaque fos, ch’est parel. Te rechtes coinché dins tin tiot wagon. Alors qu’te s’ros bin miux à t’mason. Te n’peux même pon t’faire la belle, coinché dins che tunnel… » Ouais, bion, d’accord. I l’a rindu célèpe in cantant ch’lundi au solel pach’que, te m’avoueras, qu’ch’est gramint pus vindeu ! Gramint pus vindeu que d’ête coinché jusqu’à quinsse heures dins ch’boïau chins nourriture, chins ieau, même chi t’in as des tonnes aud’chus de t’tiête !

In sait bin qu’i faudra chertain’mint pus que d’mette un cache-nez à ches trains pour qu’is ne ch’enrhum’tent pon. In sait auchi que, richquer cor’ d’bloquer des gins dins ch’tunnel, cha aurot fait désordre, voire même foutache d’guiffe. A’ch’t’heure, in aurot pu treuver eune soluchion alternative. Cha a bin été l’cas pour Claudia Schiffer. Bah, ouais ! Alle attindot ch’train auchi, alle avot des courses à faire. Pour alle, in a mis un aute moyen à dichposichion. Ch’est con qu’alle n’est pus aveuc sin magichien, pach’que li, d’un cop d’baguette magique, i aurot chertain’mint réuchi à faire qué cosse. Je n’sais pon, par eximpe, avint l’intrée d’euch tunnel, abracadabra, et hop ! I ch’artreuve d’l’aute côté. Pon d’différinche d’timpérature et, d’euch même cop, pon d’panne ! Cha aurot bin arringé min Dominique Baudis, pach’que li, in n’li a pon treuvé un aute moyen et i est rechté aveuc ches autes voyageux.

Partis d’Paris à treisse heures, is sont arrivés à Londres à huit heures du matin. Au moins, com’ in sait que ch’tiot déjeuner inglais i est copieux, j’espèr’te que cha a été eune tiote compinsachion. Pis, pour min Dominique, étant anchien maire d’Toulouse, j’sus sûr’te que des saucisses l’matin d’bionne heure, cha n’li fait pon peur. Cha li rappell’te même ch’pays ! A’ch’t’heure, com’ ch’est ch’périote d’ches fiêtes, in pourrot toudis mette à dichposichion des traîneaux tirés par des rennes. Au moins, eusses, is n’richqu’tent pon d’querre in raque in plein mitan d’euch boïau. Bion, ch’est sûr’te, t’iros chertain’mint moins vit’ mais cha m’étonn’rot qu’in mette pus d’timps qu’ches gins. Pach’que pour ch’t’Eurostar, in pourrot écrir’te com’ baseline su ches pubs : Aveuc Eurostar, te sais quind te pars, mais te n’sais pon quind t’arrif’ !

Bion, ch’est pon tout, mais com’ in a gramint b’soin d’réviser ches clachiques pour faire ches babaches à ches réveillons, in va faire eune tiote parodie d’euch lundi au solel, te pourras in faire profiter tes amis et t’famille…

Ravise à ta monte

In est déjà in r’tard

In s’ra pon à timps à London

In aurot miux fait

De n’pon prinde l’Eurostar

Pour faire toutes ches commichions

Bye Picadilly circus

Ches promos, in l’a dins l’dios

In va ch’artreuver aux puces

Pour tous ches cadieaux

De ch’te fin d’année

[arfrain]

La neiche font dins ch’tunnel

Cha fait des courts jus dins l’Eurostar

Chaque fos, ch’est parel

Te rechtes coinché dins tin tiot wagon

Alors qu’te s’ros bin miux à t’mason

Te n’peux même pon t’faire la belle

Coinché dins che tunnel

La neiche font dins ch’tunnel

Et ch’machin i disjoncte, t’es dins ch’brin

La neiche font dins ch’tunnel

In viendra t’sauver à la saint glin-glin

Ou quind i f’ra bieau dins ches gardins

Te n’es pon prêt d’t’in aller

Coinché dins che tunnel

In aurot miux fait

Ch’est sûr’te d’rechter à quai

In che s’rot pon fait piéger

Par cet Eurostar

Qui ch’est bin enrhumé

In rintrint dins che trou noir

In n’a même rin à boire

Alors qu’l’ieau i y’en à plein

Ch’est sûr’te pour l’année prochaine

In recht’ra ichi

Ch’est sûr’te, ch’est promis

[arfrain] ad’lib…

Pas de train-train

Salut mes gens ! Alors, tu vas bien ? Est-ce que tu as fait un joli bonhomme de neige ? Bah, c’est qu’il y a de quoi faire ! Quand je pense à tous ceux qui font des kilomètres pour aller voir la neige, alors que tu n’as qu’à sortir dans les rues. A part quand tu dois prendre ton auto, il faut avouer que l’on retrouve tous une âme d’enfant. On se plait à faire des boules de neige et à les lancer. Puis, après, comme c’est bon de rentrer et de cocooner dans un pull bien chaud en sirotant un vin chaud, pourquoi pas, ou une soupe au coin du feu. C’est comme tu le sens ! Enfin, tout ce beau paysage de carte postale, pour des milliers de gens, ça n’a été qu’une vue de l’esprit…

Bah, oui, mes gens ! Si tu avais décidé d’aller faire ton shopping à London, c’est raté ! Pareil, d’ailleurs pour les Anglais qui veulent venir faire les magasins dans notre beau pays.  Il y a beaucoup d’avions qui ne décollent pas à cause du temps. Tu peux te rabattre sur les ferries, mais il ne va pas y avoir de place pour tout le monde, parce que les Eurostar sont en panne ! C’est comme ça ! Toi, tu arrives à te déplacer avec ton auto qui n’est plus de première jeunesse, mais les grosses machines, remplies de technologie, ne supportent pas les petits flocons. Si tu regardes un peu la conception d’un Eurostar, il y a comme qui dirait une grave erreur que les techniciens auraient pu éviter. Bah, oui, mes gens ! On n’a pas idée de faire un train avec un pif énorme…

