Chalut mes gins ! Vingt dius ! Cha arcaille d’pus bielle ! Dir’te qu’in nous rebat ches orelles aveuc ch’récauff’mint climatique. Récauff’mint, min oeul ! Timpêtes, neiche, ch’est misère et désolachion dins tous ches coins d’France ! Et je n’te parl’te même pon d’el vraie désolachion dins ches départ’mints qui ontent été ravagés ches derniers jours. In ch’les gèl’te, mi j’te l’dis et chi t’es un mec, cha n’in a qu’pus d’sins ! Com’ ch’salon i vient d’fermer, pon quechtion ch’récauffer aveuc ches biêtes, alors i rechte à faire Starmania. Bah, nin, in n’va pon l’arjuer pour avoir caud, j’parlos d’dormir ches uns conte ches autes. In même timps, in n’va pon pacher l’journée à ch’lit. In attindint, mi, j’vais boire eune goutte d’jus pour avoir caud…

« George, te peux m’apporter eune goutte d’jus, ch’te plaît !  Commint cha what else ? J’in sais rin mi ! Vu l’heure, te n’vas pon m’faire ch’cop de ch’tiote bistoulle. A moins qu’t’aies invie que j’boule chous ch’bureau. Ch’est qu’j’ai min artique à faire, mi ! Alors quo d’aute, te n’as qu’à raviser dins ch’placard, i dot rechter eune boîte d’gaufrettes amusintes. Cha ira très bin ! » Cha a bieau ête l’journée d’el femme. D’ailleurs, juss’ après l’fiête d’ches grinds-mères, j’vais finir par croir’te qu’is l’ontent fait esprès. Cha n’est pon George Clooney qui m’in a préparé un ch’matin, alors à’ch’t’heure cor’ moins. Oops ! J’sins que j’vais avoir eune schène. « Mais t’es cor’ pus bieau, min Loulou ! » Commint cha impochipe ? Ch’est qui qui a dit cha ? Impochipe, pon français ! Just’mint li, chi, contrair’mint à George ! Alors, te vos, rin d’impochipe. Quind George i dit what else ? Te pourras réponde min Loulou ! Nin, ch’mien ! Infin, bref ! Aveuc tout cha, j’vais finir par oublier d’quo j’allos parler…

Nin, nin, ch’est pon l’sourire d’George qui m’a troublé, d’autint qu’i va finir par l’perde. Bah, cha nin ! Loin d’mi l’idée d’avoir pinsé qu’ch’est pach’qu’i a d’jà quéques heures d’vol et qu’aveuc un bion maquillache, n’importé qui à l’télé i arsimblerot à un jonne premier. Bin qu’in même timps, quind te ravises ches photos d’paparazzi, t’es sûr’te que quo d’aute, just’mint des milliers d’autes chins aucun doute. Ichi, ch’i richqu’te d’perde sin bieau sourire, ch’est pach’que ch’mono Paul. Oops, cor’ ! Ch’est vrai qu’i avot auchi un sourire à querre par tierre, ch’mono Paul quind j’étos in colonie, mais ch’est viux. Te l’auras compris, ch’est ch’monopole, dont j’voulos t’parler, pour ches dosettes Nespresso qui va querre. Casino, Monoprix et LeaderPrice ontent treuvé des brèches dins ch’brevet déposé par ch’géant suisse qui leu permettront d’faire des dosettes équivalintes mais gramint moins quères !  In pus, is annonch’tent que cha s’ra eune révoluchion dins l’sins d’ù qu’ches dosettes in alu alles s’rontent rimplachées par des modèles biodégradapes in amidon ! What else ? Bah, ch’est bion pour l’planète et ch’est d’jà cha !

