Chalut mes gins ! J’espèr’te que te vas bin ? In ch’sint arvif’ aveuc ch’timps. Mi, j’prinds un in d’pus, à saint Patrick, alors ch’est doube dosse ! A priori, com’ i n’y a pon d’actualités d’pis quéques jours, in peut in déduire que tout i va pour l’miux dins ch’meilleu d’ches montes ! Bah, ouais, chi in résume ch’qui ch’pache, tout tourn’te autour d’ches Régionales et à min avis, in va y avoir l’drot pindint cor’ quéque timps. Tout ch’ress’ i est mis in veilleusse, com’ chi ch’timps i f’sot eune pausse…

Ouais, ch’est vrai, j’te l’accorde, in a eu l’drot à un cop d’Trafalgar à la SNCF. Un TGV qui explose pour du faux, suite à eune erreur d’aiguillache d’informachions. Te m’diras, i vaut miux eune erreur com’ cha qu’eune vraie erreur d’aiguillache. Bion, in fin d’compte, cha a occupé gramint d’gins chu ch’Net. Imagine chi in avot eu eune informachion com’ quo tous ches trains is étotent arrivés à l’heure. Ch’bazar qu’cha aurot fait !  I vaut miux in rir’te et com’ in dit : Pus d’peur que d’mau. Cha n’impêque pon que ch’cop d’Trafalgar, i y in a qui sont in train de l’vifre ! Bah, ouais, i faut bin qu’in in parl’te, ch’est toute ch’t’équipe d’min Nicolas. D’pis diminche soir, is sont chu ch’pid d’guerre. Min Nicolas i a organisé un débriefing après ch’premier tour. In aurot pu croir’te, vu sin timpéramint d’fu, ches mouv’mints d’épaule près à rintrer dins ch’gras d’tertous et ch’lingue, qui parl’te quéque fos trop vit’, chins avoir compté ch’nombe d’dints avint, qu’cha aurot été l’fiête pour chertains. Mais attinchion, chins cotillons et serpentins, i n’faut quind même pon exagérer ! Et, nin ! A ch’contraire, i aurot déclaré in les accueillant : « In a frôlé l’catastrophe, mais in in est loin ! »

Vingt dius ! I a dû minger un cédé à sin souper. Bah, nin, pon ch’ti d’Calita. Te cros qu’ch’est ch’bion momint d’acouter l’canchon 2 la possibilité d’une île. J’sais bin qu’i a eune fâcheusse tindinche à juer ches Napoléon, mais cha n’est pon sin style de s’exiler com’ cha ! Pis, je n’sus pon sûr’te qu’Sainte-Hélène alle conviendra à sin teint. Plutôt eune île d’ches caraïbes. Nin, i a plutôt pris ch’ti d’Lorie et a mis in boucle la positive attitude. A moins qu’i ait été coaché par Jean-Pierre Raffarin, qui a adapté sin célèpe slogan : « Win the yes needs the no to win agains the no » pour in faire un truc dins l’ginre : « Fait simblint d’ête eune brèle à ch’premier tour pour les indormir. Is vontent faire ches fanfarons et is n’vontent pon ch’méfier. Et lal, pour che s’cond, te mets ch’paquet et te vas gagner ! » Quo ? Cha t’rappell’te eune aute tactique ? Bah, ouais, mi auchi. Donenech après sin match raté conte l’Espagne qui donn’te l’impréchion qu’ch’est eune stratégie d’perde, pour indormir l’adversaire et miux l’avoir après. Infin, cha m’a fait auchi pinser à Rambo aveuc sin in va tous les niquer. Même chi in peut vir in Nicolas un Rambo in miniature, Rambi. Nin pon Bambi ! Cha, ch’est Disney ! Quoque l’schène d’ù qu’i ch’ramasse l’guiffe, in extrapolant juss’ un peu, i y a d’l’idée…

