Chalut mes gins ! Cha va bin ? Forchémint, in arcomminche à intinde ches ojieaux canter, alors cha fait du bin. Hier, j’sus pachée Grind Place à Lille, ches bords d’el fontaine is étotent d’jà trinsformés in banc d’bronzache. Ch’est vrai qu’i f’sot gramint bion pour faire eune tiote pausse et ch’archarger ches batteries. Chins crier trop vit, in vot infin ch’fin d’l’hiver, i étot timps ! Par conte, in n’vot pon arriver l’fin d’ches conneries, ch’est l’moins qu’in puiche dire. Ch’est ches quate saisons com’ ches pizzas ! Même chi, parfos, i y in a gramint dont in ch’pacherot bin, ch’est quind même cool d’pouvoir rigoler un bion cop et ch’est pon mi qui vais commincher à faire des excusses pour les tourner in dérision…

Just’mint, à propos d’excusses, je n’sais pon chi t’as intindu parler de ch’qui fait un buzz chu Internet. Un chite i proposse d’faire des excusses à ches élèfes. Te dos chertain’mint t’chouv’nir, i y a quéque mos, d’un qui proposot d’faire ches d’voirs à leu plache, moyennant eune somme ou un forfait mensuel. In sait tertous ch’tollé qu’cha avot créé à ch’t’époque. Ichi l’argumint i est l’chuivint :  « T’réuchite scolaire pache auchi par nos excusses ! Chez Xkiouze.com in comprind qu’t’as parfos miux à faire que d’faire tes d’voirs. Ch’est pourquo in met à t’disposichion tout un panel d’excusses et d’alibis inattaquapes à donner à tes profs et qui t’permettront d’profiter plein’mint de l’vie. D’pus t’éviteros un « zéro » et ainchi t’moyenne alle ne baissera pon. » Ch’est pon fini, ches premiers inscrits aurontent des excusses gratuites. Chinon, chi te n’sais pon combien cha peut coûter eune excusse, ch’est 7,90€. Chi te prinds ch’forfait no stress, 19,90 pour ches tros et chi t’utilises des excusses à l’pelle, ch’est prévu aveuc ch’forfait always cool à 34,90 ches chix !

L’premier truc qui m’est v’nu à l’echprit ch’est : Vingt dius ! D’pis l’timps que j’donn’te des excusses, j’ai fait gramint d’économies ! N’dis pon qu’in lisant ch’tarif, te n’as pon pinsé à l’même cosse ! 7,90 pour ch’fos d’ù qu’tin rével i n’a pon sonné. 7,90 pour ch’fos d’ù qu’tin lit i t’a pris in otache, in augmintant ch’poids d’el couette à tel point qu’te n’arrivos pon à t’libérer. 7,90 pour toutes ches fos d’ù qu’mémé alle est pachée chous un bus. Lal, cha d’vrot ête gramint pus quer, pach’que ch’est vraimint pousser mémé dins ches piquots que d’la faire pacher chous un bus ! Pauf’ mémé ! Te li as fait ch’fiête combin d’fos ? In attindint, n’oublie pon diminche. Lal, ch’est l’bion momint pour la li faire ! 7,90 pour toutes ches fos d’ù qu’t’as fait croir’te que ch’étot ch’train qui n’étot pon à l’heure. In même timps, in y réfléchissint bin, alle d’vrot ête gratuite cheule-lal. Infin, bref ! Pour ches femmes, ch’pack always cool à 34,90 aveuc chix excusses :  Chéri, j’ai mau à m’tiête… Et pour ches hommes, ch’même pack pour : Je n’t’avos pon intindu, chérie ! Tout cha, pach’que dins ch’formulachion d’el d’minde, i y a eu des miots com’ vaichelle, poubelle, par eximpe, qui activ’tent eune réac’chion chimique dins l’cervelle qui bouch’te instantanémint ch’canal auditif !

