Chalut mes gins ! A gla-gla ! Com’ j’ai gramint frod à mes dogts, j’ai déchidé qu’j’allos t’écrir’te un peu, pour n’pon qu’is ch’inkylos’tent ! J’vais quind même inl’ver mes mouf’ cha s’ra pus pratique. Pis, te richques d’avoir du mau à décoder ches hiéroglyphes qu’cha va créer. J’espèr’te qu’in n’va pon vérifier ch’dicton qui dit qu’à saint Paul, l’hiver i rompt sin cou ou pour quarinte jours i renoue. Quind te sais qu’ch’est l’jour d’ù qu’min Nicolas i a fait sin one man show à l’tévé, t’es in drot de t’poser ch’quechtion d’savoir ch’i n’y a pon un rapport d’causse à effet…

J’avos déchidé hier que j’n’allos pus évoquer cha, mais com’ tertous in parl’te chins arrêt, i n’y a pon d’raison pour qu’je n’amèn’te pon min grain d’sel. D’autint qu’cha peut ête utile, ch’sel, aveuc ch’givre ! Tout d’abord, in va commincher par analyser quo qui ch’est paché. Ches sondaches is n’étotent pon favorapes. Ches gins interviewés is avotent, dins eune très larche majorité, dit qu’is n’allotent pon raviser min Nicolas. Pourtint, mes gins, i a fait prech’que autint qu’un épisote d’ches Experts. Bye bye ch’guerre d’ches étoiles. Exit Jack Malone et sin FBI. Pour eune fos, ch’est ti qui as été porté dichparu ! Et je n’te parl’te même pon d’euch Grind Bleu qui a été balinché à l’flotte par ch’tiot bleu, dont in a pu appréchier l’couleur su sin costume. Bah, ouais…

Chi te ravises bin, cha a été malin. I y a eu gramint d’effort d’fait pour qu’in ait l’impréchion qu’in n’étot pon dins eune émichion mais dins eune fic’chion. A m’mote, is ontent dû lir’te min préchédint artique (ichi) et ch’est cha qui les a inspirés. Quo ? Nin cha va, mes quevilles alles ch’portent bin ! Ch’est vrai, ch’étot plutôt sympathique com’ décor. Des tiotes tapes rondes d’bistro, in avot l’impréchion d’ête à l’terrache d’un café. Vu la coïncidinche d’heure… J’étos in train d’trinquill’mint raviser min feulleton préféré su ch’tros, Plus belle la vie. Ch’est l’générique d’fin, j’zappe su ch’te une et lal, je n’in cros pon mes zis. V’la qu’in m’armet un nouviel épisote bonus ! Chouette ! J’invoie un èsémès à tout min répertoire, parel sur min facebook, pour rameuter tous ches copains et ches copines : « Hé, ches z’amis, cha continue su TF1. In a un inédit avec des nouvieaux personnaches ! » Boule d’neiche rapite, ch’est cha ches nouvielles technologies et hop, au moins deux millions de téléspectateurs in un rin d’timps !

In n’a pon mau arlooker ch’café. In a auchi rimplaché ch’t’inseigne. Cha ne ch’appell’te pus Le Mistral, mais Paroles de Français. Bah, cha sonn’te bin. Ch’est vrai qu’un bistro, ch’est l’indrot idéal pour faire eune tiote causette aveuc des gins qu’te n’connos pon. Pis, in intind gramint d’cancans. Brèves d’comptoir, ch’étot d’jà pris et Radio Bistro auchi. Nin, ch’est bin. In n’sait pon chi cha ch’pach’te toudis à Marseille, mais com’ i fait gramint clair et qu’is ontent tertous bionnes mines, in va dir’te que chertain’mint. Bah, chi, in fait, puich’qu’is ontent même pinsé à un Pernaut ! Te pinses bin qu’chi cha ch’passot dins ch’Nord, in n’aurot pon fait un zoom su un Pernaut, mais plutôt su eune pinte !

