Chalut mes gins ! Vingt dius ! Com’ ches ouiquens is peuv’tent ête courts par momints ! J’n’ai pon vu ch’timps pacher. Churtout ch’te soirée d’sam’di. J’sus allé vir Swingin’Partout à ch’Jazz Festival d’Marquette. Cha décoiffe ! J’ai swingué dins min lit com’ eune babache toute l’nuit, ch’est pour dir’te. J’arviendrai su eusses dins pon longtimps, car is ont un album su ch’fu. In tout cas, mes gins, com’ is pach’tent un peu partout, com’ te peux le d’viner juss’ in lisant leu nom, chi te peux aller les vir, te n’vas pon l’argretter. Swing, Jazz manouche is sont à ch’rindez-vous. Te t’prinds eune grinde claque musicale dins t’guiffe, ch’est mi qui te l’dis !

Just’mint à ch’propos, ch’est un ouiquen d’ù qu’i y a gramint d’claques qui ch’perdent ! Attinchion, mes gins ! Pon pour ches gamins… Te n’auras même pus l’drot d’leu mette eune fessée dins peu d’timps. Alors cor’ moins eune claque. Eh, ouais ! In vit dins un drôl’te d’monte. Pourtint, eune fessée, cha n’a jamais tué perchonne, même un cop d’pid à ch’cul, d’ailleurs. In n’a jamais dit qu’i fallot li éclater ch’coccyx, mais juss’ un tiot cop d’main à chinq dogts, cha calm’te ches echprits. D’ailleurs, ch’est assez incroyape d’vir ch’peu d’quemin qu’i peut y avoir intre ch’trou d’balle et ch’cerveau. Ch’est quasi inchtintané. Prech’que com’ chi ch’étot ch’biouton off. Bion, d’accord ! Cha n’cop’te pon ch’son, in même timps. Ch’est même pir’te quéquefos, mais cha a l’mérite d’faire réfléchir pour l’prochaine fos…

I faut qu’in prévienn’te Pierre Perret d’toute urginche. I va falloir qu’i arfasse ch’canchon, pach’que pus quechtion d’dir’te :  « Vaichelle cassée, ch’est la fessée. Vaichelle foutue, pan-pan cucul… » Interdit, mes gins ! Chi tin gamin i cass’te l’vaichelle, te pourras l’applaudir. Ch’est simpl’mint qu’i exprime sin mécontint’mint et te n’auras pus qu’à t’armette in quechtion, ti ! Pis, ch’est pour faire marcher ch’commerche. Commint qu’te veux qu’in sorte d’el crisse, chi te n’racates jamais d’vaichelle ! Ches achiettes à grind-maman alles on’tent fait leu timps ! Ch’est vrai, quo ! Parel pour ch’ress’. Pourquo ch’est li qui ringerot ch’chambe alors qu’te sais gramint miux l’faire, étant donné qu’t’as vaqu’mint pus d’expérienche qu’li ? Pourquo i mingerot ch’que te li prépares aveuc amour, alors qu’i préfèr’te miux ches McDo, affalé d’vint l’télé ? Pis li couper ch’connec’chion Internet pach’qu’i n’fait pon ches d’voirs. Commint qu’te veux qu’i sot intégré sochial’mint chi te l’impêques d’écrir’te à ches copines et à ches copains su tous ches réseaux sochiaux ?

Basta toute ch’te éducachion d’un aute chiècle, te perds d’vue qu’ch’est ti qui vis chez li. I n’faut churtout pon l’brimer, ch’pauf’ chonchon, aveuc eune éducachion décadinte. Même chi, quind i s’ra ado, cha s’ra p’t-ête li qui d’mind’ra qu’in li mette des fessées. Te m’étonn’tes ti ! I in aura intindu parler, mais i n’saura pon ch’que cha fait. Alors i voudra tester… Après te vas t’étonner qu’i te d’minde cor’ pus d’argint d’poque. Bah, te pinses ! Cha coûte bonbon d’payer eune coach pour li apprinde ches coutumes d’euch passé. D’jà qu’i n’li rech’te pus gramint d’pépettes quind i a acaté sin toubac et sin Redbull ! Pis, i faut ête réaliste, mes gins. Commint qu’te veux qu’après i ch’mette in colère et qu’i cass’te tout dins ches manifs, chi te n’l’as pon laiché ch’exprimer et ch’intraîner dins ches jonnes années. Ch’est quind même grâche à cha qu’in ch’fait intinde à’ch’t’heure !

