Chalut mes gins ! In arrif’ tout duch’mint dins ch’dernière line drote avint Noël. L’dernière line drote auchi pour finir ches courses et ches cadieaux. J’espèr’te qu’t’as pinsé à mi, mes gins. D’accord, j’vos bin qu’te fais l’sourde orelle… Cha ! Chi te mettos tin bonnet quind te vas déhors, alles ne s’rotent pon cong’lées et te m’auros intindu ! Bref, i fait toudis frod, ch’qui veut dir’te qu’in d’vrot pacher Noël à tison et pon à ch’balcon. Infin, sauf chi t’as invie d’finir in produit surg’lé. Et in parlant d’cop d’frod, j’ai bin l’impréchion qu’i y in a eune qui in a pris un grind su l’caf’tière…

Bah, ouais, mes gins ! J’sais bin qu’cha n’est pon l’première fos qu’alle ch’distingue. In ch’souvient d’ches premiers délires aveuc ch’te loi Hadopi, mais ichi, alle fait pus fort. Te l’auras d’viné, mes gins, alle ch’fait eune chpécialité d’euch dérapache verbal, ch’est bin intindu Nadine Morano ! D’ailleurs, in va arv’nir rapid’mint su ch’clip, te vas vir toute ch’cocass’rie d’el chituachion. A ches dernières nouvielles, ches jonnes UMP is n’aurotent pon d’mindé l’autorisachion d’utiliser ch’t’armix d’el star’Ac canadienne. Avoue, mes gins, qu’ch’est à mourir d’rir’te ! Nadine qui partichipe à un clip dont l’canchon alle a été utilisée in toute illégalité. Hadopi i n’pach’te pon partout, j’in ai bin l’impréchion. D’euch côté-lal, l’mason d’disques alle d’minde des pépettes, ch’est bin normal. Après min Frédéric Lefebvre qui fait du te copes-te coll’tes d’eune émichion d’France Télévision su sin chite, cha fait gramint désordre !

Infin, cha n’est pon l’sujet dont in va parler. Même chi je n’peux m’impêquer de m’armémorer ch’chorégraphie que ma Nadine alle a faite aveuc gramint d’intrain, dins ch’fameux clip. Kamel Ouali i dot in ête jaloux ! Balincher ches bras à drote, à gauche, pis faire un cercle, cha a dû la tournebouler car alle a déclaré : « Mi, ch’que j’veux d’euch jonne musulman, quind i est français, ch’est qu’i a querre à sin pays, ch’est qu’i treuve un traval, ch’est qu’i n’parl’te pon ch’verlan, qu’i n’mette pon ch’casquette à l’invers. » Bion j’ai pris ch’phrasse dins tous ches sins. D’jà, j’sus sûr’te qu’alle n’parlot pon d’Kamel Ouali, just’mint.

Ch’est évidint, mes gins. I est jonne musulman mais aveuc gramint d’heures d’vol. Oops ! Cha va ête mal interprété. Quind j’parl’te d’vol, cha n’est pon d’euch vol à l’étalache, bin intindu. Ch’ti qui a volé l’peumme, ch’est Michal. Bref ! I est cor’ jonne, mais ch’est pus un gamin, ch’est vrai. In continue. I est français, i a querre à sin pays. Bah, ouais, ch’est même eune vedette, in nous l’invie partout dins ch’monte ! I a un traval et même miux, puich’qu’i fait travailler d’autes perchonnes dins ch’compagnie. I n’parl’te pon verlan, i a même plutôt un parlache bion français. Ch’est cor’ moins l’ginre à mette ch’casquette à l’invers. P’t-ête quind i fait du vélo pour ête pus aérodynamique, mais ch’est tout…

A’ch’t’heure, chi t’as affaire à un jonne musulman qui n’est pon français, chelon ch’théorie à la Nadine, cha veut dir’te qu’i n’est pon obligé d’avoir querre à l’France, i a l’drot d’foute ch’brin partout. I n’est pon obligé d’avoir un traval. D’toute fachon, i n’y in a d’jà pon gramint pour ches autes. I peut parler verlan. Sauf que, ch’i n’est pon français, ch’est chertain’mint pon ch’même verlan que l’tien. Te vos bin toute ch’finèche : Quind i dit Halla, ch’est parel que Allah, ch’est juss’ in verlan quind i l’écrit. Pis, com’ i a l’drot d’parler à l’invers, i a auchi l’drot d’mette ch’casquette à l’invers ! Ouais, mes gins ! Te ne l’avos jamais armarqué, mais ch’est livré aveuc, quind te portes eune casquette. Ma Nadine alle a tout compris, alle ! Chi te la mets à l’invers, automatiqu’mint te vas parler verlan ! Ch’est com’ chi in artournant l’casquette que t’as su t’tiête, tin cerveau i suivot ch’mouv’mint aveuc…

