Chalut mes gins ! In ch’artreuve cor’ à l’aube d’un grind départ et j’espèr’te, chi ch’est tin cas, qu’te n’oublieras pon d’importer tin ordinateur portape pour garder ch’contact. Chinon, pour ches autes, in pourra toudis aller faire un tour chu ches plaches, mais j’cros qu’in n’va pon avoir b’soin d’crème solaire ch’ouiquend, mais plutôt d’un bion parapluie et, churtout, extra larche, pach’que quind cha comminche à querre, cha n’est pon pour rir’te ! Un parapluie d’pêqueux, ch’est eune bionne idée ! Infin, in n’va pon ch’laicher aller à un cop d’blues pach’que ch’timps i ne s’ra pon à ch’bieau fixe. Te sais quo qu’in dit : A l’sainte Brigitte, même ch’i drache, te gardes la frite !

I ress’ toudis ch’pochibilité d’prinde un jet privé et d’aller faire un tour chu ch’t’île d’Arros, mais ch’est parel, alle simbe n’pus ête chi paradisiaque qu’cha. In effet, ch’t’ami à mémé Liliane, François-Marie Banier, i a déclaré qu’euch caillou i étot infesté d’moustiques et qu’autour ch’étot plein d’requins. Plein d’requins, autour d’mémé Liliane, in ch’in s’rot douté quind même un peu, mais venint d’euch bouque, i parlot chertain’mint d’requins cor’ pus gros qu’li. Puich’qu’in n’oublie pon que, dins un des premiers épisotes d’eum saga à friqués, i a archu pus d’un lilliard. Oops, j’eum sus gourée ! J’voulos dir’te milliard, ch’est vrai qu’in va finir par invinter eune monnaie pour mémé Liliane chi cha continue. Chertainemint ches prémiches d’un nouvieau jeu, Bettencouropoly, d’ù qu’te peux même acater eune île ! Mais pour cha, i faut savoir nager aveuc ches requins et cha n’est pon chi fachile. Uune monnaie unique pour eune mémé unique ! Bref, j’arviens à min FMB. Même chi in sait à’ch’t’heure que ch’te île alle appartient bin à mémé Liliane, i avot intérêt à minimiser ch’t’effet paradisiaque, étant donné qu’i aurot pu l’archevoir in cadieau chins même ch’in rinde compte. Bref, ch’est un tableau peu flatteur qu’i in a dréché, chertainemint pour espliquer pourquo in n’y invitot jamais perchonne. Te parl’tes ti ! Chi ch’est pour arsortir aveuc des cloques cor’ pus grosses qu’eul bosse que fait eune inveloppe d’mémé Liliane chous eune veste, cha n’eul fait pon !

Dins ches nouvielles minutes qu’in vient d’vif’ de ch’te saga, in arvient chu Florence Woerth qui a été intindue par ches inquêteurs. Alle n’avot fait qu’pacher, mais ichi, l’schénario i ch’attarde un peu pour brosser un portrait d’alle. Pour résumer, quéques miots, pach’qu’i ch’in pache tellemint qu’in finit par tout mélinger. Sin mari, Eric Woerth, qui étot ministre d’euch budget in 2007, i aurot d’mindé à Patrice de Maistre un cop d’pouche pour ch’plan d’carrière d’euch femme. Infin, ch’ti chi i a carrémint mis ches deux pouches pach’qu’alle a quind même été imbauchée pour 140.000 euros par in aveuc eune prime d’60.000 euros et eune carette d’fonc’chion. Bah, ouais, cha laiche rêveur ! Infin, ch’étot pour gérer eune partie d’eul fortune d’mémé Liliane, ch’est dir’te chi ch’est eune tâche conchéquinte ! Alle proposot à l’époque des produits fininchiers pour eune filiale d’eul Caisse d’Epargne. Cha n’est pon ch’même serviche qu’pour ti, te dois bin t’in douter. Ti, quind te vas porter un kilo d’noziettes, alles ontent gramint d’mau à faire des tiots. Pour chint noziettes, in n’est même pon fichu d’t’in donner deux ! Alors qu’i y a d’autes serviches d’ù qu’eul récolte alle va gramint miux.