Bref, com’ Rambi, pardon Rambo, min Nicolas ch’est même pon peur ! Et in bion intraîneur, i armonte ch’moral d’ches troupes in ajoutant : « Malgré eune crise historique et des élections d’mi-mandat toudis mauviaisses, i n’y a pon eu d’effondremint. » Et d’enchaîner qu’i prédit même des bionnes churprisses pour che s’cond tour. Je s’ros curieusse d’connaîte l’marque d’euch boule d’cristal ? Sot alle est in raque, pach’qu’i in minque un biout d’pis qu’i a pris cha pour eune boule d’pétinque. Nin, nin, n’compte pon chu mi pour t’dir’te qui a fait ch’cochonnet ! Sot, i ch’est gouré et i a ravisé dins eune boule à fachettes. Chertain’mint un soir d’fièfe, cheule d’euch diminche soir. Bah, cha expliquerot bin des cosses ! Aveuc ches fachettes, i ch’est vu plein d’fos et i a cru qu’i ch’étot multiplié dins toute l’France. Dins tous ches départemints ! Ch’est qui qui vient d’crier : Quind i y in a un cha va, ch’est quind i y in a plus…? Vraimint Brice, te n’in loupes pon eune, ch’est tin pote li pourtint ! Fais gaffe qu’à forche, cha n’sot pon ti qui finisses chu eune île déserte, parachuté par un charter ! Pis, te n’y es pon, puch’qu’in n’in a qu’un et qu’cha n’va pon nin pus…

Bref, j’arviens chu ch’boule et min Nicolas. Te comprinds à’ch’t’heure pourquo j’ai mis in tite ch’syndrome boule à fachettes. Chi te croyos qu’in allot faire eune soirée disco, ch’est raté. D’autint qu’cha n’est pon bin d’rir’te d’euch malheur d’ches autes. Pach’que chi com’ dins l’canchon, chez Boris, ch’est soirée disco, chez min Nicolas, ch’est soirée fiasco ! Chi j’arpars chu l’première partie, pach’que sin pouvoir d’extraluchide i est quind même plutôt léger. Chertain’mint trop ébloui par sin imache dins ches fachettes. Cha l’apprindra à n’pon mette ches Ray-Ban. In peut che d’minder chi sin pouvoir d’luchide tout court i n’in a pon pris un cop égal’mint. Ch’est sûr’te, i dit des vérités, in est bin dins eune périote d’crisse, ch’est indéniape ! Seul’mint des élections d’mi-mandat alles sont toudis mauviaisses et qu’i n’y a pon eu d’effondremint, chi ch’est pon un minque d’luchidité, ch’est quo ?

Dins ches rings, in n’a pon forchémint acouté Lorie et in n’affiche pon eune positive attitude auchi évidinte. A ch’contraire, i y in a même un qui y va d’sin numéro d’music-hall pour comminter, aveuc eune ironie à peine muchée, quind ches journalistes is pos’tent des quechtions. Et d’intonner chins hésiter pour espliquer tout ch’dallache un tout i va très bin madame l’marquisse. Cha ! J’avoue que je n’y avos pon pinsé, mais ch’est pile-poil. Chi, chi, te vas vir, j’te l’fais : « Allô, allô François ! Quelles nouvielles ? Absint d’pis eune paire eud’jours, au biout d’euch fil, mi, je t’appell’te, quo que j’treuveros à min artour ? Tout va très bin, monsieur min Présidint. Tout va très bin, tout va très bin. Pourtint, i faut, i faut que l’in te dise, in déplor’te un tout tout tiot rin : Un inchidint, eune bêtisse, in a ch’parti qui’est dins la mouise. Mais à part cha monsieur min Présidint, tout va très bin, tout va très bin ! »

Bion, je n’te fais pon tous ches couplets, mais te peux t’imaginer fachil’mint qu’in peut faire l’tour d’euch propriétaire pour treuver un n’sait quo qui n’va nin in France, chaque fos, pour aller jusqu’au biout d’eul canchon. D’autint, forchémint, qu’ch’est li qui va prinde tous ches cops. In arvient à m’comparaison aveuc Demenech. Bernard Debré, li, i s’rot même partisan d’dir’te à ches électeurs qu’ch’est eune défaite, eune débindate. I a déclaré : « In d’vrot dir’te à ches électeurs qu’in a pris eune tôle et qu’in n’arf’ra pus ches mêmes bêtisses ! » Te sais, te pars d’euch princhipe qu’un péqué avoué i est à mitan pardonné. Ah, nin, j’ai écris ch’miot qui fait peur, à mitan ! Bion tint pis. Même chi cha part d’un bion sintiment, in va dir’te, je n’sus pon convaincue qu’ches bêtisses alles vontent ch’arrêter d’un cop d’baguette magique. Combin d’fos qu’in t’l’a sorti cheule-lal ?  Et des bêtisses, cha n’a jamais minqué. Pour paraphraser un truc connu, pus qu’hier et moins que d’main !