Bah, te sais ch’qu’in dit, ches excusses alles sont faites pour ch’in servir. J’ai cangé d’avis auchitôt in m’disant qu’cha n’étot pon eune excusse, toudis gratuite cheule-lal, pour in abuser à mauviais escient ! Bref, com’ ch’est un chite qui ch’adrèche à ches jonnes, in peut ch’douter qu’i n’va pon minquer d’cindidats pour ch’inscrir’te. Même chi in peut bin che d’minder ch’qu’is vontent proposer d’pus que ches gamins is n’aurotent pon d’jà invinté. I y a quind même un truc qui n’va pon, excusse-me, mes gins, mais i n’y a pon l’moinde moralité lad’dins ! Bah, ouais et nin ! Ch’est chins compter chu des journalistes qui vontent ch’dir’te, in n’va pon ch’faire avoir, in va raviser cha d’pus près…

Chi chu Internet, i est fachile d’faire croir’te n’importé quo. Com’ ches tiotes annonches d’ù quéqu’un goalé com’ un spart i peut donner l’illusion qu’i a un corps d’athlète ! J’in vos gramint qui sont in train de ch’mucher derrière leu écran. Te peux arsortir, in n’a pon l’imache, te n’as pon mis t’web-cam ! Ch’est auchi fachile d’armonter vit’ fait vers eune source et ch’est ch’que ches journalistes is ontent fait. Premièr’mint, ches tros fondateurs n’existent pon chu ch’Net. Cha, ch’est un premier indiche. Faire d’l’Internet chins y ête… D’autint que, just’mint, ch’ti qui est in charge d’el communicachion d’euch projet, chitot un nom connu pour un aute chite, qui avot auchi fait parler d’li. Ch’ti d’ù qu’ches élèfes is pouvotent noter ches profs. In ch’souvient auchi de ch’que cha avot donné.

In fouillant cor’ pus, is ontent découvert que ch’nom d’domaine xkiouse.com i appartenot à eune sochiété belge, Kinost, qui fait du soutien scolaire et dont l’dichcours i est gramint confus. D’abord is dis’tent qu’is n’ontent rin à vir lad’dins. In même timps, i faudra qu’in m’esplique commint qu’in peut acater un nom d’domaine et dir’te qu’i n’est pon à ti. Inchuite, l’son d’cloche i d’vient différint pour l’directriche in France de ch’te sochiété. Alle dit qu’el but étot attiré l’attinchion chu l’usache d’Internet pour ches jonnes et démontrer qu’i faut ch’méfier d’chertaines cosses ! Ouais, ouais, ouais… Te parl’tes !  T’as voulu faire l’malin in créant un buzz, mais te t’y es pris com’ un manque ! Tin buzz, ch’est un bide et te sors ches excusses à deux balles ! Comparé à ch’prix qu’te proposes, te fais eune méga bionne affaire !

In attindint, is ontent récolté gramint d’adrèches pour faire leu business, pach’qu’i est inutile d’dir’te qu’i y in a gramint qui ontent couru tiête baissée ch’inscrir’te. In n’sait jamais, à’ch’t’heure, pon b’soin, mais d’main ? Ch’est pon pach’qu’alle ch’est sintie obligée d’rajouter qu’is f’rontent jamais cha in vrai, qu’ches gamins is n’y ontent pon cru. Chi ches journalistes is n’avotent pon mis ches pids dins ch’plat, i étot prévu d’dévoiler ch’piot aux rosses dins dousse jours. D’ailleurs, cha fait gramint peur d’vir qu’in peut faire croir’te tout et n’importé quo auchi fachil’mint…