Bref, pour Florence, cha n’étot pon l’éclate. Compter toutes ches noziettes, cha comminchot à la gaver graf’. Même sin piot d’Nutella alle n’eul ravisot pus aveuc invie, ch’est dir’te ! Alle f’sot chertain’mint eune indigestion d’noziettes et cha devot ch’arsintir dins sin couple. Bah, ouais, chi Eric i a d’mindé à sin ami d’vir quo qu’i pouvot faire, ch’est pach’qu’alle devot li briser ches noziettes menues-menues tous ches soirs ! Et min Eric i avot p’t-ête invie d’acouter eune aute musique que du Tchaïkovski. Seul’mint, d’pis ch’début, Eric i crie à qui veut l’intinde qu’i n’a jamais d’mindé à Patrice de Maistre d’imbaucher ch’femme alors que, bin intindu, ch’ti chi affirme ch’contraire. Cor’ un sac d’nœuds supplémintaire, puich’que chaque fos qu’in essay’te d’réponde à eune quechtion, in ch’artreuve aveuc plusieurs autes chu ch’tapis. Toudis i est, d’autint qu’alle a démichionné au début d’eul saga, qu’alle confirme ches dires à sin mari. Tiens ! In pus, ch’est li qui fait bouillir ch’marmite à’ch’t’heure, te pinses bin qu’alle va y raviser in deux fos avint d’risquer un divorche. Alle a déclaré qu’alle a rincontré Patrice de Maistre dins ch’cadre d’sin traval, pour li proposer des noziettes d’miux. Mes gins, je n’voudros pon faire ch’mauviaisse lingue, mais sachant que Patrice et Eric is étotent amis, cha voudrot dir’te qu’alle ne ch’intéréchot pon gramint à sin mari.

In apprind auchi quo qu’alle f’sot réellemint pour mémé Liliane. Quo ? Bah, in fait, je n’in sais rin ou alors j’ai rin compris ! Alle a dit qu’alle ne ch’occupot pon d’tout ch’qui avot trait à ch’fiscal et qu’alle étot juss’ lal pour ch’occuper d’eune évaluachion d’ches produits fininchiers. Te vos, ch’est clair com’ d’l’ieau d’boudin puich’que ches produits fininchiers is sont fait pour « s’arringer » aveuc ches impôts ch’pus chouvint  ! Mais j’ai quind même fait marcher m’boîte à neurones, pach’que, cha auchi, cha ingindre gramint d’quechtions chins réponches. Alle a été imbauchée in CDI pour évaluer ches produits fininchiers. Vingt dius ! Cha veut dir’te qu’in n’sait pon combin d’timps i va durer ch’t’invintaire ! Te m’étonnes, ti, que mémé Liliane alle a des trous d’mémoire par momints et qu’alle n’sait pus chi tel ou tel truc i li appartient ou pas. Cha f’sot tros ins qu’alle étot in évaluachion et chi alle n’avot pon démichionné, alle y s’rot cor’ pour quéque timps. D’ailleurs, cha li aurot p’t-ête permis d’savoir quo pour ch’t’île, pach’que, com’ par ch’pus grind d’ches hasards, alle n’in avot jamais intindu parler ! Infin, ch’est vrai que min FMB i a parlé d’un caillou infesté par ches moustiques et méga incerclé par ches requins. Pir’te qu’Alcatraz ! Perchonne n’prête attinchion a un indrot parel et cor’ moins pour in faire d’eul pub ! Du cop, je n’peux même pon dir’te qu’Florence alle comptot ches cailloux !

Arrêter d’compter des noziettes pour compter des cailloux, je n’sais pon chi com’ plan d’carrière in n’fait pon miux. Quoque… J’artire ch’que j’viens d’dir’te ! J’sus même prête à aller compter ches brins d’herpe dins sin gardin à mémé Liliane, pour un salaire parel ! J’avos oublié ch’côté positif. Pis, cha pourrot ête pir’te ! Qu’in t’proposse un séjour chu l’île ! Te t’rinds compte, ti, aveuc tous ches moustiques ! Quo qu’i in sot, j’auros tindinche à dir’te qu’ch’est un épisote pour rin, puich’qu’in n’in sait pon vraimint pus et qu’i faudra attinde qu’Eric Woerth sot intindu pour avoir quo. Infin, cha m’étonnerot qu’i n’sot pon in accord aveuc ch’femme et qu’i n’y ait pon eu un fignolache mason, à l’mason, voire chu ch’t’oreiller. Bah, ch’est vrai, i a déclaré qu’i y a toudis eu eune muraille d’Chine intre sin métier et ch’ti d’euch femme, alors is doiv’tent faire chambe à part ! Toudis i est que même chi à ches dernières nouvielles Patrice de Maistre i a déclaré qu’Eric i avot simplemint d’minde d’rincontrer ch’femme, in peut che d’minder pourquo un cabinet d’imbauche, qui avot proposé quate cindidats pour ch’poste, i n’in a choudain pus intindu parler, a appris par ches journaux qu’ch’étot Florence qui avot été imbauchée et qu’alle n’étot pon chu leu liste…

Hé ouais, mes gins, chaque fos qu’te poses une quechtion, com’ j’l’ai dit pus haut, te t’artreuves aveuc plusieurs autes ! Tiens, cor’ un eximpe : Eric i étot chargé d’eul surveillanche fiscale des avoirs d’mémé Liliane. Est-che que Patrice i s’rot pon un intrigant qui aurot vu un moyen d’garder eune imprisse chu un ministre ? D’autint que ch’ti chi avot eune liste, cheule d’ches évadés fiscaux, dont i f’sot partie ? Et sin compte in Suisse qui n’étot pon actif, ch’ti d’eul liste, qu’est-che qu’i ne s’rot pon lal pour faire com’ ch’t’arbe, mucher eune forêt ? Quel suspense ! Quelle avinture ! Chi t’in ardemindes cor’, j’cros bin qu’te s’ras servi !

