Chalut mes gins ! Quo qu’i y a d’neuf in ch’début de s’maine ? Ouais, j’sais ch’que te vas m’réponde, eune nouvielle Miss fraîqu’mint élue. Bah, je n’savos pon qu’cha allot chinger t’vie à ch’point ! Ch’est vrai qu’in ch’momint, in ch’continte d’peu. Pis, cha ching’te d’euch virus d’el grippe A. Toudis i est que, pour l’première fos, ch’est uniqu’mint ches téléspectateurs qui vototent. Cha n’impêque pon ches commintaires d’aller bion train…

L’première qui a fait savoir ch’qu’alle pinse, ch’est mémé Capieau in perchonne. Ouais, mes gins et ch’est bin normal ! Alle ch’fait toudis gramint d’soucis. L’peur d’vir, dins un av’nir pus ou moins proche, eune photo troubler sin sommel ou pir’te, car in n’a pon cor’ eu l’drot à eune sextape, par eximpe. Ch’est à l’mote chez ches pipoles, alors pourquo pon eune Miss ! Alle qui a déclaré que ch’t’année, alle donn’rot ch’démichion chi eune photo alle f’sot surfache. J’imagine d’ichi ch’qui pourrot arriver chi ch’est carrémint eune vidéo ! Cha m’a auchitôt fait pinser à eune pub pour ch’camembert qui est censé toudis ête fait à point. Bah, ouais, cha l’oblig’rot à minger sin capieau ! Ch’pauf’ mémé Gen’vièf’ alle f’rot bin pir’te que d’donner ch’démichion, alle pach’rot l’arme à gauche. Euh, quo ? Qu’est-che qu’j’ai  écrit qui t’laiche perplexe ? Ch’est ch’pub ?

Mes gins, j’n’allos pon prinde eune pub pour ch’pastis et cor’ moins pour ch’cantal, puich’qu’alle ne ch’appell’te pon Chantal ! T’as d’jà oublié que ch’Miss France alle est normande. Bah, ouais, j’sais ! I n’y a pon que ch’camembert in Normandie. Te m’prinds pour eune peumme, ti’z’aute ? Tiens, in parlant d’peummes, v’là eune aute chpécialité et in n’a pus qu’à ajouter ches vaques rousses, blinches et noir’tes, rindues mondial’mint célèpe par Stone et Charden, pour avoir ch’trio gagnant ! Heureuss’mint que mémé alle n’est pon rousse, pach’que blinche et noir’te, ch’est d’jà sin cas. Te m’diras, chi in continue l’canchon, ch’est : Su lesquelles i quée l’drache… Ch’est ichi qu’in ch’rind compte qu’sin énorme capieau, cha n’est p’t-ête pon un hasard. Cha li sert d’parapluie ! A’ch’t’heure, in va quind même parler d’Malika Menard pour dir’te que, com’ par hasard, mémé Capieau alle avot dit, i y a quinze jours inviron, qu’alle rêvot d’eune Miss qui s’rot issue d’l’émigrachion maghrébine. Te vos, mémé, ches Français is on’tent vraimint querre à n’pon t’contrarier. In sait qu’à tin âche, ch’est mauviais pour tin cœur. Te l’as ta Miss ! Bion, alle l’est à mitan, mais ch’est miux qu’rin…

Pour l’tiote histoire, t’armarqu’ras eune coïncidinche, ches initiales… Meuh, meuh, cor’ eune allusion à ches vaques made in Normandie ! Sinon, Malika, in arabe, cha veut dir’te pochéder. Bin, in sait à’ch’t’heure qu’alle pochède eune Peugeot et plein d’trucs pour qu’alle sot cor’ pus bielle. Chinon, in peut echpérer qu’alle pochède un cerveau, pach’qu’in la compare d’jà à Paris Hilton in brune ! Te parl’tes d’un cadieau, mais ch’est vrai que l’arsimblinche alle est frappante ! Te ravis’ras l’photo à l’fin. A part cha, alle est toudis miux placher que ch’tiot Prince Jean, puich’qu’alle est in trossième année d’drot, alors qu’i in est toudis in deussième ! I peut d’ores et d’jà ch’inscrir’te à ch’concours d’monsieur Univers. Faut savoir viser grind et, génétiqu’mint, i sait d’qui t’nir pour viser très haut, même chi sin père i l’est com’ tros peummes d’Normandie, bin intindu !

