Chalut mes gins ! J’espèr’te que t’as bin profité d’tin ouiquend et que ch’bieau timps, même ch’i y avot un peu d’moutons dins ch’bleu du ciel, i a permis d’archarger tes batteries. Mi, j’in ai profité un max, min  bronzache i est à ch’top niveau ! Ch’est vrai qu’aveuc tout cha, in d’autres termes, aveuc ches dogts d’pids in évintal, je n’ai pon vraimint chuivi quo qui ch’pachot dins ch’pays et ailleurs, alors j’sus quée d’min lit un peu pus tôt rin qu’pour ti ! Quo qu’in a bin pu louper com’ nouvielles importintes pindint deux jours ? A’ch’t’heure, ch’est ch’rintrée d’euch gouvernemint. Cha n’va pon minquer d’bouger, ch’est sûr’te, mais i simbe qu’in a eu l’drot à quéques tours d’écauffemint. Com’ eune sorte d’répétichion avint ches grintes offinsives ! Bah, ouais ! Cha arrive juss’ après ches grintes marées et cha fait parel d’ailleurs, cha détraque ch’climat. Chi tint est qu’i puiche exister eune saison bieau fixe dins ch’monte-lal ! Alors, ch’est parti, v’là un résumé d’eul situachion chi t’as loupé un épisode, voire deux…

Ch’climat i est tindu com’ l’élastique d’un stringe, ch’est dir’te, d’pis qu’min Nicolas i a donné l’ordre de déminteler ches cimps d’roms illégaux et qu’i a arnouvelé sin discours chu l’inchécurité. Infin, cha, in a d’jà eu l’occasion d’eul vir insimpe. Chi t’étos in vacinches, te peux toudis arlire ches préchédints artiques. Tout i simbe pourtint avoir pris eune aute diminchion d’pis qu’euch premier avion i a décollé aveuc ches roms qui, com’ Brice i n’arrête pon d’eul claironner, is sontent tertous volontaires pour arpartir. In ch’imagine très bin quo qu’in peut les faire canter, dins ch’t’avion, pour faire paraîte ch’trajet moins long. Te sais à l’instar d’un bus qui ch’in va in colo : « J’irai arvir ma Roumanie, ch’est le pays qui m’a donné che jour… » Bah ouais, j’sais ! Ch’est moyenn’mint drôl’te d’rir’te d’ches cosses-lal, mais imagine plutôt l’guiffe à Brice et à min Nicolas d’vint eune chorale parelle. Is in s’rotent baba ! Tiens, v’là auchi un indrot d’ù qu’i y a d’euch monte à virer. I faut qu’is fass’tent ch’tour d’ches pâticheries. Fini ches Babas aux roms ! Nin mais, te n’cros pon qu’is vontent squatter ches vitrines cor’ longtimps !

D’pis ch’ouiquend, par conte, Brice et min Nicolas is doiv’tent faire pus attinchion à ches religieusses, ch’is n’veul’tent pon rester com’ deux ronds d’flan. Cha n’est pon un Paris-Brest dins l’quel in va les mette, eusses, mais directemint dins un Paris-Infer. In effet, is vienn’tent d’euch faire rappeler à l’ordre par ch’Pape. Bah, ouais ! Ch’ti-chi i est gramint moins rapite pour prinde l’parole quind i s’agit d’parler d’prêtres qui jou’tent à touche pipi. I faut croir’te qu’eul sort d’Rom i l’interpell’te gramint pus. Oops ! Faire des mauviais jeux d’miots aveuc cha i va m’valoir d’aller griller in infer, j’sus sûr’te. Bah, au moins, je s’ros aveuc gramint d’monte que j’connos d’jà ! J’pourrai continuer à faire des artiques chu eusses. Mais chi, i y a auchi Internet là-bas ! Chinon pourquo qu’te pinses qu’i y a eune pub qui dit qu’chi in a frit, in a tout compris ! Toudis i est qu’cha va assez loin quind même. J’vais m’faire l’avocat d’euch diape. Euh, ch’ti d’min Nicolas in tout cas ! Qui ch’est qui vient d’dir’te ch’est kif ? Perchonne ? Ouh la ! V’là qu’à’ch’t’heure j’intinds des vox. Bref. Ch’prêtre lillois qui a archu l’Orde nachional d’euch mérite, ch’Père Arthur Hervet, pour sin ac’chion invers les minorités in règue générale, nin seul’mint i chouhaite rinde sin ordre, mais i a carrémint dit qu’i priot pour qu’min Nicolas i ait eune crise cardiaque, avint d’ajouter que ch’viel homme i dot mourir !

