Chalut mes gins ! Cha a été l’course à l’intrée d’ches grintes surfaches, in vient d’donner ch’cop d’invoi pour ches soldes ! Avoue, mes gins, qu’ch’est l’jour idéal, l’jour d’ches Ros pach’que, aveuc ches prix bas et tin salaire pieau d’chagrin, t’as vraimint l’imprèchion d’ête Ro d’euch monte pour eune fos ! Même Pretty Woman s’rot eune gamine à côté d’ti ! Ouais, j’sais ! J’m’emballe. Cha d’vrot ch’pacher com’ cha ch’i restot des pépettes dins t’cauchette d’laine, mais ch’est nin ch’cas. T’as armarqué que j’n’ai pon parlé d’bas, pach’qu’i y a bin long qu’in n’a pon b’soin d’pus grind !

Cha richque de n’pon aller in ch’améliorant, pach’qu’i y a moins d’argint qu’prévu qui va rintrer dins ches caisses et qu’in sait bin qui va d’voir mette l’main à l’poque. D’ailleurs, cha n’a pon minqué d’interpeller min Nicolas qui vient d’faire sin premier caca nerveux d’l’année ! Bah, ouais, mes gins ! I avot fait quind même d’autes cacas, com’ ti et mi, d’pis l’début de ch’t’année. Heureuss’mint pour li ! Mais lal, ch’est pach’qu’i est tout colère. Chi te veux savoir à quo i arsimpe, te t’imagines Louis De Funès quind i ch’mettot in pétard dins un film. Bref. I vient d’faire ches comptes et is sont vit’ faits. Tout cha à causse d’eune binde d’impêqueux d’tourner in rond. Is portent ch’doux nom d’Conseil Constitutionnel. Sauf qu’cha n’est pus un doux nom pour li, car cha fait un trou dins sin budget. Pardon, j’voulos dir’te dins l’budget d’el France !

Ch’premier lieu, ch’étot à propos d’el taxe profechionnelle. L’fait d’avoir contrarié ches plans, in modifiant des trucs, i dot ch’priver d’sept chint chinquinte millions euros ! Ah, bah, ouais ! Ch’est gramint pus que ch’tiot pal’tot qu’t’as arpéré dins eune boutique. Du cop, i a comminché à serrer ches fesses. Pis, chi te t’chouviens, i y a ch’cop mémorape d’el taxe carbone. Vlan ! Deux milliards et d’mi dins ches dints ! Ches fiêtes alles sont pachées. D’ailleurs i a dû aller pacher quéques jours chous l’solel d’euch Maroc pour n’pon péter un câbe mais, à’ch’t’heure, pus moyen de ch’artenir. Min Nicolas i a fait savoir à ches proches collaborateurs qu’cha n’allot pon ! I a même parlé d’minque à gagner et ch’est lal d’ù qu’i y a un truc qui n’va pon. Chi m’mémoire alle est bionne, ch’taxe carbone alle aurot dû ête redistribuée auchitôt. Donc, pour ch’premier cas, in veut bin qu’cha sot un minque à gagner, mais dins l’aute…

A m’mote, in n’a pon l’même fachon d’parler d’ardistribuchion. Pach’que cha chous-intind que ch’pécule n’étot pon prévu pour arsortir eune fos rintré. Mais ch’est pon tout et même chi cha n’a rien à vir aveuc ch’Conseil, ch’est cor’ eune mauviaise nouvielle pour ch’budget. V’là qu’ches Brésiliens is mettent deux sous dins ch’manicraque. Is ontent annonché qu’is n’allotent pon acater ches Rafales, mais plutôt ches avions d’euch Suédois Saab. Bah, nin ! Ch’est pon pach’que ch’périote d’ches soldes alle étot d’jà comminché in Suède. Ch’est simpl’mint pach’qu’is coûtent gramint moins quers et, in pus, consomm’tent bin moins !

Du cop, cha li gâche ch’qu’i avot prévu d’faire aveuc Carlita. Pon quechtion d’faire ches soldes d’hiver ! Alors qu’sin programme i étot établi : Acater quéques nouvieaux costumes ! Bah, ouais, mes gins ! J’sais bin qu’i n’dot pon in minquer, mais i a dû lir’te, com’ mi, qu’i a été élu l’trosième homme l’pus mau harnaiqué, par ch’magazine inglais GQ. L’rédac’chion d’euch magazine a carrémint écrit qu’min Nicolas i f’rot miux d’pacher moins d’timps à ch’inquiéter d’euch stature d’homme d’Etat et plus d’timps à ch’préoccuper d’sin style ! In pourrot dir’te : Bah, ouais, mais ch’est des Inglais ! Is ontent eune dint conte ches Français et conte min Nicolas, carrémint ch’râtelier ! Ch’est chertain’mint vrai mais cha n’les a pon impêqués d’mette leux Premier Ministre, in tiête d’liste, d’ches hommes aveuc ch’pire look ! J’doute qu’cha ait dû atténuer ch’colère à min Nicolas.

