Chalut mes gins ! Cor’ eune s’maine qui est pachée com’ un éclair. Chertain’mint cor’ pus vit’ pour ceusses qui étotent in vacinches et qui vontent arprinde ch’quemin d’euch boulot lundi. In a eune tiote pinsée pour ti, va, mais est-che que t’in as eu eune pour ch’ti qui a bossé ? J’osse espérer. Toudis i est qu’i y a un sujet qui arvient toudis com’ ch’ouiquen, ch’est quo qu’in va bin faire ? Monter in timpérature in allint ch’faire eune bionne fièf’ d’euch sam’di soir ? Ch’prinde un grind cop d’iode chu ches bords d’mer ? Rester à ch’baraque, mais dins ch’cas et churtout, quo qu’in va bin pouvoir faire à minger ?

Ch’est l’quechtion que j’em sus posée ch’matin, tout in épluchint ches nouvielles. Bah, ouais, pon ches patates, te dos bin t’in douter. A ch’tiot déjuener, j’préfèr’te d’loin étaler eune couche d’Nutella chu eune trinche d’couque, plutôt que d’faire eune poignée d’frites aveuc eune fricadelle ! Toudis i est qu’ch’est dins un echprit qu’in va qualifier d’gachtronomique, que j’ravisos ches tites chins perde d’vue ch’prochain festin, quind j’sus quée chu plusieurs artiques conchernint ch’qu’in va qualifier d’affaire Quick. Infin, cha prind des proporchions telles que ch’est toute eune affaire ! In arvient rapid’mint chu ches faits : L’chaîne d’Fast Food alle veut faire un test chu ches produits halal et déchide d’in proposer dins huit restos à travers l’France. Dins des indrots qu’in pourrot qualifier d’stratégiques. Ch’est chertain’mint in partie pour cha que ch’maire d’Roubaix i n’est pon contint. Cha fait gramint cliché alors qu’cha fait des années qu’i essay’te d’donner eune aute imache d’euch ville.

Jusque-lal, in pourrot dir’te qu’is fontent ch’que ches grindes surfaches alles ontent d’jà fait d’pis longtimps. Mais lal d’ù que ch’bât i blèche ch’est qu’in a fait dichparaîte ches trinches d’bacon. In bref, te minges halal ou te minges ailleurs ! Bin intindu, ches gins d’Quick is ontent pinsé à tout. Ailleurs, ouais, mais pon chez McDo, ni chez KFC. Faut pon déconner toud’même ! Quind te viens chez eusses, ch’est pour ch’goût. In sait très bin, par conchéquint, qu’ailleurs, ch’est dégeu ! Te vas donc minger dins un aute Quick qui n’est pon halal, bin intindu. Is ontent tout prévu, puich’qu’is communiqu’tent à leux détracteurs qu’i y in a forchémint un à moins d’dix minutes in carette. Ah, ouais ? I faut juss’ espérer qu’i n’y aura pon d’bouchon ! Mais alors quind t’es à pid ? Euh, ch’est cor’ miux ! Te mets gramint pus d’timps mais quind t’arrif’ dins ch’ti qui n’est pon halal, t’as tell’mint ches crocs qu’te bouff’ros une cochon intier. Cha in fait des trinches d’bacon, hein ?

Chi te n’as pon querre à ch’bacon, te s’ras chertain’mint ravi d’treuver eune trinche d’dinde fumée. Nin, nin, nin ! J’te vos arriver aveuc tes gros chabots. In a dit qu’el trinche d’dinde alle étot fumée, pon qu’i fallot la fumer. In attindra d’vir ch’is install’tent des Quick Coffee Shop à Amsterdam aveuc un spéchial aux herpes… Ch’qui déringe l’pus, ch’est qu’in n’laiche pon l’chox. J’vais prinde un eximpe. Te vas faire tes courses à carrouf. Te rintes tout guilleret aveuc tin chariot d’compète, infin tin chariot d’courses quo, mais te n’sais pon cor’ qu’is ontent déchidé d’ête magasin végétarien. Adiu, agneaux, veaux, vaques, cochons, etc. ! Com’ i dit min ami Olivier, i n’y a pus qu’des machins tout verts ! J’vais équilibrer, pach’qu’in va croir’te qu’j’ai vindu min âme à ch’diape, infin pour ches gins d’Auchan. Donc, cha s’rot l’même cosse dins ches magasins-lal, bin intindu. V’là un eximpe Leclerci ! Te ne s’ros pon contint et ch’est bin ch’qui inrésulte…

