Chalut mes gins ! Tiens, j’aperchos des tiêtes que j’n’avos pon vues d’pis quéque timps… Infin, gramint moins pâlottes ! Mais qu’is sontent tertous bieaux aveuc ch’te bielle couleur dorée ! Ch’est pon tout, mais à’ch’t’heure, i y a du boulot qui t’attind. Bin, au bureau, te fais com’ te veux, i n’faut jamais arcommincher chu ches capieaux d’roue, cha n’est pon bion pour t’sinté. Mais rin qu’ichi, t’as gramint d’lecture à rattraper chi t’as été coupé d’euch monte pindint des jours, voire des s’maines ! Alors, te fais com’ chi t’étos cor’ in train d’lézarder chous ch’solel et au lieu d’lir’te tin roman à l’ieau d’rosse, te lis quo qui ch’est paché dins not’ bieau pays. Te vas vir, in a eu des avintures ! Infin, ch’est churtout eune chertaine mémé Liliane, te vas découvrir cha…

Mes gins, je n’sais pon chi ch’est l’fait qu’in ait eu l’drot à chertain’mint ch’pus grind chassé-croisé d’l’année qui a inspiré nos politiques, toudis i est qu’pour un ouiquend à mitan d’ches grintes vacinches, in vient d’vif’ un chassé-croisé verbal assez torrite intre min Nicolas et Titine d’Lille qui vient d’sortir d’euch muchette. Mais in l’arconnôt bin lal. In a l’impréchion qu’alle dort, mais que d’un oeul. Alle a sin comité d’acoute qui fait ch’tri et dès qu’min Nicolas i dit eune bêtisse pus grosse qu’li, is appui’tent chu ch’biouton d’alarme et hop ! Titine alle est première à ch’fu ! I faut dir’te qu’min Nicolas i a eu des miots dont i n’a chertain’mint pon mesuré l’impleur. Pour cha, i faut arvenir à vinderdi, quind i étot à Grenoble pour introniser ch’nouvieau préfet d’l’Isère, Eric Le Douaron. Bah, ouais, l’aute i ch’est fait virer chuite à ches émeutes qu’i y a eu à Villeneuve. Ch’est qu’cha n’rigol’te pon ! Un préfet i ch’dot d’consulter ch’boule d’cristal et prévoir qu’i va y avoir eune cata, chinon ch’est l’porte ! Bref. Min Nicolas i d’vot ête fatigué d’euch tournache qu’i a vécu in direct aveuc Carla, à moins qu’i ch’croy’te dins un film et i in a fait des tonnes chu sin sujet d’prédilec’chion :  La chécurité. Bah, ouais ! In ch’souvient qu’i allot tout nettoyer au Kärcher seul’mint sin fil et sin tuyau is d’votent ête trop courts et i n’a pon réuchi à aller jusque-lal, ch’est sûr’te.

Sin dichcours, in l’connôt par cœur, étant donné qu’i nous l’arsort chaque fos qu’i peut. Ch’est sin meilleu monologue à part p’t-ête ch’que j’li ai écrit, in toute modestie, chi t’arlis ch’préchédint artique. I nous l’a modifié fachon Rambo et i ch’est linché dins eune impro des pus improvisées, ch’est dir’te ! Heureuss’mint quind même qu’i n’ch’est pon mis à clamer : « In va tous les niquer ! » D’même, sin maquillache i étot toudis auchi dichcret que d’habitute. Te parl’tes ! I a dû avoir des échintillons à mémé Liliane qui dot treuver qu’i le vaut bin. Parel, i n’a pon sorti ches peintures d’guerre ni sin bindana, mais sin tiot costume. D’jà, com’ cha, i étot armonté com’ in quatorse, alors in aurot eu vraimint peur. Te sais, à’ch’t’heure qu’i a eune actriche com’ femme, i pourrot avoir tindinche à faire auchi du cinéma pour n’pon rester com’ deux ronds d’flan. Alors in comminche par Rambo… Quo ? Ch’vie ch’est d’jà du cinéma ? Ah ouais, t’as raison ! Cha a comminché par un film d’avinture qui allot canger nos vies. Cha a continué par un film sintimintal aveuc Carla. Après, ch’est plutôt Germinal pindint tout ch’timps. I nous fait un film d’guerre La Grande Illusion, pardon, j’voulos dir’te Rambo. I faut espérer qu’i n’va pon finir par Terminator. Quind te sais qu’i dit toudis « I’ll be back », te parl’tes qu’cha fait frod dins ch’dios à gramint d’monte !