Mes gins, j’te laiche méditer tout cha. D’toute fachon dins un cimp com’ dins l’aute, i n’ress’ pus gramint d’timps pour réveiller ch’pus grind parti politique que l’France alle n’a jamais eu, ches abstinchionnistes. Et min Nicolas qui dit qu’sin parti i a frôlé l’catastrophe, mais qu’i in est loin, i faudrot p’t-ête qu’i compte chu ches dogts, i in a assez d’une main, que diminche i n’est pon très loin…


Le syndrome boule à facettes

Salut mes gens ! J’espère que tu vas bien ? On se sent revivre avec ce temps. Moi, je prends un an de plus, à saint Patrick, alors c’est double dose ! A priori, comme il n’y a pas d’actualités depuis quelques jours, on peut en déduire que tout va pour le mieux dans le meilleur des mondes ! Bah, oui, si l’on résume ce qui se passe, tout tourne autour des Régionales et à mon avis, on va y avoir le droit pendant encore quelque temps. Tout le reste est mis en veilleuse, comme si le temps faisait une pause…

Oui, c’est vrai, je te l’accorde, on a eu le droit à un coup de Trafalgar à la SNCF. Un TGV qui explose pour du faux, suite à une erreur d’aiguillage d’informations. Tu me diras, il vaut mieux une erreur comme cela qu’une vraie erreur d’aiguillage. Bon, en fin de compte, cela a occupé beaucoup de gens sur le Net. Imagine si l’on avait eu une information comme quoi tous les trains étaient arrivés à l’heure. Le bazar que cela aurait fait !  Il vaut mieux en rire et comme on dit : Plus de peur que de mal. Cela n’empêche pas que le coup de Trafalgar, il y en a qui sont en train de le vivre ! Bah, oui, il faut bien que l’on en parle, c’est toute l’équipe de mon Nicolas. Depuis dimanche soir, ils sont sur le pied de guerre. Mon Nicolas a organisé un débriefing après le premier tour. On aurait pu croire, vu son tempérament de feu, ses mouvements d’épaule près à rentrer dans le gras de tout le monde et sa langue, qui parle quelque fois trop vite, sans avoir compté le nombre de dents avant, que cela aurait été la fête pour certains. Mais attention, sans cotillons et serpentins, il ne faut quand même pas exagérer ! Et, non ! Au contraire, il aurait déclaré en les accueillant : « On a frôlé la catastrophe, mais on en est loin ! »

Bon sang ! Il a dû manger un cédé à son souper. Bah, non, pas celui de Calita. Tu crois que c’est le bon moment d’écouter la chanson 2 la possibilité d’une île. Je sais bien qu’il a une fâcheuse tendance à jouer les Napoléon, mais ce n’est pas son style de s’exiler comme cela ! Puis, je ne suis pas sûre que Sainte-Hélène conviendra à son teint. Plutôt une île des caraïbes. Non, il a plutôt pris celui de Lorie et a mis en boucle la positive attitude. A moins qu’il ait été coaché par Jean-Pierre Raffarin, qui a adapté son célèbre slogan : « Win the yes needs the no to win agains the no » pour en faire un truc dans le genre : « Fait semblant d’être une brèle au premier tour pour les endormir. Ils vont faire les fanfarons et ils ne vont pas se méfier. Et là, pour le second, tu mets le paquet et tu vas gagner ! » Quoi ? Ca te rappelle une autre tactique ? Bah, oui, moi aussi. Donenech après son match raté contre l’Espagne qui donne l’impression que c’est une stratégie de perdre, pour endormir l’adversaire et mieux l’avoir après. Enfin, cela m’a fait aussi penser à Rambo avec son on va tous les niquer. Même si l’on peut voir en Nicolas un Rambo en miniature, Rambi. Non pas Bambi ! Ca, c’est Disney ! Quoique la scène où il se ramasse la gueule, en extrapolant juste un peu, il y a de l’idée…

