Chalut mes gins ! Cha va toudis ? Je d’minde cha pour ch’ti qui a arpris d’pis lundi, j’eum doute bin qu’pour ches autes, cha dot aller ! Ch’matin, j’avos déchidé d’traîner un peu dins ch’lit, ch’est auchi fait pour cha ches vacinches. D’autint que j’intindos ch’drache au déhors, te parl’tes chi cha donn’te invie d’euch lever ! Ch’étot chins compter chu min radioréveil d’voyache qu’je n’avos pon copé. Bah, ouais, chinon j’loupe ch’tiot déjeuner ! Infin, je n’vais pon t’raconter m’vie. Toudis i est qu’cha comminchot plutôt bin, d’eul musique et pis, ches infos. In mi-même j’eum sus dit quo qui va cor’ augminter après ch’t’électrichité ? D’ailleurs, ch’est futé d’annoncher cha in pleines vachinches ! Infin, cha n’cange rin, te paches à l’caisse quind même. Ches soldes is ontent été meilleux que l’année dernière. J’ai bin fait d’acater ch’tiot maillot d’bain. A mi tout seu, j’ai fait grimper ches chiffes. Ches ministres is sontent tertous in vachinches pour tros s’maines, mais is ontent archu des consignes pour rester dignes in timps d’crisse. Ouais, bion, cha m’étonnerot qu’in les crois’te ichi à Bray-Dunes…

J’étos prête à m’dir’te, ches journalistes is vontent avoir gramint d’mau à treuver qué cosse à ch’mette chous l’dint, à’ch’t’heure qu’ches politiques is sontent partis faire bronzette, mais ch’étot chins compter chu Eric Woerth qui, même parti in vacinches, arrif’ cor’ à faire parler d’li ! Ouais, mes gins ! In n’a même pon fini d’étudier sin cas dins ch’saga à friquée, d’ù qu’i a tout nié in bloc, qu’in l’artreuve d’jà dins eune nouvielle série : L’churprisse d’César. Mais nin, te n’y es pon ! Cha n’est pon eune nouvielle pub pour ches boîtes pour quien ou alors, cha s’rot plutôt pour chèvres, car ch’est nou’z’autes qu’in l’devient ! César com’ ch’ti qui fait des oeufres d’art et qui ch’est rindu célèpe in f’sint des compréchions. Te sais, i a dû avoir eune presse d’ferrailleur com’ cadieau. I prind plein d’trucs in ferralle, i appuie chu ch’biouton, ch’bazar i écras’te tout et hop ! A l’sortie, cha donn’te eune oeufre d’art ! Ouais, com’ ch’qu’i fait tin ferralleur, quo, mais li i ne ch’appell’te pon César et in pus i n’fait pon attinchion à l’harmonie. Quo qu’te veux, n’est pon artiste sculpteur qui veux ! D’ailleurs, à ch’nivieau-lal, cha n’est pus un artiste, mais carrémint un alchimiste ! Bah quo ? L’art et la manière d’faire d’l’or aveuc des trucs récupérés dins ches bennes à ordure, t’appell’tes cha commint, ti ?

Pour rester dins ch’t’esprit compréchion césaristique, v’là eune tiote pinsée toutouléenne qui m’vient in tiête : « Dins toute carette i y a eune oeufre d’art in sommel ! » A’ch’t’heure, te n’vas pus raviser t’carette d’eul même manière, j’in sus sûr’te ! Ch’est li auchi qui a donné sin nom à ches récompinches qu’in donn’te pour ch’cinéma in France. Oscar, ch’étot d’jà pris par ches américains, pis, ichi, cha fait squelette. Te parl’tes, ti, d’eune récompinche ! Tindis qu’lal, ch’est écologique in pus. In diminue ches décharches sauvaches et cha finit chu l’queminée d’eune vedette d’cinéma. Chi cha n’est pon d’l’art… cyclache, cha ! Infin, in n’va pon perde d’vue Eric, chous prétexte qu’in a fait eune pache culturelle. Ch’César du meilleu raconteux d’carabistoulles i s’ra décherné à Eric, ch’est sûr’te ! Figure-te que ch’journal Libération i vient d’publier un artique com’ quo, quind i étot ministre d’euch budget, i s’rot intervenu directemint dins un contrôle fiscal. Is affirm’tent cha grâche à eune lette artreuvée signée d’euch main. Com’ i dirot l’aute, i y a eune coulle dins ch’potache car, à propos d’l’affaire d’mémé Liliane, i a déclaré justemint n’ête jamais intervenu dins sin dossier fiscal ni aucun aute.

