Chalut mes gins ! Chi j’te posse l’question est-che que te vas bin, te m’réponds quo ? Miux qu’euch timps ? Bah, cha, ch’est pon dur’te ! Com’ j’le disos à un ami, ch’matin, chi in nous sort qu’ches nappes alles sontent à chec, ch’est à n’y rin comprinde ou alors i y a des fuites qui profitent à ches antipodes. Alles sont chertain’mint pus frénétiques que phréatiques ! Hier soir, quind j’sus sortie d’chez des amis, j’eum sus pris eune drache, je n’te raconte pon ! Du cop, j’eum sus couquée aveuc eune canchon d’l’Eurovision in tiête. Alle n’armonte pon à hier, Gigliola Cinquetti et sin Orache qui a fait querre toute l’drache du chiel. Eune époque d’ù qu’je n’étos pon cor’ un projet et pourtint l’année alle étot érotique à in croir’te Gainsbourg ! Tout’eul nuit, j’ai arfait l’Eurovision dins mes rêfes ! J’sais bin qu’cha n’est pon l’époque pourtint, mais ch’est tout d’même pus agréape que d’rêver d’ches politiques, te n’cros pon ?

Cha partot d’un bion sintimint, min cerveau i voulot m’épargner eune nuit agitée à pinser à toutes ches affaires, à tous ches bions miots et toutes ches bêtisses dont in nous rebat ches orelles à longueur d’timps. Chins compter qu’cha ch’termin’te toudis par mette ch’main à ch’porte-monnaie un peu pus. Te sais, à l’instar d’chette médalle d’amour tirée d’un poème d’Rosemonde Gérard : A’ch’t’heure pus qu’hier et gramint moins que d’main. Bah, ouais, cha fait peur ! Et i a tell’mint eu peur qu’i a dû y avoir un crois’mint d’neurones qui n’étot pon prévu à ch’programme. Min cerveau i ch’est mis à cafouiller et à mélinger ches politiques, l’politique et ches canchons. Com’ j’sus bionne copine, j’vais t’in faire profiter pour qu’au moins, je n’aie pon paché eune nuit blinche pour rin ! Forchémint, cha a comminché fort, aveuc un sujet qui divis’te gramint, puichqu’i y a 48% des français pour et 42% conte ches expulchions d’ches Roms. Quo ? Cha fait nonante, i minqu’te 10% ! Bah, ouais, j’sais compter auchi ! Cha dot ête ceusses qui ontent trop abusé d’euch rhum pour comprinde l’question. Toudis i est qu’ch’est ch’groupe vainqueur in 1974, Abba, arvisité puich’qu’i ch’apparinte pus à un boys band, ches files ayant disparu.

Présintachion rapite d’ches mimbes : Min Nicolas, Eric Besson et Brice Hortefeux qui rimplache ches deux files à li tout seu. Bah, ouais ! Cha fait pus pinser à 2be3, d’autint qu’in les f’rot canter après plaiji partir un jour, mais is n’ontent pon fait ch’concours, eusses. Pis, te vas vir qu’eul canchon alle ch’y prête : « Bye bye ! A Waterloo Napoléon a perdu. Mais nous, ches tros larrons, in va les foute déhors, cha sera vit’ fait. Arteurn’te dins t’pays min garchon, ichi te nous coûtes du pognon. Waterloo, cha sera ête Waterloo ichi. Waterloo, te n’auras pus aucun radis. Waterloo, nous in a arsorti l’Kärcher. Waterloo, te n’as pus qu’à prinde un charter. Ichi te nous fais des histoires, vas donc dins tin pays t’faire voir… » Etc., etc.. Ch’est pach’qu’i n’y a pon les imaches, chinon, j’les voyos com’ chi cha pachot chu min écran, aveuc ches combinaisons moulintes et ches pattes d’eph’. Ferme ches zis et imagine, cha vaut ch’détour !

