Chalut mes gins ! Cor’ eune s’maine qui ardémarre et un lundi paché au solel pour tous ceusses qui sont in vacinches, ches veinards ! Chi t’étos su Lille, diminche, te n’es p’t-ête pon paché à côté de ch’t’évèn’mint incontournape à ch’Biplan : L’fiête d’anniverchaire pour ches 10 ins d’ches Blaireaux ! Un vrai régal pour tous ches fans. Auchi pour découvrir et ardécouvrir des canteurs d’euch Nord, y compris min camarate Pat’Bol. Barbeuq et tout et tout, jusqu’à plus soif ! Ch’est vrai qu’i y in a quéques-uns qui on’tent pris cha à ch’pid d’el lette. A m’mote, cha n’a pon dû ête fachile, rintré chez eusses, d’appuyer su ch’bion bouton pour l’étache…

Mes gins, te dos bin pinser qu’chi j’parl’te d’bouton, i y a eune raison. Pach’qu’is aurotent pu habiter in mason et pon d’problème. Chi, treuver ch’trou d’el cherrure quind même ! J’te rassur’te toud’chuite, j’n’ai pon l’invie d’ouvrir une mercherie nin pus. Te sais bin qu’mi, ches boutons que j’préfèr’te, ch’est ceusses qui m’permettent de t’écrir’te ! Te m’diras, cha m’arrif’ auchi de n’pon appuyer su ch’bion, mais là i n’est pon l’quechtion d’euch jour. J’auros querre à arv’nir su ch’qui ch’est paché à l’Assimblée Nachionale et ch’t’histoire que chertains is on’tent d’jà nommée : Ch’t’affaire d’euch bouton farceur ! In arvient in bref su ches faits. Cha ch’raconte com’ un film à suspense. Ches députés is doiv’tent voter pour un amind’mint qui prévoit eune taxe additionnelle d’10% su l’bénéfiche d’ches binques. Te vos à quel point ch’est gramint importint, car te peux faire rintrer des pépettes in pus, com’ pour rir’te. Puich’que, ch’i y a bin des gins qui peuv’tent payer cor’ pus, chins mette l’clé chous l’porte, ch’est bin ches binques…

Seul’mint, min Nicolas et toute ch’binde is n’on’tent pon invie que ch’t’amind’mint i pach’te. I dot chertain’mint avoir peur qu’ches binquiers is prenn’tent des représailles conte tertous. D’jà qu’is n’sont pon bin inclins à délivrer des prêts, alors qu’in leu a d’mindé d’faire un effort. In plinte à’ch’t’heure l’décor dins ch’te salle. Quate-vingt députés inviron sont lal pour voter. Et d’ù qu’is sont tous ches autes ? Ouais, mes gins, ch’est auchi quo que j’em sus d’mindé. L’pir’te, ch’est que j’n’ai pon d’réponche à t’donner. Qui sait, i y avot p’t-ête un concours d’pêque organisé su les bords d’el Seine. L’tenchion alle est à sin combe. 84 votes, pach’qu’i y in a qui sont mindatés pour deux vox. Ch’qui veut dir’te qu’i y avot cor’ pus d’monte à ch’te partie d’pêque. Bref ! Ches votes is sont finis et ch’t’amind’mint i est adopté par 44 vox conte 40, conte vints et marées. Par vints et marées, te peux traduire l’colère d’min Nicolas quind i va apprinde ch’résultat…

Ch’est lal qu’i y a un cop d’Trafalgar. Un député UMP, Jean-François Lamour, i dit qu’sin dogt i a ripé et qu’i ch’est gouré d’touche. Donc, chi in suit eune logique, ch’score i s’rot ram’né à 43 conte 41. I n’y a pon d’quo cacher tros pattes à un canard. Ches vints et ches marées is n’sont pon prêts d’euch calmer ! Sauf que min Jean-François Lamour i étot mindaté  pour deusse vox ! Eh ouais, mes gins ! Cha fait donc du 42 à 42. Egalité partout ! Incroyape ! Cha aurot pu ête ch’voisin d’drote qui dérap’te d’euch dogt ou sin voisin d’gauche, mais nin ! Ch’est qué su li ! I est qué su ch’bouton farceur, ch’ti qui ching’te d’plache à ch’momint préchis d’ù qu’tin dogt i ch’déchide à appuyer ! Te m’croras chi te veux, mes gins, mais ches vints et ches marées is on’tent chingé d’sins auchitôt ! Ch’est vrai qu’el coïncidinche alle est étrinche pour n’pon dir’te bizarre…

