Chalut mes gins ! J’espèr’te qu’tout i va bin pour ti ? Bah, ouais, cor’ un ouiquend qui est paché com’ un pet chu eune toile cirée. Je n’te l’fais pon dir’te ! D’autint qu’pour mi, conchert de The Qui, un groupe qui parodie The Who, en adaptant leux canchons in français. A mourir d’rires ! Conchert auchi d’min ami Pat’Bol et d’eune découverte pour mi, car je n’la connaissos pon bin, Agnès Bihl. Chi t’as l’occasion, mes gins, vas-y ! Te vas pacher un bion momint, alle est géniale ! Pis, j’ai eu l’chince d’papoter aveuc alle à l’fin, alle est généreusse, marrante et très gintille. Infin, tout cha i est à mette dins ch’boîte à chouv’nir. Malheureuss’mint, in a appris l’mort d’Jean Ferrat. J’dois te l’avouer, je n’étos pon fan de l’homme, mais ches canchons demeureront dins toutes ches mémoires…

I y a auchi un chiffe qui va rechter dins toutes ches mémoires, 53,6% ! Vingt dius ! In n’peut pon dir’te qu’ches élec’chions alles ontent mobilisé ches foules ! Chi in voulot ête dins ch’Guinness d’ches arcords, à m’mote, in a eune bionne chince ! Alors, forchémint, à’ch’t’heure, cha y va bion train. Ches uns is ontent gagné, ouais, mais aveuc l’mitan d’el France in moins. Ches autes is ontent perdu, ouais mais is aurotent p’t-ête gagné aveuc ch’mitan qui minqu’tent. Te m’excusseras, mais pour simplifier, j’vais dir’te ch’mitan in arrondichint à chinquinte, ch’est pus simpe. D’toute fachon, cha n’cange pon gramint ch’problème, ch’est d’euch parel à ch’même. Kif-kif aveuc ou chins ch’bourricot. Moite-moite, d’autint qu’i y in a chertains qui n’ontent pus qu’ches zis pour braire. Fifty-fifty, quind j’te disos qu’ch’est pus simpe d’arrondir, te vos. Chinquinte-chinquinte, i n’rechte pus qu’à faire appel à un ami. Pardon, à un d’mi-ami, puich’qu’in in a perdu eune mitan in route…

Bref, pour arprinde d’eune fachon détournée un tite d’film bin connu : Chinquinte pour chint d’votants, chinquinte pour chint d’abstinchionnistes, chint pour chint français ! Infin mi, j’ai m’conscienche trinquille, j’t’ai donné ch’mote d’imploi vinderdi, j’ai fait min d’voir. Mais d’ù qui sont pachés ches chinquinte pour chint ? Ouais ! Chi j’étos aveuc eune tiête com’ eune montgolfière, j’auros tindinche à dir’te qu’is n’ontent pon lu Marie Toutoule et v’là ch’qui arrif’ ! Mais m’tiête alle est normale, alors i faut quercher des esplicachions ailleurs. Forchémint ches boîtes à sondache alles sont chu ch’pid d’guerre et i y a quéques pistes. In premier, l’plupart d’ches gins is estim’tent qu’cha n’va nin canger qué cosse à leu vie quotidienne et qu’ch’est eune fachon com’ eune aute d’dir’te qu’in n’est pon contint. Eune grèf’ d’ches urnes, ouais, j’veux bin, mais i aurot fallu mette un bull’tin blinc. Cha, cha aurot été eune bionne preuf’ qu’in n’est pon contint. Imagine, ti, l’guiffe d’ches uns t d’ches autes chi ch’blinc i avot été élu à 53,6% à ch’premier tour. Pour l’peu, is aurotent été tertous blincs com’ un linche. Vert d’colère. Rouche d’rache. Bleu d’asphyxie. Oranche d’désespoir…