A’ch’t’heure, i y a cor’ un cas qu’in peut évoquer insimpe. Ch’est qu’alle a choul’vé eune quechtion importinte, ma Nadine. In ch’dot d’essayer d’y réponde, puich’que cha fait suite à l’idintité nachionale, qui a gramint dérapé, ch’est vrai. Imagine, mes gins, qu’in n’a pon affaire à un musulman. In va prinde un jonne catho, français d’pis l’nuit d’ches timps, pour ête vraimint dans un cas particulier. Pierre-Antoine de la Croix du Sentier du Jardin. Te vos, sin blaze i posse problème auchi, i est obligé d’rédiger sin CV in mode paysache. I a querre à sin pays, mais cha ne l’impêque pon d’râler tout l’timps. Ch’est dins ches gènes d’pis l’révoluchion françaisse, au moins. Et pourquoi i râl’te, mes gins ? Bah, ch’est pach’qu’i n’treuv’te pon d’traval ! Du cop, i comminche à zoner dins ches rues et i met ch’casquette à l’invers auchi. Li, chelon l’méthode à ma Nadine, i a l’drot. Donc, in l’a vu pus haut, cha li artourne ch’parlache et i comminche à faire d’euch verlan…

Mes gins, j’espèr’te que t’auras compris que ch’tiote plaisint’rie, que j’viens d’faire, alle soulèf’ des interrogachions bin pus profondes. Qu’in n’arrête d’faire du bruit pour rin ! Ches phrasses n’fon’tent pon avincher ch’débat, mais l’fon’tent chertain’mint tourner vinaigue. Pis, in a p’t-ête des sujets bin pus urgints à régler et eune multitute d’vraies quechtions dont in n’a toudis pon ches réponches ! Du mauviais, i y in a partout, d’toutes couleurs, d’toutes religions. I y in a même chez ches élus... Cha s’rot trop fachile chi in pouvot arconnaîte un nuisibe par un signe extérieur. A’ch’t’heure, ma Nadine et tous ches autes, même chi cha peut nous faire rir’te toutes ches bêtisses qu’in intind, nou’z’autes, ches électeurs. In rappell’te gintimint qu’in peut tertous mette ch’casquette à l’invers et parler verlan. D’toute fachon, à l’indrot ou à l’invers, in a vraimint l’impréchion qu’in ne ch’comprind pus !

Explication de texte

Salut mes gens ! On arrive tout doucement dans la dernière ligne droite avant Noël. La dernière ligne droite aussi pour finir les courses et les cadeaux. J’espère que tu as pensé à moi, mes gens. D’accord, je vois bien que tu fais la sourde oreille… Ca ! Si tu mettais ton bonnet quand tu vas dehors, elles ne seraient pas congelées et tu m’aurais entendu ! Bref, il fait toujours froid, ce qui veut dire que l’on devrait passer Noël au tison et pas au balcon. Enfin, sauf si tu as envie de finir en produit surgelé. Et en parlant de coup de froid, j’ai bien l’impression qu’il y en a une qui en a pris un grand sur la cafetière…

Bah, oui, mes gens ! Je sais bien que ce n’est pas la première fois qu’elle se distingue. On se souvient de ces premiers délires avec cette loi Hadopi, mais ici, elle fait plus fort. Tu l’auras deviné, mes gens, elle se fait une spécialité du dérapage verbal, c’est bien entendu Nadine Morano ! D’ailleurs, on va revenir rapidement sur ce clip, tu vas voir toute la cocasserie de la situation. Aux dernières nouvelles, les jeunes UMP n’auraient pas demandé l’autorisation d’utiliser ce remix de la star’Ac canadienne. Avoue, mes gens, que c’est à mourir de rire ! Nadine qui participe à un clip dont la chanson a été utilisée en toute illégalité. Hadopi ne passe pas partout, j’en ai bien l’impression. De ce côté-là, la maison de disques demande des pépettes, c’est bien normal. Après mon Frédéric Lefebvre qui fait du copier-coller d’une émission de France Télévision sur son site, cela fait très désordre !