Bref, comme Rambi, pardon Rambo, mon Nicolas c’est même pas peur ! Et en bon entraîneur, il remonte le moral des troupes en ajoutant : « Malgré une crise historique et des élections de mi-mandat toujours mauvaises, il n’y a pas eu d’effondrement. » Et d’enchaîner qu’il prédit même des bonnes surprises pour le second tour. Je serais curieuse de connaître la marque de sa boule de cristal ? Soit elle est en panne, parce qu’il en manque un bout depuis qu’il a pris cela pour une boule de pétanque. Non, non, ne compte pas sur moi pour te dire qui a fait le cochonnet ! Soit, il s’est gouré et il a regardé dans une boule à facettes. Certainement un soir de fièvre, celle de ce dimanche soir. Bah, cela expliquerait bien des choses ! Avec ces facettes, il s’est vu plein de fois et il a cru qu’il s’était multiplié dans toute la France. Dans tous les départements ! Qui vient de crier : Quand il y en a un ça va, c’est quand il y en a plus…? Vraiment Brice, tu n’en loupes pas une, c’est ton pote lui pourtant ! Fais gaffe qu’à force, ce ne soit pas toi qui finisses sur une île déserte, parachuté par un charter ! Puis, tu n’y es pas, puisqu’on n’en a qu’un et que cela ne va pas non plus…

Bref, je reviens sur la boule et mon Nicolas. Tu comprends à présent pourquoi j’ai mis en titre le syndrome boule à facettes. Si tu croyais qu’on allait faire une soirée disco, c’est raté. D’autant que ce n’est pas bien de rire du malheur des autres. Parce que si comme dans la chanson, chez Boris, c’est soirée disco, chez mon Nicolas, c’est soirée fiasco ! Si je repars sur la première partie, parce que son pouvoir d’extralucide est quand même plutôt léger. Certainement trop ébloui par son image dans les facettes. Ca l’apprendra à ne pas mettre ses Ray-Ban. On peut se demander si son pouvoir de lucide tout court n’en a pas pris un coup également. C’est sûr, il dit des vérités, on est bien dans une période de crise, c’est indéniable ! Seulement des élections de mi-mandat sont toujours mauvaises et qu’il n’y a pas eu d’effondrement, si ce n’est pas un manque de lucidité, c’est quoi ?

Dans ses rangs, on n’a pas forcément écouté Lorie et on n’affiche pas une positive attitude aussi évidente. Au contraire, il y en a même un qui y va de son numéro de music-hall pour commenter, avec une ironie à peine cachée, quand les journalistes posent des questions. Et d’entonner sans hésiter pour expliquer tout ce capharnaüm un tout va très bien madame la marquise. Ca ! J’avoue que je n’y avais pas pensé, mais c’est pile-poil. Si, si, tu vas voir, je te le fais : « Allô, allô François ! Quelles nouvelles ? Absent depuis quelques jours, au bout du fil, moi, je t’appelle, que trouverais-je à mon retour ? Tout va très bien, monsieur mon Président. Tout va très bien, tout va très bien. Pourtant, il faut, il faut que l’on te dise, on déplore un tout petit rien : Un incident, une bêtise, on a l’parti qui’est dans la mouise. Mais à part ça monsieur mon Président, tout va très bien, tout va très bien ! »

Bon, je ne te fais pas tous les couplets, mais tu peux t’imaginer facilement que l’on peut faire le tour du propriétaire pour trouver un ne sait quoi qui ne va pas en France, chaque fois, pour aller jusqu’au bout de la chanson. D’autant, forcément, que c’est lui qui va prendre tous les coups. On revient à ma comparaison avec Demenech. Bernard Debré, lui, il serait même partisan de dire aux électeurs que c’est une défaite, une débandade. Il a déclaré : « On devrait dire aux électeurs que l’on a pris une tôle et qu’on ne refera plus les mêmes bêtises ! » Tu sais, tu pars du principe qu’un péché avoué est à moitié pardonné. Ah, non, j’ai écris le mot qui fait peur, à moitié ! Bon tant pis. Même si cela part d’un bon sentiment, on va dire, je ne suis pas convaincue que les bêtises vont s’arrêter d’un coup de baguette magique. Combien de fois on te l’a sorti celle-là ?  Et des bêtises, cela n’a jamais manqué. Pour paraphraser un truc connu, plus qu’hier et moins que demain !

Mes gens, je te laisse méditer tout cela. De toute façon dans un camp comme dans l’autre, il ne reste plus beaucoup de temps pour réveiller le plus grand parti politique que la France n’a jamais eu, les abstentionnistes. Et mon Nicolas qui dit que son parti a frôlé la catastrophe, mais qu’il en est loin, il faudrait peut-être qu’il compte sur ses doigts, il en a assez d’une main, que dimanche n’est pas très loin…