Mes gins, excusse-me, ouais cor’, mais j’dos t’quitter. J’viens d’vir un truc tell’mint génial’te ! J’sus quée chu un chite d’ù qu’te peux acater un don. J’m’esplique. Chi t’as invie d’ête musichien, par eximpe, alors qu’t’as toudis été près d’euch radiateur quind t’étos à ch’t’école, i y a eune soluchion toute prête. Te rintes tes seisse chiffes de t’carte bleue et, churtout, te mets ch’volume d’tes haut-parleurs à fond. Après, cha moulin’te quéques s’condes et eune musique alle arrif’. Te fermes ches zis, et hop, ch’est ti Mozart, alors qu’jusqu’à présint, t’avos intindu parler d’clé d’dousse, mais jamais d’sol. Que pour ti, la mi do ré, ch’étot eune inseigne d’boulingerie. Attinds, j’réoufre ches zis. Tiens, j’ai un nombe à tros chiffes chu ch’t’écran. 990 €, ah, ouais, quind même ! In même timps, cha s’ra gramint vit’ rintabilisé intre ch’vinte d’ches cédés et d’ches plaches d’conchert.

Ah, mais ch’est bin, cha ! Attinds, mes gins, j’vais faire cauffer ch’carte bleue ! J’vais apprinde ch’football in deux clics. Com’ cha, j’auros l’air moins babache quind je s’rai aveuc min ami Yoann Lemaire. Te sais ch’footballeur à qui in a fait des misères pach’qu’i a dit à tertous qu’i étot homo. I in a fait un lif’, d’ailleurs (ichi). L’prochaine fos qu’i vient à m’baraque et qu’i me d’minde un ballon, cha m’évitera d’li sortir un verre à vin et d’pacher pour eune gourde ! Même chi intre un verre et eune gourde, in peut vir un rapport évidint. Ch’est pon l’seu gaffe que j’ai faite, d’ailleurs, pach’que lorch’qu’i m’a parlé d’but, j’n’ai rin treuvé d’miux à dir’te que j’préféros ikéa ! Ouais, j’in sus pon fière après cop, te sais… Bref. Ch’est moins quer, i y a eune offre à 399 € pour ches files aveuc, inclus, un ouiquen aveuc Zizou et ch’i est pris aveuc Thierry Henry. Hé ! J’n’y connos rin in foot, mais j’connos ches mecs. J’peux t’dir’te qu’ch’est eune bionne affaire, miux qu’aveuc ch’ti qui a des gros sourcils…

Bion, cha m’fait deux dons d’acquis, in quéques clics. Ress’ pus qu’à vir chi in n’treuve pon eune formule pour avoir ches numéros gagnants d’euch loto. Cha pourrot ête utile. Quo ? T’as vraimint l’imprèchion que j’te prinds pour un babache ? Ah, flûte, zut, caca boudin ! J’espèr’te que ches gins d’xkiouze.com is ontent prévu eune excusse que j’pourros d’servir, j’n’ai pon cor’ ringé m’carte bleue…

Internet, la boîte à miracle !

Salut mes gens ! Ca va bien ? Forcément, on recommence à entendre les oiseaux chanter, alors cela fait du bien. Hier, je suis passée Grand Place à Lille, les bords de la fontaine étaient déjà transformés en banc de bronzage. C’est vrai qu’il faisait bien bon pour faire une petite pause et se recharger les batteries. Sans crier trop vite, on voit enfin la fin de l’hiver, il était temps ! Par contre, on ne voit pas arriver la fin des conneries, c’est le moins que l’on puisse dire. C’est les quatre saisons comme les pizzas ! Même si, parfois, il y en a beaucoup dont on se passerait bien, c’est quand même cool de pouvoir rigoler un bon coup et ce n’est pas moi qui vais commencer à faire des excuses pour les tourner en dérision…

