Chalut mes gins ! Cha va ? Pon trop gêné par ches caleurs excessives ? Qu’est-che qu’in peut trinspirer ! J’suis allée à l’boutique d’souv’nir pour querre des cartes postales et j’étos toute fraîque au biout d’quéques mètes. Bion, j’arrête min humour à trinte cintimes d’euros, à deux balles chi te préfères, mais com’ j’le disos à eune amie ch’matin, eune cosse alle est sûr’te, ch’lundi à ch’solel, du moins, ch’te s’maine, ch’est eune cosse qu’in n’aura jamais. I fait doux quind même pour un mos d’novimbe. In est bin d’vint ch’te queminée à profiter d’eul douche caleur d’eune bionne flambée. Cha laiche l’timps d’pinser à quo qu’in va bin pouvoir faire pour ches fiêtes d’fin d’année et, churtout, préparer ch’liste à ch’Père Noël ! Ouais, ouais, ch’est bion ! Je n’vais pus l’faire, promis…

In tout cas, in parlint d’liste à ch’Père Noël, mi j’sus sûr’te d’jà d’eune cosse, j’in connos un qui n’y mettra pon eune batterie d’cuisine d’chus ! Pon b’soin d’cass’role, i est bin équipé ! Hé ouais ! Dins l’série j’accroche eune cass’role d’pus alors qu’cha n’est pour l’jour d’min mariache, ch’est sin grind artour après eune bionne dizaine d’jours. Et Diu sait qu’i nous a minqué ! J’ai nommé Eric Woerth, in perchonne ! Infin, quind j’dis qu’i nous a minqué, j’imagine bin l’tiête d’gramint qui sontent auchitôt in train d’pinser : Aïe ! Combin d’millions cha a cor’ coûté ch’te fos ? Ou même, tout compte fait, in l’aurot bin cor’ oublié eune paire d’timps, cha coûte moins quer à ches caisses de ch’t’Etat ! Mes gins, j’te rassur’te, à’ch’t’heure, cha n’est pon l’grinte distribuchion d’millions. In va arvenir à des chiffes pus fachiles à maîtriser pour nou’z’autes. Pach’qu’i faut savoir qu’inte ches clopinettes qu’in connôt bin, puich’que cha nous arvient, et l’astronomique qu’ches grinds d’eul France is simbl’tent bin maîtriser, i y a tout un panel d’zéros, qu’in peut mette ou inlever, qui fontent toute l’différinche. D’ailleurs, com’ pour un trimblemint d’tierre d’ù qu’i y a ch’te fameuse équelle d’Richter, je s’ros d’avis d’créer eune équelle d’Woerth qui aurot ch’même particularité, ch’est à dir’re qu’alle est ouverte ! In clair, in peut toudis treuver eune marche pus haute jamais atteinte. Ouais, cha fait peur, mais cha n’est pon chi churréaliste qu’cha…

Toudis i est qu’eul nouvielle cass’role qu’in li coll’te au cul, in la dot cor’ à Médiapart. Is ch’sontent fait eune spéchialité d’ches fameuses soirées cabaret-karaoké, qu’is organis’tent, d’ù qu’eul seu tite bin connu, in in a d’jà parlé, i est : « Tout, tout, tout, te sauras tout chu Eric Woerth ! » Mais com’ dins tout bion cabaret, in n’oublie pon ch’consistint avint che spectaque et ches spéchialités culinaires : Cassolette de Woerth à l’chauce Florence, accompagnée d’salates fachon bionne femme imbauchée com’ tiote main. Mijoté de Woerth accompagné d’tiots millions coupés in Liliane, chervi dins eune cass’role in Or réel, pach’qu’i le vaut bin. Cass’role à la Woerth, chervie aveuc eune compréchion d’tiots millions à la César. Chins omette ches desserts, nin chervis in cass’role ceusses-lal, mais qui présint’tent bin auchi : Médaillon Légion d’Honneur et sin coulis à la Patrice de Maître. Médaillon Légion d’Honneur fachon in carette Simone, chervi aveuc eune mignonnette Peugeot. Chins oublier ch’dernier dessert d’pis quéques jours, Médaillon Légion d’Honneur fachon Bernard Godet et cha ch’risse comptape d’sin ex cimpagne. Ch’est bin gintil, mais te vas m’dir’te quind est-che qu’in bot un pot pour faire pacher tout cha ?