La femme de mon ami 

Salut mes gens ! On se retrouve encore à l’aube d’un grand départ et j’espère, si c’est ton cas, que tu n’oublieras pas d’emporter ton ordinateur portable pour garder le contact. Sinon, pour les autres, on pourra toujours aller faire un tour sur les plages, mais je crois que l’on ne va pas avoir besoin de crème solaire ce week-end, mais plutôt d’un bon parapluie et, surtout, extra large, parce que quand ça commence à tomber, ce n’est pas pour rire ! Un parapluie de pêcheur, c’est une bonne idée ! Enfin, on ne va pas se laisser aller à un coup de blues parce que le temps ne sera pas au beau fixe. Tu sais ce que l’on dit : A la sainte Brigitte, même s’il pleut, tu gardes la frite !

Il reste toujours la possibilité de prendre un jet privé et d’aller faire un tour sur l’île d’Arros, mais c’est pareil, elle semble ne plus être si paradisiaque que cela. En effet, l’ami de mémé Liliane, François-Marie Banier, a déclaré que ce caillou était infesté de moustiques et qu’autour c’était plein de requins. Plein de requins, autour de mémé Liliane, on s’en serait douté quand même un peu, mais venant de sa bouche, il parlait certainement de requins encore plus gros que lui. Puisqu’on n’oublie pas que, dans un des premiers épisodes de ma saga à friqués, il a reçu plus d’un lilliard. Oops, je me suis gourée ! Je voulais dire milliard, c’est vrai que l’on va finir par inventer une monnaie pour mémé Liliane si cela continue. Certainement les prémices d’un nouveau jeu, Bettencouropoly, où tu peux même acheter une île ! Mais pour cela, il faut savoir nager avec les requins et ce n’est pas si facile. Une monnaie unique pour une mémé unique ! Bref, je reviens à mon FMB. Même si l’on sait à présent que cette île appartient bien à mémé Liliane, il avait intérêt à minimiser l’effet paradisiaque, étant donné qu’il aurait pu la recevoir en cadeau sans même s’en rendre compte. Bref, c’est un tableau peu flatteur qu’il en a dressé, certainement pour expliquer pourquoi on n’y invitait jamais personne. Tu parles toi ! Si c’est pour ressortir avec des cloques encore plus grosses que la bosse que fait une enveloppe de mémé Liliane sous une veste, ça ne le fait pas !

Dans les nouvelles minutes que l’on vient de vivre de cette saga, on revient sur Florence Woerth qui a été entendue par les enquêteurs. Elle n’avait fait que passer, mais ici, le scénario s’attarde un peu pour brosser un portrait d’elle. Pour résumer, quelques mots, parce qu’il s’en passe tellement que l’on finit par tout mélanger. Son mari, Eric Woerth, qui était ministre du budget en 2007, aurait demandé à Patrice de Maistre un coup de pousse pour le plan de carrière de sa femme. Enfin, celui si a carrément mis les deux pousses parce qu’elle a quand même été embauchée pour 140.000 euros par an avec une prime de 60.000 euros et une voiture de fonction. Bah, oui, ça laisse rêveur ! Enfin, c’était pour gérer une partie de la fortune de mémé Liliane, c’est dire si c’est une tâche conséquente ! Elle proposait à l’époque des produits financiers pour une filiale de la Caisse d’Epargne. Ce n’est pas le même service que pour toi, tu dois bien t’en douter. Toi, quand tu vas porter un kilo de noisettes, elles ont beaucoup de mal à faire des petits. Pour cent noisettes, on n’est même pas fichu de t’en donner deux ! Alors qu’il y a d’autres services où la récolte va beaucoup mieux.

