Chalut mes gins ! Et in est arparti pour eune nouvielle s’maine. Ch’est marrant, pach’qu’in a l’impréchion qu’in fait du chur-plache dins ches infos, alors que ch’timps i avinche quind même. Ch’est sûr’te, j’pourros t’parler d’min ouiquen et, churtout, d’em soirée d’sam’di à ch’concert d’min Olivier Marais, mais j’arviendrai su li dins pon long, car ch’est vraimint quéqu’un qu’i faut qu’te connaisses. In attindant, i faut qu’in ravise d’qui qu’in pourrot parler. Toudis in bin, te m’connos ! Forche est d’conchtater que ch’est toudis et cor’ d’euch même. I déchaîn’te ches foules. I met l’fu…

Bah, nin ! Ch’est pon d’Johnny, mais d’Jeannot ! Cha, te l’auras compris. Faudrot pon confonde ches deusse-lal. Te veux un moyen, ch’est simpe. L’un i cante Gabriel, l’aute incante Jessica. Par conte, ch’qui est sûr’te, ch’est qu’is on’tent un point commun, Jeannot i pourrot canter, aveuc sin père, l’même canchon que Johnny aveuc David : Sang pour sang ! Te ferm’tes ches zis et te n’sais pon l’quel d’ches deusse i parl’te. Infin, in va plutôt raviser du côté d’ches guess-stars, pach’que chacun i continue à donner sin point de vue su ch’t’affaire. In va commincher par une blonte, mais cha n’est pon Brigitte Bardot. Nin ! Pourtant, alle parl’te d’biêtes. Ch’est Marine Le Pen. Bah, ouais ! J’l’ai querre Marine, pach’qu’alle linche chouvint des tiotes phrasses et te sais qu’ch’est min régal. L’tien auchi, puich’que cha t’fait rir’te !

Ichi, alle est arv’nue su l’fait qu’in défind ch’nominachion d’min Jeannot, à l’EPAD, in disant qu’i a été élu démocratiqu’mint à Neuilly. Alle dit qu’aveuc 75% qui vote UMP dins ch’canton, même un quien aveuc un bonnet marqué UMP i aurot été élu ! T’armarqu’ras, mes gins, alle a été moins incisive qu’sin père. In arconnôt toute l’chinsibilité féminine. Li, i aurot carrémint dit : Même un âne aveuc un bonnet marqué UMP aurot été élu ! Bah ouais ! Alle a arrondi ches anges in ch’imaginant qu’in allot pinser à ches quiens savants. Pach’que, côté étude, te armarqu’ras que j’l’ai mis à ch’singulier alors qu’i faudrot, in bion français ch’ti, l’mette à ch’pluriel, l’Jeannot, ch’est plutôt bonnet d’âne effectiv’mint. A 23 ins, seul’mint in deussième année d’drot… Mais d’ù qu’alles sont pachées ches années d’intre deusse ? Est-che que te cros qu’i a fait un stache d’apprintissache pour dépanner d’l’électroménager ? Ch’est bieau-papa qui dot ête ravi d’avoir du perchonnel à bion compte !

Tiens, mais au fait, Marine Le Pen alle est auchi l’file de… Ch’est ch’que l’UMP alle li a claqué dins ch’bec. Même pon peur, Marine ! Alle a répondu : J’n’ai pon 21 ins, j’n’ai pon 23 ins, j’in ai 41 ! J’cros m’ête él’vée par min métier, avocate. Te vos, cha fait toute l’différinche… Alle, alle a sin diplôme ! Te m’diras, à 41 ins, heureuss’mint ; pach’qu’in che s’rot posé gramint d’quechtions. Ah, ouais ! Mi, je n’sus pon vraimint convaincu qu’cha sot un avintache d’porter un nom parel et qu’cha li a ouvert des portes à Le Pen. Alle n’avot pon l’garantie d’avoir ches clés du succès, Le Pen. Ouais, j’sais ! Ch’étot fachile com’ jux d’miots, mais te n’y avos pon pinsé. Heureuss’mint qu’j’étos lal !