Inchuite, ch’étot à ch’tour d’eul canchon gagninte d’1967, Sandie Shaw aveuc Puppet on a string. J’avoue que min cerveau i a gramint hésité car ch’te canchon alle a fait carrière auchi bin in inglais qu’in français. Alors i a fait les deux. Com’ ch’est l’rintrée, deux pour l’prix d’eune, ch’est promo, ch’est cadieau !  Aveuc l’verchion françaisse com’ un tout petit pantin, i y a un candidat qui vient tout d’chuite à l’esprit, ch’est min Nicolas. I fallot juss’ treuver eune interprète et ch’est Titine qui ch’y colle. Ch’est sûr’te, in la vot pus dins l’registre Mireille Mathieu. Bionne talle, bionne coiffure, infin prech’que, et des t’nues auchi sexy. Pis, ch’est vrai qu’chouvint alle pourrot canter : «  Oui, j’m’y cros ! » Aveuc opchion chu l’Elysée : « Oui, j’m’y vos ! » J’sus sûr’te qu’t’es in train d’eut marrer rin qu’in y pinsint. Toudis i est qu’in Sandie Shaw cha pourrot faire un truc com’ cha : « Quind te vas te déchider à pacher tin tour ? Au lieu d’eut faire armarquer à longueur de jours, comme un tout petit pantin… » Chi in ch’basse chu l’verchion originale, je s’ros assez tintée, infin min cerveau, mi j’n’y sus pour rin, d’faire un tite franglais com’ Poupée dins un string. I n’in fallot pon pus pour pinser à miss tirée à quate épingues pour l’interpréter. J’ai nommé Rashida Dati. Même chi alle n’a pon vraimint ouvert ch’guiffe ches derniers jours. Infin pon d’pis eune bionne s’maine, quo ! Ch’est vrai qu’alle dot in avoir marre d’juer ches potiches à ch’parlemint européen et qu’alle préférerot faire ches boutiques : « Quind est-che que je pourrais aller y faire un tour ? Dins ches magasins de mode à Pari,s à Strasbourg. Com’ eune poupée dins un string… »

A’ch’t’heure, commint oublier cheule qui fait sin grind artour, Ségolène ! Alle auchi, alle a eu l’drot à eune canchon d’eul part d’min cerveau, mais j’cros qu’i a pon mau hésité auchi. I étot prêt à li in faire canter eune qui est bin pour alle, seul’mint alle n’fait pon partie nin pus d’euch concours. Ch’est sin air ingélique d’y i a un in qui a dû s’mer ch’trouble. Te sais, ch’périote Sœur d’euch grind pardon. Eune bionne sœur cantante qui aurot fait cha : « I nous nique, nique, nique, che Nico tout simplemint aveuc ches bonimints. De Grenoble jusqu’à Paris, i che prind pour le bion Diu et i dit qu’i est même miux ! » Mais bon, com’ i faut respecter ch’t’Eurovision, alle a arpris l’canchon d’Vicky Léandros après toi qui a gagné in 1972. Ch’te canchon alle ch’adrèche à l’même perchonne te m’diras, sin ennemi juré, min Nicolas. Ch’est qu’alle a toudis deux chabichous coinchés à travers d’eul gorge d’pis 2007 et ch’est pour cha qu’alle cante : « Après ti, ch’est quind même bin immonte, j’ai fini ch’te seconte, tout cha à causse de ti. Après ti, in m’prind pour eune idiote, in n’veut de mi in vote, ch’est pon la joie. Aveuc ti qui promets à la pelle, des réformes à tir d’aile et du pouvoir d’achat… »

