Chalut mes gins ! J’espèr’te qu’tin ouiquen i ch’est bin paché et qu’t’as pinsé à raviser dins t’caiche à outils, chi t’as tout ch’qui t’faut, pour faire eune fiesta d’infer à’ch’t’heure ! Ouais, j’sais bin d’habitute, ch’est plutôt dins t’garde-rope qu’te ravises et tes accessoires favoris cha s’rot pus ch’mirliton, ch’capieau pointu et eune bionne dosse d’confettis et d’cherpentins. Ichi, ch’est d’un marteau et d’un burin dont t’as b’soin ! Te peux d’jà armette dins ch’tiroir t’faucille, t’as dû la sortir chins l’vouloir. Bah, ouais ! D’pis l’timps, alle arsimpe pus à un fossile. Te peux toudis in faire don à un musée. Chinon l’ferralle, cha ch’arvind à ch’pods. Te l’auras compris, mes gins, in va parler d’euch mur…

J’em chouviens qu’in avot ravisé cha aveuc attinchion à ch’télé, i y a vingt ins. Ch’étot l’fin d’eune guerre qui simblot n’pon exister et pourtint qui étot bin présinte. Churtout pour ceusses qui avotent d’el famille derrière ch’qu’in app’lot ch’rideau d’fer. Un biel euphémisme pach’que contrair’mint à ch’rideau d’un magasin, cha ne ch’ouvrot pon com’ cha et ch’étot loin d’ête aveuc une intrée lipe. Eune sortie nin pus, d’ailleurs. Ch’étot l’guerre frode, alors qu’ch’étot plutôt caud intre ches Américains et ches Russes. D’ailleurs, James Bond i avot gramint d’traval, à ch’t’époque. I n’occupot pon tout sin timps à courir après des illuminés d’el casquette ou des trafiquants d’drogue. Nin, nin, nin ! I am’not ch’contribuchion pour sortir des opprimés d’euch régime communiste, des grinds cerveaux, in autes. A’ch’t’heure, te l’auras armarqué, ch’fuite d’cerveaux alle va dins l’aute sins…

Alors, in n’va pon arfaire ch’t’histoire, d’autint qu’i y a gramint d’gins qui l’on’tent vécu, in direct à l’télé, ou pach’qu’is étotent partis démolir ch’mur aveuc leu marteau et leu burin. Ch’est l’cas d’min Nicolas. L’seu problème est qu’i étot parti chins sin escabieau. Donc i ch’étot plutôt attaqué à ches fondachions. In a frôlé ch’catastrophe ! T’imagine, ti, chi eune partie d’euch mur alle li étot qué d’chus ? In s’rot bin dins ch’brin pour ête sauver d’el crisse à’ch’t’heure… Bref ! Ch’est oublié un peu vite tous ches jonnes. Ch’est vrai, ch’est gramint abstrait eune idée d’mur qui chépare in deusse, in quéque sorte, un pays. Alors, j’vais apporter m’pierre à l’édifiche. Ch’qui est très con, admets-le, puich’qu’in va l’mette in miettes à l’fin. Infin, bion…

Pour illustrer quo qu’cha pouvot donner, à l’intinchion d’ches jonnes, in va prinde un eximpe. Imagine qu’in met un grind mur dins ch’mitan d’tin salon. Seul’mint, ch’est pon auchi simpe qu’cha. D’un côté, l’tien, t’as tout quo qu’i faut. L’préchieusse boîte à imaches d’ù qu’te paches gramint d’timps à raviser ch’monte et ches contimporains com’ dins Secret Story, par eximpe. Tin tiot guéridon d’ù qu’te posses tin apéro et tes cacahuètes et un grind divan, très confortape, d’ù qu’t’as querre à raviser ch’te télé in f’sant des câlins à ta copine. Te pourros t’dir’te que cha n’est pon chi graf’ qu’cha. L’pièche alle est pus tiote mais cha s’ra moins dur’te à cauffer. Ouais, ch’est sûr’te. Sauf que, dins tin malheur, pach’que cha va l’dev’nir, v’là commint cha s’est paché. Après avoir raviser ches séries, t’as piqué d’euch nez. T’copine, qui n’voulot pon t’réveiller, alle a quitté tes bras pour aller dins un viux fauteuil et continuer à suivre ch’t’épisote. Soporifique, i simbe, pach’qu’alle ch’est indormie auchi…

