Chalut mes gins ! Cha fait plaiji d’avoir comminché la s’maine chous un bieau ciel bleu. Ch’est vrai, in a tout d’chuite l’impréchion qu’in a moins d’problèmes. Com’ i dit Charles Aznavour, ch’misère alle simbe moins pénibe à ch’solel et pourtint, alle est toudis lal. Churtout quind t’intinds à l’radio, in t’réveillint, qu’i y a chix chint mille infints mal logés in France. Bah, ouais, ch’paysache bucolique i in prind un sérieux cop. Alors, dins ches cas-lal, j’fais com’ d’habitute. J’ravise ches actualités politiques, cha m’détind. Nin, pinse pon qu’j’ai min grain, mais ch’est cor’ à ch’te rubrique que j’rigole l’pus…

Seul’mint v’là, rin d’nouvieau d’pis vinderdi. Ch’est toudis ch’même affaire qu’in a vu insimpe qui prédomine. In a des nouvieaux commintaires, mais rin d’bin miux. Min Fabius i confirme que ch’étot bin des propos antisémites. In même timps, com’ tertous i l’avot dit avint li et qu’tertous i a pris ch’définche, i aurot été bin mau inspiré d’dir’te ch’contraire. Pour eune fos qu’i a tout un fan club derrière li, cha a dû li faire caud à sin cœur ! In pus, ch’ouiquen, t’as sin tiot-fils à min Nicolas à qui in a coupé sin tiot bout. Infin, je n’sais pon chi cha va l’rapprocher d’min Nicolas. In va quind même pon poucher ch’bouchon auchi loin. Pis, t’imagines, ti, ch’guiffe à Titine ch’i li pique un d’ches pus fidèles éléphants. Qué malheur ! Bref, ouais ! Solal i a été circoncis chelon ch’rite juif aveuc un Rabin et un Mohel. Ch’est cha, aveuc min Nicolas dins ch’rôle d’rabbi Jacob, t’as tout compris, ti ! Ch’est eune informachion capitale pour l’France. D’ailleurs, j’ai lu qu’i y avot infin un Sarkozy qui n’muche pus sin jeu, in est sûr’te qu’cha s’ra un gland. J’te l’accorde, mes gins, cha n’est pon très fin, même chi cha m’a bin fait rir’te.

In a auchi eu l’drot à eune vedette. Bah, ch’est étonnint, mais cha n’est pon un politique, pour eune fos, mais un acteur qui parl’te d’politique. Gérard Depardieu i a déclaré qu’Georges Frêche i étot bin pus vrai et gramint pus sympathique que Titine et ch’compagnie. Ch’est ch’miot compagnie qui t’posse un problème, pourtint, cha peut ch’expliquer. Ouais, in rechte dins l’echprit quer à Titine, eune compagnie. Alle, alle est drécheusse d’éléphants. Cha n’est pon ches clowns qui minqu’tent dins sin intourache. Chins compter ches acrobates, pach’qu’i y in a auchi qui ontent l’art et l’manière d’faire des pirouettes. In peut même rajouter un numéro unique d’vélo aveuc Bertrand.

Chi in arvient à Titine, j’sus sûr’te qu’alle va appréchier ch’complimint. Min Gérard, t’as intérêt à faire attinchion, pach’que la Titine, cha n’est pon Miou-Miou ! Ch’est ti qui richque d’ête balinché dins ch’canal, com’ dins ches Valseuses ou qui richque just’mint qu’alles finiss’tent in bouque d’oreilles, tes valseuses, puich’qu’à’ch’t’heure alle y a pris goût. A ches bouques d’orelle, mes gins. I fallot que j’le préchise au cas où… Infin, i faudrot cor’ qu’alle ait un autoradio dins ch’carette pour acouter ches informachions. Bah, ouais, alle a comminché sin One Woman Show dins toute l’France. Chertain’mint pour présinter ch’compagnie, alle jue ches éclaireusses. Madame Loyale. Te fais gaffe chi t’arcopies de n’pon t’tromper d’eune lette après madame. Curieuss’mint, alle n’a pon prévu eune escale in Languedoc-Roussillon. Je n’sais pon pourquo, alle n’dot pon avoir b’soin d’arfaire sin stock d’muscat d’Frontignan. Bref, min Gérard i a même dit que Georges étot com’ Cyrano d’Bergerac et n’hésite pon à y aller d’eune réplique : « Quint à mi, j’marche, aveuc su mi, chins rin qui arluise, impanaché d’indépindinche et d’frinchisse. » Ouais, j’sais, ch’est gramint dur’te à comprinde à ch’premier cop d’oeul. Cha dot ête réservé à ceusses qui ontent un gros pif car, just’mint, Georges, Gérard et Cyrano, même combat !

