Chalut mes gins ! Alors ? In a fouillé dins ches tiotes affaires pour essayer d’localiser ch’te carte d’électeur. Bah, ouais, in n’oublie pon qu’i va falloir sacrifier quéques minutes d’sin ouiquend pour faire sin d’voir d’chitoyen. Bah, qu’est-che que ch’est qu’eune poignée d’minutes quind i s’agit d’l’av’nir d’eul France ! Quo ? J’in fais trop ? Bah, au moins, in n’pourra pon m’arprocher d’avoir inciter ches gins à rechter au caud et d’dir’te que, d’toute fachon, cha n’cangera rin, com’ d’habitute. A m’mote, in n’est pon loin d’eul vérité, mais i faut faire com’ chi tout i allot canger…

J’avos plusieurs pochibilité pour min artique. D’abord n’pon in faire, mais te m’auros fait l’guiffe. Bah, j’te connos à’ch’t’heure. Chi te n’as pon t’dosse, ches émiles is drachent d’partout et j’in prinds plein ches gincives. Ch’est vrai, in même timps, qu’in n’a d’jà pon gramint d’occasions d’rigoler, alors j’ai vit’ abindonné ch’t’idée. Inchuite, j’auros pu t’parler d’eul drache, du bieau timps. Bref juer ches Catherine ou Evelyne Toutoule. Ouais, bof ! Com’ ch’timps, quo ! Parler d’un sujet loufoque, cha n’minqu’te pon, mais je n’le sintos pon. Parler cor’ eune fos d’ches dernières joutes verbales, intre Titine d’Lille et Xavier Bertrand par eximpe. Ou cor’ miux, intre Valérie Pécresse et Jean-Paul Huchon. J’t’avoue que ch’étot tintint. L’échinge qu’is ontent eu d’ù qu’l’un i la compare à Alice à ch’pays d’ches merveilles et l’aute qui arbondit in parlant d’lapin blinc toudis in r’tard… Te vos, ch’est comique ! Mais com’ in est dins ch’dernière line drote et que ch’CSA i mesur’te ch’timps d’parole, j’me voyos mau compter ches lettes pour ête sûr’te de n’pon in attribuer pus à un cimp qu’à l’aute. Bah, désolée m’sieur CSA, mais quind j’écris dernière line drote, cha n’in fait pas partie. In n’parl’te jamais d’dernière line gauche pour faire l’équilibe ! Te vos, cha comminche…

Alors j’ai pinsé à tous ches gins qui n’veul’tent pon aller voter et j’em sus dit, qu’in pus d’ête blaser, ch’qu’in peut comprinde quind in ravise tout ch’dallache qu’in nous fait in permaninche. Dins ch’lot, i y in a p’t-ête qu’cha fait tell’mint longtimps qu’is n’ontent pon mis ches pids dins un bureau d’vote – chi, chi, j’in connos, te peux m’croir’te – qu’i s’rot bion d’rappeler tout ch’rite. Histoire de n’pon ch’artreuver babache. Pis, cha servira auchi pour ches pus timites qui n’os’tent pon. Te vas vir, ch’est très simpe. « Je me lèf’, i faut qu’j’me bouscule, alors qu’ch’est diminche, pon l’habitute... » Rassure-te, t’as l’timps d’juer à prisonnier chous ch’couette et faire com’ d’habitute. In n’a jamais dit qu’i fallot y ête à l’ouverture d’ches portes. Cha n’est pon ch’premier jour d’ches soldes ! Ah, bah, ouais ! Inchuite te peux t’faire un bion jus et pacher dins l’salle d’bain pour un décapache in règue. Te t’harnaiques com’ te veux. Ouais, aveuc tes habits d’euch diminche, cha quée bin, hein ? Infin, chi ch’est ceusses d’un aute jour, cha ira auchi. T’es prêt ? In y va…

