Chalut mes gins ! J’in connos eune paire qui ontent été liquéfiés, mais com’ alle a dit madame météo, in n’peut pon parler d’canicule, juss’ d’grosses caleurs. Cha fait toute l’différinche, pach’que ch’canicule alle tue et apparemmint pon l’aute.  Toudis i est qu’dins ches deux cas, i n’faut pon ch’laicher déshydrater et même chi j’in vos gramint qui ontent pris ches d’vints, te peux prinde une bionne citronnate à côté d’ti avint d’aller pus loin dins ch’t’artique, pach’que cha richque cor’ d’eut donner caud, tant ch’est un imbroglio chins nom. A’ch’t’heure, vu ches sommes dont in va parler, cha va t’donner frod dins ch’dios auchi. Te pourras dir’te que te viens d’lir’te ch’première chronique climatisée…

Mesdames, messieurs, ches tros cops is vienn’tent d’artintir et in vot miux ch’situachion. Ch’est normal, ch’grind rideau bleu i est ouvert à’ch’t’heure. Quo ? Bah, ouais ! J’sais bin qu’habituell’mint ch’est rouche, mais chu ch’grinte schène politique, i étot bleu d’pis quéques s’maines et in n’avot pon vu qu’in juot eune pièche derrière. Eune pièche dont in n’sait pon cor’ ch’nompe d’actes, tout cha pach’qu’in in rajute un tous ches jours. Lal, achise d’vint un miroir, i y a eune dame d’un certain âche, voire d’un âche chertain. Et quo qu’alle fait ? Ch’est très simpe, alle est in train d’euch faire un ravalemint d’fachade, pach’qu’alle le vaut bin et pour cha, alle a ch’kit complet. Des tubes et des piots d’tous ches modèles à croir’te qu’alle n’les pay’te pon ! Toudis i est qu’alle ch’in met eune bionne couche tout in parlant à sin imache : « Quo qu’te m’racontes d’bieau à’ch’t’heure ? » Et cha n’loupe pon, in ch’croirot dins Blinche Neiche, t’intinds eune voix off qui li répond : « Ch’est toudis ti ch’femme ch’pus riche d’France ! » Cha a l’air d’li faire plaiji, pach’qu’alle ch’artartine soigneusemint l’guiffe, tindis qu’euch miroir, com’ ch’i avot pris l’timps d’réfléchir, i ajute : « Fais attinchion, t’as des fuites ! »

Mes gins, i y a d’l’ac’chion, pach’qu’alle ch’lèf’ d’un biond et ravise tout autour d’alle à tierre in ajutint : « Quo qu’te m’racontes lal, m’file ? Un peu d’respect pour min grind âche ! J’sais cor’ m’artenir et ch’i faut, in racatera ch’t’usine qui fabrique ches Tena ! » Pindint qu’alle disot cha, alle ch’étot écartée d’euch coiffeusse. Te t’aperchois qu’in fait, même chi te n’as vu que ch’miroir pach’qu’alle étot d’vint, qu’alle a un pocket PC posé d’vint alle et que chu ch’t’écran, i y a des courbes, des chiffes et dins un coin, eune tiote feniêtre aveuc ch’guiffe d’eune femme qui simbe passablemint énervée. Alle ajute : « Acoute, maman, chi te treuves normal qu’tin ami i ch’vot crédité d’un milliard d’euros et que t’comptape alle a b’soin 50.000 euros par s’maine pour ches frais, ch’est qu’te t’es fourré ch’brosse à rimmel dins ches zis ! » Apparemmint cha n’plait pon à l’mémé qui comminche à ch’énerver et hausser ch’ton : « Françoise, ferme t’guiffe ! Chi t’avos peur pour tin héritache, te n’t’y prindros pon aut’mint ! Te viens d’eum dir’te que j’étos toudis ch’pus riche, alors quo qu’te veux d’pus ? Cha n’est pon un milliard d’euros qui va faire l’différinche quind ch’Bion Diu i m’appell’ra à li pour aller peinturlurer ches lèfres d’ches anches aveuc not’ tout nouvieau gloss. Ch’ti qui dur’te, qui dur’te, pach’que te l’val’te bin. »