Malika alle est donc eune bionne Normande dins toute cha chplindeur. Mais nin, mes gins, je n’sus pon vaque ! Je n’ai jamais dit qu’alle in étot eune, mais chi alle veut qu’in arrête qu’in la prind pour Paris Hilton in brune, i va falloir qu’alle assur’te un minimum. Qu’alle prouve qu’alle n’compte pon pour des prunes ! In effet, cha n’est pon l’ginre d’émichion qui va permette d’savoir qu’alle n’est pon tarte. Oops ! V’là que j’sus partie dins ches desserts à’ch’t’heure. A m’décharge, eune tarte normande, ch’est gramint bion ! Toudis i est que, su ch’web, in ose eune aute comparaison et ch’est vrai, auchi, qu’i y a eune chertaine arsimblinche. Ch’est moins frappant, mais i y a qué cosse. Un tiot air d’famille aveuc cheule qui aurot pu ête ch’cousine d’Poitou-Charentes, Ségolène.

Bin intindu, un oeul auchi avisé que l’tien i aura armarqué ch’pid d’nez que ch’nouvielle Miss alle li a fait. Bah, ouais, mes gins ! Ch’est qu’alle a des projets pour ches années à v’nir, Malika, et alle veut faire l’différinche ! Poser aveuc eune rosse in évidinche aud’chus d’euch tiête couronnée, ch’est tout un symbole ! L’reine d’ches rosses, i n’y a pon photo, et alle est bin déchidée à l’dev’nir. D’autint qu’alle ch’permet d’ajouter, pour ch’ti qui n’a pon armarqué qu’i s’agissot d’eune rosse et nin d’eune marguerite (cor’ un cop vaque au passache), l’phrasse suivinte : L’rosse aud’chus d’eune couronne, ch’est l’nouvielle synthèse françaisse ! Vlan, tiens-te le pour dit ! 2012, in oublie Titine, alle s’ra cor’ in train d’arcompter ches bull’tins d’l’aute fos. Malika alle aura fini sin drot, ch’qui f’ra l’différinche aveuc Jean, qui n’aura pon rattrapé sin artard. Du cop, alle s’ra à égalité aveuc Ségolène. Alle aura ch’même diplôme. D’ailleurs, chi alle étot pachée à ch’t’école d’ches fans, j’sus sûr’te qu’à l’quechtion :  Qu’est-che que te veux faire pus tard ? Alle aurot répondu, chins l’moinde hésitachion : Ségolène Royal !

D’ailleurs, in peut ch’étonner que Ségolène alle n’ch’sot pon invitée à l’dernière minute. Ch’est dev’nu eune vraie chpécialité pour alle, juer ches invitées churprisses. Infin, t’armarqu’ras qu’ch’est com’ churprisse, churprisse, i y a toudis des caméras pour filmer. Mi, j’dis cha, je n’dis rin… Infin, ch’est vrai qu’alle avot d’autes préoccupachions, ch’ouiquen, que d’raviser ch’t’élec’chion d’Miss France. Alle étot gramint occupée à établir eune connec’chion aveuc oranche. Sin idée alle étot simpe, obtenir un gros débit d’électeurs vers alle. Bah, ch’est un peu technique. Ch’sont eusses qui ch’appell’tent modem et ch’est alle qui ch’artreuve d’vint eune pache blinche su idée.com ! Bref ! Connec’chion aveuc oranche nin établie. Is l’on’tent invoyé ch’faire pinde ! Pardon, cha m’a échappé ! J’voulos dir’te qu’is l’on’tent invoyé su ches rosses… Cha n’est pon ch’momint d’armuer ch’coutieau dins ch’plaie…

Bion ! In chouhaite eune bielle carrière à Malika et in attind quo qu’in va bin pouvoir li treuver, histoire d’assombrir l’éclat d’euch couronne. Ah, bin, nin, faites pon cha, ches paparazzi ! Chinon, in peut dir’te ar’voir à mémé Capieau et, avoue, qu’alle minqu’rot gramint à tertous ! Chi te n’as pon ravisé ches Miss, t’as loupé un nouvieau style d’émichion politique. J’attinds donc un bieau duel télévisé, Ségolène conte Malika pour eune primaire quelconque. Mais, j’y pinse, ch’rosse aud’chus d’el couronne, ch’étot p’t-ête pour dir’te à Ségolène qu’alle est fan. Couronne égal royal… Décidément, chous ches strass, ches projecteurs, ches files qui arsimp’tent à des gravures d’mote, i y avot des messaches muchés !