Tu n’as qu’à faire l’expérience toi-même, même si ton appendice nasal n’a rien à voir avec celui de Lassie le chien fidèle ou de Cyrano de Bergerac. D’autant que toi, tu serais plutôt de Berck plage. Tu sors et tu marches vite. En faisant attention de ne pas te casser la gueule, bien entendu. Il ne manquerait plus que cela que tu sortes de tes rails ! Ca y est ? Tu es bien congelé ? A présent, tu rentres chez toi. Tu vas voir qui ne faudra pas attendre longtemps avant que ton nez commence à couler. Et c’est exactement ce qui se passe avec ce train. Quand il arrive dans le tunnel, il fait moins froid. Toute la neige qui s’est accumulée font. Toi, au pire, tu mouilles ta chemise mais l’Eurostar, lui, mouille ses circuits électroniques. Bah, oui, mes gens ! Ce n’est pas étanche…

Pourtant, il y a déjà eu des précédents qui faisaient que l’on savait que la flotte, enfin, la neige fondue, c’est tout comme, ne fait pas bon ménage avec l’électricité. Tu n’as qu’à te remémorer Claude François. Lui, il était bien au courant ! Oops, pardon, mes gins ! Je ne le ferais plus, mais c’est quand même lui qui a chanté : « La neige font dans l’tunnel. Ca fait des courts jus dans l’Eurostar. Chaque fois, c’est pareil. Tu restes coincé dans ton p’tit wagon. Alors que tu s’rais mieux à ta maison. Tu n’peux même pas t’faire la belle, coincé dans ce tunnel… » Oui, bon, d’accord. Il l’a rendu célèbre en chantant le lundi au soleil parce que, tu m’avoueras, que c’est beaucoup plus vendeur ! Beaucoup plus vendeur que d’être coincé jusqu’à quinze heures dans ce boyau sans nourriture, sans eau, même si tu en as des tonnes au-dessus de la tête !

On sait bien qu’il faudra certainement plus que de mettre un cache-nez aux trains pour qu’ils ne s’enrhument pas. On sait aussi que, risquer encore de bloquer des gens dans le tunnel, cela aurait fait désordre, voire même foutage de gueule. A présent, on aurait pu trouver une solution alternative. Ca a bien été le cas pour Claudia Schiffer. Bah, oui ! Elle attendait le train aussi, elle avait des courses à faire. Pour elle, on a mis un autre moyen à disposition. C’est con qu’elle n’est plus avec son magicien, parce que lui, d’un coup de baguette magique, il aurait certainement réussi à faire quelque chose. Je ne sais pas, par exemple, avant l’entrée du tunnel, abracadabra, et hop ! Il se retrouve de l’autre côté. Pas de différence de température et, du même coup, pas de panne ! Cela aurait bien arrangé mon Dominique Baudis, parce que lui, on ne lui a pas trouvé un autre moyen et il est resté avec les autres voyageurs.

Partis de Paris à treize heures, ils sont arrivés à Londres à huit heures du matin. Au moins, comme on sait que le petit déjeuner anglais est copieux, j’espère que cela a été une petite compensation. Puis, pour mon Dominique, étant ancien maire de Toulouse, je suis sûre que des saucisses le matin, de bonne heure, cela ne lui fait pas peur. Cela lui rappelle même le pays ! Maintenant, comme c’est la période des fêtes, on pourrait toujours mettre à disposition des traîneaux tirés par des rennes. Au moins, eux, ils ne risquent pas de tomber en panne en plein milieu du boyau. Bon, c’est sûr, tu irais certainement moins vite mais cela m’étonnerait que l’on mette plus de temps que ces gens. Parce que pour l’Eurostar, on pourrait écrire comme baseline sur les pubs : Avec Eurostar, tu sais quand tu pars, mais tu ne sais pas quand tu arrives !

Bon, c’est pas tout, mais comme on a bien besoin de réviser ces classiques pour faire les fous aux réveillons, on va faire une petite parodie du lundi au soleil, tu pourras en faire profiter tes amis et ta famille…

Regarde ta montre

On est déjà en r’tard

on s’ra pas à temps à London

On aurait mieux fait

De n’pas prendre l’Eurostar

Pour faire toutes les commissions

Bye Picadilly circus

Les promos, on l’a dans l’dos

On va se r’trouver aux puces

Pour tous ces cadeaux

De cette fin d’année

[refrain]

La neige font dans l’tunnel

Ca fait des courts jus dans l’Eurostar

Chaque fois, c’est pareil

Tu restes coincé dans ton p’tit wagon

Alors qu’tu s’rais mieux à ta maison

Tu n’peux même pas t’faire la belle

Coincé dans ce tunnel

La neige font dans l’tunnel

Et c’machin disjoncte, tu es dans l’brin

La neige font dans l’tunnel

on viendra t’sauver à la saint glin-glin

Ou quand il f’ra beau dans les jardins

Tu n’es pas prêt d’t’en aller

Coincé dans ce tunnel

On aurait mieux fait

C’est sûr d’rester à quai

on se s’rait pas fait piéger

Par cet Eurostar

Qui s’est bien enrhumé

On rentrant dans ce trou noir

On n’a même rien à boire

Alors qu’l’eau il y’en à plein

C’est sûr pour l’année prochaine

on rest’ra ici

C’est sûr, c’est promis