« Pretty woman, marchant dins ch’te rue… » Oops ! J’oublios ch’parité dins l’aute sins : « Ch’est un play-boy, marchant dins ch’te rue… » N’in fait pon trop quind même. Ch’est pon ch’carte bleue qui va servir. Par conte, t’carte d’électeur, qu’t’as eu soin d’préparer d’pis ch’début d’min artique et t’carte nachionale d’idintité. Quo, cor’ ? Vingt dius ! J’cros que ch’répétichion générale n’s’ra pon un luxe, in a affaire à quéques babaches ! Te vas voter pour ches Régionales, mais t’carte alle est nachionale ! Cha y est ? Ferme ch’vasistas là-haut ! Cha t’évitera des courants d’air dins tin grenier. Après in ch’étonn’te qu’i y ait des fuites d’cerveaux… Quind te vas rintrer dins ch’bureau d’vote, ch’est com’ chi te rintros à l’poste. Ouais, ch’est cha. Sot, i n’y a perchonne et tout va bin. Sot te t’mets à l’file com’ tertous…

Querche pon ! Ichi, i n’y a qu’un guichet d’ouvert. Ah, ouais, t’as raison, ch’est parel, cha n’cange rin. Bref, te sors tes deux papies. T’carte d’idintité et t’carte d’électeur. Nin, pon ch’papie pour artirer un arcommindé ! Ti, t’as laiché tin vasistas conte, j’t’avos dit d’eul fermer ! J’te rappell’te qu’in est diminche. L’jour d’ù qu’in verra eune poste ouverte un diminche, in s’ra chu eune aute planète, in pleine fic’chion. Quind ch’est tin tour, te peux dir’te bonjour à l’dame ou à ch’monsieur qui prind t’carte pour raviser chi l’photo d’chus alle t’arsimpe. Ch’est vrai qu’aveuc chertains, i faut faire preuve d’imaginachion. Te peux toudis appuyer cha par j’ai gramint cangé, mais ch’est mi ! In même timps, te n’t’appell’tes pon Julio Iglesias, normal qu’t’as cangé, ti ! Inchuite, te fais cha à la Régine : « I faut tout prinde ches tiots papies, même ceusses pour qui t’vas pon voter. De drote à gauche, un chu chaque pile et les stocker. » Ouais, timporair’mint, pach’que chi t’as fait l’queue jusque-lal, te vas la faire auchi avint d’rintrer dins l’isoloir. Qui com’ sin nom l’indique t’sert à t’isoler pour faire tin chox, donc monoplace. Ch’est cha, com’ quind te vas à ches tiots coins et qu’t’hésites intre Gala et Voici. Tout Parel !

Bah, cha nin ! Is n’ontent pon mis d’miroir eud’dins ! Ch’est pon pach’que, tout à l’heure, j’ai pris Pretty Woman qu’t’es dins eune cabine d’essayache ! Pis, t’guiffe, te la connos. In pus, l’perchonne à l’intrée alle a vérifié qu’ch’étot bin ti, alors in in est sûr’te. Te chosis l’liste pour qui te veux voter et te la mets dins ch’tiote inveloppe. Ah, ouais, j’ai oublié de t’dir’te que ch’est ch’physionomiste à l’intrée qui te l’a fournie. Autint pour mi ! Eune fos qu’ch’est d’dins. Aïe ! Cha coinche, alle est vraimint tiote ch’t’inveloppe. Prinds tin timps. Te n’as pon l’drot d’la déchirer, alle est chouvint d’époque ! A’ch’t’heure, i faut qu’te t’déchides à sortir quind même, i y a du monte derrière. Cor’ quéques minutes et cha s’ra à ti. Te sins com’ tin cœur i bat l’chamate. Cha ! Ch’est pon tous ches jours qu’in fait sin d’voir d’chitoyen…

