Chalut mes gins ! J’eum sus réveillée après eune nuit d’ù que j’n’ai pon arrêté d’rêver d’plaches chous un solel torride. Eune mer bleue com’ ches zis à Camille Lacourt. Malheureuss’mint i n’étot pon à côté d’mi, in n’peut pon tout avoir ! Du cop, j’sus quée d’min lit, bin déchidée à profiter d’eune magnifique journée. Vingt dius ! Qué malheur in ouvrint ches rideaux ! J’avos oublié qu’j’étos à Bray-Dunes et pon chu l’île à mémé Liliane ! Puich’que cha simblot chec, ch’qui n’est pon chi mau quind in vot ch’qu’i a draché d’pis diminche soir, j’ai pris min courache à deux pids pour aller courir chu l’plache. Bah ouais, chu l’plache abindonnée ! Vu l’heure, cha n’avot rin d’étonnint. Ultime récompinche in arvenint d’min péripe, ches premiers rayons d’solel et un coin d’ciel bleu. Un rêf’ prémonitoire ?

Toudis i est qu’i n’y a pon d’quo crier victoire, j’sus loin d’ête eune nouvielle madame Solel et cha n’est pon l’peine, nin pus, d’ériger eune statue à m’gloir’te ! D’autint qu’in parlint d’statue, j’ai peu d’canche d’avoir m’plache au solel in Languedoc-Roussillon et de m’artreuver parmi l’collec’chion à Georges Frêche. Bah ouais, ch’est com’ cha ! Heureuss’mint qu’in a ches outsiders qui sontent lal pour faire parler d’eusses pindint qu’tous ches autes is sontent in train d’prinde des bielles couleurs, pour nous arvenir in forme à l’rintrée et nous abreuver d’bions miots. Chinon, qu’est-che qu’in ch’innuierot ! Infin, in n’a pon à ch’in faire, puich’que min Georges i est lal pour dégourdir nos zygomatiques ! Figure-te qu’euch présidint d’eul région Languedoc-Roussillon i ch’apprête à inaugurer eune série d’statues conchacrée à ches grinds hommes d’euch XX ème chiècle. Cha esplique auchi qu’j’ai peu d’canche d’y figurer, à moins qu’in m’bricole un serviche tros pièches ! Nin, j’auros pus d’canche dins l’région voisine, in Midi-Pyrénées, in m’faisint pacher pour l’Vénus d’Millau ! Ouais, bin, t’in as ches bras qui quéhutent, hein ? Te n’t’attindos pon à cheule-lal !

J’arviens à min Georges. Jusque-lal, i n’y a rin d’bin original, d’autint qu’ch’est ch’pachion, ches statues. Quo qu’te veux ! I y in a bin dont ch’est ches nains d’gardin. Infin, ch’est pus fachile à collec’chionner quind même ! Ch’est sin côté clachique, i déclar’te, avint d’ajuter qu’i avot d’jà inauguré eune série chu l’Révoluchion Françaisse regroupint Danton et Roger Pierre. Euh, nin, Robespierre, j’eum goure toudis aveuc ches deux-lal ! D’ù sin idée d’continuer aveuc des contimporains, collec’chion qu’i a déchidé d’commincher in 2008. A l’époque, i avot d’jà fait parler d’li aveuc ch’première acquisichion. Ouais, bin avint toutes ches avintures aveuc ch’PS, intre autes ! D’jà très provocateur à leur égard puich’qu’i a fait l’achat d’eune statue de Lénine. Cheule-chi avot été installée dins eune rue de Seattle par un inseignint américain. Chuite à sin décès, alle a été mise in vinte à 150.000 dollars ! Bah, ouais, eune bielle somme, mais in est bin loin d’euch nain d’gardin ! In s’rot pus dins l’catégorie géint vert, oh, oh, oh ! Alle fait quind même quate mètes chinquinte et pèse chept tonnes ! Cha avot fait douch’mint marrer ches communistes locaux d’vir eune statue de Lénine installée à Montpellier mais, in même timps, cha flattot leu ego.