Ch’est pon aveuc cha qu’in va rigoler, mes gins ! Bion, in va d’voir parler d’crêpes, com’ ch’est l’Chandeleur d’main. Infin, je n’vais pon cor’ armette ch’t’archette, i suffit que t’ailles arlire l’artique d’l’année dernière (ichi). Cha ne fait toudis pon min bionheur et l’tien. Ch’est chins compter su ch’joker d’euch ouiquen. Ah, bin, i y avot longtimps qu’in n’avot pon intindu parler d’Carlita, mais v’là qu’alle sauve min affaire. Infin in parlint d’sauver, ch’est alle qui a failli ch’sauver hier, d’ches studios d’ReTeLe. Alle étot v’nue pour parler d’sin traval aveuc ch’Fond mondial conte ch’Sida et v’là que ch’journaliste, Harry Roselmack, i in profite pour li d’minder quo qui ch’pache intre Villepin et sin amoureux. Cha n’va pon l’tiête ! Te li d’mindes sin avis su eune affaire alors qu’alle v’not d’dir’te qu’alle étot étonnée d’euch peu d’indépindinche qu’Villepin i accordot à l’justiche. Quo qu’ch’es te cros, ti, l’journaliste ? Qu’min Nicolas i li a fait des confidinches su ch’t’oreiller pour li dir’te des trucs in pus ? Te l’as prind pour Mata Hari ? Cha ne m’étonn’te pon qu’alle t’a dit qu’alle ch’sintot piégée…

D’autint, mes gins, qu’alle a eu gramint miux à faire. In effet, cha vient d’ête l’anniverchaire d’Nicolas. Te t’imagines qu’ch’est fachile d’li treuver un cadieau. Ch’dernière monte, i l’a. Ch’costume à l’mote, ch’est d’jà fait. Un stylo, vu qu’tertous i li in donn’te d’partout, cha n’sert à rin. A’ch’t’heure, i y a d’main, alors te parl’tes, ti, qu’alle a gramint miux à faire que d’ch’occuper d’Villepin et d’ches problèmes. T’es in train d’te dir’te qu’i n’faut pon tint d’timps qu’cha pour faire d’el pâte à crêpes, puich’que j’te parl’te de d’main. Bah, t’as raison, mais i n’y a pon qu’cha ! Ouais, j’sais bin qu’ch’est auchi l’sortie in DVD de ch’tiot Nicolas, mais quo qu’te veux qu’alle acate, quind alle a d’jà l’original à ch’baraque ?  Nin, ch’est leu deux ins d’mariache ! Ti, j’te vos dins tin coin in train d’ricaner. Te n’as pon honte d’pinser qu’i n’y a pon qu’ches crêpes qui vontent sauter ! Moqueux d’gins ! Cha n’m’étot même pon v’nu à l’idée…

J’cros bin que j’vais avoir du mau, à’ch’t’heure, à t’dir’te ch’que ch’est deux ins. Bah, ch’est ches noches d’cuir ! Bah, ouais ! Quind te sais qu’i faut tradichionnell’mint faire un cadieau aveuc ch’thème, je n’ose pon imaginer quo qu’alle va li treuver. Parel pour li, d’ailleurs. J’imagine parfait’mint l’schène, après eune partie d’crêpes. « J’sus maîtresse Carlita, à g’noux min amoureux. T’es min esclave, lèche mes biottes ! » Aveuc un kit fouet pour alle, bin intindu, et une bielle cagoule intégral’mint in cuir pour li. Bah ouais, i y a eune fermeture éclair pour ch’bouque. D’ailleurs cha s’rot gramint pratique chi in pouvot la fermer d’timps in timps ! Pis in peut vir larche et équiper tertous. Que cha s’rot doux, ch’silinche ! Aveuc Titine qui a déclaré qu’i fallot eune gauche décomplexée, ch’est eune affaire à suivre, mes gins…

V’là, un rapite tour d’horizon. J’auros pu rajouter ch’trouble fiête d’Vincent Peillon qui défind com’ i ch’dot Georges Frêche. Bah, forchémint, cha va contrarier Titine. Xavier Darcos qui a déclaré que ch’PS i est un parti qui n’a rin à dir’te. In peut chertain’mint in treuver cor’ d’autes. D’gauche à drote, ch’est pon très arluisint et d’drote à gauche, pon vraimint nin pus. Heureuss’mint que d’bas in haut, in va avoir des crêpes pour ch’armonter ch’moral. Chi te n’as pon un d’haut in bas, ch’est qu’te l’as linchée trop fort, alle est rechtée collée à ch’plafond !