Arrif’ infin tin tour. Bah, nin, ch’est pon eune borne d’arrivée, cha ch’appell’te eune urne. Fais gaffe quind même qu’in n’finit pon par ajouter un b à urne pour ti ! Ouais, chi te veux ! Cha arsimpe à eune grosse tirelire d’ù qu’in pourrot mette eune liache d’billets in intier. Mais, rêf’ pon ! Ch’est ch’inveloppe que te vas y mette. Ch’ti qui jue aveuc ch’levier pour ouvrir le d’chus i va prinde tes deux cartes et i va cor’ t’raviser in donnant tin nom à haute voix. Ch’ti à côté, i querche alors d’ù qu’te t’treuves dins un gros catalogue. Te vos chi t’in as d’eul chince, te fais partie d’euch bottin mondain de t’ville ! Quo ? Pourquo que ch’ti-chi i t’ravise parel à ch’ti d’euch début ? T’in posses d’ches quechtions ! Euh, attinds, j’y sus. Ch’est pour ête sûr’te qu’i n’y a pon eu un échinche pindint tin passache à ch’t’isoloir. In sait jamais, aveuc ch’magichien Dany Lary dins les paraches pour ch’t’ouverture d’euch casino d’Lille, is ontent p’t-ête peur qu’i ch’intraîn’te à faire des tours d’passe-passe. Te sais, eune permutachion d’perchonne intre deux isoloirs. Cha s’rot d’mauviais goût dins un bureau d’vote. In même timps, des tours d’passe-passe aveuc ches bull’tins, cha ch’est déjà vu…

Quind i dit tin nom, ch’feulleteux d’bottin, ch’est pon l’peine d’aller li faire un résumé généalogique pour li dir’te qu’t’es bin l’file ou l’garchon d’tin père et d’eut mère. I attind un OUI. A l’rigueur un OUAIS, ch’est tout. In n’va pon y pacher l’journée ! D’autint que, j’te l’rappell’te, i y a du monte derrière ti ! V’là, ch’est fait. Te peux t’sintir fier, t’as fait tin d’voir et te peux sortir l’tiête haute. In même timps, ch’est miux pour éviter d’rintrer dins ches murs ou d’rintrer dins ches gins qui sont in train d’arfaire ch’monte dins un coin. D’autint qu’ch’est ti qui viens d’arfaire ch’monte ! Ch’monte régional, mais ch’est d’jà cha ! Infin, n’oublie pon qu’te s’ras chertain’mint obligé d’arvenir la s’maine prochaine. T’as tell’mint été  bion chu cop-lal que t’arviens un deussième s’maine !

V’là, j’espèr’te que min mote d’imploi i a été compris par ceusses qui avotent oublié commint qu’cha ch’pachot. Ch’est eune bielle avinture. In même timps, l’politique, que che sot à drote com’ à gauche, ch’est toute eune avinture et in part tertous à l’avinture à chaque élec’chion. Vingt dius, j’oublios monsieur CSA. J’in sus à quate à tros, alors j’t’in mets un à gauche d’pus com’ cha égalité d’miots intre ches deux !

Salut mes gens ! Alors ? On a fouillé dans ses petites affaires pour essayer de localiser cette carte d’électeur. Bah, oui, on n’oublie pas qu’il va falloir sacrifier quelques minutes de son week-end pour faire son devoir de citoyen. Bah, qu’est-ce que c’est qu’une poignée de minutes quand il s’agit de l’avenir de la France ! Quoi ? J’en fais trop ? Bah, au moins, on ne pourra pas me reprocher d’avoir inciter les gens à rester au chaud et de dire que, de toute façon, cela ne changera rien, comme d’habitude. A mon avis, on n’est pas loin de la vérité, mais il faut faire comme si tout allait changer…

J’avais plusieurs possibilité pour mon article. D’abord ne pas en faire, mais tu m’aurais fait la gueule. Bah, je te connais maintenant. Si tu n’as pas ta dose, les émiles pleuvent de partout et j’en prends plein les gencives. C’est vrai, en même temps, que l’on n’a déjà pas beaucoup d’occasions de rigoler, alors j’ai vite abandonné l’idée. Ensuite, j’aurais pu te parler de la pluie, du beau temps. Bref jouer les Catherine ou Evelyne Toutoule. Oui, bof ! Comme le temps, quoi ! Parler d’un sujet loufoque, cela ne manque pas, mais je ne le sentais pas. Parler encore une fois des dernières joutes verbales, entre Titine de Lille et Xavier Bertrand par exemple. Ou encore mieux, entre Valérie Pécresse et Jean-Paul Huchon. Je t’avoue que c’était tentant. L’échange qu’ils ont eu où l’un la compare à Alice au pays des merveilles et l’autre qui rebondit en parlant de lapin blanc toujours en retard… Tu vois, c’est comique ! Mais comme on est dans la dernière ligne droite et que le CSA mesure le temps de parole, je me voyais mal compter les lettres pour être sûre de ne pas en attribuer plus à un camp qu’à l’autre. Bah, désolée m’sieur CSA, mais quand j’écris dernière ligne droite, cela n’en fait pas partie. On ne parle jamais de dernière ligne gauche pour faire l’équilibre ! Tu vois, ça commence…