Toudis i est qu’i n’a pon du arlir’te l’constituchion françaisse avint, chinon i aurot vu qu’i y a com’ un défaut dins ches paroles. In effet, i proposse qu’toute perchonne d’origine étringère qui porterot volontair’mint attinte à un arprésintint d’l’ordre alle pourrot perde ch’nachionalité françaisse. Et à ch’sujet, ch’constituchion alle dit qu’eul France alle est eune République indivisible, laïque, démocratique et sochiale. Alle assur’te l’égalité d’vint ch’loi d’tertous ches citoyens chins distinc’chion d’origine, d’race ou d’religion. D’timps in timps, i y a des ratés, j’te l’accorde, mais bion, j’cros qu’i y a gramint pir’te com’ pays. Attinchion ! Cha n’veut pon dir’te qu’chi t’es français d’pis Astérix. Euh, nin, pardon, d’pis quéqu’un d’à peu près ch’même époque, t’as l’drot d’dégommer un arprésintint d’l’ordre. Te rest’ras toudis français, mais te s’ras quind même in prison ! Pis, intre nous, chi t’es français d’pis tout ch’timps, je n’sais vraimint pon commint qu’t’as fait pour qu’un d’tes inchêtres i n’ait pon rincontré un Espagnol, un Germain, etc.. Je n’vais pon faire ch’tour d’euch monte, mais t’as compris quo que j’voulos dir’te. I a eu un trou d’mémoire min Nicolas ! D’autint qu’i dot, d’part l’fait qu’i est Présidint d’eul République, ch’assurer du respect d’cheule-chi.

Comique, hein ? Infin, comique, cha n’est pon vraimint ch’miot, d’autint qu’in n’peut pon oublier qu’i est auchi issu d’l’immigrachion. Bah, ouais, hongrois rêver ! Alors, quo qu’in fait ? Un présidint qui n’respecterot pon l’constituchion i s’rot li-auchi déchu d’euch nachionalité ? Cha choulèf’ des quechtions ch’t’histoire ! In tout cas, d’pis in assiste à un véritape chassé-croisé, com’ j’te l’disos à ch’début. Titine déclare : « Ch’dureté d’ches miots et ch’dérive d’ches proposichions n’ontent d’égal que l’impleur d’ches échecs d’Nicolas Sarkozy in matière économique et sochiale com’ in matière d’chécurité ! » Ch’est sûr’te, alle n’y va pon par ch’dios d’eul ceuillère. Alle n’a jamais fait dins ch’dintelle, cha ch’saurot d’pis ch’timps. Pis, alle est à Lille, nin à Calais ! Toudis i est, com’ in li a fait armarquer, qu’alle a mis pus d’eune journée à réagir. A’ch’t’heure, alle étot p’t-ête à ch’camping d’euch Perroquet à Bray-Dunes, loin d’tous ches tracas d’eul vie politique, à faire des câtieaux d’sape. Chi, chi, ch’est pochipe ! D’ailleurs chi t’in vos un aveuc un beffro, ch’est l’chien ! Alle aurot dû savoir que, com’ min Nicolas i a été obligé d’arculer ches vacinches à causse d’euch tournache d’Carla, cha li laissot l’timps d’sortir cor’ eune ou deux bêtisses. Bah, ouais, alle aurot dû synchroniser ches vacinches aveuc li !

