Chalut mes gins ! J’étos in train de me d’minder d’quo j’allos bin t’parler. Ch’est vrai, j’pourros faire du Roselyne ‘Crocs’ Bachelot et tirer l’sonnette d’alarme tous ches jours un peu pus. Mais j’cros bin qu’i ch’pach’rot l’même cosse, t’in auros vit’ marre. Ah, ouais ! Ch’est bin gintil, mais mi, j’ai eune michion : T’raconter toutes ches bêtisses des uns ou des autes aveuc min éclairache. Pis, j’sais que t’in as b’soin pour t’détinde et rigoler un cop. I y a tell’mint d’trucs qui t’plombent ch’moral…

Seul’mint quo que j’peux faire ? Invinter des actus ? Nin ! I y a d’jà gramint trop d’intox ! T’écrir’te eune histoire ? Ouais, pochibe. J’in ai dins mes tiroirs, mais j’les garde pour un biel album. Pon mes mémoires, j’te rassur’te. P’t-ête qu’un jour, j’te mettrai eune histoire polichière d’ù que j’mène l’inquête su un crime horripe, aveuc l’aide d’quéqu’un qui vient ichi d’timps in timps pour m’aider. In attindint, j’pourros auchi t’parler cor’ eune fos d’euch nouvieau jeu d’main. Cha fait toudis couler d’l’incre pach’que ches protagonistes is intervienn’tent chacun leu tour. Ch’dernier in date, ch’est Mister Gros Sourcils qui a fait ches gros zis. Bah, ouais, mes gins ! I n’a pon eu querre à qu’in dise que cha va li ram’ner pus d’860.000 euros…

T’armarqu’ras que j’sus toudis obligé d’mette in chiffe pour éviter d’in faire eune pleine line. Pis, in a d’jà gramint d’mau à lir’te d’eune traite. In est obligé d’compter ch’nombe d’zéros pour ête sûr’te de n’pon ch’tromper. Alors in lettes, t’imagines ! D’autint qu’i a dit qu’ch’étot moins qu’cha. 850.000 ? In ouf’ ches paris ? Toudis i est que je n’vais nin aller loin aveuc eune info parelle ! Ch’étot chins compter su l’génie d’ches publichitaires. In effet, mes gins ! te t’chouviens que, la s’maine dernière, i y a eu un cop d’pub qui ch’est trinsformé in cop d’poing. Tout cha pach’qu’eune sochiété, Mailorama, alle avot prévu d’dichtribuer des billets d’binques. A’ch’t’heure, i y a pus fort ! A tin avis, mes gins, après l’argint ? Ch’est pon l’peine d’app’ler un ami, j’vais te l’dir’te ! J’ai lu et arlu pour in ête chertaine, mais is n’in sont pon à leu cop d’essai, i simbe. Roul’mint d’tambours… Ta, ta, ta… In va dichtribuer gratuit’mint, dins ches rues, des sextoys !

Bion, i faudra qu’in aille faire un tour dins ch’capitale. Forchémint, in provinche, in n’compte pon ! Cha y est ! J’in vos d’jà qui sont in train d’euch d’minder : « Mais alle va faire durer ch’plaiji cor’ long ou alle va l’écrir’te, ch’nom ? » Bah, chi in parl’te d’sextoys, ch’est bin pour faire durer ch’plaiji… Alors, chi te querches, te vas treuver chins problème ! In annonche qu’is s’ront accompagnés d’eune paire d’menottes à moumoute et d’un string ! Quo ? Te n’as jamais vu des menottes à moumoute ? Cha, forchémint ! Chi te sortos l’diminche, au lieu d’aller faire un tour dins ches commissariats, te l’sauros ! Ch’métal, ch’est frod, ch’est coupant. Ch’moumoute alle t’apporte un confort chins préchédint ! Ouais, j’sais qu’in dirot que j’in fais l’artique. Ch’est pon loin, j’in fait un artique…

Mi, j’avoue qu’cha m’fait rir’te, pach’que j’imagine l’tiête d’vieilles rombières à qui in pourrot donner cha ou même qui vont raviser che chpectaque !  D’autint qu’cha va ête imballé dins un tiot capieau d’Père Noël. Un bieau cadieau bonus. Stop ! Ch’ti qui dit qu’bonus, cha rime aveuc… In tout cas, ch’directeur de ch’te sochiété i a été interrogé, chuite à ches évén’mints d’el s’maine dernière. I a déclaré qu’i n’avot pon l’intinchion d’faire marche arrière et que, d’toute fachon, i n’pinsot pon qu’is allotent déclincher eune émeute com’ aveuc des billets d’binque. Te veux min avis ? Je n’in sus pon convaincue ! I va y avoir du crêpache d’chignons ! Cha promet d’ête eune imbianche auchi caude que d’vint ches Chippendale !

V’là, mes gins ! Ch’est à ti d’faire tin inquête pour savoir qui. A’ch’t’heure, j’vais t’dir’te d’ù : Te vas faire un tour à Paris, ch’seisse, d’vint ch’bar Trésor, 9 rue du Trésor (4^e) intre 15 et 19h ! Chut… J’t’ai rin dit ! Mi, j’ai découvert l’info tard, mais i simbe que des journalistes is étotent au courint avint. C’est du moins ch’qui apparôt chi te ravises ch’t’extrait, ind’chous, d’euch journal d’Laurence Ferrari. Alle a tell’mint été troublée par ch’lot sextoy, menottes et string, qu’alle a confudu ch’canteur Sting aveuc string, par deusse fos…

Ca, c’est du marketing !

