Chalut mes gins ! J’espèr’te que te vas bin après un ouiquend mi-figue, mi-rojin. Ch’solel i jue à muche-muche aveuc nous et in n’peut pus parler d’grosses caleurs. Dis, ch’est quind l’été ? D’jà fini ? Mi qui n’avos pon cor’ fini d’avoir eune bielle couleur dorée, v’là que j’vais rattraper ch’même teinte d’eul feulle chu laquelle j’sus in train d’écrir’te. Ah, ouais, ch’est vrai, ti, te m’lis chu eune feulle foncée, mais quind j’écris, ch’est tout blinc. Ch’est gramint technique tout cha ! Ch’est com’ qui dirot l’invers d’euch décor. In parlint d’invers d’euch décor, cha m’fait pinser à ches couliches. Qui dit couliches dit spectaque et qui dit spectaque dit canteusse in l’occurrinche pour ch’sujet qu’in va vir insimpe.

Bah nin ! Perdu ! Chi te t’attindos à ch’que j’fasse un nouviel épisote d’eum saga à friqués, te vas rester chu t’faim. J’sais bin qu’in parlant d’canteusse, t’as pu croir’te qu’ch’étot eune d’mes toutouleries habituelles puich’que mémé Liliane alle est audichionnée à’ch’t’heure. Mais justemint, j’la placheros plutôt dins ches tragédiennes que dins ches canteusses. In va d’abord attinde d’savoir quo qu’alle va leu canter à ches polichiers, pach’qu’alle le vaut bin ! Quo ? J’ai dit canter ? Ouais, ch’est vrai ! In va dir’te que not’ postière alle est eune artiste complète com’ cha tertous i s’ra contint. D’toute fachon, in n’in saura pon pus, j’le crains ! Infin, j’fais eune tiote prière pour qu’in ne ch’artreuve pon cor’ aveuc pus d’quechtions. Bah, ouais, cha m’arrive d’faire eune prière, mais cha n’veut pon dir’te pour autint que j’vais rintrer à ch’couvent ! J’auros bin trop peur de n’pus in arsortir, contrairemint à ches cants qui in sortent et montent dins ches cieux ! Nin, je n’ai pon eune âme spéchial’mint religieusse, ch’est pach’que j’ai lu un artique chu ches sœurs bénédictines de l’Abbaye Notre-Dame de l’Annonciation, chitué à Le Barroux dins ch’Vaucluse.

Figure-te qu’ches sœurs alles vienn’tent d’signer un contrat aveuc ch’célèpe mason d’disques inglaisse Decca. Alles ontent rimporté un concours d’cants grégoriens qui mettot in compétichion 70 couvents à travers l’Europe, ches Etats Unis et l’Afrique. I n’in fallot pon pus pour attiser m’curiosité, pach’que cha m’a auchitôt fait pinser à ch’film aveuc Whoopi Goldberg, Sister Act. Mis à part qu’in oublie complètemint ches paillettes, pach’qu’i s’agit d’sœurs cloîtrées et qu’ch’est un peu pus compliqué qu’i n’y parôt. D’abord, la Très Révérente Mère Placide Devillers raconte dins un communiqué à Decca qu’cha leu est qué d’chus et qu’alles n’ontent pon couru après ch’victoire. Ouais, in veut bin, mais quind te t’inscris à un concours, cha n’est général’mint pon dins ch’t’espoir d’perde. Inchuite alle ajute qu’à ch’début alle avot peur qu’cha puiche mette in causse leu vie cloîtrée. Ni eune ni deux, mes gins, ches sœurs alles ontent prié Saint-Joseph et ches prières alles ontent été exauchées. Ch’est bion à savoir, Saint-Joseph i répond favorablemint à ches arquêtes, pach’que cha m’est arrivé de d’minder quéque cosse et n’pon l’avoir. A’ch’t’heure qu’j’ai un nom, j’saurai m’in servir. Chi ch’te TRM Placide alle a sin émile, cha s’ra cor’ miux ! In n’est sûr’te qu’eul d’minde alle li arrivera même chi ch’timps i est gramint couvert !

