Chalut mes gins ! Alors, in est in forme par ch’bieau lundi gris souris ? Ch’étot du timps à rechter chous ch’couette. Bah, ouais, juss’ in rêf’, jusqu’à ch’que ch’maudit manicraque i a jué sin tintamarre au creux d’tin orelle. J’espèr’te qu’tin ouiquen i a été profitabe. Mi, j’sus toute arquinquée ! Bah, ouais, j’ai pris m’dosse d’bionheur, j’sus allé vir, aveuc eune amie, min ami canteur Olivier Marais. In a paché eune merveilleusse soirée aveuc des étoiles plein les zis. Chi te n’sais pus qui c’est, te peux arlire min artique (ichi) pour tout savoir et treuver ches dates d’conchert su sin myspace.

In parlint d’date, cha n’est pon un lundi banal. Forchémint, chi te t’prénomm’tes Paul, te dos savoir d’quo j’parl’te, puich’que ch’est t’fiête ! Alors bionne fiête à ti, in espèr’te que te vas arroser cha et qu’te n’vas nin oublier ches amis… Mes gins, i y a auchi des hasards d’calindrier, pach’qu’i parôt qu’ch’est auchi cheule d’ches Apollos. Nin, pon d’ches apollons ! Ch’est pon l’peine d’gonfler tin torse com’ chi te voulos arsimper à Schwarzy ! J’ai bin écrit Apollos, com’ ches fusées. T’es in train d’te d’minder d’ù qu’ch’est qu’i est ch’rapport aveuc ch’t’hasard d’calindrier. In y arrif’ ! Te sais, mi, j’fais chouvint des rapproch’mints rin qu’in intindint un miot. Apollos, cha m’a fait pinser à eune fusée et eune fusée, à un SCUD ! Bah, ouais, car ch’est bin quo qui va ch’pacher ch’soir ! Cha fait au moins quinsse jours qu’in est au courant, seul’mint i fallot chertain’mint que ch’t’informachion alle treuve ches cerveaux. Ou alors in a p’t-ête cru que ch’étot eune blaque, pourtint in n’est pon cor’ ch’premier avril. Toudis i est qu’in a intindu parler que d’cha chins arrêt ch’ouiquen : Min Nicolas i va monopoliser TF1 !

Loin d’faire des plans su ch’comète, pour rechter spachial, je n’vais pon commincher à pronostiquer ches quechtions qui vontent ête aborder et cheules qui, à n’in pon douter, vontent ête mis à ches oubliettes. In ch’doute bin qu’rin i n’est préparé à l’avinche… Te parl’tes, ti, in quinsse jours, quo qu’te veux qu’is aient l’timps d’préparer ? Juss’ d’quo faire ches doublures leumières et d’faire ch’ménache in grind su ch’plateau ! I s’ra bin assez timps d’arv’nir su quo qu’i va dir’te après et, churtout, su ch’que ches autes is vontent in dir’te. Cha va scuder dur’te dins ches prochains jours. Pardon, j’voulos dir’te qu’cha va fuser dur’te, te l’auras rectifié d’ti-même. D’autint qu’in a d’jà eu un aperchu aveuc François Bayrou, Titine et bin d’autes. Toudis i est qu’min Nicolas i ch’posse gramint d’quechtions. J’sais, ch’est un combe, puich’que ch’est li qui dot y réponde. Mais ch’est nin su l’sujet d’euch débat à li tout seu, ch’est churtout pach’qu’i y a moins d’un français su tros qui a l’intinchion d’raviser. Ch’est sûr’te, à moins qu’te n’treuves pon ches autes boutions su ch’zappette, i y a d’el concurrinche…

Par eximpe, su France 2, t’as FBI, porté disparu. Pon fachile d’rivaliser aveuc Jack Malone. D’autint qu’à part ch’pouvoir d’achat, i n’y a pon gramint d’trucs portés disparus aveuc min Nicolas. Et chertain’mint pon li, in l’vot partout ! Su M6, is ontent carrémint sorti ch’guerre d’ches étoiles et ch’menache fintôme. Te parl’tes, ti ! Pour contrecarrer toute eune armada d’vaisseaux spachiaux, même un scud i va avoir gramint d’mau. A m’mote, cha va barder chi M6 i gagne. Min Nicolas i va chertain’mint montrer sin côté obscur rapid’mint. Su France 4, in n’minqu’te pon d’humour. In effet, is vis’tent larche, même grind larche, puich’qu’in t’proposse ch’Grind Bleu. Quo ? Te n’vos pon in quo ch’est d’l’humour ? Pourtint, ch’est fachile : un Grind Bleu su France 4 et un schtroumf su TF1 ! NT1 i ontent querre à rigoler auchi, puich’qu’in pourra ardécouvrir pour sin chinq chintième passache, Pair et impair aveuc Terence Hill et Bud Spencer. Toute arsimblinche aveuc min Nicolas et sin premier ministre alle n’est pon évidinte, j’te l’accorde, mais quind même… Quo qu’te veux, NT1 i n’avot pon ches moyens pour acater ches drots d’el Grinde Vadrouille…

