Chalut mes gins ! Ch’grind décompte i n’va pon tarder à commincher. Bye bye 2009 ! Je n’sais pon pour ti, mais je n’vais nin l’argretter, ch’t’année. Alle va m’laicher l’chouv’nir d’un énorme bazar. Eune année d’brin, quo ! Su fond d’crisse, pour n’pon arringer ches cosses. In a vécu des momints terripes. Churtout des grinds momints de n’importé quo dins ch’monte politique. Te m’diras, cha t’a permis d’pacher des bions momints ichi aveuc mi. Ch’est pon l’peine d’avoir des craintes, in va continuer à rir’te in 2010, même chi ch’est toudis jaune ! Bah, ouais, quo ! Cha m’étonn’rot gramint que, pach’qu’in atteint ch’dizaine, tout i va aller miux d’un cop ! Pis, cha m’étonn’rot auchi qu’ches cons is d’vienn’tent intelligents…

Toudis i est qu’in aurot pu ch’dir’te : In est intre Noël et nouviel in, i n’che pach’te rin ! Que nenni, mes gins ! Ches cons is sont cor’ pus cons. Chertain’mint aigris par leux tiotes vies minapes, is in profitent pour essayer d’te saper ch’moral. Heureuss’mint, j’ai été vaccinée et ch’est bin pus utile qu’pour ch’te grippe A ! Bref. T’as eune partie d’el France qui est in train d’glisser su des skis, l’deussième qui est in train d’euch faire bronzer dins eune île. L’trosième qui bosse ! I in faut bin ! Et dins cheule qui bosse, i y a d’tout. Y compris, des gins qui valid’tent des lois, et ch’est là d’ù que j’veux in v’nir. Alors, cha dot ête pour faire eune bionne transichion d’année ou ch’est pach’qu’is ontent cru qu’in allot s’innuyer pour ches réveillons. Toudis i est que ch’Conseil Constituchionnel i a invalidé ch’projet d’loi d’el taxe carbone !

Ti ! Ch’est pon l’peine d’faire l’boubourse dins tin coin ! Cha n’a rin à vir aveuc ch’papier qui permet d’faire eune copie. Chi t’in es cor’ là, ch’est qu’t’as loupé gramint d’années avint cheule-chi. In a invinté l’photocopieusse d’pis belle lurette et, à’ch’t’heure, in copie-colle com’ des babaches ! Pis, in n’aurot pon mis eune taxe su du papie carbone. Quoique, in y réfléchissant bin, i y in a d’jà eune, ch’TVA ! Parel su ch’PQ ! Pus t’in utilises, pus te donn’tes des sous à l’Etat. J’sus sûr’te qu’te raviseras tin rouleau différemment à’ch’t’heure… Bref. Un, cha va gramint contrarier ches plans d’budget à min Nicolas. Deusse, i y in a eune qui n’che sint pus pisser d’pis ch’t’annonche, ch’est Ségolène. Double raison pour qu’min Nicolas i devienn’te vert ! Un combe quind in parl’te d’carbone, avoue-le ! D’autint qu’i voulot ch’te taxe pour qu’in devienn’te verts. Ouais, j’sais qu’ch’est un peu compliqué à suif’, churtout après quéques verres ! V’lan ! L’histoire alle n’dit pon chi ches verres is sont verts ! ;-)

In même timps, cha a toudis été controversé par Ségolène. Qui ch’est qu’te veux qu’cha sot d’autes ? I faut bin qu’alle intretienn’te ch’présinche médiatique ! Alle avot dit, dès ch’départ, que ch’étot un impôt injuste au regard des familles modestes. Parinthèsse, est-che qu’i y a un impôt juste ? Infin, sin argumint étot qu’in allot payer pus quer ch’t’essinche, ch’gasse. Bizarr’mint pon ch’t’électrichité. Bah, nin ! In sait bin qu’ches centrales nucléaires alles n’pollutent pon ! A’ch’t’heure, ch’est vrai qu’in peut diffichil’mint ch’pacher d’carettes, pis d’chauffache. Pis, chi in ch’cauffot tertous à ch’bos, cha m’étonn’rot qu’in pollue moins, chins compter cor’ pus d’forêts dévastées. I y a un argumint bin pus importint qu’cha pour dir’te qu’alle n’étot pon bin étudiée et qu’i aurot fallu tourner l’lingue dins ch’bouque un peu pus long ! In effet, pour ches gros industriels, cha coûte moins quer d’payer l’aminde qui étot prévu que d’rajeunir ches installachions pour qu’alles pollutent réell’mint moins. In d’autes termes, à part faire rintrer des pépettes dins ches caisses, cha n’servot pon à grind cosse pour ch’planète !