Cha y est, te vos ch’tableau ? In continue. Pindant, l’nuit, in n’sait pon vraimint, commint cha a comminché, toudis i est que ch’t’équipe d’ches maçons du cœur d’TMC ou, pus chertain’mint, Marc-Emmanuel d’Tous Ensemble d’TF1 et eune binde d’volontaires, is sont arrivés in Mimi Mathy. Pardon, j’voulos dir’te in catimini. Je n’comprinds pon pourquo j’ai fait l’erreur puich’qu’alle ne ch’appell’te pon Cathy. Cha dot ête min syndrome de téhéfite aiguë qui m’arvient. Bref, chins faire d’bruit, com’ dins ch’nuit d’euch 12 à ch’13 août 1961, is on’tent construit un mur. J’te pache ches gardes, ches quiens, ches barbelés et ches miradors, i n’y a pon assez d’plache dins tin salon, mais ch’est l’idée. Te n’as pon l’impréchion qu’i y a un problème ? Bah, ouais ! T’copine alle est rechtée d’l’aute côté, dins sin viux fauteul et chins rin ! Infin, chins ch’te télé qui li permettrot d’raviser commint cha ch’pache dins tin coin et que ch’monte i chinge gramint partout, sauf d’sin côté !

Forchémint, quind in est chacun d’sin côté, à ch’début, in prind sin mau in patienche et in ch’résigne à ch’mauviais cop d’euch sort. Mais in arrif’ vit’ à un phénomène d’frustrachion, nin pour ches mêmes raisons d’un côté et d’l’aute. Ti, pach’que t’copine alle est d’l’aute côté et qu’te n’as pus ches câlins. Alle, pach’qu’alle che sint copée d’euch monte et, chertain’mint, pach’qu’alle n’peut pon connaîte l’suite de ch’série. Bref ! L’colère alle finit par monter in mayonnaisse et ch’est à ch’momint-lal qu’ches idées les pus constructives alles arriv’tent. Chi in creusot un tunnel, chous ch’mur, cha permettrot d’pacher d’l’aute côté chins qu’cha ch’voie. Rêf’ pon quind même, James Bond, in perchonne, i n’va pon forchémint v’nir. D’ailleurs heureuss’mint pour ti, pach’que vu cha réputachion d’tombeur, te n’es pon près de l’arvoir t’copine…

A’ch’t’heure, t’imagines cha in très grind. Des millions d’gins d’un côté et des millions d’l’aute. I est bin évidint que chi chertains is ont réussi à pacher d’l’aute côté, is on’tent gramint vu l’différinche d’vie. Dins ch’lot, te peux n’ête sûr’te qu’i y in a même qui von’tent artourner. Pon pach’qu’is on’tent l’nostalgie d’ête com’ qui dirot in prison, mais simpl’mint pour expliquer à ches autes que cha n’est pon eune fatalité et qu’i existe un monte meilleu d’l’aute côté. Vingt dius ! Ch’te phrasse alle fait très religieusse, mais j’n’ai pon treuvé pus simpe pour l’dir’te. Alors, ch’est sûr’te. A ch’début, ch’est pon auchi simpe. D’jà pach’que t’as gramint d’gardes armés jusqu’à ches dints et cha fait peur. Mais progressiv’mint, l’idée d’euch monte meilleu alle germ’te dins l’tiête d’pus in pus d’gins. Pis, in arrif’ à l’périote d’ù qu’in ch’dit : D’accord in richqu’te d’euch faire tirer d’chus et d’mourir mais, in fin d’compte, in est in train d’mourir à tiot fu, ichi…

