Chalut mes gins ! J’espèr’te que t’as paché un bion ouiquend ? Cha fait du bin d’pouvoir sortir chins ch’prinde eune drache carabinée chu ch’coin d’eul guiffe com’ à ch’quatorse juillet ! Tout cha, in l’dot à ch’t’anticyclone qui ch’est réveillé et qui arrête infin ches nuaches aveuc ches gros bras musclés. Heureuss’mint qu’in a quind même fait péter ches pétards dins chertaines villes, pach’qu’in n’étot parti pour du long, i a ch’sommel vaqu’mint lourd. Bah, ouais ! J’sais bin qu’ch’est pus compliqué qu’cha, mais cha fait un beau symbole et, d’toute fachon, ch’est ch’résultat qui compte ! Du cop, in ch’artreuve aveuc eune bielle imache d’carte postale, un peu com’ dins eune vielle canchon françaisse d’un chertain François Deguelt…

Quo ? Qui ch’est ch’ti-lal ? I n’est pon d’eut générachion ! Bah, d’eul mienne nin pus, mais j’connos mes clachiques ! T’as d’jà intindu parler d’Beethoven et cha n’veut pon dir’te que t’es d’euch générachion. Ichi, ch’es pareil ! I cantot : « Allongés chu ch’te plache, ches queveux dins ches zis. Et che nez dins che sape, in est bin tous ches deux (rêf’ pon, ch’est pon ti). Ch’est l’été, ches vacinches, ah min Diu quelle cinche ! I y a che ciel, che solel et ch’te mer… » Je n’vais pon aller jusqu’à ch’bout, pach’que pour qu’eum carte postale alle sot parfaite, min François i a juste oublié d’y ajuter eune île paradisiaque. Quo qu’te veux, tertous i n’a pon l’cinche d’ête ami aveuc mémé Liliane, chinon i y aurot pinsé, ch’braf’ François ! Bah ouais, mes gins, te voulos qu’eum saga à friqués alle continue cor’ un peu, i n’y a qu’à d’minder ! Ch’est vrai qu’in comminchot à ch’sintir étriqués dins ch’tiot hôtel particulier d’Neuilly, d’autint qu’in n’peut jamais ête trinquille, puich’que cha n’arrête pon d’défiler. Infin, in t’dit qu’ch’est grind défilé et après in t’dit l’inverche. D’toute fachon, cha n’arrête pon d’canger. Te m’diras, cha ne f’rot pon eune bionne saga chinon.

Ch’te nouviel épisote i comminche par eune série d’gardes à vue dont ches intervenints is sontent d’jà connus. A forche, is devienn’tent des familiers. I simblerot que l’inquête alle ch’arcintre chu ch’te fraude fiscale. A m’mote, ch’procureur i n’arriv’te pus à suif’ ches mouvemints d’inveloppes. Chi cha continue, i va d’voir acater eune trieusse à courrier ! D’autint que ch’ti-chi i est eune vraie tiête d’mule et qu’i n’veut toudis pon laicher d’autes ch’in occuper. I va falloir qu’i révis’te sin schénario pach’que, com’ in sait qu’ch’est un ami à min Nicolas, cha va finir par jaser ! Infin, cha f’ra l’objet d’un aute épisote à n’in pon douter. Ichi tout i est concintré chu eune île mystérieusse à ch’doux nom d’Arros. I n’in fallot pon pus pour faire haro chu ch’ti qui ch’in occupe, Carlos Cassona Vejarano, qui vient d’faire sin intrée dins ch’saga. In l’croirot débarquer d’eune île déserte mais, in fait, ch’est un Robinson Crusoé d’ches timps modern’tes. Cha n’est pon vraimint des cabanes in bos qu’i a fait construir’te là-bas. D’ailleurs, sin avinture alle me rappell’te étring’mint ch’meilleu job qui a fait ch’buzz, i y a un in. A part qu’li, cha n’étot pon limité à chix mos, puich’que cha fait trinte-chinq ins qu’i ch’in occupe. A l’époque, ch’t’île alle appartenot à ch’neveu d’euch Shah d’Iran.

Quind in 1995 mémé Liliane et papy André is ontent visité ch’t’île, is in sontent qués raides dingues. Te sais, acater eune île, ch’est parel pour eusses que ti quind te vas dins tin supermarché et que t’acates eune boutelle d’apéro. Ch’est ch’qu’in appell’te un achat impulsif ! Bah ouais, t’auros querre auchi à pouvoir acater eune île com’ cha, mais is ontent fait eune bionne affaire. Cha d’vot ête ch’périote d’ches soldes ! Alle n’a coûté que 18 millions d’dollars. Pour un tiot coin d’paradis à ch’mitan d’eul grinte bleue, avoue qu’ch’est très raisonnape ! Infin, à cha te peux ajuter autint in travaux, voire pus, pach’que mémé Liliane alle a voulu arfaire toute l’déco. Bah nin, pon seul’mint ches tapisseries. Tout ! T’es babache ! 18 millions d’rouleaux, te rinds compte, ti, même ches Casto i n’ont pon che stock dispo ! Bref. Te connos mémé Liliane et sin grind cœur. Ch’premier truc qu’alle a d’mindé i est qu’in construise un villache complet pour ches 150 ouvriers is soy’tent correct’mint logés.