Just’mint, cha qué bin, in parlint d’un pot, car in va parler d’impôts et in particulier ceusses d’Eric Woerth, puich’qu’i s’agit d’euch plat d’euch jour chez Médiapart. In effet, alors qu’i étot in pleine cimpagne munichipale à Chantilly – Artiens ch’ville, cha peut chervir pour un aute dessert – i d’minde à ch’binque un prêt de 6.500 euros. J’te l’ai bin dit, ch’est des chiffes qu’in connôt pus nou’z’autes. In va dir’te un chouia chu l’équelle d’Woerth. Te vos, rin d’bin différint du pékin lambda com’ ti et mi. Auchi in li d’minde des documints, com’ toudis, et eune déclarachion d’arvenus. Ch’est lal que Médiapart i a eu l’idée d’sin plat d’euch jour, pach’qu’i n’a déclaré aucun impôts chu ch’t’arvenu ! Sachint qu’i étot ministre du budget d’pis ch’18 mai 2007 et qu’cha d’minde alle a été faite ch’2 janvier 2008, cha pourrot simbler normal étint donné qu’i y a toudis un in d’décalache. Seul’mint, v’là, chu sin formulaire d’imprunt i a déclaré ête ingénieur cadre technichien, qu’ches salaires cumulés étotent de 3.000 euros et qu’i n’payot pon d’impôt chu ches arvenus. A ch’première lecture, te dos t’faire ch’même armarque qu’mi, commint qu’i fait pour n’pon payer d’impôt aveuc 3.000 euros ? Cha, chi je l’savos, mes gins, je s’ros pus riche tout com’ ti !

Mais cha n’est pon l’seu point qui dot attirer not’ attinchion. Soit ! In peut conchidérer qu’ches 16.000 euros par mos in tant qu’ministre, cha s’ra pour l’année chuivinte. I n’in étot pon moins maire d’Chantilly aveuc eune indemnité de 2.400 euros par mos et auchi député d’l’Oise aveuc, à ch’t’époque, un salaire de 5.257,78 euros par mos, pus eune prime d’résidinche de 157,73 euros. Cha dot ête pour payer ches cafés à ch’distributeur. Ches 1.353,88 qui restent, in n’les compte pon puich’qu’is sontent défiscalisés. Hé ouais, ch’est cool ! Cha dot ête eune intichipachion d’heures supplémintaires chins impôts. Te sais, travailler pus pour gagner pus, mais ch’est dur’te à croir’te quind in vot ch’taux d’abchintéisme dins ch’t’hémicycle qu’i peut y in avoir ! Toudis i est qu’i dit à ch’binque 3.000 euros alors qu’in a pus d’euch doube in réalité ! J’arposse m’question : Commint qu’i fait pour n’pon payer d’impôts aveuc sin salaire d’misère de 7.800 euros ? Bah, ouais, te dos pinser à l’même cosse que gramint, eune niche fiscale, je n’vos qu’cha. Vingt dius, cha n’étot pon eune pour un tiot quien mais d’jà eune bielle biête !

A’ch’t’heure, d’après ch’qu’i a déclaré à l’binque, quind i fait ches comptes et qu’i déduit ches charges com’ ti et mi, électrichité, gasse, j’in pache, te connos auchi bin qu’mi ch’te liste, i n’li reste pus que 112 euros pour vifre ! Misère, misère ! Ind’chous d’euch seul d’pauvreté ! Cha a tell’mint mijoté dins ch’cass’role que prech’que tout i ch’est évaporé ! Nin, nin, te n’as pon à t’in faire pour li, ch’est un arvêtement qui n’attach’te pon et ches 112 euros i les récupère ! D’ailleurs, is sontent tellemint récupérés chins problème qu’eul binque alle li accorde sin prêt de 6.500 euros chins histoire. Cha tient d’euch miraque, étint donné qu’ti, pour imprunter, i faudrot prech’que qu’toute t’famile intière alle soy’te cauchion ! Bin intindu, interrogée chu ch’sujet, l’binque alle donn’te eune verchion qui pourrot nous faire croir’te qu’i s’agit d’gramint d’bruit pour rin, puich’qu’in fait, cha s’rot ches arvenus arrondis à Eric Woerth. Bah, ouais, cha m’parôt évidint à’ch’t’heure que je l’sais. 7.800 euros arrondis, cha fait 3.000 ! In n’avot juss’ oublié l’âche d’euch capitaine puich’qu’is ch’bas’tent uniquemint chu sin indemnité d’maire de 2.400 euros ! Ches gins d’Médiapart is sontent des moqueux d’gins ! In pus, li, i avot eune famile qui étot un garint hors pair, puich’que, com’ ch’étot pour ches élec’chions munichipales, ch’est l’Etat qui rimbours’te. Aïe ! Cha y est, cha nous coûte cor’ des ronds ! Infin, chu l’équelle d’Woerth, cha n’est pon gramint. In n’a pon à ch’plainde !

