Chalut mes gins ! Mais nin i n’fait pon caud ! Ch’est juss’ eune vue d’l’esprit. N’ravise pon tin thermomète tous ches quarts d’heure et te verras qu’cha ira d’jà miux. In t’eul répète tous ches jours, ch’est juss’ des grosses caleurs. Alors n’sos pon ridicule à crier à l’canicule ! Madame météo alle l’a dit, ch’est écrit dins sin fascicule et même in majuscule. Evite juss’ ches travaux d’Hercule et attends ch’crépuscule aveuc un bion jus d’fruit ! Mais inlève ch’t’opercule, cha s’ra pus pratique pour t’servir ! Vingt dius ! J’ai pris un cop d’caud mi-auchi ! In dirot qu’j’ai révisé tous ches miots qui finiss’tent in cule. Oops ! Heureuss’mint qu’j’ai mis un espache, pach’qu’in v’là un aute qui aurot pu faire partie d’eul liste et cha aurot bardé pour min matricule ! Tiens, cor’ un, j’vais l’noter dins min carnet…

Bah, ouais, ch’est com’ cha ! Mi auchi j’fais des carnets, mais contrairemint à ch’comptape à mémé Liliane, cha n’est pon des sommes d’argint qu’j’y mets. Cha s’rot vit’ fait et pon b’soin d’un carnet ! Ouais, mes gins, chaque jour qui pache i nous amèn’te sin lot d’arbondich’mints ! Ch’est cor’ miux qu’eune saga d’ù qu’t’es obligé d’attinde huit jours pour avoir l’chuite. Ichi ch’est du timps réel, tous ches jours, com’ pus bielle l’vie. Et ch’est vrai qu’alle simbe vraimint pus bielle, l’vie, quind te fais partie des bionnes grâches d’mémé Liliane et d’feu sin mari. Perdu, ti qui viens d’eum crier sin mari René. Cha finit par ch’même lette, mais ch’étot sin mari André ! In l’avot oublié, mais heureuss’mint que Claire alle tient ches comptes. In même timps, alle étot payée pour cha. In parle toudis d’mémé Liliane qui est d’eune grinte générosité, mais in a oublié un peu vit’ qu’sin feu mari i étot auchi généreux qu’alle. Ch’est, du moins, ch’que Claire alle a déclaré à ches inquêteurs. Qui est donc ch’nouvieau personnache qui apparôt dins not’ saga à friqués, ch’est ch’qu’in va découvrir d’ichi peu.

Dins l’épisote préchédint, in a vu qu’min Nicolas i allot régulièr’mint à ch’t’hôtel particulier d’Neuilly-sur-Seine pour aller querre des inveloppes. Aveuc ch’nouviel opus, Claire alle dit qu’alle ch’est gourée ! I v’not p’t-ête bin présinter ches hommaches à mémé Liliane et à sin mari, mais alle n’euch rappell’te pus l’avoir crosé. Tout cha, ch’est des carabistoulles d’journaleux. Te leur dis un pus un et is in déduis’tent qu’cha fait chinq ! Par conte, in apprind qu’ch’étot quatorse juillet toute l’année. Infin, chi te préfèr’tes, ch’étot un vrai défilé d’politiques. Mémé Liliane et papy André is avotent tout un fan club qui allot chez eusses régulièremint. Ouais, mais cha, cha sint l’série qui va durer com’ ches fux d’l’amour. A moins qu’in ch’prenn’te l’tiête pour des broutiles et qu’mémé Liliane organisot des réunions Tupperware. Pour prouver que ch’est tellemint simpe d’utilisachion, ch’étot papy André qui ch’collot à ches démos. Toudis i est qu’alle vient d’mette à ch’générique eune dissaine d’noms d’un cop. Pierre Messmer, Mme Poupidou, François Léotard, Les Chirac et Chirac, Gérard Longuet, Edouard Balladur, Bernard Kouchner, Danielle Mitterrand et Renaud Donnedieu de Vabres in pus d’ceusses qu’in connôt d’jà. Pour chertains, cha s’ra des rôles in flash-back puich’qu’is sontent morts, com’ papy André.