Te vos, i n’y a pon qu’mi qui vais finir in infer pach’que, chi cha fachon d’dir’te qu’i n’étot pon d’accord aveuc ch’politique chécuritaire alle simblot ête bin accueillie par ches paroichiens. Même chi in rindint sin Orde nachional in peut appeler cha un désorde nachional, cosse qu’in savot d’jà d’pis un chertain timps. Cha les a quind même arfrodis, quind i a chouhaité ch’mort à min Nicolas. Infin je n’sais pon chi ch’terme d’arfrodi i est adéquat ? In pus, un viel homme, li qui est cor’ frais com’ un guidon ! Euh, j’voulos dir’te un gardon ! J’eum sus gourée à causse d’sin explot sportif pindint ches vacinches. Tiens, la Ginette et ches beignets d’courgette, parel : un direct pour l’infer ! Ch’est à causse d’alle qu’i n’a pon claqué eune durite pindint l’effort. Alle a contrarié ches plans à ch’Père qui priot com’ un babache. Pis, qué moqueux d’gins ch’ti-lal ! Un viel homme alors qui sor’te aveuc eune top model ! Jaloux, va ! Toudis i est qu’i a dû ch’rinde compte qu’i avot fait com’ Maurice, dépaché ches bornes des limites, car i a dit après qu’i chouhaitot simpl’mint qu’Diu i parl’te à sin cœur à min Nicolas. Hé bé ichi, in n’a pon fini ! A’ch’t’heure v’là qu’i va nous sortir chins arrêt ch’est Diu qui m’a parlé ! I n’minquot pus qu’cha ! In même timps, j’ai bin peur qu’i s’rot pus capape d’dir’te : J’eum sus parlé à mi-même…

Pour résumer, in peut espérer tout d’même que ch’Père Hervet i pinsot pus à ch’mort politique à min Nicolas. D’ailleurs, chi in in crot un sondache paru à’ch’t’heure dins Libération, 55% des Français is aurotent dit amen chi ch’est bin à ch’prière-lal qu’i f’sot allusion. Ch’est ch’qu’i in découl’te d’euch nombe d’gins qui voterotent à gauche in 2012. Com’ le choulign’te Viavoice qui a fait ch’t’étute, in est cor’ à deux ins, i peut ch’in pacher des cosses. D’autint qu’is concluent par un deuxième chiffe, 57%, qui correspond à ches gins qui dis’tent qu’eul gauche alle n’aurot pon fait miux. Que d’toute fachon, concluent ches spéchialistes, ches français is n’fontent pus vraimint confianche à ches politiques, qu’is soy’tent d’drote ou d’gauche ! Bah ouais, i a fallu un sondache pour publier ch’que tertous i savot d’jà d’pis longtimps ! L’seu qui simbe ch’in tirer à peu près bin, ch’est DSK qui est plébiscité à 44% pour faire un nouvieau présidint. J’ai invie d’dir’te com’ eusses, in est à deux ins, pach’qu’is ajoutent après qu’ch’est pach’qu’i n’fait pon parler d’li qu’ches Français is ch’méfient mois. Te parl’tes, ti, d’un drôl’te d’sondache ! Chi in in vot eune paire qui d’vienn’tent muets com’ des carpes, in saura à’ch’t’heure qu’ch’est eune tactique pour nous indormir cor’ pus qu’ches bieaux discours. Ah, ch’est simpe !