Alors j’ai pensé à tous ces gens qui ne veulent pas aller voter et je me suis dit, qu’en plus d’être blaser, ce que l’on peut comprendre quand on regarde tout ce bazar que l’on nous fait en permanence. Dans le lot, il y en a peut-être que cela fait tellement longtemps qu’ils n’ont pas mis les pieds dans un bureau de vote – si, si, j’en connais, tu peux me croire – qu’il serait bon de rappeler tout le rite. Histoire de ne pas se retrouver nunuche. Puis, cela servira aussi pour les plus timides qui n’osent pas. Te vas voir, c’est très simple. « Je me lève, il faut qu’j’me bouscule, alors qu’c’est dimanche, pas l’habitude... » Rassure-toi, tu as le temps de jouer à prisonnier sous la couette et faire comme d’habitude. On n’a jamais dit qu’il fallait y être à l’ouverture des portes. Ce n’est pas le premier jour des soldes ! Ah, bah, ouais ! Ensuite tu peux te faire un bon jus et passer dans la salle de bain pour un décapage en règle. Tu t’habilles comme tu veux. Oui, avec tes habits du dimanche, ça tombe bien, hein ? Enfin, si ce sont ceux d’un autre jour, ça ira aussi. Tu es prêt ? On y va…

« Pretty woman, marchant dans la rue… » Oops ! J’oubliais la parité dans l’autre sens : « C’est un play-boy, marchant dans la rue… » N’en fait pas trop quand même. Ce n’est pas la carte bleue qui va servir. Par contre, ta carte d’électeur, que tu as eu soin de préparer depuis le début de mon article et ta carte nationale d’identité. Quoi, encore ? Bon sang ! Je crois que la répétition générale ne sera pas un luxe, on a affaire à quelques bêtas ! Tu vas voter pour les Régionales, mais ta carte est nationale ! Ca y est ? Ferme le vasistas là-haut ! Cela t’évitera des courants d’air dans le grenier. Après on s’étonne qu’il y ait des fuites de cerveaux… Quand tu vas rentrer dans le bureau de vote, c’est comme si tu rentrais à la poste. Oui, c’est cela. Soit, il n’y a personne et tout va bien. Soit tu te mets à la file comme tout le monde…

Cherche pas ! Ici, il n’y a qu’un guichet d’ouvert. Ah, oui, tu as raison, c’est pareil, cela ne change rien. Bref, tu sors tes deux papiers. Ta carte d’identité et ta carte d’électeur. Non, pas le papier pour retirer un recommandé ! Toi, tu as laissé ton vasistas contre, je t’avais dit de le fermer ! Je te rappelle qu’on est dimanche. Le jour où l’on verra une poste ouverte un dimanche, on sera sur une autre planète, en pleine fiction. Quand c’est ton tour, tu peux dire bonjour à la dame ou au monsieur qui prend ta carte pour regarder si la photo dessus te ressemble. C’est vrai qu’avec certains, il faut faire preuve d’imagination. Tu peux toujours appuyer cela par j’ai beaucoup changé, mais c’est moi ! En même temps, tu ne t’appelles pas Julio Iglesias, normal que tu as changé, toi ! Ensuite, tu fais cela à la Régine : « Il faut tout prendre les p’tits papiers, même ceux pour qui t’vas pas voter. De droite à gauche, un sur chaque pile et les stocker. » Oui, temporairement, parce que si tu as fait la queue jusque-là, tu vas la faire aussi avant de rentrer dans l’isoloir. Qui comme son nom l’indique te sert à t’isoler pour faire ton choix, donc monoplace. C’est cela, comme quand tu vas aux petits coins et que tu hésites entre Gala et Voici. Tout Pareil !