A’ch’t’heure, quind in ch’appell’te Lamour, est-che que cha n’ingindre pon quéques étourd’ries ? Ch’est bin connu, l’amour, cha fait faire des bêtisses. Donc, cha pourrot echpliquer qu’sin dogt i n’a pon appuyé à ch’bion indrot. A’ch’t’heure, in dit auchi que ch’t’amour i rind aveugle. Bah, v’là cor’ eune bionne raison ! Chi te fermes ches zis, te verras qu’ch’est gramint pus compliqué d’viser ch’bion indrot. A fortiori, l’bionne touche ! D’autint que, j’te l’rappell’te, t’es qué su un bouton farceur… Ch’est d’ailleurs pour ch’te raison qu’in a évoqué eune erreur technique. A’ch’t’heure, à ch’décharge, ch’est bin pochipe que ches boutons is soient gramint tiots et pon adaptés à l’talle des dogts qui von’tent appuyer d’chus. In n’va pon tarder à avoir ch’même problème aveuc min David Douillet qui richqu’te, in pus, d’pacher carrémint à travers, ch’i n’maîtrisse pon ch’forche ou dins un momint d’exaltachion !

Mes gins, apprête-te à mette t’main à l’poque cor’ eune fos ! Bah, chi ! In va d’voir faire quéques trinsformachions dins ch’t’hémicycle. Mi, je s’ros d’avis à mette deusse gros buzzers d’vint eusses qui pourrotent taper même aveuc l’point. Premièr’mint, cha s’rot vaqu’mint pus diffichile d’dir’te que tin dogt i a ripé, vu l’forche qu’i faudrot pour valider. Deussièm’mint, gros dogts ou tiots dogts, tertous parels ! Bion, in saurot qui vote quo, mais ch’est d’jà l’cas pratiqu’mint tout l’timps. Inchuite, pour ête sûr’te que tous ches députés is comprenn’tent l’manœuf’, in pourrot leu payer des chéances   d’intraîn’mint. Ches coachs, ch’est à l’mote ! Pis, i n’faudrot pon quercher bin loin pour savoir qui est che spéchialiste incontesté de ch’t’appui su eune touche. Bah, ouais ! In va faire appel à min Nikos. Pour virer Lamour pach’qu’i ch’est gouré, tape un. Pour l’garder cor’ un tiot peu, pach’que ch’double vox alle peut cor’ servir, tape deusse !

L’amour en touche

Salut mes gens ! Encore une semaine qui redémarre et un lundi passé au soleil pour tous ceux qui sont en vacances, les veinards ! Si tu étais sur Lille, dimanche, tu n’es peut-être pas passé à côté de l’évènement incontournable au Biplan : La fête d’anniversaire pour les 10 ans des Blaireaux ! Un vrai régal pour tous les fans. Aussi pour découvrir et redécouvrir des chanteurs du Nord, y compris mon camarade Pat’Bol. Barbeuq et tout et tout, jusqu’à plus soif ! C’est vrai qu’il y en a quelques-uns uns qui ont pris cela au pied de la lettre. A mon avis, ce n’a pas dû être facile, rentré chez eux, d’appuyer sur le bon bouton pour l’étage…

Mes gens, tu dois bien penser que si je parle de bouton, il y a une raison. Parce qu’ils auraient pu habiter en maison et pas de problème. Si, trouver le trou de la serrure quand même ! Je te rassure tout de suite, je n’ai pas l’envie d’ouvrir une mercerie non plus. Tu sais bien que moi, les boutons que je préfère, ce sont ceux qui me permettent de t’écrire ! Tu me diras, ça m’arrive aussi de ne pas appuyer sur le bon, mais là n’est pas la question du jour. J’aimerais revenir sur ce qui s’est passé à l’Assemblée Nationale et l’histoire que certains ont déjà nommée : L’affaire du bouton farceur ! On revient en bref sur les faits. Ca se raconte comme un film à suspense. Les députés doivent voter pour un amendement qui prévoit une taxe additionnelle de 10% sur le bénéfice des banques. Tu vois à quel point c’est très important, car tu peux faire rentrer des pépettes en plus, comme pour rire. Puisque, s’il y a bien des gens qui peuvent payer encore plus, sans mettre la clé sous la porte, c’est bien les banques…

