Chalut mes gins ! J’vais chertain’mint t’étonner à’ch’t’heure, mais j’arsins eune telle allégresse que je n’peux pon m’impêquer d’partager m’joie aveuc ti. Ch’est vrai, t’es un ami fidèle, alors ch’est normal. In dit tout à ches amis. Ch’qui n’va nin, mais auchi ch’qui va bin. Min cœur i est choulagé, aérien, gai com’ un pinchon. Je n’sais pon vraimint pourquo, mais ch’est pour partager ch’bionheur que gramint d’gins is simbent avoir d’pis mercr’di choir. In a passé un match d’barrache. Du cop, ch’t’imbianche générale alle est électrique. Te m’diras, quind in parl’te d’barrache, ch’est chouvint ch’cas. D’autant, pach’que j’sus loin d’ête eune experte, qu’i parôt qu’in l’a fait haut la main…

Alors, et ch’est cha qui va t’étonner, j’ai déchidé de t’parler d’ball ! Bah, ouais, mes gins ! Cha parôt tell’mint importint que je n’pouvos pon faire aut’mint. Prolongé, aveuc ti, ch’plaiji, ch’t’ivrèche collective, ch’te joie incomminchurape d’dir’te, pour n’pon dir’te hurler, qu’in a gagné ! Et che, même chi in n’a pon bougé sin cul d’sin fauteul, sauf pour aller querre des bières fraîques dins sin frigo… Quo ? J’ai oublié eune syllabe, j’ai frappé trop vit’ su m’planque à bioutons ?  Attends, j’m’arlis… Nin, nin, nin ! Quo qu’ch’est qu’te veux que j’mette d’vint ball : Hand, basket, foot, punching ? J’sais bin, mes gins, j’n’y connos rin in football, mais j’ai quind même quéques nochions d’basse. Pis, j’maîtrisse l’parlache de Chaque-Spire a little bit ! In français, cha veut dir’te pidballe.

Infin, ch’est ch’que j’avos toudis cru, jusqu’à ch’qu’in ching’te ches règues à l’dernière minute d’euch match. Puich’que cha ch’est paché à l’fin. Mi qui avos mis des années à essayer d’comprinde commint qu’cha march’te ! J’étos perchuadée, à tort, i simbe, que ches buts i d’votent ch’marquer aveuc ches pids. Infin, un pid, pach’que chi te tapes aveuc ches deusse in même timps, su ch’te balle, t’es à cop sûr’te cindidat à t’ramacher ch’cul par tierre ! Toudis i est que me v’là bin ! Min Thierry Henry i a révoluchionné ches règues et je n’sais pus chi j’dos t’parler de handball, puich’qu’i a mis ch’main su l’baballe. D’basketball, puich’qu’i a rintré ch’te baballe aveuc ch’main dins ch’qui arsimpe à un grind panier. D’football, même ch’i parôt qu’ch’étot quind même cha, l’but, infin fachon d’parler, d’euch match. Punching-ball, pach’que cha s’rot chertain’mint ch’sort qui aurot été réservé à mister gros sourcils, chi in n’avot pon connu l’bionheur d’chinger ches règues…

Ouais, mes gins, in n’aurot pon gagné un séjour in Afrique du Chud ! Bah, je n’savos pon qu’ch’étot un concours pour gagner un voyache. Chinon, te pinses bin, j’em s’ros inscrite auchi ! Nin, ch’est pour rir’te… J’sais bin qu’cha n’étot pon cha, mais pour ch’coupe d’euch monte in 2010. Te t’rinds compte, ti, chi in n’avot pon chingé ches règues, in aurot perdu. In étot quitte à d’minder à Roland Emmerich d’faire eune chuite à sin film 2012. Eune chuite qui ch’pach’te avint. Ch’est tout à fait pochipe, ravise ch’guerre d’ches étoiles ! Pach’que, pour l’peu, in aurot eu un cataclysme et ch’fin d’euch monte bin avint ch’te date prévue par ches Maya ! 2009. Alors que ch’crisse alle simbe ch’éloigner un peu partout, un pays, qui est toudis in train de ch’plainde, i vit ches dernières heures. Eune catastrophe nachionale alle va plonger ch’monte dins un chaos total. Te vois, com’ début d’film, cha l’fait ! A’ch’t’heure, in peut faire pus biblique et mychtique chi in rajoute à cha un truc ginre : L’main d’euch diape alle a frappé…