Te vos, mes gins, i a bin des raisons de ch’inquiéter, min Nicolas. Ch’est pon l’tout d’faire quechtions pour un campion politique aveuc un auditoire conv’nu et un présintateur qui a pus chouvint l’habitute d’parler d’el traite d’ches vaques dins ch’fin fond d’euch Larzac. Chi perchonne i n’ravise, sin messache i n’est pon près d’pacher. J’vais cor’ ête bionne copine, j’vais li donner des idées. Chi cha n’march’te pon, i faudra juss’ faire quéques adaptachions dins ch’grille d’programme d’TF1, mais qu’est-che qu’is n’f’rotent pon pour li d’toute fachon ! Alors attind-te à d’l’inédit dins ches prochains jours. Dins ches fux d’l’amour, i peut rimplacher à ch’pid l’vé Nicolas. Ch’est pratique, pon b’soin d’chinger sin nom. Pis quind in sait qu’i n’y a que des arbondich’mints, des cops fourrés, des malversachions in tout ginre, cha ne d’vrot pon ête un problème d’y greffer un dialogue vit’ fait.

In annonche auchi eune série exclusive : Ch’destin d’Nicolas. Cha ch’pache dins ch’milieu d’el mote politique. Ch’est l’guerre intre ches partisans d’Cerruti et d’Hugo Boss. Chins compter qu’i y a un impêqueux d’tourner un rond, Jean-Louis, qui a acaté à ches puces un costume que même Columbo i n’aurot jamais porté. Dins ch’clan d’ches files, cha n’va guère miux. Prisse d’bec intre ches Chanel et l’reine d’euch Christian Dior. In n’a même armarqué qu’une chertaine Rama ch’ramène in churvêt’mint chous prétexte qu’alle a eune séanche eud sport ! Ch’est chins compter su ch’boîte concurrinte d’ù qu’el patronne, eune chertaine Titine, alle comminche à sortir un attiral d’bijoux pour briller d’avintache d’vint ches caméras. Mes gins, i parôt qu’i y a des épisotes jusqu’in 2012 !

Bin intindu, in n’va pon oublier ches blocbusters d’TF1, cha s’ra tous azimuts pour faire pacher sin messache. A ch’t’hasard, in va pouvoir découvrir ches nouvieaux rôles dins plein d’séries. Par eximpe : Nicolas Grissom, expert in anthropologie. I étudie aveuc grande attinchion tous ceusses qui sont d’couleur rosse, mais qui ontent eune tindinche à muter à ch’bleu. Nicolas Caine, expert amis amis, spéchialiste quind i faut treuver des leunettes d’solel pour faire star. Bah, ouais, ch’est ch’côté bling-bling d’euch personnache. Nicolas Taylor, expert hammam à tane. Ouais, ch’est un nouvieau conchept. Un savint mélinche oriental, double détinte. Te fais tin hammam et après in t’sert un tane, qui com’ tertous i l’sait, est eune boisson rafraîchissinte et désaltérinte. Com’ i faut ch’couer, ch’est un rôle pour li, puich’qu’i armue tout l’timps. Bin intindu, in n’peut pon laicher d’côté eune nouvielle série qui cartonne, Mentalist, d’ù qu’i va prinde ch’rôle princhipal Nicolas Jane. Quind in sait qu’i court toudis après des crimes qui ontent été perpétrés par John le Rouge, i suffira d’éclaircir un peu et i ira vir d’euch côté rosse auchi !