Mine d’rin, dins ch’monte politique, i y a quéqu’un qui ch’in tir’te bin alors qu’i ress’ très discret. Ch’est d’ailleurs pour cha, in l’a vu dins un sondache ch’te s’maine. Moins t’ouvre t’bouque, pus te montes dins ches sondaches. In même timps, puich’qu’is sortent eune grosse connerie chaque fos qu’is l’ouvr’tent, cha parôt logique ! Alors, ichi auchi DSK, puich’que te l’auras d’viné ch’est d’li qu’i s’agit, i aurot pu canter du Carlos : « Tout nu dins min bureau, j’aime ches galipettes aveuc ches stagiaires. Tout nu dins min bureau, j’les mène à la baguette jusque dins l’vestiaire… » Mais, cor’ eune fos, cha ne fait pon partie d’euch répertoire gagnint d’l’Eurovision. D’autint qu’eul France alle n’a rin gagné d’pis 1977 et Marie Myriam. Bah, ouais, i n’y a pon gramint d’arsimblinche aveuc DSK ! Pourtint, dins min rêf’, i a canté : « Com’ eune Ségo qui qué des sondaches et va r’partir au fond d’sin frigo. Com’ eune Titine qui n’fait pus d’ravache, che laiche bouffer par che Nico. Bleu cha n’est pus couleur de l’espoir. La vie in rosse va prévaloir. In n’aura pus qu’à li dir’te in r’voir. Hé ! Min Nico, sors tin mouchoir. L’av’nir ch’est mi. L’indoulle ch’est ti. Ch’campion ch’est mi. Ch’baudet ch’est ti… » I faut quind même qu’i fasse attinchion de n’pon attraper eune tiête com’ eune montgolfière et qu’i inchaîn’te par un aute tube gagnint, in 1979, Milk and Honey, arpris par Rika : « Hallelujah, j’vais gagner, Hallelujah, j’vais tous les niquer… »

Te sais ch’qu’in dit : A vinde ch’pieau d’euch Nico avint d’l’avoir battu… Hé ouais ! In ch’artreuve battu à sin tour et seu dins sin coin. Com’ alle l’a canté Séverine in 1971 : « In a tous un binc, un arpe, eune rue où l’in a berché nos rêfes… » V’là, j’cros qu’in peut dir’te qu’t’as profité d’eum nuit blinche un peu spéchiale et très AJT. Ch’est sûr’te, i y in a eu d’autes mais je n’eum sus pon chouv’nue d’tertoutes in me l’vint. Alors à ti d’imaginer qui aurot bin pu canter Ne partez pon chins mi ou cor’ Poupée de chire, poupée de chon, par eximpe. In tout cas, i y in a eune qu’j’vais détourner pour ti, mes gins, Brotherwood of man, in 1976, qui disot Save your kisses for me et que j’auros querre à faire com’ cha : Je garde des baisers pour ti !

Nuit AJT (Atrocement Juke-box Toutoulesque)

Salut mes gens ! Si je te pose la question est-ce que tu vas bien, tu me réponds quoi ? Mieux que le temps ? Bah, ça, ce n’est pas dure ! Comme je le disais à un ami, ce matin, si l’on nous sort que les nappes sont à sec, c’est à n’y rien comprendre ou alors il y a des fuites qui profitent aux antipodes. Elles sont certainement plus frénétiques que phréatiques ! Hier soir, quand je suis sortie de chez des amis, je me suis pris une averse, je ne te raconte pas ! Du coup, je me suis couchée avec une chanson de l’Eurovision en tête. Elle ne remonte pas à hier, Gigliola Cinquetti et son Orage qui a fait tomber toute la pluie du ciel. Une époque où je n’étais pas encore un projet et pourtant l’année était érotique à en croire Gainsbourg ! Toute la nuit, j’ai refait l’Eurovision dans mes rêves ! Je sais bien que ce n’est pas l’époque pourtant, mais c’est tout de même plus agréable que de rêver des politiques, tu ne crois pas ?