Seulement, mon Nicolas et toute sa bande n’ont pas envie que l’amendement passe. Il doit certainement avoir peur que les banquiers prennent des représailles contre tous. Déjà qu’ils ne sont pas bien enclins à délivrer des prêts, alors qu’on leur a demandé de faire un effort. On plante à présent le décor dans cette salle. Quatre-vingt députés environ sont là pour voter. Et où sont-ils tous les autres ? Oui, mes gens, c’est aussi ce que je me suis demandé. Le pire, c’est que je n’ai pas de réponse à te donner. Qui sait, il y avait peut-être un concours de pêche organisé sur les bords de la Seine. La tension est à son comble. 84 votes, parce qu’il y en a qui sont mandatés pour deux voix. Ce qui veut dire qu’il y avait encore plus de monde à cette partie de pêche. Bref ! Les votes sont finis et l’amendement est adopté par 44 voix contre 40, contre vents et marées. Par vents et marées, tu peux traduire la colère de mon Nicolas quand il va apprendre le résultat…

C’est là qu’il y a un coup de Trafalgar. Un député UMP, Jean-François Lamour, dit que son doigt a ripé et qu’il s’est gouré de touche. Donc, si l’on suit une logique, ce score serait ramené à 43 contre 41. Il n’y a pas de quoi casser trois pattes à un canard. Les vents et les marées ne sont pas prêts de se calmer ! Sauf que mon Jean-François Lamour était mandaté  pour deux voix ! Eh oui, mes gens ! Ca fait donc du 42 à 42. Egalité partout ! Incroyable ! Cela aurait pu être le voisin de droite qui dérape du doigt ou son voisin de gauche, mais non ! C’est tombé sur lui ! Il est tombé sur le bouton farceur, celui qui change de place au moment précis où ton doigt se décide à appuyer ! Tu me croiras si tu veux, mes gens, mais les vents et les marées ont changé de sens aussitôt ! C’est vrai que la coïncidence est étrange pour ne pas dire bizarre…

Maintenant, quand on s’appelle Lamour, est-ce que cela n’engendre pas quelques étourderies ? C’est bien connu, l’amour, ça fait faire des bêtises. Donc, cela pourrait expliquer que son doigt n’a pas appuyé au bon endroit. A présent, on dit aussi que l’amour rend aveugle. Bah, voilà encore une bonne raison ! Si tu fermes les yeux, tu verras que c’est beaucoup plus compliqué de viser le bon endroit. A fortiori, la bonne touche ! D’autant que, je te le rappelle, tu es tombé sur un bouton farceur… C’est d’ailleurs pour cette raison que l’on a évoqué une erreur technique. Maintenant, à sa décharge, c’est bien possible que les boutons soient très petits et pas adaptés à la taille des doigts qui vont appuyer dessus. On ne va pas tarder à avoir le même problème avec mon David Douillet qui risque, en plus, de passer carrément à travers, s’il ne maîtrise pas sa force ou dans un moment d’exaltation !

Mes gens, apprête-toi à mettre la main à la poche encore une fois ! Bah, si ! On va devoir faire quelques transformations dans l’hémicycle. Moi, je serais d’avis à mettre deux gros buzzers devant eux qui pourraient taper même avec le point. Premièrement, ce serait vachement plus difficile de dire que ton doigt a ripé, vu la force qu’il faudrait pour valider. Deuxièmement, gros doigts ou petits doigts, tous pareils ! Bon, on saurait qui vote quoi, mais c’est déjà le cas pratiquement tout le temps. Ensuite, pour être sûr que tous les députés comprennent la manœuvre, on pourrait leur payer des séances   d’entraînement. Les coachs, c’est à la mode ! Puis, il ne faudrait pas chercher bien loin pour savoir qui est le spécialiste incontesté de l’appui sur une touche. Bah, oui ! On va faire appel à mon Nikos. Pour virer Lamour parce qu’il s’est gouré, tape un. Pour le garder encore un petit peu, parce que sa double voix peut encore servir, tape deux !