Il y avait des messages cachés !

Salut mes gens ! Qui a-t-il de neuf en ce début de semaine ? Oui, je sais ce que tu vas me répondre, une nouvelle Miss fraîchement élue. Bah, je ne savais pas que cela allait changer ta vie à ce point ! C’est vrai qu’en ce moment, on se contente de peu. Puis, cela change de ce virus de la grippe A. Toujours est-il que, pour la première fois, c’est uniquement les téléspectateurs qui votaient. Cela n’empêche pas les commentaires d’aller bon train…

La première qui a fait savoir ce qu’elle pense, c’est mémé Chapeau en personne. Oui, mes gens et c’est bien normal ! Elle se fait toujours beaucoup de soucis. La peur de voir, dans un avenir plus ou moins proche, une photo troubler son sommeil ou pire, car on n’a pas encore eu le droit à une sextape, par exemple. C’est à la mode chez les peoples, alors pourquoi pas une Miss ! Elle qui a déclaré que cette année, elle donnerait sa démission si une photo faisait surface. J’imagine d’ici ce qui pourrait arriver si c’est carrément une vidéo ! Cela m’a aussitôt fait penser à une pub pour le camembert qui est censé toujours être fait à point. Bah, oui, cela l’obligerait à manger son chapeau ! La pauvre mémé Geneviève ferait bien pire que de donner sa démission, elle passerait l’arme à gauche. Euh, quoi ? Qu’est-ce que j’ai écrit qui te laisse perplexe ? C’est la pub ?

Mes gens, je n’allais pas prendre une pub pour le pastis et encore moins pour le cantal, puisqu’elle ne s’appelle pas Chantal ! Tu as déjà oublié que la Miss France est normande. Bah, oui, je sais ! Il n’y a pas que le camembert en Normandie. Tu me prends pour une pomme, toi ? Tiens, en parlant de pommes, voilà une autre spécialité et on n’a plus qu’à ajouter les vaches rousses, blanches et noires, rendues mondialement célèbre par Stone et Charden, pour avoir le trio gagnant ! Heureusement que mémé n’est pas rousse, parce que blanche et noire, c’est déjà son cas. Tu me diras, si l’on continue la chanson, c’est : Sur lesquelles tombe la pluie… C’est ici que l’on se rend compte que son énorme chapeau, ce n’est peut-être pas un hasard. Ca lui sert de parapluie ! A présent, on va quand même parler de Malika Menard pour dire que, comme par hasard, mémé Chapeau avait dit, il y a quinze jours environ, qu’elle rêvait d’une Miss qui serait issue de l’émigration maghrébine. Tu vois, mémé, les Français ont vraiment soin de ne pas te contrarier. On sait qu’à ton âge, c’est mauvais pour ton cœur. Tu l’as ta Miss ! Bon, elle l’est à moitié, mais c’est mieux que rien…

Pour la petite histoire, tu remarqueras une coïncidence, ses initiales… Meuh, meuh, encore une allusion aux vaches made in Normandie ! Sinon, Malika, en arabe, cela veut dire posséder. Bien, on sait aujourd’hui qu’elle possède une Peugeot et plein de trucs pour qu’elle soit encore plus belle. Sinon, on peut espérer qu’elle possède un cerveau, parce qu’on la compare déjà à Paris Hilton en brune ! Tu parles d’un cadeau, mais c’est vrai que la ressemblance est frappante ! Tu regarderas la photo à la fin. A part cela, elle est toujours mieux placer que le petit Prince Jean, puisqu’elle est en troisième année de droit, alors qu’il en est toujours en deuxième ! Il peut d’ores et déjà s’inscrire au concours de monsieur Univers. Faut savoir viser grand et, génétiquement, il sait de qui tenir pour viser très haut, même si son père l’est comme trois pommes de Normandie, bien entendu !

