Chalut mes gins ! Quind j’pinse qu’i y in a cor’ qui ch’imagine qu’in croule chous ch’neiche dins ch’Nord. I faudra qu’i arvoie leu idée archue. Bah, ouais, mes gins ! J’ai eune pinsée toute particulière pour ches régions qui ch’artreuv’tent aveuc d’el neiche à outrinche.  Ichi, in ch’pèle, mais cha va. In peut aller faire ches soldes chins problème. Pis, chi cha glisse su ches trottoirs, te fais moins d’frais. Te paches tell’mint vit’ d’vint ches vitrines que te n’es pon tinté ! Te t’rinds compte, ti : Avignon aveuc trinte chintimètes. In va d’voir arfaire un armix :  « Su che piont d’Avignon, in y dinche, in y dinche. Su che piont d’Avignon, in y dinche in après-ski ! »

Ch’étot un tiot clin d’oeul à min M, mais te dos bin t’douter, mes gins, qu’chi j’comminche par eune note d’musique, d’un, ch’est pour mette un peu d’gaieté dins ches cœurs. Deux, ch’est pach’qu’in va parler d’musique. Ti, j’te vos sourir’te in coin, in pinsant : « Ah, Marie Toutoule et ch’musique... » Cha fait gramint long qu’je n’in ai pon parlé ! L’dernière fos, cha armonte à l’année dernière, ch’est dir’te ! I faut qu’in parl’te d’Zelnik. Mais qu’est-che qu’i m’fait ch’ti-lal par un timps parel ? J’n’ai pon parlé d’Zebda ! Ch’est nin des timpératures pour faire querre ch’quemisse ! Heureuss’mint, dins ch’série des Z, i n’a pon choisi Zaraï, i nous aurot fait querre ch’maronne in pus ! Ch’est nin un timps à mette ch’t’oijieau déhors ! Bref. Ch’i ch’inrhume et qu’i a ch’goutte à ch’nez, cha s’ra bin fait pour li. In arvient à Zelnik. Ch’est nin un nouvieau groupe d’musique. Quoiqu’i y ait d’l’idée, puich’que ch’est l’nom du patron d’un label et ch’est ch’ti du rapport qu’i a armis à min Freddy, ch’ministre d’el culture…

Ouais, mes gins ! In a déchidé d’armette ches jonnes su ch’drot qu’min in ch’qui concerne ches télécharg’mints d’musique, in particulier. Infin, quind j’dis in, ch’est min Nicolas qui a confirmé l’créachion d’eune carte musique pour ches jonnes. Ch’but avoué i est très simpe : Les réhabituer à acater quo qu’is acoutent. Com’ i y a ches cerbères d’Hadopi qui vontent faire l’poliche, is ontent intérêt à rintrer dins ches clous ! Ah, bah, ouais, mais ch’est pon gagné ! Proposer d’acater d’el musique, alors que pour l’plupart, i suffit d’cliquer. Cha n’va pon ête fachile ! T’inquiètes pon, mes gins ! Min Nicolas, min Freddy et leu nouviel ami Zelnik is ontent pinsé à tout : In va les incourager, ches tiots pépères ! Chinquinte pour chint d’el somme alle s’ra prise in charge par ch’gouvern’mint. Tiens, ch’est marrant, j’in vos gramint qui n’rigol’tent pus. Forchémint, t’as auchitôt pinsé com’ mi : Un nouviel impôt musique !