In même timps, chu eune île, cha n’étot pon fachile d’leu d’minder d’rintrer à leux baraques tous ches jours. Aveuc ch’timps d’trajet is serotent venus un jour chu deux et ches travaux is n’aurotent pon avinché. Pis, i n’y a même pon d’métro ni de RER. L’seu moyen d’y arriver vit’, ch’est d’prinde un coucou, mais cha fait quind même eune heure d’vol d’pis ch’pus grinte île des Seychelles. Je n’voudros rin dir’te, mais à raison 150 atterrissaches et décollaches par jour, chins tour d’contrôle, cha n’étot pon gagné ! Bah ouais, t’as raison, is aurotent pu organiser du co-avionnache ! Infin, ch’problème i arvenot à ch’même, tous ches avions, même trinte chi te veux, is s’rotent arrivés in même timps. J’te rappell’te que ch’est eune tiote île et cha m’étonnerot que mémé Liliane alle ait eu querre à faire un Roissy bis chu sin havre d’paix.

Te vos, ch’est chouvint com’ cha quind te qués bleu d’un tiot coin d’paradis. Te vos ches avintaches, mais pon ches inconvénients. Parel pour ch’te mer. Ch’est bin bieau d’acater eune île, mais quind te veux aller prinde un bain, i faut in faire des mètes. Alors, te t’fais construir’te eune grinte pischine à côté d’eut baraque. Te vos, cor’ des frais in pus ! Par conte, au moins, ch’est prope. Te sais quo qu’i dit Renaud, ch’mer ch’est dégueulasse ches pichons is fontent crac-crac d’dins. Toudis i est qu’aveuc tous ches souchis alle simbe avoir oublié d’invoyer sin ticket d’caisse à ches impôts ! Alors, te m’diras, quo qu’alle a d’chi mystérieusse ch’t’île ? Ch’qui a interpellé ch’t’administrachion fiscale, ch’est qu’alle n’in a jamais intindu parler, puisqu’alle n’a pas archu ch’ticket d’caisse. Pis, ch’est un vrai sac d’nœuds pach’que même Carlos i n’sait pon vraimint pour qui i travalle. In n’sait pon vraimint à qui alle appartient, mis à part qu’euch propriétaire i est eune sochiété qui alle-même appartient à eune fondachion. Tout cha i part du Liechtenstein, ch’qui peut tout d’chuite faire pinser à eune fraude. Quind in pus, te sais qu’ches seux touristes qui y vontent quate fos par in is sontent mémé Liliane et feu sin mari, inutile d’eut dir’te que ch’t’administrachion alle ravise cha d’un drôl’te d’oeul.

D’autint que, pour compliquer ches cosses, com’ chi cha n’l’étot pon assez, mémé Liliane a tellement fait d’cadieaux à sin ami photographe qu’in peut che d’minder chi cha n’est pon li ch’propriétaire par l’intermédiaire d’eul fondachion. Toudis grâche à l’grinte générosité d’mémé Liliane, Carlos i a dû auchi ch’espliquer chu eune somme d’deux millions d’euros qu’i a archu in cadieau. Bah, ch’est nin d’euch faute, i voulot qu’mémé Liliane alle ch’porte cauchion pach’qu’i avot b’soin d’acater eune baraque et alle, alle n’a pon voulu li prêter. Bah, nin, cha n’est pon eune vilaine, mes gins, puich’qu’alle préfèrot li donner ! Avoue qu’in pourrot croir’te, vu d’ichi, à eune inveloppe d’pus ! Très grosse cheule-lal ! Pourquo ? Cha m’parôt évidint, cha m’étonnerot vraimint qu’i n’sot au courint d’rin, d’autint qu’eul premier truc qu’i a dit ch’est qu’i n’avot jamais vu d’politiques chu l’île. Bion, ch’est vrai qu’cha fait gramint pus loin pour aller querre eune inveloppe. Neuf heures d’jet privé, eune heure dins un coucou. Mi, cha n’eum déringerot pon pour aller querre min diminche. Infin, quind j’dis min diminche, ch’est toute ch’te s’maine et même ches autes à vénir !