Bref, pour Florence, ce n’était pas l’éclate. Compter toutes ces noisettes, cela commençait à la gaver grave. Même son pot de Nutella elle ne le regardait plus avec envie, c’est dire ! Elle faisait certainement une indigestion de noisettes et cela devait se ressentir dans son couple. Bah, oui, si Eric a demandé à son ami de voir ce qu’il pouvait faire, c’est parce qu’elle devait lui briser les noisettes menues-menues tous les soirs ! Et mon Eric avait peut-être envie d’écouter une autre musique que du Tchaïkovski. Seulement, depuis le début, Eric crie à qui veut l’entendre qu’il n’a jamais demandé à Patrice de Maistre d’embaucher sa femme alors que, bien entendu, celui-ci affirme le contraire. Encore un sac de nœuds supplémentaire, puisque chaque fois que l’on essaye de répondre à une question, on se retrouve avec plusieurs autres sur le tapis. Toujours est-il, d’autant qu’elle a démissionné au début de la saga, qu’elle confirme les dires de son mari. Tiens ! En plus, c’est lui qui fait bouillir la marmite à présent, tu penses bien qu’elle va y regarder en deux fois avant de risquer un divorce. Elle a déclaré qu’elle a rencontré Patrice de Maistre dans le cadre de son travail, pour lui proposer des noisettes de mieux. Mes gens, je ne voudrais pas faire la mauvaise langue, mais sachant que Patrice et Eric étaient amis, cela voudrait dire qu’elle ne s’intéressait pas beaucoup à son mari.

On apprend aussi ce qu’elle faisait réellement pour mémé Liliane. Quoi ? Bah, en fait, je n’en sais rien ou alors je n’ai rien compris ! Elle a dit qu’elle ne s’occupait pas de tout ce qui avait trait au fiscal et qu’elle était juste là pour s’occuper d’une évaluation des produits financiers. Tu vois, c’est clair comme de l’eau de boudin, puisque les produits financiers sont fait pour « s’arranger » avec les impôts le plus souvent ! Mais j’ai quand même fait marcher ma boîte à neurones, parce que, cela aussi, cela engendre beaucoup de questions sans réponses. Elle a été embauchée en CDI pour évaluer les produits financiers. Bon sang ! Cela veut dire que l’on ne sait pas combien de temps va durer l’inventaire ! Tu m’étonnes, toi, que mémé Liliane a des trous de mémoire par moments et qu’elle ne sait plus si tel ou tel truc lui appartient ou pas. Cela faisait trois ans qu’elle était en évaluation et si elle n’avait pas démissionné, elle y serait encore pour quelque temps. D’ailleurs, cela lui aurait peut-être permis de savoir quoi pour l’île, parce que, comme par le plus grand des hasards, elle n’en avait jamais entendu parler ! Enfin, c’est vrai que mon FMB a parlé d’un caillou infesté par les moustiques et méga encerclé par les requins. Pire qu’Alcatraz ! Personne ne prête attention a un endroit pareil et encore moins pour en faire de la pub ! Du coup, je ne peux même pas dire que Florence comptait les cailloux !

Arrêter de compter des noisettes pour compter des cailloux, je ne sais pas si comme plan de carrière on ne fait pas mieux. Quoique… Je retire ce que je viens de dire ! Je suis même prête à aller compter les brins d’herbe dans le jardin de mémé Liliane, pour un salaire pareil ! J’avais oublié le côté positif. Puis, cela pourrait être pire ! Qu’on te propose un séjour sur l’île ! Tu te rends compte, toi, avec tous ces moustiques ! Quoi qu’il en soit, j’aurais tendance à dire que c’est un épisode pour rien, puisqu’on n’en sait pas vraiment plus et qu’il faudra attendre qu’Eric Woerth soit entendu pour avoir ce qu’il en est. Enfin, cela m’étonnerait qu’il ne soit pas en accord avec sa femme et qu’il n’y ait pas eu un fignolage maison, à la maison, voire sur l’oreiller. Bah, c’est vrai, il a déclaré qu’il y a toujours eu une muraille de Chine entre son métier et celui de sa femme, alors ils doivent faire chambre à part ! Toujours est-il que même si aux dernières nouvelles Patrice de Maistre a déclaré qu’Eric avait simplement demandé de rencontrer sa femme, on peut se demander pourquoi un cabinet d’embauche, qui avait proposé quatre candidats pour ce poste, n’en a soudain plus entendu parler, a appris par les journaux que c’était Florence qui avait été embauchée et qu’elle n’était pas sur leur liste…

Hé oui, mes gens, chaque fois que tu poses une question, comme je l’ai dit plus haut, tu te retrouves avec plusieurs autres ! Tiens, encore un exemple : Eric était chargé de la surveillance fiscale des avoirs de mémé Liliane. Est-ce que Patrice ne serait pas un intrigant qui aurait vu un moyen de garder une emprise sur un ministre ? D’autant que celui-ci avait une liste, celle des évadés fiscaux, dont il faisait partie ? Et son compte en Suisse qui n’était pas actif, celui de la liste, qu’est-ce qu’il ne serait pas là pour faire comme l’arbre, cacher une forêt ? Quel suspense ! Quelle aventure ! Si tu en redemandes encore, je crois bien que tu seras servi !