Infin, j’in rigole, mais chi in résum’te bin, ch’est dramatique. Hormis l’fait que cha tourn’te à n’importé quo, cha chous-intind qu’in légitime l’trich’rie, ni pus, ni moins. Et pourquo ? J’ai bin eune théorie. D’ailleurs, in est chertain’mint gramint à la partager, pach’que j’osse echpérer que tertous i n’est pon aveugle. Ch’est, bin intindu, eune histoire d’gros sous. Chi l’Irlande alle va in Afrique, cha va attirer moins d’gros annoncheurs, et donc moins d’pépettes, que pour l’France. Ch’qui arvient à dir’te qu’ches matches is sont truqués. In avot tertous d’viné que des « arring’mints » is d’votent exister d’pis longtimps ! Ichi, cha veut dir’te qu’in s’in muche même pus ! A croir’te que ches amateurs d’foot n’ontent aucune conscienche pour accepter d’gagner in trichant. Pir’te, in les prind tell’mint pour des babaches, qu’in ch’dit qu’is n’diront rin !

Mes gins, j’n’sais pon commint qu’in va bin pouvoir echpliquer à ches gamins qu’el triche, ch’est pon bin. A’ch’t’heure, l’FIFA alle ch’fait fi d’tout cha et alle n’veut pon faire arjuer ch’match. Ch’est vrai qu’i a été arbitré et donc, in n’est chupposé n’pon arv’nir su eune déchision d’arbite. L’moinde des cosses, cha s’rot, au moins, d’mette à l’écart ches rechponchapes, Henry, gros sourcils et ch’t’arbite qui n’a rin vu ou qui n’a pon voulu vir. In n’dira pon pour quelle raison ! In tout cas, ch’jeu d’mains qui n’est pon prévu dins ches règues, cha donn’te vraimint un jeu vilain…

Jeu de mains, jeu vilain…

Salut mes gens ! Je vais certainement t’étonner aujourd’hui, mais je ressens une telle allégresse que je ne peux pas m’empêcher de partager ma joie avec toi. C’est vrai, tu es un ami fidèle, alors c’est normal. On dit tout à ses amis. Ce qui ne va pas, mais aussi ce qui va bien. Mon cœur est soulagé, aérien, gai comme un pinson. Je ne sais pas vraiment pourquoi, mais c’est pour partager ce bonheur que beaucoup de gens semblent avoir depuis mercredi soir. On a passé un match de barrage. Du coup, l’ambiance générale est électrique. Tu me diras, quand on parle de barrage, c’est souvent le cas. D’autant, parce que je suis loin d’être une experte, qu’il paraît qu’on l’a fait haut la main…

Alors, et c’est cela qui va t’étonner, j’ai décidé de te parler de ball ! Bah, oui, mes gens ! Cela paraît tellement important que je ne pouvais pas faire autrement. Prolongé, avec toi, ce plaisir, cette ivresse collective, cette joie incommensurable de dire, pour ne pas dire hurler, que l’on a gagné ! Et ce, même si l’on n’a pas bougé le cul de son fauteuil, sauf pour aller chercher des bières fraîches dans le frigo… Quoi ? J’ai oublié une syllabe, j’ai frappé trop vite sur ma planche à boutons ?  Attends, je me relis… Non, non, non ! Que veux-tu que je mette devant ball : Hand, basket, foot, punching ? Je sais bien, mes gens, je n’y connais rien en football, mais j’ai quand même quelques notions de base. Puis, je maîtrise le langage de Chaque-Spire a little bit ! En français, cela veut dire piedballe.