Alle conclut infin in disint qu’alle espèr’te que ch’t’album i touchera ches gins dins leu vie et les aide à treuver ch’paix. In tout cas, pour Decca – et cha rime ! – in peut che d’minder chi cha n’est pon ch’paix dins leu porte-monnaie qu’is espèr’tent treuver in dégotint leu star religieusse. In effet, in n’est pon chins savoir qu’i y a un argain pour ches cants religieux in ch’momint. Deux eximpes qui rindent jaloux chertains canteurs, ch’groupe d’tros prêtes irlandais, The Priests, qui rincontre un succès commerchial chins préchédint et ch’t’équivalint français, Les Prêtres, trio ecclésiastique d’Gap aveuc leu album Spiritus Dei. T’armarqueras quind même que, pour ches noms d’groupe, is ontent vaquemint cogité. In même timps, pour ches Français, 2be3 cha avot d’jà été fait ! Ouais, j’sais bin qu’cha n’est pon ch’première fos ! In n’a d’jà eu l’drot à Sœur Sourire et sin inénarrable Dominique, nique, nique qui laiche, même cor’ à’ch’t’heure, des traces dins ches mémoires. Chertain’mint pus d’ailleurs à’ch’t’heure, aveuc toutes ches affaires qu’i y a eu dins ch’te prêtrise. Dominique, nique, nique, cha la fout mau ! Bah, ouais, j’sus qu’eune moqueux d’gins et j’irai griller in infer, quo qu’te veux !

Toudis i est qu’pour Decca, com’ j’le disos, cha n’a pon été auchi simpe, pach’que ches sœurs alles n’sortent pon et pour causse, mais alles n’ontent pon l’drot nin pus d’archevoir du monte. I a donc fallu treuver eune astuche pour leu faire signer ch’contrat dins un premier timps. Cha a été fait dins ch’t’Abbaye, ches moniales derrière des barreaux in bos qui les sépar’tent d’euch monte extérieur et d’l’aute côté, ch’t’arprésintant d’Decca. Cha arsimpe un peu à quéqu’un qui va visiter un prisonnier, in fait. D’ailleurs, in pourrot ch’y tromper, pach’qu’i y a même eu trappe com’ pour pacher ch’plateau arpas. Cha n’a pon été ch’pus dur’te. Pon quechtion nin pus qu’alles aill’tent inregistrer dins ches studios d’Decca et ch’étot impochipe auchi d’déménager un studio complet jusqu’à ch’fin fond d’eul France. Alors, ches ingénieurs d’euch son is ontent été autorisés à mette des micros dins l’chapelle d’ù qu’ches cants is allotent ête inregistrés, ainchi qu’un équipemint. I n’restot pus qu’à invoyer ches sons dins che studio londonien. Seul’mint, pindint ch’t’intervinchion, nin pon divine mais technique, ches sœurs alles ontent dû ête mises in isolemint dins d’autes pièches. A m’mote, cha dot ête pour éviter qu’i y in ait eune qui ch’prind ches pids dins ches fils pindint qu’is étotent in train d’les pacher…

Ch’bionne nouvielle, mes gins, alle est que ch’t’album i s’ra dins ches bacs in novimpe et i ch’intitulera Voice : Chant From Avignon. Pourquo Avignon ? Bah, in savot d’jà qu’in y dinchot, à’ch’t’heure in saura qu’in y cante auchi ! Bah, nin, j’rigol’te ! A min avis, ch’est pach’que ch’est ville ch’pus arprésintative en terme réligieux d’euch départemint. Quoqu’is aient pu chosir ch’vin d’messe car Vaqueras, Chateauneuf du Pape et Gigondas, in autes, ch’est pus près ! Cha aurot chertain’mint posé un aute problème. Amy Winehouse alle fait partie d’eul tribu Universal Music London dont fait partie Decca. Alle n’aurot pon ténu bin long aveuc des noms parels d’vint sin nez. Quind in ch’appell’te mason d’euch vin, in y connôt un goulot ! Infin, un rayon, pardon ! D’jà, i faudrot qu’is soy’tent prudints ches gins d’chez Decca, pach’que chi chu l’pochette is marqu’tent in grind ches sœurs bénédictines, j’ai bin peur qu’alle fasse eune confusion ! Bah, ouais, cha ch’bot auchi ! Pis, i n’y a pon qu’alle. Lady Gaga auchi alle fait partie d’euch catalogue. Alors d’ichi qu’dins sin prochain clip alle sot in bionne sœur, cha m’étonnerot qu’à mitan. Ch’est qu’i va y avoir d’eul concurrinche !