Ca partait d’un bon sentiment, mon cerveau voulait m’épargner une nuit agitée à penser à toutes ces affaires, à tous ces bons mots et toutes ces bêtises dont on nous rebat les oreilles à longueur de temps. Sans compter que cela se termine toujours par mettre la main au porte-monnaie un peu plus. Tu sais, à l’instar de cette médaille d’amour tirée d’un poème de Rosemonde Gérard : Aujourd’hui plus qu’hier et bien moins que demain. Bah, oui, ça fait peur ! Et il a tellement eu peur qu’il a dû y avoir un croisement de neurones qui n’était pas prévu au programme. Mon cerveau s’est mis à cafouiller et à mélanger les politiques, la politique et les chansons. Comme je suis bonne copine, je vais t’en faire profiter pour qu’au moins, je n’aie pas passé une nuit blanche pour rien ! Forcément, cela a commencé fort, avec un sujet qui divise beaucoup, puisqu’il y a 48% des français pour et 42% contre les expulsions des Roms. Quoi ? Ca fait nonante, il manque 10% ! Bah, oui, je sais compter aussi ! Ca doit être ceux qui ont trop abusé du rhum pour comprendre la question. Toujours est-il que c’est le groupe vainqueur en 1974, Abba, revisité puisqu’il s’apparente plus à un boys band, les filles ayant disparu.

Présentation rapide des membres : Mon Nicolas, Eric Besson et Brice Hortefeux qui remplace les deux filles à lui tout seul. Bah, oui ! Ca fait plus penser aux 2be3, d’autant qu’on les ferait chanter après plaisir partir un jour, mais ils n’ont pas fait ce concours, eux. Puis, tu vas voir que la chanson s’y prête : « Bye bye ! A Waterloo Napoléon a perdu. Mais nous, les trois larrons, on va les foutre dehors, ça sera vite fait. Retourne dans t’pays mon garçon, ici tu nous coûtes du pognon. Waterloo, ça sera être Waterloo ici. Waterloo, tu n’auras plus aucun radis. Waterloo, nous on a ressorti l’Kärcher. Waterloo, tu n’as plus qu’à prendre un charter. Ici tu nous fais des histoires, vas donc dans ton pays t’faire voir… » Etc., etc.. C’est parce qu’il n’y a pas les images, sinon, je les voyais comme si ça passait sur mon écran, avec les combinaisons moulantes et les pattes d’eph’. Ferme les yeux et imagine, ça vaut le détour !

Ensuite, c’était au tour de la chanson gagnante de 1967, Sandie Shaw avec Puppet on a string. J’avoue que mon cerveau a beaucoup hésité car cette chanson a fait carrière aussi bien en anglais qu’en français. Alors il a fait les deux. Comme c’est la rentrée, deux pour le prix d’une, c’est promo, c’est cadeau !  Avec la version française comme un tout petit pantin, il y a un candidat qui vient tout de suite à l’esprit, c’est mon Nicolas. Il fallait juste trouver une interprète et c’est Titine qui s’y colle. C’est sûr, on la voit plus dans le registre Mireille Mathieu. Bonne taille, bonne coiffure, enfin presque, et des tenues aussi sexy. Puis, c’est vrai que souvent elle pourrait chanter : «  Oui, j’m’y crois ! » Avec option sur l’Elysée : « Oui, j’m’y vois ! » Je suis sûre que tu es en train de te marrer rien qu’en y pensant. Toujours est-il qu’en Sandie Shaw cela pourrait faire un truc comme ça : « Quand vas-tu te décider à passer ton tour ? Au lieu d’te faire remarquer à longueur de jours, comme un tout petit pantin… » Si l’on se base sur la version originale, je serais assez tentée, enfin mon cerveau, moi je n’y suis pour rien, de faire un titre franglais comme Poupée dans un string. Il n’en fallait pas plus pour penser à miss tirée à quatre épingles pour l’interpréter. J’ai nommé Rashida Dati. Même si elle n’a pas vraiment ouvert la bouche ces derniers jours. Enfin pas depuis une bonne semaine, quoi ! C’est vrai qu’elle doit en avoir marre de jouer les potiches au parlement européen et qu’elle préférerait faire les boutiques : « Quand est-ce que je pourrais aller y faire un tour ? Dans ces magasins de mode de Paris, de Strasbourg. Comme une poupée dans un string… »

