Chalut mes gins ! J’t’avoue que je n’sais pon chi ch’est dû à ch’dérèglement climatique, mais i y a gramint d’cosses qui n’von’tent nin, mi j’te l’dis ! Ouais, ch’est sûr qu’in ravisant à travers ches carreaux et vir ch’bieau solel d’fin octobe, ch’est p’t-ête un signe, mais cha n’est pon d’cha que j’voulos parler. Ch’récauff’mint i dot auchi agir su ches neurones, ch’est pon pochibe aut’mint. I y in a qui travaill’tent dur’te d’euch capieau ou is ont eune drôl’te d’vision d’ches cosses. Pour n’pon dir’te qu’is prenn’tent vraimint ches gins pour des chèvres. Is ne f’rotent pon mal d’prinde eune bionne douche frode pour ch’armette ches idées in plache…

Quoque, je n’sais pon chi ch’est bin malin d’concheiller eune douche, te vas comprinde pourquo. Figure-te que j’viens d’lir’te un résumé d’el Cour d’ches Comptes qui fait l’bilan des dépinches qu’i a fait min Nicolas, lors d’euch présidinche européenne. Vingt dius !  Chi te fais l’moyenne, et ch’est nin mi qui l’ai faite mais eusses, cha donn’te un million d’euros par jour ! Quand te sais qu’cha a duré chix mos, te n’as qu’à faire ch’calcul ti-même car mi, j’ai trop peur d’écrir’te un chiffe auchi indéchint ! Chi te veux qu’in ait ch’tournis, j’vais t’donner quéques détals. Rayon mobiliers et écrans plats, pus d’400.000 euros. In est à peu près sûr’te qu’is n’on’tent pon fait ches courses chez Ikea ou alors, is on’tent acaté ch’magasin in intier ! In ch’doute auchi qu’ches écrans plats, cha ne d’vot pon ête des tiots modèles. P’t-ête qu’is on’tent acaté ches écrans géants in pinsant que Johnny i allot v’nir faire un duo aveuc Carlita, qui sait. Com’ cha, même d’chez ti, t’auros pus in profiter…

Rayon gardin : Jardinières et fleurs in tout ginre, inviron 195.000 euros. Ouais, mes gins, ch’est ch’bouquet ! Infin, ch’est eune fachon d’parler car i faudrot mette gramint de « s » pour arriver à eune telle somme ! Te n’el savos pon mais in a, ches Français, contribué à augminter ch’PIB de ch’t’aute pays d’euch fromache, ch’est évidint ! Alors, je n’t’echplique même pon chi, in pus, ches écrans plats is on’tent été acatés chez Philips ! I n’minqu’rot pus qu’cha qu’is in aient profité pour comminder des pids d’plintes, in va dir’te, aromatiques. Eune aute chpéchialité d’euch pays ! Vingt dius ! Ch’est halluchinint ! A croir’te qu’is on’tent fumé ch’moquette…

Bah, cha n’est p’t-ête pon eune bionne idée, d’fumer ch’moquette, pach’qu’in annonche eune dépinche d’pus 91.000 euros ! Te vos qu’à côté d’cha, l’augmintachion d’euch toubac, cha parot ridicule… Ch’est pon l’peine d’te préchipiter dins ch’catalogue d’ù qu’i y a tout ch’qui faut. J’l’ai fait auchi, te pinses… Rin ! J’m’attindos à treuver un modèle tisser d’fil d’or, mais même pon. Messache perchonnel à monsieur Casto : A min avis, te dos avoir d’el concurrinche muchée quéque part, puich’que te n’as pon ch’modèle à tin catalogue et qu’t’es chupposé avoir tout quo qu’i faut ! J’espèr’te au moins, qu’alle est gramint confortabe, moelleusse. Te sais, ch’ginre d’moquette qui permet d’faire des galipettes  com’ dins ches films romintiques. Faisons l’carpette tout nu su ch’moquette… Bah, ouais, mes gins ! I faut espérer qu’à ch’prix-lal, alle est traitée anti-acariens. Ch’est un minimum !