Min Nicolas, des bêtisses ? Te sais, ch’est dins ch’fu d’l’ac’chion. Quind ch’est ch’guerre, in tir’te d’abord et in réfléchit après. Ichi, i a sorti quéques tiotes phrasses… Par eximpe, i va mette 38 polichiers in rab pour pachifier ch’quartier. In rab ? In rab d’ù ? J’croyos qu’is in minquotent d’jà gramint dins ches binlieues ! In pus, in n’peut même pon les prinde à Neuilly, is ontent gramint d’occupachion aveuc ches perquisichions in série ! In va déclarer ch’guerre à ches trafiquints. Bah ouais, i a cor’ failli sortir « in va tous les niquer » mais i a dû ch’raviser à l’dernière s’conte. Infin, ch’étot des gins d’euch voyache, cor’ heureux qu’i n’ait pon sorti trafiquints d’roms ! Lal, ch’est mi qui sors eune bêtise, mais cha détind un peu. Ch’est cadieau ! Bref, je n’vais pon les faire toutes, in va chertainemint in intinde parler pindint quéques jours. Bin intindu, tels deux pitbulls, Xavier Bertrand et Frédéric Lefebvre ont réagi auchitôt à ches propos à Titine. Is n’étotent pon à ch’camping d’euch perroquet, eusses ! Infin, je n’sais pon pourquo j’ai écrit pitbulls, cha dot ête pach’qu’in parl’te d’binlieue. Is s’rotent plutôt ches Dupont et Dupond. Quind te vos l’guiffe d’l’un, l’aute i n’est jamais bin loin et i répète aveuc ches miots à li ch’que l’aute i vient d’dir’te. In l’occurrinche qu’ches propos ténus par Titine is sontent particulièremint choquints !  Cha, in est vit’ viré, i faut faire gaffe de n’pon froisser min Nicolas. I in a suffisammint gros chu l’patate com’ cha aveuc sin Kärcher qui minqu’te d’préchion !

Mes gins, à’ch’t’heure, min Nicolas i ch’in va in vacinches, cha va ch’calmer. Infin, sauf pour les paparazzis qui vontent chertain’mint essayer d’treuver ch’photo d’euch chiècle. Te parl’tes, ti, chi in n’in a pon eune d’min Nicolas in maillot d’bain, cha va nous minquer ! In va dir’te qu’ch’étot un tour d’écauffemint pour ch’rintrée. In tout cas, cha promet, is ontent l’air au taquet ! T’inquiète, j’vais ête in vacinches que d’un oeul et ch’i ch’pache qué cosse, j’viens t’in parler com’ d’habitute. Bah, ouais, min drot i a fait juillet, min gauche i fait août. D’autint qu’in est restés chu not’ faim avec ch’saga à friqués et mémé Liliane. Chinon, in juera à cartes. Cha ne s’ra pon très pratique, mais in treuvera bin  qué cosse à faire…

Salut mes gens ! Tiens, j’aperçois des têtes que je n’avais pas vues depuis quelque temps… Enfin, bien moins pâlottes ! Mais qu’ils sont tous beaux avec cette belle couleur dorée ! Ce n’est pas tout, mais maintenant, il y a du boulot qui t’attend. Bien, au bureau, tu fais comme tu veux, il ne faut jamais recommencer sur les chapeaux de roue, ce n’est pas bon pour ta santé. Mais rien qu’ici, tu as beaucoup de lecture à rattraper si tu as été coupé du monde pendant des jours, voire des semaines ! Alors, tu fais comme si tu étais encore en train de lézarder sous le soleil et au lieu de lire ton roman à l’eau de rose, tu lis ce qui s’est passé dans notre beau pays. Tu vas voir, on a eu des aventures ! Enfin, c’est surtout une certaine mémé Liliane, tu vas découvrir cela…