Deux ins après, sin chox ch’est arrêté chu dix noms. Dins ch’désordre, in treuve : Roosevelt, Churchill, Gandhi, Golda Meir, Mandela, Nasser et Mao. In fait, j’eum sus gourée tout à l’heure. Ch’étot grinds hommes aveuc un H majuscule, i y a d’eul femme lad-dins ! Bah, j’oublie, i a quind même dégoté deux Français dine d’euch collec’chion : Jaurès et De Gaulle. Bah, ouais, parité obliche ! Infin, parité, cha n’est pon vraimint ch’miot adéquat. In va croir’te que j’chous-intinds qu’un des deux i aurot été un trinssexuel. Bin intindu, nin ! J’voulos parler d’un à gauche et un à drote. Chi, chi, quind te ravises bin, in peut toudis treuver des excepchions d’un côté com’ d’l’aute ! Ch’qui interpell’te lad’dins ch’est Mao qui étot quind même largemint controverché. Forchémint, te dos bin t’douter qu’in li a posé l’question à min Georges. D’autint qu’i est com’ Mao, Georges sait tougue, aveuc l’accent d’euch Sud, cha l’fait, hein ? Bref, i a répondu aveuc sin humour légindaire : « I s’ra lal à ch’tite d’eul révoluchion culturelle pour l’périote 1929-1949. Après com’ chef d’Etat i étot nul ! » V’là ch’est dit ! D’autint qu’eul Dépêche du Midi alle rappell’te qu’i est inchien maoïste. Bah, ouais, min Georges i est chouvint un inchien d’quéque cosse, même d’euch PS, mais ch’est rin ! Ch’est quind même li qui gagn’te et in n’cange rin à eune formule qui gagn’te et à quéqu’un qui a l’sins d’eul formule justemint ! Infin, i faudra quind même qu’i rajute un chous-tite chu ch’piédestal pour éviter qu’in oublie l’révoluchion culturelle au profit d’euch chef d’Etat nul ! Tertous i n’sait pon tougue…

Par conte, in mettint eune statue d’un chef d’Etat nul, cha laiche tout loiji à chertains pour pinser qu’cha n’est pon perdu pour eusses. Qu’is ontent eune canche d’ête un jour dins sin gardin d’euch souv’nir, in quéque sorte ! D’côtoyer tous ches jours ches pus grinds d’euch XX ème chiècle et partager leux tiots choucis. Bah, chi ! Quind t’es eune statue, t’as quind même des choucis. T’as toudis des gins qui fontent ch’bouffon d’vint ti pour avoir leu photo souv’nir et i faut rester d’marbe ! Chins compter ch’pire d’tout, ch’brin d’coulon ! Bah, ouais, ches sales biêtes qui os’tent couler un bronse chu tin bronse et qui finiss’tent par faire arsimbler n’importé quel grind homme à Michael Jackson. Bref. Même aveuc ches inconvénients d’euch brin d’coulon, tout espoir i est permis, même pour ches nuls ! D’ailleurs, tous ches cindidats sontent priés de ch’inscrir’te à ch’castinge qui s’ra artrinsmis par TF1 et présinté par Nikos Imagasse. Prépare tin clavier d’téléphone, i va cauffer dur’te ! Te vos quo que j’veux dir’te, j’sus sûr’te… Ouais ? Te pinsos à qui, ti ? A min Nicolas, hein ? Moqueux d’gins qu’t’es ! In aurot pu l’croir’te effectivemint mais Georges i a auchi déclaré : « Pourquo pon des Présidints français à l’avenir, mais Mitterrand, Chirac et Sarkozy is sontent des nains dins l’histoire ! »

Qué déconvenue ! Qué malheur ! Méga cata, in n’a pon peur des miots ! Tros qui vontent compter pour du bieurre dins l’histoire d’France chelon min Georges. Pompidou, i n’a pon l’air d’avoir d’avis chu l’question et VGE, après sin vrai-faux amour aveuc Lady Di, j’sus sûr’te qu’min Georges i l’vot pus in mini statuette aveuc cheule-chi, bras d’chus, bras d’chous, in haut d’eune pièche montée ! Infin, Titine d’Lille alle n’est pon vraimint d’euch même avis. Du moins, in ch’qui concherne Mitterrand, puich’qu’i y in a eune à Lille, chu l’plache d’euch même nom d’ailleurs. Connaichint min Georges, cha s’rot eune pique à sin ennemi juré, cheule qui li à causer tint d’misère, qu’cha ne s’rot pon étonnint. A’ch’t’heure, ch’est chertain, in n’est pon prêt à vir eune statue d’min Nicolas dins ches rues d’Lille nin pus. Ch’est bin l’seu point pour l’quel alle dot ête d’accord aveuc sin inchien camarate d’parti, même chi j’sus sûr’te qu’cha li f’rot plaiji, à la Titine, d’vir ches coulons li quier d’chus !