A’ch’t’heure, pour l’churprisse partie aveuc tous ches présidints, i a dépinché un budget d’un million d’euros. Attinchion, mes gins, i fallot faire gramint vit’ pour tout monter et tout démonter après. Te sais, ch’est com’ pour un conchert à Johnny. T’arrif’ aveuc ches gros camions et hop ! D’un stade, cha d’vient eune grinte salle de chpectaque. T’armarqu’ras que j’n’ai pon chosi chpectaque par hasard. Ch’est l’miot qu’j’ai treuvé qui correspond l’miux à tout ch’bazar ! Infin, j’te rappell’te que ch’est ti et mi qui payons l’plache, mais in n’y assiste pon ! Donc, i a fait appel, nin pon à un ami, mais à chinq chints technichiens. Pis, is n’sont pon payés aveuc des rondelles d’carottes, pach’que tout compris, heureuss’mint ches pour-boires auchi, cha a fait l’coquette somme d’un peu pus d’quate millions tros chint mille euros !

J’espèr’te que t’as cor’ tin catalogue à portée d’main. In va pacher à ch’rayon d’ches douches. Bah, ouais ! Chi j’ai écrit qu’cha n’est pon eune bionne idée d’concheiller eune douche frode, te vas vir pourquo. L’douche qu’min Nicolas i a fait installer alle a coûté pus d’245.000 euros ! Te peux raviser tous ches modèles, aveuc des jets dins tous ches sins, l’radio intégrée et même ch’téléphone. J’sus sûr’te que, même chi in fait un modèle spéchial aveuc sono, boule à fachettes, laser et tout l’toutim, pour qu’i la jue Travolta. Bah, ouais ! A défaut d’une bionne fièf’ d’euch sam’di choir, eune douche frode, cha n’pourrot pon li faire d’mau ! Bref ! In n’arriv’rot pon à un budget parel. Pis, i n’y in a même pon aveuc eune robinett’rie in or dins ch’catalogue…

Bion, in relativisse toud’même, ch’est aveuc l’installachion. Te vos, cha ching’te tout ! Te cros qu’ches gins qui sont v’nus l’installer is l’on’tent fait in smokinge ? Te sais, com’ ches technichiens d’photocopieur qui arriv’tent in costard-cravate. Infin, cha fait quind même gramint quer l’goutte d’ieau qu’i a archue su li, min Nicolas. D’autint qu’i parôt qu’i n’l’a pon utilisée ! Qui ch’est qui a mis ches robinets trop hauts ? Ah, vraimint ! Ch’est toudis parel quind te fais faire des travaux ! Li qui avot invie d’réviser tout sin répertoire à Carlita, ch’est du prope ! Mais, au fait, ch’i ne l’a pon utilisée, ch’te douche, commint qu’i a fait pour ête prope ?

V’là, mes gins ! Ch’i fallot résumer eune telle chituachion, partint d’min prinhipe qu’i vaut miux in rir’te que d’in braire, j’prindros l’analogie suivinte. Te vas à l’hôtel, mais avint d’rintrer dins l’champe que t’as misse su t’note d’frais, te fais arfaire l’totalité à tin goût. Pour cha, te fais appel à Valérie Damidot. Et hop, te n’arconnos pus l’indrot in un éclair ! Pis, quind te la libèr’tes, l’même manip in sins inverche. Bah, ch’est com’ ches tiots coins ! Te dos les laicher parels in sortant que lorch’que t’es rintré ! Te vos, i y a d’quo prinde eune bionne douche frode pour t’calmer. Ah, bah, nin ! In n’peut pon l’utiliser, in rich’qu’te d’la salir… J’espère, au moins, que ch’dîner i a été à l’hauteur d’euch budget ! I n’minqu’rot pus qu’cha qu’in n’ait pon mis ches tiots plats dins ches grinds. I y allot d’l’honneur d’el France, tint réputée pour ch’bionne bouffe. Infin, bouffe, cha n’est pon l’miot adapté à un menu d’gala haut’mint gastronomique ! In n’a même pon les miettes pour vérifier, même chi j’viens d’in mette partout ! Bah, ouais, mes gins ! J’em sus d’jà misse à ch’régime sandouiches car, eune fos qu’in aura payé ch’t’addichion, cha s’ra ch’t’arpas d’gala pour ti et mi et nouilles l’ress’ d’euch timps !