V’là à peu près commint cha ch’est paché. Pus ch’timps i passot, moins in avot peur d’ches gardes. I faut dir’te que, même s’is avotent des képis et des casques gramint bin serrés su leux tiêtes, i y in a auchi qui continuotent à réfléchir. Pis, leu chituachion haute perquée alle leu permettot d’vir qu’el vie alle simblot gramint pus bielle à Ouest, même chi ch’solel i ch’lèf’ d’l’aute côté. Te sais, ch’est com’ ch’fuite d’ieau. A ch’début, ch’est goutte à goutte, pis l’brèche alle ch’agrindit et cha finit à grind flot. D’autint que, parallèl’mint, ches Russes, qui f’sotent ch’pluie et ch’bieau timps à l’Est, is comminchotent à avoir du mau à justifier leu politique. D’autint qu’ches Américains et gramint d’autes pays is mettent eune préchion d’infer pour amoindrir ch’rideau d’fer. J’ai failli écrir’te tactique, pach’que cha fait gramint pus militaire, que politique. Cha porte un nom, ch’t’assouplich’mint, et ch’est Mikhaïl Gorbatchev qui in est instigateur : Perestroïka. Nin, nin, nin ! Pon l’peine d’aller raviser dins tin tiot futé, cha n’est pon l’nouvieau resto russe à l’mote, su Lille. Cha veut dir’te reconstruc’chion et ch’point culminant, ch’est just’mint eune démolichion ; ch’ti d’euch mur qui a auchi été app’lé ch’mur d’el honte.

V’la, mes gins, commint qu’in peut expliquer tout cha. D’eune fachon simpe, ch’est vrai, pach’que gramint d’autes facteurs is sont intrés in jeu. A’ch’t’heure, chi in arvient vingt ins in arrière, in aurot pu croir’te qu’aveuc tous ches débris d’euch mur, in aurot pu les trinsformer in tiots cailloux pour en faire un bieau qu’min ; un qu’min vers ch’Liberté. Ch’étot gramint utopiste, ch’est vrai et l’histoire confirme qu’i y a cor’ gramint d’cosses à faire.  D’jà, cha s’rot bin d’faire querre ches autes murs qui existent cor’ dins ch’monte, com’ ch’ti d’Gaza. Pis, auchi, tous ches murs invisibes qui sont parmi tertous no ches jours. Te vos, j’avos bin raison de te d’minder d’sortir tin marteau et tin burin, in a d’el démolichion in perspective…

Et on en fait des petits cailloux…

Salut mes gens ! J’espère que ton week-end s’est bien passé et que tu as pensé à regarder dans ta caisse à outils, si tu as tout ce qu’il te faut, pour faire une fiesta d’enfer aujourd’hui ! Oui, je sais bien d’habitude, c’est plutôt dans ta garde-robe que tu regardes et tes accessoires favoris ce serait plus le mirliton, le chapeau pointu et une bonne dose de confettis et de serpentins. Ici, c’est d’un marteau et d’un burin donc tu as besoin ! Tu peux déjà remettre dans le tiroir ta faucille, tu as dû la sortir sans le vouloir. Bah, oui ! Depuis le temps, elle ressemble plus à un fossile. Tu peux toujours en faire don à un musée. Sinon la ferraille, ça se revend au poids. Tu l’auras compris, mes gens, on va parler du mur…