Alors, in peut ch’étonner, pindint qu’is y étotent, que ches gins d’chez Kik is n’in ontent pon profiter pour tester d’autes verchions. Un Kik kasher, car i n’faudrot p’t-ête pon les oublier nin-pus. Un Kik indou d’ù qu’forchémint in n’bannirot pon seul’mint ch’trinche d’bacon, mais tout che steak haché auchi. In n’ming’te pon d’vaques in Inde, ch’est chacré ! Un kik asiatique d’ù qu’t’auros gramint d’sushis à t’faire quind te verros arriver eune paire d’baguettes et dont te n’sauros pon par quel biout prinde tin sandouiche. Un Kik végétarien chins viante mais un steak d’soja. J’te l’dis toud’chuite. Ch’jour d’ù qu’te m’invites dins ch’ti-lal, j’sus à ches abonnées abchintes. J’in oublie chertain’mint, mes gins, mais te n’auras qu’à m’invoyer cha in commintaire. Chins compter que, pour ceusses qui rechtent dins ch’grinte tradichion d’ches Kik d’avint, tous ches vinderdis, ch’est Fish ou fiche l’camp minger ailleurs ! Est-che que te cros qu’min Benoît i minge d’el viante ch’vinderdi, li ? Et chi t’es athée, t’as l’drot d’aller minger d’ù qu’te veux. Perchonne i n’va v’nir t’tirer ches orelles !

A’ch’t’heure, in pourrot che d’minder quo qu’i in pinse un responchape d’el ch’grinte Mosquée d’Paris. Bah, i faut bin quind même avoir un avis éclairé par ches gins qui sont concernés avint tout. Ch’est ch’qu’in a fait auprès de Kamel Chibout qui a eune réponche d’normand. Quo ? Ch’est pon incompatipe, i  peut ête Normand et Musulman. Mais in ch’éloigne. Ch’est pach’que ch’réponche alle est gramint mitigée. Mitigée, d’ailleurs, com’ ches premiers résultats obtenus par Kik. I dit : « Je n’sus pon sûr qu’ches burgers is sont halal pach’qu’i y a un minque d’trachabilité. » J’vais rappeler, pour ch’ti qui n’el saurot pon cor’ que halal, cha signifie qu’in a égorgé l’biête aveuc ch’tiête dirigée vers ch’Mecque et, bin intindu, d’vint un sacrificateur « agréé » par ches autorités musulmanes. I ajoute auchi que : « I faudrot tuer toutes ches biêtes à l’main et cha coût’rot gramint pus quer à Kik ! »

Mais ch’monsieur i va même gramint pus loin dins ch’démonstrachion. I préchise : « Qu’in aucun cas, ches Kik is peuv’tent ch’vinter d’ête halal, puich’qu’i n’s’agit que d’el viante qui s’rot au miux conchernée, pon l’ress’ d’ches ingrédients. » J’avoue que j’vos l’idée qu’i veut véhiculer, mais cha m’trouble gramint quind même. Cha voudrot dir’te qu’i existe du pain halal. Commint qu’in fait ? In l’égorge aveuc un bion couteau à pain ? Mais ch’est quo ch’tiête pour l’mette dins ch’direc’chion d’euch Mecque ? Pis, chi ch’est du pichon ? Egorgé un maquereau ou eune morue, cha ch’vot dins ches films d’gangsters, rar’mint chu un bateau d’pêque ! Chins compter que, chi ch’bateau i est in mouv’mint, i faut avoir eune bionne boussole aveuc ti et aller gramint vit’ pour éviter toute dérive d’el direc’chion. Te vos, dins l’ginre, ch’est par où, par la Mecque… Bon, in va dir’te qu’je n’y connos rin…