Ches voies d’euch Seigneur alles sontent impénétrapes et ches voix pour ch’Seigneur alles simbent rapporter gramint d’pognon, alors i faut ch’attinde à eune multiplicachion d’prêtes band et sœurs band ! Et par déduc’chion logique, ch’multiplicachion d’ches pains. Infin, j’veux dir’te d’ches galettes d’12cm ! A quind che stade d’France trinsformé in grinte messe pour un conchert spéchial ? A’ch’t’heure, mes gins, j’ai eune prière à faire à Saint-Joseph, ch’ti qui simbe n’pon ête toudis in déring’mint. Commint qu’in comminche d’jà ? Ah ouais… «  Au nom d’euch père, d’euch fils et d’euch ress’ d’eul famille… Dis, min Jo quo qu’te pinseros d’un CD d’Marie Toutoule ? Mi auchi j’pourros apporter ch’paix à ches gins, même chi ch’est in ch’ti ! »

Salut mes gens ! J’espère que tu vas bien après un week-end mi-figue, mi-raisin. Le soleil joue à cache-cache avec nous et l’on ne peut plus parler de grosses chaleurs. Dis, c’est quand l’été ? Déjà fini ? Moi qui n’avais pas encore fini d’avoir une belle couleur dorée, voilà que je vais rattraper la même teinte de la feuille sur laquelle je suis en train d’écrire. Ah, oui, c’est vrai, toi, tu me lis sur une feuille foncée, mais quand j’écris, c’est tout blanc. C’est très technique tout cela ! C’est comme qui dirait l’envers du décor. En parlant d’envers du décor, cela me fait penser aux coulisses. Qui dit coulisses dit spectacle et qui dit spectacle dit chanteuse en l’occurrence pour le sujet que l’on va voir ensemble.

Bah non ! Perdu ! Si tu t’attendais à ce que je fasse un nouvel épisode de ma saga à friqués, tu vas rester sur ta faim. Je sais bien qu’en parlant de chanteuse, tu as pu croire que c’était une de mes toutouleries habituelles puisque mémé Liliane est auditionnée aujourd’hui. Mais justement, je la placerais plutôt dans les tragédiennes que dans les chanteuses. On va d’abord attendre de savoir ce qu’elle va leur chanter aux policiers, parce qu’elle le vaut bien ! Quoi ? J’ai dit chanter ? Oui, c’est vrai ! On va dire que notre postière est une artiste complète comme cela tout le monde sera content. De toute façon, on n’en saura pas plus, je le crains ! Enfin, je fais une petite prière pour que l’on ne se retrouve pas encore avec plus de questions. Bah, oui, cela m’arrive de faire une prière, mais cela ne veut pas dire pour autant que je vais rentrer au couvent ! J’aurais bien trop peur de ne plus en ressortir, contrairement aux chants qui en sortent et montent dans les cieux ! Non, je n’ai pas une âme spécialement religieuse, c’est parce que j’ai lu un article sur les sœurs bénédictines de l’Abbaye Notre-Dame de l’Annonciation, situé à Le Barroux dans le Vaucluse.

Figure-toi que les sœurs viennent de signer un contrat avec la célèbre maison de disques anglaise Decca. Elles ont remporté un concours de chants grégoriens qui mettait en compétition 70 couvents à travers l’Europe, les Etats Unis et l’Afrique. Il n’en fallait pas plus pour attiser ma curiosité, parce que cela m’a aussitôt fait penser au film avec Whoopi Goldberg, Sister Act. Mis à part que l’on oublie complètement les paillettes, parce qu’il s’agit de sœurs cloîtrées et que c’est un peu plus compliqué qu’il n’y paraît. D’abord, la Très Révérente Mère Placide Devillers raconte dans un communiqué à Decca que cela leur est tombé dessus et qu’elles n’ont pas couru après la victoire. Oui, on veut bien, mais quand tu t’inscris à un concours, ce n’est généralement pas dans l’espoir de perdre. Ensuite elle ajoute qu’au début elle avait peur que cela puisse mettre en cause leur vie cloîtrée. Ni une ni deux, mes gens, les sœurs ont prié Saint-Joseph et les prières ont été exaucées. C’est bon à savoir, Saint-Joseph répond favorablement aux requêtes, parce que cela m’est arrivé de demander quelque chose et ne pas l’avoir. A présent que j’ai un nom, je saurai m’en servir. Si cette TRM Placide a son e-mail, ce sera encore mieux ! On n’est sûr que la demande lui arrivera même si le temps est très couvert !