Champagne, c’est toi qui rinces !

Salut mes gens ! Je t’avoue que je ne sais pas si c’est dû au dérèglement climatique, mais il y a beaucoup de choses qui ne vont pas, moi je te le dis ! Oui, c’est sûr qu’en regardant à travers les carreaux et voir ce beau soleil de fin octobre, c’est peut-être un signe, mais ce n’est pas de cela que je voulais parler. Ce réchauffement doit aussi agir sur les neurones, ce n’est pas possible autrement. Il y en a qui travaillent dur du chapeau ou ils ont une drôle de vision des choses. Pour ne pas dire qu’ils prennent vraiment les gens pour des chèvres. Ils ne feraient pas mal de prendre une bonne douche froide pour se remettre les idées en place…

Quoique, je ne sais pas si c’est bien malin de conseiller une douche, tu vas comprendre pourquoi. Figure-toi que je viens de lire un résumé de la Cour des Comptes qui fait le bilan des dépenses qu’a fait mon Nicolas, lors de sa présidence européenne. Bon sang !  Si tu fais la moyenne, et ce n’est pas moi qui l’ai faite mais eux, cela donne un million d’euros par jour ! Quand tu sais que cela a duré six mois, tu n’as qu’à faire le calcul toi-même car moi, j’ai trop peur d’écrire un chiffre aussi indécent ! Si tu veux que l’on ait le tournis, je vais te donner quelques détails. Rayon mobiliers et écrans plats, plus de 400.000 euros. On est à peu près sûr qu’ils n’ont pas fait les courses chez Ikea ou alors, ils ont acheté le magasin en entier ! On se doute aussi que les écrans plats, ce ne devait pas être des petits modèles. Peut-être qu’ils ont acheté les écrans géants en pensant que Johnny allait venir faire un duo avec Carlita, qui sait. Comme cela, même de chez toi, tu aurais plus en profiter…

Rayon jardin : Jardinières et fleurs en tout genre, environ 195.000 euros. Oui, mes gens, c’est le bouquet ! Enfin, c’est une façon de parler car il faudrait mettre beaucoup de « s » pour arriver à une telle somme ! Tu ne le savais pas mais on a, les Français, contribué à augmenter le PIB de l’autre pays du fromage, c’est évident ! Alors, je ne t’explique même pas si, en plus, les écrans plats ont été achetés chez Philips ! Il ne manquerait plus que cela qu’ils en aient profité pour commander des pieds de plantes, on va dire, aromatiques. Une autre spécialité du pays ! Bon sang ! C’est hallucinant ! A croire qu’ils ont fumé la moquette…

Bah, ce n’est peut-être pas une bonne idée, de fumer la moquette, parce que l’on annonce une dépense de plus de 91.000 euros ! Tu vois qu’à côté de cela, l’augmentation du tabac, ça parait ridicule… Ce n’est pas la peine de te précipiter dans le catalogue où il y a tout ce qui faut. Je l’ai fait aussi, tu penses… Rien ! Je m’attendais à trouver un modèle tisser de fil d’or, mais même pas. Message personnel à monsieur Casto : A mon avis, tu dois avoir de la concurrence cachée quelque part, puisque tu n’as pas ce modèle à ton catalogue et que tu es supposé avoir tout ce qu’il faut ! J’espère au moins, qu’elle est bien confortable, moelleuse. Tu sais, le genre de moquette qui permet de faire des galipettes  comme dans les films romantiques. Faisons la carpette tout nu sur la moquette… Bah, oui, mes gens ! Il faut espérer qu’à ce prix-là, elle est traitée anti-acariens. C’est un minimum !