Quo, mes gins ? Te n’es pon d’accord ? Bah, j’te rassur’te, mi nin pus ! Seul’mint quind in t’sort cha ch’même ouiquen que ch’qui s’est paché à Marseille, cha m’fout in pétard cor’ pus ! Pach’que ches footeux Algériens is on’tent perdu leu match, in cass’te tout dins ches rues. In crot rêver tout d’bout ! Cha n’est pon com’ chi ch’étot l’fin d’euch monte ! Cha n’est qu’un jeu, i n’faudrot pon l’oublier ! Pis, même chi ch’étot l’fin d’euch monte ; plutôt que d’tout casser, puich’que cha s’rot prévu à ch’programme d’euch grind bing bang d’toute fachon, i vaudrot miux pacher ches dernières heures aveuc l’perchonne qu’in a querre et n’pon faire n’importé quo ! Parel pour ch’te société qui voulot dichtribuer des billets d’binque dins ches rues. A’ch’t’heure, is ch’décharg’tent in disant qu’ch’est pach’qu’in leu a interdit à l’dernière minute, qu’i y a eu des débord’mints. Ch’est cha, ouais… Quo qu’ch’est qu’te cros qu’i che s’rot paché ch’is avotent comminché leu dichtribuchion d’billets à la criée ? Bah, ch’ti qui aurot eu chinq euros alors qu’sin voisin i in aurot eu vingt, par eximpe, i aurot crié à l’injustiche. D’là à li querre su ch’poil pour li prinde sin imache, i n’y a qu’un pas et j’sus sûr’te qu’i y in a gramint qui n’aurotent pon hésité à l’faire !

J’cros bin qu’ch’i y avot d’nouvieau eune éducachion un peu pus strict, just’mint, cha irot gramint miux. Alors, j’n’ai pon dit qu’i fallot frapper, ni d’infermer ch’gamin dins eune cave pour li apprinde l’vie. Nin, nin, nin ! Chi te vas à ch’t’extrémité opposée, te richqu’tes de t’artreuver aveuc un futur tueur in série ou prédateur sexuel, ch’est pon miux. Mais i faudrot p’t-ête qu’in artreuve juss’ ch’qu’i faut d’bion sins, pach’que cha parôt ête eune dinrée rar’te, pour qu’tous ches gamins d’à’ch’t’heure is n’soï’tent pon ches casseurs de d’main. Cha pach’te par l’rechpect d’euch bien d’autrui. Avint d’casser eune carette et d’li mette ch’fu, pinse qu’cha peux ête un ouvreux qui n’pourra pon aller à sin traval et, qui pus est, n’t’as rin fait. Pus qu’tout, cha pach’te par l’rechpect d’autrui et cha, ch’est à ches parints d’el trinsmette à leux gamins. Faut-i qu’is ch’souvienn’tent ch’que respect d’autrui i veut dir’te…

Attinchion ! Cha pach’te auchi par l’rechpect d’toutes ches religions, toutes ches couleurs, mais cha dot marcher dins tous ches sins ! Ch’est fachile d’crier au racisme quind in n’rechpecte pon ches règues. Parel ! Ch’est fachile d’dir’te qu’in est tolérant, mais qu’in n’peut pon ch’impêquer d’casser du pédé ! Com’ ch’qui est arrivé à ch’t’acteur d’pus bielle l’vie, et dins l’vraie vie, pon dins ch’série, i y a quéques jours. Juss’ pour faire ch’coq aveuc ches collègues et prouver qu’in est un mâle. Ch’qui est sûr’te, mes gins, ch’est qu’in est un mal, sins ch’te « e » ni ch’capieau su ch’t’ « a » ! Merchi à monsieur Christian Vanneste qui vient d’in rajouter eune couche. A croir’te qu’i vit à ch’moyen âche…