V’la mes gins d’quo i in est. A’ch’t’heure, in peut che d’minder chi, même chi in a l’impréchion qu’in a affaire à ch’pus tiote cass’role d’eul batterie et même chi in tient compte qu’eul binque alle ch’est dit qu’i étot ministre et qu’i ingringeot 16.000 euros in pus d’euch qui li restot pour vifre, à savoir 112 euros : Commint qu’i f’sot pour n’pon payer d’impôts aveuc sin salaire d’maire et ch’ti d’député ? Pis, te l’savos, ti, qu’un ministre député-maire in appelot cha ingénieur cadre technichien ? Cha ! A forche d’invinter des noms d’métier, com’ hôtesse d’caisse au lieu d’dir’te caissière, in aute, pach’que ch’est dégradint. I faut croir’te que ministre député-maire, ch’est dégradint auchi ! Bah, mi, j’te l’dis, in in apprind tous ches jours !

Salut mes gens ! Ca va ? Pas trop gêné par les chaleurs excessives ? Qu’est-ce que l’on peut transpirer ! Je suis allée à la boutique de souvenir pour chercher des cartes postales et j’étais toute mouillée au bout de quelques mètres. Bon, j’arrête mon humour à trente centimes d’euros, à deux balles si tu préfères, mais comme je le disais à une amie ce matin, une chose est sûre, le lundi au soleil, du moins, cette semaine, c’est une chose qu’on n’aura jamais. Il fait doux quand même pour un mois de novembre. On est bien devant la cheminée à profiter de la douce chaleur d’une bonne flambée. Ca laisse le temps de penser à ce que l’on va bien pouvoir faire pour les fêtes de fin d’année et, surtout, préparer la liste au Père Noël ! Oui, oui, c’est bon ! Je ne vais plus le faire, promis…

En tout cas, en parlant de liste au Père Noël, moi je suis sûre déjà d’une chose, j’en connais un qui n’y mettra pas une batterie de cuisine dessus ! Pas besoin de casserole, il est bien équipé ! Hé oui ! Dans la série j’accroche une casserole de plus alors que ce n’est pour le jour de mon mariage, c’est son grand retour après une bonne dizaine de jours. Et Dieu sait qu’il nous a manqué ! J’ai nommé Eric Woerth, en personne ! Enfin, quand je dis qu’il nous a manqué, j’imagine bien la tête de beaucoup qui sont aussitôt en train de penser : Aïe ! Combien de millions cela a encore coûté cette fois ? Ou même, tout compte fait, on l’aurait bien encore oublié une paire de temps, cela coûte moins cher aux caisses de l’Etat ! Mes gens, je te rassure, aujourd’hui, ce n’est pas la grande distribution de millions. On va revenir à des chiffres plus faciles à maîtriser pour nous. Parce qu’il faut savoir qu’entre les clopinettes que l’on connaît bien, puisque cela nous revient, et l’astronomique que les grands de la France semblent bien maîtriser, il y a tout un panel de zéros, que l’on peut mettre ou enlever, qui font toute la différence. D’ailleurs, comme pour un tremblement de terre où il y a la fameuse échelle de Richter, je serais d’avis de créer une échelle de Woerth qui aurait la même particularité, c’est à dire qu’elle est ouverte ! En clair, on peut toujours trouver une marche plus haute jamais atteinte. Oui, cela fait peur, mais ce n’est pas si surréaliste que cela…

Toujours est-il que la nouvelle casserole qu’on lui colle au cul, on la doit encore à Médiapart. Ils se sont fait une spécialité des fameuses soirées cabaret-karaoké, qu’ils organisent, où le seul titre bien connu, on en a déjà parlé, est : « Tout, tout, tout, tu sauras tout sur Eric Woerth ! » Mais comme dans tout bon cabaret, on n’oublie pas le consistant avant le spectacle et les spécialités culinaires : Cassolette de Woerth à la sauce Florence, accompagnée de salades façon bonne femme embauchée comme petite main. Mijoté de Woerth accompagné de petits millions coupés en Liliane, servi dans une casserole en Or réel, parce qu’il le vaut bien. Casserole à la Woerth, servie avec une compression de petits millions à la César. Sans omettre les desserts, non servis en casserole ceux-là, mais qui présentent bien aussi : Médaillon Légion d’Honneur et son coulis à la Patrice de Maître. Médaillon Légion d’Honneur façon en voiture Simone, servi avec une mignonnette Peugeot. Sans oublier le dernier dessert depuis quelques jours, Médaillon Légion d’Honneur façon Bernard Godet et sa cerise comptable de son ex campagne. C’est bien gentil, mais tu vas me dire quand est-ce que l’on boit un pot pour faire passer tout cela ?