Salut mes gens ! J’étais en train de me demander de quoi j’allais bien te parler. C’est vrai, je pourrais faire du Roselyne ‘Crocs’ Bachelot et tirer la sonnette d’alarme tous les jours un peu plus. Mais je crois bien qu’il se passerait la même chose, tu en aurais vite marre. Ah, oui ! C’est bien gentil, mais moi, j’ai une mission : Te raconter toutes les bêtises des uns ou des autres avec mon éclairage. Puis, je sais que tu en as besoin pour te détendre et rigoler un coup. Il y a tellement de trucs qui te plombent le moral…

Seulement que puis-je faire ? Inventer des actus ? Non ! Il y a déjà beaucoup trop d’intox ! T’écrire une histoire ? Oui, possible. J’en ai dans mes tiroirs, mais je les garde pour un bel album. Pas mes mémoires, je te rassure. Peut-être qu’un jour, je te mettrai une histoire policière où que je mène l’enquête sur un crime horrible, avec l’aide de quelqu’un qui vient ici de temps en temps pour m’aider. En attendant, je pourrais aussi te parler encore une fois du nouveau jeu de main. Cela fait toujours couler de l’encre parce que les protagonistes interviennent chacun leur tour. Le dernier en date, c’est Mister Gros Sourcils qui a fait les gros yeux. Bah, oui, mes gens ! Il n’a pas aimé que l’on dise que cela va lui ramener plus de 860.000 euros…

Tu remarqueras que je suis toujours obligé de mettre en chiffre pour éviter d’en faire une pleine ligne. Puis, on a déjà beaucoup de mal à lire d’une traite. On est obligé de compter le nombre de zéros pour être sûr de ne pas se tromper. Alors en lettres, tu imagines ! D’autant qu’il a dit que c’était moins que cela. 850.000 ? On ouvre les paris ? Toujours est-il que je ne vais pas aller loin avec une info pareille ! C’était sans compter sur le génie des publicitaires. En effet, mes gens ! Tu te souviens que, la semaine dernière, il y a eu un coup de pub qui s’est transformé en coup de poing. Tout cela parce qu’une société, Mailorama, avait prévu de distribuer des billets de banques. Aujourd’hui, il y a plus fort ! A ton avis, mes gens, après l’argent ? Ce n’est pas la peine d’appeler un ami, je vais te le dire ! J’ai lu et relu pour en être certaine, mais ils n’en sont pas à leur coup d’essai, semble-t-il. Roulement de tambours… Ta, ta, ta… On va distribuer gratuitement, dans les rues, des sextoys !

Bon, il faudra que l’on aille faire un tour dans la capitale. Forcément, en province, on ne compte pas ! Ca y est ! J’en vois déjà qui sont en train de se demander : « Mais elle va faire durer le plaisir encore longtemps ou elle va l’écrire, ce nom ? » Bah, si l’on parle de sextoys, c’est bien pour faire durer le plaisir… Alors, si tu cherches, tu vas trouver sans problème ! On annonce qu’ils seront accompagnés d’une paire de menottes à moumoute et d’un string ! Quoi ? Tu n’as jamais vu des menottes à moumoute ? Ca, forcément ! Si tu sortais le dimanche, au lieu d’aller faire un tour dans les commissariats, tu le saurais ! Le métal, c’est froid, c’est coupant. La moumoute t’apporte un confort sans précédent ! Oui, je sais que l’on dirait que j’en fais l’article. Ce n’est pas loin, j’en fait un article…

Moi, j’avoue que cela me fait rire, parce que j’imagine la tête de vieilles rombières à qui l’on pourrait donner cela ou même qui vont regarder ce spectacle !  D’autant que cela va être emballé dans un petit chapeau de Père Noël. Un beau cadeau bonus. Stop ! Celui qui dit que bonus, ça rime avec… En tout cas, le directeur de cette société a été interrogé, suite aux événements de la semaine dernière. Il a déclaré qu’il n’avait pas l’intention de faire marche arrière et que, de toute façon, il ne pensait pas qu’ils allaient déclencher une émeute comme avec des billets de banque. Tu veux mon avis ? Je n’en suis pas convaincue ! Il va y avoir du crêpage de chignons ! Cela promet d’être une ambiance aussi chaude que devant les Chippendale !

Voilà, mes gens ! C’est à toi de faire ton enquête pour savoir qui. Maintenant, je vais te dire où : Tu vas faire un tour à Paris, le seize, devant le bar Trésor, 9 rue du Trésor (4^e) entre 15 et 19h ! Chut… je ne t’ai rien dit ! Moi, j’ai découvert l’info tard, mais il semble que des journalistes étaient au courant avant. C’est du moins ce qui apparaît si tu regardes l’extrait, en dessous, du journal de Laurence Ferrari. Elle a tellement été troublée par le lot sextoy, menottes et string, qu’elle a confondu le chanteur Sting avec string, par deux fois…