Toudis i est que Kamel Chibout i va jusqu’à ch’biout d’euch pinsée et i arjoint même Marine Le Pen dins cha d’minde. Ouais, t’as bin lu, mes gins ! I déclare d’abord :  « Ch’est malheureux qu’Kik i n’fasse pus d’sandouiches à ch’bacon. » Pis, d’conchert aveuc Marine Le Pen, d’minde à Kik d’réintroduire ch’sandouiche à ch’bacon, pach’qu’i comprind qu’ches consommateurs is sont mécontints de n’pon avoir ch’chox. Quind in pinse qu’in dit chouvint qu’el musique alle adouchit ches mœurs et qu’in vot ichi qu’eune simpe trinche d’bacon alle fait l’même cosse, in comprind pourquo ches trinches alles sont rondes et d’à peu près ch’même diamète qu’un cédé ! Et, nin, ti, déconnes pon ! Mets pon l’trinche d’bacon dins tin lecteur ! Ch’étot juss’ eune parabole et cha s’rot vraimint hyper bol qu’alle n’quée pon in raque après ! Au fait, t’écoutes quo ? Lard Monie d’tin bled ? Ouais, bion, d’accord, ch’est pon fin, mes gins. In même timps, j’n’ai pon d’trincheusse…

V’là, ch’est pon tous ches jours que j’écris un artique cochon, mais ch’est fait ! A’ch’t’heure, j’vais quind même conclure chu Kik, puich’qu’is sont à ch’cintre d’euch débat. D’jà, cha n’est pon eune faute d’frappe quind j’écris Kik, ch’est volontaire. Pis, mi, j’ai laiché l’chox, puich’que j’ai comminché aveuc l’bionne orthographe. Ches Musulmans, cha n’a pon l’air d’les brosser dins ch’sins du poil pus qu’cha. Alors, un cop d’pub ? Pour faire parler d’eusses, in peut dir’te qu’is n’ontent pon raté leu cop ! Mais, mi, j’vais juss’ poser eune quechtion in guisse d’conclusion. Chi pour Kik, nous ch’est ch’goût. In peut che d’minder à’ch’t’heure chi pour Kik, ch’est pon d’mauviais goût d’avoir faire cha ? In espérint, mais j’avoue que je m’in contrefous pour leu chiffre d’affaire, Kik pour nous ch’est pon l’dégoût…

Salut mes gens ! Encore une semaine qui est passée comme un éclair. Certainement encore plus vite pour ceux qui étaient en vacances et qui vont reprendre le chemin du boulot lundi. On a une petite pensée pour toi, va, mais est-ce que tu en as eu une pour celui qui a bossé ? J’ose espérer. Toujours est-il qu’il y a un sujet qui revient toujours comme le week-end, que va-t-on bien faire ? Monter en température en allant se faire une bonne fièvre du samedi soir ? Se prendre un grand coup d’iode sur les bords de mer ? Rester à sa baraque, mais dans ce cas et surtout, que va-t-on bien pouvoir faire à manger ?

C’est la question que je me suis posée ce matin, tout en épluchant les nouvelles. Bah, oui, pas les patates, tu dois bien t’en douter. Au petit déjeuner, je préfère de loin étaler une couche de Nutella sur une tranche de brioche, plutôt que de faire une poignée de frites avec une fricadelle ! Toujours est-il que c’est dans un esprit que l’on va qualifier de gastronomique, que je regardais les titres sans perdre de vue le prochain festin, quand je suis tombée sur plusieurs articles concernant ce que l’on va qualifier d’affaire Quick. Enfin, ça prend des proportions telles que c’est toute une affaire ! On revient rapidement sur les faits : La chaîne de Fast Food veut faire un test sur les produits halal et décide d’en proposer dans huit restos à travers la France. Dans des endroits que l’on pourrait qualifier de stratégiques. C’est certainement en partie pour cela que le maire de Roubaix n’est pas content. Cela fait très cliché alors que cela fait des années qu’il essaye de donner une autre image de sa ville.