De gauche à droite, il faut faire un point.

Salut mes gens ! Ca fait plaisir d’avoir commencé la semaine sous un beau ciel bleu. C’est vrai, on a tout de suite l’impression que l’on a moins de problèmes. Comme dit Charles Aznavour, la misère semble moins pénible au soleil et pourtant, elle est toujours là. Surtout quand tu entends à la radio, en te réveillant, qu’il y a six cent mille enfants mal logés en France. Bah, oui, le paysage bucolique en prend un sérieux coup. Alors, dans ces cas-là, je fais comme d’habitude. Je regarde les actualités politiques, ça me détend. Non, pense pas que j’ai un grain, mais c’est encore à cette rubrique que je rigole le plus…

Seulement voilà, rien de nouveau depuis vendredi. C’est toujours la même affaire que l’on a vu ensemble qui prédomine. On a des nouveaux commentaires, mais rien de bien mieux. Mon Fabius confirme que c’était bien des propos antisémites. En même temps, comme tout le monde l’avait dit avant lui et que tout le monde a pris sa défense, il aurait été bien mal inspiré de dire le contraire. Pour une fois qu’il a tout un fan club derrière lui, ça a dû lui faire chaud au cœur ! En plus, ce week-end, tu as le petit-fils de mon Nicolas à qui l’on a coupé son petit bout. Enfin, je ne sais pas si cela va le rapprocher de mon Nicolas. On va quand même pas pousser le bouchon aussi loin. Puis, tu imagines, toi, la tête de Titine s’il lui pique un de ses plus fidèles éléphants. Quel malheur ! Bref, oui ! Solal a été circoncis selon le rite juif avec un Rabin et un Mohel. C’est cela, avec mon Nicolas dans le rôle de rabbi Jacob, tu as tout compris, toi ! C’est une information capitale pour la France. D’ailleurs, j’ai lu qu’il y avait enfin un Sarkozy qui ne cache plus son jeu, on est sûr que ce sera un gland. Je te l’accorde, mes gens, ce n’est pas très fin, même si cela m’a bien fait rire.

On a aussi eu le droit à une vedette. Bah, c’est étonnant, mais ce n’est pas un politique, pour une fois, mais un acteur qui parle de politique. Gérard Depardieu a déclaré que Georges Frêche était bien plus vrai et beaucoup plus sympathique que Titine et sa compagnie. C’est le mot compagnie qui te pose un problème, pourtant, cela peut s’expliquer. Oui, on reste dans l’esprit cher à Titine, une compagnie. Elle, elle est dresseuse d’éléphants. Ce ne sont pas les clowns qui manquent dans son entourage. Sans compter les acrobates, parce qu’ils y en a aussi qui ont l’art et la manière de faire des pirouettes. On peut même rajouter un numéro unique de vélo avec Bertrand.

Si on revient à Titine, je suis sûre qu’elle va apprécier le compliment. Mon Gérard, tu as intérêt à faire attention, parce que la Titine, ce n’est pas Miou-Miou ! C’est toi qui risque d’être balancé dans le canal, comme dans les Valseuses ou qui risque justement qu’elles finissent en boucle d’oreilles, tes valseuses, puisque à présent elle y a pris goût. Aux boucles d’oreille, mes gens. Il fallait que je le précise au cas où… Enfin, il faudrait encore qu’elle ait un autoradio dans son auto pour écouter les informations. Bah, oui, elle a commencé son One Woman Show dans toute la France. Certainement pour présenter sa compagnie, elle joue les éclaireuses. Madame Loyale. Toi fais gaffe si tu recopies de ne pas te tromper d’une lettre après madame. Curieusement, elle n’a pas prévu une escale en Languedoc-Roussillon. Je ne sais pas pourquoi, elle ne doit pas avoir besoin de refaire son stock de muscat de Frontignan. Bref, ma Gérard a même dit que Georges était comme Cyrano de Bergerac et n’hésite pas à y aller d’une réplique : « Quant à moi, je marche, avec sur moi, sans rien qui reluise, empanaché d’indépendance et de franchise. » Oui, je sais, c’est très dur à comprendre au premier coup d’œil. Ce doit être réservé à ceux qui ont un gros pif car, justement, Georges, Gérard et Cyrano, même combat !