Toudis i est qu’i y a un chertain Nicolas qui dot ête fraîqu’mint arrivé dins ch’quartier, pach’que tous ches habitués is n’arrêtent pon d’li poser des quechtions. Ch’est vrai qu’i a un bieau costume bleu. In vot à ch’premier cop d’oeul qu’i ne l’a pon acaté à ch’Monoprix du coin. Mais qu’est-che que ch’est que ch’scénario ? Is n’arrêtent pon d’el saouler avec des quechtions et cor’ des quechtions. Ch’est pon pach’qu’i a un bieau costume qu’i a l’scienche infuse. D’ailleurs cha ch’armarqu’te bin. Quind Bernadette, qui est eune imployée d’eune grinde churfache, alle comminche à li parler d’pouvoir d’achat, i fait l’moue.

[Gros plan su min Nicolas et voix off qui exprim’te cha pinsée] Quo ch’est d’quo qu’alle parl’te, cheule-lal ? Pouvoir d’achat, pouvoir d’achat, ch’est quo cha ? Te m’prinds pour à ch’Père Noël ! Quo qu’te veux que j’fasse pour tin pouvoir d’achat ? Ch’est com’ chi j’t’annonchos que ch’chômache i allot querre dins ches prochains mos. Quind j’l’ai dit à ma copine Laurence tout à l’heure, alle m’a ravisé bizarr’mint, j’n’ai pon l’invie d’armette cha aveuc Bernadette. Bion, ch’est vrai auchi que j’l’avos mouché aveuc sin salaire quind alle a parlé d’euch nouvieau PDG d’EDF. Commint que j’li ai rabaiché sin caquet ! Nin mais, quind in ch’appell’te Laurence Ferrari qu’est-che que te veux dir’te à quéqu’un qui roul’te dins eune carette toute pourrite ! In attindint, j’cros qu’j’ai fait suffisamment l’moue, j’vais sortir m’phrasse qui tue, cha va li rabaicher  sin caquet définitiv’mint à l’Bernadette !

[Fin voix off, plan général] I faut qu’te travalles pus pour gagner pus ! [Gros plan su min Nicolas et voix off qui exprim’te cha pinsée] Tiens, prind cha dins ches dints ! Te n’t’y attindos pon, hein ? Vingt dius ! J’cros qu’alle n’a pus qu’à argagner sin bouclard ! Tindis qu’el caméra alle fait un majestueux travelling arrière, in aperchoit qu’min Jean-Pierre i n’arrête pon d’pacher intre ches tapes, mais rin. Tertous i parl’te, mais pon eune comminde, pon un pernod d’pus ! [Gros plan su min Jean-Pierre et voix off qui exprim’te cha pinsée] Et min chiffre d’affaire alors ? Je n’sus pon v’nu ichi pour servir d’potiche. Dins ch’cas, in aurot pu faire appel à Victoria, ch’serveusse intérimaire. Ch’est vraimint n’importé quo. Dir’te qu’in m’attind dins ch’fin fond d’euch Larzac pour eune course d’vaques. Chi j’avos su, je s’ros parti in vacinches ! Pis alors, ch’ti-lal, aveuc sin bieau costume bleu, i monopolise vraimint ch’conversachion. In crorot un remèque d’Astérix et che d’vin ! Autint li d’minder qui s’ra Présidint d’el république in 2012, pindint qu’is y sont !

[Plan larche, un trouble-fiête ch’agite] Cha dot ête ch’mauviais garchon, mes gins, chi t’as ravisé com’ mi ch’t’épisote inédit. In tout cas, i a l’air armonté com’ ch’t’arsort d’un viux rével matin qui vient t’immerder alors qu’te f’sos un bieau rêf’. Pis alors, sin look. Aveuc ches bouques d’orelle, in dirot un pirate. D’ailleurs, Pierre Le Ménahès, ch’est gramint compliqué. Faut raviser ch’générique, à l’fin, cha s’ra chertain’mint écrit Pierre ch’Pirate. Cha n’a rin à vir aveuc Pons Pilate. Ch’est vrai qu’in richque d’confonde, d’autint qu’Pierre Ponce i est connu auchi. Ch’est chertain’mint pour cha qu’in insiste lourd’mint su ch’fonc’chion : Cégétiste. J’avoue qu’je n’sais pon vraimint quo qu’i fait. Ah bin chi, i vient d’dir’te qu’i f’sot du pédalo. I fait du pédalo… Dins ch’cas-lal, cha veut dir’te qu’i a gramint d’timps lipe. Ah, ch’est cha qu’cha veut dir’te Cégétiste ? 