Malika est donc une bonne Normande dans toute sa splendeur. Mais non, mes gens, je ne suis pas vache ! Je n’ai jamais dit qu’elle en était une, mais si elle veut que l’on arrête qu’on la prend pour Paris Hilton en brune, il va falloir qu’elle assure un minimum. Qu’elle prouve qu’elle ne compte pas pour des prunes ! En effet, ce n’est pas le genre d’émission qui va permettre de savoir qu’elle n’est pas tarte. Oops ! Voilà que je suis partie dans les desserts maintenant. A ma décharge, une tarte normande, c’est très bon ! Toujours est-il que, sur le web, on ose une autre comparaison et c’est vrai, aussi, qu’il y a une certaine ressemblance. C’est moins frappant, mais il y a quelque chose. Un petit air de famille avec celle qui aurait pu être la cousine de Poitou-Charentes, Ségolène.

Bien entendu, un oeil aussi avisé que le tien aura remarqué le pied de nez que la nouvelle Miss lui a fait. Bah, oui, mes gens ! C’est qu’elle a des projets pour les années à venir, Malika, et elle veut faire la différence ! Poser avec une rose en évidence au-dessus de sa tête couronnée, c’est tout un symbole ! La reine des roses, il n’y a pas photo, et elle est bien décidée à le devenir. D’autant qu’elle se permet d’ajouter, pour celui qui n’a pas remarqué qu’il s’agissait d’une rose et non d’une marguerite (encore un coup vache au passage), la phrase suivante : La rose au-dessus d’une couronne, c’est la nouvelle synthèse française ! Vlan, tiens-toi le pour dit ! 2012, on oublie Titine, elle sera encore en train de recompter les bulletins de l’autre fois. Malika aura fini son droit, ce qui fera la différence avec Jean, qui n’aura pas rattrapé son retard. Du coup, elle sera à égalité avec Ségolène. Elle aura le même diplôme. D’ailleurs, si elle était passée à l’école des fans, je suis sûre qu’à la question :  Qu’est-ce que tu veux faire plus tard ? Elle aurait répondu, sans la moindre hésitation : Ségolène Royal !

D’ailleurs, on peut s’étonner que Ségolène ne se soit pas invitée à la dernière minute. C’est devenu une vraie spécialité pour elle, jouer les invitées surprises. Enfin, tu remarqueras que c’est comme surprise, surprise, il y a toujours des caméras pour filmer. Moi, je dis cela, je ne dis rien… Enfin, c’est vrai qu’elle avait d’autres préoccupations, ce week-end, que de regarder l’élection de Miss France. Elle était bien occupée à établir une connexion avec orange. Son idée était simple, obtenir un gros débit d’électeurs vers elle. Bah, c’est un peu technique. Ce sont eux qui s’appellent modem et c’est elle qui se retrouve devant une page blanche sur idée.com ! Bref ! Connexion avec orange non établie. Ils l’ont envoyé se faire pendre ! Pardon, ça m’a échappé ! Je voulais dire qu’ils l’ont envoyé sur les roses… Ce n’est pas le moment de remuer le couteau dans la plaie…

Bon ! On souhaite une belle carrière à Malika et on attend ce que l’on va bien pouvoir lui trouver, histoire d’assombrir l’éclat de sa couronne. Ah, bien, non, faites pas cela, les paparazzi ! Sinon, on peut dire au revoir à mémé Chapeau et, avoue, qu’elle manquerait beaucoup à tous ! Si tu n’as pas regardé les Miss, tu as loupé un nouveau style d’émission politique. J’attends donc un beau duel télévisé, Ségolène contre Malika, pour une primaire quelconque. Mais, j’y pense, la rose au-dessus de la couronne, c’était peut-être pour dire à Ségolène qu’elle est fan. Couronne égal royal… Décidément, sous les strass, les projecteurs, les filles qui ressemblent à des gravures de mode, il y avait des messages cachés !