Quo ? J’ai oublié rosse ? Ah, ouais ! Ch’est vrai qu’ch’est l’couleur prédomininte. In même timps, avint d’virer à ch’rouche, te paches par ch’rosse. Bion, bion, d’accord, puich’que t’insistes ! Rosse com’ l’bionne mine réjouie d’Titine, qui doit continuer à afficher ch’te couleur, même chi alle aurot tindinche à pacher par toutes ches couleurs, à causse d’euch trublion d’serviche in Languedoc-Roussillon. Min Georges Frêche qui a fait capoter sin plan. I y avot cor’ des épines dins ch’bouquet d’rosses et Titine alle s’est piquée. Ch’qui va permette d’réponde à l’première partie : Effectiv’mint, cha n’cange rin à l’vie quotidienne, in prend ches mêmes et in arcomminche. Georges i pach’te d’euch rôle d’paria à ch’ti d’rimpart conte sin ennemi juré, min Nicolas, et tout ch’qui peut ête à drote. Tout cha, bin intindu, chins l’dir’te, puich’que chacun i dot l’faire in conscienche. Georges et Nicolas is sont dins eune barque in train d’pêquer. Nicolas i quée à l’flotte et ch’bouée canard Jean-Marie alle fuit… D’vine pour qui te dos voter, mes gins, chi te veux minger des sardines grillées ? Ah, nin ! Mi, j’fais com’ Titine, je n’te donn’te pon l’soluchion, même chi min Benoît, toudis Hamon goût, i a cafté. Qué babèle i a ch’ti-lal ! In même timps, ch’est sin porte-parole…

Tindis que l’môme Titine alle sort sin nouvieau tube nin je n’argrette rin in réponche à tout ch’dallache aveuc min Georges, i faut ch’attinde à un film lad’chus, jué par Marion Cotillons. Ah chi, alle est à l’fiête alors ch’est cotillons ou rin pour l’môme Titine ! I y a forchémint des voix qui ch’élèv’tent d’l’aute côté. Ch’est bin connu, quind ch’est l’fin d’tout, ch’est lal que ch’t’homme i d’vient ch’pus créatif. In l’occurrinche, parité obliche, ch’est eune femme, Nathalie Kosciusko-Morizet. Ouais, j’sais, i faut lir’te lint’mint in ayant pris eune bionne respirachion, chinon te n’y arriveras pon. Bref, NKM dins un cri d’désespoir, même chi alle n’est pon oranche, à contribuer à inrichir l’lingue françaisse d’un nouvieau mot : Gerbique. J’vais arplacher ch’terme dins l’phrasse : « Frêche qui jue ches réconchiliateurs, ch’est gerbique » ! Forchémint, j’sus sûr’te que te pinses à l’même cosse qu’mi : Cha vient d’gerber et même chi Georges i a fait un carton, in ch’doute bin qu’cha n’est pon d’un impilache d’cartons dont alle parl’te. Nin ! I y a d’forte chince qu’alle pinse à un truc pus vomitif…

Pourtint, mes gins, chins l’vouloir et chins prétinde qu’alle pourra rintrer à l’académie françaisse aveuc cha, alle a fait d’l’echprit chins parel et donn’te raison à Titine. Démonstrachion : Gerbique, adjectif invariant in ginre. Ch’est à dir’te qu’i ou alle peut ête gerbique. Chi in a vu auchitôt l’relachion aveuc l’ac’chion d’vomir, in peut auchi vir eune relachion aveuc l’ac’chion d’faire une gerbe et lal, cha prind eune toute aute impleur. Bah, ouais, eune gerbe d’rosses, forchémint, puich’qu’alle parl’te d’Frêche. Te vos l’puissinche de ch’te phrasse ? Frêche qui jue ches réconchiliateurs in faisant un bouquet d’rosses ! Trublion, rimpart, à’ch’t’heure fleuriste. L’seu qui est capape d’prinde plein d’rosses pour in faire un bouquet. Bah, commint qu’te veux qu’Titine alle arfuse ch’bouquet d’rosses qui est à ch’portée ? Forchémint, même chi alle sait qu’i y a cor’ des épines, com’ in l’a vu pus haut, ch’est impochipe d’arfuser. Ch’est com’ chi eune querelle d’amoureux alle ch’finissot bin, d’ù qu’à l’fin l’homme amèn’te un bouquet d’rosses à ch’dulchinée et qu’tout i va pour l’miux dins ch’meilleux d’ches montes. Et hop ! D’euch cop, le v’là réconchiliateur !