Bref, j’raviserai dins ch’dico pus tard, je n’voudros pon louper eune phrasse. Qu’est-che qu’i balinche ! Bah, ch’est cha sin rôle à ch’tiot in bleu. I dot distribuer d’l’argint quind in li in d’minde, puich’qu’i vient d’réponde à Pierre ch’pirate qu’sin usine alle allot toucher un chèque d’pus d’un million d’euros. Mes gins, j’cros que j’viens comprinde sin métier, i est métallo, rin à vir aveuc ch’pédalo ! J’étos tell’mint pris par ch’jeu d’ches acteurs qu’j’ai mau acouté ches dialogues. Pourtint i li in dit. Vlan, prind cha et cor’ cha auchi ! Ch’tiot in bleu i a du mau à garder sin calme, cha ch’vot. I baragouine des trucs pour l’indormir, l’aute, mais cha n’march’te pon. I li coll’te un point su sin i : « Je n’sus pon d’accord, ch’est trop chimpliste ! » Vingt Dius ! Cha n’fait pon l’affaire, sin million d’euros. I ne ch’laiche pon acater com’ cha ! Et ch’t’heure alle tourn’te, alle tourn’te. Ch’est pon pochipe, j’ai dû m’indormir par momints. In dot d’jà ête à ch’trosième épisote inédit.

Tint pis, in n’ravisera pon Sœur Thérèse, par conte, à ch’t’heure, in a Sœur Elodie, eune auto-intrepreneusse. Vingt dius ! I a un ticket aveuc alle, min Nicolas. In dirot qu’alle ravise eune pâticherie à travers eune vitrine. Te vas vir que dins ch’plan suivint, alle va li d’minder d’signer sin portrait. Alle, in vot toud’chuite qu’alle a du bionheur dins ta vie. Ch’est pon ch’cas d’euch papy qui comminche à treuver ch’timps long, tandis qu’min Jean-Pierre i pache toudis intre ches tapes pour rin ! Papy i n’est pon contint pach’qu’i li expliqu’te qu’i a travallé toute ch’vie et que ch’pinchion, ch’est pieau d’chagrin. Quo qui f’sot ch’ti-la ? Carpintier… Bah, i ch’imagin’te p’t-ête que min Nicolas ch’est ch’bion Diu et qu’i va faire des miraques ! Millard, i pouch’te loin dins ch’scénario quind même ! I frôl’te l’scienche fic’chion. Te m’diras, ch’est min Nicolas qui a comminché in disant qu’el vie alle étot bielle et qu’tout i allot bin !

Mes gins, j’cros bin qu’j’ai dû m’indormir, pach’que je n’me souviens commint qu’cha ch’est fini. J’ai rouvert ches zis et j’em sus artreuvé d’vint docteur House. Vingt dius ! J’espèr’te qu’t’as ravisé ti-auchi et qu’te sauras m’faire un résumé. J’attinds tes messaches…

Episodes inédits sur TF1

Salut mes gens ! A gla-gla ! Comme j’ai très froid à mes doigts, j’ai décidé que j’allais t’écrire un peu, pour ne pas qu’ils s’ankylosent ! Je vais quand même enlever mes moufles ce sera plus pratique. Puis, tu risques d’avoir du mal à décoder les hiéroglyphes que cela va créer. J’espère que l’on ne va pas vérifier ce dicton qui dit qu’à saint Paul, l’hiver rompt son cou ou pour quarante jours renoue. Quand tu sais que c’est le jour où mon Nicolas a fait son one man show à la télé, tu es en droit de te poser la question de savoir s’il n’y a pas un rapport de cause à effet…

J’avais décidé hier que je n’allais plus évoquer cela, mais comme tout le monde en parle sans arrêt, il n’y a pas de raison pour que je n’amène pas mon grain de sel. D’autant que ce peut être utile, le sel, avec ce givre ! Tout d’abord, on va commencer par analyser ce qui s’est passé. Les sondages n’étaient pas favorables. Les gens interviewés avaient, dans une très large majorité, dit qu’ils n’allaient pas regarder mon Nicolas. Pourtant, mes gens, il a fait presque autant qu’un épisode des Experts. Bye bye la guerre des étoiles. Exit Jack Malone et son FBI. Pour une fois, c’est toi qui as été porté disparu ! Et je ne te parle même pas du Grand Bleu qui a été balancé à la flotte par ce petit bleu, dont on a pu apprécier la couleur sur son costume. Bah, oui…