Ah, bah, nin, mes gins ! Cha s’ra tout au pus eune taxounette, puich’que min Nicolas i invisache seul’mint chint millions d’euros par in. Te vos, i n’y a pon d’quo arvinde t’collec’chion d’quiens qui berloquent ch’tiête ! Mais i y a quind même un truc qui m’chiffonn’te. Est-che qu’te cros qu’ches jonnes is vontent ch’immerder à payer, même chinquinte pour chint ? Cha m’étonn’rot gramint ! D’autint que, dins l’eximpe qu’min Nicolas i donn’te, i parl’te d’une carte à deux chints euros. Attind, mes gins ! I n’est pon sectaire, i va l’faire pour toutes ches musiques. Que te tapes su des bambous ou qu’te fais du violon ! Min Jérémie, te v’là sauvé ! Même d’el musique d’champe, chertain’mint. Bin qu’i fasse faire eune différinche aveuc cheule que te fais chous tes draps… Ouais, j’ai honte d’mi, mais ch’est rin. J’t’ai vu sourir’te…

Ch’qui veut dir’te qu’i y aura chint euros qui s’rontent pris in charge par l’Etat pour aliminter ches masons d’disques et l’ress’ à l’charge d’ches jonnes. Ch’qui fait quind même chint euros à débourcher ! Ch’est cha qu’is pourrontent mette in moins dins ches clopes ou ailleurs. I y a bin eune soluchion, augminter sin argint d’poque pour qu’i puisse acater ch’musique. In fait, te pay’ras su ches deux tableaux, eune fos in argint d’poque et l’aute dins tes impôts. Infin, ch’problème majeur i est que ch’princhipe d’el carte i est bin gintil, pour mette l’culture à l’portée d’pus d’gins, mais cha n’répond pon vraimint à eune étute d’offre globale.

In effet, ches internautes invisachent un abonn’mint minchuel d’chinq à chept euros pour des télécharg’mints illimités… In in est loin ! Pis, est-che que tertous i a à payer pour rinflouer ches caisses à ches masons d’disques ? Alles sont toudis in train d’euch plainde, mais alles n’fontent pon gramint d’efforts pour essayer de ch’adapter à un marché qui part dins tous ches sins. Ch’est sûr’te, aveuc ches microsillons, is n’étotent pon immerder. In aurot dû interdit ch’CD et ch’t’ordinateur ! In attindint, à part faire haro su ches pirates… Hé ouais ! Quind t’intinds ches vielles qui dis’tent : « Pirates, is ontent volé not’ archètte ! » L’plupart des majors alles pourrotent canter l’même cosse. Et ches auteurs, ches compositeurs, ches interprètes lad’dins ?

Ch’est bin bieau d’dir’te qu’i faut d’l’argint pour découvrir d’nouvieaux talints, mais quind te ravises ch’luxe d’ches bureaux, in che d’minde chi cha n’va pon servir à acater d’nouvielles plantes vertes ! Te vas m’dir’te : Ouais, mais à’ch’t’heure, i y a My Major Compagny. Tiens, just’mint. J’ai eu eune conversachion, i y a quéques jours, aveuc un canteur normand. Nin, ch’est pon Gérard. I ch’appell’te Patrick Aurélien. I vient de ch’inscrir’te su l’site de MMC. Bah, mes gins, i li faut chint mille euros pour produir’te sin premier album. Quind te sais qu’i y a quinze pour chint qui part à une major pour l’distribuchion, te n’as qu’à faire l’compte. Ch’est ti qui pay’te pour l’produc’chion, puich’que ch’est ti qui misse su sin talint. Te n’as qu’à t’armémorer Grégoire. Ch’est Internet qui fait ch’découverte d’ches nouvieaux talints, puich’que ch’est ches internautes qui les découvrent. In est loin d’euch conchept qu’is claironnent haut et fort comme quo is ontent b’soin d’argint pour découvrir des talints ! Is n’prenn’tent même pus l’richque d’investir, puich’que ch’est ti qui l’fait pour eux !

Mes gins, dins ch’t’histoire, j’ai bin peur que chous gouverne d’donner l’pochibilité d’mette l’musique à portée d’tous, in va payer pour inrichir des gins qui fontent d’el galette aveuc des galettes d’dousse chintimètes !  Quint à ch’te carte musique, cha ress’ à vir. In attind ches premiers résultats avint l’fin d’l’année, puich’que min Nicolas i veut la rinde opérachionnelle pour l’été. Dins tous ches cas, mes gins, chi Zebda i f’sot querre l’quemisse, j’ai bin peur que Zelnik  i va mouiller not’ quemisse pour payer ch’t’addichion ! Quo, te t’attindos à eune rime aveuc Zelnik ? Cha n’sert à rin, mes gins, in l’sait !