A présent, comment oublier celle qui fait son grand retour, Ségolène ! Elle aussi, elle a eu le droit à une chanson de la part de mon cerveau, mais je crois qu’il a pas mal hésité aussi. Il était prêt à lui en faire chanter une qui est bien pour elle, seulement elle ne fait pas partie non plus de ce concours. C’est son air angélique d’y il a un an qui a dû semer le trouble. Tu sais, sa période Sœur du grand pardon. Une bonne sœur chantante qui aurait fait cela : « Il nous nique, nique, nique, ce Nico tout simplement avec ses boniments. De Grenoble jusqu’à Paris, il se prend pour le bon Dieu et il dit qu’il est même mieux ! » Mais bon, comme il faut respecter l’Eurovision, elle a repris la chanson de Vicky Léandros après toi qui a gagné en 1972. Cette chanson s’adresse à la même personne tu me diras, son ennemi juré, mon Nicolas. C’est qu’elle a toujours deux chabichous coincés à travers la gorge depuis 2007 et c’est pour cela qu’elle chante : « Après toi, c’est quand même bien immonde, j’ai fini la seconde, tout ça à cause de toi. Après toi, on m’prend pour une idiote, on n’veut de moi en vote, c’est pas la joie. Avec toi qui promets à la pelle, des réformes à tir d’aile et du pouvoir d’achat… »

Mine de rien, dans ce monde politique, il y a quelqu’un qui s’en tire bien alors qu’il reste très discret. C’est d’ailleurs pour cela, on l’a vu dans un sondage cette semaine. Moins tu ouvres la bouche, plus tu montes dans les sondages. En même temps, puisqu’ils sortent une grosse connerie chaque fois qu’ils l’ouvrent, cela paraît logique ! Alors, ici aussi DSK, puisque tu l’auras deviné c’est de lui qu’il s’agit, aurait pu chanter du Carlos : « Tout nu dans mon bureau, j’aime les galipettes avec les stagiaires. Tout nu dans mon bureau, j’les mène à la baguette jusque dans l’vestiaire… » Mais, encore une fois, cela ne fait pas partie du répertoire gagnant de l’Eurovision. D’autant que la France n’a rien gagné depuis 1977 et Marie Myriam. Bah, oui, il n’y a pas beaucoup de ressemblance avec DSK ! Pourtant, dans mon rêve, il a chanté : « Comme une Ségo qui tombe des sondages et va r’partir au fond d’son frigo. Comme une Titine qui n’fait plus d’ravage, se laisse bouffer par ce Nico. Bleu ce n’est plus couleur de l’espoir. La vie en rose va prévaloir. On n’aura plus qu’à lui dire au r’voir. Hé ! Mon Nico, sors ton mouchoir. L’av’nir c’est moi. L’andouille c’est toi. L’champion c’est moi. L’baudet c’est toi… » Il faut quand même qu’il fasse attention de ne pas attraper une tête comme une montgolfière et qu’il enchaîne par un autre tube gagnant, en 1979, Milk and Honey, repris par Rika : « Hallelujah, j’vais gagner, Hallelujah, j’vais tous les niquer… »

Tu sais ce que l’on dit : A vendre la peau du Nico avant de l’avoir battu… Hé oui ! On se retrouve battu à son tour et seul dans son coin. Comme l’a chanté Séverine en 1971 : « On a tous un banc, un arbre, une rue où l’on a bercé nos rêves… » Voilà, je crois que l’on peut dire que tu as profité de ma nuit blanche un peu spéciale et très AJT. C’est sûr, il y en a eu d’autres mais je ne me suis pas souvenue de toutes en me levant. Alors à toi d’imaginer qui aurait bien pu chanter Ne partez pas sans moi ou encore Poupée de cire, poupée de son, par exemple. En tout cas, il y en a une que je vais détourner pour toi, mes gens, Brotherwood of man, en 1976, qui disait Save your kisses for me et que j’aimerais faire comme cela : Je garde des baisers pour toi !