V’là, mes gins, j’in avos cor’ eune bielle collec’chion, mais te n’auras qu’à raviser ches programmes d’TF1 pour savoir d’ù qu’in va l’artreuver. In peut dir’te qu’ch’est un jeu intre ti et mi. Te peux mette tes proposichions in commentaire ou m’invoyer un émile, com’ is dis’tent mes amis Léon et Gérard. I n’y a rin à gagner, ch’est juss’ pour rir’te et ch’est d’jà pon chi mau ! Pach’que chi j’arviens à min idée d’fusée d’euch début ou d’euch scud qu’cha va produir’te ; churtout dins ches camps adverches. In peut treuver  auchi eune aute formulachion. Vu qu’i n’est pon très grind, pinse à eune fusée miniature… Cha y est, t’y es ! Un chuppositoire ! Pach’que, pour l’momint, ches bielles paroles, ch’est bin, mais in l’a toudis dins ch’c…

Demandez l’programme !

Salut mes gens ! Alors, on est en forme par ce beau lundi gris souris ? C’était du temps à rester sous la couette. Bah, oui, juste en rêve, jusqu’à ce que ce maudit bidule a joué son tintamarre au creux de ton oreille. J’espère que ton week-end a été profitable. Moi, je suis toute requinquée ! Bah, oui, j’ai pris ma dose de bonheur, je suis allé voir, avec une amie, mon ami chanteur Olivier Marais. On a passé une merveilleuse soirée avec des étoiles plein les yeux. Si tu ne sais plus qui c’est, tu peux relire mon article (ici) pour tout savoir et trouver ces dates de concert sur son myspace.

En parlant de date, ce n’est pas un lundi banal. Forcément, si tu te prénommes Paul, tu dois savoir de quoi je parle, puisque c’est ta fête ! Alors bonne fête à toi, on espère que tu vas arroser cela et que tu ne vas pas oublier les amis… Mes gens, il y a aussi des hasards de calendrier, parce qu’il paraît que c’est aussi celle des Apollos. Non, pas des apollons ! Ce n’est pas la peine de gonfler ton torse comme si tu voulais ressembler à Schwarzy ! J’ai bien écrit Apollos, comme ces fusées. Tu es en train de te demander où est le rapport avec le hasard de calendrier. On y arrive ! Tu sais, moi, je fais souvent des rapprochements rien qu’en entendant un mot. Apollos, cela m’a fait penser à une fusée et une fusée, à un SCUD ! Bah, oui, car c’est bien ce qui va se passer ce soir ! Cela fait au moins quinze jours que l’on est au courant, seulement il fallait certainement que l’information trouve les cerveaux. Ou alors on a peut-être cru que c’était une blague, pourtant on n’est pas encore le premier avril. Toujours est-il que l’on a entendu parler que de cela sans arrêt ce week-end : Mon Nicolas va monopoliser TF1 !

Loin de faire des plans sur la comète, pour rester spatial, je ne vais pas commencer à pronostiquer les questions qui vont être aborder et celles qui, à n’en pas douter, vont être mis aux oubliettes. On se doute bien que rien n’est préparé à l’avance… Tu parles, toi, en quinze jours, que veux-tu qu’ils aient le temps de préparer. Juste de quoi faire les doublures lumières et de faire le ménage en grand sur le plateau ! Il sera bien assez temps de revenir sur ce qu’il va dire après et, surtout, sur ce que les autres vont en dire. Ca va scuder dur dans ces prochains jours. Pardon, je voulais dire que ça va fuser dur, tu l’auras rectifié de toi-même. D’autant que l’on a déjà eu un aperçu avec François Bayrou, Titine et bien d’autres. Toujours est-il que mon Nicolas se pose beaucoup de questions. Je sais, c’est un comble, puisque c’est lui qui doit y répondre. Mais ce n’est pas sur le sujet du débat à lui tout seul, c’est surtout parce qu’il y a moins d’un français sur trois qui a l’intention de regarder. C’est sûr, à moins que tu ne trouves pas les autres boutons sur la zappette, il y a de la concurrence…

Par exemple, sur France 2, tu as FBI, porté disparu. Pas facile de rivaliser avec Jack Malone. D’autant qu’à part le pouvoir d’achat, il n’y a pas beaucoup de trucs portés disparus avec mon Nicolas. Et certainement pas lui, on le voit partout ! Sur M6, ils ont carrément sorti la guerre des étoiles et la menace fantôme. Tu parles, toi ! Pour contrecarrer toute une armada de vaisseaux spatiaux, même un scud va avoir beaucoup de mal. A mon avis, cela va barder si M6 gagne. Mon Nicolas va certainement montrer son côté obscur rapidement. Sur France 4, on ne manque pas d’humour. En effet, ils visent large, même grand large, puisque l’on te propose le Grand Bleu. Quoi ? Tu ne vois pas en quoi c’est de l’humour ? Pourtant, c’est facile : un Grand Bleu sur France 4 et un schtroumf sur TF1 ! NT1 aime rigoler aussi, puisque l’on pourra redécouvrir pour son cinq centième passage, Pair et impair avec Terence Hill et Bud Spencer. Toute ressemblance avec mon Nicolas et son Premier ministre n’est pas évidente, je te l’accorde, mais quand même… Que veux-tu, NT1 n’avait pas les moyens pour acheter les droits de la Grande Vadrouille…