In fait, te comprinds vit’ que ch’pièche alle nous armonte tros ins in arrière. Cha n’est pon com’ chi ch’étot un flash back, nin même qu’te sos arrivé in r’tard. Ch’est juss’ qu’in ait oublié d’ouvrir ch’rideau bleu à timps. In 2007, ch’file alle dépose une plainte conte ch’tiot copain d’euch mère. Ch’ti-chi i est écrivain-photographe, i ch’appell’te François-Marie Banier et ch’est vrai que, même ch’i a fait des paches chu Liliane et sin odyssée et qui l’a tirée dins tous ches coins, cha fait quer d’eul feulle et du cliché ! Ah, ch’est vrai, in sait rapid’mint qu’alle ch’appell’te Liliane Bettencourt, j’avos oublié de t’eul préchiser et qu’ch’est bin l’mère d’Françoise Bettencourt-Meyers, qui est sin unique héritière. In peut comprinde, puich’que ch’mère alle a quéques couches d’maquillache à ch’compteur, qu’alle sot préoccupée par ch’fait qu’i va minquer au moins un milliard dins sin panier chouvenir. Ch’est qu’in peut in acater des mouchoirs in papie pour assécher ches larmes ! Combin ? Vingt dius, te m’in poses des quechtions ! Pour au moins assécher ch’méditerranée, ch’est sûr’te ! T’apprinds auchi rapid’mint que toute ch’fortune et ches biens is sontent gérés par maîte in la matière, Patrice de Maistre, et que ch’ti-chi i a querre à jongler aveuc ches chiffes, churtout quind i s’agit d’bricoler un peu pour moins in donner au fisc. Bah, ch’est bin connu, chi te n’payos pon d’impôts, te s’ros gramint pus riche ! Forchémint, te pinses chi cha intéresse Liliane eune affaire parelle et alle in discute chouvint aveuc li d’vint eune tasse d’thé, à ch’baraque.

Seul’mint, ches murs is ontent des orelles. Infin, is sontent aidés par ch’maîte d’hôtel, Pascal, qui n’a pon dû avoir d’augmintachion d’pis longtimps et qui déchide d’inregistrer ches bricolaches intre Liliane et Patrice. Eune sorte d’assurinche pour ches viux jours. D’quo mette un bieau blinis chous sin caviar ! Toudis i est qu’i quitte sin serviche et qu’i déchide d’donner ches inregistremints à Françoise. Cha n’est pon dit dins ch’scénario, mais à m’mote, ch’est pour immerder la vielle, pach’qu’i a dû treuver qu’euch prime d’départ d’pus d’240.000 euros alle n’étot pon assez grosse. Te parl’tes, ti ! Chaque fos qu’i mettot sin orelle derrière ch’porte, ch’étot à coup d’millions. Françoise alle in profite, quind tout i est bleu, pour les donner à ch’brigate fininchière. I faut dir’te qu’in apprind vit’ qu’intre l’mère et ch’file ch’torchon i brûl’te. Et cha, même chi ch’cuisine n’est pon vraimint l’indrot qu’alles fréquintent gramint. Quo qu’alle fait ch’brigate ? Alle acoute cha com’ ch’producteur acoute des maquettes et ch’frotte ches mains in découvrint ch’tube d’l’été.

Ch’pièche, qui a comminché com’ un psychodrame familial, alle tourn’te alors in comédie d’boul’vard d’ù qu’chaque placard qu’in va ouvrir va nous faire découvrir nin pon un cadavre, is doiv’tent ête miux mucher, mais un aute protagoniste qu’in va présumer innochint « comploteur » conte ch’fisc. Et lal, mes gins, i faut qu’te t’accroches. Chi te dos aller faire pipi, ch’est ch’momint… Cha y est, t’es arvenu ? Cha soulache, hein ? In y va ! 16 juin alors que ches Français is sontent au pus mau, contrarié par un tiot ballon qui n’arriv’te pon à rintrer intre deux poteaux espachés tout d’même d’7m32, des trinscripchions écrites d’ches inregistremints is sontent mises au jour. In apprind qu’diverches opérachions alles ontent été faites et ont échappé à ch’fisc. In apprind auchi que Liliane alle connôt bin ch’ministre d’ches fininches d’l’époque, qui n’est aute que Eric Woerth. Qu’in pus, ch’est ch’femme Florence qui ch’occupe d’gérer une partie d’eul fortune d’Liliane, pach’qu’alle est imployée par Patrice de Maistre, qui li à eune vue générale chu tout. Ch’est dir’te ch’i est grimpé chu eune grinte équelle. 21 Juin, in in sait pus et in apprind que Liliane alle aurot fait des chèques à Eric Woerth, mais auchi à Valérie Pécresse et min Nicolas dins ch’cade de leux bionnes oeufres pindint ches Régionales. Ch’est ch’même jour que Florence Woerth annonche qu’alle démichionne. Cha parôt trop évidint qu’i y a un sacré teyau intre ches vases et qu’cha communique pus vit’ que ch’te haut débit. Ch’est carrémint d’l’ADSXXL ! Du cop, Liliane alle annonche qu’alle va colmater ches fuites in régularisint aveuc des avoirs cor’ à l’étringer.

