Chalut mes gins !  « Quel rêf’ étrinche j’ai fait ch’te nuit, mes gins. Par ch’te feniêtre, ch’ciel i vient flâner chu min lit. Pis i m’harnaique d’bleu d’ches pids jusqu’à m’tiête et j’eum mets à voler tout com’ eune alouette. Je vole, oh, oh. Je cante, oh, oh, oh, oh. Parel à ch’bleu d’euch ciel bleu. Je treuve chela merveilleux… » Bah, ouais ! Te m’connos assez pour savoir qu’j’ai toudis eune canchon in tiête pour espliquer min état d’echprit ou eune nouvielle particulière. Ches paroles d’Dalida, très légèremint modifiées, alles n’m’ontent pon été inspirées in ravisant ch’ciel, qui est plutôt gris. Pis cha n’est pon nin pus pach’que ch’conchert d’ouverture d’euch mondial i a été donné à Orlando. Quoique. Mes neurones is travallent d’eune fachon chouvint étrinche, alors ch’est pochipe qu’cha m’ait fait pinser à ch’te canchon. Mais ch’qui est sûr’te, ch’est qu’i y in a gramint qui vontent ête harnaiqués d’bleu d’ches pids jusqu’à ch’tiête. D’un seu cop, te vas avoir l’impréchion que t’télé alle est déréglée et qu’i y a eune domininte vert pelousse. I n’va pus rin ch’pacher dins ches actus, com’ chi alles étotent parties in Afrique d’euch Chud com’ not’ boys bind bleu qui va ch’essayer, eune fos d’pus, à ch’Marseillaise in play-back. Bref, quo qu’in va faire à part parler d’bleu et cor’ d’bleu, toudis d’euch bleu. Ch’est in partint de ch’te constatachion que j’eum sus dit qu’i fallot mette vit’ fait eune couche d’rosse ! Et quo d’miux pour l’faire que d’parler d’copines à mi qui ch’appell’tent Ches Nanas Fêlées.

V’là d’jà ch’te salle qui est plongée dins ch’noir’te n’laichint apparaître qu’des ombes qui rintent chu schène. Quind ches leumières alles ch’alleum’tent, te t’aperchois vit’ qu’alles n’sontent pon auchi nombreuses qu’eune équipe d’foot, mais te n’peux pon les louper. Ches tros-lal alles form’tent eune sacrée équipe et alles in val’tent fachil’mint onse ! Ches Nanas Fêlées alles n’connaiss’tent pon ch’bleu. Leu couleur alle est indéniablemint rosse, mais pon un viux rosse, un rosse délavé. Nin ! Un bion rosse vif, un rosse qui pète, limite fluo, qui t’donn’te tout d’chuite eune couleur festive à l’hauteur d’euch spectaque qu’alles ontent baptisé, aveuc ch’t’humour qui les caractéris’tent, Ches chept péchés capiteux. Capiteux com’ ches mélodies inivrantes qui vontent t’rechter in tiête. Et cha, même après qu’t’es arsorti d’leu conchert. Capiteux com’ ches paroles chouvint amusintes, parfos acerbes, parchemées d’eune touche cru’te et coquine. Ches tros nanas délurées et sacrémint culottées alles n’hésitent pon à armisser à ch’placard tous ches codes d’bionne conduite et d’binchéinche.

Alles sontent débridées, in plein dins leu époque, et oublient ches tabous pour not’ pus grind plaiji. Est-che eune faute auchi d’rir’te d’tous ches tiots travers qui fontent qu’not’ vie alle est rythmée par ches péchés ? Te pourras chertain’mint avoir t’propre réponche à ch’te quechtion quind te s’ras arsorti d’un d’leux concherts. Ch’qui est sûr’te, ch’est qu’te verras l’vie in rosse pindint un chertain timps ! Aidées par deux loulous qui les accompagn’tent, Bertrand ch’contrebassiste à ches dogts d’fée et Damien ch’guitariste à ch’cœur boum-boum, com’ alles le dis’tent alles-même, ches Nanas Fêlées alles vontent t’faire un invintaire détaillé d’ches chept péchés, illustrant chacun d’eusses par plusieurs canchons et ponctuant ch’tout par quéques tiotes saynètes. Bah, ouais ! Chi te t’attindos à un tour d’chant convinchionnel, ch’est complèt’mint raté ! Alles n’euch contin’tent pon d’faire in live ches tites d’leu CD qui porte ch’même nom qu’eul spectaque, tout i a été mis in schène par Emmanuelle Niquet-Chatelet chu eune idée originale de Dominique Leroy.