Ch’est l’fin d’un monte, mes gins ! Fini ches boutiques d’luxe pour aller acater ches dosettes, com’ chi t’allos acater eune barrette d’pierres préchieusses. « Nin, chéri, in prind des rouches à’ch’t’heure. Ches bleues alles m’ontent donné des aigreurs d’estomac et alles fontent taches dins ch’dichtributeur chu ches murs d’eul nouvielle cuisine ! » Fini ch’colis que t’archevos par l’poste, pach’que te d’vos comminder chu Internet. In même timps, cha t’permettot de n’pon t’mélinger aveuc ch’bion peupe qui ch’continte, li, d’un jus in paquet d’deux chint chinquinte grammes. Hé ouais ! Nespresso est à ch’café ch’que Bordeau Chesnel i est à ches rillettes. In n’a pon ches mêmes valeurs et churtout ch’prix d’un tiot jus ! A’ch’t’heure, cha s’ra dur’te de t’la péter aveuc t’maquine à café, designée par ches pus grinds, quind t’archevras des invités et qu’eul maîtèche d’mason alle ch’écriera : « Vous pindrez bin un café, j’vais mette in march’te ma NESpressooooo ! » Bah, ouais, gramint de « o » pour ête sûr’te que t’as bin compris qu’i n’s’agit pon d’un bocal d’café instintané. Pach’qu’alle a gramint insisté chu NES et qu’i y a un richque d’pacher pour eune pauf’ !

Ch’est pon moins d’quate chint chinquinte millions d’capsules qui vontent ête fabriquées pour 2010 et jusqu’à deux milliards en 2011. Et après cha, in dit que ch’monte i n’tourn’te pus rond. Cha ne m’étonn’te pus. In est tertous tell’mint énervé par ch’café qu’i n’faut pon que quéqu’un i la ramèn’te, in li saute d’chus ! J’te laisse auchi imaginer ches chiffes, rin qu’in France, avint ches élec’chions in 2012. Cha va ête tell’mint tindu que même Jean-Pierre Coffe n’aura pon b’soin d’faire d’el pub pour cheules d’LeaderPrice, alles vontent ch’vinte toutes seu ! Quo et après ? Après ches élec’chions, bin, cha n’s’ra pon assez fort, faudra investir dins l’bibine. D’un côté pour fiêter cha et d’l’aute, pon ch’armonter ch’moral ! A moins, qu’d’ichi-lal, is nous bricol’tent des dosettes bistoulles. What else ? Oh, oh, t’en posses d’ches quechtions ! I t’rechtera toudis t’boutelle d’rhum ou de g’nièf’, chi cha n’march’te pon leu truc ou qu’ch’est pon assez fort !

Tremble Nespresso ! Mais eusses is ontent répondu même pon peur. Même ch’is n’peuv’tent rin faire conte cha, is déclar’tent qu’leu qualité alle s’ra toudis chupérieure. Ouais, ch’est ch’qu’in dit tout l’timps quind in est pus quer ! Is vontent faire croir’te qu’is ontent des caféiers rin qu’à eusses et qu’is ontent ré-imbauché tous ches El Gringo qu’Jacques Vabre i n’a pus b’soin pour vérifier ches grains un à un. Vingt dius ! Ch’est pour cha qu’ch’est quer ! Chaque grain i est cueilli à l’main. Te m’diras, aveuc ches pids, ch’est moins fachile. I est grillé thermostat douze, i y a toute eune équipe d’cuistots qui veill’tent à ch’grain. Ah, je n’l’ai pon fait esprès, mais ch’est l’cas d’el dir’te. Inchuite, in l’moud aveuc délicatèche pour n’pon li faire d’mau. Pis in l’met dins ch’dosette. What else ? In l’acate et in n’râle pon, te sais pourqui ch’est quer !

L’bionne nouvielle dins ch’t’histoire… Ouais, in va payer ches dosettes moins quère et cha m’étonnerot, com’ pour gramint d’autes produits, qu’in sinte ch’différinche in buvant sin jus. Mais ch’est pon seul’mint lal d’ù que j’voulos in venir. I va bin d’voir aller raviser d’timps in timps ailleurs, min George. Fini ches boutiques d’luxe seul’mint ! In même timps, alles n’sont pon vraimint sûr’tes, ch’est mi qui te l’dis. Pach’que chi, ichi, i drache gramint, d’vint chez alles, i drache des pianos et j’peux t’dir’te que, même aveuc un bion pébroc, te richques t’vie in allant acater du café ! Toudis i est qu’in a des chinces d’eul vir dins ches LeaderPrice et lal, i n’y a pon photo. Même chi George i est moins bieau qu’min Loulou, j’préfère cor’ un café servi par li qu’part Jean-Pierre Coffe ! What else ? Bah, pourquo pon un deussième ! Quand in a querre…

Mes gins, in v’là eune bionne nouvielle pour ch’journée d’eul femme. George i s’ra dins ches rayons d’tin magasin préféré. J’sus sûr’te que, pour eune fos, te s’ras bin continte qu’tin mari i treuve eune excusse pour rechter affalé d’vint ch’télé et t’y laicher aller seu. Te f’ras eune gros baisse à George de m’part. What else ? Ah, cha ch’est ti qui vos, pus chi affinité…

Une femme, une dosette, du bonheur !