Justement, à propos d’excuses, je ne sais pas si tu as entendu parler de ce qui fait un buzz sur Internet. Un site propose de faire des excuses aux élèves. Tu dois certainement te souvenir, il y a quelques mois, d’un qui proposait de faire les devoirs à leur place, moyennant une somme ou un forfait mensuel. On sait tous le tollé que cela avait créé à l’époque. Ici l’argument est le suivant :  « Ta réussite scolaire passe aussi par nos excuses ! Chez Xkiouze.com on comprend que tu as parfois mieux à faire que de faire tes devoirs. C’est pourquoi on met à ta disposition tout un panel d’excuses et d’alibis inattaquables à donner à tes profs et qui te permettront de profiter pleinement de la vie. De plus tu éviterais un « zéro » et ainsi ta moyenne ne baissera pas. » Ce n’est pas fini, les premiers inscrits auront des excuses gratuites. Sinon, si tu ne sais pas combien cela peut coûter une excuse, c’est 7,90€. Si tu prends le forfait no stress, 19,90 pour les trois et si tu utilises des excuses à la pelle, c’est prévu avec le forfait always cool à 34,90 les six !

Le premier truc qui m’est venu à l’esprit c’est : Bon sang ! Depuis le temps que je donne des excuses, j’ai fait beaucoup d’économies ! Ne dis pas qu’en lisant le tarif, tu n’as pas pensé à la même chose ! 7,90 pour la fois où ton réveil n’a pas sonné. 7,90 pour la fois où ton lit t’a pris en otage, en augmentant le poids de la couette à tel point que tu n’arrivais pas à te libérer. 7,90 pour toutes les fois où mémé est passée sous un bus. Là, cela devrait être bien plus cher, parce que c’est vraiment pousser mémé dans les orties que de la faire passer sous un bus ! Pauvre mémé ! Tu lui as fait sa fête combien de fois ? En attendant, n’oublie pas dimanche. Là, c’est le bon moment pour la lui faire ! 7,90 pour toutes les fois où tu as fait croire que c’était le train qui n’était pas à l’heure. En même temps, en y réfléchissant bien, elle devrait être gratuite celle-là. Enfin, bref ! Pour les femmes, le pack always cool à 34,90 avec six excuses :  Chéri, j’ai mal à la tête… Et pour les hommes, le même pack pour : Je ne t’avais pas entendu, chérie ! Tout cela, parce que dans la formulation de la demande, il y a eu des mots comme vaisselle, poubelle, par exemple, qui activent une réaction chimique dans la cervelle qui bouche instantanément le canal auditif !

Bah, tu sais ce que l’on dit, les excuses sont faites pour s’en servir. J’ai changé d’avis aussitôt en me disant que ce n’était pas une excuse, toujours gratuite celle-là, pour en abuser à mauvais escient ! Bref, comme c’est un site qui s’adresse aux jeunes, on peut se douter qu’il ne va pas manquer de candidats pour s’inscrire. Même si l’on peut bien se demander ce qu’ils vont proposer de plus que les gamins n’auraient pas déjà inventé. Il y a quand même un truc qui ne va pas, excuse-moi, mes gens, mais il n’y a pas la moindre moralité là-dedans ! Bah, oui et non ! C’est sans compter sur des journalistes qui vont se dire, on ne va pas se faire avoir, on va regarder cela de plus près…

Si sur Internet, il est facile de faire croire n’importe quoi. Comme les petites annonces où quelqu’un goalé comme un spart peut donner l’illusion qu’il a un corps d’athlète ! J’en vois beaucoup qui sont en train de se cacher derrière leur écran. Tu peux ressortir, on n’a pas l’image, tu n’as pas mis ta web-cam ! C’est aussi facile de remonter vite fait vers une source et c’est ce que ces journalistes ont fait. Premièrement, les trois fondateurs n’existent pas sur le Net. Ca, c’est un premier indice. Faire de l’Internet sans y être… D’autant que, justement, celui qui est en charge de la communication du projet, citait un nom connu pour un autre site, qui avait aussi fait parler de lui. Celui dont les élèves pouvaient noter les profs. On se souvient aussi de ce que cela avait donné.