Alors quo qui va ch’pacher ? D’jà, cha m’étonn’rot que ch’t’essinche et ch’gasse is n’augmintent pon quind même. Chi ch’est pon pour ch’carbone, cha s’ra pour aute cosse. Infin, dins un premier timps, com’ min Nicolas i est vert, in peut dir’te que sin bronzache d’Marrakech i n’li aura servi à rin ! I aurot été géant, in aurot pu l’caser dins eune pub, mais là… In n’peut même pon li donner l’rôle d’un schtroumf, ch’est nin l’bionne couleur. Donc, i va faire ch’qui est prévu. Bah, ch’est ches gins d’euch maquillache qui vontent avoir du traval, quind i va y aller avint sin passache pour ches vœux. I va falloir in mette eune sacrée couche pour qu’in artreuve un Nicolas aveuc un bieau visage rosé et l’sourire d’un infint innochint ! Chi, chi, ch’est pochipe ! Tout i est pochipe quind ch’est à l’télé…

Mais ch’te loi, alors, te m’diras ? T’inquiète pon, mes gins ! Cha m’étonn’rot gramint qu’alle pach’te à l’trappe. D’autint qu’ch’est eune taxe et ch’est nin l’ginre d’truc qui disparôt com’ par incant’mint. Bah, in f’ra com’ aveuc Hadopi. In a eu ch’t’artour aveuc Hadopi 2, pis Hadop’té. Aux dernières nouvielles, la CNIL n’est pon d’accord, donc, in f’ra chertain’mint Hadopi 3, pour rir’te cor’ in 2010. Ichi, ch’est parel, in peut aller jusqu’à carbone 13. Bah, ouais, mes gins ! Ch’quatorsse i est d’jà pris par ches momies qui n’ontent pon gardé leux extraits d’naissinche. Te vos, cha laich’te d’el marge pour avoir l’timps d’treuver une loi qui march’te et qui convienn’te à tertous. Infin, sauf à nou’z’aute, pach’que cha m’étonn’rot qu’cha sot à not’ avintache !

Te vos, mes gins, te n’as vraimint pon à t’in faire chi t’as peur de n’pon avoir matière à rir’te l’année prochaine ! Ch’est chins compter su ch’monte politique qui est là et qui pinse même à n’pon faire eune pausse pindint ch’trêf’ d’ches confiseurs. A cha, in va bin treuver quéques pipoles à ch’mette chous l’dint et quéques drôl’teries ! Bah, i n’me ress’ pus qu’à t’chouhaiter eune bionne année 2010, mes gins !

Carbone 14, pas encore, mais 2 certainement !

Salut mes gens ! Le grand décompte ne va pas tarder à commencer. Bye bye 2009 ! Je ne sais pas pour toi, mais je ne vais pas la regretter, cette année. Elle va me laisser le souvenir d’un énorme bazar. Une année de brin, quoi ! Sur fond de crise, pour ne pas arranger les choses. On a vécu des moments terribles. Surtout des grands moments de n’importe quoi dans le monde politique. Tu me diras, cela t’a permis de passer des bons moments ici avec moi. Ce n’est pas la peine d’avoir des craintes, on va continuer à rire en 2010, même si c’est toujours jaune ! Bah, oui, quoi ! Cela m’étonnerait beaucoup que, parce que l’on atteint la dizaine, tout va aller mieux d’un coup ! Puis, cela m’étonnerait aussi que les cons deviennent intelligents…

Toujours est-il que l’on aurait pu se dire : On est entre Noël et nouvel an, il ne se passe rien ! Que nenni, mes gens ! Les cons sont encore plus cons. Certainement aigris par leurs petites vies minables, ils en profitent pour essayer de te saper le moral. Heureusement, j’ai été vaccinée et c’est bien plus utile que pour cette grippe A ! Bref. Tu as une partie de la France qui est en train de glisser sur des skis, la deuxième qui est en train de se faire bronzer dans une île. La troisième qui bosse ! Il en faut bien ! Et dans celle qui bosse, il y a de tout. Y compris, des gens qui valident des lois, et c’est là où je veux en venir. Alors, cela doit être pour faire une bonne transition d’année ou c’est parce qu’ils ont cru que l’on allait s’ennuyer pour les réveillons. Toujours est-il que le Conseil Constitutionnel a invalidé le projet de loi de la taxe carbone !