Dins l’série animalière, in artreuve à’ch’t’heure min Arnaud Montebourg. Li, auchi, ch’est un ami d’ches animaux. Déchidémint, min Jeannot i inchpir’te, mais cha n’est toudis pon à un lapin qu’in l’compare. L’preuf’ in est ch’est qu’min Arnaud i a déclaré : Eune chèvre pourrot être élue à Neuilly sur Seine ! A’ch’t’heure, quind in monte à ch’bourg, min Arnaud, in richqu’te pus d’rincontrer des chèvres que des carettes ! In même timps, mes gins, quind in a été proche d’Ségolène, ch’est normal qu’in pinse pus à ches chèvres qu’à ches quiens, com’ Marine ! Nin ! Loin d’mi l’idée d’avoir suggérer que m’sœur d’euch Grind Pardon alle arsimpe à eune chèvre, même après ch’périote frisettes… Ch’est plutôt par rapport à ch’qu’alle a partagé aveuc li l’Chabichou d’sin pays !

Bion, in va rechter dins ches biêtes, puichque ch’est quind même ch’fil rouche de ch’ouiquen. Ichi, cha n’est pon d’un animal à quate pattes. Nin ! Mais ch’est quind même eune biête ! Du moins, quind t’es à côté d’li, i donn’te l’impréchion que ch’est ch’gigot qui promèn’te ch’gousse d’ail. Ch’est pon l’peine de te d’minder qui fait l’gousse, ch’est ti ! Ouais, mes gins, i n’pach’te pon inaperchu et ch’nominachion à un poste d’député nin pus ! David Douillet, ch’mal nommé. Ah ! Cha m’étonn’rot gramint qu’in étant champion d’judo, i sot douillet. Chi te n’es pon convaincu, te n’as qu’à te j’ter su un tatami, te verras si tu n’as pon mal !

In attindant, quind j’disos qu’euch nominachion alle n’pachot pon inaperchue, cha n’est pon seul’mint pach’que ch’est un chportif qui d’vient député. In a eu un rugbyman ministre, te vos qu’in a d’jà goûté à ch’pire. Bion ! In n’a pon d’acteurs, ch’est eune chpéchialité américaine. Quoque cha sot gramint dur’te d’faire l’différinche intre un politique et un acteur. Chi te ravises bin, in a d’jà De Funès com’ Présidint ! Là i n’est pon l’quechtion. Mi, j’ai auchitôt vu un aute problème… Commint qu’i va faire min David pour rintrer dins ches fauteuls rouches ? In va li livrer un chausse-pid aveuc, ch’est cha ? Et d’ù qu’i va les mette ches gambes ? Autour d’euch cou de ch’ti qui est d’vint li ?

I va chertain’mint falloir invisager quéques travaux d’aménag’mint. J’imagine mal un coin réservé pour mette ches tatamis. Ou alors, dins ch’cas, tertous assis in tailleur. Bah ! I y in a gramint qui von’tent avoir du mau à ch’arl’ver. Ichi, ch’est pon com’ in Asie, in n’est pon habitué tout tiot ! Aute soluchion, pacher d’eune tiote salle d’cinéma d’quartier à eune salle grind standinge com’ ch’Kinépolis. T’armarqu’ras que j’garde min conchept d’acteur bin in vue dins ch’cas probape d’ù qu’cha arrif’ ! Toudis i est que cha richque, in cas d’travaux, d’lincher eune nouvielle polémique. D’jà qu’i y in a eune su ch’nombe d’votants. Nin, i n’y a eu erreur d’comptache, ch’est pon Titine qui dépouillot ches bull’tins ! Mais ch’est simpl’mint pach’qu’i a été élu aveuc un taux d’abstenchion d’prechque 70% ! 52% su trinte, in va ête gintil et garder l’converchion à sin avintache, mais cha fait deusse perchonnes su diche qui on’tent voté pour li…

V’là, mes gins. Ch’étot nos amis ches biêtes, vus par ches politiques. Soichinte millions d’amis, cha fait l’double de ch’t’émichion, alors qu’in va su deusse pattes et pon quate. Car, tout compte fait, j’sus vraimint in train d’me d’minder chi ch’est pon nou’z’autes qu’in prind pour des chèvres et qu’in traite com’ des quiens…

Des bêtes, encore des bêtes !