En fouillant encore plus, ils ont découvert que le nom de domaine xkiouse.com appartenait à une société belge, Kinost, qui fait du soutien scolaire et dont le discours est très confus. D’abord ils disent qu’ils n’ont rien à voir là dedans. En même temps, il faudra que l’on m’explique comment on peut acheter un nom de domaine et dire qu’il n’est pas à toi. Ensuite, le son de cloche devient différent pour la directrice en France de cette société. Elle dit que le but était attiré l’attention sur l’usage d’Internet pour les jeunes et démontrer qu’il faut se méfier de certaines choses ! Ouais, ouais, ouais… Tu parles !  Tu as voulu faire le malin en créant un buzz, mais tu t’y es pris comme un manche ! Ton buzz, c’est un bide et tu sors les excuses à deux balles ! Comparé au prix que tu proposes, tu fais une méga bonne affaire !

En attendant, ils ont récolté beaucoup d’adresses pour faire leur business, parce qu’il est inutile de dire qu’il y en a beaucoup qui ont couru tête baissée s’inscrire. On ne sait jamais, aujourd’hui, pas besoin, mais demain ? Ce n’est pas parce qu’elle s’est sentie obligée de rajouter qu’ils feraient jamais cela en vrai, que les gamins n’y ont pas cru. Si les journalistes n’avaient pas mis les pieds dans le plat, il était prévu de dévoiler le pot aux roses dans douze jours. D’ailleurs, cela fait très peur de voir que l’on peut faire croire tout et n’importe quoi aussi facilement…

Mes gens, excuse-moi, oui encore, mais je dois te quitter. Je viens de voir un truc tellement génial ! Je suis tombée sur un site où tu peux acheter un don. Je m’explique. Si tu as envie d’être musicien, par exemple, alors que tu as toujours été près du radiateur quand tu étais à l’école, il y a une solution toute prête. Tu rentres tes seize chiffres de ta carte bleue et, surtout, tu mets le volume de tes haut-parleurs à fond. Après, ça mouline quelques secondes et une musique arrive. Tu fermes les yeux, et hop, c’est toi Mozart, alors que jusqu’à présent, tu avais entendu parler de clé de douze, mais jamais de sol. Que pour toi, la mi do ré, c’était une enseigne de boulangerie. Attends, je réouvre les yeux. Tiens, j’ai un nombre à trois chiffres sur l’écran. 990 €, ah, ouais, quand même ! En même temps, cela sera très vite rentabilisé entre la vente des cédés et des places de concert.

Ah, mais c’est bien, ça ! Attends, mes gens, je vais faire chauffer la carte bleue ! Je vais apprendre le football en deux clics. Comme cela, j’aurais l’air moins nunuche quand je serai avec mon ami Yoann Lemaire. Tu sais le footballeur à qui l’on a fait des misères parce qu’il a dit à tout le monde qu’il était homo. Il en a fait un livre, d’ailleurs (ici). La prochaine fois qu’il vient à la maison et qu’il me demande un ballon, cela m’évitera de lui sortir un verre à vin et de passer pour une gourde ! Même si entre un verre et une gourde, on peut voir un rapport évident. Ce n’est pas la seule gaffe que j’ai faite, d’ailleurs, parce que lorsqu’il m’a parlé de but, je n’ai rien trouvé de mieux à dire que je préférais ikéa ! Je n’en suis pas fière après coup, tu sais… Bref. C’est moins cher, il y a une offre découverte à 399 € pour les filles avec, inclus, un week-end avec Zizou et s’il est pris avec Thierry Henry. Hé ! Je n’y connais rien en foot, mais je connais les mecs. Je peux te dire que c’est une bonne affaire, mieux qu’avec celui qui a des gros sourcils…

Bon, cela me fait deux dons d’acquis, en quelques clics. Reste plus qu’à voir si l’on ne trouve pas une formule pour avoir les numéros gagnants du loto. Cela pourrait être utile. Quoi ? Tu as vraiment l’impression que je te prends pour un nunuche ? Ah, flûte, zut, caca boudin ! J’espère que les gens de xkiouze.com ont prévu une excuse que je pourrais te servir, je n’ai pas encore rangé ma carte bleue…