Te l’auras compris, cha a un rapport aveuc not’ pache culturelle, puich’qu’i s’agit du dossier d’eul succéchion du sculpteur César. Bah ouais qu’i est mort et pon d’hier ! Li auchi i est comprimé dins eune tiote boîte. Bref. Figure-te qu’i ch’est paché un truc vraimint idiot, i y a 230 oeufres qui sontent pachées à l’trappe quind l’exécuteur testamintaire i a fait ch’déclarachion à ches impôts. Ch’est nin d’euch faute, i n’avot pon ches leunettes et l’aute-lal, César, i a tell’mint compréché com’ un babache qu’alles étotent minuscules. I n’les a pon vues ! Seul’mint ch’fisc, li, chi, i avot sorti ch’loupe. Hop, ardréchemint fiscal ! Alors l’exécuteur testamintaire, Alain-Dominique Perrin, présidint d’eul Fondachion Cartier pour l’art contimporain i intame des pourparlers aveuc Eric. Te parl’tes, ti, des compréchions qui li donn’tent d’eul dépréchion ! Seul’mint, i n’est pon un inconnu, i est auchi un grind donateur d’l’UMP dont Eric, com’ in l’sait, i in étot trésorier jusqu’à cor’ quéques jours. Ch’vie alle est un éternel arcomminch’mint ou ch’ti qui a écrit ch’scénario i a fait un copier-coller, car in ch’artreuve dins ch’même cas qu’aveuc ch’début d’eul saga à friqués, à peu d’cosses près. Bah ouais, mes gins ! Cha vaut gramint ch’cop d’tailler eune bavette aveuc Eric et faire ch’marchind d’inveloppes. Pardon, j’voulos dir’te tapis, mes dogts is ontent été pus vit’ qu’min cervieau. I a accepté eune révision d’euch passif fiscal pour un montint d’27 millions d’euros. Te vos, par rapport à mémé Liliane, in fait eune bionne affaire, in in a économisé tros !

In fait, cha fait moins, pach’qu’i a auchi dégrevé ches pénalités pour mauviaisse foi. Bah ouais, n’pon avoir mis ches leunettes, ch’est eune étourderie pon d’eul mauviaisse foi ! Toudis i est qu’pour Eric Woerth cha qué plutôt mau car, forchémint, cha va armette toute ch’line d’définche in causse dins ch’t’affaire d’mémé Liliane. I a fait l’carpe et te sais ch’qu’in dit : Qui n’dit miots qu’on sint ch’est qu’in n’pu’te pon d’eul bouque ! Quo que j’raconte mi ! Qui n’dit miot consent, v’là, ch’est cha. In effet, même chi ches causses alles sontent différintes, ches effets is sontent ches mêmes et, churtout, dins ches deux cas, in ch’artreuve aveuc deux donateurs importints d’euch parti dont i étot trésorier. Te sais, dins l’ginre : j’te donn’te un tiot cop d’pouche, mais te n’oublies pon ches bionnes oeufres à min Nicolas. Et ch’i l’a fait pour l’un, in toute logique, in peut ch’dir’te qu’i l’a fait pour l’aute. D’autint qu’mémé Liliane alle est gramint pus généreuse cor’ ! Bah ouais, pach’qu’in pus t’arsors aveuc toute eune gamme d’échintillons pach’que te l’vaux bin ! A’ch’t’heure, chi cha qué, Alain-Dominique i li a p’t-ête offert auchi eune tiote compréchion in pinsint ch’débarracher d’un presse-papies qui traînot dins un coin…