D’ailleurs, à’ch’t’heure que j’sus in train d’te l’écrir’te, ch’est p’t-ête même cha qui li a fait faire ch’caca nerveux. Alors, in peut ch’poser l’quechtion. Pach’qu’i simbe quind même pon trop mau harnaiqué par rapport à chertains autes. J’doute fort qu’i acate ches costumes in grintes surfaches. Ch’est forchémint du griffé. Cha dot ête dins l’fachon dont i ch’tient. Ch’est vrai, i est toudis in train d’bouger. De l’ver ches épaules. Faire des moulinets aveuc ches mains. Bin, mes gins, cha m’a auchitôt fait pinser à un sketch d’Fernand Raynaud :  Ya comme un défaut. Te peux l’visionner ind’chous et ch’est chertain’mint pour cha qu’ches Inglais is in sont arrivés lal ! A’ch’t’heure, cha n’résout pon ch’t’argint qui n’va pon rintré, mais dins sin explicachion su ch’minque à gagner à propos de l’taxe carbone, ya com’ un défaut…

Mon Nicolas, les soldes et les comptes

Salut mes gens ! Cela a été la course à l’entrée des grandes surfaces, on vient de donner le coup d’envoi pour les soldes ! Avoue, mes gens, que c’est le jour idéal, le jour des Rois parce que, avec les prix bas et ton salaire peau de chagrin, tu as vraiment l’impression d’être Roi du monde pour une fois ! Même Pretty Woman serait une gamine à côté de toi ! Oui, je sais ! Je m’emballe. Cela devrait se passer comme cela s’il restait des pépettes dans ta chaussette de laine, mais ce n’est pas le cas. Tu as remarqué que je n’ai pas parlé de bas, parce qu’il y a bien longtemps que l’on n’a pas besoin de plus grand !

Cela risque de ne pas aller en s’améliorant, parce qu’il y a moins d’argent que prévu qui va rentrer dans les caisses et que l’on sait bien qui va devoir mettre la main à la poche. D’ailleurs, cela n’a pas manqué d’interpeller mon Nicolas qui vient de faire son premier caca nerveux de l’année ! Bah, oui, mes gens ! Il avait fait quand même d’autres cacas, comme toi et moi, depuis le début de l’année. Heureusement pour lui ! Mais là, c’est parce qu’il est tout colère. Si tu veux savoir à quoi il ressemble, tu t’imagines Louis De Funès quand il se mettait en pétard dans un film. Bref. Il vient de faire les comptes et ils sont vite faits. Tout cela à cause d’une bande d’empêcheurs de tourner en rond. Ils portent le doux nom de Conseil Constitutionnel. Sauf que cela n’est plus un doux nom pour lui, car cela fait un trou dans son budget. Pardon, je voulais dire dans le budget de la France !

Le premier lieu, c’était à propos de la taxe professionnelle. Le fait d’avoir contrarié ses plans, en modifiant des trucs, il doit se priver de sept cent cinquante millions euros ! Ah, bah, oui ! C’est bien plus que ce petit manteau que tu as repéré dans une boutique. Du coup, il a commencé à serrer les fesses. Puis, si tu te souviens, il y a le coup mémorable de la taxe carbone. Vlan ! Deux milliards et demi dans les dents ! Les fêtes sont passées. D’ailleurs il a dû aller passer quelques jours sous le soleil du Maroc pour ne pas péter un câble mais, aujourd’hui, plus moyen de se retenir. Mon Nicolas a fait savoir à ses proches collaborateurs que cela n’allait pas ! Il a même parlé de manque à gagner et c’est là où il y a un truc qui ne va pas. Si ma mémoire est bonne, la taxe carbone aurait dû être redistribuée aussitôt. Donc, pour le premier cas, on veut bien que cela soit un manque à gagner, mais dans l’autre…

A mon avis, on n’a pas la même façon de parler de redistribution. Parce que cela sous-entend que le pécule n’était pas prévu pour ressortir une fois rentré. Mais ce n’est pas tout et même si cela n’a rien à voir avec le Conseil, c’est encore une mauvaise nouvelle pour le budget. Voilà que les Brésiliens mettent deux sous dans le bastringue. Ils ont annoncé qu’ils n’allaient pas acheter les Rafales, mais plutôt les avions du Suédois Saab. Bah, non ! Ce n’est pas parce que la période des soldes était déjà commencé en Suède. C’est simplement parce qu’ils coûtent bien moins chers et, en plus, consomment bien moins !

Du coup, cela lui gâche ce qu’il avait prévu de faire avec Carlita. Pas question de faire les soldes d’hiver ! Alors que son programme était établi : Acheter quelques nouveaux costumes ! Bah, oui, mes gens ! Je sais bien qu’il ne doit pas en manquer, mais il a dû lire, comme moi, qu’il a été élu le troisième homme le plus mal habillé, par le magazine anglais GQ. La rédaction du magazine a carrément écrit que mon Nicolas ferait mieux de passer moins de temps à s’inquiéter de sa stature d’homme d’Etat et plus de temps à se préoccuper de son style ! On pourrait dire : Bah, oui, mais ce sont des Anglais ! Ils ont une dent contre les Français et contre mon Nicolas, carrément le râtelier ! C’est certainement vrai mais cela ne les a pas empêchés de mettre leur Premier Ministre, en tête de liste, des hommes avec le pire look ! Je doute que cela ait dû atténuer la colère de mon Nicolas.

D’ailleurs, à présent que je suis en train de te l’écrire, c’est peut-être même cela qui lui a fait faire ce caca nerveux. Alors, on peut se poser la question. Parce qu’il semble quand même pas trop mal habillé par rapport à certains autres. Je doute fort qu’il achète ses costumes en grandes surfaces. C’est forcément du griffé. Cela doit être dans la façon dont il se tient. C’est vrai, il est toujours en train de bouger. De lever les épaules. Faire des moulinets avec les mains. Bien, mes gens, cela m’a aussitôt fait penser à un sketch de Fernand Raynaud :  Ya comme un défaut. Tu peux le visionner en dessous et c’est certainement pour cela que les Anglais en sont arrivés là ! Maintenant, cela ne résout pas l’argent qui ne va pas rentrer, mais dans son explication sur le manque à gagner à propos de la taxe carbone, ya comme un défaut…