Forchémint, dins l’opposichion, in traite min Georges d’démago et d’mégalo. D’autint qu’in ch’doute qu’i n’fait pon ch’te collec’chion aveuc ches deniers perchonnels. Quo ? Ch’est qui l’opposichion pour li ? Bah, ch’est eune bionne question ! J’in sais rin, puich’qu’i est un parti à li tout seu. In va dir’te tous ceusses qui n’sontent pon d’accord aveuc li ou tous ceusses qui n’ontent pon l’pachion pour ches statues. Des jaloux, quo, pach’qu’is in sontent cor’ à ches nains d’gardin ! D’autint qu’i voulot auchi ajuter à ch’liste eune statue de Staline. Bah, ouais, cha n’aurot pon été bin vu et ch’est pour cha qu’i y a arnonché, nin chins eune pointe d’amertume dins l’âme, puich’qu’i n’a pon résisté à comminter : « J’ai chosi ches hommes pach’qu’is ontent jué un rôle-clef. Et pourtint li auchi i a cangé l’face d’euch monte aveuc l’victoire de Stalingrad ! » Min Georges, i y a un momint donné d’ù qu’i faut savoir ch’arrêter ! Ch’gardin i va ête plein, ch’gars qui tond i va d’jà avoir du mau com’ cha à pacher autour d’tous ches grinds. Pis, à l’allure d’ù qu’t’étos parti, j’ardoute ch’qui aurot pu ch’pacher chi t’avos mis l’main chu eune statue d’un chertain Adolf car, li auchi, i a cangé ch’face d’euch monte !

V’là mes gins ! Heureuss’mint qu’in a min Georges pour nous faire un peu d’info, chinon in aurot cor’ dû parler d’sujets gramint moins importints pour not’ vie. In va juss’ terminer par ch’qu’i a déclaré quind un journaliste i li a d’mindé ch’i verrot bin cha statue à Montpellier : « Pourquo pon après m’mort. Mais te sais, quind in est dins l’tombe, cha fait ni caud ni frod ! » I n’est pon conte, quind même, même ch’i dot ch’tâter pach’que l’posichion allongée alle dot ête moins fatiginte et, in pus, in est à l’abri d’euch brin d’coulon !

Salut mes gens ! Je me suis réveillée après une nuit où je n’ai pas arrêté de rêver de plages sous un soleil torride. Une mer bleue comme les yeux de Camille Lacourt. Malheureusement il n’était pas à côté de moi, on ne peut pas tout avoir ! Du coup, je suis tombée de mon lit, bien décidée à profiter d’une magnifique journée. Bon sang ! Quel malheur en ouvrant les rideaux ! J’avais oublié que j’étais à Bray-Dunes et pas sur l’île de mémé Liliane ! Puisque ça semblait sec, ce qui n’est pas si mal quand on voit ce qu’i a plu depuis dimanche soir, j’ai pris mon courage à deux pieds pour aller courir sur la plage. Bah oui, sur la plage abandonnée ! Vu l’heure, cela n’avait rien d’étonnant. Ultime récompense en revenant de mon périple, les premiers rayons de soleil et un coin de ciel bleu. Un rêve prémonitoire ?