Te comprinds, i n’faut pon in vouloir à ch’te pauf’ femme. In li d’minde d’signer des chèques, alle les sign’te, mais ch’est pon alle qui a ch’calculette ! Tandis qu’eul France intière alle comminche à tourner l’tiête in direc’chion de ch’t’affaire. Bah, ouais, cha fait com’ un match d’tennis. D’un côté ches Bleus et d’l’aute, ch’t’affaire Bettencourt. Toutefos, ch’est pus diffichile d’compter ches point côté Bettencourt qui a un net avintache. Bref. 22 juin, apparichion d’un nouvieau protagoniste, François Fillon, qui apporte sin soutien à sin ministre : « ch’est un homme intègre, i a tout min soutien ! » Et chertain’mint à ch’princhipal intéressé : « Pète un cop, t’es tout pâle ! » Pach’qu’in n’arrête pon d’li tirer d’chus et qu’i apparôt com’ eune pièche maîtrèche dins ch’dallache. 23 juin, com’ François i n’a pon parlé assez fort, ch’est min Nicolas qui armet deux sous dins ch’manicraque in assurint sin ministre d’sin soutien et in disint que tout ch’t’affaire alle étot des cacoulles. 25 juin, in apprind qu’eul justiche alle avot alerté ch’fisc dès janvier 2009 et qu’des élémints avotent été trinsmis à ch’ministère d’euch budget. Et qui ch’est qui in étot l’chef ? Bah, ouais, Eric Woerth ! D’pis, tous ches jours, min Nicolas i continue sin soutien à Eric Woerth…

Mes gins, j’sus obligée d’arrêter ichi, pach’que j’n’ai pon cor’ ch’fin d’eul pièche, mais in sait qu’pour sin tiot copain à la Liliane, ch’justiche alle a armis cha à plus tard pach’qu’alle a b’soin d’un complémint d’inquête. Cha ! Perchonne i n’est clair, ch’est un imbroglio, j’ai comminché aveuc cha. In apprind auchi que Liliane alle a profite d’euch bouclier fiscal et qu’alle ch’est vue rimbourcher trinte millions d’euros. Ch’est pus un bouclier, ch’est l’armée d’Jules César au grind complet ! Infin, Jules César… Mi, j’vais conclure juss’ par à suifre et par l’fait que L’Oréal ch’est de l’or réel !

L’argent de la vieille

Salut mes gens ! J’en connais une paire qui ont été liquéfiés, mais comme a dit madame météo, on ne peut pas parler de canicule, juste de grosses chaleurs. Ca fait toute la différence, parce que la canicule tue et apparemment pas l’autre. Toujours est-il que dans les deux cas, il ne faut pas se laisser déshydrater et même si j’en vois beaucoup qui ont pris les devants, te peux prendre une bonne citronnade à côté de toi avant d’aller plus loin dans l’article, parce que cela risque encore de te donner chaud, tant c’est un imbroglio sans nom. Maintenant, vu les sommes dont on va parler, cela va te donner froid dans le dos aussi. Tu pourras dire que tu viens de lire la première chronique climatisée…