Enfin, c’est ce que j’avais toujours cru, jusqu’à ce que l’on change les règles à la dernière minute du match. Puisque ça s’est passé à la fin. Moi qui avais mis des années à essayer de comprendre comment ça marche ! J’étais persuadée, à tort, semble-t-il, que les buts devaient se marquer avec les pieds. Enfin, un pied, parce que si tu tapes avec les deux en même temps, sur cette balle, tu es à coup sûr candidat à te ramasser le cul par terre ! Toujours est-il que me voilà bien ! Mon Thierry Henry a révolutionné les règles et je ne sais plus si je dois te parler de handball, puisqu’il a mis sa main sur la baballe. De basket-ball, puisqu’il a rentré cette baballe avec la main dans ce qui ressemble à un grand panier. De football, même s’il paraît que c’était quand même cela, le but, enfin façon de parler, du match. Punching-ball, parce que ce serait certainement le sort qui aurait été réservé à mister gros sourcils, si l’on n’avait pas connu le bonheur de changer les règles…

Oui, mes gens, on n’aurait pas gagné un séjour en Afrique du Sud ! Bah, je ne savais pas que c’était un concours pour gagner un voyage. Sinon, tu penses bien, je me serais inscrite aussi ! Non, c’est pour rire… Je sais bien que cela n’était pas ça, mais pour la coupe du monde en 2010. Tu te rends compte, toi, si on n’avait pas changé les règles, on aurait perdu. On était quitte à demander à Roland Emmerich de faire une suite à son film 2012. Une suite qui se passe avant. C’est tout à fait possible, regarde la guerre des étoiles ! Parce que, pour le peu, on aurait eu un cataclysme et la fin du monde bien avant cette date prévue par les Maya ! 2009. Alors que la crise semble s’éloigner un peu partout, un pays, qui est toujours en train de se plaindre, vit ses dernières heures. Une catastrophe nationale va plonger le monde dans un chaos total. Tu vois, comme début de film, ça le fait ! Maintenant, on peut faire plus biblique et mystique si on rajoute à cela un truc genre : La main du diable a frappé…

Enfin, j’en rigole, mais si l’on résume bien, c’est dramatique. Hormis le fait que cela tourne au n’importe quoi, cela sous-entend que l’on légitime la tricherie, ni plus, ni moins. Et pourquoi ? J’ai bien une théorie. D’ailleurs, on est certainement beaucoup à la partager, parce que j’ose espérer que tout le monde n’est pas aveugle. C’est, bien entendu, une histoire de gros sous. Si l’Irlande va en Afrique, cela va attirer moins de gros annonceurs, et donc moins de pépettes, que pour la France. Ce qui revient à dire que les matches sont truqués. On avait tous deviné que des « arrangements » devaient exister depuis longtemps ! Ici, cela veut dire que l’on s’en cache même plus ! A croire que les amateurs de foot n’ont aucune conscience pour accepter de gagner en trichant. Pire, on les prend tellement pour des bébêtes, que l’on se dit qu’ils ne diront rien !

Mes gens, je ne sais pas comment l’on va bien pouvoir expliquer aux gamins que la triche, ce n’est pas bien. Aujourd’hui, la FIFA se fait fi de tout cela et ne veut pas faire rejouer le match. C’est vrai qu’il a été arbitré et donc, on n’est supposé ne pas revenir sur une décision d’arbitre. La moindre des choses, ce serait, au moins, de mettre à l’écart les responsables, Henry, gros sourcils et l’arbitre qui n’a rien vu ou qui n’a pas voulu voir. On ne dira pas pour quelle raison ! En tout cas, ce jeu de mains qui n’est pas prévu dans les règles, cela donne vraiment un jeu vilain…