Mes gens, je ne sais pas si c’est le fait que l’on ait eu le droit à certainement le plus grand chassé-croisé de l’année qui a inspiré nos politiques, toujours est-il que pour un week-end au milieu des grandes vacances, on vient de vivre un chassé-croisé verbal assez torride entre mon Nicolas et Titine de Lille qui vient de sortir de sa cachette. Mais on la reconnaît bien là. On a l’impression qu’elle dort, mais que d’un oeil. Elle a son comité d’écoute qui fait le tri et dès que mon Nicolas dit une bêtise plus grosse que lui, ils appuient sur le bouton d’alarme et hop ! Titine est première au feu ! Il faut dire que mon Nicolas a eu des mots dont il n’a certainement pas mesuré l’ampleur. Pour ce, il faut revenir à vendredi, quand il était à Grenoble pour introniser le nouveau préfet de l’Isère, Eric Le Douaron. Bah, oui, l’autre s’est fait virer suite aux émeutes qu’il y a eu à Villeneuve. C’est que ça ne rigole pas ! Un préfet se doit de consulter sa boule de cristal et prévoir qu’il va y avoir une cata, sinon c’est la porte ! Bref. Mon Nicolas devait être fatigué du tournage qu’il a vécu en direct avec Carla, à moins qu’il se croie dans un film et il en a fait des tonnes sur son sujet de prédilection :  La sécurité. Bah, oui ! On se souvient qu’il allait tout nettoyer au Kärcher seulement son fil et son tuyau devaient être trop courts et il n’a pas réussi à aller jusque-là, c’est sûr.

Son discours, on le connaît par cœur, étant donné qu’il nous le ressort chaque fois qu’il peut. C’est son meilleur monologue à part peut-être ce que je lui ai écrit, en toute modestie, si tu relis le précédent article. Il nous l’a modifié façon Rambo et il s’est lancé dans une impro des plus improvisées, c’est dire ! Heureusement quand même qu’il ne s’est pas mis à clamer : « On va tous les niquer ! » De même, son maquillage était toujours aussi discret que d’habitude. Tu parles ! Il a dû avoir des échantillons à mémé Liliane qui doit trouver qu’il le vaut bien. Pareil, il n’a pas sorti les peintures de guerre ni son bandana, mais son petit costume. Déjà, comme cela, il était remonté comme en quatorze, alors on aurait eu vraiment peur. Tu sais, maintenant qu’il a une actrice comme femme, il pourrait avoir tendance à faire aussi du cinéma pour ne pas rester comme deux ronds de flan. Alors on commence par Rambo… Quoi ? Sa vie c’est déjà du cinéma ? Ah oui, tu as raison ! Cela a commencé par un film d’aventure qui allait changer nos vies. Cela a continué par un film sentimental avec Carla. Après, c’est plutôt Germinal pendant tout le temps. Il nous fait un film de guerre La Grande Illusion, pardon, je voulais dire Rambo. Il faut espérer qu’il ne va pas finir par Terminator. Quand tu sais qu’il dit toujours « I’ll be back », tu parles que cela fait froid dans le dos à beaucoup de monde !

Toujours est-il qu’il n’a pas du relire la constitution française avant, sinon il aurait vu qu’il y a comme un défaut dans ses paroles. En effet, il propose que toute personne d’origine étrangère qui porterait volontairement attente à un représentant de l’ordre pourrait perdre sa nationalité française. Et à ce sujet, la constitution dit que la France est une République indivisible, laïque, démocratique et sociale. Elle assure l’égalité devant la loi de tous les citoyens sans distinction d’origine, de race ou de religion. De temps en temps, il y a des ratés, je te l’accorde, mais bon, je crois qu’il y a bien pire comme pays. Attention ! Cela ne veut pas dire que si tu es français depuis Astérix. Euh, non, pardon, depuis quelqu’un d’à peu près la même époque, tu as le droit de dégommer un représentant de l’ordre. Tu resteras toujours français, mais tu seras quand même en prison ! Puis, entre nous, si tu es français depuis tout ce temps, je ne sais vraiment pas comment tu as fait pour qu’un de tes ancêtres n’ait pas rencontré un Espagnol, un Germain, etc.. Je ne vais pas faire le tour du monde, mais tu as compris ce que je voulais dire. Il a eu un trou de mémoire mon Nicolas ! D’autant qu’il doit, de part le fait qu’il est Président de la République, s’assurer du respect de celle-ci.