Salut mes gens ! Et on est reparti pour une nouvelle semaine. C’est marrant, parce que l’on a l’impression que l’on fait du sur-place dans les infos, alors que le temps avance quand même. C’est sûr, je pourrais te parler de mon week-end et, surtout, de ma soirée de samedi au concert de mon Olivier Marais, mais je reviendrai sur lui dans pas longtemps, car c’est vraiment quelqu’un qu’il faut que tu connaisses. En attendant, il faut que l’on regarde de qui l’on pourrait parler. Toujours en bien, tu me connais ! Force est de constater que c’est toujours et encore du même. Il déchaîne les foules. Il met le feu…

Bah, non ! Ce n’est pas de Johnny, mais de Jeannot ! Ca, tu l’auras compris. Faudrait pas confondre ces deux-là. Tu veux un moyen, c’est simple. L’un chante Gabriel, l’autre enchante Jessica. Par contre, ce qui est sûr, c’est qu’ils ont un point commun, Jeannot pourrait chanter, avec son père, la même chanson que Johnny avec David : Sang pour sang ! Tu fermes les yeux et tu ne sais pas lequel des deux parle. Enfin, on va plutôt regarder du côté des guess-stars, parce que chacun continue à donner son point de vue sur l’affaire. On va commencer par une blonde, mais ce n’est pas Brigitte Bardot. Non ! Pourtant, elle parle de bêtes. C’est Marine Le Pen. Bah, oui ! Je l’aime Marine, parce qu’elle lance souvent des petites phrases et tu sais que c’est mon régal. Le tien aussi, puisque ça te fait rire !

Ici, elle est revenue sur le fait que l’on défend la nomination de mon Jeannot, à l’EPAD, en disant qu’il a été élu démocratiquement à Neuilly. Elle dit qu’avec 75% qui vote UMP dans le canton, même un chien avec un bonnet marqué UMP aurait été élu ! Tu remarqueras, mes gens, elle a été moins incisive que son père. On reconnaît toute la sensibilité féminine. Lui, il aurait carrément dit : Même un âne avec un bonnet marqué UMP aurait été élu ! Bah oui ! Elle a arrondi les angles en s’imaginant que l’on allait penser aux chiens savants. Parce que, côté étude, tu remarqueras que je l’ai mis au singulier alors qu’il faudrait, en bon français, le mettre au pluriel, le Jeannot, c’est plutôt bonnet d’âne effectivement. A 23 ans, seulement en deuxième année de droit… Mais où sont-elles passées les années entre deux ? Est-ce que tu crois qu’il a fait un stage d’apprentissage pour dépanner de l’électroménager ? C’est beau-papa qui doit être ravi d’avoir du personnel à bon compte !

Tiens, mais au fait, Marine Le Pen est aussi la fille de… C’est ce que l’UMP lui a claqué dans le bec. Même pas peur, Marine ! Elle a répondu : Je n’ai pas 21 ans, je n’ai pas 23 ans, j’en ai 41 ! Je crois m’être élevée par mon métier, avocate. Tu vois, ça fait toute la différence… Elle, elle a son diplôme ! Tu me diras, à 41 ans, heureusement ; parce que l’on se serait posé beaucoup de questions. Ah, oui ! Moi, je ne suis pas vraiment convaincu que ce soit un avantage de porter un nom pareil et que ça lui a ouvert des portes à Le Pen. Elle n’avait pas la garantie d’avoir les clés du succès, Le Pen. Oui, je sais ! C’était facile comme jeux de mots, mais tu n’y avais pas pensé. Heureusement que j’étais là !