Désolé, mes gins ! J’ne prétinds pon avoir eune soluchion miraque, mais j’sais que j’ne sus pon l’seul à pinser cha. I fallot que j’fasse ch’cop d’gueule ! I y a vraimint des claques qui ch’perd’tent, des cops d’pid à ch’cul égal’mint ! Cha pourrot chertain’mint donner à réfléchir. Com’ cha, in a p’t-ête eune chince d’rattraper ch’cop, pour ches années à v’nir. I est grind timps ! In tout cas, chi in dit qu’el musique alle adouchit ches mœurs, j’n’ai pus qu’à d’minder à tous mes amis musicos d’faire un grind conchert et d’mette ch’paquet, car j’cros qu’in in a tertous bin b’soin !

Une bonne claque, une fessée et mon coup de gueule !

Salut mes gens ! Bon sang ! Comme les week-ends peuvent être courts par moments ! Je n’ai pas vu le temps passer. Surtout cette soirée de samedi. Je suis allé voir Swingin’Partout au Jazz Festival de Marquette. Ca décoiffe ! J’ai swingué dans mon lit comme une bébête toute la nuit, c’est pour dire. Je reviendrai sur eux dans pas longtemps, car ils ont un album sur le feu. En tout cas, mes gens, comme ils passent un peu partout, comme tu peux le deviner juste en lisant leur nom, si tu peux aller les voir, tu ne vas pas le regretter. Swing, Jazz manouche sont au rendez-vous. Tu te prends une grande claque musicale dans la figure, c’est moi qui te le dis !

Justement à ce propos, c’est un week-end où il y a beaucoup de claques qui se perdent ! Attention, mes gens ! Pas pour les gamins… Tu n’auras même plus le droit de leur mettre une fessée dans peu de temps. Alors encore moins une claque. Eh, oui ! On vit dans un drôle de monde. Pourtant, une fessée, ça n’a jamais tué personne, même un coup de pied au cul, d’ailleurs. On n’a jamais dit qu’il fallait lui éclater le coccyx, mais juste un petit coup de main à cinq doigts, ça calme les esprits. D’ailleurs, c’est assez incroyable de voir le peu de chemin qu’il peut y avoir entre le trou de balle et le cerveau. C’est quasi instantané. Presque comme si c’était le bouton off. Bon, d’accord ! Cela ne coupe pas le son en même temps. C’est même pire quelquefois, mais cela a le mérite de faire réfléchir pour la prochaine fois…

Il faut que l’on prévienne Pierre Perret de toute urgence. Il va falloir qu’il refasse sa chanson, parce que plus question de dire :  « Vaisselle cassée, c’est la fessée. Vaisselle foutue, pan-pan cucul… » Interdit, mes gens ! Si ton gamin casse la vaisselle, tu pourras l’applaudir. C’est simplement qu’il exprime son mécontentement et tu n’auras plus qu’à te remettre en question, toi ! Puis, c’est pour faire marcher le commerce. Comment veux-tu que l’on sorte de la crise, si tu ne rachètes jamais de vaisselle ! Les assiettes de grand-maman ont fait leur temps ! C’est vrai, quoi ! Pareil pour le reste. Pourquoi c’est lui qui rangerait sa chambre alors que tu sais bien mieux le faire, étant donné que tu as vachement plus d’expérience que lui ? Pourquoi mangerait-il ce que tu lui prépares avec amour, alors qu’il préfère mieux les McDo, affalé devant la télé ? Puis lui couper sa connexion Internet parce qu’il ne fait pas ses devoirs. Comment veux-tu qu’il soit intégré socialement si tu l’empêches d’écrire aux copines et aux copains sur tous les réseaux sociaux ?

Basta toute cette éducation d’un autre siècle, tu perds de vue que c’est toi qui vis chez lui. Il ne faut surtout pas le brimer, ce pauvre chonchon, avec une éducation décadente. Même si, quand il sera ado, cela sera peut-être lui qui demandera qu’on lui mette des fessées. Tu m’étonnes toi ! Il en aura entendu parler, mais il ne saura pas ce que cela fait. Alors il voudra tester… Après tu vas t’étonner qu’il te demande encore plus d’argent de poche. Bah, tu penses ! Ca coûte bonbon de payer une coach pour lui apprendre les coutumes du passé. Déjà qu’il ne lui reste plus beaucoup de pépettes quand il a acheté son tabac et son Redbull ! Puis, il faut être réaliste, mes gens. Comment veux-tu qu’après il se mette en colère et qu’il casse tout dans les manifs, si tu ne l’as pas laissé s’exprimer et s’entraîner dans ses jeunes années. C’est quand même grâce à cela que l’on se fait entendre à présent !