Heureuss’mint qu’Eric i n’est pon gringalet pach’qu’i va ch’artreuver aveuc d’euch monte chu ch’dios. D’autint qu’i n’faut pon oublier des épisotes qui sontent un peu pachés à l’trappe com’ ches lingots d’or d’Robert Peugeot. Ch’ti-chi i part in ouiquend et sin domichile parisien i est cimbriolé. L’poliche alle estime qu’in li a piqué 500.000 euros in lingots et pièches d’or. Robert Peugeot, alors chous ch’cop d’un litiche fiscal, aurot dîné quéques jours pus tard in tiête-à-tiête aveuc Eric, toudis ministre d’euch budget. Quéques jours après, eune déclarachion d’ches serviches à Eric dis’tent qu’eul poliche alle ch’est gourée dins l’comptache et qu’i s’agit in fait d’150.000 euros, conforme à ch’déclarachion d’ISF. Cha a dû causer gramint d’tracas à Robert, ch’t’avinture, pach’que Eric i li a armis ch’légion d’honneur peu d’timps après, pour l’consoler chertain’mint. Tiens, une légion com’ aveuc Patrice de Maîstre. I y a gramint d’coïncidinches aveuc li quind même ! A cha, j’pourros ajuter ch’t’affaire d’euch prix d’euch terrain d’l’hippodrome d’compiègne. D’l’attribuchion des jeux in line, d’sin micro-parti in étint trésorier d’l’UMP auchi. In tout cas, li i n’fait pon dins l’compréchion com’ César !

V’là quo qu’i y avot à dir’te chu Eric à’ch’t’heure. Ah vraimint, in n’est pas sympa aveuc li, d’autint qu’ches collègues is affirm’tent qu’i n’fait qu’sin boulot dins ches règues d’l’art et qu’i a ch’manière! I va avoir ches vacinches gâchées à’ch’t’heure et min Nicolas qui est arrivé dins ch’baraque à Carla i est loin d’tout, là-bas dins ch’Sud, quo qu’il va pouvoir faire pour l’consoler ? Ches journalistes is n’ontent vraimint pon eune âme charitape ! Is pourrotent respecter eune trêve estivale qu’i ait ch’timps ch’arquinquer. Ch’est qu’cha fait des contrariétés tout cha… Commint cha, d’bricoler quéques trucs ? Te cros qu’i a l’art et ch’manière ?

Salut mes gens ! Ca va toujours ? Je demande cela pour celui qui a repris depuis lundi, je me doute bien que pour les autres, cela doit aller ! Ce matin, j’avais décidé de traîner un peu au lit, c’est aussi fait pour cela les vacances. D’autant que j’entendais la pluie au dehors, tu parles si ça donne envie de se lever ! C’était sans compter sur mon radioréveil de voyage que je n’avais pas coupé. Bah, oui, sinon je loupe le petit déjeuner ! Enfin, je ne vais pas te raconter ma vie. Toujours est-il que cela commençait plutôt bien, de la musique et puis, les infos. En moi-même je me suis dit qu’est-ce qui va encore augmenter après l’électricité ? D’ailleurs, c’est futé d’annoncer cela en pleines vacances ! Enfin, cela ne change rien, tu passes à la caisse quand même. Les soldes ont été meilleurs que l’année dernière. J’ai bien fait d’acheter ce petit maillot de bain. A moi tout seule, j’ai fait grimper les chiffres. Les ministres sont tous en vacances pour trois semaines, mais ils ont reçu des consignes pour rester dignes en temps de crise. Oui, bon, cela m’étonnerait qu’on les croise ici à Bray-Dunes…