Mesdames, messieurs, les trois coups viennent de retentir et on voit mieux la situation. C’est normal, le grand rideau bleu est ouvert à présent. Quoi ? Bah, oui ! Je sais bien qu’habituellement c’est rouge, mais sur la grande scène politique, il était bleu depuis quelques semaines et on n’avait pas vu que l’on jouait une pièce derrière. Une pièce dont on ne sait pas encore le nombre d’actes, tout cela parce que l’on en rajoute un tous les jours. Là, assise devant un miroir, il y a une dame d’un certain âge, voire d’un âge certain. Et que fait-elle ? C’est très simple, elle est en train de se faire un ravalement de façade, parce qu’elle le vaut bien et pour cela, elle a le kit complet. Des tubes et des pots de tous les modèles à croire qu’elle ne les paye pas ! Toujours est-il qu’elle s’en met une bonne couche tout en parlant à son image : « Que me racontes-tu de beau aujourd’hui ? » Et cela ne loupe pas, on se croirait dans Blanche Neige, tu entends une voix off qui lui répond : « C’est toujours toi la femme la plus riche de France ! » Cela a l’air de lui faire plaisir, parce qu’elle se re-tartine soigneusement la figure, tandis que le miroir, comme s’il avait pris le temps de réfléchir, ajoute : « Fais attention, tu as des fuites ! »

Mes gens, il y a de l’action, parce qu’elle se lève d’un bond et regarde tout autour d’elle à terre en ajoutant : « Que me racontes-tu là, ma fille ? Un peu de respect pour mon grand âge ! Je sais encore me retenir et s’il faut, on rachètera l’usine qui fabrique les Tena ! » Pendant qu’elle disait cela, elle s’était écartée de la coiffeuse. Tu t’aperçois qu’en fait, même si tu n’as vu que le miroir parce qu’elle était devant, qu’elle a un pocket PC posé devant elle et que sur l’écran, il y a des courbes, des chiffes et dans un coin, une petite fenêtre avec le visage d’une femme qui semble passablement énervée. Elle ajoute : « Ecoute, maman, si tu trouves normal que ton ami se voit crédité d’un milliard d’euros et que ta comptable a besoin de 50.000 euros par semaine pour les frais, c’est que tu t’es fourré la brosse à rimmel dans les yeux ! » Apparemment cela ne plait pas à la mémé qui commence à s’énerver et hausser le ton : « Françoise, ferme ta gueule ! Si tu avais peur pour ton héritage, tu ne t’y prendrais pas autrement ! Tu viens de me dire que j’étais toujours la plus riche, alors que veux-tu de plus ? Ce n’est pas un milliard d’euros qui va faire la différence quand le Bon Dieu m’appellera à lui pour aller peinturlurer les lèvres des anges avec notre tout nouveau gloss. Celui qui dure, qui dure, parce qu’ils le valent bien. »

En fait, tu comprends vite que la pièce nous remonte trois ans en arrière. Ce n’est pas comme si c’était un flash back, ni même que tu sois arrivé en retard. C’est juste que l’on ait oublié d’ouvrir ce rideau bleu à temps. En 2007, la fille dépose une plainte contre le petit copain de sa mère. Celui-ci est écrivain-photographe, il s’appelle François-Marie Banier et c’est vrai que, même s’il a fait des pages sur Liliane et son odyssée et qui l’a tirée dans tous les coins, ça fait cher de la feuille et du cliché ! Ah, c’est vrai, on sait rapidement qu’elle s’appelle Liliane Bettencourt, j’avais oublié de te le préciser et que c’est bien la mère de Françoise Bettencourt-Meyers, qui est son unique héritière. On peut comprendre, puisque sa mère a quelques couches de maquillage au compteur, qu’elle soit préoccupée par le fait qu’il va manquer au moins un milliard dans son panier souvenir. C’est qu’on peut en acheter des mouchoirs en papier pour assécher ses larmes ! Combien ? Bon sang, tu m’en poses des questions ! Pour au moins assécher la méditerranée, c’est sûr ! Tu apprends aussi rapidement que toute la fortune et les biens sont gérés par maître en la matière, Patrice de Maistre, et que celui-ci aime jongler avec les chiffres, surtout quand il s’agit de bricoler un peu pour moins en donner au fisc. Bah, c’est bien connu, si tu ne payais pas d’impôts, tu serais beaucoup plus riche ! Forcément, tu penses si cela intéresse Liliane une affaire pareille et elle en discute souvint avec lui devant une tasse de thé, à sa baraque.