Toujours est-il qu’il n’y a pas de quoi crier victoire, je suis loin d’être une nouvelle madame Soleil et ce n’est pas la peine, non plus, d’ériger une statue à ma gloire ! D’autant qu’en parlant de statue, j’ai peu de chance d’avoir ma place au soleil en Languedoc-Roussillon et de me retrouver parmi la collection de Georges Frêche. Bah oui, c’est comme cela ! Heureusement que l’on a les outsiders qui sont là pour faire parler d’eux pendant que tous les autres sont en train de prendre des belles couleurs, pour nous revenir en forme à la rentrée et nous abreuver de bons mots. Sinon, qu’est-ce qu’on s’ennuierait ! Enfin, on n’a pas à s’en faire, puisque mon Georges est là pour dégourdir nos zygomatiques ! Figure-toi que le président de la région Languedoc-Roussillon s’apprête à inaugurer une série de statues consacrée aux grands hommes du XX ème siècle. Cela explique aussi que j’ai peu de chance d’y figurer, à moins que l’on me bricole un service trois pièces ! Non, j’aurais plus de chance dans la région voisine, en Midi-Pyrénées, en me faisant passer pour la Vénus de Millau ! Oui, bien, tu en as les bras qui tombent, non ? Tu ne t’attendais pas à celle-là !

Je reviens à mon Georges. Jusque-là, il n’y a rien de bien original, d’autant que c’est sa passion, les statues. Que veux-tu ! Il y en a bien dont c’est les nains de jardin. Enfin, c’est plus facile à collectionner quand même ! C’est son côté classique, déclare-t-il, avant d’ajouter qu’il avait déjà inauguré une série sur la Révolution Française regroupant Danton et Roger Pierre. Euh, non, Robespierre, je me goure toujours avec ces deux-là ! D’où son idée de continuer avec des contemporains, collection qu’il a décidé de commencer en 2008. A l’époque, il avait déjà fait parler de lui avec sa première acquisition. Oui, bien avant toutes ses aventures avec le PS, entre autres ! Déjà très provocateur à leur égard puisqu’il a fait l’achat d’une statue de Lénine. Celle-ci avait été installée dans une rue de Seattle par un enseignant américain. Suite à son décès, elle a été mise en vente à 150.000 dollars ! Bah, oui, une belle somme, mais on est bien loin du nain de jardin ! On serait plus dans la catégorie géant vert, oh, oh, oh ! Elle fait quand même quatre mètres cinquante et pèse sept tonnes ! Cela avait fait doucement marrer les communistes locaux de voir une statue de Lénine installée à Montpellier mais, en même temps, cela flattait leur ego.

Deux ans après, son choix s’est arrêté sur dix noms. Dans le désordre, on trouve : Roosevelt, Churchill, Gandhi, Golda Meir, Mandela, Nasser et Mao. En fait, je me suis gourée tout à l’heure. C’était grands hommes avec un H majuscule, il y a de la femme là-dedans ! Bah, j’oublie, il a quand même dégoté deux Français digne de sa collection : Jaurès et De Gaulle. Bah, oui, parité oblige ! Enfin, parité, ce n’est pas vraiment le mot adéquat. On va croire que je sous-entends qu’un des deux aurait été un transsexuel. Bien entendu, non ! Je voulais parler d’un à gauche et un à droite. Si, si, quand tu regardes bien, on peut toujours trouver des exceptions d’un côté comme de l’autre ! Ce qui interpelle là-dedans c’est Mao qui était quand même largement controversé. Forcément, tu dois bien te douter qu’on lui a posé la question à mon Georges. D’autant qu’il est comme Mao, Georges sait tougue, avec l’accent du Sud, ça le fait, non ? Bref, il a répondu avec son humour légendaire : « Il sera là au titre de la révolution culturelle pour la période 1929-1949. Après comme chef d’Etat il était nul ! » Voilà c’est dit ! D’autant que la Dépêche du Midi rappelle qu’il est ancien maoïste. Bah, oui, mon Georges est souvent un ancien de quelque chose, même du PS, mais ce n’est rien ! C’est quand même lui qui gagne et on ne change rien à une formule qui gagne et à quelqu’un qui a le sens de la formule justement ! Enfin, il faudra quand même qu’il rajoute un sous-titre sur le piédestal pour éviter que l’on oublie la révolution culturelle au profit du chef d’Etat nul ! Tout le monde ne sait pas tougue…