Salut mes gens ! Bon sang ! Ca re-caille de plus belle ! Dire que l’on nous rebat les oreilles avec le réchauffement climatique. Réchauffement, mon oeil ! Tempêtes, neige, c’est misère et désolation dans tous les coins de France ! Et je ne te parle même pas de la vraie désolation dans ces départements qui ont été ravagés ces derniers jours. On se les gèle, moi je te le dis et si tu es un mec, cela n’en a que plus de sens ! Comme ce salon vient de fermer, pas question de se réchauffer avec les bêtes, alors il reste à faire Starmania. Bah, non, on ne va pas le rejouer pour avoir chaud, je parlais de dormir les uns contre les autres. En même temps, on ne va pas passer la journée au lit. En attendant, moi, je vais boire une goutte de jus pour avoir chaud…

« George, tu peux m’apporter une goutte de jus, s’il te plaît !  Comment cela what else ? Je n’en sais rien moi ! Vu l’heure, tu ne vas pas me faire le coup de la petite bistouille. A moins que tu aies envie que je roule sous le bureau. C’est que j’ai mon article à faire, moi ! Alors quoi d’autre, tu n’as qu’à regarder dans le placard, il doit rester une boîte de gaufrettes amusantes. Cela ira très bien ! » Cela a beau être la journée de la femme. D’ailleurs, juste après la fête des grands-mères, je vais finir par croire qu’ils l’ont fait exprès. Ce n’est pas George Clooney qui m’en a préparé un ce matin, alors maintenant encore moins. Oops ! Je sens que je vais avoir une scène. « Mais tu es encore plus beau, mon Loulou ! » Comment ça impossible ? C’est qui qui a dit ça ? Impossible, pas français ! Justement lui, si, contrairement à George ! Alors, tu vois, rien d’impossible. Quand George dit what else ? Tu pourras répondre mon Loulou ! Non, le mien ! Enfin, bref ! Avec tout cela, je vais finir par oublier de quoi j’allais parler…

Non, non, ce n’est pas le sourire de George qui m’a troublé, d’autant qu’il va finir par le perdre. Bah, ça non ! Loin de moi l’idée d’avoir pensé que c’est parce qu’il a déjà quelques heures de vol et qu’avec un bon maquillage, n’importe qui à la télé ressemblerait à un jeune premier. Bien qu’en même temps, quand tu regardes les photos de paparazzi, tu es sûr que quoi d’autre, justement des milliers d’autres sans aucun doute. Ici, s’il risque de perdre son beau sourire, c’est parce que le mono Paul. Oops, encore ! C’est vrai qu’il avait aussi un sourire à tomber par terre, le mono Paul quand j’étais en colonie, mais c’est vieux. Tu l’auras compris, c’est le monopole, dont je voulais te parler, pour les dosettes Nespresso qui va tomber. Casino, Monoprix et LeaderPrice ont trouvé des brèches dans le brevet déposé par le géant suisse qui leur permettront de faire des dosettes équivalentes mais beaucoup moins chères !  En plus, ils annoncent que ce sera une révolution dans le sens où les dosettes en alu seront remplacées par des modèles biodégradables en amidon ! What else ? Bah, c’est bon pour la planète et c’est déjà ça !