Toudis i est qu’ch’est chous l’oeul compliche d’leux deux loulous qu’alles vontent évoquer nos travers. I faut préchiser que, dins tous ches tableaux, ch’est quind même ches mecs qui sontent ch’fil conducteur, ch’fil rosse… Inutile d’te préchiser qu’cha n’va pon t’faire braire. Infin chi, d’rir’te ! Ch’est ainchi qu’te pach’ras d’eune « colère » modérée aveuc Mieux vaut être star que navet à eune grosse aveuc Fallait pas te dire. Que te s’ras chertain’mint pardonné d’eune « parèche » évidinte dans ton hamac d’ù qu’te pourras t’exercher à tin péché d’ « gourmandise », même chi tin echprit i est in train d’pinser J’aime les mecs. Qu’tin « orgueil » i s’ra exacerbé par un Genre masculin qui t’conduira tout d’chuite à une « avariche » nin latente. Cheule-chi alle t’permettra d’revindiquer Je veux des sous ! Mais tout cha n’pèsera pon lourd quind viendra l’ « envie » d’faire ch’tour de Mes amies et quind ch’ti d’un aute style d’invie che f’ra sintir. Ch’ti d’ù qu’te t’abindonn’ras dins ch’te « luxure » aveuc eune arprisse excepchionnelle de Les nuits d’une demoiselle d’Colette Renard, qui est l’seu canchon de ch’te spectaque qui n’sot pon eune créachion d’ches Nanas Fêlées.

Infin, sauf quind alles tournent dins l’Région et qu’alles fontent un cadieau à leu public d’euch Nord, qui n’est aute qu’eul canchon d’Edmond Tanière Eun' goutte d’jus. D’ailleurs, cadieau rin qu’pour ti, mes gins, j’ai eu l’autorisachion d’eul Nana Fêlée in chef pour t’mette ch’clip, extrait du spectacle qui a été filmé à Lambersart. Bah, ouais, alles n’cantent pon cha ailleurs ! Te vos ch’guiffe d’ches parisiens chi te leu interprètes eune canchon parelle ! Pach’que ch’est cha l’actualité d’ches Nanas Fêlées, un conchert tous ches mardis, jusqu’à ch’vingt juillet à l’Espace La Comédia à Paris. Mardi dernier, alles étotent dins l’émichion Vous avez du talent chu IDF1, présintée par Jacky et Isabelle Buysse. Bah, ouais, ches vrais ! Te n’cros tout d’même pon qu’in a mis des mannequins in cire ! A vraies Nanas Fêlées, vrais présintateurs ! I minquot juss’ eune nana qui n’a pon pu v’nir à ch’t’émichion, mais ch’étot auchi du vrai direct !

Bah, ch’est malin ! J’viens d’eum rinde compte qu’je n’avos même pon dit qui étotent ches Nanas Fêlées. Ch’est pon que j’deviendros un peu fêlée mi auchi ? Et ti, derrière tin écran, te l’as pinsé chi fort que j’l’ai intindu ! Attinchion, j’ai ches noms ! Alors dins l’ordre ou dins ch’désorde, d’toute fachon ch’est pon com’ ch’tiercé, t’auras forchémint ch’bionne combinaison et cha ne f’ra pon désorde, in treuve Carla Roussi, Mylène Fermière et Sharon Stonik. Bah, te vos, rin qu’aveuc cha te sais à quo t’attinde ! A’ch’t’heure, j’vais quind même rajuter un truc hyper importint. Chi te n’veux pon créer un huitième péché, te sais ch’qu’i t’ress’ à faire : Aller vir un conchert d’ches Nanas Fêlées et ches chept péchés capiteux ! Pis, chi cha n’est pon à Paris, alles viendront bin dins tin coin. Te ravises chu leu myspace et t’in sauras autint qu’tertous. Dernière cosse, te peux y aller plusieurs fos ! Bah, nin ! Je n’ai pon dit qu’t’étos babache et qu’te n’allos rin y comprinde ch’première fos. Ch’est simplemint que cha n’est pon un péché d’y artourner auchi chouvint qu’t’in as invie !