Musique à la carte au menu à 200 euros !

Salut mes gens ! Quand je pense qu’il y en a encore qui s’imagine que l’on croule sous la neige dans le Nord. Il faudra qu’il revoie leur idée reçue. Bah, oui, mes gens ! J’ai une pensée toute particulière pour ces régions qui se retrouvent avec de la neige à outrance.  Ici, on se pèle, mais ça va. On peut aller faire les soldes sans problème. Puis, si ça glisse sur les trottoirs, tu fais moins de frais. Tu passes tellement vite devant les vitrines que tu n’es pas tenté ! Tu te rends compte, toi : Avignon avec trente centimètres. On va devoir refaire un remix :  « Sur le pont d’Avignon, on y danse, on y danse. Sur le pont d’Avignon, on y danse en après-ski ! »

C’était un petit clin d’œil à mon M, mais tu dois bien te douter, mes gens, que si je commence par une note de musique, d’un, c’est pour mettre un peu de gaieté dans les cœurs. Deux, c’est parce que l’on va parler de musique. Toi, je te vois sourire en coin, en pensant : « Ah, Marie Toutoule et sa musique... » Cela fait bien longtemps que je n’en ai pas parlé ! La dernière fois, ça remonte à l’année dernière, c’est dire ! Il faut que l’on parle de Zelnik. Mais qu’est-ce qu’il me fait celui-là par un temps pareil ? Je n’ai pas parlé de Zebda ! Ce n’est pas des températures pour faire tomber la chemise ! Heureusement, dans la série des Z, il n’a pas choisi Zaraï, il nous aurait fait tomber le pantalon en plus ! Ce n’est pas un temps à mettre l’oiseau dehors ! Bref. S’il s’enrhume et qu’il a la goutte au nez, ce sera bien fait pour lui. On revient à Zelnik. Ce n’est pas un nouveau groupe de musique. Quoiqu’il y ait de l’idée, puisque c’est le nom du patron d’un label et c’est celui du rapport qu’il a remis à mon Freddy, le ministre de la culture…

Oui, mes gens ! On a décidé de remette les jeunes sur le droit chemin en ce qui concerne les téléchargements de musique, en particulier. Enfin, quand je dis on, c’est mon Nicolas qui a confirmé la création d’une carte musique pour les jeunes. Le but avoué est très simple : Les réhabituer à acheter ce qu’ils écoutent. Comme il y a les cerbères d’Hadopi qui vont faire la police, ils ont intérêt à rentrer dans les clous ! Ah, bah, oui, mais ce n’est pas gagné ! Proposer d’acheter de la musique, alors que pour la plupart, il suffit de cliquer. Ce ne va pas être facile ! T’inquiètes pas, mes gens ! Mon Nicolas, mon Freddy et leur nouvel ami Zelnik ont pensé à tout : On va les encourager, ces tiots pépères ! Cinquante pour cent de la somme sera prise en charge par le gouvernement. Tiens, c’est marrant, j’en vois beaucoup qui ne rigolent plus. Forcément, tu as aussitôt pensé comme moi : Un nouvel impôt musique !

Ah, bah, non, mes gens ! Ce sera tout au plus une taxounette, puisque mon Nicolas envisage seulement cent millions d’euros par an. Tu vois, il n’y a pas de quoi revendre ta collection de chiens qui barloquent la tête ! Mais il y a quand même un truc qui me chiffonne. Est-ce que tu crois que les jeunes vont s’emmerder à payer, même cinquante pour cent ? Ca m’étonnerait beaucoup ! D’autant que, dans l’exemple que mon Nicolas donne, il parle d’une carte à deux cents euros. Attend, mes gens ! Il n’est pas sectaire, il va le faire pour toutes les musiques. Que tu tapes sur des bambous ou que tu fais du violon ! Mon Jérémie, te voilà sauvé ! Même de la musique de chambre, certainement. Bien qu’il fasse faire une différence avec celle que tu fais sous tes draps… Oui, j’ai honte de moi, mais ce n’est rien. Je t’ai vu sourire…