Bin intindu, i n’y a pon qu’ches tros-lal qui ontent fait parler d’eusses. Cha nin ! Chi in fait un rapite tour, in peut vir qu’François Fillon i dit que l’abstinchion alle n’permet pon d’tirer un inseignemint nachional d’che scrutin. Pourtint, mi j’treuve qu’chi ! I y a pus d’el mitan d’el France qui a préféré rechter chous ch’couette. Cha n’voudrot pon dir’te qu’à forche d’faire du n’importé quo et d’pacher sin timps à invoyer des tiotes phrasses assassines, plutôt que d’essayer d’treuver d’vraies soluchions à ches problèmes d’euch quotidien, in ne s’rot pon blasé d’tout ? Xavier Bertrand li, i n’jue pon Cosette, mais eune verchion pus moderne. Pon jusqu’à aller à Stéphanie d’Monaco pour espliquer que ch’taux d’abstinchion i est com’ un ouragan qui aurot balayé ches projets à min Nicolas. Mais chertain’mint pour arsintir l’Alizée : « Ch’est pon d’em faute, chi ches gins is n’ontent pon voté. Ch’est pon d’em faute, ch’est pon d’em faute à mi… » Frédéric Lefebvre, ch’ti qui tire pus vit’ qu’sin ombe. Ouais, ch’est nin flatteur pour Lucky Luke, même ch’is ontent cow-boy in commint. Li, i fait eune crisse d’jalousie primaire in disant qu’i y a des sochialistes sortants qui ontent fait d’très mauviais résultats et chertains is sont même deussièmes. Et in pourrot continuer cor’ longtimps com’ cha…

Te vos, mes gins, j’ai parlé tout à l’heure qu’ches boîtes à sondache alles étotent chu ch’pid d’guerre pour savoir pourquo ches élec’chions alles ontent fait un bide et qu’i y a quéques pistes. In premier, l’plupart d’ches gins is estim’tent qu’cha n’va nin canger qué cosse à leu vie quotidienne. J’ai bin peur qu’i n’y ait même pon d’autes pistes à exploiter. Du moins, j’n’in vos pon dins l’immédiat. In tout cas, in n’est pon prêt de n’pus avoir d’joutes verbales, quolibets, phrasses assassines et autes miots d’amour. Et je n’te parl’te même pon d’ches tiots arring’mints intre amis, d’ches artourn’mints d’veste, d’ches cang’mints d’avis. A part cha, tout i va bin. Te t’étonn’tes, ti, qu’Marine Le Pen alle part voter in cantonnant…

Une moitié pour un bide total

Salut mes gens ! J’espère que tout va bien pour toi ? Bah, oui, encore un week-end qui est passé comme un pet sur une toile cirée. Je ne te le fais pas dire ! D’autant que pour moi, concert de The Qui, un groupe qui parodie The Who, en adaptant leurs chansons en français. A mourir de rires ! Concert aussi de mon ami Pat’Bol et d’une découverte pour moi, car je ne la connaissais pas bien, Agnès Bihl. Si tu as l’occasion, mes gens, vas-y ! Tu vas passer un bon moment, elle est géniale ! Puis, j’ai eu la chance de papoter avec elle à la fin, elle est généreuse, marrante et très gentille. Enfin, tout cela est à mettre dans la boîte à souvenir. Malheureusement, on a appris la mort de Jean Ferrat. Je dois te l’avouer, je n’étais pas fan de l’homme, mais ses chansons demeureront dans toutes les mémoires…