Si tu regardes bien, ça a été malin. Il y a eu beaucoup d’effort de fait pour que l’on ait l’impression que l’on n’était pas dans une émission mais dans une fiction. A mon avis, ils ont dû lire mon précédent article (ici) et c’est cela qui les a inspirés. Quoi ? Non ça va, mes chevilles se portent bien ! C’est vrai, c’était plutôt sympathique comme décor. Des petites tables rondes de bistro, on avait l’impression d’être à la terrasse d’un café. Vu la coïncidence d’heure… J’étais en train de tranquillement regarder mon feuilleton préféré sur la trois, Plus belle la vie. C’est le générique de fin, je zappe sur cette une et là, je n’en crois pas mes yeux. Voila qu’on me remet un nouvel épisode bonus ! Chouette ! J’envoie un sms à tout mon répertoire, pareil sur mon facebook, pour rameuter tous les copains et les copines : « Hé, les z’amis, ça continue sur TF1. On a un inédit avec des nouveaux personnages ! » Boule de neige rapide, c’est ça les nouvelles technologies et hop, au moins deux millions de téléspectateurs en un rien de temps !

On n’a pas mal relooker le café. On a aussi remplacé l’enseigne. Cela ne s’appelle plus Le Mistral, mais Paroles de Français. Bah, ça sonne bien. C’est vrai qu’un bistro, c’est l’endroit idéal pour faire une petite causette avec des gens que tu ne connais pas. Puis, on entend beaucoup de cancans. Brèves de comptoir, c’était déjà pris et Radio Bistro aussi. Non, c’est bien. On ne sait pas si ça se passe toujours à Marseille, mais comme il fait bien clair et qu’ils ont tous bonnes mines, on va dire que certainement. Bah, si, en fait, puisqu’ils ont même pensé à un Pernaut ! Tu penses bien que si ça se passait dans le Nord, on n’aurait pas fait un zoom sur un Pernaut, mais plutôt su une pinte !

Toujours est-il qu’il y a un certain Nicolas qui doit être fraîchement arrivé dans le quartier, parce que tous les habitués n’arrêtent pas de lui poser des questions. C’est vrai qu’il a un beau costume bleu. On voit au premier coup d’œil qu’il ne l’a pas acheté au Monoprix du coin. Mais qu’est-ce que c’est que ce scénario ? Ils n’arrêtent pas de le saouler avec des questions et encore des questions. Ce n’est pas parce qu’il a un beau costume qu’il a la science infuse. D’ailleurs ça se remarque bien. Quand Bernadette, qui est une employée d’une grande surface, commence à lui parler de pouvoir d’achat, il fait la moue.

[Gros plan sur mon Nicolas et voix off qui exprime sa pensée] De quoi elle parle, celle-là ? Pouvoir d’achat, pouvoir d’achat, c’est quoi ça ? Tu me prends pour le Père Noël ! Que veux-tu que je fasse pour ton pouvoir d’achat ? C’est comme si je t’annonçais que le chômage allait baisser dans les prochains mois. Quand je l’ai dit à ma copine Laurence tout à l’heure, elle m’a regardé bizarrement, je n’ai pas l’envie de remettre ça avec Bernadette. Bon, c’est vrai aussi que je l’avais mouché avec son salaire quand elle a parlé du nouveau PDG d’EDF. Comment je lui ai rabaissé son caquet ! Non mais, quand on s’appelle Laurence Ferrari qu’est-ce que tu veux dire à quelqu’un qui roule dans une voiture toute pourrie ! En attendant, je crois que j’ai fait suffisamment la moue, je vais sortir ma phrase qui tue, ça va lui rabaisser son caquet définitivement à la Bernadette !