Ce n’est pas avec cela que l’on va rigoler, mes gens ! Bon, on va devoir parler de crêpes, comme c’est la Chandeleur demain. Enfin, je ne vais pas encore remettre la recette, il suffit que tu ailles relire l’article de l’année dernière (ici). Cela ne fait toujours pas mon bonheur et le tien. C’est sans compter sur le joker du week-end. Ah, bien, il y avait longtemps que l’on n’avait pas entendu parler de Carlita, mais voilà qu’elle sauve mon affaire. Enfin en parlant de sauver, c’est elle qui a failli se sauver hier, des studios de RTL. Elle était venue pour parler de son travail avec le Fond mondial contre le Sida et voilà que le journaliste, Harry Roselmack, en profite pour lui demander ce qui se passe entre Villepin et son amoureux. Ca ne va pas la tête ! Tu lui demandes son avis sur une affaire alors qu’elle venait de dire qu’elle était étonnée du peu d’indépendance que Villepin accordait à la justice. Que crois-tu, toi, le journaliste ? Que mon Nicolas lui a fait des confidences sur l’oreiller pour lui dire des trucs en plus ? Tu l’as prend pour Mata Hari ? Cela ne m’étonne pas qu’elle t’a dit qu’elle se sentait piégée…

D’autant, mes gens, qu’elle a eu bien mieux à faire. En effet, ça vient d’être l’anniversaire de Nicolas. Tu t’imagines que c’est facile de lui trouver un cadeau. La dernière montre, il l’a. Le costume à la mode, c’est déjà fait. Un stylo, vu que tout le monde lui en donne de partout, cela ne sert à rien. A présent, il y a demain, alors tu parles, toi, qu’elle a bien mieux à faire que de s’occuper de Villepin et de ses problèmes. Tu es en train de te dire qu’il ne faut pas tant de temps que cela pour faire de la pâte à crêpes, puisque je te parle de demain. Bah, tu as raison, mais il n’y a pas que cela ! Oui, je sais bien que c’est aussi la sortie en DVD du petit Nicolas, mais que veux-tu qu’elle achète, quand elle a déjà l’original à la maison ?  Non, c’est leur deux ans de mariage ! Toi, je te vois dans ton coin en train de ricaner. Tu n’as pas honte de penser qu’il n’y a pas que les crêpes qui vont sauter ! Moqueur ! Cela ne m’était même pas venu à l’idée…

Je crois bien que je vais avoir du mal, maintenant, à te dire ce que c’est deux ans. Bah, c’est les noces de cuir ! Bah, oui ! Quand tu sais qu’il faut traditionnellement faire un cadeau avec le thème, je n’ose pas imaginer ce qu’elle va lui trouver. Pareil pour lui, d’ailleurs. J’imagine parfaitement la scène, après une partie de crêpes. « Je suis maîtresse Carlita, à genoux mon amoureux. Tu es mon esclave, lèche mes bottes ! » Avec un kit fouet pour elle, bien entendu, et une belle cagoule intégralement en cuir pour lui. Bah oui, il y a une fermeture éclair pour la bouche. D’ailleurs ce serait bien pratique si l’on pouvait la fermer de temps en temps ! Puis on peut voir large et équiper tout le monde. Que ce serait doux, ce silence ! Avec Titine qui a déclaré qu’il fallait une gauche décomplexée, c’est une affaire à suivre, mes gens…

Voilà, un rapide tour d’horizon. J’aurais pu rajouter le trouble fête de Vincent Peillon qui défend comme il se doit Georges Frêche. Bah, forcément, ça va contrarier Titine. Xavier Darcos qui a déclaré que le PS est un parti qui n’a rien à dire. On peut certainement en trouver encore d’autres. De gauche à droite, ce n’est pas très reluisant et de droite à gauche, pas vraiment non plus. Heureusement que de bas en haut, on va avoir des crêpes pour se remonter le moral. Si tu n’as pas un de haut en bas, c’est que tu l’as lancée trop fort, elle est restée collée au plafond !




Ca n’a rien à voir à part en haut , en bas, à gauche à droite, mais je suis certaine que ces soirées-là, ce sont les soirées crêpes de la Chandeleur ! Alors, musique…