Aute grind évènemint d’euch ouiquend, ch’est sin grind artour, Ségolène in perchonne. Bah, ouais, ch’est con pour alle ! Alle n’a pon dû vir che sondache avint, chinon alle s’rot restée muette cor’ un tiot biout d’timps ! Toudis i est qu’alle ch’in prind auchi à l’politique chécuritaire à min Nicolas. Alle treuve que ch’politique alle produit d’eul violinche in ch’appuyant chu ches chiffes d’ches agréchions chu ches perchonnes qui ontent augminté. Tiens donc ! Alle n’a pon pris ches chiffes qui ontent diminué, Brice i va faire l’guiffe li-auchi. Quind in li d’minde ches soluchions d’euch PS, alle ch’imprèche d’dir’te qu’alle avot fait des proposichions très claires in 2007. Et d’ajouter auchitôt qu’alle chouhaite qu’in arprenn’te ches socluchions et qu’in les développ’te pach’qu’alle treuve qu’i y a une politique laxiste. Cha ! Nin seul’mint in n’l’a pon acoutée in 2007, mais ches camarates nin pus alors qu’alle a ches soluchions. In n’avot oublié auchi que Ségolène alle a deux ennemis et ch’i y in a un qui ch’in prind plein l’guiffe pach’qu’i li a volé eune victoire, i y in a eune deuxième qui n’vaut pon miux à ches zis, pach’qu’alle li a volé che s’conde, alors qu’alle avot fait tout un show à l’américaine ! Toudis i est qu’ches soluchions alles sontent lal, près à archervir quind i le faudra. Dins sin frigidaire, mes gins ! In avot oublié d’pis l’timps qu’alle mettot tout au frais et qu’i n’y a pus qu’à les arsortir ! L’chécurité durape et l’ordre juste, cha ch’appell’te. In même timps, histoire d’foutre ch’brin mi auchi, eune chécurité non durape, cha n’est pon d’eul chécurité…

Bah v’là, t’in sais à peu près autint qu’mi chu ch’qu’in a loupé d’euch ouiquend. A’ch’t’heure, ch’est ch’moins qu’in puiche dir’te, cha sint l’rintrée et, à min avis, cha va cartonner fort ! In a intérêt à bin ch’accrocher pach’que ches batalles ringées alles n’fontent que commincher. In pus, chi ches curés i ch’mettent d’eul partie eusses-auchi, cha nous promet d’bions miots…

Revue de presse d’un week-end

Salut mes gens ! J’espère que tu as bien profité de ton week-end et que le beau temps, même s’il y avait un peu de moutons dans le bleu du ciel, a permis de recharger tes batteries. Moi, j’en ai profité un max, mon  bronzage est au top niveau ! C’est vrai qu’avec tout cela, en d’autres termes, avec les doigts de pieds en éventail, je n’ai pas vraiment suivi ce qui se passait dans le pays et ailleurs, alors je suis tombée de mon lit un peu plus tôt rien que pour toi ! Qu’a-t-on bien pu louper comme nouvelles importantes pendant deux jours ? Aujourd’hui, c’est la rentrée du gouvernement. Ce ne va pas manquer de bouger, c’est sûr, mais il semble que l’on a eu le droit à quelques tours d’échauffement. Comme une sorte de répétition avant les grandes offensives ! Bah, oui ! Ca arrive juste après les grandes marées et ça fait pareil d’ailleurs, ça détraque le climat. Si tant est qu’il puisse exister une saison beau fixe dans ce monde-là ! Alors, c’est parti, voilà un résumé de la situation si tu as loupé un épisode, voire deux…