Il y a aussi un chiffre qui va rester dans toutes les mémoires, 53,6% ! Bon sang ! On ne peut pas dire que ces élections ont mobilisé les foules ! Si l’on voulait être dans le Guinness des records, à mon avis, on a une bonne chance ! Alors, forcément, aujourd’hui, cela y va bon train. Les uns ont gagné, oui, mais avec la moitié de la France en moins. Les autres ont perdu, oui mais ils auraient peut-être gagné avec la moitié qui manquent. Tu m’excuseras, mais pour simplifier, je vais dire la moitié en arrondissant à cinquante, c’est plus simple. De toute façon, cela ne change pas beaucoup le problème, c’est du pareil au même. Kif-kif avec ou sans le bourricot. Moite-moite, d’autant qu’il y en a certains qui n’ont plus que les yeux pour pleurer. Fifty-fifty, quand je te disais que c’est plus simple d’arrondir, tu vois. Cinquante-cinquante, il ne reste plus qu’à faire appel à un ami. Pardon, à un demi-ami, puisque l’on en a perdu une moitié en route…

Bref, pour reprendre d’une façon détournée un titre de film bien connu : Cinquante pour cent de votants, cinquante pour cent d’abstentionnistes, cent pour cent français ! Enfin moi, j’ai ma conscience tranquille, je t’ai donné le mode d’emploi vendredi, j’ai fait mon devoir. Mais où sont passés les cinquante pour cent ? Oui ! Si j’étais avec une tête comme une montgolfière, j’aurais tendance à dire qu’ils n’ont pas lu Marie Toutoule et voilà ce qui arrive ! Mais ma tête est normale, alors il faut chercher des explications ailleurs. Forcément les boîtes à sondage sont sur le pied de guerre et il y a quelques pistes. En premier, la plupart des gens estiment que cela ne va pas changer quelque chose à leur vie quotidienne et que c’est une façon comme une autre de dire que l’on n’est pas content. Une grève des urnes, oui, je veux bien, mais il aurait fallu mettre un bulletin blanc. Ca, cela aurait été une bonne preuve que l’on n’est pas content. Imagine, toi, la gueule des uns et des autres si le blanc avait été élu à 53,6% au premier tour. Pour le peu, ils auraient été tous blancs comme un linge. Vert de colère. Rouge de rage. Bleu d’asphyxie. Orange de désespoir…

Quoi ? J’ai oublié rose ? Ah, oui ! C’est vrai que c’est la couleur prédominante. En même temps, avant de virer au rouge, tu passes par le rose. Bon, bon, d’accord, puisque tu insistes ! Rose comme la bonne mine réjouie de Titine, qui doit continuer à afficher cette couleur, même si elle a tendance à passer par toutes les couleurs, à cause du trublion de service en Languedoc-Roussillon. Mon Georges Frêche qui a fait capoter son plan. Il y avait encore des épines dans le bouquet de roses et Titine s’est piquée. Ce qui va permettre de répondre à la première partie : Effectivement, cela ne change rien à la vie quotidienne, on prend les mêmes et on recommence. Georges passe du rôle de paria à celui de rempart contre son ennemi juré, mon Nicolas, et tout ce qui peut être à droite. Tout cela, bien entendu, sans le dire, puisque chacun doit le faire en conscience. Georges et Nicolas sont dans une barque en train de pêcher. Nicolas tombe à la flotte et sa bouée canard Jean-Marie fuit… Devine pour qui tu dois voter, mes gens, si tu veux manger des sardines grillées ? Ah, non ! Moi, je fais comme Titine, je ne te donne pas la solution, même si mon Benoît, toujours Hamon goût, a cafté. Quelle babèle il a celui-là ! En même temps, c’est son porte-parole…

Tandis que la môme Titine sort son nouveau tube non je ne regrette rien en réponse à tout ce bazar avec mon Georges, il faut s’attendre à un film là-dessus, joué par Marion Cotillons. Ah si, elle est à la fête alors c’est cotillons ou rien pour la môme Titine ! Il y a forcément des voix qui s’élèvent de l’autre côté. C’est bien connu, quand c’est la fin de tout, c’est là que l’homme devient le plus créatif. En l’occurrence, parité oblige, c’est une femme, Nathalie Kosciusko-Morizet. Oui, je sais, il faut lire lentement en ayant pris une bonne respiration, sinon tu n’y arriveras pas. Bref, NKM dans un cri de désespoir, même si elle n’est pas orange, à contribuer à enrichir la langue française d’un nouveau mot : Gerbique. Je vais replacer ce terme dans la phrase : « Frêche qui joue les réconciliateurs, c’est gerbique » ! Forcément, je suis sûre que tu penses à la même chose que moi : Cela vient de gerber et même si Georges a fait un carton, on se doute bien que ce n’est pas d’un empilage de cartons dont elle parle. Non ! Il y a de forte chance qu’elle pense à un truc plus vomitif…