Tu vois, mes gens, il a bien des raisons de s’inquiéter, mon Nicolas. Ce n’est pas le tout de faire questions pour un champion politique avec un auditoire convenu et un présentateur qui a plus souvent l’habitude de parler de la traite des vaches dans le fin fond du Larzac. Si personne ne regarde, son message n’est pas près de passer. Je vais encore être bonne copine, je vais lui donner des idées. Si cela ne marche pas, il faudra juste faire quelques adaptations dans la grille de programme de TF1, mais qu’est-ce qu’ils ne feraient pas pour lui de toute façon ! Alors attend-toi à de l’inédit dans les prochains jours. Dans les feux de l’amour, il peut remplacer au pied levé Nicolas. C’est pratique, pas besoin de changer son nom. Puis quand on sait qu’il n’y a que des rebondissements, des coups fourrés, des malversations en tout genre, ce ne devrait pas être un problème d’y greffer un dialogue vite fait.

On annonce aussi une série exclusive : Le destin de Nicolas. Ca se passe dans le milieu de la mode politique. C’est la guerre entre les partisans de Cerruti et d’Hugo Boss. Sans compter qu’il y a un empêcheur de tourner un rond, Jean-Louis, qui a acheté aux puces un costume que même Columbo n’aurait jamais porté. Dans le clan des filles, ce ne va guère mieux. Prise de bec entre les Chanel et la reine du Christian Dior. On n’a même remarqué qu’une certaine Rama se ramène en survêtement sous prétexte qu’elle a une séance de sport ! C’est sans compter sur la boîte concurrente où la patronne, une certaine Titine, commence à sortir un attirail de bijoux pour briller d’avantage devant les caméras. Mes gens, il paraît qu’il y a des épisodes jusqu’en 2012 !

Bien entendu, on ne va pas oublier les blocbusters de TF1, ce sera tous azimuts pour faire passer son message. Au hasard, on va pouvoir découvrir ces nouveaux rôles dans plein de séries. Par exemple : Nicolas Grissom, expert en anthropologie. Il étudie avec grande attention tous ceux qui sont de couleur rose, mais qui ont une tendance à muter au bleu. Nicolas Caine, expert amis amis, spécialiste quand il faut trouver des lunettes de soleil pour faire star. Bah, oui, c’est le côté bling-bling du personnage. Nicolas Taylor, expert hammam à tane. Oui, c’est un nouveau concept. Un savant mélange oriental, double détente. Tu fais ton hammam et après on te sert un tane, qui comme tout le monde le sait, est une boisson rafraîchissante et désaltérante. Comme il faut secouer, c’est un rôle pour lui, puisqu’il remue tout le temps. Bien entendu, on ne peut pas laisser de côté une nouvelle série qui cartonne, Mentalist, où il va prendre le rôle principal Nicolas Jane. Quand on sait qu’il court toujours après des crimes qui ont été perpétrés par John le Rouge, il suffira d’éclaircir un peu et il ira voir du côté rose aussi !

Voilà, mes gens, j’en avais encore une belle collection, mais tu n’auras qu’à regarder les programmes de TF1 pour savoir où l’on va le retrouver. On peut dire que c’est un jeu entre toi et moi. Tu peux mettre tes propositions en commentaire ou m’envoyer un émile, comme disent mes amis Léon et Gérard. Il n’y a rien à gagner, c’est juste pour rire et ce n’est déjà pas si mal ! Parce que si je reviens à mon idée de fusée du début ou du scud que cela va produire ; surtout dans les camps adverses. On peut trouver aussi une autre formulation. Vu qu’il n’est pas très grand, pense à une fusée miniature… Ca y est, t’y es ! Un suppositoire ! Parce que, pour le moment, les belles paroles, c’est bien, mais on l’a toujours dans l’c…

 

En hommage à Roger Pierre avec Dalida. Quelques paroles, paroles...