Par contre, en mettant une statue d’un chef d’Etat nul, cela laisse tout loisir à certains pour penser que ce n’est pas perdu pour eux. Qu’ils ont une chance d’être un jour dans son jardin du souvenir, en quelque sorte ! De côtoyer tous les jours les plus grands du XX ème siècle et partager leurs petits soucis. Bah, si ! Quand tu es une statue, tu as quand même des soucis. Tu as toujours des gens qui font le bouffon devant toi pour avoir leur photo souvenir et il faut rester de marbre ! Sans compter le pire de tout, le brin de pigeon ! Bah, oui, les sales bêtes qui osent couler un bronze sur ton bronze et qui finissent par faire ressembler n’importe quel grand homme à Michael Jackson. Bref. Même avec les inconvénients du brin de pigeon, tout espoir est permis, même pour les nuls ! D’ailleurs, tous les candidats sont priés de s’inscrire au casting qui sera retransmis par TF1 et présenté par Nikos Imagasse. Prépare ton clavier de téléphone, il va chauffer dur ! Tu vois ce que je veux dire, je suis sûre… Oui ? Tu pensais à qui, toi ? A mon Nicolas, hein ? Moqueur que tu es ! On aurait pu le croire effectivement mais Georges a aussi déclaré : « Pourquoi pas des Présidents français à l’avenir, mais Mitterrand, Chirac et Sarkozy sont des nains dans l’histoire ! »

Quelle déconvenue ! Quel malheur ! Méga cata, on n’a pas peur des mots ! Trois qui vont compter pour du beurre dans l’histoire de France selon mon Georges. Pompidou, il n’a pas l’air d’avoir d’avis sur la question et VGE, après son vrai-faux amour avec Lady Di, je suis sûre que mon Georges le voit plus en mini statuette avec celle-ci, bras dessus, bras dessous, en haut d’une pièce montée ! Enfin, Titine de Lille n’est pas vraiment du même avis. Du moins, en ce qui concerne Mitterrand, puisqu’il y en a une à Lille, sur la place du même nom d’ailleurs. Connaissant mon Georges, ce serait une pique à son ennemi juré, celle qui lui à causer tant de misère, que cela ne serait pas étonnant. Maintenant, c’est certain, on n’est pas prêt à voir une statue de mon Nicolas dans les rues de Lille non plus. C’est bien le seul point pour lequel elle doit être d’accord avec son ancien camarade de parti, même si je suis sûre que cela lui ferait plaisir, à la Titine, de voir les pigeons lui chier dessus !

Forcément, dans l’opposition, on traite mon Georges de démago et de mégalo. D’autant que l’on se doute qu’il ne fait pas cette collection avec ses deniers personnels. Quoi ? C’est qui l’opposition pour lui ? Bah, c’est une bonne question ! Je n’en sais rien, puisqu’il est un parti à lui tout seul. On va dire tous ceux qui ne sont pas d’accord avec lui ou tous ceux qui n’ont pas la passion pour les statues. Des jaloux, quoi, parce qu’ils en sont encore aux nains de jardin ! D’autant qu’il voulait aussi ajouter à sa liste une statue de Staline. Bah, oui, cela n’aurait pas été bien vu et c’est pour cela qu’il y a renoncé, non sans une pointe d’amertume dans l’âme, puisqu’il n’a pas résisté à commenter : « J’ai choisi ces hommes parce qu’ils ont joué un rôle-clef. Et pourtant lui aussi il a changé la face du monde avec la victoire de Stalingrad ! » Mon Georges, il y a un moment donné où il faut savoir s’arrêter ! Le jardin va être plein, le gars qui tond va déjà avoir du mal comme cela à passer autour de tous ces grands. Puis, à l’allure où tu étais parti, je redoute ce qui aurait pu se passer si tu avais mis la main sur une statue d’un certain Adolf car, lui aussi, il a changé la face du monde !

Voilà mes gens ! Heureusement que l’on a mon Georges pour nous faire un peu d’info, sinon on aurait encore dû parler de sujets beaucoup moins importants pour notre vie. On va juste terminer par ce qu’il a déclaré quand un journaliste lui a demandé s’il verrait bien sa statue à Montpellier : « Pourquoi pas après ma mort. Mais vous savez, quand on est dans la tombe, cela fait ni chaud ni froid ! » Il n’est pas contre, quand même, même s’il doit se tâter parce que la position allongée doit être moins fatigante et, en plus, on est à l’abri du brin de pigeon !