Ce n’est pas un péché !

Salut mes gens !  « Quel rêve étrange j’ai fait cette nuit, mes gens. Par la fenêtre, le ciel vient flâner sur mon lit. Puis il m’habille de bleu des pieds jusqu’à la tête et je me mets à voler tout comme une alouette. Je vole, oh, oh. Je chante, oh, oh, oh, oh. Pareil au bleu du ciel bleu. Je trouve cela merveilleux… » Bah, oui ! Tu me connais assez pour savoir que j’ai toujours une chanson en tête pour expliquer mon état d’esprit ou une nouvelle particulière. Ces paroles de Dalida, très légèrement modifiées, ne m’ont pas été inspirées en regardant le ciel, qui est plutôt gris. Puis ce n’est pas non plus parce que le concert d’ouverture du mondial a été donné à Orlando. Quoique. Mes neurones travaillent d’une façon souvent étrange, alors c’est possible que cela m’ait fait penser à cette chanson. Mais ce qui est sûr, c’est qu’il y en a beaucoup qui vont être habillés de bleu des pieds jusqu’à la tête. D’un seul coup, tu vas avoir l’impression que ta télé est déréglée et qu’il y a une dominante vert pelouse. Il ne va plus rien se passer dans les actus, comme si elles étaient parties en Afrique du Sud comme notre boys band bleu qui va s’essayer, une fois de plus, à la Marseillaise en play-back. Bref, que va-t-on faire à part parler de bleu et encore de bleu, toujours du bleu. C’est en partant de cette constatation que je me suis dit qu’il fallait mettre vite fait une couche de rose ! Et quoi de mieux pour le faire que de parler de copines à moi qui s’appellent Les Nanas Fêlées.

Voilà déjà cette salle qui est plongée dans le noir ne laissant apparaître que des ombres qui rentrent sur scène. Quand les lumières s’allument, tu t’aperçois vite qu’elles ne sont pas aussi nombreuses qu’une équipe de foot, mais tu ne peux pas les louper. Ces trois-là forment une sacrée équipe et elles en valent facilement onze ! Les Nanas Fêlées ne connaissent pas le bleu. Leur couleur est indéniablement rose, mais pas un vieux rose, un rose délavé. Non ! Un bon rose vif, un rose qui pète, limite fluo, qui te donne tout de suite une couleur festive à la hauteur de ce spectacle qu’elles ont baptisé, avec l’humour qui les caractérisent, Les sept péchés capiteux. Capiteux comme ces mélodies enivrantes qui vont te rester en tête. Et ce, même après que tu es ressorti de leur concert. Capiteux comme les paroles souvent amusantes, parfois acerbes, parsemées d’une touche crue et coquine. Ces trois nanas délurées et sacrément culottées n’hésitent pas à remiser au placard tous les codes de bonne conduite et de bienséance.

Elles sont débridées, en plein dans leur époque, et oublient les tabous pour notre plus grand plaisir. Est-ce une faute aussi de rire de tous ces petits travers qui font que notre vie est rythmée par ces péchés ? Tu pourras certainement avoir ta propre réponse à cette question quand tu seras ressorti d’un de leurs concerts. Ce qui est sûr, c’est que tu verras la vie en rose pendant un certain temps ! Aidées par deux loulous qui les accompagnent, Bertrand le contrebassiste aux doigts de fée et Damien le guitariste au cœur boum-boum, comme elles le disent elles-même, les Nanas Fêlées vont te faire un inventaire détaillé des sept péchés, illustrant chacun d’eux par plusieurs chansons et ponctuant le tout par quelques petites saynètes. Bah, oui ! Si tu t’attendais à un tour de chant conventionnel, c’est complètement raté ! Elles ne se contentent pas de faire en live les titres de leur CD qui porte le même nom que le spectacle, tout a été mis en scène par Emmanuelle Niquet-Chatelet sur une idée originale de Dominique Leroy.