Ce qui veut dire qu’il y aura cent euros qui seront pris en charge par l’Etat pour alimenter les maisons de disques et le reste à la charge des jeunes. Ce qui fait quand même cent euros à débourser ! C’est ça qu’ils pourront mettre en moins dans les clopes ou ailleurs. Il y a bien une solution, augmenter son argent de poche pour qu’il puisse acheter sa musique. En fait, tu payeras sur les deux tableaux, une fois en argent de poche et l’autre dans tes impôts. Enfin, le problème majeur est que ce principe de la carte est bien gentil, pour mettre la culture à la portée de plus de gens, mais cela ne répond pas vraiment à une étude d’offre globale.

En effet, les internautes envisagent un abonnement mensuel de cinq à sept euros pour des téléchargements illimités… On en est loin ! Puis, est-ce que tout le monde a à payer pour renflouer les caisses des maisons de disques ? Elles sont toujours en train de se plaindre, mais elles ne font pas beaucoup d’efforts pour essayer de s’adapter à un marché qui part dans tous les sens. C’est sûr, avec les microsillons, ils n’étaient pas emmerder. On aurait dû interdit le CD et l’ordinateur ! En attendant, à part faire haro sur les pirates… Hé oui ! Quand tu entends ces vieilles qui disent : « Pirates, ils ont volé notre recette ! » La plupart des majors pourraient chanter la même chose. Et les auteurs, les compositeurs, les interprètes là-dedans ?

C’est bien beau de dire qu’il faut de l’argent pour découvrir de nouveaux talents, mais quand tu regardes le luxe des bureaux, on se demande si cela ne va pas servir à acheter de nouvelles plantes vertes ! Tu vas me dire : Oui, mais maintenant, il y a My Major Compagny. Tiens, justement. J’ai eu une conversation, il y a quelques jour, avec un chanteur normand. Non, ce n’est pas Gérard. Il s’appelle Patrick Aurélien. Il vient de s’inscrire sur le site de MMC. Bah, mes gens, il lui faut cent mille euros pour produire son premier album. Quand tu sais qu’il y a quinze pour cent qui part à une major pour la distribution, tu n’as qu’à faire le compte. C’est toi qui paye pour la production, puisque c’est toi qui mise sur son talent. Tu n’as qu’à te remémorer Grégoire. C’est Internet qui fait la découverte de ces nouveaux talents, puisque ce sont les internautes qui les découvrent. On est loin du concept qu’ils claironnent haut et fort comme quoi ils ont besoin d’argent pour découvrir des talents ! Ils ne prennent même plus le risque d’investir, puisque c’est toi qui le fait pour eux !

Mes gens, dans l’histoire, j’ai bien peur que sous gouverne de donner la possibilité de mettre la musique à portée de tous, on va payer pour enrichir des gens qui font de la galette avec des galettes de douze centimètres !  Quant à cette carte musique, cela reste à voir. On attend les premiers résultats avant la fin de l’année, puisque mon Nicolas veut la rendre opérationnelle pour l’été. Dans tous les cas, mes gens, si Zebda faisait tomber la chemise, j’ai bien peur que Zelnik va mouiller notre chemise pour payer l’addition ! Quoi, tu t’attendais à une rime avec Zelnik ? Ca ne sert à rien, mes gens, on le sait !

On va rester dans la musique pour le week-end. Si tu ne les connais pas encore, je t’engage à écouter et acheter leurs CD’s. Voici une chanson sortie du quatrième album ça manque un peu de chaleur : l’Homme providentiel par les Mauvaises Langues. Toute ressemblance avec un personnage cité dans mon article est fortuite…

Merci les garçons pour votre gentillesse et quel talent ! Ca décoiffe les Mauvaises Langues en concert !

http://mauvaises.langues.free.fr/