Toi ! Ce n’est pas la peine de faire le bêta dans ton coin ! Cela n’a rien à voir avec le papier qui permet de faire une copie. Si tu en es encore là, c’est que tu as loupé beaucoup d’années avant celle-ci. On a inventé la photocopieuse depuis belle lurette et, maintenant, on copie-colle comme des malades ! Puis, on n’aurait pas mis une taxe sur du papier carbone. Quoique, en y réfléchissant bien, il y en a déjà une, la TVA ! Pareil sur le PQ ! Plus tu en utilises, plus tu donnes des sous à l’Etat. Je suis sûre que tu regarderas ton rouleau différemment à présent… Bref. Un, cela va beaucoup contrarier les plans de budget de mon Nicolas. Deux, il y en a une qui ne se sent plus pisser depuis l’annonce, c’est Ségolène. Double raison pour que mon Nicolas devienne vert ! Un comble quand on parle de carbone, avoue-le ! D’autant qu’il voulait cette taxe pour que l’on devienne verts. Oui, je sais, c’est un peu compliqué à suivre, surtout après quelques verres ! V’lan ! L’histoire ne dit pas si les verres sont verts ! ;-)

En même temps, cela a toujours été controversé par Ségolène. Qui veux-tu que ce soit d’autres ? Il faut bien qu’elle entretienne sa présence médiatique ! Elle avait dit, dès le départ, que c’était un impôt injuste au regard des familles modestes. Parenthèse, est-ce qu’il y a un impôt juste ? Enfin, son argument était que l’on allait payer plus cher l’essence, le gaz. Bizarrement pas l’électricité. Bah, non ! On sait bien que les centrales nucléaires ne polluent pas ! Maintenant, c’est vrai que l’on peut difficilement se passer de voitures, puis de chauffage. Puis, si l’on se chauffait tous au bois, cela m’étonnerait que l’on pollue moins, sans compter encore plus de forêts dévastées. Il y a un argument bien plus important que cela pour dire qu’elle n’était pas bien étudiée et qu’il aurait fallu tourner la langue dans la bouche un peu plus longtemps ! En effet, pour les gros industriels, cela coûte moins cher de payer l’amende qui était prévu que de rajeunir les installations pour qu’elles polluent réellement moins. En d’autres termes, à part faire rentrer des pépettes dans les caisses, cela ne servait pas à grand chose pour la planète !

Alors que va-t-il se passer ? Déjà, cela m’étonnerait que l’essence et le gaz n’augmentent pas quand même. Si ce n’est pas pour le carbone, cela sera pour autre chose. Enfin, dans un premier temps, comme mon Nicolas est vert, on peut dire que son bronzage de Marrakech ne lui aura servi à rien ! Il aurait été géant, on aurait pu le caser dans une pub, mais là… On ne peut même pas lui donner le rôle d’un schtroumf, ce n’est pas la bonne couleur. Donc, il va faire ce qui est prévu. Bah, ce sont les gens du maquillage qui vont avoir du travail, quand il va y aller avant son passage pour ses vœux. Il va falloir en mettre une sacrée couche pour que l’on retrouve un Nicolas avec un beau visage rosé et le sourire d’un enfant innocent ! Si, si, c’est possible ! Tout est possible quand c’est à la télé…

Mais cette loi, alors, tu me diras ? T’inquiète pas, mes gens ! Cela m’étonnerait beaucoup qu’elle passe à la trappe. D’autant que c’est une taxe et ce n’est pas le genre de truc qui disparaît comme par enchantement. Bah, on fera comme avec Hadopi. On a eu le retour avec Hadopi 2, puis Hadop’té. Aux dernières nouvelles, la CNIL n’est pas d’accord, donc, on fera certainement Hadopi 3, pour rire encore en 2010. Ici, c’est pareil, on peut aller jusqu’à carbone 13. Bah, oui, mes gens ! Le quatorze est déjà pris par les momies qui n’ont pas gardé leurs extraits de naissance. Tu vois, cela laisse de la marge pour avoir le temps de trouver une loi qui marche et qui convienne à tous. Enfin, sauf à nous autres, parce que cela m’étonnerait que ce soit à notre avantage !

Tu vois, mes gens, tu n’as vraiment pas à t’en faire si tu as peur de ne pas avoir matière à rire l’année prochaine ! C’est sans compter sur le monde politique qui est là et qui pense même à ne pas faire une pause pendant la trêve des confiseurs. A cela, on va bien trouver quelques peoples à se mettre sous la dent et quelques drôleries ! Bah, il ne me reste plus qu’à te souhaiter une bonne année 2010, mes gens !