Jusque-là, on pourrait dire qu’ils font ce que les grandes surfaces ont déjà fait depuis longtemps. Mais là où le bât blesse c’est que l’on a fait disparaître les tranches de bacon. En bref, tu manges halal ou tu manges ailleurs ! Bien entendu, les gens de Quick ont pensé à tout. Ailleurs, oui, mais pas chez McDo, ni chez KFC. Faut pas déconner tout de même ! Quand tu viens chez eux, c’est pour le goût. On sait très bien, par conséquent, qu’ailleurs, c’est dégeu ! Tu vas donc manger dans un autre Quick qui n’est pas halal, bien entendu. Ils ont tout prévu, puisqu’ils communiquent à leurs détracteurs qu’il y en a forcément un à moins de dix minutes en voiture. Ah, oui ? Il faut juste espérer qu’il n’y aura pas de bouchon ! Mais alors quand tu es à pied ? Euh, c’est encore mieux ! Tu mets beaucoup plus de temps mais quand tu arrives dans celui qui n’est pas halal, tu as tellement les crocs que tu boufferais un cochon entier. Ca en fait des tranches de bacon, hein ?

Si tu n’aimes pas le bacon, tu seras certainement ravi de trouver une tranche de dinde fumée. Non, non, non ! Je te vois arriver avec tes gros sabots. On a dit que la tranche de dinde était fumée, pas qu’il fallait la fumer. On attendra de voir s’ils installent des Quick Coffee Shop à Amsterdam avec un spécial aux herbes… Ce qui dérange le plus, c’est qu’on ne laisse pas le choix. Je vais prendre un exemple. Tu vas faire tes courses à carrouf. Tu rentres tout guilleret avec ton chariot de compète, enfin ton chariot de courses quoi, mais tu ne sais pas encore qu’ils ont décidé d’être magasin végétarien. Adieu, agneaux, veaux, vaches, cochons, etc. ! Comme dit mon ami Olivier, il n’y a plus que des machins tout verts ! Je vais équilibrer, parce que l’on va croire que j’ai vendu mon âme au diable, enfin pour les gens de Auchan. Donc, ce serait la même chose dans ces magasins-là, bien entendu. Voilà un exemple Leclerci ! Tu ne serais pas content et c’est bien ce qui en résulte…

Alors, on peut s’étonner, pendant qu’ils y étaient, que les gens de chez Kik n’en ont pas profité pour tester d’autres versions. Un Kik kasher, car il ne faudrait peut-être pas les oublier non-plus. Un Kik indou où forcément l’on ne bannirait pas seulement la tranche de bacon, mais tout le steak haché aussi. On ne mange pas de vaches en Inde, c’est sacré ! Un kik asiatique où tu aurais beaucoup de sushis à te faire quand tu verrais arriver une paire de baguettes et dont tu ne saurais pas par quel bout prendre ton sandwich. Un Kik végétarien sans viande mais un steak de soja. Je te le dis tout de suite. Le jour où tu m’invites dans celui-là, je suis aux abonnées absentes. J’en oublie certainement, mes gens, mais tu n’auras qu’à m’envoyer ça en commentaire. Sans compter que, pour ceux qui restent dans la grande tradition des Kik d’avant, tous les vendredis, c’est Fish ou fiche le camp manger ailleurs ! Est-ce que tu crois que mon Benoît mange de la viande le vendredi, lui ? Et si tu es athée, tu as le droit d’aller manger où tu veux. Personne ne va venir te tirer les oreilles !