D’ailleurs, dins ch’premier flash-back, in esplique commint cha ch’pachot. Papy André i d’mindot à Claire d’aller querre à l’binque eune somme d’argint, chouvint intre 50.000 et 100.000 euros, pach’qu’i avot un rindez-vous d’prévu. Bah, ouais, in n’sait jamais ! Ch’i d’vot payer ch’tournée, i préférot avoir des espèches. Claire allot querre ches pépettes et alle les mettot par liasse d’10.000 euros dins eune inveloppe. Dins ch’cas qu’cha s’rot juss’ pour deux tiots jus, cha allot pus vit’ à compter. Chaque fos qu’euch rindez-vous i étot fini, alle constatot que ch’t’inveloppe alle étot vide ou qu’i in minquot eune bionne partie. Ch’est donc que papy André i avot payé ch’tournée ! Te vos quind même à quel point i étot économe papy André. Jamais i n’donnot ch’t’inveloppe aveuc même chi ch’compte i étot juss’ serviche compris bin sûr’te. Nin ! Claire alle l’artreuvot toudis, prête à arservir eune nouvielle fos. Cha fait du bin pour ch’planète ! Dins l’schène suivinte, in découvre que Claire alle confirme bin  ch’qu’alle a dit dins un des épisotes préchédints, à savoir ch’qui ch’est paché avint ches élec’chions présidinchielles…

Patrice De Maistre, sin chef, i li aurot bin d’mindé d’aller querre 150.000 euros à l’binque et quind alle li d’minda pourquo eune telle somme ? Bah, ouais, cha f’sot pus que d’habitute, alle n’y comprenot pus rin, ch’pauf’ file. I li aurot déclaré qu’i d’vot organiser un dîner aveuc Eric Woerth pour la li armette, mais qu’i préférot qu’cha sot mémé Liliane qui ch’in occupe. Ch’est toudis parel dins ches feulletons, in t’dit ches cosses à mitan, com’ cha in peut canger ch’scénario com’ in veut. Ch’est vrai quo ! Mémé Liliane alle ch’occupe d’quo ? D’armette eune inveloppe ou alle chosit ch’resto pach’qu’alle a bion goût ? Ch’est alors que Claire alle a eune crisse d’conscienche et qu’alle li dit qu’cha n’est pon bin. Ch’est vrai auchi qu’is aurotent pu treuver un resto moins quer. 150.000 euros, même à tros… Bah, quo ? A quo qu’te veux qu’cha puiche servir eune somme parelle, à un pot-de-vin ? Vingt dius ! Cha dot ête un sacré bion cru ! Bah, nin, merchi, ch’est pour rir’te ! J’avos bin compris, même chi j’sus blonte !

Toudis i est qu’alle étot bionne copine aveuc ch’file qui étot à l’BNP. Te parl’tes, à forche d’y aller, cha crée des liens. Churtout qu’in comprind vit’ que cheule-lal alle n’li a jamais dit qu’i fallot pinser à combler sin découvert. Cha cange tout, te peux m’croir’te ! Donc, Claire alle est in confiance et alle li esplique sin affaire. Cheule-chi, in bionne concheillère d’clientèle alle prévient alors Patrice De Maistre qu’cha allot attirer l’attinchion d’ches zis d’Bercy et de ch’te brigate anti-blanchimint. Bref, pon pus d’50.000 euros ! I faudra ch’restreinde chu ch’champagne à ch’resto. Lal, auchi, j’rigole, mes gins ! Infin, ch’est toudis parel aveuc ches binques, quind te veux arprinde tin pognon, in t’fait toudis des mnoules et is ontent toudis eune bionne raison pour cha ! Un peu pus tard, dins l’schène suivinte, ch’est l’inveloppe qui a l’vedette, com’ dins ch’t’épisote préchédint. In effet, alle cange d’main tout l’timps. Alle pache d’cheules d’Claire à cheules d’mémé Liliane, qui pache à cheules d’Patrice De Maistre qui simpl’mint ajoute que pour ch’ress’ d’eul somme i ch’in arringera et qu’cha servot d’avoir des comptes in Suisse…

Et dins quelles mains alle arrif’ ch’t’inveloppe ? Chi t’as suivi, alle l’a d’jà dit, mais in n’in saura pon pus dins ch’t’épisote. I faut faire durer che suspense, cha dot ténir tout l’été ! Infin, aveuc tous ches noms qu’alle vient de j’ter in pâture, cha va n’in faire des épisotes d’pus ! Pis, i n’faut pon croir’te, même chi min Nicolas i est prech’que ardev’nu blinc com’ neiche. D’ailleurs, j’eul treuvos vraimint très pâle d’pis quéques jours et j’eum d’mindos bin pourquo. Bref, ch’t’inveloppe, in n’sait pon cor’ d’ù qu’alle va aller et d’ichi à ch’qu’alle arrif’ dins ch’poque, à l’insu d’sin plein gré, i n’y a pon loin… In l’saura tertous in suivint ch’te saga à friqués !