C’est la fin d’un monde, mes gens ! Fini les boutiques de luxe pour aller acheter ces dosettes, comme si tu allais acheter une barrette de pierres précieuses. « Non, chéri, on prend des rouges aujourd’hui. Les bleues m’ont donné des aigreurs d’estomac et elles font taches dans le distributeur sur le mur de la nouvelle cuisine ! » Fini le colis que tu recevais par la poste, parce que tu devais commander sur Internet. En même temps, cela te permettait de ne pas te mélanger avec le bon peuple qui se contente, lui, d’un café en paquet de deux cent cinquante grammes. Hé oui ! Nespresso est au café ce que Bordeau Chesnel est aux rillettes. On n’a pas les mêmes valeurs et surtout le prix d’un petit café ! A présent, ce sera dur de te la péter avec ta machine à café, designée par les plus grands, quand tu recevras des invités et que la maîtresse de maison s’écriera : « Vous pendrez bien un café, je vais mettre en marche ma NESpressooooo ! » Bah, oui, beaucoup de « o » pour être sûr que tu as bien compris qu’il ne s’agit pas d’un bocal de café instantané. Parce qu’elle a beaucoup insisté sur NES et qu’il y a un risque de passer pour une pauvre !

Ce n’est pas moins de quatre cent cinquante millions de capsules qui vont être fabriquées pour 2010 et jusqu’à deux milliards en 2011. Et après cela, on dit que le monde ne tourne plus rond. Cela ne m’étonne plus. On est tous tellement énervé par le café qu’il ne faut pas que quelqu’un la ramène, on lui saute dessus ! Je te laisse aussi imaginer les chiffres, rien qu’en France, avant les élections en 2012. Ca va être tellement tendu que même Jean-Pierre Coffe n’aura pas besoin de faire de la pub pour celles de LeaderPrice, elles vont se vendre toutes seules ! Quoi et après ? Après les élections, bien, ce ne sera pas assez fort, faudra investir dans la bibine. D’un côté pour fêter ça et de l’autre, pas se remonter le moral ! A moins, que d’ici-là, ils nous bricolent des dosettes bistouilles. What else ? Oh, oh, tu en poses des questions ! Il te restera toujours ta bouteille de rhum ou de genièvre, si ça ne marche pas leur truc ou que ce n’est pas assez fort !

Tremble Nespresso ! Mais eux ont répondu même pas peur. Même s’ils ne peuvent rien faire contre cela, ils déclarent que leur qualité sera toujours supérieure. Oui, c’est ce que l’on dit tout le temps quand on est plus cher ! Ils vont faire croire qu’ils ont des caféiers rien qu’à eux et qu’ils ont ré-embauché tous les El Gringo que Jacques Vabre n’a pus besoin pour vérifier les grains un à un. Bon sang ! C’est pour cela que c’est cher ! Chaque grain est cueilli à la main. Tu me diras, avec les pieds, c’est moins facile. Il est grillé thermostat douze, il y a toute une équipe de cuistots qui veillent au grain. Ah, je ne l’ai pas fait exprès, mais c’est le cas de le dire. Ensuite, on le moud avec délicatesse pour ne pas lui faire de mal. Puis on le met dans sa dosette. What else ? On l’achète et on ne râle pas, tu sais pourquoi c’est cher !

La bonne nouvelle dans cette histoire… Oui, on va payer les dosettes moins chère et cela m’étonnerait, comme pour beaucoup d’autres produits, que l’on sente la différence en buvant son café. Mais ce n’est pas seulement là où que je voulais en venir. Il va bien devoir aller regarder de temps en temps ailleurs, mon George. Fini les boutiques de luxe seulement ! En même temps, elles ne sont pas vraiment sûres, c’est moi qui tu le dis. Parce que si, ici, il pleut beaucoup, devant chez elles, il pleut des pianos et je peux te dire que, même avec un bon pébroc, tu risques ta vie en allant acheter du café ! Toujours est-il que l’on a des chances de le voir dans les LeaderPrice et là, il n’y a pas photo. Même si George est moins beau que mon Loulou, je préfère encore plus un café servi par lui que par Jean-Pierre Coffe ! What else ? Bah, pourquoi pas un deuxième ! Quand on aime…

Mes gens, en voilà une bonne nouvelle pour la journée de la femme. George sera dans les rayons de ton magasin préféré. Je suis sûre que, pour une fois, tu seras bien contente que ton mari trouve une excuse pour rester affalé devant la télé et t’y laisser aller seule. Tu feras une grosse bise à George de ma part. What else ? Ah, ça c’est toi qui vois, plus si affinité…