Enfin, ce n’est pas le sujet dont on va parler. Même si je ne peux m’empêcher de me remémorer la chorégraphie que ma Nadine a faite avec beaucoup d’entrain, dans ce fameux clip. Kamel Ouali doit en être jaloux ! Balancer ses bras à droite, à gauche, puis faire un cercle, ça a dû la tournebouler car elle a déclaré : « Moi, ce que je veux du jeune musulman, quand il est français, c’est qu’il aime son pays, c’est qu’il trouve un travail, c’est qu’il ne parle pas le verlan, qu’il ne mette pas sa casquette à l’envers. » Bon j’ai pris sa phrase dans tous les sens. Déjà, je suis sûre qu’elle ne parlait pas de Kamel Ouali, justement.

C’est évident, mes gens. Il est jeune musulman mais avec beaucoup d’heures de vol. Oops ! Cela va être mal interprété. Quand je parle de vol, ce n’est pas du vol à l’étalage, bien entendu. Celui qui a volé la pomme, c’est Michal. Bref ! Il est encore jeune, mais ce n’est plus un gamin, c’est vrai. On continue. Il est français, il aime son pays. Bah, oui, c’est même une vedette, on nous l’envie partout dans le monde ! Il a un travail et même mieux, puisqu’il fait travailler d’autres personnes dans sa compagnie. Il ne parle pas verlan, il a même plutôt un langage bon français. C’est encore moins le genre à mettre sa casquette à l’envers. Peut-être quand il fait du vélo pour être plus aérodynamique, mais c’est tout…

A présent, si tu as affaire à un jeune musulman qui n’est pas français, selon la théorie à la Nadine, cela veut dire qu’il n’est pas obligé d’aimer la France, il a le droit de foutre le brin partout. Il n’est pas obligé d’avoir un travail. De toute façon, il n’y en a déjà pas beaucoup pour les autres. Il peut parler verlan. Sauf que, s’il n’est pas français, ce n’est certainement pas le même verlan que le tien. Tu vois bien toute la finesse : Quand il dit Halla, c’est pareil que Allah, c’est juste en verlan quand il l’écrit. Puis, comme il a le droit de parler à l’envers, il a aussi le droit de mettre sa casquette à l’envers ! Oui, mes gens ! Tu ne l’avais jamais remarqué, mais c’est livré avec, quand tu portes une casquette. Ma Nadine a tout compris, elle ! Si tu la mets à l’envers, automatiquement tu vas parler verlan ! C’est comme si en retournant la casquette que tu as sur la tête, ton cerveau suivait le mouvement avec…

Maintenant, il y a encore un cas que l’on peut évoquer ensemble. C’est qu’elle a soulevé une question importante, ma Nadine. On se doit d’essayer d’y répondre, puisque cela fait suite à l’identité nationale, qui a bien dérapé, c’est vrai. Imagine, mes gens, que l’on n’a pas affaire à un musulman. On va prendre un jeune catho, français depuis la nuit des temps, pour être vraiment dans un cas particulier. Pierre-Antoine de la Croix du Sentier du Jardin. Tu vois, son blaze pose problème aussi, il est obligé de rédiger son CV en mode paysage. Il aime son pays, mais cela ne l’empêche pas de râler tout le temps. C’est dans ses gènes depuis la révolution française, au moins. Et pourquoi il râle, mes gens ? Bah, c’est parce qu’il ne trouve pas de travail ! Du coup, il commence à zoner dans les rues et il met sa casquette à l’envers aussi. Lui, selon la méthode de ma Nadine, il a le droit. Donc, on l’a vu plus haut, cela lui retourne la parole et il commence à faire du verlan…

Mes gens, j’espère que tu auras compris que cette petite plaisanterie, que je viens de faire, soulève des interrogations bien plus profondes. Que l’on n’arrête de faire du bruit pour rien ! Ces phrases ne font pas avancer le débat, mais le font certainement tourner vinaigre. Puis, on a peut-être des sujets bien plus urgents à régler et une multitude de vraies questions dont on n’a toujours pas les réponses ! Du mauvais, il y en a partout, de toutes couleurs, de toutes religions. Il y en a même chez les élus... Ce serait trop facile si l’on pouvait reconnaître un nuisible par un signe extérieur. Maintenant, ma Nadine et tous les autres, même si cela peut nous faire rire toutes ces bêtises que l’on entend, nous-autres, les électeurs. On rappelle gentiment que l’on peut tous mettre sa casquette à l’envers et parler verlan. De toute façon, à l’endroit ou à l’envers, on a vraiment l’impression que l’on ne se comprend plus !