Quoi, mes gens ? Tu n’es pas d’accord ? Bah, je te rassure, moi non plus ! Seulement quand on te sort cela le même week-end que ce qui s’est passé à Marseille, ça me fout en pétard encore plus ! Parce que les footeux Algériens ont perdu leur match, on casse tout dans les rues. On croit rêver tout debout ! Ce n’est pas comme si c’était la fin du monde ! Ce n’est qu’un jeu, il ne faudrait pas l’oublier ! Puis, même si c’était la fin du monde ; plutôt que de tout casser, puisque ce serait prévu au programme du grand bing bang de toute façon, il vaudrait mieux passer les dernières heures avec la personne que l’on aime et ne pas faire n’importe quoi ! Pareil pour cette société qui voulait distribuer des billets de banque dans les rues. A présent, ils se déchargent en disant que c’est parce qu’on leur a interdit à la dernière minute, qu’il y a eu des débordements. C’est cela, oui… Que crois-tu qu’il se serait passé s’ils avaient commencé leur distribution de billets à la criée ? Bah, celui qui aurait eu cinq euros alors que son voisin en aurait eu vingt, par exemple, il aurait crié à l’injustice. De là à lui tomber sur le poil pour lui prendre son image, il n’y a qu’un pas et je suis sûre qu’il y en a beaucoup qui n’auraient pas hésité à le faire !

Je crois bien que s’il y avait de nouveau une éducation un peu plus stricte, justement, cela irait bien mieux. Alors, je n’ai pas dit qu’il fallait frapper, ni d’enfermer le gamin dans une cave pour lui apprendre la vie. Non, non, non ! Si tu vas à l’extrémité opposée, tu risques de te retrouver avec un futur tueur en série ou prédateur sexuel, ce n’est pas mieux. Mais il faudrait peut-être que l’on retrouve juste ce qu’il faut de bon sens, parce que cela paraît être une denrée rare, pour que tous les gamins d’aujourd’hui ne soient pas les casseurs de demain. Ca passe par le respect du bien d’autrui. Avant de casser une voiture et de lui mettre le feu, pense que cela peux être un ouvrier qui ne pourra pas aller à son travail et, qui pus est, ne t’as rien fait. Plus que tout, cela passe par le respect d’autrui et ce, c’est aux parents de le transmettre à leurs gamins. Faut-il qu’ils se souviennent ce que respect d’autrui veut dire…

Attention ! Cela passe aussi par le respect de toutes les religions, toutes les couleurs, mais cela doit marcher dans tous les sens ! C’est facile de crier au racisme quand on ne respecte pas les règles. Pareil ! C’est facile de dire que l’on est tolérant, mais que l’on ne peut pas s’empêcher de casser du pédé ! Comme ce qui est arrivé à l’acteur de plus belle la vie, et dans la vraie vie, pas dans la série, il y a quelques jours. Juste pour faire le coq avec ses collègues et prouver que l’on est un mâle. Ce qui est sûr, mes gens, c’est que l’on est un mal, sans ce « e » ni ce chapeau sur le « a » ! Merci à monsieur Christian Vanneste qui vient d’en rajouter une couche. A croire qu’il vit au moyen âge…

Désolé, mes gens ! Je ne prétends pas avoir une solution miracle, mais je sais que je ne suis pas la seule à penser cela. Il fallait que je fasse ce coup de gueule ! Il y a vraiment des claques qui se perdent, des coups de pied au cul également ! Cela pourrait certainement donner à réfléchir. Comme cela, on a peut-être une chance de rattraper le coup, pour les années à venir. Il est grand temps ! En tout cas, si on dit que la musique adoucit les mœurs, je n’ai plus qu’à demander à tous mes amis musicos de faire un grand concert et de mettre le paquet, car je crois que l’on en a tous bien besoin !