Comique, hein ? Enfin, comique, ce n’est pas vraiment le mot, d’autant que l’on ne peut pas oublier qu’il est aussi issu de l’immigration. Bah, oui, hongrois rêver ! Alors, que fait-on ? Un président qui ne respecterait pas la constitution serait lui-aussi déchu de sa nationalité ? Cela soulève des questions cette histoire ! En tout cas, depuis on assiste à un véritable chassé-croisé, comme je te le disais au début. Titine déclare : « La dureté des mots et la dérive des propositions n’ont d’égal que l’ampleur des échecs de Nicolas Sarkozy en matière économique et sociale comme en matière de sécurité ! » C’est sûr, elle n’y va pas par le dos de la cuillère. Elle n’a jamais fait dans la dentelle, cela se saurait depuis le temps. Puis, elle est à Lille, non à Calais ! Toujours est-il, comme on lui a fait remarquer, qu’elle a mis plus d’une journée à réagir. Maintenant, elle était peut-être au camping du Perroquet à Bray-Dunes, loin de tous les tracas de la vie politique, à faire des châteaux de sable. Si, si, c’est possible ! D’ailleurs si tu en vois un avec un beffroi, c’est le sien ! Elle aurait dû savoir que, comme mon Nicolas a été obligé de reculer ses vacances à cause du tournage de Carla, cela lui laissait le temps de sortir encore une ou deux bêtises. Bah, oui, elle aurait dû synchroniser ses vacances avec lui !

Mon Nicolas, des bêtises ? Tu sais, c’est dans le feu de l’action. Quand c’est la guerre, on tire d’abord et on réfléchit après. Ici, il a sorti quelques petites phrases… Par exemple, il va mettre 38 policiers en rab pour pacifier le quartier. En rab ? En rab d’où ? Je croyais qu’ils en manquaient déjà beaucoup dans les banlieues ! En plus, on ne peut même pas les prendre à Neuilly, ils ont beaucoup d’occupation avec les perquisitions en série ! On va déclarer la guerre aux trafiquants. Bah oui, il a encore failli sortir « on va tous les niquer » mais il a dû se raviser à la dernière seconde. Enfin, c’était des gens du voyage, encore heureux qu’il n’ait pas sorti trafiquants de roms ! Là, c’est moi qui sors une bêtise, mais ça détend un peu. C’est cadeau ! Bref, je ne vais pas les faire toutes, on va certainement en entendre parler pendant quelques jours. Bien entendu, tels deux pitbulls, Xavier Bertrand et Frédéric Lefebvre ont réagi aussitôt aux propos de Titine. Ils n’étaient pas au camping du perroquet, eux ! Enfin, je ne sais pas pourquoi j’ai écrit pitbulls, ce doit être parce que l’on parle de banlieue. Ils seraient plutôt les Dupont et Dupond. Quand tu vois la tête de l’un, l’autre n’est jamais bien loin et il répète avec ses mots à lui ce que l’autre vient de dire. En l’occurrence que les propos tenus par Titine sont particulièrement choquants !  Ca, on est vite viré, il faut faire gaffe de ne pas froisser mon Nicolas. Il en a suffisamment gros sur la patate comme cela avec son Kärcher qui manque de pression !

Mes gens, maintenant, mon Nicolas s’en va en vacances, cela va se calmer. Enfin, sauf pour les paparazzis qui vont certainement essayer de trouver la photo du siècle. Tu parles, toi, si on n’en a pas une de mon Nicolas en maillot de bain, ça va nous manquer ! On va dire que c’était un tour d’échauffement pour la rentrée. En tout cas, ça promet, ils ont l’air au taquet ! T’inquiète, je vais être en vacances que d’un oeil et s’il se passe quelque chose, je viens t’en parler comme d’habitude. Bah, oui, mon droit a fait juillet, mon gauche fait août. D’autant que l’on est restés sur notre faim avec la saga à friqués et mémé Liliane. Sinon, on jouera aux cartes. Ce ne sera pas très pratique, mais on trouvera bien quelque chose à faire…