[Fin voix off, plan général] Il faut que tu travailles plus pour gagner plus ! [Gros plan sur mon Nicolas et voix off qui exprime sa pensée] Tiens, prend ça dans les dents ! Tu ne t’y attendais pas, hein ? Bon sang ! Je crois qu’elle n’a plus qu’à regagner son bouclard ! Tandis que la caméra fait un majestueux travelling arrière, on aperçoit que mon Jean-Pierre n’arrête pas de passer entre les tables, mais rien. Tout le monde parle, mais pas une commande, pas un pernod de plus ! [Gros plan sur mon Jean-Pierre et voix off qui exprime sa pensée] Et mon chiffre d’affaire alors ? Je ne suis pas venu ici pour servir de potiche. Dans ce cas, on aurait pu faire appel à Victoria, la serveuse intérimaire. C’est vraiment n’importe quoi. Dire que l’on m’attend dans le fin fond du Larzac pour une course de vaches. Si j’avais su, je serais parti en vacances ! Puis alors, celui-là, avec son beau costume bleu, il monopolise vraiment la conversation. On croirait un remake d’Astérix et le devin ! Autant lui demander qui sera Président de la république en 2012, pendant qu’ils y sont !

[Plan large, un trouble-fête s’agite] Ce doit être le mauvais garçon, mes gens, si tu as regardé comme moi cet épisode inédit. En tout cas, il a l’air remonté comme le ressort d’un vieux réveil matin qui vient t’emmerder alors que tu faisais un beau rêve. Puis alors, son look. Avec ses boucles d’oreille, on dirait un pirate. D’ailleurs, Pierre Le Ménahès, c’est bien compliqué. Faut regarder le générique, à la fin, ce sera certainement écrit Pierre le Pirate. Ce n’a rien à voir avec Pons Pilate. C’est vrai que l’on risque de confondre, d’autant que Pierre Ponce est connu aussi. C’est certainement pour cela que l’on insiste lourdement sur sa fonction : Cégétiste. J’avoue que je ne sais pas vraiment ce qu’il fait. Ah bien si, il vient de dire qu’il faisait du pédalo. Il fait du pédalo… Dans ce cas-là, cela veut dire qu’il a beaucoup de temps libre. Ah, c’est cela que ça veut dire Cégétiste ? 

Bref, je regarderai dans le dico plus tard, je ne voudrais pas louper une phrase. Qu’est-ce qu’il balance ! Bah, c’est cela son rôle au petiot en bleu. Il doit distribuer de l’argent quand on lui en demande, puisqu’il vient de répondre à Pierre le pirate que son usine allait toucher un chèque de plus d’un million d’euros. Mes gens, je crois que je viens comprendre son métier, il est métallo, rien à voir avec le pédalo ! J’étais tellement pris par le jeu des acteurs que j’ai mal écouté les dialogues. Pourtant il lui en dit. Vlan, prend ça et encore ça aussi ! Le petiot en bleu a du mal à garder son calme, ça se voit. Il baragouine des trucs pour l’endormir, l’autre, mais cela ne marche pas. Il lui colle un point sur son i : « Je ne suis pas d’accord, c’est trop simpliste ! » Bon sang ! Ca ne fait pas l’affaire, son million d’euros. Il ne se laisse pas acheter comme cela ! Et l’heure tourne, elle tourne. Ce n’est pas possible, j’ai dû m’endormir par moments. On doit déjà être au troisième épisode inédit.

Tant pis, on ne regardera pas Sœur Thérèse, par contre, maintenant, on a Sœur Elodie, une auto-entrepreneuse. Bon sang ! Il a un ticket avec elle, mon Nicolas. On dirait qu’elle regarde une pâtisserie à travers une vitrine. Tu vas voir que dans le plan suivant, elle va lui demander de signer son portrait. Elle, on voit tout de suite qu’elle a du bonheur dans ta vie. Ce n’est pas le cas du papy qui commence à trouver le temps long, tandis que mon Jean-Pierre passe toujours entre les tables pour rien ! Papy n’est pas content parce qu’il lui explique qu’il a travaillé toute sa vie et que sa pension, c’est peau de chagrin. Que faisait-il celui-là ? Charpentier… Bah, il s’imagine peut-être que mon Nicolas c’est le bon Dieu et qu’il va faire des miracles ! Ciel, il pousse loin dans le scénario quand même ! Il frôle la science fiction. Tu me diras, c’est mon Nicolas qui a commencé en disant que la vie était belle et que tout allait bien !

Mes gens, je crois bien que j’ai dû m’endormir, parce que je ne me souviens comment cela s’est fini. J’ai rouvert les yeux et je me suis retrouvé devant docteur House. Bon sang ! J’espère que tu as regardé toi-aussi et que tu sauras me faire un résumé. J’attends tes messages…

Comme il n'y a pas eu de coupure de pub pendant ces épisodes,
                                                                                  une petite pour la route !