Bah, ça non ! Ils n’ont pas mis de miroir dedans ! Ce n’est pas parce que, tout à l’heure, j’ai pris Pretty Woman que tu es dans une cabine d’essayage ! Puis, ta gueule, tu la connais. En plus, la personne à l’entrée a vérifié que c’était bien toi, alors on en est sûr. Tu choisis la liste pour qui tu veux voter et tu la mets dans la petite enveloppe. Ah, oui, j’ai oublié de te dire que c’est le physionomiste à l’entrée qui te l’a fournie. Autant pour moi ! Une fois que c’est dedans. Aïe ! Ca coince, elle est vraiment petite l’enveloppe. Prends ton temps. Tu n’as pas le droit de la déchirer, elle est souvent d’époque ! A présent, il faut que tu te décides à sortir quand même, il y a du monde derrière. Encore quelques minutes et ce sera à toi. Tu sens comme ton cœur bat la chamade. Ca ! Ce n’est pas tous les jours que l’on fait son devoir de citoyen…

Arrive enfin ton tour. Bah, non, ce n’est pas une borne d’arrivée, cela s’appelle une urne. Fais gaffe quand même qu’on ne finit pas par ajouter un b à urne pour toi ! Ouais, si tu veux ! Cela ressemble à une grosse tirelire où l’on pourrait mettre une liasse de billets en entier. Mais, rêve pas ! C’est l’enveloppe que tu vas y mette. Celui qui joue avec le levier va prendre tes deux cartes et va encore te regarder en donnant ton nom à haute voix. Celui à côté, il cherche alors où tu te trouves dans un gros catalogue. Tu vois si tu en as de la chance, tu fais partie du bottin mondain de ta ville ! Quoi ? Pourquoi celui-ci te regarde pareil à celui du début ? Tu en poses de ces questions ! Euh, attends, j’y suis. C’est pour être sûr qu’il n’y a pas eu un échange pendant ton passage à l’isoloir. On ne sait jamais, avec ce magicien Dany Lary dans les parages pour l’ouverture du casino de Lille, ils ont peut-être peur qu’il s’entraîne à faire des tours de passe-passe. Tu sais, une permutation en personne entre deux isoloirs. Ce serait de mauvais goût dans un bureau de vote. En même temps, des tours de passe-passe avec les bulletins, ça s’est déjà vu…

Quand il dit ton nom, le feuilleteur de bottin, ce n’est pas la peine d’aller lui faire un résumé généalogique pour lui dire que tu es bien la fille ou le garçon de ton père et de ta mère. Il attend un OUI. A la rigueur un OUAIS, c’est tout. On ne va pas y passer la journée ! D’autant que, je te le rappelle, il y a du monde derrière toi ! Voilà, c’est fait. Tu peux te sentir fier, tu as fait ton devoir et tu peux sortir la tête haute. En même temps, c’est mieux pour éviter de rentrer dans les murs ou de rentrer dans les gens qui sont en train de refaire le monde dans un coin. D’autant que c’est toi qui viens de refaire le monde ! Le monde régional, mais c’est déjà cela ! Enfin, n’oublie pas que tu seras certainement obligé de revenir la semaine prochaine. Tu as tellement été  bon sur ce coup-là que tu reviens en deuxième semaine !

Voilà, j’espère que mon mode d’emploi a été compris par ceux qui avaient oublié comment cela se passait. C’est une belle aventure. En même temps, la politique, que ce soit à droite comme à gauche, c’est toute une aventure et l’on part tous à l’aventure à chaque élection. Bon sang, j’oubliais monsieur CSA. J’en suis à quatre à trois, alors je t’en mets un à gauche de plus comme cela égalité de mots entre les deux !