Seulement, les murs ont des oreilles. Enfin, ils sont aidés par le maître d’hôtel, Pascal, qui n’a pas dû avoir d’augmentation depuis longtemps et qui décide d’enregistrer ces bricolages entre Liliane et Patrice. Une sorte d’assurance pour les vieux jours. De quoi mettre un beau blinis sous son caviar ! Toujours est-il qu’il quitte son service et qu’il décide de donner les enregistrements à Françoise. Ce n’est pas dit dans le scénario, mais à mon avis, c’est pour emmerder la vielle, parce qu’il a dû trouver que sa prime de départ de plus de 240.000 euros n’était pas assez grosse. Tu parles, toi ! Chaque fois qu’il mettait son oreille derrière la porte, c’était à coup de millions. Françoise en profite, quand tout est bleu, pour les donner à la brigade financière. Il faut dire que l’on apprend vite qu’entre la mère et la fille le torchon brûle. Et ce, même si la cuisine n’est pas vraiment l’endroit qu’elles fréquentent beaucoup. Que fait la brigade ? Elle écoute cela comme le producteur écoute des maquettes et se frotte les mains en découvrant le tube de l’été.

La pièce, qui a commencé comme un psychodrame familial, tourne alors en comédie de boulevard où chaque placard que l’on va ouvrir va nous faire découvrir non pas un cadavre, ils doivent être mieux cacher, mais un autre protagoniste que l’on va présumer innocent « comploteur » contre le fisc. Et là, mes gens, il faut que tu t’accroches. Si tu dois aller faire pipi, c’est le moment… Ca y est, tu es revenu ? Ca soulage, hein ? On y va ! 16 juin alors que les Français sont au plus mal, contrarié par un petit ballon qui n’arrive pas à rentrer entre deux poteaux espacés tout de même de 7m32, des transcriptions écrites des enregistrements sont mises au jour. On apprend que diverses opérations ont été faites et ont échappé au fisc. On apprend aussi que Liliane connaît bien le ministre des finances de l’époque, qui n’est autre que Eric Woerth. Qu’en plus, c’est sa femme Florence qui s’occupe de gérer une partie de la fortune de Liliane, parce qu’elle est employée par Patrice de Maistre, qui lui à une vue générale sur tout. C’est dire s’il est grimpé sur une grande échelle. 21 Juin, on en sait plus et on apprend que Liliane aurait fait des chèques à Eric Woerth, mais aussi à Valérie Pécresse et mon Nicolas dans le cadre de leurs bonnes oeuvres pendant les Régionales. C’est le même jour que Florence Woerth annonce qu’elle démissionne. Ca paraît trop évident qu’il y a un sacré tuyau entre ces vases et que cela communique plus vite que le haut débit. C’est carrément de l’ADSXXL ! Du coup, Liliane annonce qu’elle va colmater les fuites en régularisant avec des avoir encore à l’étranger.

Tu comprends, il ne faut pas en vouloir à cette pauvre femme. On lui demande de signer des chèques, elle les signe, mais ce n’est pas elle qui a la calculette ! Tandis que la France entière commence à tourner la tête en direction de l’affaire. Bah, oui, cela fait comme un match de tennis. D’un côté les Bleus et de l’autre, l’affaire Bettencourt. Toutefois, c’est plus difficile de compter les points côté Bettencourt qui a un net avantage. Bref. 22 juin, apparition d’un nouveau protagoniste, François Fillon, qui apporte son soutien à son ministre : « c’est un homme intègre, il a tout mon soutien ! » Et certainement au principal intéressé : « Pète un coup, tu es tout pâle ! » Parce qu’on n’arrête pas de lui tirer dessus et qu’il apparaît comme une pièce maîtresse dans ce mic-mac. 23 juin, comme François n’a pas parlé assez fort, c’est mon Nicolas qui remet deux sous dans le bastringue en assurant son ministre de son soutien et en disant que toute cette affaire était des bêtises. 25 juin, on apprend que la justice avait alerté le fisc dès janvier 2009 et que des éléments avaient été transmis au ministère du budget. Et qui en était le chef ? Bah, oui, Eric Woerth ! Depuis, tous les jours, mon Nicolas continue son soutien à Eric Woerth…

Mes gens, je suis obligée d’arrêter ici, parce que je n’ai pas encore la fin de la pièce, mais on sait que pour son petit copain à la Liliane, la justice a remis cela à plus tard parce qu’elle a besoin d’un complément d’enquête. Ca ! Personne n’est clair, c’est un imbroglio, j’ai commencé avec cela. On apprend aussi que Liliane a profite du bouclier fiscal et qu’elle s’est vue rembourser trente millions d’euros. Ce n’est plus un bouclier, c’est l’armée de Jules César au grand complet ! Enfin, Jules César… Moi, je vais conclure juste par à suivre et par le fait que L’Oréal c’est de l’or réel !