A présent, on pourrait se demander ce que pense un responsable de la grande Mosquée de Paris. Bah, il faut bien quand même avoir un avis éclairé par les gens qui sont concernés avant tout. C’est ce que l’on a fait auprès de Kamel Chibout qui a une réponse de normand. Quoi ? Ce n’est pas incompatible, il  peut être Normand et Musulman. Mais on s’éloigne. C’est parce que sa réponse est très mitigée. Mitigée, d’ailleurs, comme les premiers résultats obtenus par Kik. Il dit : « Je ne suis pas sûr que ces burgers sont halal parce qu’il y a un manque de traçabilité. » Je vais rappeler, pour celui qui ne le saurait pas encore que halal, cela signifie que l’on a égorgé la bête avec la tête dirigée vers la Mecque et, bien entendu, devant un sacrificateur « agréé » par les autorités musulmanes. Il ajoute aussi que : « Il faudrait tuer toutes ces bêtes à la main et cela coûterait bien plus cher à Kik ! »

Mais ce monsieur va même beaucoup plus loin dans sa démonstration. Il précise : « Qu’en aucun cas, ces Kik peuvent se venter d’être halal, puisqu’il ne s’agit que de la viande qui serait au mieux concernée, pas le reste des ingrédients. » J’avoue que je vois l’idée qu’il veut véhiculer, mais cela me trouble beaucoup quand même. Cela voudrait dire qu’il existe du pain halal. Comment fait-on ? On l’égorge avec un bon couteau à pain ? Mais c’est quoi la tête pour la mettre dans la direction de la Mecque ? Puis, si c’est du poisson ? Egorgé un maquereau ou une morue, ça se voit dans les films de gangsters, rarement sur un bateau de pêche ! Sans compter que, si le bateau est en mouvement, il faut avoir une bonne boussole avec toi et aller très vite pour éviter toute dérive de la direction. Tu vois, dans le genre, c’est par où, par la Mecque… Bon, on va dire que je n’y connais rien…

Toujours est-il que Kamel Chibout va jusqu’au bout de sa pensée et il rejoint même Marine Le Pen dans sa demande. Oui, tu as bien lu, mes gens ! Il déclare d’abord :  « C’est malheureux que Kik ne fasse plus de sandwiches au bacon. » Puis, de concert avec Marine Le Pen, demande à Kik de réintroduire le sandwich au bacon, parce qu’il comprend que les consommateurs sont mécontents de ne pas avoir le choix. Quand on pense que l’on dit souvent que la musique adoucit les mœurs et que l’on voit ici qu’une simple tranche de bacon fait la même chose, on comprend pourquoi ces tranches sont rondes et d’à peu près le même diamètre qu’un cédé ! Et, non, toi, déconnes pas ! Mets pas la tranche de bacon dans ton lecteur ! C’était juste une parabole et ce serait vraiment hyper bol qu’elle ne tombe pas en panne après ! Au fait, tu écoutes quoi ? Lard Monie de ton bled ? Oui, bon, d’accord, ce n’est pas fin, mes gens. En même temps, je n’ai pas de trancheuse…

Voilà, ce n’est pas tous les jours que j’écris un article cochon, mais c’est fait ! Maintenant, je vais quand même conclure sur Kik, puisqu’ils sont au centre du débat. Déjà, ce n’est pas une faute de frappe quand j’écris Kik, c’est volontaire. Puis, moi, j’ai laissé le choix, puisque j’ai commencé avec la bonne orthographe. Les Musulmans, ce n’a pas l’air de les brosser dans le sens du poil plus que cela. Alors, un coup de pub ? Pour faire parler d’eux, on peut dire qu’ils n’ont pas raté leur coup ! Mais, moi, je vais juste poser une question en guise de conclusion. Si pour Kik, nous c’est le goût. On peut se demander aujourd’hui si pour Kik, ce n’est pas de mauvais goût d’avoir faire cela ? En espérant, mais j’avoue que je m’en contrefous pour leur chiffre d’affaire, Kik pour nous ce n’est pas le dégoût…