J’étais prête à me dire, les journalistes vont avoir beaucoup de mal à trouver quelque cosse à se mettre sous la dent, à présent que les politiques sont partis faire bronzette, mais c’était sans compter sur Eric Woerth qui, même parti en vacances, arrive encore à faire parler de lui ! Oui, mes gens ! On n’a même pas fini d’étudier son cas dans la saga à friquée, où il a tout nié en bloc, qu’on le retrouve déjà dans une nouvelle série : La surprise de César. Mais non, tu n’y es pas ! Ce n’est pas une nouvelle pub pour les boîtes pour chien ou alors, ce serait plutôt pour chèvres, car c’est nous qui le devenons ! César comme celui qui fait des oeuvres d’art et qui s’est rendu célèbre en faisant des compressions. Tu sais, il a dû avoir une presse de ferrailleur comme cadeau. Il prend plein de trucs en ferraille, il appuie sur le bouton, ce bazar écrase tout et hop ! A la sortie, cela donne une oeuvre d’art ! Ouais, comme ce que fait ton ferrailleur, quoi, mais lui ne s’appelle pas César et en plus il ne fait pas attention à l’harmonie. Que veux-tu, n’est pas artiste sculpteur qui veux ! D’ailleurs, à ce niveau-là, ce n’est plus un artiste, mais carrément un alchimiste ! Bah quoi ? L’art et la manière de faire de l’or avec des trucs récupérés dans les bennes à ordure, tu appelles cela comment, toi ?

Pour rester dans l’esprit compression césaristique, voilà une petite pensée toutouléenne qui me vient en tête : « Dans toute voiture il y a une oeuvre d’art en sommeil ! » Maintenant, tu ne vas plus regarder ton auto de la même manière, j’en suis sûre ! C’est lui aussi qui a donné son nom aux récompenses que l’on donne pour le cinéma en France. Oscar, c’était déjà pris par les Américains, puis, ici, cela fait squelette. Tu parles, toi, d’une récompense ! Tandis que là, c’est écologique en plus. On diminue les décharges sauvages et cela finit sur la cheminée d’une vedette de cinéma. Si ce n’est pas du recyclage, ça ! Enfin, on ne va pas perdre de vue Eric, sous prétexte que l’on a fait une page culturelle. Le César du meilleur raconteur de carabistouilles sera décerné à Eric, c’est sûr ! Figure-toi que le journal Libération vient de publier un article comme quoi, quand il était ministre du budget, il serait intervenu directement dans un contrôle fiscal. Ils affirment cela grâce à une lettre retrouvée signée de sa main. Comme dirait l’autre, il y a une couille dans le potage car, à propos de l’affaire de mémé Liliane, il a déclaré justement n’être jamais intervenu dans son dossier fiscal ni aucun autre.

Tu l’auras compris, cela a un rapport avec notre page culturelle, puisqu’il s’agit du dossier de la succession du sculpteur César. Bah oui il est mort et pas d’hier ! Lui aussi est comprimé dans une petite boîte. Bref. Figure-toi qu’il s’est passé un truc vraiment idiot, il y a 230 oeuvres qui sont passées à la trappe quand l’exécuteur testamentaire a fait sa déclaration aux impôts. Ce n’est pas de sa faute, il n’avait pas ses lunettes et l’autre-là, César, il a tellement compressé comme un bêta qu’elles étaient minuscules. Il ne les a pas vues ! Seulement le fisc, lui, si, il avait sorti sa loupe. Hop, redressement fiscal ! Alors l’exécuteur testamentaire, Alain-Dominique Perrin, président de la Fondation Cartier pour l’art contemporain entame des pourparlers avec Eric. Tu parles, toi, des compressions qui lui donnent de la dépression ! Seulement, il n’est pas un inconnu, il est aussi un grand donateur de l’UMP dont Eric, comme on le sait, en était trésorier jusqu’à encore quelques jours. La vie est un éternel recommencement ou celui qui a écrit le scénario a fait un copier-coller, car on se retrouve dans le même cas qu’avec le début de la saga à friqués, à peu de choses près. Bah oui, mes gens ! Cela vaut bien le coup de tailler une bavette avec Eric et faire le marchand d’enveloppes. Pardon, je voulais dire tapis, mes doigts ont été plus vite que mon cerveau. Il a accepté une révision du passif fiscal pour un montant de 27 millions d’euros. Tu vois, par rapport à mémé Liliane, on fait une bonne affaire, on en a économisé trois !