Je me souviens que l’on avait regardé cela avec attention à la télé, il y a vingt ans. C’était la fin d’une guerre qui semblait ne pas exister et pourtant qui était bien présente. Surtout pour ceux qui avaient de la famille derrière ce que l’on appelait le rideau de fer. Un bel euphémisme parce que contrairement au rideau d’un magasin, ça ne s’ouvrait pas comme ça et c’était loin d’être avec une entrée libre. Une sortie non plus, d’ailleurs. C’était la guerre froide, alors que c’était plutôt chaud entre les Américains et les Russes. D’ailleurs, James Bond avait beaucoup de travail, à l’époque. Il n’occupait pas tout son temps à courir après des illuminés de la casquette ou des trafiquants de drogue. Non, non, non ! Il amenait sa contribution pour sortir des opprimés du régime communiste, des grands cerveaux, en autres. Maintenant, tu l’auras remarqué, la fuite de cerveaux va dans l’autre sens…

Alors, on ne va pas refaire l’histoire, d’autant qu’il y a beaucoup de gens qui l’ont vécu, en direct à la télé, ou parce qu’ils étaient partis démolir ce mur avec leur marteau et leur burin. C’est le cas de mon Nicolas. Le seul problème est qu’il était parti sans son escabeau. Donc il s’était plutôt attaqué aux fondations. On a frôlé la catastrophe ! T’imagine, toi, si une partie du mur lui était tombé dessus ? On serait bien dans le brin pour être sauver de la crise aujourd’hui… Bref ! C’est oublié un peu vite tous ces jeunes. C’est vrai, c’est bien abstrait une idée de mur qui sépare en deux, en quelque sorte, un pays. Alors, je vais apporter ma pierre à l’édifice. Ce qui est très con, admets-le, puisque l’on va le mettre en miettes à la fin. Enfin, bon…

Pour illustrer ce que cela pouvait donner, à l’intention des jeunes, on va prendre un exemple. Imagine que l’on met un grand mur dans le milieu de ton salon. Seulement, ce n’est pas aussi simple que cela. D’un côté, le tien, tu as tout ce qu’il faut. La précieuse boîte à images devant laquelle tu passes beaucoup de temps à regarder le monde et ses contemporains comme dans Secret Story, par exemple. Ton petit guéridon où tu poses ton apéro et tes cacahuètes et un grand divan, très confortable, où tu aimes regarder cette télé en faisant des câlins à ta copine. Tu pourrais te dire que ce n’est pas si grave que cela. La pièce est plus petite mais ce sera moins dur à chauffer. Oui, c’est sûr. Sauf que, dans ton malheur, parce que cela va le devenir, voilà comment cela s’est passé. Après avoir regarder les séries, tu as piqué du nez. Ta copine, qui ne voulait pas te réveiller, a quitté tes bras pour aller dans un vieux fauteuil et continuer à suivre l’épisode. Soporifique, semble-t-il, parce qu’elle s’est endormie aussi…

Ca y est, tu vois le tableau ? On continue. Pendant, la nuit, on ne sait pas vraiment comment, cela a commencé, toujours est-il que l’équipe des maçons du cœur de TMC ou, plus certainement, Marc-Emmanuel de Tous Ensemble de TF1 et une bande de volontaires, sont arrivés en Mimi Mathy. Pardon, je voulais dire en catimini. Je ne comprends pas pourquoi j’ai fait l’erreur puisqu’elle ne s’appelle pas Cathy. Ce doit être mon syndrome de téhéfite aiguë qui me revient. Bref, sans faire de bruit, comme dans la nuit du 12 au 13 août 1961, ils ont construit un mur. Je te passe les gardes, les chiens, les barbelés et les miradors, il n’y a pas assez de place dans ton salon, mais c’est l’idée. Tu n’as pas l’impression qu’il y a un problème ? Bah, oui ! Ta copine est restée de l’autre côté, dans son vieux fauteuil et sans rien ! Enfin, sans cette télé qui lui permettrait de regarder comment ça se passe dans ton coin et que ce monde change bien partout, sauf de son côté !