Justement, ça tombe bien, en parlant d’un pot, car on va parler d’impôts et en particulier ceux d’Eric Woerth, puisqu’il s’agit du plat du jour chez Médiapart. En effet, alors qu’il était en pleine campagne municipale à Chantilly – Retiens la ville, ça peut servir pour un autre dessert – il demande à sa banque un prêt de 6.500 euros. Je te l’ai bien dit, ce sont des chiffres que l’on connaît plus nous autres. On va dire un chouia sur l’échelle de Woerth. Tu vois, rien de bien différent du pékin lambda comme toi et moi. Aussi on lui demande des documents, comme toujours, et une déclaration de revenus. C’est là que Médiapart a eu l’idée de son plat du jour, parce qu’il n’a déclaré aucun impôts sur le revenu ! Sachant qu’il était ministre du budget depuis le 18 mai 2007 et que sa demande a été faite le 2 janvier 2008, cela pourrait sembler normal étant donné qu’il y a toujours un an de décalage. Seulement, voilà, sur son formulaire d’emprunt il a déclaré être ingénieur cadre technicien, que ses salaires cumulés étaient de 3.000 euros et qu’il ne payait pas d’impôt sur les revenus. A la première lecture, tu dois te faire la même remarque que moi, comment fait-il pour ne pas payer d’impôt avec 3.000 euros ? Ca, si je le savais, mes gens, je serais plus riche tout comme toi !

Mais ce n’est pas le seul point qui doit attirer notre attention. Soit ! On peut considérer que les 16.000 euros par mois en tant que ministre, ce sera pour l’année suivante. Il n’en était pas moins maire de Chantilly avec une indemnité de 2.400 euros par mois et aussi député de l’Oise avec, à l’époque, un salaire de 5.257,78 euros par mois, plus une prime de résidence de 157,73 euros. Ce doit être pour payer les cafés au distributeur. Les 1.353,88 qui restent, on ne les compte pas puisqu’ils sont défiscalisés. Hé oui, c’est cool ! Ce doit être une anticipation d’heures supplémentaires sans impôts. Tu sais, travailler plus pour gagner plus, mais c’est dur à croire quand on voit le taux d’absentéisme dans l’hémicycle qu’il peut y en avoir ! Toujours est-il qu’il dit à sa banque 3.000 euros alors que l’on a plus du double en réalité ! Je repose ma question : Comment fait-il pour ne pas payer d’impôts avec son salaire de misère de 7.800 euros ? Bah, oui, tu dois penser à la même chose que beaucoup, une niche fiscale, je ne vois que cela. Bon sang, ce n’était pas une pour un petit chien mais déjà une belle bête !

A présent, d’après ce qu’il a déclaré à la banque, quand il fait ses comptes et qu’il déduit ses charges comme toi et moi, électricité, gaz, j’en passe, tu connais aussi bien que moi la liste, il ne lui reste plus que 112 euros pour vivre ! Misère, misère ! En dessous du seuil de pauvreté ! Ca a tellement mijoté dans la casserole que presque tout s’est évaporé ! Non, non, tu n’as pas à t’en faire pour lui, c’est un revêtement qui n’attache pas et les 112 euros il les récupère ! D’ailleurs, ils sont tellement récupérés sans problème que la banque lui accorde son prêt de 6.500 euros sans histoire. Cela tient du miracle, étant donné que toi, pour emprunter, il faudrait presque que toute ta famille entière soit caution ! Bien entendu, interrogée sur le sujet, la banque donne une version qui pourrait nous faire croire qu’il s’agit de beaucoup de bruit pour rien, puisqu’en fait, ce serait les revenus arrondis de Eric Woerth. Bah, oui, cela me paraît évident maintenant que je le sais. 7.800 euros arrondis, cela fait 3.000 ! On n’avait juste oublié l’âge du capitaine puisqu’ils se basent uniquement sur son indemnité de maire de 2.400 euros ! Les gens de Médiapart sont des moqueurs ! En plus, lui, il avait une famille qui était un garant hors pair, puisque, comme c’était pour les élections municipales, c’est l’Etat qui rembourse. Aïe ! Ca y est, ça nous coûte encore des ronds ! Enfin, sur l’échelle de Woerth, ce n’est pas beaucoup. On n’a pas à se plaindre !

Voila mes gens de quoi il en est. A présent, on peut se demander si, même si l’on a l’impression que l’on a affaire à la plus petite casserole de la batterie et même si l’on tient compte que la banque s’est dit qu’il était ministre et qu’il engrangeait 16.000 euros en plus de ce qui lui restait pour vivre, à savoir 112 euros : Comment faisait-il pour ne pas payer d’impôts avec son salaire de maire et celui de député ? Puis, tu le savais, toi, qu’un ministre député-maire on appelait cela ingénieur cadre technicien ? Ca ! A force d’inventer des noms de métier, comme hôtesse de caisse au lieu de dire caissière, en autre, parce que c’est fait dégradant. Il faut croire que ministre député-maire, c’est dégradant aussi ! Bah, moi, je te le dis, on en apprend tous les jours !