Bion, cor’ un épisote qui multiplie ches personnaches mais qui n’résout pon gramint ch’t’intrigue. Tout ch’qu’in peut in conclur’te i est qu’in ch’éloign’te d’chertains personnaches qui simbl’tent avoir disparu d’euch générique com’ par incant’mint. Ch’est vraimint un sac d’nœuds et churtout, un puits chins fond. Ches millions is sortent à l’pelle, pir’te que ches feulles mortes. Ch’est vraimint eune produc’chion à grind budget ! In tout cas, à’ch’t’heure, in a treuvé eune île… Bah quo ? Dins ch’cas d’ù qu’in aurot chertaines personne à exiler, in sait d’jà d’ù qu’in peut les stocker ! Pis, ch’est miux qu’Cayenne, ch’est tout confort !

Entre ciel et mer

Salut mes gens ! J’espère que tu as passé un bon week-end ? Ca fait du bien de pouvoir sortir sans se prendre une averse carabinée sur le coin de la gueule comme au quatorze juillet ! Tout cela, on le doit à l’anticyclone qui s’est réveillé et qui arrête enfin les nuages avec ses gros bras musclés. Heureusement que l’on a quand même fait péter les pétards dans certaines villes, parce que l’on n’était parti pour du long, il a le sommeil vachement lourd. Bah, oui ! Je sais bien que c’est plus compliqué que cela, mais cela fait un beau symbole et, de toute façon, c’est le résultat qui compte ! Du coup, on se retrouve avec une belle image de carte postale, un peu comme dans une vieille chanson française d’un certain François Deguelt…

Quoi ? Qui c’est celui-là ? Il n’est pas de ta génération ! Bah, de la mienne non plus, mais je connais mes classiques ! Tu as déjà entendu parler de Beethoven et cela ne veut pas dire que tu es de sa génération. Ici, c’est pareil ! Il chantait : « Allongés sur la plage, les cheveux dans les yeux. Et le nez dans le sable, on est bien tous les deux (rêve pas, ce n’est pas toi). C’est l’été, les vacances, ah mon Dieu quelle chance ! Il y a le ciel, le soleil et la mer… » Je ne vais pas aller jusqu’au bout, parce que pour que ma carte postale soit parfaite, mon François a juste oublié d’y ajouter une île paradisiaque. Que veux-tu, tout le monde n’a pas la chance d’être ami avec mémé Liliane, sinon il y aurait pensé, ce brave François ! Bah oui, mes gens, tu voulais que ma saga à friqués continue encore un peu, il n’y a qu’à demander ! C’est vrai que l’on commençait à se sentir étriqués dans ce petit hôtel particulier de Neuilly, d’autant que l’on ne peut jamais être tranquille, puisque cela n’arrête pas de défiler. Enfin, on te dit que c’est grand défilé et après on te dit l’inverse. De toute façon, cela n’arrête pas de changer. Tu me diras, cela ne ferait pas une bonne saga sinon.

Ce nouvel épisode commence par une série de gardes à vue dont les intervenants sont déjà connus. A force, ils deviennent des familiers. Il semblerait que l’enquête se recentre sur la fraude fiscale. A mon avis, le procureur n’arrive plus à suivre les mouvements d’enveloppes. Si ça continue, il va devoir acheter une trieuse à courrier ! D’autant que celui-ci est une vraie tête de mule et qu’il ne veut toujours pas laisser d’autres s’en occuper. Il va falloir qu’il révise son scénario parce que, comme on sait que c’est un ami de mon Nicolas, cela va finir par jaser ! Enfin, cela fera l’objet d’un autre épisode à n’en pas douter. Ici tout est concentré sur une île mystérieuse au doux nom d’Arros. Il n’en fallait pas plus pour faire haro sur celui qui s’en occupe, Carlos Cassona Vejarano, qui vient de faire son entrée dans la saga. On le croirait débarquer d’une île déserte mais, en fait, c’est un Robinson Crusoé des temps modernes. Ce n’est pas vraiment des cabanes en bois qu’il a fait construire là-bas. D’ailleurs, son aventure me rappelle étrangement le meilleur job qui a fait le buzz, il y a un an. A part que lui, ce n’était pas limité à six mois, puisque cela fait trente-cinq ans qu’il s’en occupe. A l’époque, l’île appartenait au neveu du Shah d’Iran.

Quand en 1995 mémé Liliane et papy André ont visité l’île, ils en sont tombés raides dingues. Tu sais, acheter une île, c’est pareil pour eux que toi quand tu vas dans ton supermarché et que tu achètes une bouteille d’apéro. C’est ce que l’on appelle un achat impulsif ! Bah oui, tu aimerais aussi pouvoir acheter une île comme cela, mais ils ont fait une bonne affaire. Cela devait être la période des soldes ! Elle n’a coûté que 18 millions de dollars. Pour un petit coin de paradis au milieu de la grande bleue, avoue que c’est très raisonnable ! Enfin, à cela tu peux ajouter autant en travaux, voire plus, parce que mémé Liliane a voulu refaire toute la déco. Bah non, pas seulement les tapisseries. Tout ! Tu es nigaud ! 18 millions de rouleaux, tu rends compte, toi, même les Casto n’ont pas ce stock dispo ! Bref. Tu connais mémé Liliane et son grand cœur. Le premier truc qu’elle a demandé est que l’on construise un village complet pour les 150 ouvriers soient correctement logés.