Maintenant, pour la surprise partie avec tous les présidents, il a dépensé un budget d’un million d’euros. Attention, mes gens, il fallait faire très vite pour tout monter et tout démonter après. Tu sais, c’est comme pour un concert de Johnny. Tu arrives avec les gros camions et hop ! D’un stade, cela devient une grande salle de spectacle. Tu remarqueras que je n’ai pas choisi spectacle par hasard. C’est le mot que j’ai trouvé qui correspond le mieux à tout ce bazar ! Enfin, je te rappelle que c’est toi et moi qui payons la place, mais on n’y assiste pas ! Donc, il a fait appel, non pas à un ami, mais à cinq cents techniciens. Puis, ils ne sont pas payés avec des rondelles de carottes, parce que tout compris, heureusement les pour-boires aussi, cela a fait la coquette somme d’un peu plus de quatre millions trois cent mille euros !

J’espère que tu as encore ton catalogue à portée de main. On va passer au rayon des douches. Bah, oui ! Si j’ai écrit que ce n’est pas une bonne idée de conseiller une douche froide, tu vas voir pourquoi. La douche que mon Nicolas a fait installer a coûté plus de 245.000 euros ! Tu peux regarder tous les modèles, avec des jets dans tous les sens, la radio intégrée et même le téléphone. Je suis sûre que, même si l’on fait un modèle spécial avec sono, boule à facettes, laser et tout le toutim, pour qu’il la joue Travolta. Bah, oui ! A défaut d’une bonne fièvre du samedi soir, une douche froide, ce ne pourrait pas lui faire de mal ! Bref ! On n’arriverait pas à un budget pareil. Puis, il n’y en a même pas avec une robinetterie en or dans ce catalogue…

Bon, on relativise tout de même, c’est avec l’installation. Tu vois, ça change tout ! Tu crois que les gens qui sont venus l’installer l’ont fait en smoking ? Tu sais, comme les techniciens de photocopieur qui arrivent en costard-cravate. Enfin, cela fait quand même très cher la goutte d’eau qu’il a reçue sur lui, mon Nicolas. D’autant qu’il paraît qu’il ne l’a pas utilisée ! Qui a mis les robinets trop hauts ? Ah, vraiment ! C’est toujours pareil quand tu fais faire des travaux ! Lui qui avait envie de réviser tout le répertoire de Carlita, c’est du propre ! Mais, au fait, s’il ne l’a pas utilisée, cette douche, comment a-t-il fait pour être propre ?

Voilà, mes gens ! S’il fallait résumer une telle situation, partant de mon principe qu’il vaut mieux en rire que d’en pleurer, je prendrais l’analogie suivante. Tu vas à l’hôtel, mais avant de rentrer dans la chambre que tu as mise sur ta note de frais, tu fais refaire la totalité à ton goût. Pour ce, tu fais appel à Valérie Damidot. Et hop, tu ne reconnais plus l’endroit en un éclair ! Puis, quand tu la libères, la même manip en sens inverse. Bah, c’est comme les petits coins ! Tu dois les laisser pareils en sortant que lorsque tu es rentré… Tu vois, il y a de quoi prendre une bonne douche froide pour te calmer. Ah, bah, non ! On ne peut pas l’utiliser, on risque de la salir… J’espère, au moins, que ce dîner a été à la hauteur du budget ! Il ne manquerait plus que cela que l’on n’ait pas mis les petits plats dans les grands. Il y allait de l’honneur de la France, tant réputée pour sa bonne bouffe. Enfin, bouffe, ce n’est pas le mot adapté à un menu de gala hautement gastronomique ! On n’a même pas les miettes pour vérifier, même si je viens d’en mettre partout ! Bah, oui, mes gens ! Je me suis déjà mise au régime sandwiches car, une fois que l’on aura payé l’addition, ce sera le repas de gala pour toi et moi et nouilles le reste du temps !