Le climat est tendu comme l’élastique d’un string, c’est dire, depuis que mon Nicolas a donné l’ordre de démanteler les camps de roms illégaux et qu’il a renouvelé son discours sur l’insécurité. Enfin, ça, on a déjà eu l’occasion de le voir ensemble. Si tu étais en vacances, tu peux toujours relire les précédents articles. Tout semble pourtant avoir pris une autre dimension depuis que le premier avion a décollé avec les roms qui, comme Brice n’arrête pas de le claironner, sont tous volontaires pour repartir. On s’imagine très bien ce que l’on peut les faire chanter, dans l’avion, pour faire paraître le trajet moins long. Tu sais à l’instar d’un bus qui s’en va en colo : « J’irai revoir ma Roumanie, c’est le pays qui m’a donné le jour… » Bah oui, je sais ! C’est moyennement drôle de rire de ces choses-là, mais imagine plutôt la tête de Brice et de mon Nicolas devant une chorale pareille. Ils en seraient baba ! Tiens, voilà aussi un endroit où il y a du monde à virer. Il faut qu’ils fassent le tour des pâtisseries. Fini les Babas aux roms ! Non mais, tu ne crois pas qu’ils vont squatter les vitrines encore longtemps !

Depuis ce week-end, par contre, Brice et mon Nicolas doivent faire plus attention aux religieuses, s’ils ne veulent pas rester comme deux ronds de flan. Ce n’est pas un Paris-Brest dans lequel on va les mettre, eux, mais directement dans un Paris-Enfer. En effet, ils viennent de se faire rappeler à l’ordre par le Pape. Bah, oui ! Celui-ci est beaucoup moins rapide pour prendre la parole quand il s’agit de parler de prêtres qui jouent à touche pipi. Il faut croire que le sort de Rom l’interpelle beaucoup plus. Oops ! Faire des mauvais jeux de mots avec ça va me valoir d’aller griller en enfer, je suis sûre. Bah, au moins, je serais avec beaucoup de monde que je connais déjà ! Je pourrai continuer à faire des articles sur eux. Mais si, il y a aussi Internet là-bas ! Sinon pourquoi penses-tu qu’il y a une pub qui dit que si l’on a frit, on a tout compris ! Toujours est-il que cela va assez loin quand même. Je vais me faire l’avocat du diable. Euh, celui de mon Nicolas en tout cas ! Qui vient de dire c’est kif ? Personne ? Ouh la ! Voilà qu’à présent j’entends des voix. Bref. Le prêtre lillois qui a reçu l’Ordre national du mérite, le Père Arthur Hervet, pour son action envers les minorités en règle générale, non seulement il souhaite rendre son ordre, mais il a carrément dit qu’il priait pour que mon Nicolas ait une crise cardiaque, avant d’ajouter que le vieil homme doit mourir !

Tu vois, il n’y a pas que moi qui vais finir en enfer parce que si sa façon de dire qu’il n’était pas d’accord avec la politique sécuritaire semblait être bien accueillie par les paroissiens. Même si en rendant son Ordre national on peut appeler cela un désordre national, chose que l’on savait déjà depuis un certain temps. Ca les a quand même refroidis, quand il a souhaité la mort de mon Nicolas. Enfin je ne sais pas si le terme de refroidi est adéquat ? En plus, un vieil homme, lui qui est encore frais comme un guidon ! Euh, je voulais dire un gardon ! Je me suis gourée à cause de son exploit sportif pendant les vacances. Tiens, la Ginette et ses beignets de courgette, pareil : un direct pour l’enfer ! C’est à cause d’elle qu’il n’a pas claqué une durite pendant l’effort. Elle a contrarié ses plans au Père qui priait comme un malade. Puis, quel moqueur celui-là ! Un vieil homme alors qui sort avec une top model ! Jaloux, va ! Toujours est-il qu’il a dû se rendre compte qu’il avait fait comme Maurice, dépassé les bornes des limites, car il a dit après qu’il souhaitait simplement que Dieu parle au cœur de mon Nicolas. Hé bé ici, on n’a pas fini ! Maintenant voilà qu’il va nous sortir sans arrêt c’est Dieu qui m’a parlé ! Il ne manquait plus que cela ! En même temps, j’ai bien peur qu’il serait plus capable de dire : Je me suis parlé à moi-même…