Forcément, quand on est chacun de son côté, au début, on prend son mal en patience et on se résigne au mauvais coup du sort. Mais on arrive vite à un phénomène de frustration, non pour les mêmes raisons d’un côté et de l’autre. Toi, parce que ta copine est de l’autre côté et que tu n’as plus les câlins. Elle, parce qu’elle se sent coupée du monde et, certainement, parce qu’elle ne peut pas connaître la suite de sa série. Bref ! La colère finit par monter en mayonnaise et c’est à ce moment-là que les idées les plus constructives arrivent. Si on creusait un tunnel, sous ce mur, cela permettrait de passer de l’autre côté sans que cela se voie. Rêve pas quand même, James Bond, en personne, ne va pas forcément venir. D’ailleurs heureusement pour toi, parce que vu sa réputation de tombeur, tu n’es pas près de la revoir ta copine…

A présent, tu imagines ça en très grand. Des millions de gens d’un côté et des millions de l’autre. Il est bien évident que si certains ont réussi à passer de l’autre côté, ils ont bien vu la différence de vie. Dans le lot, tu peux être sûr qu’il y en a même qui vont retourner. Pas parce qu’ils ont la nostalgie d’être comme qui dirait en prison, mais simplement pour expliquer aux autres que ce n’est pas une fatalité et qu’il existe un monde meilleur de l’autre côté. Bon sang ! Cette phrase fait très religieuse, mais je n’ai pas trouvé plus simple pour le dire. Alors, c’est sûr. Au début, ce n’est pas aussi simple. Déjà parce que tu as beaucoup de gardes armés jusqu’au dents et ça fait peur. Mais progressivement, l’idée du monde meilleur germe dans la tête de plus en plus de gens. Puis, on arrive à la période où l’on se dit : D’accord on risque de se faire tirer dessus et de mourir mais, en fin de compte, on est en train de mourir à petit feu, ici…

Voilà à peu près comment cela c’est passé. Plus le temps passait, moins on avait peur des gardes. Il faut dire que, même s’ils avaient des képis et des casques très bien serrés sur leurs têtes, il y en a aussi qui continuaient à réfléchir. Puis, leur situation haute perchée leur permettait de voir que la vie semblait beaucoup plus belle à Ouest, même si le soleil se lève de l’autre côté. Tu sais, c’est comme la fuite d’eau. Au début, c’est goutte à goutte, puis la brèche s’agrandit et ça finit à grand flot. D’autant que, parallèlement, les Russes, qui faisaient la pluie et le beau temps à l’Est, commençaient à avoir du mal à justifier leur politique. D’autant que les Américains et beaucoup d’autres pays mettent une pression d’enfer pour amoindrir le rideau de fer. J’ai failli écrire tactique, parce que cela fait beaucoup plus militaire, que politique. Ca porte un nom, l’assouplissement, et c’est Mikhaïl Gorbatchev qui en est instigateur : Perestroïka. Non, non, non ! Pas la peine d’aller regarder dans ton petit futé, ce n’est pas le nouveau resto russe à la mode, sur Lille. Cela veut dire reconstruction et le point culminant, c’est justement une démolition ; celui du mur qui a aussi été appelé le mur de la honte.

Voila, mes gens, comment on peut expliquer tout cela. D’une façon simple, c’est vrai, parce que beaucoup d’autres facteurs sont entrés en jeu. Maintenant, si l’on revient vingt ans en arrière, on aurait pu croire qu’avec tous les débris du mur, on aurait pu les transformer en petits cailloux pour en faire un beau chemin ; un chemin vers la Liberté. C’était très utopiste, c’est vrai et l’histoire confirme qu’il y a encore beaucoup de choses à faire.  Déjà, ce serait bien de faire tomber les autres murs qui existent encore dans ce monde, comme celui de Gaza. Puis, aussi, tous les murs invisibles qui sont parmi nous tous les jours. Tu vois, j’avais bien raison de te demander de sortir ton marteau et ton burin, on a de la démolition en perspective…