Elle conclut enfin en disant qu’elle espère que l’album touchera les gens dans leur vie et les aide à trouver la paix. En tout cas, pour Decca – et cela rime ! – on peut se demander si ce n’est pas la paix dans leur porte-monnaie qu’ils espèrent trouver en dégotant leur star religieuse. En effet, on n’est pas sans savoir qu’il y a un regain pour les chants religieux en ce moment. Deux exemples qui rendent jaloux certains chanteurs, le groupe de trois prêtes irlandais, The Priests, qui rencontre un succès commercial sans précédent et l’équivalent français, Les Prêtres, trio ecclésiastique de Gap avec leur album Spiritus Dei. Tu remarqueras quand même que, pour les noms de groupe, ils ont vachement cogité. En même temps, pour les Français, 2be3 cela avait déjà été fait ! Oui, je sais bien que ce n’est pas la première fois ! On n’a déjà eu le droit à Sœur Sourire et son inénarrable Dominique, nique, nique qui laisse, même encore aujourd’hui, des traces dans les mémoires. Certainement plus d’ailleurs aujourd’hui, avec toutes ces affaires qu’il y a eu dans la prêtrise. Dominique, nique, nique, cela la fout mal ! Bah, oui, je suis qu’une moqueuse et j’irai griller en enfer, que veux-tu !

Toujours est-il que pour Decca, comme je le disais, cela n’a pas été aussi simple, parce que les sœurs ne sortent pas et pour causse, mais elles n’ont pas le droit non plus de recevoir du monde. Il a donc fallu trouver une astuce pour leur faire signer le contrat dans un premier temps. Cela a été fait dans l’Abbaye, les moniales derrière des barreaux en bois qui les séparent du monde extérieur et de l’autre côté, le représentant de Decca. Cela ressemble un peu à quelqu’un qui va visiter un prisonnier, en fait. D’ailleurs, on pourrait s’y tromper, parce qu’il y a même eu trappe comme pour passer le plateau repas. Cela n’a pas été le plus dur. Pas question non plus qu’elles aillent enregistrer dans les studios de Decca et c’était impossible aussi de déménager un studio complet jusqu’au fin fond de la France. Alors, les ingénieurs du son ont été autorisés à mettre des micros dans la chapelle où les chants allaient être enregistrés, ainsi qu’un équipement. Il ne restait plus qu’à envoyer les sons dans le studio londonien. Seulement, pendant l’intervention, non pas divine mais technique, les sœurs ont dû être mises en isolement dans d’autres pièces. A mon avis, cela doit être pour éviter qu’il y en ait une qui se prend les pieds dans les fils pendant qu’ils étaient en train de les passer…

La bonne nouvelle, mes gens, est que l’album sera dans les bacs en novembre et il s’intitulera Voice : Chant From Avignon. Pourquoi Avignon ? Bah, on savait déjà que l’on y dansait, à présent on saura que l’on y chante aussi ! Bah, non, je rigole ! A mon avis, c’est parce que c’est ville la plus représentative en terme religieux du département. Quoiqu’ils aient pu choisir le vin de messe car Vaqueras, Chateauneuf du Pape et Gigondas, en autres, c’est plus près ! Cela aurait certainement posé un autre problème. Amy Winehouse fait partie de la tribu Universal Music London dont fait partie Decca. Elle n’aurait pas tenu bien longtemps avec des noms pareils devant son nez. Quand on s’appelle maison du vin, on y connaît un goulot ! Enfin, un rayon, pardon ! Déjà, il faudrait qu’ils soient prudents les gens de chez Decca, parce que si sur la pochette ils marquent en grand les sœurs bénédictines, j’ai bien peur qu’elle fasse une confusion ! Bah, oui, ça se boit aussi ! Puis, il n’y a pas qu’elle. Lady Gaga aussi fait partie du catalogue. Alors d’ici que dans son prochain clip elle soit en bonne sœur, cela m’étonnerait qu’à moitié. C’est qu’il va y avoir de la concurrence !

Les voies du Seigneur sont impénétrables et les voix pour le Seigneur semblent rapporter beaucoup de pognon, alors il faut s’attendre à une multiplication de prêtes band et sœurs band ! Et par déduction logique, la multiplication des pains. Enfin, je veux dire des galettes de 12cm ! A quand le stade de France transformé en grande messe pour un concert spécial ? Maintenant, mes gens, j’ai une prière à faire à Saint-Joseph, celui qui semble ne pas être toujours en dérangement. Comment on commence déjà ? Ah oui… «  Au nom du père, du fils et du reste de la famille… Dis, mon Jo que penserais-tu d’un CD de Marie Toutoule ? Moi aussi je pourrais apporter la paix aux gens, même si c’est en ch’ti ! »