Pourtant, mes gens, sans le vouloir et sans prétendre qu’elle pourra rentrer à l’Académie française avec cela, elle a fait de l’esprit sans pareil et donne raison à Titine. Démonstration : Gerbique, adjectif invariant en genre. C’est à dire qu’il ou elle peut être gerbique. Si on a vu aussitôt la relation avec l’action de vomir, on peut aussi voir une relation avec l’action de faire une gerbe et là, cela prend une toute autre ampleur. Bah, oui, une gerbe de roses, forcément, puisqu’elle parle de Frêche. Tu vois la puissance de cette phrase ? Frêche qui joue les réconciliateurs en faisant un bouquet de roses ! Trublion, rempart, maintenant fleuriste. Le seul qui est capable de prendre plein de roses pour en faire un bouquet. Bah, comment veux-tu que Titine refuse ce bouquet de roses qui est à sa portée ? Forcément, même si elle sait qu’il y a encore des épines, comme on l’a vu plus haut, c’est impossible de refuser. C’est comme si une querelle d’amoureux se finissait bien, où à la fin l’homme amène un bouquet de roses à sa dulcinée et que tout va pour le mieux dans le meilleur des mondes. Et hop ! Du coup, le voilà réconciliateur !

Bien entendu, il n’y a pas que ces trois-là qui ont fait parler d’eux. Ca non ! Si l’on fait un rapide tour, on peut voir que François Fillon dit que l’abstention ne permet pas de tirer un enseignement national de ce scrutin. Pourtant, moi j trouve que si ! Il y a plus de la moitié de la France qui a préféré rester sous la couette. Cela ne voudrait pas dire qu’à force de faire du n’importe quoi et de passer son temps à envoyer des petites phrases assassines, plutôt que d’essayer de trouver de vraies solutions aux problèmes du quotidien, on ne serait pas blasé de tout ? Xavier Bertrand lui, il ne joue pas Cosette, mais une version plus moderne. Pas jusqu’à aller à Stéphanie de Monaco pour expliquer que ce taux d’abstention est comme un ouragan qui aurait balayé les projets de mon Nicolas. Mais certainement pour ressentir l’Alizée : « C’est pas ma faute, si les gens, ils n’ont pas voté. C’est pas ma faute, c’est pas ma faute à moi… » Frédéric Lefebvre, celui qui tire plus vite que son ombre. Oui, ce n’est pas flatteur pour Lucky Luke, même s’ils ont cow-boy en comment. Lui, il fait une crise de jalousie primaire en disant qu’il y a des socialistes sortants qui ont fait de très mauvais résultats et certains sont même deuxièmes. Et on pourrait continuer encore longtemps comme cela…

Tu vois, mes gens, j’ai parlé tout à l’heure que les boîtes à sondage étaient sur le pied de guerre pour savoir pourquoi ces élections ont fait un bide et qu’il y a quelques pistes. En premier, la plupart des gens estiment que ce ne va pas changer quelque chose à leur vie quotidienne. J’ai bien peur qu’il n’y ait même pas d’autres pistes à exploiter. Du moins, je n’en vois pas dans l’immédiat. En tout cas, on n’est pas prêt de ne plus avoir de joutes verbales, quolibets, phrases assassines et autres mots d’amour. Et je ne te parle même pas des petits arrangements entre amis, des retournements de veste, des changements d’avis. A part cela, tout va bien. Tu t’étonnes, toi, que Marine Le Pen part voter en chantonnant…