En même temps, sur une île, ce n’était pas facile de leur demander de rentrer à leurs baraques tous les jours. Avec le temps de trajet ils seraient venus un jour sur deux et les travaux n’auraient pas avancé. Puis, il n’y a même pas de métro ni de RER. Le seul moyen d’y arriver vite, c’est de prendre un coucou, mais cela fait quand même une heure de vol depuis la plus grande île des Seychelles. Je ne voudrais rien dire, mais à raison 150 atterrissages et décollages par jour, sans tour de contrôle, ce n’était pas gagné ! Bah oui, tu as raison, ils auraient pu organiser du co-avionnage ! Enfin, le problème revenait au même, tous les avions, même trente si tu veux, seraient arrivés en même temps. Je te rappelle que c’est une petite île et cela m’étonnerait que mémé Liliane ait aimé faire un Roissy bis sur son havre de paix. 

Tu vois, c’est souvent comme cela quand tu tombes amoureux d’un petit coin de paradis. Tu vois les avantages, mais pas les inconvénients. Pareil pour la mer. C’est bien beau d’acheter une île, mais quand tu veux aller prendre un bain, il faut en faire des mètres. Alors, tu te fais construire une grande piscine à côté de ta baraque. Tu vois, encore des frais en plus ! Par contre, au moins, c’est propre. Tu sais ce que dit Renaud, la mer c’est dégueulasse les poissons font crac-crac dedans. Toujours est-il qu’avec tous ces soucis elle semble avoir oublié d’envoyer son ticket de caisse aux impôts ! Alors, tu me diras, qu’a-t-elle de si mystérieuse cette île ? Ce qui a interpellé l’administration fiscale, c’est qu’elle n’en a jamais entendu parler, puisqu’elle n’a pas reçu le ticket de caisse. Puis, c’est un vrai sac de nœuds parce que même Carlos ne sait pas vraiment pour qui il travaille. On ne sait pas vraiment à qui elle appartient, mis à part que le propriétaire est une société qui elle-même appartient à une fondation. Tout cela part du Liechtenstein, ce qui peut tout de suite faire penser à une fraude. Quand en plus, tu sais que les seuls touristes qui y vont quatre fois par an sont mémé Liliane et feu son mari, inutile de te dire que l’administration regarde cela d’un drôle d’œil.

D’autant que, pour compliquer les choses, comme si cela ne l’était pas assez, mémé Liliane a tellement fait de cadeaux à son ami photographe que l’on peut se demander si cela n’est pas lui le propriétaire par l’intermédiaire de la fondation. Toujours grâce à la grande générosité de mémé Liliane, Carlos a dû aussi s’expliquer sur une somme de deux millions d’euros qu’il a reçu en cadeau. Bah, ce n’est pas de sa faute, il voulait que mémé Liliane se porte caution parce qu’il avait besoin d’acheter une baraque et elle, elle n’a pas voulu lui prêter. Bah, non, ce n’est pas une vilaine, mes gens, puisqu’elle préférait lui donner ! Avoue que l’on pourrait croire, vu d’ici, à une enveloppe de plus ! Très grosse celle-là ! Pourquoi ? Cela me paraît évident, cela m’étonnerait vraiment qu’il ne soit au courant de rien, d’autant que le premier truc qu’il a dit c’est qu’il n’avait jamais vu de politiques sur l’île. Bon, c’est vrai que cela fait beaucoup plus loin pour aller chercher une enveloppe. Neuf heures de jet privé, une heure dans un coucou. Moi, cela ne me dérangerait pas pour aller chercher mon dimanche. Enfin, quand je dis mon dimanche, c’est toute la semaine et même les autres à venir !

Bon, encore un épisode qui multiplie les personnages mais qui ne résout pas beaucoup l’intrigue. Tout ce que l’on peut en conclure est que l’on s’éloigne de certains personnages qui semblent avoir disparu du générique comme par enchantement. C’est vraiment un sac de nœuds et surtout, un puits sans fond. Ces millions sortent à la pelle, pire que les feuilles mortes. C’est vraiment une production à grand budget ! En tout cas, maintenant, on a trouvé une île… Bah quoi ? Au cas où l’on aurait certaines personne à exiler, on sait déjà où l’on peut les stocker ! Puis, c’est mieux que Cayenne, c’est tout confort !