Générosité bien ordonnée

Salut mes gens ! Mais non il ne fait pas chaud ! C’est juste une vue de l’esprit. Ne regarde pas ton thermomètre tous les quarts d’heure et tu verras que cela ira déjà mieux. On te le répète tous les jours, c’est juste des grosses chaleurs. Alors ne sois pas ridicule à crier à la canicule ! Madame météo l’a dit, c’est écrit dans son fascicule et même en majuscule. Evite juste les travaux d’Hercule et attends le crépuscule avec un bon jus de fruit ! Mais enlève l’opercule, ce sera plus pratique pour te servir ! Bon sang ! J’ai pris un coup de chaud moi-aussi ! On dirait que j’ai révisé tous les mots qui finissent en cule. Oops ! Heureusement que j’ai mis un espace, parce qu’en voilà un autre qui aurait pu faire partie de la liste et cela aurait bardé pour mon matricule ! Tiens, encore un, je vais le noter dans mon carnet…

Bah, oui, c’est comme cela ! Moi aussi je fais des carnets, mais contrairement à la comptable de mémé Liliane, ce n’est pas des sommes d’argent que j’y mets. Ce serait vite fait et pas besoin d’un carnet ! Oui, mes gens, chaque jour qui passe nous amène son lot de rebondissements ! C’est encore mieux qu’une saga où tu es obligé d’attendre huit jours pour avoir la suite. Ici c’est du temps réel, tous les jours, comme plus belle la vie. Et c’est vrai qu’elle semble vraiment plus belle, la vie, quand tu fais partie des bonnes grâces de mémé Liliane et de feu son mari. Perdu, toi qui viens de me crier son mari René. Ca finit par la même lettre, mais c’était son mari André ! On l’avait oublié, mais heureusement que Claire tient les comptes. En même temps, elle était payée pour cela. On parle toujours de mémé Liliane qui est d’une grande générosité, mais on a oublié un peu vite que son feu mari était aussi généreux qu’elle. C’est, du moins, ce que Claire a déclaré aux enquêteurs. Qui est donc ce nouveau personnage qui apparaît dans notre saga à friqués, c’est ce que l’on va découvrir certainement d’ici peu.

Dans l’épisode précédent, on a vu que mon Nicolas allait régulièrement à l’hôtel particulier de Neuilly-sur-Seine pour aller chercher des enveloppes. Avec ce nouvel opus, Claire dit qu’elle s’est gourée ! Il venait peut-être bien présenter ses hommages à mémé Liliane et à son mari, mais elle ne se rappelle plus l’avoir croisé. Tout cela, c’est des carabistouilles de journaleux. Tu leur dis un plus un et ils en déduisent que cela fait cinq ! Par contre, on apprend que c’était quatorze juillet toute l’année. Enfin, si tu préfères, c’était un vrai défilé de politiques. Mémé Liliane et papy André avaient tout un fan club qui allait chez eux régulièrement. Oui, mais cela, ça sent la série qui va durer comme les feux de l’amour. A moins que l’on se prenne la tête pour des broutilles et que mémé Liliane organisait des réunions Tupperware. Pour prouver que c’était tellement simple d’utilisation, c’était papy André qui se collait aux démos. Toujours est-il qu’elle vient de mettre au générique une dizaine de noms d’un coup. Pierre Messmer, Mme Poupidou, François Léotard, Les Chirac et Chirac, Gérard Longuet, Edouard Balladur, Bernard Kouchner, Danielle Mitterrand et Renaud Donnedieu de Vabres en plus de ceux que l’on connaît déjà. Pour certains, ce sera des rôles en flash-back puisqu’ils sont morts, comme papy André.