Pour résumer, on peut espérer tout de même que le Père Hervet pensait plus à la mort politique à mon Nicolas. D’ailleurs, si on en croit un sondage paru aujourd’hui dans Libération, 55% des Français auraient dit amen si c’est bien à cette prière-là qu’il faisait allusion. C’est ce qu’il en découle du nombre de gens qui voteraient à gauche en 2012. Comme le souligne Viavoice qui a fait l’étude, on est encore à deux ans, il peut s’en passer des choses. D’autant qu’ils concluent par un deuxième chiffre, 57%, qui correspond aux gens qui disent que la gauche n’aurait pas fait mieux. Que de toute façon, concluent les spécialistes, les Français ne font plus vraiment confiance aux politiques, qu’ils soient de droite ou de gauche ! Bah oui, il a fallu un sondage pour publier ce que tout le monde savait déjà depuis longtemps ! Le seul qui semble s’en tirer à peu près bien, c’est DSK qui est plébiscité à 44% pour faire un nouveau président. J’ai envie de dire comme eux, on est à deux ans, parce qu’ils ajoutent après que c’est parce qu’il ne fait pas parler de lui que les Français se méfient mois. Tu parles, toi, d’un drôle de sondage ! Si on en voit une paire qui deviennent muets comme des carpes, on saura aujourd’hui que c’est une tactique pour nous endormir encore plus que les beaux discours. Ah, c’est simple !

Autre grand évènement du week-end, c’est son grand retour, Ségolène en personne. Bah, oui, c’est con pour elle ! Elle n’a pas dû voir ce sondage avant, sinon elle serait restée muette encore un petit bout de temps ! Toujours est-il qu’elle s’en prend aussi à la politique sécuritaire de mon Nicolas. Elle trouve que sa politique produit de la violence en s’appuyant sur les chiffres des agressions sur les personnes qui ont augmenté. Tiens donc ! Elle n’a pas pris les chiffres qui ont diminué, Brice va faire la tronche lui-aussi. Quand on lui demande les solutions du PS, elle s’empresse de dire qu’elle avait fait des propositions très claires en 2007. Et d’ajouter aussitôt qu’elle souhaite qu’on reprenne ses solutions et qu’on les développe parce qu’elle trouve qu’il y a une politique laxiste. Ca ! Non seulement on ne l’a pas écoutée en 2007, mais ses camarades non plus alors qu’elle a les solutions. On n’avait oublié aussi que Ségolène a deux ennemis et s’il y en a un qui s’en prend plein la gueule parce qu’il lui a volé une victoire, il y en a une deuxième qui ne vaut pas mieux à ses yeux, parce qu’elle lui a volé la seconde, alors qu’elle avait fait tout un show à l’américaine ! Toujours est-il que ses solutions sont là, près à resservir quand il le faudra. Dans son frigidaire, mes gens ! On avait oublié depuis le temps qu’elle mettait tout au frais et qu’il n’y a plus qu’à les ressortir ! La sécurité durable et l’ordre juste, cela s’appelle. En même temps, histoire de foutre le brin moi aussi, une sécurité non durable, ce n’est pas de la sécurité…

Bah voilà, tu en sais à peu près autant que moi sur ce que l’on a loupé du week-end. A présent, c’est la moins que l’on puisse dire, ça sent la rentrée et, à mon avis, ça va cartonner fort ! On a intérêt à bien s’accrocher parce que les batailles rangées ne font que commencer. En plus, si les curés se mettent de la partie eux-aussi, ça nous promet de bons mots…