Toujours est-il que c’est sous l’œil complice de leurs deux loulous qu’elles vont évoquer nos travers. Il faut préciser que, dans tous les tableaux, c’est quand même les mecs qui sont le fil conducteur, le fil rose… Inutile de te préciser que cela ne va pas te faire pleurer. Enfin si, de rire ! C’est ainsi que tu passeras d’une « colère » modérée avec Mieux vaut être star que navet à une grosse avec Fallait pas te dire. Que tu seras certainement pardonné d’une « paresse » évidente dans ton hamac où tu pourras t’exercer à ton péché de « gourmandise », même si ton esprit est en train de penser J’aime les mecs. Que ton « orgueil » sera exacerbé par un Genre masculin qui te conduira tout de suite à une « avarice » non latente. Celle-ci te permettra de revendiquer Je veux des sous ! Mais tout cela ne pèsera pas lourd quand viendra l’ « envie » de faire le tour de Mes amies et quand celui d’un autre style d’envie se fera sentir. Celui où tu t’abandonneras dans la « luxure » avec une reprise exceptionnelle de Les nuits d’une demoiselle de Colette Renard, qui est la seule chanson de ce spectacle qui ne soit pas une création des Nanas Fêlées.

Enfin, sauf quand elles tournent dans la Région et qu’elles font un cadeau à leur public du Nord, qui n’est autre que la chanson d’Edmond Tanière Eun' goutte d’jus. D’ailleurs, cadeau rien que pour toi, mes gens, j’ai eu l’autorisation de la Nana Fêlée en chef pour te mettre le clip, extrait du spectacle qui a été filmé à Lambersart. Bah, oui, elles ne chantent pas ça ailleurs ! Tu vois la gueule des parisiens si tu leur interprètes une chanson pareille ! Parce que c’est cela l’actualité des Nanas Fêlées, un concert tous les mardis, jusqu’au vingt juillet à l’Espace La Comédia à Paris. Mardi dernier, elles étaient dans l’émission Vous avez du talent sur IDF1, présentée par Jacky et Isabelle Buysse. Bah, oui, les vrais ! Tu ne crois tout de même pas que l’on a mis des mannequins en cire ! A vraies Nanas Fêlées, vrais présentateurs ! Il manquait juste une nana qui n’a pas pu venir à l’émission, mais c’était aussi du vrai direct !

Bah, c’est malin ! Je viens de me rendre compte que je n’avais même pas dit qui étaient les Nanas Fêlées. Ce n’est pas que je deviendrais un peu fêlée moi aussi ? Et toi, derrière ton écran, tu l’as pensé si fort que je l’ai entendu ! Attention, j’ai les noms ! Alors dans l’ordre ou dans le désordre, de toute façon ce n’est pas comme le tiercé, tu auras forcément la bonne combinaison et cela ne fera pas désordre, on trouve Carla Roussi, Mylène Fermière et Sharon Stonik. Bah, tu vois, rien qu’avec cela tu sais à quoi t’attendre ! A présent, je vais quand même rajouter un truc hyper important. Si tu ne veux pas créer un huitième péché, tu sais ce qu’il te reste à faire : Aller voir un concert des Nanas Fêlées et les sept péchés capiteux ! Puis, si ce n’est pas à Paris, elles viendront bien dans ton coin. Tu regardes sur leur myspace et tu en sauras autant que tout le monde. Dernière chose, tu peux y aller plusieurs fois ! Bah, non ! Je n’ai pas dit que tu étais bêta et que tu n’allais rien y comprendre la première fois. C’est simplement que ce n’est pas un péché d’y retourner aussi souvent que tu en as envie !

http://www.myspace.com/lesnanasfelees