En fait, cela fait moins, parce qu’il a aussi dégrevé les pénalités pour mauvaise foi. Bah oui, ne pas avoir mis ses lunettes, c’est une étourderie pas de la mauvaise foi ! Toujours est-il que pour Eric Woerth cela tombe plutôt mal car, forcément, cela va remettre toute sa ligne de défense en cause dans l’affaire de mémé Liliane. Il a fait la carpe et tu sais ce que l’on dit : Qui ne dit mots qu’on sent c’est que l’on ne pue pas de la bouche ! Qu’est-ce que je raconte moi ! Qui ne dit mot consent, voilà, c’est cela. En effet, même si les causes sont différentes, les effets sont les mêmes et, surtout, dans les deux cas, l’on se retrouve avec deux donateurs importants du parti dont il était trésorier. Tu sais, dans le genre : je te donne un petit coup de pousse, mais tu n’oublies pas les bonnes oeuvres de mon Nicolas. Et s’il l’a fait pour l’un, en toute logique, on peut se dire qu’il l’a fait pour l’autre. D’autant que mémé Liliane est beaucoup plus généreuse encore ! Bah oui, parce qu’en plus tu ressors avec toute une gamme d’échantillons parce que tu le vaux bien ! Maintenant, si cela tombe, Alain-Dominique lui a peut-être offert aussi une petite compression en pensant se débarrasser d’un presse-papiers qui traînait dans un coin…

Heureusement qu’Eric n’est pas gringalet parce qu’il va se retrouver avec du monde sur le dos. D’autant qu’il ne faut pas oublier des épisodes qui sont un peu passés à la trappe comme les lingots d’or de Robert Peugeot. Celui-ci part en week-end et son domicile parisien est cambriolé. La police estime qu’on lui a piqué 500.000 euros en lingots et pièces d’or. Robert Peugeot, alors sous le coup d’un litige fiscal, aurait dîné quelques jours plus tard en tête-à-tête avec Eric, toujours ministre du budget. Quelques jours après, une déclaration des services d’Eric disent que la police s’est gourée dans le comptage et qu’il s’agit en fait de 150.000 euros, conforme à sa déclaration d’ISF. Ca a dû causer beaucoup de tracas à Robert, cette aventure, parce que Eric lui a remis la légion d’honneur peu de temps après, pour le consoler certainement. Tiens, une légion comme avec Patrice de Maîstre. Il y a beaucoup de coïncidences avec lui quand même ! A cela, je pourrais ajouter l’affaire du prix du terrain de l’hippodrome de compiègne. De l’attribution des jeux en ligne, de son micro-parti en étant trésorier de l’UMP aussi. En tout cas, lui ne fait pas dans la compression comme César !

Voilà ce qu’il y avait à dire sur Eric aujourd’hui. Ah vraiment, on n’est pas sympa avec lui, d’autant que ses collègues affirment qu’il ne fait que son boulot dans les règles de l’art et qu’il a la manière ! Il va avoir ses vacances gâchées à présent et mon Nicolas qui est arrivé dans la baraque de Carla est loin de tout, là-bas dans le Sud, que va-t-il pouvoir faire pour le consoler ? Ces journalistes n’ont vraiment pas une âme charitable ! Ils pourraient respecter une trêve estivale qu’il ait le temps de se requinquer. C’est que ça fait des contrariétés tout cela… Comment cela, de bricoler quelques trucs ? Tu crois qu’il à l’art et la manière ?