D’ailleurs, dans ce premier flash-back, on explique comment cela se passait. Papy André demandait à Claire d’aller chercher à la banque une somme d’argent, souvent entre 50.000 et 100.000 euros, parce qu’il avait un rendez-vous de prévu. Bah, oui, on ne sait jamais ! S’il devait payer sa tournée, il préférait avoir des espèces. Claire allait chercher les pépettes et elle les mettait par liasse de 10.000 euros dans une enveloppe. Au cas où ce serait juste pour deux petits cafés, cela allait plus vite à compter. Chaque fois que le rendez-vous était fini, elle constatait que l’enveloppe était vide ou qu’il en manquait une bonne partie. C’est donc que papy André avait payé sa tournée ! Tu vois quand même à quel point il était économe papy André. Jamais il ne donnait l’enveloppe avec même si le compte était juste, service compris bien sûr. Non ! Claire la retrouvait toujours, prête à resservir une nouvelle fois. Ca fait du bien pour la planète ! Dans la scène suivante, on découvre que Claire confirme bien ce qu’elle a dit dans un des épisodes précédents, à savoir ce qui s’est passé avant les élections présidentielles…

Patrice De Maistre, son chef, lui aurait bien demandé d’aller chercher 150.000 euros à la banque et quand elle lui demanda pourquoi une telle somme ? Bah, oui, cela faisait plus que d’habitude, elle n’y comprenait plus rien, la pauvre fille. Il lui aurait déclaré qu’il devait organiser un dîner avec Eric Woerth pour la lui remettre, mais qu’il préférait que ce soit mémé Liliane qui s’en occupe. C’est toujours pareil dans ces feuilletons, on te dit les choses à moitié, comme cela on peut changer le scénario comme on veut. C’est vrai quoi ! Mémé Liliane s’occupe de quoi ? De remettre une enveloppe ou elle choisit le resto parce qu’elle a bon goût ? C’est alors que Claire a une crise de conscience et qu’elle lui dit que ce n’est pas bien. C’est vrai aussi qu’ils auraient pu trouver un resto moins cher. 150.000 euros, même à trois… Bah, quoi ? A quoi veux-tu que cela puisse servir une somme pareille, à un pot-de-vin ? Bon sang ! Cela doit être un sacré bon cru ! Bah, non, merci, c’est pour rire ! J’avais bien compris, même si je suis blonde…

Toujours est-il qu’elle était bonne copine avec la fille qui était à la BNP. Tu parles, à force d’y aller, cela crée des liens. Surtout que l’on comprend vite que celle-là ne lui a jamais dit qu’il fallait penser à combler son découvert. Cela change tout, tu peux me croire ! Donc, Claire est en confiance et elle lui explique son affaire. Celle-ci, en bonne conseillère de clientèle prévient alors Patrice De Maistre que cela allait attirer l’attention des yeux de Bercy et de cette brigade anti-blanchiment. Bref, pas plus de 50.000 euros ! Il faudra se restreindre sur le champagne au resto. Là, aussi, je rigole, mes gens ! Enfin, c’est toujours pareil avec ces banques. Quand tu veux reprendre ton pognon, on te fait toujours des histoires et ils ont toujours une bonne raison pour cela ! Un peu plus tard, dans la scène suivante, c’est l’enveloppe qui a la vedette, comme dans l’épisode précédent. En effet, elle change de main tout le temps. Elle passe de celles de Claire à celles de mémé Liliane, qui passe à celles de Patrice De Maistre qui simplement ajoute que pour le reste de la somme il s’en arrangera et que cela servait d’avoir des comptes en Suisse…

Et dans quelles mains arrive l’enveloppe ? Si tu as suivi, elle l’a déjà dit, mais on n’en saura pas plus dans cet épisode. Il faut faire durer le suspense, cela doit tenir tout l’été ! Enfin, avec tous les noms qu’elle vient de jeter en pâture, cela va en faire des épisodes de plus ! Puis, il ne faut pas croire, même si mon Nicolas est presque redevenu blanc comme neige. D’ailleurs, je le trouvais vraiment très pâle depuis quelques jours et je me demandais bien pourquoi. Bref, cette enveloppe, on ne sait pas encore où elle va aller et d’ici à ce qu’elle arrive dans sa poche, à l’insu de son plein gré, il n’y a pas loin… On le saura tous en suivant cette saga à friqués !