Dans la série animalière, on retrouve maintenant mon Arnaud Montebourg. Lui, aussi, c’est un ami des animaux. Décidément, mon Jeannot inspire, mais ce n’est toujours pas à un lapin qu’on le compare. La preuve en est c’est que mon Arnaud a déclaré : Une chèvre pourrait être élue à Neuilly sur Seine ! A présent, quand on monte au bourg, mon Arnaud, on risque plus de rencontrer des chèvres que des voitures ! En même temps, mes gens, quand on a été proche de Ségolène, c’est normal que l’on pense plus aux chèvres qu’aux chiens, comme Marine ! Non ! Loin de moi l’idée d’avoir suggérer que ma sœur du Grand Pardon ressemble à une chèvre, même après sa période frisettes… C’est plutôt par rapport à ce qu’elle a partagé avec lui le Chabichou de son pays !

Bon, on va rester dans les bêtes, puisque c’est quand même le fil rouge du week-end. Ici, ce n’est pas d’un animal à quatre pattes. Non ! Mais c’est quand même une bête ! Du moins, quand tu es à côté de lui, il donne l’impression que c’est le gigot qui promène sa gousse d’ail. Ce n’est pas la peine de te demander qui fait la gousse, c’est toi ! Oui, mes gens, il ne passe pas inaperçu et sa nomination à un poste de député non plus ! David Douillet, le mal nommé. Ah ! Ca m’étonnerait beaucoup qu’en étant champion de judo, il soit douillet. Si tu n’es pas convaincu, tu n’as qu’à te jeter sur un tatami, tu verras si tu n’as pas mal !

En attendant, quand je disais que sa nomination ne passait pas inaperçue, ce n’est pas seulement parce que c’est un sportif qui devient député. On a eu un rugbyman ministre, tu vois que l’on a déjà goûté au pire. Bon ! On n’a pas d’acteurs, c’est une spécialité américaine. Quoique ce soit bien dur de faire la différence entre un politique et un acteur. Si tu observes bien, on a déjà De Funès comme Président ! Là n’est pas la question. Moi, j’ai aussitôt vu un autre problème… Comment va faire mon David pour rentrer dans ces fauteuils rouges ? On va lui livrer un chausse-pied avec, c’est ça ? Et où va-t-il les mette ses jambes ? Autour du cou de celui qui est devant lui ?

Il va certainement falloir envisager quelques travaux d’aménagement. J’imagine mal un coin réservé pour mettre les tatamis. Ou alors, dans ce cas, tous assis en tailleur. Bah ! Il y en a beaucoup qui vont avoir du mal à se relever. Ici, ce n’est pas comme en Asie, on n’est pas habitué tout petit ! Autre solution, passer d’une petite salle de cinéma de quartier à une salle grand standing comme le Kinépolis. Tu remarqueras que je garde mon concept d’acteur bien en vue dans le cas probable où cela arrive ! Toujours est-il que cela risque, en cas de travaux, de lancer une nouvelle polémique. Déjà qu’il y en a une sur le nombre de votants. Non, il n’y a eu erreur de comptage, ce n’est pas Titine qui dépouillait les bulletins ! Mais c’est simplement parce qu’il a été élu avec un taux d’abstention de presque 70% ! 52% sur trente, on va être gentil et garder la conversion à son avantage, mais cela fait deux personnes sur dix qui ont voté pour lui…

Voilà, mes gens. C’était nos amis les bêtes, vus par les politiques. Soixante millions d’amis, ça fait le double de l’émission, alors que l’on va sur deux pattes et pas quatre. Car, tout compte fait, je suis vraiment en train de me demander si ce n’est pas nous que l’on prend pour des chèvres et que l’on traite comme des chiens…